17/04/2025
❝ ဂျပန်အနာဂတ်ပညာရေး ❞
ပြုပြင်ပြောင်းလဲတော့မည့် ဂျပန်နိုင်ငံပညာရေးစနစ်သည် အတုယူစရာဖြစ်သည်။ ပြောင်းလဲသည် ဆိုရာ တွင်လည်း ၁၉ ရာစု သင်နည်းကို ၂၀ ရာစုသင်နည်းလောက်အဆင့် ပြောင်းလဲခြင်းမဟုတ်။ ခေတ်အမြင်၊ ခေတ်အတွေး၊ ခေတ်မီစွာဖြင့် တော်လှန်သော ၂၁ ရာစုပြောင်းလဲနည်းကို ကျင့်သုံးကြမည်ဟု သိရသည်။
ဂျပန်နိုင်ငံတွင် သူတို့လူမျိုး သူတို့နိုင်ငံမှ ကလေးတွေကို “အမျိုး၊ ဘာသာ၊ သာသနာ” ဆိုကာ လူမျိုးကြီးဝါဒဖြင့် သင်ကြားလေ့ကျင့်ပေးခြင်းမရှိ။ ကိုယ့်နိုင်ငံ၊ ကိုယ့်လူမျိုး ကွက်ကွက်လေးကြည့်ကာ ဝါးလုံးခေါင်းထဲ လသာသည့် အမြင့်ဖြင့် မသင်။ ကမ္ဘာ့အမြင်၊ ကမ္ဘာနိုင်ငံသား (Global citizens) များဖြစ်အောင် သင်ကြား ပေးမည်ဆိုခြင်းမှာ ထူးခြားသော ပညာရေးစနစ်တစ်ခုဟူ၍ ဆိုရမည်ဖြစ်သည်။
ဂျပန်ပညာရေးစနစ်က သူတို့၏ပညာရေးဆိုင်ရာ ရှေ့ပြေးအစီအစဉ်ကို “Brave Change” ဟူ၍ အမည်ပေးထား သည်။ ရဲရင့်သော ပြောင်းလဲမှု (Futoji no henko) ဟုဆိုသည်။ ဂျပန်တွင် ထိုပရိုဂရမ်ကို စတင်စမ်းသပ်နေပြီး ပညာရေးစနစ်သစ်က Erasmus, Grundtvig, Monnet, Ashoka, and Comenius တို့တွင် အခြေခံထားသော ပညာရေးပရိုဂရမ်ဖြစ်ကြောင်းလည်း သိရသည်။ နိုင်ငံပေါင်းစုံမှ ပညာရှင် ပေါင်းစုံ၏ သဘောတရားအစုံကို သူတို့ကလေးတွေအတွက် သင်ကြားပေးနိုင်ရန် အားထုတ်နေကြခြင်းဖြစ်သည်။
အထက်ပါပညာရှင်များ၏ အတွေးအမြင်များနှင့် ပညာရေးကို ချဉ်းကပ်ခိုင်းခြင်းသည် ရဲရဲတွေး ရဲရဲပြောင်း လဲမည့် အစီအစဉ်နှင့် ထပ်တူကျနေသည်ဟု ဆိုနိုင်သည်။ နိုင်ငံတကာ ပညာရှင်ပေါင်းစုံ၏ အတွေးအမြင် ပေါင်းစုံဖြင့် ကလေးတွေကို ချဉ်းကပ်ခိုင်းခြင်းသည် ကိုယ့်လူမျိုးတစ်မျိုးတည်း၏ ယဉ်ကျေးမှုနှင့် အတွေးအမြင် အပြင် ကမ္ဘာကိုမြင်နိုင်စေရန် ဖြန့်ကျက်ခြင်းလည်းဖြစ်သည်။ တစ်နည်းအားဖြင့် နိုင်ငံလူမျိုးဆိုသည့် အမြင် သေးသေးလေးထဲက ဖောက်ထွက်ပြီး ကမ္ဘာကြည့်မြင်နိုင်စေရန် မျက်စိဖွင့် ကြည့်ခွင့်ပေးလိုက်ခြင်းဟူ၍လည်း ဆိုနိုင်သည်။
