TARGET Magazine (2025)

09/09/2025

ດ່ານສາກົນວັງເຕົ່າ ຈັດເກັບລາຍຮັບ 8 ເດືອນ ໄດ້ສູງເຖິງ 1,232 ຕື້ກີບ. ພ້ອມຄາດຄະເນວ່າໝົດປີ 2025 ຈະສາມາດຈັດເກັບໄດ້ບັນລຸເປົ້າໝາຍທີ່ວາງໄວ້

08/09/2025

ນາຍົກຍີ່ປຸ່ນລາອອກ ພາຍຫຼັງບັນລຸຂໍ້ຕົກລົງການຄ້າກັບສະຫະລັດສຳເລັດ ແລະ ຫວັງຫຼຸດຄວາມຂັດແຍ່ງພາຍໃນພັກ

ນາຍົກລັດຖະມົນຕີຍີ່ປຸ່ນ ທ່ານ ຊິເງຣຸ ອິຊິບະ ປະກາດລາອອກຈາກຕຳແໜ່ງເມື່ອວັນທີ 7 ກັນຍາ ຫຼັງປະເຊີນແຮງກົດດັນທາງການເມືອງ ໂດຍຫວັງວ່າຈະຊ່ວຍຫຼຸດຄວາມຂັດແຍ້ງພາຍໃນພັກເສລີປະຊາທິປະໄຕ (LDP) ເນື່ອງຈາກເຫັນວ່າຂໍ້ຕົກລົງທາງການຄ້າກັບສະຫະລັດອາເມລິກາຊຶ່ງເປັນພາລະກິດສຳຄັນໄດ້ມີການດຳເນີນການຈົນເກີດຜົນເປັນຮູບປະທຳແລ້ວ

ຂໍ້ມູນ: BBC
#ການເມືອງຍີ່ປຸ່ນ #ນາຍົກລາອອກ
#ຂ່າວ #ຂ່າວຕ່າງປະເທດ

08/09/2025

ພາຍຸ Tapah ເພີ່ມກຳລັງແຮງຂຶ້ນຝັ່ງກວາງຕຸ້ງ ພາກໃຕ້ຂອງຈີນໃນວັນທີ 8 ກັນຍາ ອິດທິພົນພາຍຸຈະສົ່ງຜົນເຖິງພາກເໜືອຫວຽດນາມ ໃນວັນທີ 9-11 ສ່ວນ ສປປ ລາວ ເຖິງຈະບໍ່ໄດ້ຮັບອິດທິພົນໂດຍກົງແຕ່ກໍຈະມີຝົນຕົກໜັກ ແນວໃດກໍຢ່າປະໝາດເພື່ອຄວາມປອດໄພ.

ທີ່ມາ: Tuo Itre News
#ພາຍຸຕາປະ #ສປປລາວ
#ແຈ້ງເຕືອນພາຍຸ #ຝົນຕົກໜັກ

08/09/2025

ເມືອງໂພນໂຮງ ຈະກາຍເປັນແຫຼ່ງທ່ອງທ່ຽວຄົບວົງຈອນ

ບໍລິສັດທີ່ປຶກສາໄຂ່ມຸກຕາເວັນອອກ ຈຳກັດ, ເຊິ່ງເປັນບໍລິສັດລົງທຶນຈາກ ສ. ເກົາຫຼີ, ໄດ້ສະເໜີເຈດຈຳນົງ ເພື່ອຂໍພັດທະນາທີ່ດິນ ທີ່ກະຊວງປ້ອງກັນຄວາມສະຫງົບຄຸ້ມຄອງ ຢູ່ຫຼັກ 62 ເມືອງໂພນໂຮງ, ແຂວງວຽງຈັນ ໃນເນື້ອທີ 500 ກ່ວາເຮັກຕາ ເພື່ອພັດທະນາໃຫ້ເປັນແຫຼ່ງທ່ອງທ່ຽວຄົບວົງຈອນ ດ້ວຍມູນຄ່າການລົງທຶນສູງເຖິງ 700 ລ້ານໂດລາສະຫະລັດ ໂດຍການລົງທຶນຂອງບໍລິສັດ 100% .

