เว็บไซต์คืออะไร?

https://www.facebook.com/615814008275078/

MYIN KWIN Media

Right view and justice

12/06/2026

မြန်မာနိုင်ငံရဲ့ စိုးရိမ်ဖွယ် ကျန်းမာရေး တစ်ရပ်အဖြစ် ဆက်လက်တည်ရှိနေတဲ့ သွေးတိုးရောဂါ
မြန်မာနိုင်ငံမှာ လူအများစုဟာ ကျန်းမာရေးစစ်ဆေးမှု ပုံမှန်မလုပ်ဖြစ်တာ၊ ရောဂါတွေရဲ့ ရှေ့ပြေးလက္ခဏာတွေကို သတိမထားမိတာနဲ့ အချိန်မီ ကျန်းမာရေးစောင့်ရှောက်မှု ခံယူဖို့ နောက်ကျတာ တွေကြောင့် ရောဂါအတော်များများကို စိုးရိမ်ရတဲ့ အခြေအနေတစ်ခုမရောက်ခင်အထိ သတိမမူမိတတ်ကြပါဘူး။ ကမ္ဘာ့ကျန်းမာရေးအဖွဲ့ (WHO)ရဲ့ အဆိုအရ သွေးတိုးရောဂါဟာ ထင်ရှားတဲ့ ရောဂါလက္ခဏာမပြတတ်တာကြောင့် ဒီနေ့ခေတ် လူမှုအသိုက်အဝန်းအတွက် သတိမထားမိတဲ့ စိုးရိမ်ရတဲ့ ကျန်းမာရေးအန္တရာယ်တွေထဲက တစ်ခု ဖြစ်နေပါတယ်။
အသံတိတ် လူသတ်သမားလို့တောင် တင်စားခေါ်ဝေါ်ကြတဲ့ သွေးတိုးရောဂါဟာ သိသာထင်ရှားတဲ့ လက္ခဏာမပြဘဲ ဖြစ်ပွားလေ့ရှိတတ်ပါတယ်။ လူအများစုက ကိုယ့်ရဲ့ သွေးပေါင်ချိန်ပမာဏဟာ အန္တရာယ်ရှိလောက်အောင် မြင့်တက်နေတာ မသိဘဲ နေ့စဉ်ဘဝကို ပုံမှန်အတိုင်း ဖြတ်သန်းနေတတ်ကြပါတယ်။ မြန်မာနိုင်ငံမှာ အရွယ်ရောက်ပြီးသူ ၃ ယောက် မှာ ၁ ယောက်ဟာ သွေးတိုးရောဂါ ခံစားနေရတယ်လို့ ခန့်မှန်းထားပါတယ်။ ဒါပေမယ့် လူအတော်များများက ကျန်းမာရေးအသိ အားနည်းတာနဲ့ ပုံမှန်ကျန်းမာရေးစစ်ဆေးမှု မပြုလုပ်တာတွေကြောင့် ကိုယ့်ကိုယ်ကိုယ် သွေးတိုးရှိနေကြောင်း မသိကြပါဘူး။
ကမ္ဘာ့ကျန်းမာရေးအဖွဲ့ရဲ့ ၂၀၂၆ ခုနှစ် ပြည်သူ့ကျန်းမာရေး အခြေအနေ လေ့လာဆန်းစစ်ချက် အစီရင်ခံစာအရ သွေးတိုးရောဂါကြောင့် ဖြစ်ပေါ်လာတဲ့ မကူးစက်နိုင်တဲ့ ရောဂါ (NCDs) တွေက နိုင်ငံအတွင်း သေဆုံးနှုန်းရဲ့ အဓိကအကြောင်းရင်းများထဲပါဝင်နေပြီး ရေရှည်ကျန်းမာရေး စိန်ခေါ်မှုတစ်ခုဖြစ်လာပါတယ်။ ဒီစိန်ခေါ်မှုကို ဖြေရှင်းဖို့ရာ ရောဂါကို အချိန်မီ ရှာဖွေဖော်ထုတ်ဖို့နဲ့ လိုအပ်တဲ့ ကုသမှုတွေကို လက်လှမ်းမီဖို့က အရေးကြီးဆုံး ဖြစ်ပါတယ်။ ခန့်မှန်းချက်တွေအရ ထိရောက်တဲ့ ကာကွယ်ထိန်းချုပ်ရေး လုပ်ငန်းတွေကိုသာ တိုးမြှင့်လုပ်ဆောင်နိုင်ခြင်းမရှိဘူးဆိုရင် လာမယ့် ဆယ်စုနှစ်အတွင်းမှာ မကူးစက်နိုင်တဲ့ရောဂါ (NCDs) တွေကြောင့် သေဆုံးနှုန်းဟာ ၂၁ ရာခိုင်နှုန်း အထိ မြင့်တက်လာနိုင်တယ်လို့ ဆိုပါတယ်။
