16/09/2025
Galaxy Z Fold7 | Flip7 တွေမှာပါ ပါဝင်လာတဲ့ Samsung ရဲ့ နောက်ဆုံးပေါ် Galaxy Experience ကို ဘယ်စမတ်ဖုန်းနဲ့မဆို ”Try Galaxy” နဲ့ စမ်းသပ်သုံးစွဲနိုင်ပြီ
စက်တင်ဘာလ (၁၆) ရက်၊ ၂၀၂၅ ခုနှစ်၊ ရန်ကုန်၊ မြန်မာ - Samsung Electronics ကနေ Samsung Galaxy Experience ကို iOS နဲ့ အခြား Andriod စမတ်ဖုန်း အသုံးပြုသူများပါ စမ်းသပ်ခံစားနိုင်ဖို့အတွက် ပြုလုပ်ပေးထားတဲ့ “Try Galaxy” မှာ Galaxy Z Fold7 နဲ့ Flip7 တို့ရဲ့ နောက်ဆုံးပေါ် Galaxy သုံးစွဲမှုအတွေ့အကြုံတွေကိုပါ စမ်းသပ်သုံးစွဲကြည့်နိုင်ပြီ ဖြစ်ပါတယ်။
Samsung မဟုတ်တဲ့ ဖုန်းအမျိုးအစားတွေကို အသုံးပြုနေသူတွေ အနေနဲ့ နောက်ဆုံး Update Version အနေနဲ့ ထွက်ရှိထားတဲ့ Try Galaxy ကို www.trygalaxy.com ကနေ ဝင်ရောက်အသုံးပြုမယ်ဆိုရင် Galaxy Z Fold7 နဲ့ Flip7 တို့မှာပါဝင်လာတဲ့ နောက်ဆုံးပေါ် One UI 8 ရဲ့ User Interface ပုံစံအသွင်အပြင်အတိုင်း မိမိဖုန်းမှာ မြင်တွေ့ရနိုင်မှာဖြစ်ပြီး Wallpaper, Theme, Icon အစရှိတာတွေကို Samsung ဖုန်းမှာကဲ့သို့ နှစ်သက်သလို ပြောင်းလဲအသုံးပြုကြည့်နိုင်မှာပါ။ ဒါ့အပြင် Galaxy AI လုပ်ဆောင်ချက်တွေဖြစ်တဲ့ Photo Assist၊ Audio Eraser၊ Now Brief၊ Instant Slow-mo၊ Gemini Live နဲ့ Circle to Search စတဲ့ နောက်ဆုံးပေါ် လုပ်ဆောင်ချက်တွေကိုလည်း ခံစားကြည့်ရှုနိုင်မှာဖြစ်ပါတယ်။ Galaxy Watch8 Series၊ Watch Ultra နဲ့ Galaxy Buds3 အသစ်တွေ အပါအဝင် Galaxy Wearable ထုတ်ကုန်တွေနဲ့ ချိတ်ဆက်အသုံးပြုရင်း ရနိုင်မယ့် Galaxy Ecosystem Experience ကိုလည်း ရရှိနိုင်ပါသေးတယ်။
Galaxy Z Fold7 နဲ့ Flip7 သုံးစွဲမှုအတွေ့အကြုံအတွက် 3D Interaction Experience ကို ရရှိနိုင်ပြီး Galaxy Z Fold7 အပါအဝင် Samsung ရဲ့ ခေါက်စမတ်ဖုန်းတွေကို အသုံးပြုရင် ရရှိနိုင်မယ့် Foldable Experience ကိုလည်း ဖုန်း ၂ လုံးပေါင်းစပ်အသုံးပြုပြီး စမ်းသပ်နိုင်ဦးမှာပါ။ Galaxy Z Fold7 ရဲ့ ကင်မရာသုံးစွဲမှုအတွေ့အကြုံကိုလည်း Camera Demo ကနေ ကြည့်ရှုနိုင်ပါဦးမယ်။
“Try Galaxy” ကို Android ဖုန်းတွေအပြင် iOS ဖုန်းတွေမှာပါ ရယူအသုံးပြုနိုင်မှာဖြစ်ပြီး အသေးစိတ်သိရှိလိုပါက Samsung Myanmar ရဲ့ တရားဝင် page မှာ ဝင်ရောက်ကြည့်ရှုမေးမြန်းနိုင်မှာဖြစ်ပါတယ်။
--
Samsung Electronics Co., Ltd. အကြောင်း
Samsung Electronics Co., Ltd. သည် အနာဂတ်ကို ဖော်ဆောင်ပုံသွင်းနိုင်ရန် စိတ်ကူးညဏ်များ၊ နည်းပညာများဖြင့် ပုံဖော်နေပြီး တစ်ကမ္ဘာလုံးတွင် တီဗွီများ၊ Digital Signage များ၊ စမတ်ဖုန်းများ၊ ဝတ်ဆင်နိုင်သည့် နည်းပညာထုတ်ကုန်များ၊ Tablet များ၊ အိမ်သုံးလျှပ်စစ်ပစ္စည်းများ၊ ကွန်ယက်ဆက်သွယ်ရေးစနစ်များနှင့် ဖုန်းတွင်းမှတ်ဉာဏ်၊ LSI စနစ် နှင့် Foundry များကို ဖန်တီးထုတ်လုပ်လျက် ရှိပါသည်။ ထို့အပြင် Samsung သည် ဆေးဘက်ဆိုင်ရာ ပုံရိပ်ဖော်နည်းပညာများ၊ HVAC Solutions များ နှင့် စက်ရုပ်တီထွင်မှုနည်းပညာများကို ပိုမိုတိုးတက်အောင် တီထွင်ဖန်တီးလျက်ရှိပြီး၊ ဆန်းသစ်တီထွင်သော မော်တော်ယာဉ်နည်းပညာနှင့် အသံပိုင်းဆိုင်ရာနည်းပညာထုတ်ကုန်များကိုလည်း Harman မှတစ်ဆင့် ဖန်တီးထုတ်လုပ်နေပါသည်။ Samsung ၏ SmartThings Ecosystem၊ မိတ်ဖက်ကုမ္ပဏီများနှင့် ပူးပေါင်းဆောင်ရွက်မှုများ၊ စုံလင်သော ထုတ်ကုန်အမျိုးအစားများစွာတွင် AI နည်းပညာကို ထည့်သွင်းပေါင်းစပ်ပေးမှုများဖြင့် Samsung သည် လွယ်ကူချောမွေ့ပြီး အဆင့်မြင့်သော ဆက်သွယ်ချိတ်ဆက်မှု အတွေ့အကြုံကို ဖန်တီးဖော်ဆောင်ပေးလျက်ရှိပါသည်။ ပိုမိုပြည့်စုံစွာ သိရှိုနိုင်ရန်နှင့် နောက်ဆုံးထွက် သတင်းများ၊ လုပ်ဆောင်ချက်ဆိုင်ရာ ဆောင်းပါးများနှင့် သတင်းထုတ်ပြန်ချက်များကို သိရှိနိုင်ရန်အတွက် http://news.samsung.com သို့မဟုတ် https://samsung.com/mm တွင် ဝင်ရောက်ကြည့်ရှုလေ့လာနိုင်သည်။
