Ivy's hideaway

19/09/2024

Ghost Jobs (၁) - Job Market များထဲမှစိတ်ပျက်စရာ အမှန်တရား

Ghost Jobs ဆိုတာ ဘယ်သူ့ကိုမှ အလုပ်ခန့်ဖို့ ရည်ရွယ်ချက်မရှိဘဲ အလုပ်ခေါ်စာတင်ခြင်းဖြစ်ပြီး US မှာဆိုရင် အခုနောက်ပိုင်း အလုပ်ရှာသူတွေအကြား စိတ်ပျက်လက်ပျက်ဖြစ်မှုကို ပိုမိုတိုးပွားလာစေတယ်လို့ ဆိုပါတယ်။

Resumè Builder ရဲ့ May Survey အရ ၂၀၂၄ ခုနှစ်မှာ US ကုမ္ပဏီ တွေရဲ့ ၄၀% ဟာ အလုပ်ခေါ်စာအတုတွေကို ကြော်ငြာခဲ့ပြီးတော့၊ ဈေးကွက်ထဲက အလုပ်ခေါ်စာတွေရဲ့ ၃၀% ဟာ လက်တွေ့မှာတကယ်မရှိတဲ့အလုပ်တွေကို ကိုယ်စားပြုပါတယ်။

🕵‍♀️ ဘာကြောင့် ဒီလိုဖြစ်ရတာလဲ?

》ကုမ္ပဏီတွေဟာ လက်ရှိမှာ လစ်လပ်နေရာတွေမရှိသည့်တိုင် အလားအလာရှိတဲ့အလုပ်လျှောက်သူတွေကို ဆွဲဆောင်လိုကြပါတယ်။

》အလုပ်ခေါ်စာအသစ်တွေ ပုံမှန်တင်ခြင်းအားဖြင့် ကုမ္ပဏီရဲ့ အလားအလာနဲ့ပတ်သက်ပြီး ရင်းနှီးမြှုပ်နှံသူတွေ၊ ဖောက်သည်တွေနဲ့ ပြိုင်ဖက်တွေရဲ့အမြင်မှာ တိုးတက်ကြီးပွားနေသယောင် အပြုသဘောဆောင်တဲ့ အချက်ပြမှုတစ်ခုအဖြစ် အသုံးချကြပါတယ်။

》ဒါ့အပြင် တချို့ ကုမ္ပဏီတွေဟာ အလုပ်နေရာ (position) တခုချင်းစီအတွက် လစာ၊ ကျွမ်းကျင်မှုနဲ့ အခြားလိုအပ်ချက်တွေကို သေချာနားမလည်တဲ့အခါမျိုးမှာ သူတို့အတွက် ဈေးကွက်အချက်အလက် (Market Insight) စုဆောင်းဖို့အတွက် အသုံးချကြတာပါ။

👩‍💻ဈေးကွက်အတွင်း ရောင်ပြန်ဟပ်မှု

ကုမ္ပဏီတွေဟာ ဂုဏ်သိက္ခာပိုင်းဆိုင်ရာ ထိခိုက်နိုင်သော်လည်း ထိပ်တန်းအရည်အချင်းရှိသူ (top talent) တွေကို ဆွဲဆောင်နိုင်ဖို့နဲ့ အရန်သင့်စုဆောင်းထားနိုင်ဖို့ ရည်ရွယ်ပြီး ဒီလို Ghost Job တွေကတဆင့် အလုပ်ရှာသူတွေအပေါ် အခွင့်ကောင်းယူနေကြတာပါ။

တဖက်မှာ အလုပ်ခေါ်စာအတုတွေကြောင့် အလုပ်ရှာနေသူတွေဟာ အလုပ်သစ်ရဖို့ ခက်ခဲတယ်လို့ ယူဆပြီး အဆင်မပြေသည့်တိုင် လက်ရှိအလုပ်ကထွက်ဖို့ တွန့်ဆုတ်လာကြပါတယ်။

ဒါပေမယ့် အခြားတဖက်မှာတော့ အလုပ်ရှာသူတွေဟာ ကုမ္ပဏီတွေရဲ့ အကျိုးစီးပွားဗဟိုပြု အလုပ်ခေါ်ယူရေး ဗျူဟာတွေနည်းတူ ကျင့်သုံးလာကြပါတယ်။

ဒီထဲမှာ အခွင့်အလမ်းသစ်တွေအတွက် လမ်းဖွင့်ထားတာ၊ ရုံးချိန်အတွင်းမှာပဲ အလုပ်သစ်တွေ အဆက်မပြတ် ရှာဖွေစုဆောင်းတာအပြင် အလုပ်ရှာဖွေရေးနဲ့ဆက်စပ်တဲ့ အဆက်အသွယ်၊ ဆက်သွယ်ရေးလမ်းကြောင်းတွေကို ထိန်းသိမ်းထားတာ စတာတို့ ပါဝင်ပါတယ် … (ဆက်ရန်)

Ivy 💙

Source: CNBC (2024), What the Rise of Fake Job Listings Says About the Job Market

18/09/2024

ဒီညတော့ Jason Mraz ရဲ့ "93 Million Miles" သီချင်းလေး နားထောင်မိတယ်

"(သားရေ) မင်း ဘယ်သွားသွား သိထားရမှာက
ဘယ်တော့မှ မင်းတယောက်တည်းမဟုတ်ဘူး
ဘယ်အချိန်ဖြစ်ဖြစ် အိမ်ကိုပြန်လာလို့ ရပါတယ်..." တဲ့

သီချင်းထဲမှာ အမေဖြစ်သူက သူ့သားကို အကယ်၍များ ရောက်ရာအရပ်မှာ မပျော်ခဲ့ရင် အမြဲ ပြန်လာလို့ရတယ်လို့ ပြောထားတဲ့ စာသားလေး…

ဘယ်လောက်ဝေးဝေးသွားခဲ့ပါစေ အိမ်ပြန်လမ်းကိုတော့ အမြဲတွေ့နိုင်တယ်တဲ့လား? 🏡💫

အိမ်အပြန်လမ်းဆိုတာ ဒီခေတ်ဒီကာလမှာ အချို့အချို့အတွက် မဖြစ်နိုင်တော့ပေမယ့်

ရှင်သန်ကျန်ရစ်သူတွေကတော့ အားမွေးပြီး ရှေ့ဆက်ကြတာပေါ့လေ …

ဘာဘဲဖြစ်ဖြစ် တယောက်တည်းမဟုတ်ဘူးဆိုတာကိုတော့ ယုံကြည်ကြရအောင်ပါ

Ivy 💙


#အိမ် #အမြဲရှိနေမယ်

17/09/2024

ဒီလိုပြောတာ လူကြိုက်မများနိုင်ပေမယ့် သိထားဖို့လိုပါတယ်။ ဒါကလည်း လူ့ကျင့်ဝတ်နဲ့ဆိုင်တဲ့ ယဉ်ကျေးမှုတမျိုးပါပဲရှင်

"Poverty P**n" ဆိုတာ မရှိဆင်းရဲတဲ့သူတွေ၊ ဒုက္ခရောက်တဲ့သူတွေကို ကူညီတယ်ဆိုပေမယ့် သူတို့ကို သနားလာအောင်ရေးပြ၊ လှူပြပြီး Attention ယူတာ။ Unethical Way to Save the Poor or Victims ဖြစ်ပါတယ်။

