TARGET Magazine

  • Home
  • TARGET Magazine

TARGET Magazine Target magazine online is derived from a famous business magazine “Target”. It is an online media
(5)

26/05/2026

ຢຶດອຸປະກອນລັກລອບຂຸດຄົ້ນແຮ່ຄໍາຕົກຂ້ອນ ຢູ່ເມືອງເຊໂປນ ແລະເມືອງພີນ ແຂວງສະຫວັນນະເຂດ ແລະພົບໜັງສືຜ່ານແດນຂອງຄົນຕ່າງຊາດ 16 ຫົວ

26/05/2026

"ຖ້າມື້ນີ້ບໍ່ມີອຸປະສັກເພີ່ມເຕີມ ຕາມການຄາດການແລ້ວ ຈະແມ່ນແຜນການລຳລຽງຜູ້ທີ່ຕິດຢູ່ໃນຖ້ຳທັງ 7 ຄົນ ອອກມາພາຍໃນມື້ນີ້" ເນື້ອຫານີ້ໂພສຜ່ານເພຈບຸກ "จักรกฤษณ์ แต่งตั้ง" ຂໍໃຫ້ເປັນຂ່າວດີ 🙏

ສປປ ລາວ ຈະປູກຕົ້ນໄມ້ໃຫ້ໄດ້ 4.5 ລ້ານເບ້ຍ ຕ້ອນຮັບວັນປູກຕົ້ນໄມ້ແຫ່ງຊາດໃນວັນທີ 25 ພຶດສະພາ 2026, ທ່ານ ປອ ລິນຄຳ ດວງສະຫວັນ ລັດຖ...
26/05/2026

ສປປ ລາວ ຈະປູກຕົ້ນໄມ້ໃຫ້ໄດ້ 4.5 ລ້ານເບ້ຍ ຕ້ອນຮັບວັນປູກຕົ້ນໄມ້ແຫ່ງຊາດ

ໃນວັນທີ 25 ພຶດສະພາ 2026, ທ່ານ ປອ ລິນຄຳ ດວງສະຫວັນ ລັດຖະມົນຕີກະຊວງກະສິກຳ ແລະ ສິ່ງແວດລ້ອມ ໄດ້ຖະແຫຼງການກະກຽມຄວາມພ້ອມສຳລັບ "ວັນປູກຕົ້ນໄມ້ແຫ່ງຊາດ ຄົບຮອບ 46 ປີ" ເຊິ່ງກົງກັບວັນເດັກນ້ອຍສາກົນ 1 ມິຖຸນາ. ໂດຍປີນີ້ໄດ້ຍົກເອົາຄຳໂອວາດຂອງ ປະທານ ໄກສອນ ພົມວິຫານ ທີ່ວ່າ "ປ່າໄມ້ ຄືຄຳຂຽວຂອງຊາດ" ມາເປັນແນວທາງຫຼັກ ໃນການປຸກລະດົມທົ່ວປວງຊົນໃຫ້ຫັນມາໃສ່ໃຈອະນຸລັກຜືນປ່າ.

ເພື່ອໃຫ້ບັນລຸເປົ້າໝາຍການຟື້ນຟູສິ່ງແວດລ້ອມ ທາງກະຊວງໄດ້ວາງແຜນການລວມ ແລະ ກິດຈະກຳສຳຄັນໄວ້ດັ່ງນີ້:

ເປົ້າໝາຍໃຫຍ່ທົ່ວປະເທດ: ພາຍໃນປີນີ້ ຕັ້ງເປົ້າເກັບແກ່ນພັນໄມ້ໃຫ້ໄດ້ຫຼາຍກວ່າ 121.000 ກິໂລ, ກ້າເບ້ຍໄມ້ 25,1 ລ້ານເບ້ຍ ແລະ ປູກທົດແທນໃນເນື້ອທີ່ຫຼາຍກວ່າ 50.000 ເຮັກຕາ.

ເປົ້າໝາຍສະເພາະວັນທີ 1 ມິຖຸນາ: ລະດົມກຳລັງທົ່ວປະເທດປູກຕົ້ນໄມ້ໃຫ້ໄດ້ 4.5 ລ້ານເບ້ຍ. ສຳລັບນະຄອນຫຼວງວຽງຈັນ ຈະປູກຕົ້ນໄມ້ເສດຖະກິດ ແລະ ໄມ້ມີຄ່າ (ເຊັ່ນ: ໄມ້ດູ່, ໄມ້ແຕ້ຂ່າ, ໄມ້ສັກ, ໄມ້ຍາງ) ຫຼາຍກວ່າ 80.000 ເບ້ຍ ໃນເນື້ອທີ່ 50 ເຮັກຕາ.

