11/11/2024
အိမ်ထောင်ကျသွားတဲ့ အမျိုးသားတစ်ယောက်ရဲ့ဂုဏ်က ...
ဘာလဲလို့ မေးရင် သူရဲ့ အိမ်သူသက်ထားပဲ ။
သူငယ်ချင်း လုပ်ဖော်ကိုင်ဖက်တွေနဲ့တွေ့တဲ့အချိန်မှာ
“မင်းမိန်းမ သိပ်ကံကောင်းတာပဲ ၊
“မင်းမိန်းမက သိပ်တော်တာပဲ”
“ မင်းအမျိုးသမီးက အရမ်းလှတာပဲ”
“ မင်းမိန်းမက မင်းအပေါ် နားလည်မှုရှိပြီး လွတ်လပ်ခွင့် အပြည့်ဝ ပေးတာပဲ”
“ မင်းမိန်းမက မင်းကို ချစ်တယ်နော်လို့အပြောခံတာကိုက
အဲ့ဒီအမျိုးသားရဲ့ ဂုဏ်ပဲ ...
ပြောရရင်တော့ အိမ်က ကြင်သူသက်ထားအမျိုးသမီးကြောင့်
ဂုဏ်တက်တယ်ပဲပြောရမှာပဲ ။
အဲ့လိုပဲ အိမ်ထောင်ကျသွားတဲ့
အမျိုးသမီးတစ်ယောက်ရဲ့ ဂုဏ်ကလည်း
သူ့ရဲ့ အိမ်ဦးနတ်ပဲ။
မိန်းကလေး အချင်းချင်း တွေ့တဲ့အချိန်တိုင်း
သေချာပေါက် ဂုဏ်ပြိုင်ကြတာ
ငါ့ယောကျာ်းက ဘယ်လို ဆိုတာပါပဲ ။
ရွှေတွေ ငွေတွေ က နောက်မှလာတာပါ ။
“နင့်ယောကျာ်းက သစ္စာရှိလိုက်တာနော်“
နင့်ယောကျာ်းက နင့်ကိုသိပ်ချစ်တာနော်” ၊
” နင့်ယောကျာ်းက နင့်ကို လှအောင် ထားတယ်နော်”
“ နင့်ယောကျာ်းက နင့်အလိုအရမ်းလိုက်တာနော်” စတာတွေက
မိန်းမတစ်ယောက် စိန်တစ်ဆင်ဆာ ၊
ပတ္တမြား တစ်ဆင်ဆာ ဝတ်ရတာထက်တောင် ဂုဏ်ရှိပြီး
မျက်နှာပွင့်လန်းပါတယ် ။
ဒါတွေဟာ ကိုယ့်ရဲ့ တန်ဖိုးရှိတဲ့ အိမ်ဦးနတ်ကြောင့်ပါ ။
အိမ်ထောင်တစ်ခုရဲ့ ဂုဏ်သိက္ခာဟာ
ကိုယ့်ရဲ့ အိမ်ထောင်ဖက်ပါပဲ ။
ရှေ့တင်လည်းချစ်သလို ကွယ်ရာမှာလည်း ကိုယ့်ကို ဂုဏ်ရှိအောင် သူ့ကိုယ်သူတန်ဖိုးထားပေးတာဟာ
တစ်ဖက်လူ အတွက်ဘာနဲ့မှမတူတဲ့ နွေးထွေးလုံခြုံမှုပါပဲ ။🫂💞