အဓိက စိတ်ရင်းစေတနာဆိုတာထက် လူတစ်ဦးတစ်ယောက်၊ အဖွဲ့အစည်းတစ်ခုအတွက် Promotion ကိုပါ ရောလုပ်လိုတဲ့ ရည်ရွယ်ချက် ပိုများနေတာကို ဆိုလိုတာပါ။

ဒါကို မလေ့လာမိလို့ လုပ်မိတာတာလည်း ရှိနိုင်တယ်။ ဒါကြောင့် ဒုက္ခရောက်နေတဲ့သူတွေကို သွားကူတဲ့အခါ ဓါတ်ပုံတွဲမရိုက်နဲ့၊ အင်တာဗျူးတွေ မဖြေခိုင်းနဲ့၊ Documentary အနေနဲ့ ရိုက်ချင်ရင်တောင် ခွင့်ပြုချက်တောင်းပါ၊ ဒါပေမယ့် လွတ်လွတ်လပ်လပ်ကြီး ပြန်မျှဝေတာမျိုး မလုပ်ပါနဲ့ [ကိုယ်တိုင်မှတ်တမ်းအဖြစ် သိမ်းထားဖို့သာ ဖြစ်ပါတယ်]။

ဒုက္ခရောက်လို့ သူများအကူအညီယူရတယ်ဆိုပေမယ့် ဓါတ်ပုံအရိုက်ခံချင်မလား? ကိုယ်တိုင်စဉ်းစားပါ။ Poverty Po*n [Charity Po*n] ဆိုတာ ဘာလဲဆိုတာသိချင်ရင် ဆက်ပြီး Google လုပ်ကြပါ။ Educate Yourself!


⏰27 July, 2023
Updated 17 Sept, 2024
📸Pinterest

16/09/2024

ငြိမ်ငြိမ်လေးလှဲပြီး နားလိုက်ပါဦး ဦးနှောက်က အနားယူဖို လိုပါတယ် - အပိုင်း (၄)

🤷‍♀️ ဒါက နောက်ဆုံးပေါ်ပြဿနာတခု မဟုတ်ပါဘူး

ဒါပေမယ့်ပေါ့လေ...ကျမတို့ အနားမယူနိုင်တာက အခုမှပေါ်လာတဲ့ပြဿနာတော့ မဟုတ်ပါဘူး။

“ကျနော်တို့ဟာ နိုးကြားနေချိန်အားလုံးကို အလုပ်များတာနဲ့ ကိုယ့်ဘာသာ အာရုံများနေတာတွေနဲ့ပဲ အပြည့်ဖြည့်ထားပါတယ်။ ရှိတဲ့အခွင့်အရေးကို ရည်ရွယ်ချက်ရှိရှိ ဖမ်းဆုပ်မထားနိုင်ရင် ဘဝက ကျနော်တို့ကို ပစ္စုပ္ပန်မှာနေထိုင်ဖို့လုံလောက်တဲ့အချိန် ပေးမှာမဟုတ်ပါဘူး” လို့ ၁၉၉၄ ခုနှစ်က လူကြိုက်များခဲ့တဲ့ “Wherever You Go, There You Are” ဆိုတဲ့ သတိပဋ္ဌာန်စာအုပ်မှာ Jon Kabat-Zinn က ရေးသားဖော်ပြခဲ့ပါတယ်။

Henry David Thoreau က သူ့ရဲ့ ၁၈၅၄ ခုနှစ်က ဂန္ထဝင်မှတ်တမ်းဖြစ်တဲ့ “Walden” မှာ ရေးထားတာက “အလုပ်များနေတယ်ဆိုတာနဲ့တင် မလုံလောက်ပါဘူး။ ပုရွက်ဆိတ်တွေလည်း ဒီလိုဘဲ (တချိန်လုံး အလုပ်များနေကြတာပါပဲ)။ တကယ့်မေးခွန်းက 'ငါတို့ ဘာအတွက် အလုပ်များနေတာလဲ ဆိုတာပါ” တဲ့။

အမေရိကန်အများစုကတော့ အားလပ်ချိန်ဆိုတာကို အကျိုးရှိတဲ့အလုပ်တွေအားလုံး ပြီးမြောက် အောင် လုပ်ဆောင်ပြီးမှသာ အဲဒီအတွက်ရတဲ့ အပိုဆုအဖြစ် မြင်ကြကြောင်း Yale School of Medicine ရဲ့ စိတ်ရောဂါကုဌာနမှ စိတ်ပညာရှင်နဲ့ တွဲဖက်ပါမောက္ခ Amber Childs က ပြောပါတယ်။

ဆန့်ကျင်ဘက်အနေနဲ့ “အားလပ်ချိန်ဆိုတာ လူသားတွေရဲ့ အခြေခံလိုအပ်ချက် ဖြစ်တယ်” လို့ သုတေသနတွေက ဆိုပါတယ်။

“ဒါပေမယ့် ဒါကို ရှင်သန်နေထိုင်ခြင်း၊ ကျန်းမာခြင်း၊ ပြည့်စုံခြင်း၊ ကြီးပွားတိုးတက်ခြင်း စတာတွေရဲ့ အဓိပ္ပါယ်ကို ဖွင့်ဆိုတဲ့နေရာမှာ တစိတ်တဒေသအဖြစ် ထည့်သွင်းစဉ်းစားလေ့မရှိပါဘူး” လို့ သူကဆိုပါတယ်။

👩‍🔧 အားလပ်ချိန်များမှတဆင့် ဘဝကိုပုံဖော်ခြင်း

ဒီအချက်သုံးချက်နဲ့ သင့်စိတ်နဲ့ခန္ဓာကို အသစ်တဖန် ပြန်စကြည့်ပါ။

(၁) ဘာကိုမှ အာရုံမစိုက်ပါနဲ့

အားလပ်ချိန်တွေဟာ သင့်ကို ပြန်လည်လန်းဆန်းစေပြီး အားပြန်ပြည့်လာတယ်လို့ ခံစားရစေပါတယ်လို့ Childs က ဆိုပါတယ်။

မီးဖိုဘေးထိုင်ပြီး အနားယူတာ၊ အပြင်ခဏထွက်ထိုင်ပြီး တွေးမိတွေးရာတွေးတာလိုမျိုး ရိုးရှင်းတဲ့ အပြုအမူတွေနဲ့တင် လုံလောက်ပါတယ်။

(၂) ဖြေးဖြေးချင်း ကျင့်ယူပါ

တနေ့ကို မိနစ် ၃၀ လောက် ငြိမ်ငြိမ်လေး ထိုင်နားတာမျိုးက သိပ်ကိုကောင်းပါတယ်။ ဒါပေမယ့် လူတိုင်းတော့ မလုပ်နိုင်ပါဘူး။ ဒီတော့ ခပ်သေးသေးကနေ စတင်ပါ။