ໂຄງການນີ້ຈະພັດທະນາພື້ນທີ່ທີ່ກະຊວງປ້ອງກັນຄວາມສະຫງົບຄຸ້ມຄອງຢູ່ເຂດບ້ານໂພນສົມບູນ, ບ້ານຫ້ວຍທົນ ແລະ ບ້ານໂພນເງິນ ໂດຍມີເປົ້າໝາຍເພື່ອສ້າງແຫຼ່ງທ່ອງທ່ຽວທີ່ທັນສະໄໝ, ເປັນມິດກັບສິ່ງແວດລ້ອມ ແລະ ຄົງໄວ້ຮີດຄອງປະເພນີຂອງລາວ.
ລາຍລະອຽດຂອງໂຄງການ ແລະ ແຜນການພັດທະນາ ໂຄງການນີ້ຈະປະກອບມີສິ່ງອຳນວຍຄວາມສະດວກທີ່ຫຼາກຫຼາຍ ເພື່ອດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດເຊັ່ນ ໃນສະຖານທີ່ໂຄງການຈະປະກອບດ້ວຍສະໜາມກ໊ອບ, ສະຖານທີ່ພັກຜ່ອນເວລາຫວ່າງ (ສວນນໍ້າ, ສວນຫຍ້າ, ທາງຍ່າງ), ບ່ອນພັກອາໄສ (ໂຮງແຮມ, ຮ້ານອາຫານ, ຮ້ານສະດວກຊື້), ເຂດພະລັງງານແສງອາທິດ (ເຂດເນື້ອທີ່ສໍາລັບວາງແຜງໂຊລາເຊວ, ສະຖານີເກັບພະລັງງານ), ຟາມງົວພັນນົມ (ໂຮງເຮືອນລ້ຽງງົວພັນນົມ, ເດີ່ນຫຍ້າ, ສວນຫຍ້າ), ເຂດຟື້ນຟູປ່າ ແລະ ອະນຸລັກທຳມະຊາດ (ເຂດປູກຕົ້ນໄມ້, ເຂດອະນຸລັກ-ສັດນໍ້າສັດປ່າ), ເສັ້ນທາງ, ຄອງນໍ້າ, ສວນ, ບ່ອນຈອດລົດ, ອ່າງນໍ້າເສຍ ແລະ ບ່ອນກໍາຈັດສິ່ງເສດເຫຼືອ.
ແຜນການພັດທະນາຈະແບ່ງອອກເປັນສອງໄລຍະຄື

ໄລຍະທີ 1 (ປີ 2025-2035): ຈະເນັ້ນການສ້າງໂຄງລ່າງພື້ນຖານ ແລະ ສິ່ງກໍ່ສ້າງທີ່ສາມາດສ້າງລາຍຮັບໄດ້ໄວ ເຊັ່ນ: ສະໜາມກ໊ອບ, ໂຮງແຮມ ແລະຮ້ານອາຫານ.
ໄລຍະທີ 2 (ປີ 2036-2045): ຈະສືບຕໍ່ຂະຫຍາຍສິ່ງອຳນວຍຄວາມສະດວກຕ່າງໆ ເພື່ອໃຫ້ກາຍເປັນແຫຼ່ງທ່ອງທ່ຽວຄົບວົງຈອນຢ່າງສົມບູນ.

ທີ່ມາ: Lao Youth Radio FM 90.0 Mhz
#ທ່ອງທ່ຽວລາວ #ເມືອງໂພນໂຮງ
#ແຂວງວຽງຈັນ #ໂຄງການໃຫຍ່

08/09/2025

ຜູ້ໂຊກດີໄດ້ຮັບລາງວັນທີ 1 ຂອງ ສະລາກພັດທະນາ Happy545 ມູນຄ່າ 2 ພັນລ້ານກີບ

ຍອດລາງວັນລວມ 2,011,542,239 ກີບ ໄດ້ມີຜູ້ໂຊກດີໄດ້ຮັບໃນງວດທີ 95 ຂອງ ສະລາກ Happy545 Lotto ເມື່ອວັນທີ 18 ສິງຫາ2025.

