Hle Gu Media, Bankok, Bangkok (2025)

02/07/2025

လှိုင်သာယာမြို့မရဲစခန်းမှ ရဲတပ်ဖွဲ့ဝင်များအား လက်နက်ငယ်များဖြင့် ပစ်ခတ်၍ အချုပ်တရားခံအား ခေါ်ဆောင်သွားသည့်အမှုတွင် လှည်းကူးမြို့နယ်မှတစ်ဦးပါဝင်

25/06/2025

လှည်းကူးမြို့နယ်၊ မြို့မရပ်ကွက်(၈/၁)၊ ရပ်ကွက်ရုံးအတွင်း၌ ရာအိမ်မှူးမိသားစုက အသက် ၆၂ နှစ်အရွယ် အမျိုးသမီးကြီးတစ်ဦးကို ကိုယ်ထိလက်ရောက် ကျူးလွန်

ရန်ကုန်တိုင်း၊ လှည်းကူးခရိုင်၊ လှည်းကူးမြို့နယ်၊ မြို့မရပ်ကွက်(၈/၁)၊ ရပ်ကွက်ရုံးအတွင်း၌ ရာအိမ်မှူးမိသားစုက အသက် ၆၂ နှစ်အရွယ် အမျိုးသမီးကြီးတစ်ဦးကို ကိုယ်ထိလက်ရောက် ကျူးလွန်မှု ပြုလုပ်ခဲ့သည်။

ဖြစ်စဉ်မှာ ဇွန်လ ၂၄ ရက်နေ့ ညနေပိုင်းက အသက် ၆၂ နှစ်အရွယ် အမျိုးသမီးကြီးဖြစ်သူ ဒေါ်စန်းဌေးသည် ရာအိမ်မှူးနေအိမ်ကို ကြည့်ရာမှ ရာအိမ်မှူးဇနီးနှင့် အချင်းများမှု ဖြစ်ပေါ်ခဲ့သည်။

အဆိုပါ အခြေအနေကို ရပ်ကွက်အုပ်ချုပ်ရေးမှူးက ဒေါ်စန်းဌေး၊ ရာအိမ်မှူးရဲ့ ဇနီးနှင့် သမီးဖြစ်သူတို့ကို ရုံးတွင်းခေါ်၍ မေးမြန်းခဲ့သည်။ ထိုသို့ မေးမြန်းရာတွင် နှစ်ဖက် ပဋိပက္ခ ထပ်မံဖြစ်ပေါ်ပြီး ရာအိမ်မှူးအပါအဝင် မိသားစုဝင်များက ဒေါ်စန်းငွေကို ကိုယ်ထိလက်ရောက် ကျူးလွန်မှု ပြုလုပ်ခဲ့သည်။

ဒေါ်စန်းဌေးသည် သား ၄ ယောက်မိခင်ဖြစ်ပြီး သား ၁ ယောက်မှာ ရခိုင်ပြည်နယ်၌ ကျဆုံးခဲ့ပြီး အဆိုပါသား၏ ဇနီးမှာ ရခိုင်ပြည်နယ်အတွင်း တပ်မတော်မိသားစုဝင်များကို သယ်ဆောင်လာသည့် ရေယာဉ်ကို စစ်သွေးကြွ AA အဖွဲ့တိုက်ခိုက်မှုဖြစ်စဉ်၌ သေဆုံးခဲ့ရသည်။ ကျန်သား ၂ ဦးမှာ တပ်မတော်၌ တာဝန်ထမ်းဆောင်လျက် ရှိသည်။ လက်ရှိ၌ လှည်းကူးမြို့တွင် အသက် ၁၆ နှစ်အရွယ် သား ၁ ဦးနှင့် နေထိုင်လျက်ရှိသည်။

အဆိုပါဖြစ်စဉ်၌ ကိုယ်ထိလက်ရောက် ကျုးလွန်ခြင်းခံရသော ဒေါ်စန်းဌေး၏ တရားမျှတမှုရရှိရန် ရန်ကုန်တိုင်းစစ်တိုင်းမှူးကြီး၊ တိုင်းဝန်ကြီးချုပ်နှင့် ရန်ကုန်တိုင်းရဲတပ်ဖွဲ့ အကြီးအကဲများက ဆောင်ရွက်ပေးရန် ရပ်ကွက်နေပြည်သူများက တောင်းဆိုလျက်ရှိသည်။