နောက်တစ်ခါ အစားအသောက်ပါဆယ်မှာပြီး စောင့်နေတဲ့အချိန် ဒါမှမဟုတ် အိမ်ပြန်ဖို့ ကားစောင့်တဲ့အချိန်မျိုးမှာ ဘာမှမလုပ်ဘဲနေကြည့်ပါ။

ဒီအတိုင်း ရှိနေတယ်ဆုံရုံလေးပေါ့။

(၃) သံသယရှိနေသေးရင် လှဲအိပ်ကြည့်လိုက်ပါ

Epel ရဲ့ သုတေသနမှာ ရုပ်ပိုင်းဆိုင်ရာနဲ့ စိတ်ပိုင်းဆိုင်ရာ ကျန်းမာရေးကို မြှင့်တင်ပေးဖို့ ပြန်လည်အားမွေးခြင်း တမျိုးဖြစ်တဲ့ အပြည့်အဝ အနားယူခြင်း (Deep Rest) ရဲ့ အကျိုးကျေးဇူးတွေကို အဓိက ကြည့်ထားပါတယ်။

ယောဂကျင့်ခြင်းနဲ့ သတိပဋ္ဌာန်ကျင့်ခြင်း၊ တရားထိုင်ခြင်းတို့လို နည်းလမ်းတွေနဲ့ အပြည့်အဝအနားယူနိုင်ပါတယ်။

Epel ကတော့ “အကောင်းဆုံးက ဒီအတိုင်း ကြမ်းပြင်ပေါ်လှဲအိပ်လိုက်တာပါပဲ” လို့ ဆိုပါတယ်...

ပြီးပါပြီ 💐

Ivy 💙

၂၀၂၄ ခုနှစ် ဇွန်လ The Washington Post တွင် ဖော်ပြထားသော Jamie Friedlander Serrano ၏ “Lie down, sit still, take a break: Your brain needs a rest” ကို အပိုင်းလိုက် ဆီလျော်အောင် ဘာသာပြန်ဖော်ပြခြင်း ဖြစ်ပါသည်။

15/09/2024

စစ်ဘေးရှောင်ဒေသ ရေဘေးအတွက် ကူချင်သူတွေ အတွက်ပါနော်

#ရေဘေး #စစ်ဘေးရှောင် #ရေဘေးအလှူ

ကျနော်တို့အနေနဲ့ စစ်ဘေးရှောင်ရင်း ရေဘေးကြောင့် ထိခိုက်ပျက်စီးရတာတွေကို အဓိကထားပြီး လုပ်ကူနေပါတယ်။

နိုင်ငံအနှံ့အပြားက လိုအပ်သမျှကို အစွမ်းကုန် ကူညီချင်ပေမယ့် စိတ်ရှိသလောက် မစွမ်းဆောင်နိုင်တာကို နားလည်ပေးနိုင်ကြမယ်ထင်ပါတယ်။

စစ်ဘေးရှောင်ဒေသ ရေဘေးအတွက် ကူချင်တယ်ဆိုနည်းများမဆို ပါဝင်ကူညီနိုင်ပါပြီ။

#မျှဝေဖေးကူဒို့အတူ

14/09/2024

‼️သတိထားဆင်ခြင်သင့်တဲ့ ကိစ္စပါရှင်

အပြုသဘောဆောင် ပြောခြင်းပါ

ထိုင်းနိုင်ငံ ဘန်ကောက် ၊ မဲဆောက် နှင့်အခြားနေရာများမှာမှီတင်းနေထိုင်ကြသည့် မြန်မာအများစုဟာ အခုတစ်လောမှာ သွားသတိ ၊စားသတိ ၊ လာသတိလေးတွေ ထားပြီးသွားလာနေရတဲ့အချိန် ကာလ တစ်ခုဖြစ်ပါတယ်။ မှတ်ချက် ( ချင်းမိုင်မပါ )

အကြောင်းကတော့

Social Media Platforms များပေါ်မှာ ထိုင်းလူမျိုးများရဲ့ လုပ်ငန်းများကို ဝင်ရောက်လုပ်ကိုင်ရာမှ အဆင်ပြေသူတစ်ချို့ဟာ အပြိုင်အဆိုင်ကြွားကြရင်း မလွဲသာမရှောင်သာ မလူးသာမလွန့်သာ ထိုင်းလူမျိုးများတစ်ချို့ရဲ့တိုင်ကြားခြင်းကိုခံရပြီး ဥပဒေအရ ဖမ်းဆီးခြင်းကို ဆက်တိုက် လုပ်ဆောင် လာတာများကိုတွေ့ရပါတယ်။

အကြွား ဘယ်ကစလဲလို့ မေးရင် Multi-level marketing လုပ်ကိုင်ကြသူတွေက စပြီး ၄င်းတို့ကသူတို့ရဲ့ ဖန်တွေကို ဘယ်နေရာမှာဘယ်လိုခြံ ဝယ်လိုက်တာ လုပ်ငန်းအောင်မြင်လို့ ဘယ်လို နေ့ခြင်းညခြင်း ပြောင်းလဲသွားတာ စသဖြင့် ကြွားလုံးလှိမ့်လုံးများ ဖြင့် မက်ဆေ့ချ်အမှားတွေ အဆိပ်အတောက်တွေကို လူ့အဖွဲ့အစည်းထဲကို ထည့်ပြီးမားကတ်တင်းဆင်းပါတယ်။

အတုမြင်အတတ်သင် အဟုတ်မှတ်ပြီး ထိုင်းနိုင်ငံမှာ တားမြစ်ထားသည့် လုပ်ငန်းများလုပ်ကိုင်ပြီး အဆင်ပြေရာကနေ မထော်မနမ်း Tik Tok platforms များမှာ မျှဝေရာကနေ ပြသနာကတစစကြီး ထွားလာပါတယ်။ တစ်ချို့ Tour ကားအငှါးမောင်းကြောင်း ၊ အိမ်အပြောင်းအရွှေ့ဝန်ဆောင်မူ့ပေးကြောင်း ၊ ဘတ်ရိုက်ပေးကြောင်း ၊ ဗီဇာဝန်ဆောင်မူ့ပေးကြောင်းစသဖြင့် Tik Tok platform မှမားကတ်တင်း ဆင်းကြပါတယ်။လုပ်ငန်းအဆင်ပြေလို့ ရရှိလာတဲ့ငွေကြေးများကို Video ရိုက်ပြပြီး တဖန် မားကတ်တင်း တစ်တစ်ခွခွထပ်ဆင်းပါတယ်။ မနာလိုသူရှိလို့ တိုင်ကြားခံရတဲ့အခါ သီပေါမင်းပါတော်မူသလို ကြက်ကလေးငှက်ကလေးဖမ်းသလို အလွယ်ဖမ်းလို့ရပါတယ်။