ສະລາກພັດທະນາ Happy545 Lotto ທີ່ຈໍາໜ່າຍທຸກວັນ ວັນຈັນ,ພຸດ,ສຸກ ໃນທ່າມກາງຄວາມສົນໃຈຂອງປະຊາຊົນ ໄດ້ປະກາດວ່າ ງວດທີ 95 ນີ້ ມີຜູ້ໂຊກດີຄວ້າລາງວັນທີ 1 ມູນຄ່າເກີນ 2 ພັນລ້ານກີບ.

ຕົວແທນຂອງສະລາກພັດທະນາ Happy545 ກ່າວວ່າ “ຂ່າວການໄດ້ຮັບລາງວັນທີ 1 ໃນຄັ້ງນີ້ ຈະເປັນກໍລະນີທີ່ສ້າງຄວາມຝັນ ແລະ ຄວາມຫວັງໃຫ້ແກ່ຜູ້ຊື້ສະລາກຈໍານວນຫຼາຍ ແລະ ພວກເຮົາມີການບໍລິຫານສະລາກໃຫ້ໂປ່ງໃສ ແລະ ເປັນທຳ ເພື່ອໃຫ້ຜູ້ມີສ່ວນຮ່ວມໄດ້ແບ່ງປັນຄວາມສຸກໄດ້ຫຼາຍຂຶ້ນ”.

ອີກທັງ ປະມານ 1 ປີກ່ອນ ມີຄົນລາວທີ່ອົບພະຍົບໄປຢູ່ສະຫະລັດ ຖືກລາງວັນສະລາກ Powerball ມູນຄ່າປະມານ 1.3 ພັນລ້ານໂດລາສະຫະລັດ ຫຼືຄິດເປັນເງິນລາວປະມານ 28 ລ້ານລ້ານກີບ. ນອກຈາກນັ້ນ ໃນເດືອນມັງກອນປີນີ້ ມີພີ່ນ້ອງຊາວໄທທີ່ຢູ່ເກົາຫຼີ ຖືກລາງວັນມູນຄ່າ 4 ພັນລ້ານວອນ ຫຼືປະມານ 9.6 ລ້ານບາດຜ່ານການເລືອກຊື້ສະລາກ. ເຫຼົ່ານີ້ສະທ້ອນໃຫ້ເຫັນວ່າ ຮູບແບບສະລາກ Happy545 ເປັນຮູບແບບສະລາກທີ່ເປັນທີ່ນິຍົມ ແລະ ຖືກໃຊ້ຢ່າງກວ້າງຂວາງໃນສະຫະລັດ ແລະ ເກົາຫຼີ.

ໃນຂະນະດຽວກັນ ສະລາກ Happy545 ທີ່ອອກໂດຍບໍລິສັດຮ່ວມຄວາມຮ່ວມມືກັບລັດ ໄດ້ນໍາໃຊ້ຮູບແບບສະລາກສາກົນທີ່ໃຊ້ໃນປະເທດທັນສະໄໝ ໂດຍມີການອອກຜົນ 3 ຄັ້ງຕໍ່ອາທິດ. ສະລາກນີ້ແຕກຕ່າງຈາກສະລາກລາວແບບເກົ່າ ດ້ວຍການສະສົມລາງວັນທີ 1 ທີ່ຈະທົດລົງໄປງວດຕໍ່ໄປ ຖ້າບໍ່ມີຜູ້ຖືກລາງວັນ ເຮັດໃຫ້ມູນຄ່າລາງວັນທີ 1 ສາມາດເພີ່ມຂຶ້ນໄດ້ໂດຍບໍ່ມີຂີດຈໍາກັດ.