ລະຫວ່າງວັນທີ 29 ພຶດສະພາ ຫາ 1 ມິຖຸນາ ຈະມີການຈັດງານ "Run for our Forest and Clean Air" ເພື່ອສະເຫຼີມສະຫຼອງ 3 ວັນສຳຄັນ (ວັນປູກຕົ້ນໄມ້ແຫ່ງຊາດ, ວັນສິ່ງແວດລ້ອມໂລກ ແລະ ວັນສິ່ງແວດລ້ອມແຫ່ງຊາດ) ພ້ອມວາງສະແດງເຕັກໂນໂລຊີທັນສະໄໝເພື່ອການອະນຸລັກ.

ທີ່ມາ: ວຽງຈັນໃໝ່
#ວັນປູກຕົ້ນໄມ້ແຫ່ງຊາດ #ປ່າໄມ້ #ຂ່າວສິ່ງແວດລ້ອມ

26/05/2026

ໃນຖໍ້າທັງແຄບ ແລະອັນຕະລາຍ ແຕ່ຍັງສູ້ສຸດໃຈ

ໃນວັນທີ 22 ພຶດສະພາ 2026 ທີ່ຜ່ານມາ, ໄດ້ມີພິທີວາງສິລາລຶກໂຄງການປັບປຸງສະໜາມບິນສາກົນວຽງຈັນ (ວັດໄຕ) ຄັ້ງໃຫຍ່ ໂດຍການເປັນປະທານຮ່...
26/05/2026

ໃນວັນທີ 22 ພຶດສະພາ 2026 ທີ່ຜ່ານມາ, ໄດ້ມີພິທີວາງສິລາລຶກໂຄງການປັບປຸງສະໜາມບິນສາກົນວຽງຈັນ (ວັດໄຕ) ຄັ້ງໃຫຍ່ ໂດຍການເປັນປະທານຮ່ວມຂອງ ທ່ານ ເຫຼັກໄຫຼ ສີວິໄລ ລັດຖະມົນຕີກະຊວງໂຍທາທິການ ແລະ ຂົນສົ່ງ, ທ່ານ ໂຄອິຊຶມິ ຊຶໂຕະມຸ ເອກອັກຄະຣາຊະທູດຍີ່ປຸ່ນ ປະຈຳ ສປປ ລາວ ແລະ ທ່ານ ໂກບາຢາຊິ ມິຢາໂກະ ຫົວໜ້າອົງການ JICA ປະຈຳລາວ ພ້ອມດ້ວຍພາກສ່ວນທີ່ກ່ຽວຂ້ອງ.

ໂຄງການນີ້ໄດ້ຮັບການສະໜັບສະໜູນຈາກລັດຖະບານຍີ່ປຸ່ນ ຜ່ານຮູບແບບການຊ່ວຍເຫຼືອລ້າ ແລະ ເງິນກູ້ຢືມ (ODA) ເຊິ່ງເປັນການສະແດງເຖິງສາຍພົວພັນການຮ່ວມມືອັນແໜ້ນແຟ້ນກວ່າ 60 ປີ ລະຫວ່າງສອງຊາດ. ການປັບປຸງຄັ້ງນີ້ ຈະພິກໂສມສະໜາມບິນທີ່ເປີດນຳໃຊ້ຕັ້ງແຕ່ປີ 1960 ໃຫ້ກາຍເປັນສູນກາງການຂົນສົ່ງທີ່ທັນສະໄໝ

ດ້ວຍການປັບປຸງຂະຫຍາຍອາຄານຜູ້ໂດຍສານ ແລະ ລານຈອດເຮືອບິນ ຈະຊ່ວຍແກ້ໄຂບັນຫາຄວາມແອອັດ ເຮັດໃຫ້ຜູ້ໂດຍສານໄດ້ຮັບຄວາມສະດວກສະບາຍ ແລະ ໃຊ້ເວລາພາຍໃນສະໜາມບິນໄດ້ຢ່າງມີປະສິດທິພາບ, ການຂະຫຍາຍທາງແລ່ນ (Runway) ແລະ ທາງຂັບ (Taxiway) ຈະຊ່ວຍເພີ່ມຂີດຄວາມສາມາດໃນການຮອງຮັບຖ້ຽວບິນທັງພາຍໃນ ແລະ ຕ່າງປະເທດ ຕອບໂຈດການເດີນທາງທີ່ເພີ່ມຂຶ້ນ, ຍົກລະດັບຄວາມປອດໄພດ້ວຍການຕິດຕັ້ງອຸປະກອນ ແລະ ລະບົບຄວບຄຸມການຈະລາຈອນທາງອາກາດທີ່ທັນສະໄໝ ພ້ອມທັງພັດທະນາບຸກຄະລາກອນໃຫ້ມີຄວາມຊ່ຽວຊານທຽບເທົ່າສາກົນ.