22/06/2025

လှည်းကူးမြို့နယ် ကျောက်ကဒင်ကျေးရွာ၌ မိုးစပါး မျိုးစေ့ချကိရိယာ(Seeder) ဖြင့် စိုက်ပျိုးခြင်း ဆောင်ရွက်

ရန်ကုန်တိုင်းဒေသကြီး၊ လှည်းကူးခရိုင်၊ လှည်းကူးမြို့နယ် စိုက်ပျိုးရေးဦးစီးဌာနမှ ၂၀၂၅ ခုနှစ်၊ မိုးစပါး မျိုးစေ့ချကိရိယာ(Seeder)ဖြင့်စိုက်ပျိုးခြင်းကို လှည်းကူးမြို့နယ်၊ ကျောက်ကဒင်ကျေးရွာအုပ်စု၊ ကွင်းအမှတ်(၁၀၀၂)၊ ဦးပိုင်အမှတ် ၅၃/က တောင်သူ ဒေါ်ပြုံးနွဲ့၏ လယ်ယာမြေ(၄း၀၀) ဧကနှင့် တောင်သူ ဒေါ်ဘဲလာ (၁၃.၇၃)ဧကတို့တွင် ဇွန်လ ၂၀ ရက်နေ့ နံနက်ပိုင်းက အဆိုပါလယ်မြေ၌(ဆင်းသုခမျိုး) မိုးစပါးမျိုးစေ့ချကိရိယာ(Seeder)ဖြင့် စိုက်ပျိုးခြင်းကိုဆောင်ရွက်ခဲ့ကြောင်း သိရသည်။

ဦးစွာ မြို့နယ်စိုက်ပျိုးရေးဦးစီးဌာနမှတာဝန်ရှိသူများက တိုက်ရိုက်မျိုးစေ့ချကိရိယာ(Seeder)ဖြင့် စိုက်ပျိုးခြင်းဖြင့်ရရှိမည့်အကျိုးကျေးဇူးများအားပြောကြားခဲ့ပြီး တောင်သူဒေါ်ဘဲလာနှင့် ဒေါ်ပြုံးနွဲ့၏ လယ်မြေများပေါ်တွင် တိုက်ရိုက်မျိုးစေ့ချကိရိယာ(Seeder) ဖြင့်စိုက်ပျိုးခြင်းအား ကြည့်ရှု့အားပေးခဲ့သည်။

အဆိုပါ တိုက်ရိုက်မျိုးစေ့ကိရိယာ (Seeder)ဖြင့် စိုက်ပျိုးပွဲသို့ မြို့နယ်စိုက်ပျိုးရေးကြီးကြပ်ရေးအဖွဲ့ အဖွဲ့ဝင်များ၊ ကျေးရွာအုပ်စုအုပ်ချုပ်ရေးမှူးနှင့် တောင်သူများ တက်ရောက်ခဲ့ကြောင်း သိရှိရသည်။

19/06/2025

၂၀.၆.၂၀၂၅ သောကြာနေ့တွင် လှည်းကူးမြို့နယ်အတွင်းရှိ လိုင်စင်မရှိသော ဆိုင်ကယ်နှင့် ဘေးတွဲဆိုင်ကယ်များ မိန်းလမ်းမကြီးပေါ်သို့ တက်ရောက်မောင်းနှင်ခြင်းမပြုလုပ်ကြရန် အသိပေးနိူးဆော်အပ်ပါသည်။

တွေ့ရှိပါက ထိရောက်စွာ ဖမ်းဆီးအရေးယူသွားမည်ဖြစ်ကြောင်း သိရပါသည်။

18/06/2025

ရက်ရက်စက်စက် မသေမချင်း ဓားနဲ့ခုတ်ကာသတ်ဖြတ်ခံရတဲ့ ဘုန်းကြီးနဲ့ဒါယိကာမအမှုဖြစ်စဉ်မှာ
ကောလာဟလတွေကြောင့် သေသူသိက္ခာမကျဆင်းရ‌အောင် ခင်ပွန်းဖြစ်သူကတောင်းပန်ဖြေရှင်း