ອີກທັງ ຜູ້ຊື້ສາມາດເຂົ້າຮ່ວມໄດ້ທຸກລາງວັນຕັ້ງແຕ່ທີ 1 ຫາທີ 5 ດ້ວຍການຊື້ພຽງ 1,000 ກີບ ເຮັດໃຫ້ເປັນເກມສະລາກໃໝ່ທີ່ຜູ້ຊື້ສາມາດໃຊ້ເງິນໜ້ອຍໆ ແຕ່ມີໂອກາດຮັບລາງວັນທີ 1 ມູນຄ່າຫຼາຍທີ່ສຸດ. ສະນັ້ນ ມີຂ່າວວ່າປະຊາຊົນລາວຈໍານວນຫຼາຍເຂົ້າຮ່ວມໃນເກມນີ້.
---------------
👇ດາວໂຫຼດ ແອັບ Happy545 ໄດ້ທີ່👇
📲Android & IOS: https://onelink.to/uux7mb
---------------
ສອບຖາມຂໍ້ມູນເພີ່ມເຕີມໄດ້ທີ່:
☎ເບີໂທ: 021515151, 020 9222 4945
📌ສຳນັກງານໃຫຍ່ຕັ້ງຢູ່: ຕຶກທາດຫຼວງສະແຄຣ, ຊັ້ນ 4, ບ້ານທາດຫຼວງໃຕ້, ເມືອງໄຊເສດຖາ, ນະຄອນຫຼວງວຽງຈັນ.

08/09/2025

ວັນທີ 08 ກັນຍາ 2025, ຮ່ອງຄວາມກົດດັນອາກາດຕ່ຳ ຫລື ຮ່ອງຝົນ ໄດ້ພາດຜ່ານພາກເໜືອ ແລະ ພາກກາງຂອງປະເທດລາວ. ສົມທົບກັບລົມມໍລະສຸມຕາເວັນ ຕົກສ່ຽງໃຕ້ພັດປົກຄຸມ. ຊຶ່ງຈະເຮັດໃຫ້ມີຝົນຕົກ ຟ້າຮ້ອງ ຟ້າເຫລື້ອມ ໃນລະດັບຄ່ອຍຢູ່ເກືອບທົ່ວໄປໃນແຕ່ລະພາກ ແລະ ຈະມີຝົນຕົກໃນລະດັບປານກາງ ຫາ ໜັກຢູ່ບາງທ້ອງຖິ່ນ ພ້ອມມີລົມພັດແຮງເປັນບາງໂອກາດ.

ທີ່ມາ: ກົມອຸຕຸນິຍົມ ແລະ ອຸທົກກສາດ
#ອາກາດຮ້ອນ #ຝົນຕົກ

08/09/2025

ຄ່າລົດເມ BRT ເລີ່ມຕົ້ນພຽງ 3,500-8,000 ກີບເທົ່ານັ້ນ! ຈະສຳເລັດພາຍໃນກາງເດືອນກັນຍານີ້ ແລະ ຫຼັງຈາກສຳເລັດແລ້ວຈະເປີດທົດລອງໃຊ້ຟຣີເປັນເວລາ 3ເດືອນ ລາຍລະອຽດລາຄາໃນຄອມເມັ້ນ

07/09/2025

ຊາວສວນສ່ຽງອັນຕະລາຍ! ພົບ ແລະ ທຳລາຍລະເບີດບົ່ມບີ້ເກືອບ 500 ລູກທີ່ສວນກາເຟ ເຂດເມືອງປາກຊ່ອງ

ທີມກວດກູ້ລະເບີດໄດ້ລົງພື້ນທີ່ເພື່ອທຳລາຍລະເບີດທີ່ຍັງບໍ່ທັນແຕກ ທີ່ສວນກາເຟຢູ່ທີ່ບ້ານຫຼັກ 45, ເມືອງປາກຊ່ອງ, ແຂວງຈຳປາສັກ.