တစ်ချိန်တည်းမှာပဲ သွေးတိုး၊ ဆီးချိုနဲ့ နှလုံးသွေးကြောဆိုင်ရာ ရောဂါတွေအတွက် မရှိမဖြစ်လိုအပ်တဲ့ စောင့်ရှောက်ကုသမှုတွေကို လက်လှမ်းမီနိုင်မှု နည်းပါးနေသေးတဲ့ မြန်မာနိုင်ငံရဲ့ ပြည်သူ့ကျန်းမာရေးအတွက် အရေးကြီးတဲ့ စိန်ခေါ်မှုတစ်ရပ်အဖြစ် ဆက်လက်တည်ရှိနေပါတယ်။ ကမ္ဘာ့သွေးတိုးရောဂါနေ့ (World Hypertension Day) ဟာ ကြိုတင်ကာကွယ်ခြင်းနဲ့ အသိပညာပေးခြင်းတွေက ပြည်သူ့ကျန်းမာရေးကို ကာကွယ်စောင့်ရှောက်တဲ့နေရာမှာ အရေးကြီးတဲ့ အခန်းကဏ္ဍမှာ ပါဝင်နေကြောင်း သတိပြုမိစေပါတယ်။ မြန်မာနိုင်ငံမှာလည်း ဒီစိန်ခေါ်မှုကို ကျန်းမာရေး စောင့်ရှောက်မှုပေးသူတွေ၊ ဒေသခံလူထုနဲ့ တစ်ဦးတစ်ယောက်ချင်းစီအထိ ကဏ္ဍစုံကနေ ပူးပေါင်းပါဝင်ပြီး ဖြေရှင်းဖို့နဲ့ မကူးစက်နိုင်တဲ့ ရောဂါ (NCDs) တွေကို ကာကွယ်ဖို့ရာ စုပေါင်းလုပ်ဆောင်ကြဖို့ လိုအပ်လာပါတယ်။
မြန်မာနိုင်ငံမှာ သွေးတိုးရောဂါကို အချိန်မီ သိရှိပြီး ထိန်းချုပ်ကုသနိုင်ဖို့အတွက် အခြေခံ ကျန်းမာရေးဝန်ဆောင်မှုတွေနဲ့ လူထုအခြေပြု ရောဂါရှာဖွေစစ်ဆေးရေး အစီအစဉ်တွေကို ကမ္ဘာ့ကျန်းမာရေးအဖွဲ့ (WHO) ရဲ့ ပံ့ပိုးကူညီမှုနဲ့အတူ တိုးမြှင့်လုပ်ဆောင်နေပြီ ဖြစ်ပါတယ်။ ဒီလိုကြိုးပမ်းဆောင်ရွက်မှုတွေဟာ မကူးစက်နိုင်တဲ့ ရောဂါ (NCDs) တွေကို စောစီးစွာ စစ်ဆေးတွေ့ရှိနိုင်စေရေးနဲ့ လူနာတွေ ကုသမှုကို ဆက်လက်ရရှိနိုင်စေရေးအတွက် NCD ဆိုင်ရာ မရှိမဖြစ် ဝန်ဆောင်မှုတွေကို အခြေခံကျန်းမာရေး စောင့်ရှောက်မှုစနစ်ထဲမှာ ထည့်သွင်းပေါင်းစပ်ဆောင်ရွက်ဖို့ ရည်ရွယ်ထားတဲ့ မြန်မာနိုင်ငံရဲ့ အမျိုးသားအဆင့် မကူးစက်နိုင်တဲ့ ရောဂါများ ကာကွယ်ထိန်းချုပ်ရေး မဟာဗျူဟာနဲ့လည်း ကိုက်ညီနေပါတယ်။
ယုံကြည်စိတ်ချရပြီး ကျန်းမာရေးစောင့်ရှောက်မှုဆိုင်ရာ ဖြေရှင်းချက်တွေ ပံ့ပိုးပေးနေတဲ့ Zuellig Pharma အနေနဲ့ သွေးတိုးရောဂါနဲ့ ပြင်းထန်နောက်ဆက်တွဲ ကျန်းမာရေးပြဿနာတွေကို ဖြေရှင်းဖို့ အရေးကြီးတယ်ဆိုတာ သိရှိနားလည်ထားပါတယ်။ ကျန်းမာရေးစောင့်ရှောက်မှုဆိုင်ရာ အဖွဲ့အစည်းတစ်ခုအနေနဲ့ လက်ခံထားတဲ့ ခံယူချက်က ကျန်းမာရေးစောင့်ရှောက်မှုဆိုတာ ဆေးဝါးသပ်သပ် မဟုတ်ဘဲ ပြည်သူတွေအနေနဲ့ ကိုယ့်ရဲ့ ကျန်းမာရေးအန္တရာယ်တွေကို အချိန်မီ နားလည်သဘောပေါက်ပြီး ရောဂါအခြေအနေ မပြင်းထန်လာခင်မှာတင် လိုအပ်တဲ့ ဆေးကုသမှုခံယူနိုင်ဖို့ ကူညီပေးခြင်းဖြစ်ပါတယ်။ ဒီရည်ရွယ်ချက်အတိုင်း Zuellig Pharma အနေနဲ့ မရှိမဖြစ်လိုအပ်တဲ့ ဆေးဝါးတွေ၊ ရောဂါရှာဖွေရေးကိရိယာတွေနဲ့ စ-လည်-အဆုံး ကုန်စည်စီးဆင်းမှု (Supply Chain) တစ်ခုလုံးကို ပိုမိုလက်လှမ်းမီအောင်လုပ်ဆောင်ပြီး မြန်မာနိုင်ငံရဲ့ ကျန်းမာရေးစောင့်ရှောက်မှုစနစ် အသင့်ဖြစ်နေစေဖို့ ကူညီပေးနေပါတယ်။ ဒီလုပ်ဆောင်ချက်က ကျန်းမာရေးစောင့်ရှောက်မှုပေးသူတွေကို ထိရောက်တဲ့ ရောဂါရှာဖွေစစ်ဆေးခြင်းနဲ့ ရေရှည် ရောဂါထိန်းချုပ်ကုသမှုတွေ ပြုလုပ်နိုင်အောင် ကူညီပေးပြီး နိုင်ငံအနှံ့ လူမှုအသိုက်အဝန်းအတွက် ရောဂါကို အချိန်မီသိရှိပြီး ကျန်းမာရေးစောင့်ရှောက်မှုတွေ ရရှိနေစေဖို့ဆိုတဲ့ ကုမ္ပဏီရဲ့ ကတိကဝတ်ကို ထပ်လောင်းအတည်ပြုနေခြင်းလည်း ဖြစ်ပါတယ်။
ပြည်သူလူထုရဲ့ ကျန်းမာရေးအသိနဲ့ တစ်ဦးချင်းစီရဲ့ ကိုယ်တိုင်လိုက်နာဆောင်ရွက်မှုတွေကလည်း ထပ်တူ အရေးကြီးပါတယ်။ ရိုးရှင်းတဲ့ ဘဝနေထိုင်မှု အလေ့အကျင့်တွေနဲ့ ပုံမှန်ကျန်းမာရေးစစ်ဆေးမှုတွေက သွေးတိုးရောဂါအပြင် အခြား ဆက်စပ်တဲ့ ကျန်းမာရေးအန္တရာယ်တွေကို သိသိသာသာ လျော့ကျစေနိုင်ပါတယ်။ ကြိုတင်ကာကွယ်ရမယ့် နည်းလမ်းတွေကတော့
• သွေးပေါင်ချိန်ကို ပုံမှန်တိုင်းတာ စစ်ဆေးတာ
• အငံ အလွန်အကျွံစားသုံးမှုကို ဆင်ခြင်တာနဲ့ ကျန်းမာမျှတတဲ့ အစာအာဟာရတွေကို စားသုံးတာ
• တက်ကြွတဲ့ ကိုယ်လက်လှုပ်ရှားမှု ရှိတာ
• စိတ်ဖိစီးမှု လျော့ချပြီး လုံလောက်စွာ အိပ်စက်အနားယူတာ
• ကျန်းမာရေးဆိုင်ရာ အကြံပြုချက်တွေကို အချိန်မီရယူတာတွေ အပြင် လိုအပ်မယ်ဆိုရင် ဆရာဝန်ညွှန်ကြားချက်တွေအတိုင်း ကုသမှုတွေ လိုက်နာဆောင်ရွက်တာတို့ ပါဝင်ပါတယ်။
သွေးတိုးရောဂါကို ကာကွယ်နိုင်ဖို့က ကျန်းမာရေးဗဟုသုတရှိမှုက စတင်ပါတယ်။ ရောဂါ အချိန်မီ ရှာဖွေတွေ့ရှိမှုကစလို့ တိကျသေချာတဲ့ ကျန်းမာရေးဆိုင်ရာ ဆုံးဖြတ်ချက်တွေနဲ့ အားလုံးပူးပေါင်းပါဝင်မှုကနေတစ်ဆင့် မြန်မာနိုင်ငံအနေနဲ့ မကူးစက်နိုင်တဲ့ ရောဂါ (NCDs) တွေရဲ့ ရေရှည်ကျန်းမာရေးဆိုးကျိုးတွေကို လျှော့ချဖို့အတွက် ဆက်လက် အောင်မြင်အောင် လုပ်ဆောင်သွားနိုင်မှာ ဖြစ်ပါတယ်။ Zuellig Pharma အနေနဲ့လည်း မြန်မာနိုင်ငံတစ်ဝှမ်းမှာရှိတဲ့ လူမှုအသိုက်အဝန်းအတွက် ဒီလုပ်ဆောင်ချက်တွေ အကောင်အထည်ပေါ်လာစေဖို့ ကျန်းမာရေးစောင့်ရှောက်မှုဆိုင်ရာ မိတ်ဖက်အဖွဲ့အစည်းတွေနဲ့ ပူးပေါင်းပြီး ဆက်လက်ကူညီပံ့ပိုးသွားမှာ ဖြစ်ပါတယ်။

ြန်မာနိုင်ငံရဲ့ စိုးရိမ်ဖွယ် ကျန်းမာရေး တစ်ရပ်အဖြစ် ဆက်လက်တည်ရှိနေတဲ့ သွေးတိုးရောဂါ
မြန်မာနိုင်ငံမှာ လူအများစုဟာ ကျန်းမာရေးစစ်ဆေးမှု ပုံမှန်မလုပ်ဖြစ်တာ၊ ရောဂါတွေရဲ့ ရှေ့ပြေးလက္ခဏာတွေကို သတိမထားမိတာနဲ့ အချိန်မီ ကျန်းမာရေးစောင့်ရှောက်မှု ခံယူဖို့ နောက်ကျတာ တွေကြောင့် ရောဂါအတော်များများကို စိုးရိမ်ရတဲ့ အခြေအနေတစ်ခုမရောက်ခင်အထိ သတိမမူမိတတ်ကြပါဘူး။ ကမ္ဘာ့ကျန်းမာရေးအဖွဲ့ (WHO)ရဲ့ အဆိုအရ သွေးတိုးရောဂါဟာ ထင်ရှားတဲ့ ရောဂါလက္ခဏာမပြတတ်တာကြောင့် ဒီနေ့ခေတ် လူမှုအသိုက်အဝန်းအတွက် သတိမထားမိတဲ့ စိုးရိမ်ရတဲ့ ကျန်းမာရေးအန္တရာယ်တွေထဲက တစ်ခု ဖြစ်နေပါတယ်။