Night Life မှာ ဆိုရင်လည်း ဘောက် ၁၆ လုံးလောက် ရှိတဲ့ ဘုရားစူးကလပ်မှာ မြန်မာပြည်က အနူ့ပညာ ရှင်တွေ ပွဲသွင်းပြီး ပျော်ပါးနေကြတာတွေက်ိုအဟုတ်မှတ်ပြီး အများသောအားဖြင့် Tik Tok များအပေါ်မှာ မျှဝေလာကြတာကို တွေ့ရပါတယ်။ ဒါကိုတော့ တိုင်သူမရှိလို့ သတင်းအစအနမကြားရသေးပါဘူး အဖမ်းခံရရင် ထိပ်ဆုံးက Visa Free ,TR visa နဲ့လာတဲ့အနူပညာရှင်တွေကို ထိပ်ဆုံးကဖမ်းမှာပါ။ ထိုင်းနိုင်ငံမှာ DJ ဖွင့် သီချင်းဆို အခကြေးငွေယူပြီး ဖျော်ဖြေမယ်ဆိုရင် Media နဲ့ပက်သက်တဲ့ Visa ကိုင်ထားဖို့လိုအပ်ပါတယ် မထော်မနမ်းနဲ့အဖမ်းခံရရင် ရှက်စရာကြီးပါ။

ထိုင်းနိုင်ငံမှာ ပုဂ္ဂိုလ်ရေးဆိုင်ရာကာကွယ်စောင့်ရှောက်
ပေးတဲ့ ဥပဒေတွေ ရှိပါတယ်။ ရွှေ့ပြောင်းအလုပ်
သမားများအားတားမြစ်ထားသည့် အလုပ်အကိုင်
များရှိပါတယ်။ တားမြစ်ထားတဲ့ အလုပ်အကိုင်တွေ ဝင်ရောက်လုပ်ကိုင်ပြီး အတုံးလိုက် အတစ်လိုက် Tik Tok ပေါ်မှာ မျက်နှာကြီး တပြပြနဲ့ မားကတ်တင်းဆင်းတာဟာ မိမိအန္တာရယ်ကို မိမိလက်ယက်ခေါ်နေသလိုဖြစ်ပါတယ်။

အဲဒီဂယက်တွေကြောင့် ထိုင်းမှာအဖမ်းအစီး ခပ်စိတ်
စိတ်လေး အဖမ်းအဆီးများလာပါတယ် ။ မြန်မာတွေရဲ့ စျေးလို့ Google Map မှာပြပေးတဲ့ဘန်ဘောစျေးတောင် အဖမ်းအဆီရှိလို့ တဒင်္ဂချောက်ကပ် သွားပါတယ်။

🔶စက်တင်ဘာ ၄ ရက်နေ့ မွန်းလွဲပိုင်းက မဲဆောက်
မြို့ “Robinson ”ကုန် တိုက်ဝန်းကျင်မှာ မြန်မာနိုင်ငံသားများ ဖွင့်လှစ်ထားတဲ့ ဦးကြီးစိုး လက်ဘက်ရည်ဆိုင်နဲ့ ဗီလာဆုံမှတ်စားသောက်ဆိုင်တို့ကို ထိုင်းအာဏာပိုင်များမှ ရှောင်တခင် ဝင်ရောက်စစ်ဆေးပြီး အထောက်အထား မပြသနိုင်တဲ့ မြန်မာ၁၇ ယောက်ကျော်ကိုဖမ်းဆီးခံခဲ့ကြရပါသေးတယ်။ မဲဆောက်မြို့လည်းဒီဂယက်ကို ဒီ Trend မှီပါတယ်။

🔶လွန်ခဲ့တဲ့ စက်တင်ဘာလ ၅ ရက်နေ့က ဘန်ကောက်မြို့နွံထဘူရီမှာ တရားမဝင် TikTok မှာ ဈေးရောင်းနေတဲ့ မြန်မာ နိုင်ငံသား ၈ ယောက်ကို ဖမ်းဆီးခဲ့တယ်။ တားမြစ်ထားသည့် အလုပ်ကိုလုပ်ကိုင်ခြင်းတရားမဝင်။ ဝင်ရောက်လာခြင်းဖြင့် ၄င်းတို့ လည်းဒီ Trend ကိုမှီသွားပါတယ်။

🔶 ကော့ဖငါ့ခရိုင်အတွင်း မြန်မာနိုင်ငံဘက်ခြမ်းမှာ တရားမဝင်တင်သွင်းရောင်းလာသည့် ဘတ်ငွေ သောင်းချီတန်ဖိုးရှိသည့်အခွန်ရှောင်စားသောက်ကုန်ပစ္စည်းများရောင်းနေသည့် ဈေးဆိုင်တခုကို ခရိုင်အုပ်ချုပ်ရေးမှူး၊ လူဝင်မှုကြီးကြပ်ရေးနှင့်ရဲတပ်ဖွဲ့ဝင် များပူးပေါင်းကာ ဝင်ရောက်စစ်ဆေးဖမ်းဆီးခဲ့တယ်။
တရုတ်မှ တရားမဝင် ကုန်ပစ္စည်းများ ဝင်ရောက်ခြင်းကိုနိမ်နင်းဖမ်းဆီးခြင်း Trend ချိတ်ပြီး ၄င်းတို့လည်း ဒုက္ခရောက်သွားကြပါတယ်။

🔶စက်တင်ဘာလ ၈ ရက်နေ့ကဆူရတ်ဌာနီပြည်နယ်မှာ မြန်မာဘာသာစကား သင်ကြားနေတဲ့ တရားမဝင် စာသင်ကျောင်း ၆ ကျောင်းကို ထိုင်း ပညာရေးဝန်ကြီးဌာနက ပိတ်ခိုင်းလိုက်ပြီးအခြားပြည်နယ်တွေမှာလည်း အလားတူ ကျောင်းတွေ ရှိ မရှိ စစ်ဆေးကြဖို့ ဒေသဆိုင်ရာအရာရှိတွေကို ညွှန်ကြားလိုက်ပါသေးတယ်။

ထိုင်းတောင်ပိုင်း ဆူရတ်ဌာနီပြည်နယ် မေတ္တာရိပ် ဘမ်ကွမ်းကျောင်းမှာ ကျောင်းသားတွေ စုဝေးနေချိန်အတွင်း မြန်မာနိုင်ငံတော် သီချင်းနဲ့ ထိုင်းနိုင်ငံတော် သီချင်းတို့ သီဆိုနေကြပုံ ဗီဒီယိုဖိုင် တစ်ခုဟာ အွန်လိုင်းမှာအုတ်အော်သောင်းနင်း ဖြစ်သွားခဲ့ပြီးနောက် ဝိုင်းဖွကြတဲ့အတွက် အဲဒီဖြစ်စဉ်ဟာပညာရေးဝန်ကြီးဌာနထံ တိုင်ကြားစာ ရောက်ရှိသွားခဲ့ပါတယ်။

Video Clip ကိုတင်လိုက်တဲ့ မဆင်မခြင် လူတစ်
ယောက်ကြောင့် အေးချမ်းစွာပညာသင်ကြားနေတဲ့ ခလေးငယ်တွေရဲ့စာသင်ကျောင်းဟာ ပိတ်ခြင်းခံလိုက်ရပါတယ်။

အဲဒီအကျိုးဆက်များဟာ ထိုင်းနိုင်ငံ နေရာအနှံ့ နှင့် လွတ်တော်အထိပါ တောမီးသဖွယ်ပျံ့နှံ့သွားပြီး ဆွေးနွေးကြ အဖြေရှာကြ ဖမ်းကြဆီးကြ တားမြစ်ရတဲ့အထိ ရောက်သွားပါပြီ။ ပတူနန်းလိုကွန်ဒိုတွေမှာတောင် ရဲကြောက်ပြီးအဝင်အထွက်တင်းတင်းကြပ်ကြပ်စစ်ရတဲ့အခြေအနေရောက်သွားပါတယ်။