ທີມກວດກູ້ພື້ນທີ່ຫາກໍ່ກວດພົບ ແລະ ໄດ້ທຳລາຍລະເບີດບົ່ມບີ້ຈຳນວນ 488 ລູກ ແລະ ລູກປືນຄົກຂະໜາດ 60mm ຈຳນວນ 7 ໜ່ວຍ ທີ່ສວນກາເຟຢູ່ທີ່ບ້ານຫຼັກ 45, ເມືອງປາກຊ່ອງ, ແຂວງຈຳປາສັກ. ບ້ານນີ້ເປັນໜຶ່ງໃນໝູ່ບ້ານທີ່ມີພື້ນທີ່ອັນຕະລາຍຈາກລະເບີດທີ່ບໍ່ທັນແຕກ (ລບຕ) ຫຼາຍທີ່ສຸດ. ເຊິ່ງປັດຈູບັນ ພື້ນທີ່ທີ່ມີຄວາມສ່ຽງແມ່ນກວມເອົາ 47,412 ຕາແມັດ ແລະ ໄດ້ເຮັດການກວດກູ້ໄປແລ້ວ 28,705 ຕາແມັດ.

📌ຖ້າພົບເຫັນລະເບີດ ທ່ານສາມາດແຈ້ງເບີສາຍດ່ວນ 1603

ທີ່ມາ: ອົງການຊ່ວຍເຫຼືອລ້າຂອງປະຊາຊົນນອກແວ
#ຂ່າວ #ລະເບີດບໍ່ທັນແຕກ
#ລາວ

07/09/2025

Donald Trump ລົງນາມປ່ຽນຊື່ກະຊວງປ້ອງກັນປະເທດ ເປັນກະຊວງສົງຄาມ

ວັນທີ 6 ກັນຍາ 2025 , ທ່ານ ໂດນັນ ທຣຳ ປະທານາທິບໍດີ ສ.ອາເມລິກາ ໄດ້ລົງນາມ ໃນຄຳສັ່ງທາງດ້ານການ ບໍລິຫານເພື່ອປ່ຽນຊື່ກະຊວງປ້ອງກັນປະເທດ (Depart ment of Defense) ເປັນກະຊວງສົງຄາມ (Department of War) ຊຶ່ງເປັນຊື່ເກົ່າ ທີ່ ສ.ອາເມລິກາ ເຄີຍໃຊ້ຈົນເຖິງໄລຍະຫລັງສົງຄາມໂລກ ຄັ້ງທີ 2 ເພື່ອເນັ້ນເຖິງບົດບາດຂອງກະຊວງນີ້ໃນການປ້ອງກັນຄວາມຂັດແຍ່ງ. ການເຄື່ອນໄຫວຄັ້ງນີ້ຖືເປັນຄວາມພະຍາຍາມ ຫລ້າສຸດຂອງ ທ່ານ ໂດນັນ ທຣຳ ໃນການປັບປຸງພາບລັກຂອງກອງທັບສະຫະລັດອາເມລິກາ.

#ຂ່າວຕ່າງປະເທດ #ຂ່າວ
#ປ່ຽນຊື່ກະຊວງ #ກະຊວງສົງຄາມ

07/09/2025

ວັນທີ 07 ກັນຍາ 2025, ຮ່ອງຄວາມກົດດັນອາກາດຕໍ່າ ຫລືວ່າ ຮ່ອງຝົນຍັງສືບຕໍ່ພາດຜ່ານພາກກາງ ແລະ ພາກໃຕ້ຂອງປະເທດລາວ, ສົມທົບກັບລົມມໍລະສຸມຕາເວັນຕົກ ສ່ຽງໃຕ້ພັດປົກຄຸມ. ຊຶ່ງຈະເຮັດໃຫ້ມີຝົນຕົກ ຟ້າຮ້ອງ ຟ້າເຫລື້ອມ ໃນລະດັບຄ່ອຍຢູ່ເກືອບທົ່ວໄປໃນແຕ່ລະພາກ ແລະ ຈະມີຝົນຕົກໃນລະດັບປານກາງ ຫາ ຕົກໜັກ ຢູ່ບາງທ້ອງຖິ່ນ ພ້ອມມີລົມພັດແຮງຢູ່ບາງທ້ອງຖີ່ນ ແຂວງພາກກາງ ແລະ ພາກໃຕ້