၁၂ နှစ်သင်ကြားရမည့် ပညာရေးပရိုဂရမ်သည် မည်သည့်ပညာရေးစနစ်မျိုး ဖြစ်မည်နည်း
- ဘာသာရပ်တွေ အများကြီးနှင့် ကလေးတွေကို ဖိအားပေးခြင်းမှကင်းသည် (Zero subjects)
- အိမ်စာပေးခြင်းကင်းသည် (Zero homework)
- ဘာသာရပ် ၅ မျိုးသာသင်ကြားမည့် ပရိုဂရမ်အသစ်ဖြစ်သည်။
ဘာသာရပ် ၅ မျိုးဆိုသည်မှ အဘယ်နည်း
1. Business Arithmetic
လုပ်ငန်းနှင့် ပတ်သက်မည့် အခြေခံသင်္ချာတွေကို သင်ပေးမည်။ ငွေကြေးဆိုင်ရာ တွက်ချက်မှုအတတ်တို့ကို မူလတန်းကတည်းက စတင်သင်ကြားမည်။
2. Reading
စာဖတ်ခြင်းအလေ့အထကို အားပေးမြှင့်တင်မည်။ ကလေးတစ်ယောက်သည် တစ်နေ့လျှင် အနည်းဆုံး စာတစ်မျက်နှာ ဖတ်ရမည်။ မိမိစိတ်ကြိုက်စာကို ရွေးချယ်ဖတ်နိုင်သည်။ တစ်ပတ်လျှင် အနည်းဆုံး စာအုပ် တစ်အုပ် ဖတ်နိုင်စေရန် လေ့ကျင့်ပျိုးထောင်ပေးမည်။
3. Civics
ပြည်သူ့နီတိဘာသာရပ်ကို လေ့ကျင့်သင်ကြားပေးမည်။ ပြည်သူ့နီတိကို သင်ကြားရခြင်းမှာ ဉပဒေကို လေးစား လိုက်နာတတ်စေရန်၊ မတရားမှုကို ခေါင်းငုံ့မခံတတ်သည့် မဟုတ်မခံသတ္တိမျိုးမွေးမြူနိုင်စေရန်၊ ကိုယ်ကျင့် တရားဆိုသည့် အဓိပ္ပာယ်ကို ကောင်းစွာလေ့လာသိရှိနိုင်ရန်၊ မိမိနိုင်ငံ၏ ပြဋ္ဌာန်းထားသော ဓလေ့ထုံးစံများကို လေးစားလိုက်နာတတ်စေရန်၊ စိတ်ရှည်သည်းခံနိုင်စိတ်များမွေးတတ်စေရန်၊ ကိုယ်ကျိုးမဖက် အများအတွက် ဆိုသည့် ပရဟိတစိတ်ထားများ မွေးမြူတတ်စေရန်၊ သဘာဝပတ်ဝန်းကျင်ကို ထိန်းသိမ်းစောင့်ရှောက်လိုစိတ် ရှိသူများဖြစ်လာစေရန်ဆိုသည့် ရည်ရွယ်ချက်များဖြင့် သင်ကြားပေးရန်ဖြစ်သည်။
4. Computing
ကွန်ပျူတာပညာရပ်ကို ကျောင်းများတွင် အခြခံကအစ သင်ကြားပေးပြီး Office ဆော့ဖ်ဝဲများ သုံးတတ်စေရန်၊ အင်တာနက်သုံးနိုင်စေရန်၊ ဆိုရှယ်မီဒီယာများနှင့် ရင်းနှီးကျွမ်းဝင်စေရန်အပြင် အွန်လိုင်း စီးပွားရေးလုပ်ငန်း ဆိုင်ရာ အခြေခံသဘောတရားများကိုပါ လေ့ကျင့်သင်ကြားပေးရန်ဖြစ်သည်။
5. Language