ທີ່ມາ: ກະຊວງ ໂຍທາທິການ ແລະ ຂົນສົ່ງ
#ສະໜາມບິນວັດໄຕ #ຂ່າວລາວມື້ນີ້

25/05/2026

ວິກິດຄວາມຮ້ອນ! ອິນເດຍອຸນຫະພູມພຸ່ງ 47 ອົງສາ ເສຍຊີວິດແລ້ວ 37 ລາຍ ພ້ອມຕິດອັນດັບ 25 ເມືອງຮ້ອນທີ່ສຸດໃນໂລກ!

25/05/2026

ອັບເດດພາລະກິດຄົ້ນຫາ 7 ຊີວິດ! ທີມກູ້ໄພລາວ-ໄທ ສົມທົບຜູ້ຊ່ຽວຊານດ້ານການດຳນ້ຳ ໄທ ແລະຟິນແລນເລັ່ງຄົ້ນຫາ

ສູນສະຖິຕິແຫ່ງຊາດ ກະຊວງການເງິນ ໄດ້ອອກມາຊີ້ແຈງກໍລະນີທີ່ມີການນຳເອົາຕົວເລກສະຖິຕິພົນລະເມືອງເບື້ອງຕົ້ນໄປເຜີຍແຜ່ໃນຊ່ວງຕົ້ນເດືອນ...
25/05/2026

ສູນສະຖິຕິແຫ່ງຊາດ ກະຊວງການເງິນ ໄດ້ອອກມາຊີ້ແຈງກໍລະນີທີ່ມີການນຳເອົາຕົວເລກສະຖິຕິພົນລະເມືອງເບື້ອງຕົ້ນໄປເຜີຍແຜ່ໃນຊ່ວງຕົ້ນເດືອນພຶດສະພາ 2026 ທີ່ຜ່ານມາ ເຊິ່ງອາດເຮັດໃຫ້ສັງຄົມເກີດຄວາມເຂົ້າໃຈຜິດ. ເພື່ອໃຫ້ປະຊາຊົນໄດ້ຮັບຂໍ້ມູນທີ່ຖືກຕ້ອງ, ຊັດເຈນທາງສູນສະຖິຕິແຫ່ງຊາດ ໄດ້ອະທິບາຍຂໍ້ເທັດຈິງດັ່ງນີ້:

ຕົວເລກທີ່ຖືກເຜີຍແຜ່ອອກໄປນັ້ນ ມາຈາກກອງປະຊຸມຄະນະຊີ້ນຳລະດັບຊາດ ແລະ ຂັ້ນແຂວງ ຄັ້ງທີ V (ວັນທີ 30 ເມສາ 2026) ເຊິ່ງເປັນພຽງການລາຍງານ ແລະ ແລກປ່ຽນຄຳເຫັນພາຍໃນເທົ່ານັ້ນ. ປັດຈຸບັນ ຂໍ້ມູນທັງໝົດຍັງຢູ່ໃນຂັ້ນຕອນກວດກາ ແລະ ຍັງບໍ່ມີການອະນຸຍາດໃຫ້ປະກາດນຳໃຊ້.

ຕົວເລກ 6.7 ລ້ານຄົນ ນັ້ນ ໝາຍເຖິງພຽງແຕ່ "ຈຳນວນພົນລະເມືອງທີ່ມີໜ້າຢູ່ເປັນປະຈຳໃນ ສປປ ລາວ 6 ເດືອນຂຶ້ນໄປ" ໂດຍຍັງບໍ່ທັນໄດ້ນັບລວມເອົາຄົນລາວທີ່ອາໄສຢູ່ຕ່າງປະເທດເກີນ 6 ເດືອນຂຶ້ນໄປ. ດັ່ງນັ້ນ ນີ້ຈຶ່ງຍັງບໍ່ແມ່ນຕົວເລກພົນລະເມືອງທັງໝົດຂອງປະເທດ ດັ່ງນັ້ນການສົມທຽບທີ່ຖືກຕ້ອງ ຈະຕ້ອງລໍຖ້າໃຫ້ໄດ້ຕົວເລກ "ພົນລະເມືອງລາວທັງໝົດໃນປີ 2025" ຢ່າງເປັນທາງການກ່ອນ.