အသံတိတ် လူသတ်သမားလို့တောင် တင်စားခေါ်ဝေါ်ကြတဲ့ သွေးတိုးရောဂါဟာ သိသာထင်ရှားတဲ့ လက္ခဏာမပြဘဲ ဖြစ်ပွားလေ့ရှိတတ်ပါတယ်။ လူအများစုက ကိုယ့်ရဲ့ သွေးပေါင်ချိန်ပမာဏဟာ အန္တရာယ်ရှိလောက်အောင် မြင့်တက်နေတာ မသိဘဲ နေ့စဉ်ဘဝကို ပုံမှန်အတိုင်း ဖြတ်သန်းနေတတ်ကြပါတယ်။ မြန်မာနိုင်ငံမှာ အရွယ်ရောက်ပြီးသူ ၃ ယောက် မှာ ၁ ယောက်ဟာ သွေးတိုးရောဂါ ခံစားနေရတယ်လို့ ခန့်မှန်းထားပါတယ်။ ဒါပေမယ့် လူအတော်များများက ကျန်းမာရေးအသိ အားနည်းတာနဲ့ ပုံမှန်ကျန်းမာရေးစစ်ဆေးမှု မပြုလုပ်တာတွေကြောင့် ကိုယ့်ကိုယ်ကိုယ် သွေးတိုးရှိနေကြောင်း မသိကြပါဘူး။
ကမ္ဘာ့ကျန်းမာရေးအဖွဲ့ရဲ့ ၂၀၂၆ ခုနှစ် ပြည်သူ့ကျန်းမာရေး အခြေအနေ လေ့လာဆန်းစစ်ချက် အစီရင်ခံစာအရ သွေးတိုးရောဂါကြောင့် ဖြစ်ပေါ်လာတဲ့ မကူးစက်နိုင်တဲ့ ရောဂါ (NCDs) တွေက နိုင်ငံအတွင်း သေဆုံးနှုန်းရဲ့ အဓိကအကြောင်းရင်းများထဲပါဝင်နေပြီး ရေရှည်ကျန်းမာရေး စိန်ခေါ်မှုတစ်ခုဖြစ်လာပါတယ်။ ဒီစိန်ခေါ်မှုကို ဖြေရှင်းဖို့ရာ ရောဂါကို အချိန်မီ ရှာဖွေဖော်ထုတ်ဖို့နဲ့ လိုအပ်တဲ့ ကုသမှုတွေကို လက်လှမ်းမီဖို့က အရေးကြီးဆုံး ဖြစ်ပါတယ်။ ခန့်မှန်းချက်တွေအရ ထိရောက်တဲ့ ကာကွယ်ထိန်းချုပ်ရေး လုပ်ငန်းတွေကိုသာ တိုးမြှင့်လုပ်ဆောင်နိုင်ခြင်းမရှိဘူးဆိုရင် လာမယ့် ဆယ်စုနှစ်အတွင်းမှာ မကူးစက်နိုင်တဲ့ရောဂါ (NCDs) တွေကြောင့် သေဆုံးနှုန်းဟာ ၂၁ ရာခိုင်နှုန်း အထိ မြင့်တက်လာနိုင်တယ်လို့ ဆိုပါတယ်။
တစ်ချိန်တည်းမှာပဲ သွေးတိုး၊ ဆီးချိုနဲ့ နှလုံးသွေးကြောဆိုင်ရာ ရောဂါတွေအတွက် မရှိမဖြစ်လိုအပ်တဲ့ စောင့်ရှောက်ကုသမှုတွေကို လက်လှမ်းမီနိုင်မှု နည်းပါးနေသေးတဲ့ မြန်မာနိုင်ငံရဲ့ ပြည်သူ့ကျန်းမာရေးအတွက် အရေးကြီးတဲ့ စိန်ခေါ်မှုတစ်ရပ်အဖြစ် ဆက်လက်တည်ရှိနေပါတယ်။ ကမ္ဘာ့သွေးတိုးရောဂါနေ့ (World Hypertension Day) ဟာ ကြိုတင်ကာကွယ်ခြင်းနဲ့ အသိပညာပေးခြင်းတွေက ပြည်သူ့ကျန်းမာရေးကို ကာကွယ်စောင့်ရှောက်တဲ့နေရာမှာ အရေးကြီးတဲ့ အခန်းကဏ္ဍမှာ ပါဝင်နေကြောင်း သတိပြုမိစေပါတယ်။ မြန်မာနိုင်ငံမှာလည်း ဒီစိန်ခေါ်မှုကို ကျန်းမာရေး စောင့်ရှောက်မှုပေးသူတွေ၊ ဒေသခံလူထုနဲ့ တစ်ဦးတစ်ယောက်ချင်းစီအထိ ကဏ္ဍစုံကနေ ပူးပေါင်းပါဝင်ပြီး ဖြေရှင်းဖို့နဲ့ မကူးစက်နိုင်တဲ့ ရောဂါ (NCDs) တွေကို ကာကွယ်ဖို့ရာ စုပေါင်းလုပ်ဆောင်ကြဖို့ လိုအပ်လာပါတယ်။
