29/07/2025
# ထိုင်းတပ်ဖွဲ့များက ကမ္ဘောဒီးယား ထောက်လှမ်းရေးအရာရှိဟု သံသယဖြစ်ဖွယ် ဖမ်းဆီး
**ထိုင်းနိုင်ငံ၊ ချန်သာဘူရီ –** ကမ္ဘောဒီးယားစစ်တပ်မှ ဗိုလ်လောင်းတစ်ဦးကို ထိုင်းရေတပ်သားများက ချန်သာဘူရီပြည်နယ်တွင် ဖမ်းဆီး၍ စစ်ဆေးမေးမြန်းလျက်ရှိသည်။
အဆိုပါပုဂ္ဂိုလ်မှာ Oeun Khoem အမည်ရှိ အသက် ၄၃ နှစ်အရွယ်ဖြစ်ပြီး ကမ္ဘောဒီးယားစစ်တပ်တွင် ဗိုလ်လောင်းအဆင့် တာဝန်ထမ်းဆောင်သူဖြစ်သည်။ ၎င်းသည် မတ်လ ၁၂ ရက်က ထိုင်းနိုင်ငံသို့ ရေရှည်နေထိုင်ခွင့်ဗီဇာ (non-residential visa) ဖြင့် ဝင်ရောက်ခဲ့ပြီး ယင်းဗီဇာသည် ၂၀၂၇ ခုနှစ် မတ်လ ၁၂ ရက်တွင် သက်တမ်းကုန်ဆုံးမည်ဖြစ်သည်။
အဆိုပါထိုသူကို **ပေါင်နမ်ရွန်ခရိုင်၊ တပ်ဆိုင်ကျေးရွာနယ်မြေအတွင်းရှိ ငှားရမ်းထားသော အိမ်၌ ထိုင်းရေတပ်သားများက ဖမ်းဆီးခဲ့ခြင်းဖြစ်သည်။** သူ၏ ကုန်တင်ကားအတွင်း၌ ကမ္ဘောဒီးယားစစ်တပ်ဝတ်စုံများ ရှိနေသည်ကို တွေ့ရှိခဲ့သည်။
သတင်းရအရာရှိများက ၄င်းအား မကြာသေးမီက သူ၏ ဓာတ်ပုံနှင့်အတူ **"ထိုင်းက စတိုက်တယ်၊ ကမ္ဘောဒီးယားက ခုခံတယ်"** ("Thailand attacks first Cambodia defends") ဟူသော စာသားပါ မက်ဆေ့ချ်တစ်ခုကို ဖေ့စ်ဘွတ်ခ်ပေါ်တွင် တင်ခဲ့သည်ဟု ဆိုသည်။
စစ်ဆေးမေးမြန်းနေစဉ်အတွင်း သံသယဖြစ်ဖွယ်ပုဂ္ဂိုလ်သည် ကမ္ဘောဒီးယားထောက်လှမ်းရေးတွင် ဗိုလ်လောင်းအဖြစ် တာဝန်ထမ်းဆောင်နေသူဖြစ်ပြီး ထိုင်းနိုင်ငံရှိ တပ်ဖွဲ့များ၏ ရွေ့လျားမှုဆိုင်ရာ အချက်အလက်များကို စုဆောင်းကာ ၎င်း၏ ကမ္ဘောဒီးယားရှိ တပ်ဖွဲ့သို့ ပေးပို့ရန် ရည်ရွယ်၍ ထိုင်းနိုင်ငံသို့ ရောက်ရှိလာခြင်းဖြစ်ကြောင်း ဝန်ခံခဲ့သည်ဟု သတင်းရအရာရှိများက ဆိုသည်။
အဆိုပါစတင်းကို ယနေ့ ဇူလိုင်လ ၂၉ရက် က Thail PBS က သတင်းဖော်ပြထားသည်။
