11/10/2025
ကိုယ့်ဇာတ် ကိုယ်နိုင်မှ ကနော်🤣
ရှင်းတမ်းတွေလာပြီ 🤣 ဒီဘက်ကရှင်းရင်း🤣ဟိုဘက်မှာ ရှုပ်သလို ဖြစ်မလားဦးမယ်🤣🤣🤣
ပုဂ္ဂိုလ်ထူးနောက်လိုက်ရခြင်း အကြောင်း
**************************************
စပါးစိုက်တတ်တဲ့သူတွေပဲ ထမင်းစားပိုင်ခွင့်ရှိတာလား မဟုတ်ပါဘူးနော် စပါးမစိုက်တတ်တဲ့ ကလေးသူငယ်လည်း ထမင်းစားခွင့်ရှိပါတယ်။ ဆရာဝန်တွေက ဆေးရာဝန်တွေကိုပဲ ဆေးကုပေးတာလား မဟုတ်ပါဘူးနော် ဆေးပညာမတတ်တဲ့ သူတွေကိုလည်း ကုပေးပါတယ်နော် ။
အပင်အကြောင်းနားလည်သူဟာ အပင်စိုက်နည်းဖြင့် လောကကို အကျိုးပြုသလို ဆေးဆရာဝန်က ဆေးကုသခြင်းဖြင့် လောကကို အကျိုးပြုရပါသည်။ လူတယောက်ချင်းစီရဲ့ သိတတ် နားလည်မူအားလုံးသည် လောကကို အပြန်အလှန် အကျိုးပြုနေကြပါသည်။ တဦးတည်း အတွက် မဟုတ်ပါဘူးနော်။
အတတ်ပညာ တခုဆီမှာ ထူးခြားမူတခုဆီတော့ ပိုင်ဆိုင်ကြပါတယ်။ လယ်သမားက ဆေးပညာ အတတ်ပညာကို နားမလည်နိုင်သလို ဆေးဆရာဝန်ကလည်း အပင်စိုက်ခြင်း ပညာကို နားမလည်နိုင်ပါဘူး ။ ဒီလို နည်းပညာတွေက သီးခြားရပ်တည်နေတာဖြစ်လို့ သီးခြားပိုင်ဆိုင်လို့ရပါတယ်။
နိဗ္ဗာန်ဆိုတာကျတော့ သီခြားရပ်တည် မရပါဘူး ။ သစ္စာတရားရဲ့ ဂုဏ်ကျေးဇူးကို လူတိုင်း သိထားရမှာဖြစ်ပါတယ်။ ဒါကြောင့် နိဗ္ဗာန်သွားမည့် နည်းကို သိတဲ့သူက တခြားသူတွေပါ သိအောင် ပြန်လည်ပြီး ချပြပေးရမှာဖြစ်ပါတယ်။ နိဗ္ဗာန်သိသူ တယောက်တည်း နိဗ္ဗာန် မရနိုင် မရောက်နိိုင်ပါဘူး။
နိဗ္ဗာန်ဆိုတာ လူတဦး တယောက်တည်း ပိုင်ဆိုင်လို့ရတဲ့ အရာမဟုတ်ပါဘူး ။ ဒါကြောင့် လည်း သစ္စာလေးပါးမြင်ပြီး နိဗ္ဗာန်ရှိတယ် ဟောခဲ့ မြတ်စွာဘုရားတောင် လူတွေကို တရာဟောဖို့ ဆုံးဖြတ်ခဲ့ရတာဖြစ်ပါတယ်။ လူတွေလည်း သစ္စာလေးပါသိပြီး နိဗ္ဗာန်ကို ရလိုမူပေါ် ဘဝကို လူဖြစ်ရကျိုး နပ်ချင်ကြတာဖြစ်ပါသည်။
