28/05/2025
កាស៊ីណូទាំងពីរទល់មុខគ្នា នៅច្រកអន្តរជាតិ អូរស្មាច់
កុំពុងក្លាយជាតំបត់ក្ដៅ កើតមានករណីសង្ស័យចាប់ជំរិតធ្វើទារុណកម្ម និងសម្លាប់ យ៉ាងអនាធិបតេយ្យ
ឧត្ដរមានជ័យ ៖ ប្រជាពលរដ្ឋនៅតំបន់ទឹកដីច្រកអន្តរជាតិ អូរស្មាច់ ក៍ដូចជាប្រជាពលរដ្ឋក្នុងខេត្តឧត្តរមានជ័យ កំពុងរស់នៅដោយព្រួយបារម្ភណ៍ចំពោះអសន្តិសុខ ដោយតាំងពីជនជាតិបរទេស ចូលមកទឹកដីកម្ពុជា ដែលកំពុងបង្កររឿងឃាតកម្មជាបន្តរបន្ទាប់ យ៉ាងអនាធិបតេយ្យ ជាក់ស្តែងនៅព្រឹក នាថ្ងៃទី២៦ និងទី២៧ ខែឧសភា ឆ្នាំ២០២៥ សាកសព២ ត្រូវបានប្រជាពលរដ្ឋប្រទះឃើញ ដោយយកមកកប់ដីផ្លុងចោលស្ថិតនៅភូមិគោកប្រាសាទ សង្កាត់កូនក្រៀលក្រុងសំរោងខេត្តឧត្ដរមានជ័យ ហើយបានរាយការណ៍ជូនអាជ្ញាធរនិងសមត្តកិច្ចជំនាញចុះមកមើលចំណុចទីតាំងកើតហេតុ។
ក្រោយសម្តកិច្ចចម្រុះចុះមកដល់ បានកាយលើកសាកសពមកលើ ឃើញថាសាកសពនោះជាភេទប្រុស ដែលមានមាឌធំ កំពស់១,៧៥ជាជនបរទេសត្រូវបានឃើញមានស្នាមឆក់ពេញខ្លួន ។ ស្រាប់តែស្អែកឡើងថ្ងៃទី២៧ខែឆ្នាំដ៏ដែល ពលរដ្ឋប្រទះឃើញលាកសពម្នាក់ទៀតនៅជិតគ្នា ពេលនោះអ្នកសារព័ត៌មានជាច្រើនអង្គភាពបានចុះទៅថតនិងផ្ដិតយករូបភាពធ្វើការផ្សព្វផ្សាយ តែត្រូវសមត្តកិច្ចហាមមិនឲ្យចូលថតនោះឡើយ ។
កន្លងមកគេសង្កេតឃើញ អំពើឃាតកម្មជាច្រើនករណី សពត្រូវបានគេយកមកកប់និងប្លុងចោលនៅតាមលើភ្នំជើងភ្នំដងរែកក្នុងសង្កាត់អូរស្មាច់ ក្នុងភូមិសាស្រ្តខេត្តឧត្ដរមានជ័យ ធ្វើឲ្យពលរដ្ឋមានការព្រួយបារម្មណ៍យ៉ាងខ្លាំង។
រាល់ថ្ងៃនេះសមត្តកិច្ចពុំទាន់បំបែសំណុំរឿងទាំងអស់នោះបាននៅឡើយទេមកដល់សព្វថ្ងៃ។
ហើយសពដែលត្រូវគេបានយកមកប្លុងនិងកប់ចោលដូចសត្វធាតុនោះសុទ្ធតែជាជនបរទេស។
មហាជនដាក់ការសង្ស័យថាការសម្លាប់មនុស្សដែលបានកើតឡើងកន្លងមកនេះសុទ្ធសឹងផ្ដើមចេញមកពីកាស៊ីណូរបស់ លោកឧញ៉ាទាំងពីរដែលបានជួលអាគារឲ្យជនជាតិចិនស្នាក់នៅដើម្បីធ្វើអនឡាញដោយខុសច្បាប់នេះតែម្ដង ។
ហើយថ្មីៗនេះនៅក្នុងសង្កាត់អូរស្មាច់ មានករណីចាប់ជំរិតនិងសម្លាប់មនុស្សជាបន្តរបន្ទាប់មក រហូត ៕