မြန်မာနိုင်ငံမှာ သွေးတိုးရောဂါကို အချိန်မီ သိရှိပြီး ထိန်းချုပ်ကုသနိုင်ဖို့အတွက် အခြေခံ ကျန်းမာရေးဝန်ဆောင်မှုတွေနဲ့ လူထုအခြေပြု ရောဂါရှာဖွေစစ်ဆေးရေး အစီအစဉ်တွေကို ကမ္ဘာ့ကျန်းမာရေးအဖွဲ့ (WHO) ရဲ့ ပံ့ပိုးကူညီမှုနဲ့အတူ တိုးမြှင့်လုပ်ဆောင်နေပြီ ဖြစ်ပါတယ်။ ဒီလိုကြိုးပမ်းဆောင်ရွက်မှုတွေဟာ မကူးစက်နိုင်တဲ့ ရောဂါ (NCDs) တွေကို စောစီးစွာ စစ်ဆေးတွေ့ရှိနိုင်စေရေးနဲ့ လူနာတွေ ကုသမှုကို ဆက်လက်ရရှိနိုင်စေရေးအတွက် NCD ဆိုင်ရာ မရှိမဖြစ် ဝန်ဆောင်မှုတွေကို အခြေခံကျန်းမာရေး စောင့်ရှောက်မှုစနစ်ထဲမှာ ထည့်သွင်းပေါင်းစပ်ဆောင်ရွက်ဖို့ ရည်ရွယ်ထားတဲ့ မြန်မာနိုင်ငံရဲ့ အမျိုးသားအဆင့် မကူးစက်နိုင်တဲ့ ရောဂါများ ကာကွယ်ထိန်းချုပ်ရေး မဟာဗျူဟာနဲ့လည်း ကိုက်ညီနေပါတယ်။
ယုံကြည်စိတ်ချရပြီး ကျန်းမာရေးစောင့်ရှောက်မှုဆိုင်ရာ ဖြေရှင်းချက်တွေ ပံ့ပိုးပေးနေတဲ့ Zuellig Pharma အနေနဲ့ သွေးတိုးရောဂါနဲ့ ပြင်းထန်နောက်ဆက်တွဲ ကျန်းမာရေးပြဿနာတွေကို ဖြေရှင်းဖို့ အရေးကြီးတယ်ဆိုတာ သိရှိနားလည်ထားပါတယ်။ ကျန်းမာရေးစောင့်ရှောက်မှုဆိုင်ရာ အဖွဲ့အစည်းတစ်ခုအနေနဲ့ လက်ခံထားတဲ့ ခံယူချက်က ကျန်းမာရေးစောင့်ရှောက်မှုဆိုတာ ဆေးဝါးသပ်သပ် မဟုတ်ဘဲ ပြည်သူတွေအနေနဲ့ ကိုယ့်ရဲ့ ကျန်းမာရေးအန္တရာယ်တွေကို အချိန်မီ နားလည်သဘောပေါက်ပြီး ရောဂါအခြေအနေ မပြင်းထန်လာခင်မှာတင် လိုအပ်တဲ့ ဆေးကုသမှုခံယူနိုင်ဖို့ ကူညီပေးခြင်းဖြစ်ပါတယ်။ ဒီရည်ရွယ်ချက်အတိုင်း Zuellig Pharma အနေနဲ့ မရှိမဖြစ်လိုအပ်တဲ့ ဆေးဝါးတွေ၊ ရောဂါရှာဖွေရေးကိရိယာတွေနဲ့ စ-လည်-အဆုံး ကုန်စည်စီးဆင်းမှု (Supply Chain) တစ်ခုလုံးကို ပိုမိုလက်လှမ်းမီအောင်လုပ်ဆောင်ပြီး မြန်မာနိုင်ငံရဲ့ ကျန်းမာရေးစောင့်ရှောက်မှုစနစ် အသင့်ဖြစ်နေစေဖို့ ကူညီပေးနေပါတယ်။ ဒီလုပ်ဆောင်ချက်က ကျန်းမာရေးစောင့်ရှောက်မှုပေးသူတွေကို ထိရောက်တဲ့ ရောဂါရှာဖွေစစ်ဆေးခြင်းနဲ့ ရေရှည် ရောဂါထိန်းချုပ်ကုသမှုတွေ ပြုလုပ်နိုင်အောင် ကူညီပေးပြီး နိုင်ငံအနှံ့ လူမှုအသိုက်အဝန်းအတွက် ရောဂါကို အချိန်မီသိရှိပြီး ကျန်းမာရေးစောင့်ရှောက်မှုတွေ ရရှိနေစေဖို့ဆိုတဲ့ ကုမ္ပဏီရဲ့ ကတိကဝတ်ကို ထပ်လောင်းအတည်ပြုနေခြင်းလည်း ဖြစ်ပါတယ်။