နိဗ္ဗာန်ဆိုတာက အတ္တတွေရဲ့ လှည့်စားမူမှ ကင်းဝေစေရန် ရည်ရွယ်ချက်ဖြစ်ပါတယ်။ အတ္တတွေရဲ့ လှည့်စားမူမှ မကင်းဝေးရင် တဏှာဖြစ်ပါတယ်။ ဒါကြောင့် လူသားတိုင်း အတ္တတွေရဲ့ သားကောင်မဖြစ်ရေး ဝိုင်းဝန်းထိန်းသိမ်းပေးရတဲ့ အလုပ်ဖြစ်ပါသည်။ အဲဒီတော့ လူအများစု အတ္တရဲ့လှည့်ကွက်အောက်မှာ ရှိနေရင် နိဗ္ဗာန်သိသူဟာလည်း အထိုက်အလျှောက် လှိုင်းဒဏ်ခံရတာပါပဲ ။
နိဗ္ဗာန်သိသူကို အတ္တတွေက ဖမ်းဆီးချုပ်နှောင် လိုက်ရင်သော်လည်းကောင်း ရောဂါတခုဖြင့် အနိစ္စရောက်သွားရင်သော်လည်းကောင်း လမ်းပြန်ပျောက်သွားနိုင်ပါသည်။ နိဗ္ဗာန်ရောက်ရန် တည်ဆောက်မူတွေ မပြီးဆုံးသေးလို့ဖြစ်ပါသည်။
အဲလို နိဗ္ဗာန်သိသူ ဘဝတပါးရောက်သွားတာ နိဗ္ဗာန်ရောက်တယ်လို ဆိုလို့မရပါဘူး ။မြတ်စွာဘုရား ပရိနိဗ္ဗာန်စံတယ်ဆိုတဲ့ စကားရပ်ကို မြတ်စွာဘုရား နိဗ္ဗာန်ရောက်နေတယ် ပြောလို့မရဘူးနော် ။ မီးဇာကုန် ဆီခမ်းပြီး အလင်းပျောက်တဲ့ ဆီမီးခွက်နှင့်တူပါတယ်နော်။ နိဗ္ဗာန်ဟာ လူတယောက်တည်း ပိုင်ဆိုင်တာ မဟုတ်လို့ပါ။ လူတယောက်တည်းမှာ ရှိနေလို့မဟုတ်ပါ ။ လူတယောက် တမလွန်ကူးသွားရင် လူသားအကျိုးကို ဆက်မလုပ်နိုင်ခြင်း မီးငြိမ်းသွားသည်ဟု ဆိုပါသည်။
နိဗ္ဗာန်လမ်းသိရန်တရားကျင့်သူကို သောတပန် အနာဂမ် ရဟန္တာ စသည်ဖြင့် အမည်အမျိုးမျိုး သုံးစွဲနေကြတာတွေ့ရပါသည်။ မြတ်စွာဘုရားက လောကမှာ လူသုံးမျိုးပဲရှိပါသည်။ စူဠသီလ ( ကလေးအရွယ်မှ ပညာဗဟုသုနည်းသော လူကြီးအထိ ) မဇ္ဈိမသိလ ( အလယ်အလတ် အရွယ်မှ အလယ်တန်း ဗဟုသုရှိသော လူကြီးအထိ ) မဟာသီလ ( အတွေးအခေါ်ရှိသော ခေတ်ပညာတတ် ပညာရှင်ကြီးများ) သုံးမျိုးပဲ ခွဲခြားပေးခဲ့ပါတယ်နော်။
သောတပန်ဆိုတာ ယနေ့ခေတ်လိုဆိုရင် သင်လွယ် တတ်လွယ် သိလွယ် ပြုပြင်လွယ်တဲ့ လူတွေကို ဆိုလိုနိုင်ပါတယ်။ အဲဒီလူတွေ ပေါများလာရင် တခြားသူတွေကို ဓမ္မ လက်ဆင့်ကမ်း ပေးလို့ရမှာဖြစ်ပါသည်။ သင်လွယ် သိလွယ် တတ်လွယ်က မဇ္ဈိမသီလ အလယ်အလတ်တန်းစား မှာရှိပါသည်။