ທີ່ມາ: ກົມອຸຕຸນິຍົມ ແລະ ອຸທົກກສາດ
#ອາກາດຮ້ອນ #ຝົນຕົກ

06/09/2025

ພາກກາງ ແລະ ພາກໃຕ້ ຝົນຍັງກວມເອົາ 60-65% ຂອງພື້ນທີ່

ກົມອຸຕຸນິຍົມ ແລະ ອຸທົກກະສາດ ພະຍາກອນວ່າ: ສະພາບອາກາດ ປະຈໍາເຊົ້າວັນທີ 06 ກັນຍາ 2025, ຮ່ອງຄວາມກົດດັນອາກາດຕ່ຳ ຫລືວ່າຮ່ອງຝົນ ຍັງພາດຜ່ານພາກກາງ ແລະ ພາກໃຕ້ຂອງປະເທດລາວ ສົມທົບກັບລົມມໍລະສຸມຕາເວັນຕົກສຽງໃຕ້ພັດປົກຄຸມ. ຊຶ່ງຈະເຮັດໃຫ້ມີຝົນຕົກຟ້າຮ້ອງ ຟ້າເຫລື້ອມ ໃນລະດັບຄ່ອຍຢູ່ເກືອບທົ່ວໄປໃນແຕ່ລະພາກ ແລະ ຈະມີຕົກໃນລະດັບປານກາງ ຫາ ຕົກໜັກ ຢູ່ບາງທ້ອງຖິ່ນແຂວງພາກກາງ ແລະພາກໃຕ້ ພ້ອມມີລົມພັດແຮງເປັນບາງໂອກາດ.

ທີ່ມາ: ກົມອຸຕຸນິຍົມ ແລະ ອຸທົກກສາດ
#ອາກາດຮ້ອນ #ຝົນຕົກ

06/09/2025

ໃນວັນທີ 3-6 ກັນຍາ 2025, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ ໄດ້ນຳພາຄະນະຜູ້ແທນລາວຈາກພາກລັດ ແລະ ພາກທຸລະກິດ ເດີນທາງເຂົ້າຮ່ວມກອງປະຊຸມເວທີປຶກສາຫາລືເສດຖະກິດຕາເວັນອອກ ຄັ້ງທີ 10 (the X Eastern Economic Forum) ພາຍໃຕ້ຄໍາຂວັນ: “ພາກພື້ນຕາເວັນອອກໄກ: ການຮ່ວມມືເພື່ອສັນຕິພາບ ແລະ ຄວາມສົມບູນພູນສຸກ” (The Far Eastern: Cooperation for Peace and Prosperity), ທີ່ ເມືອງວະລາດີວັດສະຕົກ ສ ຣັດເຊຍ.

ຈຸດປະສົງຫຼັກຂອງກອງປະຊຸມດັ່ງກ່າວ ແມ່ນເພື່ອສົ່ງເສີມການຮ່ວມມື, ການຄ້າ ແລະ ການລົງທຶນ ລະຫວ່າງ ສ ຣັດເຊຍ ແລະ ພາກພື້ນ ກໍຄືໃນໂລກ ໂດຍສະເພາະ ເພື່ອການສົ່ງເສີມການຮ່ວມມືດ້ານເສດຖະກິດໃນພາກຕາເວັນອອກໄກຂອງ ສ ຣັດເຊຍ ແລະ ເປີດກວ້າງການຮ່ວມມືດ້ານການຄ້າ ແລະ ການລົງທຶນ ກັບປະເທດໃນພາກພື້ນອາຊີຕາເວັນອອກ ແລະ ອາຊີ-ປາຊີຟິກ.