လှည်းကူးမြို့နယ်တွင် ကျောင်းထိုင်ဘုန်းကြီး သတ်လိုသေရတဲ့ ‌‌အလှူရှင်ဒါယိကာမရဲ့ကွယ်လွန်ပြီးမှ သိက္ခာကျဆင်းအရှက်ရစေတဲ့
စကားတွေနဲ့ လူမှုကွန်ရက်ပေါ်မှာ အပုပ်ချခံရတာတွေအတွက် ခင်ပွန်းဖြစ်သူနဲ့မိသားစုက ယူကျုံးမရဝမ်းနည်းပူဆွေးမှုတွေ
ခံစားနေရတာကြောင့် ကျန်ရစ်သူသားသမီး မြေးတွေရဲ့အကျိုးကို ငဲ့လို ‌မိသားစုအရေး ဖြစ်ကြောင်းကုန်စင်ကို
အခုလိုရှင်းလင်းပြောပြရတာပါလို ရက်ရက်စက်စက် ဓားမနဲ့ ခုတ်သတ်ခံရတဲ့ ဒေါ်သီတာအောင်ရဲ့ ခင်ပွန်းဖြစ်သူက ဆိုပါတယ်။

ဒါယိကာမက ကျောင်းအလှူရှင်မဟုတ်ကြောင်း၊ သူ့ကို သတ်တဲ့ ဘုန်းကြီးနဲ့ ငွေကြေးကိစ္စအရှုပ်အရှင်းရှိကြောင်း၊
ဘုန်းကြီးနဲ့ ဖောက်ပြန်နေတာကြောင့် ကျောင်းကို အိမ်လို သဘောထား လက်ဝါးကြီး အုပ်နေကြောင်း စတဲ့
ကောလာဟလတွေကို ခင်ပွန်းဖြစ်သူက မမှန်ကန်ကြောင်း ပြန်လည်ဖြေရှင်းလာတာပဲ ဖြစ်ပါတယ်။

17/06/2025

ဆိုင်ကယ်ကယ်ရီနေရာလုရင်းစကားများခဲ့မှုကြောင့်လူသတ်မှုဖြစ်ပွား
********************************************************************
၁၅..၆..၂၀၂၅ရက်နံနက်၁၁နာရီအချိ
န်ခန့်က ရန်ကုန်တိုင်းဒေသကြီး၊ လှည်းကူးခရိုင်၊ လှည်းကူးမြို့နေသူ ဒေါ်လွင်မာအေး(ခ)ဒေါမဲတူက ၎င်းသည်လှည်းကူးမြို့နယ်၊ သာသနာ့ရိပ်သာရပ်ကွ
က်၊ရန်ကုန်-ပဲခူးလမ်းမကြီးဘေးရှိ ရုံးဟောင်းလမ်းထိပ်တွင်သစ်သီးများရောင်းရန်ပြင်နေစဉ် ဆိုင်အနီး ရန်ကုန်-ပဲခူးကားလမ်းဘေး၊ စိန်လက်ဆောင်မိတ္တူဆိုင်ရှေ့တွင်၎င်း၏သားဖြစ်သူ ဝေယံဦးမှာ ဘေးတွဲဆိုင်ကယ်ဖြင့်
ကယ်ရီဆွဲရန်ခရီးသည်စောင့်ဆိုင်းနေကြောင်း၊ ထိုအချိန်*မဲတူရေ နင့်သားရန်ဖြစ်နေတယ် ” ဟု အော်သံကြားရသဖြင့်ဒေါ်မဲတူကသွားရော
က်ကြည့်ရှုခဲ့ရာဝေယံဦးကိုအောင်သက်ပိုင်ဦး(ခ)ဆင်ကြီးမှဓါးမြှောင်ဖြင့်လည်းကောင်း၊ နန္ဒလင်းထက် မှ ဓါးအရှည်ဖြင့်လည်းကောင်း ထိုးနေသည်ကိုမြင်တွေ့ရသည်ဟုသိရသည်။