သစ္စာဆိုတာ အမှန်ကိုသိပြီး အမှားကို ပါယ်ဖို့ စိတ်အားထက်သန်သူဖြစ်ပါသည်။ မဇ္ဈိမသီလ ရှိသူတွေက နိဗ္ဗာန်ရဲ့ လမ်းကို သိမြင်ပြီး သောတပန် ဖြစ်နေတယ်လို့ ဆိုနိုင်ပါသည်။ သောတပန် မဇ္ဈိမသီလ အဆင့်မှာ စိတ်အားထက်သန်မူရှိသော်လည်း နိဗ္ဗာန်ရောက်သည်အထိ နည်းလမ်း မသိသေးပါ ။ မဟာသီလ အတွေးအခေါ်ပညာရှင်အဆင့်မှ နိဗ္ဗာန်ကို ဘယ်လိုတည်ဆောက်ရမည်ဆိုတာ သိနိုင်ပါသည်။
မဇ္ဈိမသီလဆိုတာ မြတ်စွာဘုရားလက်ထက် ဘိက္ခုအမည် ယခုခေတ် ရဟန်းတွေကို ဆိုလိုပါသည်။ မြတ်စွာဘုရား တရားတပုဒ်ဟောလိုက်တာနဲ့ အမှားတွေကို ပါယ်ပြီး အမှန်ကို ချပြဖို့ စိတ်အားထက်သန်သော သောတပန်တွေဖြစ်ပါသည်။ယနေ့ခေတ် မဇ္ဈိမသီလ သိလွယ် မြင်လွယ်
ပြင်လွယ်တဲ့ သူအားလုံး ဖြစ်ပါသည်။
နိဗ္ဗာန်ဆိုတာ ပုဂ္ဂိုလ်ထူးတွေ ခံစား စံစားရတဲ့ နေရာလည်းမဟုတ် ဘုံတခုလည်းမဟုတ် ။ လောကအကျိုး ဖြစ်ထွန်းမူအပေါ် သူတော်ကောင်းတရားတွေ ရရှိမူတခုသာဖြစ်ပါသည်။ လောကအကျိုးပျက်စီးရင် မဇ္ဈိမသီလ (သောတပန်)လည်း ဆင်းရဲတာပါပဲ ။ မဟာသီလ ( နိဗ္ဗာန်) တည်ဆောက်နိုင်သူလည်း ဆင်းရဲရတာပါပဲ ။
ဥပမာ ခြင်တွေ ပေါများတဲ့ နေရာမှာ မဇ္ဈိမသီလလည်း ခြင်တွေခါချနေရမှာပဲ မဟာသီလလည်း ခြင်တွေခါချနေရမှာပဲ ။ အတ္တတွေ များနေချိန် မိမိဆီ မကူးစက်အောင် ခါချနေရင်း အိပ်ရေးပျက်တာခံရတာပါပဲ ။ အဲဒါကြောင့် မြတ်စွာဘုရားက လူတွေဆင်းရဲနေချိန် ဘိက္ခူ တွေလည်း ဆင်းရဲရပါတယ်လို့ ဟောကြားခဲ့ပါတယ်။
ထို့ကြောင့် နိဗ္ဗာန်ဟာ တဦးတယောက်ပိုင်ဆိုင်မူ မဟုတ်ပါ ။ နိဗ္ဗာန်လမ်းစဉ်မှာ ပုဂ္ဂိုလ်ထူးမရှိပါ ။ ခြင် မကိုက်အောင် လုပ်နည်းသိသူနှင့် ခြင်ကိုက်ခံရမူ ပိုများသူ အနည်းငယ်သာကွာပါသည်။ တဏှာပါယ်နိုင်သူနှင့် တဏှာထဲပျော်နေသူ ဒီလောက်ပဲ ကွာပါမည်ဖြစ်ပါကြောင်း ရေးသားဖော်ပြလိုက်ပါသည်။
အားလုံးကိုကျေးဇူးတင်ပါသည် 🙏🙏🙏
စာရေးသူ Saw Gaw Tone (တရားမျှတမူနိဗ္ဗာန်)