ထိုင်းမှာ တရုတ် ၊ ရှရှား နှင့် ကျနော်တို့တွေရဲ့အရှုပ်တော်ပုံဟာ ရှုပ်ထွေးလျှက်ရှိပါတယ်။ ထိုင်း နိုင်ငံသား အမည်ခံ ကုမ္ပဏီတွေများပြားလာပြီး ၄င်းတို့ကို နှိမ်နင်းဖို့အတွက် DBD ဟာ
🔶ခရီးသွားလုပ်ငန်း ဌာန၊
🔶ခရီးသွားလုပ်ငန်း အတွင်းရေးမှူး ရုံး၊
🔶ခရီးသွားလုပ်ငန်းနဲ့ အားကစား ဝန်ကြီးဌာန၊
🔶အထူး စုံစမ်းရေးဌာန၊ ခရီးသွား ရဲဌာန၊ 🔶လူဝင်မှုကြီးကြပ်ရေးဌာနတို့နဲ့ ပူးပေါင်းကာအရှိန်အဟုန်မြင့် ဆောင်ရွက်နေပါတယ်။

တစ်ချို့ဟာဇွတ် ဘန်ကောက်ကို ဒုတိယ မြန်မာနိုင်ငံတော်မဖြစ်ဖြစ်အောင် social Media များမှာဖွကြသွပ်သွင်းကြ အတင်းအဓမ္မ လုပ်ယူကြပါတယ် ။အိမ်ရှင်များရဲ့ပူပန်မူ့ကို တွေးတောပြီး ဧည့်သည်ဟာ ဧည့်သည်လိုပဲ စည်း ၊ဘောင်အတွင်းက နေထိုင်ရမှာပဲဖြစ်ပါတယ်။ ဘယ်နိုင်ငံမှာနေနေ ဘာတွေလုပ်လုပ် လမ်းမှန်အောင် နေရမှာ ကျနော်တို့ရဲ့ တာဝန်ဖြစ်ပါတယ်။

Ref:Bangkok post ,
#ဘန်ကောက်လမ်းညွန်ကိုစိုင်း

13/09/2024

မေ့လွယ်ပျောက်လွယ်မဖြစ်ဘဲ ရေရှည်မှာ စဉ်းစားဆင်ခြင်နိုင်ဖို့လည်း လိုပါတယ်နော် 🌸

မိုးရာသီမှာ မိုးရွာတာက သဘာဝတရားပါပဲ ..

အရင်က မုန်တိုင်း​တွေထက် အခု မုန်တိုင်း​တွေ ပိုပြင်းထန်လာတာ၊ အရင်က မိုး​ရေချိန်​တွေထက် အခု မိုး​ရေချိန်လက်မ​တွေ များများပိုရွာလာတာ ဆိုတာက​တော့ တကမ္ဘာလုံး ရင်ဆိုင်ကြုံ​တွေ့​နေရတဲ့ ရာသီဥတု​ဖောက်ပြန်​ပြောင်းလဲခြင်း​ကြောင့်ပါ ..

ရွာချလိုက်တဲ့မိုး​ရေ​တွေက ကုန်း​ပေါ်ကို မြန်မြန်ဆန်ဆန် လျံတက်လာတာ(​ရေကြီးခြင်း)ရဲ့ အ​ကြောင်းရင်း​တွေက​တော့ သဘာဝ​ကြောင့်လည်း မဟုတ်သလို ရာသီဥတု​ဖောက်ပြန်​ပြောင်းလဲခြင်း​ကြောင့်လည်း မဟုတ်ပါဘူး ..

ဆိုးဆိုးရွားရွား​ရေကြီးရခြင်းရဲ့အဓိက အ​ကြောင်းရင်း​တွေက -

(၁) မိုး​ရေ​တွေ စီးဆင်းရတဲ့ ​ချောင်း​တွေ မြစ်​တွေ တိမ်​ကောလာလို့(​ချောင်း/မြစ်ကြမ်းပြင်​တွေ မြင့်တက်လာလို့)ဖြစ်ပါတယ်..

(၂)​ချောင်း/မြစ်ကြမ်းပြင်​တွေ မြင့်တက်လာရတာက နုံး/​မြေကြီး​တွေ အလွန်အကျွံ ​ချောင်း/မြစ်ထဲကို ​ရောက်​နေလို့၊ ​ရောက်လာလို့၊ ​ရောက်​စေလို့ပါ..

(၃)​ချောင်း/မြစ်​တွေထဲကို နုံး/​မြေကြီး​တွေ အလွန်အကျွံ​ရောက်​နေရခြင်းရဲ့အ​ကြောင်းရင်းက ​​ချောင်း/မြစ်​တွေရဲ့ ​ဘေးပတ်လည် အရပ်ရှစ်မျက်နှာက ​(ရေ​ဝေ​ရေလဲဧရိယာ water basin/watershed area) ကုန်း​မြေ​တွေက ​မြေကြီး​တွေဟာ ရွာချလိုက်တဲ့မိုး​ရေ​တွေရဲ့ တိုက်စားခြင်းကို ခံ​နေရလို့ မိုး​ရေ​တွေနဲ့အတူ​မျောပါလာပြီး ​ချောင်း/မြစ်​တွေအထဲကို ​ရောက်လာလို့ပါ ..

(၄)​မြေသား​တွေ/ ​မြေကြီး​တွေ/ စိုက်ပျိုး​ရေးလုပ်ငန်းအတွက် အင်မတန်အ​ရေးပါတဲ့ အ​ပေါ်ယံ​မြေဆီလွှာ top soil ​တွေ ​ရေတိုက်စားခြင်းကို အလွန်အကျွံခံ​နေရခြင်းရဲ့ အ​ကြောင်းရင်းက အဲဒီ​ ကုန်း​မြေ​တွေရဲ့အ​ပေါ်မှာ သစ်​တော သစ်ပင်​တွေ မရှိလို့ပါ ..

သစ်​တောသစ်ပင်​တွေသာ အဲဒီ​မြေ​ပေါ်မှာရှိ​နေမယ်ဆိုရင်-

(က) သစ်ပင်​တွေရဲ့ ရွက်အုပ် canopy ​တွေက ကာ​ကွယ်ပေးထားတဲ့အတွက် မိုး​ပေါက်​တွေဟာ ​မြေကြီးကို တိုက်ရိုက် မထိမှန်​တော့ပါဘူး..

သစ်ရွက်​တွေက​နေ တဆင့် သစ်ကိုင်း​သေး​သေး​တွေဆီ၊ သစ်ကိုင်းအ​သေး​တွေကမှ သစ်ကိုင်းကြီး​တွေဆီ၊ သစ်ကိုင်းကြီး​တွေကတဆင့် ပင်စည်၊ ပင်စည်ကတဆင့် ​မြေကြီး​ပေါ်ကို အဆင့်ဆင့်​စီးဆင်းရသလို ..