ဒေါ်မဲတူကပြေးသွားပြီး မလုပ်ကြရန်ဝင်ရောက်ဖြန်ဖြေခဲ့ကြောင်း၊ ထိုအခါ ဝေယံဦးသည် ဓါးဖြင့်ထိုးခံရသဖြင့် အနီးရှိစိန်လက်ဆောင်မိတ္တူဆိုင်ထဲသို့ဝင်ပြေးသွားကြောင်း၊ အောင်သက်ပိုင်ဦး(ခ) ဆင်ကြီးနှင့် နန္ဒလင်းထက် တို့(၂)ဦးသည်ရုံးဟောင်းလမ်းထိပ်ဘက်သို့ လျှောက်သွားကာ ဒေါ်မဲ့တူကိုအောင်သက်ပိုင်ဦး (ခ)ဆင်ကြီး မှ " ဒေါ်မဲတူခင်ဗျားသားအငယ်ကောင်ပါထိုးမှာ “ဟု ခြိမ်းခြောက်သဖြင့် ၎င်းလည်း စိုးရိမ်သွားပြီး ဆိုင်ခင်းနေသောသားအငယ်ဖြစ်သူမောင်လင်းလက်ဦး(၁၆)နှစ်၊ ကျောင်းသား၊ အတူနေသူအားလည်းစိန်လက်ဆော
င်ဆိုင်ထဲဝင်နေရန် အော်ပြောပြီး ခြံတံခါးအား ပိတ်လိုက်ကြောင်း၊အောင်သက်ပိုင်ဦး(ခ) ဆင်ကြီးနှင့် နန္ဒလင်းထက် တို့(၂)ဦးအား ကြည့်လိုက်သောအခါ မတွေ့တော့ဘဲမည်သည့်အရပ်သို့ ထွက်ပြေးသွားသည်ကိုမသိတော့ကြောင်း၊ဝေယံဦး
နှင့် အောင်သက်ပိုင်ဦး(ခ)ဆင်ကြီးတို့သည်ယခင်ကလည်းဆိုင်ကယ်က
ယ်ရီ နေရာလုခဲ့သည်ကို မကျေနပ်ခြင်းကြောင့် ယခုကဲ့သို့ပြုလုပ်ခြင်းဖြစ်ကြောင်းသိရသည်။

ဒေါ်မဲတူကဝေယံဦး၏ အခြေအနေကိုသိရန်အတွက် ပိတ်ထားသောစိန်လ
က်ဆောင်ခြံတံခါးအားဖွင့်၍ သားဖြစ်သူအား ကြည့်လိုက်သောအခါဝေယံဦး မှာယာခါးအထက်ထိုးသွင်းဒဏ်ရာ(၁)ချက်၊ယာဘက်နံရိုးကြားထိုးသွင်းဒဏ်ရာ
(၁)ချက် ၊နောက်ကျောဘက်ထိုးသွင်းဒဏ်ရာ(၁)ချက် တို့ရရှိပြီး သွေးအိုင်ထဲတွင် လဲကျနေသည်ကိုမြင်ရကြောင်း၊ ၎င်းလည်းဝေယံဦးအနီးတွင်ထိုင်ပြီး ငိုကြွေး နေစဉ်အရေးပေါ်ယာဉ်ရောက်လာကာ ဝေယံဦးအား လှည်းကူးပြည်သူ့ဆေးရုံသို့ ခေါ်ဆောင် သွားခဲ့ပြီး အတွင်းလူနာ(စိုးရိမ်ရ)ဖြင့် ကုသနေခဲ့ရာမှသေဆုံးသွားခဲ့ကြောင်းသိရသည်။

ဝေယံဦးကို အသက်သေဆုံးအောင် ခါးဖြင့်ထိုးပြီး ခြိမ်းခြောက်ပြောဆိုကာထွက်ပြေးသူ အောင်သက်ပိုင်ဦး(ခ)ဆင်ကြီးနှင့် နန္ဒလင်းထက်တို့(၂)ဦးအားဥပဒေအရအရေးယူပေးရန် တိုင်တန်းခဲ့ရာလှည်းကူးမြို့မရဲစခန်းကလူသတ်
မှုပုဒ်မ၃၀၂/၁၁၄အရအမှုရေးဖွင့်ကာစခန်းမှုးနှင့် နယ်ထိန်းတပ်ဖွဲ့ဝင်တို့ကဆက်လက်စုံစမ်း စစ်ဆေးဆောင်ရွက်နေကြောင်းသိရသည်။

စိုးမြင့်(လှည်းကူး)S.H
S.Hသတင်းအေဂျင်စီ

16/06/2025

လှည်းကူးမြို့နယ်၊ အောင်မင်္ဂလာရပ်ကွက်အတွင်းရှိ အသက်(၁၆)နှစ် နှင့် အထက် မှတ်ပုံတင်မရှိသေးသော သူများအနေဖြင့် (၂၁_၆_၂၀၂၅)စနေနေ့ နံနက်(၉)နာရီမှ ညနေ(၃)နာရီအချိန်ထိ ရပ်ကွက်အုပ်ချုပ်ရမှူးရုံးတွင် လာရောက် ပြုလုပ်လျှောက်ထားနိူင်ပါကြောင်း သိရှိရသည်။

