11/06/2024
2024 ခုနှစ်မှာ ပျမ်းမျှအမေရိကန်နိုင်ငံသားဆယ်ယောက်မှာ တစ်ယောက်က မီလီယမ်နာဖြစ်လာပါတယ်။
ဒါက လွန်ခဲ့တဲ့နှစ်တွေကထက် သိသိသာသာ ပိုတိုးလာတဲ့ အရေအတွက်တစ်ခုဖြစ်ပါတယ်။
ဒီလိုမျိုး တစ်ဦးချင်းပိုင်ဆိုင်မှု ချမ်းသာကြွယ်ဝလာစေမှု အကြောင်းအရင်းတွေက အများကြီးပါ။
အမေရိကန် တစ်နိုင်ငံလုံးအတိုင်းအတာနဲ့ စီးပွားရေးတိုးတက်လာတာတွေ၊ နည်းပညာဆိုင်ရာ ဆန်းသစ်တီထွင်ဖန်တီးနိုင်မှု တိုးတက်လာတာတွေ၊ ရင်းနှီးမြှုပ်နှံမှု အခွင့်အလမ်းတွေ ပိုပြီးလွယ်ကူချောမွေ့လာတာတွေနဲ့ စွန့်ဦးတီထွင်လုပ်ငန်းရှင်တွေ အများအပြားပေါ်ထွက်လာရတာတွေက ဒီလိုမျိုးချမ်းသာတိုးတက်လာရခြင်းရဲ့ အကြောင်းအရင်းတွေဖြစ်ပါတယ်။
အဲ့ဒါတွေအားလုံးထက်အရေးကြီးပြီးတော့ စိတ်ဝင်စားစရာ အကောင်းဆုံးအချက် ရှိပါတယ်။
အဲ့ဒါကတော့ Financial education လို့ခေါ်တဲ့ ငွေကြေးဆိုင်ရာ စီမံခန့်ခွဲမှု၊ ငွေကြေးနဲ့သက်ဆိုင်တဲ့ အသိပညာဗဟုသုတတွေကို အခြေခံပညာရေးက ကလေးတွေအတွက် ပြဌာန်းထားပေးခြင်းပဲ ဖြစ်ပါတယ်။
ကျွန်တော်တို့နိုင်ငံမှာ သက်လတ်ပိုင်းလူငယ်တစ်ယောက်တောင် မလေ့လာဖူးတဲ့ ငွေကြေးဆိုင်ရာဗဟုသုတအသိပညာတွေကို အမေရိကန်မှာ ကလေးဘဝကတည်းက လေ့လာထားရပြီးသားပါ။
မိဘတွေအနေနဲ့ ကိုယ့်ရဲ့သားသမီးတွေကို ငယ်ငယ်လေးကတည်းက ငွေကြေးနဲ့ပတ်သက်တဲ့ပညာရပ်ကို ပေးသင်ကြားပေးဖို့ အရမ်းအရေးကြီးတဲ့ ကိစ္စရပ်တစ်ခု ဖြစ်လာပါပြီ။