ပြည်သူလူထုရဲ့ ကျန်းမာရေးအသိနဲ့ တစ်ဦးချင်းစီရဲ့ ကိုယ်တိုင်လိုက်နာဆောင်ရွက်မှုတွေကလည်း ထပ်တူ အရေးကြီးပါတယ်။ ရိုးရှင်းတဲ့ ဘဝနေထိုင်မှု အလေ့အကျင့်တွေနဲ့ ပုံမှန်ကျန်းမာရေးစစ်ဆေးမှုတွေက သွေးတိုးရောဂါအပြင် အခြား ဆက်စပ်တဲ့ ကျန်းမာရေးအန္တရာယ်တွေကို သိသိသာသာ လျော့ကျစေနိုင်ပါတယ်။ ကြိုတင်ကာကွယ်ရမယ့် နည်းလမ်းတွေကတော့
• သွေးပေါင်ချိန်ကို ပုံမှန်တိုင်းတာ စစ်ဆေးတာ
• အငံ အလွန်အကျွံစားသုံးမှုကို ဆင်ခြင်တာနဲ့ ကျန်းမာမျှတတဲ့ အစာအာဟာရတွေကို စားသုံးတာ
• တက်ကြွတဲ့ ကိုယ်လက်လှုပ်ရှားမှု ရှိတာ
• စိတ်ဖိစီးမှု လျော့ချပြီး လုံလောက်စွာ အိပ်စက်အနားယူတာ
• ကျန်းမာရေးဆိုင်ရာ အကြံပြုချက်တွေကို အချိန်မီရယူတာတွေ အပြင် လိုအပ်မယ်ဆိုရင် ဆရာဝန်ညွှန်ကြားချက်တွေအတိုင်း ကုသမှုတွေ လိုက်နာဆောင်ရွက်တာတို့ ပါဝင်ပါတယ်။
သွေးတိုးရောဂါကို ကာကွယ်နိုင်ဖို့က ကျန်းမာရေးဗဟုသုတရှိမှုက စတင်ပါတယ်။ ရောဂါ အချိန်မီ ရှာဖွေတွေ့ရှိမှုကစလို့ တိကျသေချာတဲ့ ကျန်းမာရေးဆိုင်ရာ ဆုံးဖြတ်ချက်တွေနဲ့ အားလုံးပူးပေါင်းပါဝင်မှုကနေတစ်ဆင့် မြန်မာနိုင်ငံအနေနဲ့ မကူးစက်နိုင်တဲ့ ရောဂါ (NCDs) တွေရဲ့ ရေရှည်ကျန်းမာရေးဆိုးကျိုးတွေကို လျှော့ချဖို့အတွက် ဆက်လက် အောင်မြင်အောင် လုပ်ဆောင်သွားနိုင်မှာ ဖြစ်ပါတယ်။ Zuellig Pharma အနေနဲ့လည်း မြန်မာနိုင်ငံတစ်ဝှမ်းမှာရှိတဲ့ လူမှုအသိုက်အဝန်းအတွက် ဒီလုပ်ဆောင်ချက်တွေ အကောင်အထည်ပေါ်လာစေဖို့ ကျန်းမာရေးစောင့်ရှောက်မှုဆိုင်ရာ မိတ်ဖက်အဖွဲ့အစည်းတွေနဲ့ ပူးပေါင်းပြီး ဆက်လက်ကူညီပံ့ပိုးသွားမှာ ဖြစ်ပါတယ်။

12/06/2026

အမျိုးသမီးဦးဆောင်သော အသေးစား၊ အငယ်စားနှင့် အလတ်စား စီးပွားရေးလုပ်ငန်းများ (MSMEs) ဖိုရမ် ၂၀၂၆
**********************
မြန်မာစီးပွားရေးလုပ်ငန်းရှင် အမျိုးသမီးများကွန်ယက် (Myanmar Women Entrepreneurs Network – MYANWEN) သည် အမျိုးသမီးများ ဦးဆောင်လုပ်ကိုင်လျက်ရှိသော စီးပွားရေးလုပ်ငန်းများ ရေရှည်တည်တံ့ခိုင်မြဲစေရန်နှင့်
လူမှုစီးပွားဖွံ့ဖြိုးတိုးတက်ရေးအတွက် လိုအပ်သော Capacity Building သင်တန်းများ၊ စီးပွားရေးလုပ်ငန်းများကို အောင်မြင်စွာ စီမံခန့်ခွဲနိုင်ရန် လိုအပ်သည့် အသိပညာနှင့် အတွေ့အကြုံများကို အသင်းစတင်တည်ထောင်ခဲ့သည့် ၂၀၂၀ ခုနှစ်မှစတင်၍ စဉ်ဆက်မပြတ် မျှဝေပေးလျက်ရှိပါသည်။