သစ်ရွက်ကို ထိမှန်ပြီးမှ တိုက်ရိုက် ​မြေကြီး​ပေါ်ကျဆင်းတယ်ဆိုရင်လည်း သစ်ရွက်က ကြားခံကာ​ပေးလိုက်တဲ့အတွက် မူလအရှိန်ထက် ​လျော့နည်း​နေပါပြီ၊

ဒါ​ကြောင့် ​မြေကြီးနဲ့ ထိ​တွေ့ချိန်မှာလည်း အရှိန်​လျော့နည်းသွားပါပြီ၊ ဒါ​ကြောင့် ​မြေတိုက်စားခြင်းကို အများကြီး သက်သာသွား​စေပါတယ်..

(ခ)​မြေကြီး​ပေါ်​ရောက်လာချိန်မှာလည်း သစ်ပင်​တွေရဲ့ အမြစ်​တွေရှိ​နေတာ​ကြောင့် မိုး​ရေ​တွေဟာ မြင့်ရာက​နေ နိမ့်ရာကို စီးဆင်းချိန်မှာ အမြစ်​တွေက တားဆီး​ပေးထားတာ​ကြောင့် ​ရေစီးတဲ့ အရှိန်လည်း ​လျော့ကျသွားပါတယ် ..

(ဂ) သစ်ပင်​တွေရဲ့ ရှုပ်​ထွေးများပြားလှတဲ့ အမြစ်ဖွဲ့စည်းပုံ​တွေ​ကြောင့် သစ်ပင်​တွေရဲ့အမြစ်​တွေဟာ ​မြေကြီးရဲ့ အ​ပေါ်ယံ​မြေဆီလွှာကို ကုပ်ဆွဲ​ပေးထားတာ​ကြောင့် အဲဒီ​မြေကြီး​တွေဟာ စီးဆင်း​နေတဲ့မိုး​ရေနဲ့အတူ အလွန်အကျွံ​မျောပါမသွားနိုင်​တော့ပါဘူး ..

ဒါ​ကြောင့် သစ်​တောသစ်ပင်​တွေသာ ​ချောင်း​တွေ မြစ်​တွေရဲ့ ​ဘေးပတ်လည်က ​ရေ​ဝေ​ရေလဲဧရိယာ​တွေ​ပေါ်မှာ အလုံအ​လောက် ရှိ​နေမယ်ဆိုရင် ..

(က)စိုက်ပျိုး​ရေးလုပ်ငန်းအတွက် မရှိမဖြစ်လိုအပ်တဲ့ ​မြေဆီလွှာ​တွေလည်း မိုး​ရေတိုက်စားခြင်းဒဏ်ကို ကာကွယ်​ပေးနိုင်မှာဖြစ်သလို

(ခ)​ချောင်း/မြစ်​တွေထဲကို ​မြေကြီး​တွေ ပို့ချခြင်းကို ကာကွယ်​ပေးထားတဲ့အတွက် ​ချောင်း/မြစ်ကြမ်းပြင်​တွေလည်း မြင့်တက်လာ​တော့မှာ မဟုတ်ပါဘူး ..

(ဂ)​ချောင်း/မြစ်​တွေထဲကို ​မြေကြီး​တွေ ​အလွန်အကျွံ ရောက်မလာ​တော့ဘူးဆိုရင် ​ချောင်း/မြစ်​ရေ​တွေဟာ ..

မြေကြီး​တွေနဲ့အတူ ​ရောပါလာနိုင်တဲ့ အဆိပ်အ​တောက်၊ အမှိုက်သရိုက်၊ အညစ်အ​ကြေး​တွေ​ ကင်းစင်​နေမှာ ဖြစ်တာ​ကြောင့် ..

ကြည်လင်​သန့်ရှင်း​နေပါမယ်..
(သန့်ရှင်း​သော​ရေကို ရရှိ​စေပါမယ်)..

ရေထဲမှာ ​အောက်စီဂျင်ဓါတ်အလုံအ​လောက်ရှိ​နေမှာဖြစ်လို့ ​ရေ​နေသတ္တဝါ​တွေလည်း ​ကောင်းစွာ ရှင်သန်​နေထိုင်နိုင်ပါမယ်..
(သန့်ရှင်း​သော အဆိပ်အ​တောက်ကင်းစင်​သော အစားအစာကို ရရှိ​စေပါမယ်)..

ရေကြီး​ရေလျံတဲ့ ​ဘေးအန္တရာယ်ကိုလည်း ​လျော့ကျ​စေပါလိမ့်မယ်..
(​ဘေးကင်းလုံခြုံ​သော ပတ်ဝန်းကျင်မှာ ရှင်သန်​နေထိုင်ခွင့်ကို ရရှိ​စေပါမယ်)..

ဒါ​ကြောင့် ​ရေကြီးခြင်း​ဘေးအန္တရာယ်ကို ကျွန်​တော်တို့နိုင်ငံသား​တွေ သားစဥ်​မြေးဆက် မခံကြရ​တော့​အောင် ..

သစ်​တောသစ်ပင်​တွေကို (​မူဝါဒနဲ့၊ဥပ​ဒေနဲ့၊နည်းဥပ​ဒေနဲ့၊နိုင်ငံချစ်စိတ်နဲ့၊ ပရဟိတစိတ်ဓါတ်နဲ့ ) ထိန်းသိမ်းကာကွယ်​စောင့်​ရှောက်​ပေးကြပါ..

သစ်ပင်​တွေမရှိတဲ့​နေရာ​တွေမှာလည်း ​မူရင်း​ဒေသမျိုးရင်း သစ်​တောသစ်ပင်​တွေကိုရှင်သန်​အောင် (​မူဝါဒနဲ့၊ဥပ​ဒေနဲ့၊နည်းဥပ​ဒေနဲ့၊နိုင်ငံချစ်စိတ်နဲ့၊ ပရဟိတစိတ်ဓါတ်နဲ့ )စိုက်ပျိုး ထိန်းသိမ်း ပြုစု​ပေးကြပါ..

ကိုယ့်ထက်ငယ်ရွယ်သူ၊ အသိပညာအားနည်းသူ​တွေကိုလည်း သဘာဝတရားကြီးနဲ့ သစ်​တောသစ်ပင်​တွေကို ချစ်ခင် မြတ်နိုး တန်ဘိုးထားတတ်​အောင် သင်ကြား​ပေးကြပါလို့ တိုက်တွန်းနှိုး​ဆော်လိုက်ရပါတယ် ..

(၂၀၂၄ စက်တင်ဘာလမှာ ယာဂီမုန်တိုင်း​ကြောင့် ​ရေကြီးခြင်း​ဘေးကိုရင်ဆိုင်ကြုံ​တွေ့​နေကြရတဲ့ ​ဒေသခံများကို ကိုယ်ချင်းစာခြင်းများစွာဖြင့် ဒီစာကို ​ရေးလိုက်ရပါတယ်)

​ဘေးရန်ခပ်သိမ်း အမြန်ငြိမ်းကြပါ​စေ ..
ဆင်းရဲခပ်သိမ်း အမြန်ငြိမ်းကြပါ​စေ ..
လုံခြုံ​နွေး​ထွေး ​ရောဂါ​ဝေးကြပါ​စေ..