ကျောင်းများတွင် ဘာသာစကား ၄ မျိုးမှ ၅ မျိုးအထိ အခြေခံအရေးအဖတ်ကစကာ သင်ကြားပေးမည်ဖြစ် သည်။ ထို့ပြင် နိုင်ငံတကာယဉ်ကျေးမှု၊ ဘာသာရေးသဘောတရားတို့ကိုလည်း သင်ကြားနိုင်ရန် စီစဉ်နေသည်။ သူတို့ နိုင်ငံတကာချဉ်းကပ်နေသော ဘာသာများကို ကြည့်လျှင် ဂျပန်၊ လက်တင် အမေရိက၊ အင်္ဂလိပ်၊ ဂျာမန်၊ တရုတ်နှင့် အာရဗီဘာသာစကားများဖြစ်ကြောင်း တွေ့ရသည်။ နွေရာသီကျောင်းပိတ်ရက်များတွင် နိုင်ငံတကာသို့ မိမိတို့နိုင်ငံမှ ကလေးများကိုပို့ပြီး ရေခြားမြေခြားလေ့လာရေးတို့ကို စီစဉ်ဆောင်ရွက် ပေးမည်ဖြစ်သည်။ ထိုအစီအစဉ်သည် နိုင်ငံတကာနှင့် မိမိတို့နိုင်ငံမှ ကလေးများကို မိသားစုတစ်စုအတွင်း အတူနေထိုင် လေ့လာရေး အစီအစဉ်မျိုးဖြစ်သည်။ ကမ္ဘာကိုသိနိုင်မည့် အစီအစဉ်ကောင်းတစ်ခုပင်။
ဂျပန်တို့သည် ရဲရဲရင့်ရင့် ပြောင်းလဲခြင်းကို အဘယ်ကြောင့် လုပ်ဆောင်နေကြသနည်း။ ထိုပရိုဂရမ်မှ ဘာတွေကို မျှော်လင့်ကာ လုပ်ဆောင်နေကြသနည်း။
ဂျပန်ကလေးတိုင်းသည် အသက် ၁၈ နှစ်ရောက်သည်နှင့် ဘာသာစကား အနည်းဆုံး ၄ မျိုး၊ အခြားနိုင်ငံ ယဉ်ကျေးမှု ၄ မျိုးနှင့် အရေးအဖတ် ၄ မျိုးကို တတ်ကျွမ်းပြီး နားလည်နိုင်စေရန် ရည်ရွယ်သည်။
ကွန်ပျူတာနှင့် ဖုန်းတို့ကို လုပ်ငန်းအတွက် ကျွမ်းကျင်စွာ အသုံးပြုနိုင်သူများဖြစ်ရမည်။
တစ်နှစ်လျှင် အနည်းဆုံး စာအုပ် ၅၂ အုပ် ဖတ်ပြီးဖြစ်နေရမည်။
ဥပဒေကို လေးစားလိုက်နာပြီး သဘာဝပတ်ဝန်းကျင်ကို ကာကွယ်စောင့်ရှောက်တတ်သူများအပြင် မိမိတို့ နိုင်ငံနှင့် လူမျိုးကိုပါ ကာကွယ်စောင့်ရှောက်နိုင်သူများဖြစ်ရမည်။
စီးပွားရေးလုပ်ငန်းများကို ကျွမ်းကျင်စွာ ဦးစီးဦးဆောင်ပြုနိုင်ရုံမက ကျွမ်းကျင်စွာ စီမံခန့်ခွဲတတ်သူများဖြစ်လာ စေရန် ရည်ရွယ်ကာ ပညာရေးစနစ်ကို ပြုပြင်ပြောင်းလဲနေကြခြင်းဖြစ်သည်။
အနာဂတ်သိသူတွေအတွက် အနာဂတ်ရှိသည်။
အနာဂတ်ပျောက်နေသူတွေမှာ ဒုက္ခရောက်နေကြရသည်။
(Ref: Brave Change, Japan Today)
(Photo Credit: The Japan News)
တင်ညွန့်
၁၇.၄.၂၀၂၅