ယခုအခါ ရှမ်းပြည်နယ်၊ တောင်ကြီးဒေသအတွင်းရှိ အမျိုးသမီးလုပ်ငန်းရှင်များ၏ စွမ်းဆောင်ရည်မြှင့်တင်ရေးနှင့် လုပ်ငန်း ဖွံ့ဖြိုးတိုးတက်ရေးကို အထောက်အကူပြုနိုင်ရန် ရည်ရွယ်၍ “အမျိုးသမီးဦးဆောင်သော အသေးစား၊ အငယ်စားနှင့် အလတ်စား စီးပွားရေးလုပ်ငန်းများ (MSMEs) ဖိုရမ် ၂၀၂၆” ကို ၂၀၂၆ ခုနှစ် ဇွန်လ (၉) ရက်နေ့တွင် Jasmine Hotel, Taunggyi ၌ ကျင်းပပြုလုပ်ခဲ့ပါသည်။
ယခုဖိုရမ်ကို ကျင်းပရခြင်း၏ အဓိကရည်ရွယ်ချက်မှာ ရှမ်းပြည်နယ်တောင်ကြီးဒေသအတွင်းရှိ အမျိုးသမီးဦးဆောင်သော အသေးစား၊ အငယ်စားနှင့် အလတ်စား စီးပွားရေးလုပ်ငန်းများ (MSMEs)၊ အိမ်တွင်းစီးပွားရေးလုပ်ငန်းများ ဆောင်ရွက်နေသော အမျိုးသမီးလုပ်ငန်းရှင်များနှင့် မိခင်တာဝန်၊ မိသားစုတာဝန်များကို လုပ်ငန်းတာဝန်များနှင့်အတူ မျှတစွာ ထမ်းဆောင်နေကြသော Women Entrepreneurs များအတွက် လုပ်ငန်း ဆောင်တာ များကို ပိုမိုထိရောက်စွာ စီမံခန့်ခွဲနိုင်စေရန်နှင့် ရေရှည်တည်တံ့ခိုင်မြဲလာစေရန် ဖြစ်ပါသည်။
အခမ်းအနားသို့ ရှမ်းပြည်နယ်လွှတ်တော်ဥက္ကဋ္ဌ၏ ဇနီး ဒေါ်ခိုင်ဇာလင်းနောင်၊
ရှမ်းပြည်နယ်လုံခြုံရေးနှင့် နယ်စပ်ရေးရာဝန်ကြီး၏ ဇနီး ဒေါ်သီတာဦး၊ ကယန်းတိုင်းရင်းသားရေးရာဝန်ကြီး ဒေါ်အေးချိုစိန်၊ ရှမ်းပြည်နယ်အစိုးရအဖွဲ့နှင့် ဌာနဆိုင်ရာအဖွဲ့အစည်းများမှ တာဝန်ရှိပုဂ္ဂိုလ်များ၊ ကုန်သည်စက်မှုလက်မှုလုပ်ငန်းရှင်များအသင်းနှင့်
ညီနောင်အသင်းအဖွဲ့များမှ တာဝန်ရှိပုဂ္ဂိုလ်များ၊ ဖိတ်ကြားထားသော ဧည့်သည်တော်များနှင့်
စွန့်ဦးတီထွင် အမျိုးသမီးလုပ်ငန်းရှင်များအပါအဝင် စုစုပေါင်း (၂၀၀) ကျော် တက်ရောက်ခဲ့ကြပါသည်။
မနက်ပိုင်းအစီအစဉ်တွင် မြန်မာစီးပွားရေးလုပ်ငန်းရှင် အမျိုးသမီးများကွန်ယက်၏ ဥက္ကဋ္ဌ
ဒေါက်တာစုလှဟန်မှ အဖွင့်အမှာစကား ပြောကြားခဲ့ပါသည်။ ထို့နောက် မြန်မာစီးပွားရေးလုပ်ငန်းရှင် အမျိုးသမီးများကွန်ယက် (ရှမ်းပြည်နယ်၊ တောင်ကြီး) ဥက္ကဋ္ဌ
ဒေါ်ရတနာဇော်မှ ဖိုရမ်၏ ရည်ရွယ်ချက်နှင့် အစီအစဉ်အသေးစိတ်များကို မိတ်ဆက်ရှင်းလင်းခဲ့ပါသည်။
ဆက်လက်ပြီး ကျွမ်းကျင်ပညာရှင်များ၏ အထူးဟောပြောပွဲများကို ကျင်းပခဲ့ရာ
KBZ Bank နှင့် KBZPay မှ ဦးမျိုးဝင်းဇော် (Head of Business Units, SME Business Banking Business Unit & Sales and Engagement Business Unit)
က “Digital Financial Literacy” ခေါင်းစဉ်ဖြင့်လည်းကောင်း၊
City Trust Finance မှ Chief Executive Officer ဦးငြိမ်းချမ်းစိုးဝင်းက
“Digital Transformation for MSMEs in Myanmar” ခေါင်းစဉ်ဖြင့်လည်းကောင်း ဆွေးနွေးမျှဝေခဲ့ကြပါသည်။
ထို့နောက် “AI နှင့် စီးပွားရေးအသွင်ကူးပြောင်းမှု – အမျိုးသမီးဦးဆောင် MSMEs များ၏ လက်တွေ့ခရီးစဉ်”