ໃນກອງປະຊຸມຄັ້ງນີ້, ທ່ານນາຍົກລັດຖະມົນຕີ ແຫ່ງ ສປປ ລາວ ໄດ້ຮັບການເຊື້ອເຊີນເຂົ້າຮ່ວມໃນນາມເປັນແຂກກິດຕິມະສັກຂອງ ທ່ານ ວະລາດີເມຍ ປູຕິນ ປະທານາທິບໍດີ ສ ຣັດເຊຍ ແລະ ໄດ້ຂຶ້ນກ່າວປາໄສ ພ້ອມທັງ ຕອບຄໍາຖາມໃນກອງປະຊຸມພາກຄົບຄະນະຮ່ວມກັບ ປະທານາທິບໍດີ ວາລາດີເມຍ ປູຕິນ ແລະ ແຂກການນຳຂັ້ນສູງຈາກມົງໂກລີ ແລະ ສປ ຈີນ.
ໃນໂອກາດດັ່ງກ່າວ, ທ່ານນາຍົກລັດຖະມົນຕີ ໄດ້ຍົກໃຫ້ເຫັນເຖິງ ສະພາບການຂອງພາກພື້ນ ແລະ ສາກົນ ທີ່ສົ່ງຜົນກະທົບຕໍ່ລະບົບໂຄງສ້າງເສດຖະກິດຂອງໂລກ ຊຶ່ງໄດ້ຮຽກຮ້ອງໃຫ້ປະເທດຕ່າງໆ ຍົກສູງການຮ່ວມມື ແລະ ແກ້ໄຂບັນຫາຮ່ວມກັນ ຜ່ານກົນໄກການປຶກສາຫາລື ແລະ ກົນໄກຫຼາຍຝ່າຍ ບົນພື້ນຖານການເຄົາລົບ ຊຶ່ງກັນ ແລະ ກັນ, ແລະ ສອດຄ່ອງກັບກົດໝາຍສາກົນ.

ພ້ອມດຽວກັນນັ້ນ, ທ່ານ ນາຍົກລັດຖະມົນຕີ ຍັງໄດ້ຍົກໃຫ້ເຫັນເຖິງບົດບາດຄວາມສໍາຄັນຂອງ ສ ຣັດເຊຍ ໃນເວທີສາກົນ ແລະ ຄວາມສໍາຄັນຂອງການຮ່ວມມືຫຼາຍຝ່າຍ ໃນການປະກອບສ່ວນເຂົ້າໃນການຮັກສາສັນຕິພາບ, ສະຖຽນລະພາບ, ຄວາມໝັ້ນຄົງ ແລະ ກ້າວໄປສູ່ການສ້າງຄວາມສົມບູນພູນສຸກຂອງພາກພື້ນໃນຕໍ່ໜ້າ.

ນອກຈາກນັ້ນ, ທ່ານ ຍັງໄດ້ຍົກໃຫ້ເຫັນ ການຮ່ວມມື ລະຫວ່າງ ສປປ ລາວ ແລະ ສ ຣັດເຊຍ ໃນໄລຍະຜ່ານມາ ກໍຄືປັດຈຸບັນ ໃນຖານະເປັນຄູ່ຮ່ວມຍຸດທະສາດ ແລະ ຄົບຮອບ 65 ປີ ແຫ່ງການສ້າງສາຍພົວພັນການທູດ ລາວ-ຣັດຊຍ ໃນປີ 2025 ນີ້. ຄຽງຄູ່ກັນນັ້ນ, ໄດ້ຍົກໃຫ້ເຫັນການປະຕິບັດນະໂຍບາຍການເຊື່ອມຈອດພາກພື້ນຂອງ ສປປ ລາວ ໃນການຫັນປະເທດທີ່ບໍ່ມີຊາຍແດນຕິດກັບທະເລ ໄປສູ່ການເປັນປະເທດເຊື່ອມໂຍງ-ເຊື່ອມຈອດໃນພາກພື້ນ ທີ່ມີຄວາມຄືບໜ້າເປັນກ້າວໆມາ.