ကြိုတင် ယူဆောင်/ပြုလုပ်ထားရန်
(၁) ရှေ့ပြေး ကြိုတင်ဖြည့်တင်းထားရန်
(၂)သန်ခေါင်စာရင်း မူရင်း/မိတ္တူ
(၃)အဖေ မှတ်ပုံတင် မူရင်း/မိတ္တူ
(၄)အမေ မှတ်ပုံတင် မူရင်း/မိတ္တူ
(၅)သွေးစစ်လက်မှတ်
(၆)ဓာတ်ပုံ(၅)ပုံ 0.8
(၇)ကျောင်းထောက်ခံစာ(သို့)မွေးစာရင်း
(၈)ရပ်ကွက်ထောက်ခံစာ

ှကူးယူဖော်ပြသည်

30/05/2025

ယနေ့ ၃၀.၅.၂၀၂၅ ရက်နေ့တွင် အလှူရှင်များဖြစ်ကြသော
လှည်းကူးမြို့နယ် နေ ကိုလှမင်းထက် + မမေသူဘို ရွှေကောင်း အိမ်ဆောက်ပစ္စည်းရောင်းဝယ်ရေးမိသားစုမှ အလှူငွေ ၁၀၀၀၀၀/- တစ်သိန်းကျပ်နှင့်
လှည်းကူးမြိုနယ်၊ အောင်မဂ်လာရပ်ကွက်၊ စန်းသော်တာလမ်းနေ ဦးသန့်ဇော်ဦး + ဒေါ်ငွေလပြည့်ဝန်း စိန်ခိုင်ဝေ ကားအလိုင်းမင်းနှင့် ကားလေးအောက်ပိုင်းပြုပြင်ရေး မိသားစုတို့မှ အလှူငွေ ၁၄၂၀၀၀/- တစ်သိန်းလေးသောင်းနှစ်ထောင်ကျပ် တို့အား Medical လူငယ်များအသင်း(ခွဲ.၂)လှည်းကူးမြို့သို့ ပေးပို့လှူဒါန်းခဲ့ပါသည်။

Medical လူငယ်များteamများ Volunteerလူငယ်များသည် အခမဲ့ ကုသိုလ်ယူ
ကူညီဆောင်ရွက်ပေးလျှက်ရှိပြီး အလှူရှင်များမှလည်း Medical လူငယ်များ
လူမှုကူညီရေးအသင်း(ခွဲ.၂)လှည်းကူး ရုံးဖုန်း ဖုန်း-09682900290(ရုံး/24hr)နှင့်
ဦးသော်ဇင်ထွန်း(ခွဲ.၂ -ဥက္ကဌ) ဖုန်း-09674455695 တို့အား ဆက်သွယ်လှူဒါန်းနိုင်ပါသည်။

24/05/2025

ရန်ကုန်တိုင်းဒေသကြီး၊ လှည်းကူးမြို့နယ်တွင် ကျောင်းထိုင်ဘုန်းကြီးက သိမ်ကျောင်းဒကာမကြီးကို ဓ-ားဖြင့် ခု-တ်သ-တ်မှု ဖြစ်ပွား

လွန်ခဲ့သော မေလ ၂၁ ရက်နေ့ နံနက် ၁၀ နာရီဝန်းကျင်အချိန်က ရန်ကုန်တိုင်းဒေသကြီး၊ လှည်းကူးမြို့နယ်အတွင်းတွင် ကျောင်းထိုင်ဘုန်းကြီးက ဒကာမကို ဓ-ားဖြင့်ခု-တ်သ-တ်မှုတခု ဖြစ်ပွားခဲ့ကြောင်း သိရသည်။

" လှည်းကူး အောင်ဘုန်းပြည့် ကျောင်းမှာပါ။ ဘုန်းကြီးက သက်လတ်ပိုင်းအရွယ်ပဲ။ အသ-တ်ခံရတာက သိမ်ကျောင်းဒကာမပါ။ ကျောင်းတွေကားတွေလည်း အဲ့ဒကာမကပဲ လှူထားတာ။ သူ့ရဲ့အမေက အဲ့ကျောင်းမှာ ဘုန်းကြီးအမေနဲ့အတူ သွားနေနေတယ် တရားလုပ်ဖို့။ တူလေးဖြစ်သူကလည်း အဲ့မှာ ကိုရင်ဝတ်နေလို့တဲ့။