ຂໍໃຫ້ປະຊາຊົນລໍຖ້າຕິດຕາມການປະກາດຕົວເລກພົນລະເມືອງຢ່າງເປັນທາງການ ຫຼັງຈາກທີ່ຂໍ້ມູນໄດ້ຮັບການຮັບຮອງແລ້ວ.
ທີ່ມາ: ປະເທດລາວ
#ສູນສະຖິຕິແຫ່ງຊາດ #ພົນລະເມືອງລາວ #ຂ່າວລາວມື້ນີ້ #ແຈ້ງການ

25/05/2026

ພາບນາທີ ເຈົ້າໜ້າທີ່ເຂົ້າຄົ້ນຫາ ເພື່ອຊ່ວຍເຫຼືອ 7 ຊີວິດທີ່ຕິດຢູ່ໃນຖໍ້າ ໃນວັນທີ 24 /05/2026
❤🙏ຂອບໃຈເຈົ້າໜ້າທີ່ລາວ ແລະເຈົ້າໜ້າທີ່ໄທ ທີ່ຍອມທຸ້ມເທແຮງກາຍແຮງໃຈຊ່ວຍເຫຼືອໃນຄັ້ງນີ້
ທີ່ມາພາບ: จักรกฤษณ์ แต่งตั้ง

ເລັ່ງສືບຕໍ່ຄົ້ນຫາ 7 ຊີວິດຕິດຖໍ້າລ້ອງແຈ້ງ! ເປີດແຜນຄົ້ນຫາລ່າສຸດ ພາລະກິດຄົ້ນຫາ ແລະ ຊ່ວຍເຫຼືອຜູ້ປະສົບໄພ 7 ຄົນ ທີ່ຕິດຢູ່ໃນຖໍ...
25/05/2026

ເລັ່ງສືບຕໍ່ຄົ້ນຫາ 7 ຊີວິດຕິດຖໍ້າລ້ອງແຈ້ງ! ເປີດແຜນຄົ້ນຫາລ່າສຸດ

ພາລະກິດຄົ້ນຫາ ແລະ ຊ່ວຍເຫຼືອຜູ້ປະສົບໄພ 7 ຄົນ ທີ່ຕິດຢູ່ໃນຖໍ້າ ຢູ່ເມືອງລ້ອງແຈ້ງ ແຂວງໄຊສົມບູນ ຍັງຄົງດຳເນີນໄປຢ່າງຮີບດ່ວນ ໃນຂະນະທີ່ທຸກພາກສ່ວນທັງພາຍໃນ ແລະ ຕ່າງປະເທດ ໄດ້ລະດົມກຳລັງເຂົ້າຊ່ວຍເຫຼືອຢ່າງເຕັມທີ່.

ອີງຕາມການລາຍງານແຜນປະຕິບັດງານຂອງສະມາຄົມອາສາເພື່ອປະຊາຊົນ ໃນວັນທີ 25 ພຶດສະພາ 2026 ນີ້, ວຽກງານຄົ້ນຫາໄດ້ຖືກແບ່ງອອກເປັນ 2 ພາກສ່ວນຫຼັກ ເພື່ອໃຫ້ການຊ່ວຍເຫຼືອເປັນໄປຢ່າງວ່ອງໄວທີ່ສຸດຄື:

1.ການຄົ້ນຫາພາຍໃນຖໍ້າ: ທີມນັກດຳນ້ຳກູ້ໄພຈາກປະເທດເພື່ອນບ້ານ ກຳລັງສືບຕໍ່ດຳນ້ຳຈາກຈຸດທີ 6 ມຸ່ງໜ້າໄປຍັງ "ເນີນ 30" ໄລຍະທາງປະມານ 30 ແມັດ ເຊິ່ງເປັນຈຸດຄວາມຫວັງທີ່ຄາດວ່າຜູ້ປະສົບໄພອາດຈະຫຼົບໄພຢູ່ ເນື່ອງຈາກມີອາກາດພັດຜ່ານ. ຄຽງຄູ່ກັນນັ້ນ, ທີມງານກຳລັງເລັ່ງເຄື່ອງສູບນ້ຳອອກຈາກຖໍ້າໃຫ້ໄດ້ຫຼາຍທີ່ສຸດ.