13/09/2024

တနိုင်ငံလုံး စိတ်သောက ရောက်နေကြတဲ့ အချိန်မှာ post တွေက မျက်စိနောက်စရာ ဖြစ်နေရင် တောင်းပန်ပါတယ်ရှင်... 🙏

ဘယ်သူမှ မကြည့်ကြဘူးဆိုပေမယ့်😅 တချို့မြင်ရတဲ့သူတွေရှိလို့ စိတ်အနှောက်အယှက်ဖြစ်စေခဲ့ရင် ခွင့်လွှတ်ပါနော်...

Page က အခုမှအသစ်ပါဆိုမှ အရှေ့မှာ ရေးထားသမျှတွေ မှားဖျက်လိုက်မိလို့ ရှိသလောက်လေး ပြန်တင်နေရလို့ပါနော် ...



Ivy 💙

13/09/2024

💛 ငြိမ်ငြိမ်လေးလှဲပြီး နားလိုက်ပါဦး ဦးနှောက်က အနားယူဖို့ လိုပါတယ် - အပိုင်း (၁)

၁၀ မိနစ်လောက် ခေတ္တခဏ အနားယူခြင်းက စိတ်ဓါတ်ခွန်အားကို မြှင့်တင်ပေးပြီး ပင်ပန်းနွမ်းနယ်မှုကို လျော့ကျစေနိုင်တယ်လို့ လေ့လာဆန်းစစ်ချက်တစ်ခုက တွေ့ရှိခဲ့ပါတယ်။

အားလပ်ချိန်ဆိုတာ လူတိုင်းရဲ့ဘဝမှာ မရှိမဖြစ် အရာတခုပါ။ ၎င်းဟာ လူသားတွေ ကျန်းမာသန်စွမ်းဖို့၊ အာရုံစူးစိုက်မှု အားကောင်းစေဖို့နဲ့ အလုပ်ပြီးမြောက်နိုင်စွမ်းတွေ၊ ပိုမိုကောင်းမွန်တဲ့ ဖန်တီးမှုတွေ လုပ်ဆောင်နိုင်ဖို့ ကူညီပေးတယ်ဆိုတာ သိပ္ပံပညာအရ သက်သေပြပြီးဖြစ်ပါတယ်။

ဒါပေမယ့် ကျမတို့ဟာ အကြောင်းကြောင်း ကြောင့် ဒီကိစ္စကို မေ့လျော့နေတတ်ကြပါတယ်။

"အားလပ်ချိန်တွေက ကျမတို့ရဲ့ ကျန်းမာရေးနဲ့ ခန္ဓာကိုယ်အတွက်သာမက စိတ်ကျန်းမာရေးအတွက်ပါ အရေးကြီးပါတယ်" လို့ ဆန်ဖရန်စစ္စကို၊ ကယ်လီဖိုးနီးယားတက္ကသိုလ်ဆေးကျောင်း၊ စိတ်ရောဂါကုဌာနမှ ပါမောက္ခ Elissa Epel က ပြောကြားခဲ့ပါတယ်။

ကျမတို့ဟာ လုပ်ငန်းဆောင်တာတွေ မပြီးမြောက်တဲ့အခါ အချိန်ဖြုန်းသလိုခံစားရကြရတယ်ဆိုတာ အားလုံး သိထားပြီး ဖြစ်ပါတယ်။ ဒါပေမယ့် ကျမတို့ရဲ့ ဦးနှောက်တွေကို အမြဲ “On” ထားခြင်းမှာ အဖိုးအခရှိပါတယ်။

ဦးနှောက်ကို အဆက်မပြတ်အလုပ်လုပ်နေဖို့ တည်ဆောက်ထားတာမဟုတ်ပါဘူး။

“ဘာမှမလုပ်ဘဲ ငြိမ်နေတဲ့အချိန် ဒါမှမဟုတ် ခဏနားနေတဲ့ အချိန်တခဏလေးတွေကလည်း အရေးကြီးပါတယ်” လို့ "Do Pause: You Are Not a To-Do list" ကိုရေးသားသူ Robert Poynton ကဆိုပါတယ်။

ရုံးခန်းထဲကို မဝင်ခင် ခဏဖြစ်ဖြစ် အသက်ဝဝရှုလိုက်တာ ဒါမှမဟုတ် တောအုပ်လေးထဲကို ၁၀ မိနစ်လောက် လမ်းလျှောက်ထွက်တာ စတာလိုမျိုး ခေတ္တခဏ အနားယူခြင်းက မိမိကိုယ်ကို လိုအပ်တဲ့ ဆင်ခြင်သုံးသပ်မှုတွေ ပြုလုပ်နိုင်ဖို့ အားပေးပါတယ်။

အင်္ဂလန်နိုင်ငံ အောက်စဖို့ဒ်တက္ကသိုလ်မှ Associate Fellow တဦးလည်းဖြစ်တဲ့ Poynton က “ကျနော်တို့ဟာ လုပ်စရာရှိတာတွေကို အဆက်မပြတ် လုပ်ဆောင်နေဖို့လိုတယ်လို့ ထင်တတ်ကြပါတယ်။ ဒါပေမယ့် အလုပ်တွေဘဲ ဆက်တိုက်လုပ်နေမယ်ဆိုရင် အခုကြုံတွေ့နေရတာတွေက (ကျနော်တို့အတွက်) စိတ်ဝင်စားစရာ အကောင်းဆုံး၊ အရေးကြီးဆုံး၊ အကျိုးအရှိဆုံး အရာတွေလား၊ ကြည်နူးစရာ၊ ပျော်ရွှင်စရာကောင်းတဲ့ အရာ ဒါမှမဟုတ် ကျန်းမာရေးနဲ့ညီညွတ်တဲ့အရာတွေ ဟုတ်ရဲ့လား ဆိုတာကို စဉ်းစားဖို့ အချိန်မရှိတော့ပါဘူး" တဲ့ …(ဆက်ရန်)

Ivy 💙

၂၀၂၄ ခုနှစ် ဇွန်လ The Washington Post တွင် ဖော်ပြထားသော Jamie Friedlander Serrano ၏ “Lie down, sit still, take a break: Your brain needs a rest” ကို ဆီလျော်အောင် ဘာသာပြန်ဖော်ပြခြင်း ဖြစ်ပါသည်။

11/09/2024

ငြိမ်ငြိမ်လေးလှဲပြီး နားလိုက်ပါဦး - ဦးနှောက်က အနားယူဖို့ လိုပါတယ် 💛

၁၀ မိနစ်လောက် ခေတ္တခဏ အနားယူခြင်းက စိတ်ဓါတ်ခွန်အားကို မြှင့်တင်ပေးပြီး ပင်ပန်းနွမ်းနယ်မှုကို လျော့ကျစေနိုင်တယ်လို့ လေ့လာဆန်းစစ်ချက်တစ်ခုက တွေ့ရှိခဲ့ပါတယ်။