ເວທີການປຶກສາຫາລືດັ່ງກ່າວ ແມ່ນໄດ້ເປີດໂອກາດໃຫ້ແກ່ຜູ້ວາງນະໂຍບາຍທັງພາກລັດ ແລະ ເອກະຊົນ ເຂົ້າຮ່ວມເປັນຈໍານວນຫຼວງາຍໃນແຕ່ລະປີ ເພື່ອແລກປ່ຽນວິໄສທັດດ້ານການພັດທະນາ ແລະ ປຶກສາຫາລື ກ່ຽວກັບ ບັນຫາຕ່າງໆ ທີ່ເປັນສິ່ງທ້າທາຍດ້ານເສດຖະກິດຂອງພາກພື້ນ ແລະ ສາກົນ.

ໃນໂອກາດເຂົ້າຮ່ວມກອງປະຊຸມເສດຖະກິດຕາເວັນອອກຄັ້ງນີ້, ທ່ານ ສອນໄຊ ສີພັນດອນ ຍັງໄດ້ເຂົ້າຢ້ຽມຂໍ່ານັບ ທ່ານ ວະລາດີເມຍ ປູຕິນ ປະທານາທິບໍດີ ແຫ່ງ ສ ຣັດເຊຍ ເພື່ອສືບຕໍ່ຊຸກຍູ້ການພົວພັນຮ່ວມມືສອງຝ່າຍ; ໄດ້ເຂົ້າຮ່ວມ ແລະ ເປັນປະທານກອງປະຊຸມເວທີປຶກສາຫາລືພາກທຸລະກິດ ສປປ ລາວ - ສ ຣັດເຊຍ ເພື່ອສົ່ງເສີມການພົວພັນຮ່ວມມືດ້ານເສດຖະກິດ ລະຫວ່າງ ສອງປະເທດ ໃຫ້ນັບມື້ຂະຫຍາຍຕົວຫຼາຍຂຶ້ນ; ໄດ້ໃຫ້ສຳພາດ ຕໍ່ສື່ມວນຊົນຂອງຣັດເຊຍ ເພື່ອໂຄສະນານະໂຍບາຍ ສົ່ງເສີມການພົວພັນຮ່ວມມືຂອງ ສປປ ລາວ ກັບປະເທດຕ່າງໆ ໂດຍສະເພາະແມ່ນນະໂຍບາຍສົ່ງເສີມການຄ້າ ແລະ ການລົງທຶນຂອງ ສປປ ລາວ; ແລະ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ໄອວານ ໂປລຢາຄົບ (Ivan Polyakov) ປະທານສະພາທຸລະກິດຣັດເຊຍ - ອາຊຽນ ແລະ ນັກສຶກສາລາວ ທີ່ກຳລັງສຶກສາຢູ່ມະຫາວິທະຍາໄລຂອງເມືອງດັ່ງກ່າວ.
ການເຂົ້າຮ່ວມກອງປະຊຸມເວທີປຶກສາຫາລືເສດຖະກິດຕາເວັນອອກ ຄັ້ງທີ 10 ນີ້ ແມ່ນໄດ້ຮັບການຕ້ອນຮັບຢ່າງອົບອຸ່ນ ແລະ ປະສົບຜົນສໍາເລັດຕາມຄາດໝາຍ ທັງເປັນການປະກອບສ່ວນຢ່າງຫ້າວຫັນ ໃນການສົ່ງເສີມການພົວພັນຮ່ວມມືອັນດີໃນຂອບສອງຝ່າຍ ແລະ ຫຼາຍຝ່າຍ ກັບບັນດາປະເທດທີ່ເຂົ້າຮ່ວມກອງປະຊຸມດັ່ງກ່າວ ໃຫ້ແໜ້ນແຟ້ນຍິ່ງຂຶ້ນ.

ຂ່າວ: ກະຊວງການຕ່າງປະເທດ

TARGET Magazine

09/09/2025

08/09/2025

08/09/2025

08/09/2025

08/09/2025

08/09/2025

08/09/2025

07/09/2025

07/09/2025

07/09/2025

06/09/2025

06/09/2025

Address

Telephone

Website

Alerts

Contact The Business

Shortcuts

Share

Our Story