ການກຽມພ້ອມພາຍນອກ: ການນຳຂັ້ນແຂວງ, ເມືອງ ແລະ ພາກສ່ວນກ່ຽວຂ້ອງ ໄດ້ກຽມພ້ອມລົດພະຍາບານ ແລະ ທີມແພດໝໍສະແຕນບາຍລໍຖ້າຮັບການປິ່ນປົວທັນທີ. ພ້ອມດຽວກັນນີ້, ກອງທັບປະຊາຊົນລາວ ຍັງໄດ້ກະກຽມຍົນເຮລິຄອບເຕີເພື່ອກຽມລຳລຽງ ແລະ ສະໜອງອຸປະກອນ, ໃນຂະນະທີ່ກຳລັງ ປກສ ພ້ອມດ້ວຍປະຊາຊົນ ໄດ້ລົງພື້ນທີ່ຊ່ວຍອຳນວຍຄວາມສະດວກ ແລະ ຮັກສາຄວາມປອດໄພຢ່າງເຂັ້ມງວດ.

ພາລະກິດຄັ້ງນີ້ ຢູ່ພາຍໃຕ້ການຊີ້ນຳລວມຂອງ ທ່ານ ເຈົ້າແຂວງໄຊສົມບູນ ໂດຍມີໜ່ວຍກູ້ໄພລາວ ແລະ ໄທ ກວ່າ 5 ໜ່ວຍງານ ຮ່ວມປະຕິບັດການຢ່າງໃກ້ຊິດ. ທາງ Target Magazine ຂໍສົ່ງກຳລັງໃຈໃຫ້ທີມງານທຸກພາກສ່ວນ ແລະ ພາວະນາໃຫ້ທັງ 7 ຊີວິດ ກັບຄືນມາໄດ້ຢ່າງປອດໄພ.

#ຂ່າວໄຊສົມບູນ #ຕິດຖໍ້າລ້ອງແຈ້ງ #ລາວໄທ #ຊ່ວຍເຫຼືອ7ຊີວິດ #ຂ່າວລາວມື້ນີ້
ທີ່ມາ: ສະມາຄົມອາສາເພື່ອປະຊາຊົນ

ສປປ ລາວ ຄອງອັນດັບ 2 ອາຊຽນ ມີພື້ນທີ່ປ່າໄມ້ຫຼາຍທີ່ສຸດລາຍງານຫຼ້າສຸດຈາກ Seasia Stats ໄດ້ເປີດເຜີຍສະຖິຕິສັດສ່ວນເນື້ອທີ່ປ່າໄມ້ຕ...
24/05/2026

ສປປ ລາວ ຄອງອັນດັບ 2 ອາຊຽນ ມີພື້ນທີ່ປ່າໄມ້ຫຼາຍທີ່ສຸດ

ລາຍງານຫຼ້າສຸດຈາກ Seasia Stats ໄດ້ເປີດເຜີຍສະຖິຕິສັດສ່ວນເນື້ອທີ່ປ່າໄມ້ຕໍ່ເນື້ອທີ່ດິນທັງໝົດໃນພາກພື້ນອາຊຽນ ພົບວ່າ ສປປ ລາວ ຍັງຄົງຮັກສາຄວາມອຸດົມສົມບູນຂອງທຳມະຊາດໄວ້ໄດ້ ໂດຍມີເນື້ອທີ່ປ່າໄມ້ກວມເອົາເຖິງ 62.0% ຂອງເນື້ອທີ່ທົ່ວປະເທດ.

ອັນດັບສັດສ່ວນເນື້ອທີ່ປ່າໄມ້ໃນອາຊຽນ:
ບຣູໄນ: ຄອງອັນດັບໜຶ່ງ ມີເນື້ອທີ່ປ່າໄມ້ສູງເຖິງ 72.1%. ຂອງເນື້ອທີ່ທົ່ວປະເທດ
ສປປ ລາວ: 62.0%
ມາເລເຊຍ: 55.3%
ອິນໂດເນເຊຍ: 50.8%
ກຳປູເຈຍ: 48.2%
ມຽນມາ: 42.2%
ຫວຽດນາມ: 42.0%
ໄທ: 31.6%
ຟິລິບປິນ: 24.1%
ສິງກະໂປ: 20.8%
ທຸກທ່ານຄິດເຫັນແນວໃດກັບການຈັດອັນດັບຄັ້ງນີ້?

ທີ່ມາ: seasia.stats
#ວັນປູກຕົ້ນໄມ້ແຫ່ງຊາດ #ປ່າໄມ້ລາວ #ອາຊຽນ

Address


Telephone

+8562076776186

Website

Alerts

Be the first to know and let us send you an email when TARGET Magazine posts news and promotions. Your email address will not be used for any other purpose, and you can unsubscribe at any time.

Contact The Business

Send a message to TARGET Magazine:

Shortcuts

  • Want your business to be the top-listed Media Company?

Share