အဲ့ဒကာမက မင်္ဂလာဒုံမှာ နေတာ။ မနက်ခင်း
သူ့အမေ နေမကောင်းလို့ဆိုပြီး ဘုန်းကြီးက
လာခေါ်တာ အဲ့မှာ သူက လိုက်သွားတာ။
ဟိုရောက်တော့ ကိုရင်တွေလည်း ဆွမ်းခံထွက်ခိုင်း၊
သူ့အမေကိုလည်း သင်္ကန်းသွားလျှော်ခိုင်းတာ၊ ပြန်လာတော့ အဲ့မှာ ဘုန်းကြီးကခု-တ်သ-တ်တာ
တွေ့တာပဲတဲ့။ ရေချိုးခန်းထဲမှာ ဘုန်းကြီးက အဓမ္မပြုဖို့ကြိုးစားရာမှ ဒကာမကြီးက မလုပ်ရန်ငြင်းဆို၍ ရုန်းရင်းဆန်ခတ်ဖြစ်တာ အဲ့ကနေ ထွက်ပြေးပြီး နောက်ကလိုက် မ ‌ေ-သမချင်း ရက်ရက်စက်စက် ခု-တ်သ-တ်ခံရတာလို့ ပြောကြတယ်။ ဘုန်းကြီးက ကျူးလွန်ပြီးနောက် ထွက်ပြေးသွား‌ပေမယ့် ၁၅ မိုင် ဘုရားမှာ မိတယ်တဲ့။" ဟု ပြည်သူတစ်ဦးက ပြောကြားသည်။

အသ-တ်ခံရသည့် အမျိုးသမီးမှာ အသက် ၄၃ နှစ်အရွယ် ဖြစ်ပြီး၊ မေလ ၂၃ ရက်နေ့ နံနက် ၁၁ နာရီအချိန်က ရေဝေးသုသာန်၌ သဂြိုလ်ခဲ့ကြောင်း သိရှိရသည်။

ပုံ- ကျူးလွန်ခဲ့သည့် ကျောင်းထိုင်ဘုန်းကြီး
CrdNews

18/05/2025

ရန်ကုန်ကနေ တစ်နာရီလောက် ကားနဲ့သွားရတဲ့ လှည်းကူးမှာ တည်ရှိတဲ့ ကိုယ်ပိုင်ခြံလေးနဲ့ မိတ်ဆက်ပေးချင်ပါတယ်။

09/05/2025

မကြာမှီ ရန်ကုန်မြို့ကြီး လျှပ်စစ်မီး ပြည့်ပြည့်ဝဝ အသုံးပြုကြရတော့မည်။ ရောင်နီမဝေးတော့ပြီ ...

09/05/2025

၁၀-၅-၂၀၂၅ (စနေနေ့) ညနေ (၄)နာရီအချိန်တွင် ဦးကျော်စွာမြင့် + ဒေါ်လဲ့လဲ့မျိုး မိသားစုတို့မှ ချစ်တီးထမင်း၊ ဟင်းနှင့် ဘဲဥဆီပြန်၊ လူအယောက်(၅၀၀)စာ စတုဒိသာကျွေးမွေးမည်ဖြစ်ပြီး လူမျိုးဘာသာမရွေး၊ မည်သူမဆို လာရောက်သုံးဆောင်နိုင်ကြောင်းသိရှိရသည်။
အချိုပွဲအနေဖြင့် မုန့်လက်ဆောင်းပါကျွေးမွေးမည်ဖြစ်ပါသည်။

နေရာ- ဦးကျော်စွာမြင့် + ဒေါ်လဲ့လဲ့မျိုး မိသားစု၊
လှည်းကူးမြို့၊ အောင်မင်္ဂလာရပ်ကွက်၊ သီတာအေး (၂)လမ်းထိပ်၊
‘ဇွဲ’ ဆန်၊ ဆန်ထွက်ပစ္စည်းနှင့် မွေးမြူရေးအစာဆိုင်။

Hle Gu Media

02/07/2025

25/06/2025

22/06/2025

19/06/2025

18/06/2025

17/06/2025

16/06/2025

30/05/2025

24/05/2025

18/05/2025

09/05/2025

09/05/2025

ที่อยู่

เว็บไซต์

แจ้งเตือน

ทางลัด

แชร์

ประเภท