အားလပ်ချိန်ဆိုတာ လူတိုင်းရဲ့ဘဝမှာ မရှိမဖြစ် အရာတခုပါ။ ၎င်းဟာ လူသားတွေ ကျန်းမာသန်စွမ်းဖို့၊ အာရုံစူးစိုက်မှု အားကောင်းစေဖို့နဲ့ အလုပ်ပြီးမြောက်နိုင်စွမ်းတွေ၊ ပိုမိုကောင်းမွန်တဲ့ ဖန်တီးမှုတွေ လုပ်ဆောင်နိုင်ဖို့ ကူညီပေးတယ်ဆိုတာ သိပ္ပံပညာအရ သက်သေပြပြီးဖြစ်ပါတယ်။

ဒါပေမယ့် ကျမတို့ဟာ အကြောင်းကြောင်း ကြောင့် ဒီကိစ္စကို မေ့လျော့နေတတ်ကြပါတယ်။

"အားလပ်ချိန်တွေက ကျမတို့ရဲ့ ကျန်းမာရေးနဲ့ ခန္ဓာကိုယ်အတွက်သာမက စိတ်ကျန်းမာရေးအတွက်ပါ အရေးကြီးပါတယ်" လို့ ဆန်ဖရန်စစ္စကို၊ ကယ်လီဖိုးနီးယားတက္ကသိုလ်ဆေးကျောင်း၊ စိတ်ရောဂါကုဌာနမှ ပါမောက္ခ Elissa Epel က ပြောကြားခဲ့ပါတယ်။

ကျမတို့ဟာ လုပ်ငန်းဆောင်တာတွေ မပြီးမြောက်တဲ့အခါ အချိန်ဖြုန်းသလိုခံစားရကြရတယ်ဆိုတာ အားလုံး သိထားပြီး ဖြစ်ပါတယ်။ ဒါပေမယ့် ကျမတို့ရဲ့ ဦးနှောက်တွေကို အမြဲ “On” ထားခြင်းမှာ အဖိုးအခရှိပါတယ်။

ဦးနှောက်ကို အဆက်မပြတ်အလုပ်လုပ်နေဖို့ တည်ဆောက်ထားတာမဟုတ်ပါဘူး။

“ဘာမှမလုပ်ဘဲ ငြိမ်နေတဲ့အချိန် ဒါမှမဟုတ် ခဏနားနေတဲ့ အချိန်တခဏလေးတွေကလည်း အရေးကြီးပါတယ်” လို့ "Do Pause: You Are Not a To-Do list" ကိုရေးသားသူ Robert Poynton ကဆိုပါတယ်။

ရုံးခန်းထဲကို မဝင်ခင် ခဏဖြစ်ဖြစ် အသက်ဝဝရှုလိုက်တာ ဒါမှမဟုတ် တောအုပ်လေးထဲကို ၁၀ မိနစ်လောက် လမ်းလျှောက်ထွက်တာ စတာလိုမျိုး ခေတ္တခဏ အနားယူခြင်းက မိမိကိုယ်ကို လိုအပ်တဲ့ ဆင်ခြင်သုံးသပ်မှုတွေ ပြုလုပ်နိုင်ဖို့ အားပေးပါတယ်။

အင်္ဂလန်နိုင်ငံ အောက်စဖို့ဒ်တက္ကသိုလ်မှ Associate Fellow တဦးလည်းဖြစ်တဲ့ Poynton က “ကျနော်တို့ဟာ လုပ်စရာရှိတာတွေကို အဆက်မပြတ် လုပ်ဆောင်နေဖို့လိုတယ်လို့ ထင်တတ်ကြပါတယ်။ ဒါပေမယ့် အလုပ်တွေဘဲ ဆက်တိုက်လုပ်နေမယ်ဆိုရင် အခုကြုံတွေ့နေရတာတွေက (ကျနော်တို့အတွက်) စိတ်ဝင်စားစရာ အကောင်းဆုံး၊ အရေးကြီးဆုံး၊ အကျိုးအရှိဆုံး အရာတွေလား၊ ကြည်နူးစရာ၊ ပျော်ရွှင်စရာကောင်းတဲ့ အရာ ဒါမှမဟုတ် ကျန်းမာရေးနဲ့ညီညွတ်တဲ့အရာတွေ ဟုတ်ရဲ့လား ဆိုတာကို စဉ်းစားဖို့ အချိန်မရှိတော့ပါဘူး" တဲ့ …(ဆက်ရန်)

Ivy 💙

၂၀၂၄ ခုနှစ် ဇွန်လ The Washington Post တွင် ဖော်ပြထားသော Jamie Friedlander Serrano ၏ “Lie down, sit still, take a break: Your brain needs a rest” ကို ဆီလျော်အောင် ဘာသာပြန်ဖော်ပြခြင်း ဖြစ်ပါသည်။

09/09/2024

အထီးကျန်တယ်လို့ ခံစားနေရပါသလား? ဒါဆိုရင်တော့ သင်တယောက်တည်း မဟုတ်တာ သေချာပါတယ်။

ကမ္ဘာတစ်ဝှမ်း အရွယ်ရောက်ပြီးသူ ၄ ယောက်မှာ ၁ ယောက်နီးပါးဟာ အလွန်အထီးကျန်တယ်လို့ ခံစားရနေကြရကြောင်း Meta-Gallup စစ်တမ်းအသစ်က တွေ့ရှိခဲ့ပါတယ်။

နိုင်ငံပေါင်း ၁၄၂ နိုင်ငံမှာပြုလုပ်ခဲ့တဲ့ အထက်ပါစစ်တမ်းမှာ အသက် ၁၅ နှစ်နဲ့အထက် လူငယ်တွေရဲ့ ၂၄% ဟာ "သင် ဘယ်လောက်အထီးကျန်တယ်လို့ ခံစားရပါသလဲ" ဆိုတဲ့ မေးခွန်းကို ဖြေဆိုရာမှာ မိမိကိုယ်ကို အလွန်အထီးကျန်တယ် (သို့မဟုတ်) အတော်အထီးကျန်တယ်လို့ ခံစားရကြောင်း ဖြေခဲ့ကြပါတယ်။

ဒီစစ်တမ်းမှာ အထီးကျန်မှုနှုန်းဟာ အရွယ်ရောက်ပြီး လူငယ်လူရွယ်တွေမှာ အမြင့်ဆုံးဖြစ်ပြီး အသက် ၁၉ နှစ်မှ ၂၉ နှစ်ကြား အရွယ်ရောက်ပြီးသူ ၂၇% ဟာ အလွန်အထီးကျန်တယ် (သို့မဟုတ်) အတော်လေးအထီးကျန်တယ်လို့ ခံစားရနေကြရကြောင်း ဖော်ပြထားပါတယ်။

စိတ်ဝင်စားစရာတချက်က သက်ကြီးရွယ်အိုတွေမှာ အထီးကျန်မှုနှုန်း အနိမ့်ဆုံးဖြစ်နေတာကို တွေ့ခဲ့ကြရတာပါ။ စစ်တမ်းအရ အသက် ၆၅ နှစ်နဲ့အထက်တွေရဲ့ ၁၇% ကသာ အထီးကျန်မှုကို ခံစားရကြောင်း တွေ့ရပါတယ်။

ဘာကြောင့်ဒီလိုဖြစ်ရတာလို့ ထင်ပါသလဲ? 🤔