ခေါင်းစဉ်ဖြင့် ပြုလုပ်ခဲ့ပြီး Moderator အဖြစ် 🔸 Daw Yadanar Zaw (CEO, Golden Vision Myanmar Co., Ltd) မှလည်းကောင်း Panelists များအဖြစ်
🔸 Daw Nang Hsen Siri Aung (Director, TANG KAY Co., Ltd),
🔸 Daw Thida Win (Founder & CEO, Plan BEE Social Enterprise) နှင့်
🔸 Daw Win Lae Mya Yee San (Founder & CEO, Net Asia Co., Ltd) တို့မှ ပါဝင်ဆွေးနွေးခဲ့ကြပါသည်။
ထို့နောက် နေ့လည်ပိုင်းတွင် AI နည်းပညာဖြင့် လုပ်ငန်းများ ပိုမိုတိုးတက်အောင်မြင်စွာ ဆောင်ရွက်နိုင်ရန် GEN AI Workshop ကို ဦးကျော်စစ်နိုင် (Founder, Yangon School of Social Work) မှ ဦးဆောင်ဆွေးနွေး သင်ကြားပေးခဲ့ပါသည်။
အဆိုပါ MSMEs Forum 2026 သည် အမျိုးသမီးလုပ်ငန်းရှင်များ၏ စီးပွားရေးစွမ်းဆောင်ရည် မြှင့်တင်ပေးနိုင်ရေး၊ နည်းပညာအသုံးချမှု တိုးတက်လာစေရေးနှင့် ဒေသတွင်း MSMEs လုပ်ငန်းများ၏ ယှဉ်ပြိုင်နိုင်စွမ်း မြင့်မားလာစေရေးအတွက် အထောက်အကူပြုသော အရေးပါသည့် Forum တစ်ခုဖြစ်ပါသည်။
ဟောပြောပွဲအတွင်း AI နည်းပညာများကို MSMEs လုပ်ငန်းများအနေဖြင့် မည်သို့အသုံးချနိုင်မည်၊လုပ်ငန်းများကို မည်သို့ပိုမိုထိရောက်စွာ တိုးတက်အောင် ဆောင်ရွက်နိုင်မည်နှင့်
အနာဂတ်အခွင့်အလမ်းများအတွက် မည်သို့ပြင်ဆင်သင့်သည်တို့ကို အပြန်အလှန်
ဆွေးနွေးဖလှယ်ခဲ့ကြပြီး အောင်မြင်စွာ ကျင်းပပြီးစီးခဲ့ပါသည်။
အဆိုပါ ဖိုရမ်ကို KBZ Financial Partner မှ အဓိကပံ့ပိုးကူညီခဲ့ပြီး City Trust Finance နှင့် Royal D တို့မှလည်း ပူးပေါင်းပံ့ပိုးပါဝင်ခဲ့ကြပါသည်။

30/05/2026

အက်တမ်(ATOM) မှ မြန်မာ့ဒစ်ဂျစ်တယ်အနာဂတ်ကို ဆင့်ကဲမြှင့်တင်ပေးမည့် Talent Accelerator Programme 2026 ကို မိတ်ဆက်

•
ရန်ကုန်၊ မေ(၂၈)

မြန်မာနိုင်ငံ၏ အကောင်းဆုံး 4.5G ဝန်ဆောင်မှု ပေးအပ်နေသည့် အက်တမ်(ATOM) သည် ၎င်း၏ အဆင့်မြင့် လူငယ်စွမ်းရည်မြှင့်တင်မှုအစီအစဉ်ကို ပိုမိုကောင်းမွန်အောင် စဉ်ဆက်မပြတ် အဆင့်မြှင့်တင်ထားသည့် ‘Talent Accelerator Programme 2026’ ကို မကြာသေးမီက မိတ်ဆက်ခဲ့သည်။ (၁၈) လ ကြာမြင့်မည့် အဆိုပါအစီအစဉ်သည် မြန်မာလူငယ်များအတွက် ဒစ်ဂျစ်တယ်နှင့် တယ်လီကွန်းစီးပွားရေးဆိုင်ရာ အခြေခံများ၊ အိုင်တီ နှင့် ကွန်ရက်ဆိုင်ရာ အသိပညာများ၊ သုံးစွဲသူအတွေ့အကြုံဆိုင်ရာ လုပ်ဆောင်ချက်များအပြင် အချက်အလက် အခြေပြု တွေးခေါ်မှုနှင့် ဆန်းစစ်မှု ဆိုင်ရာ အဓိကစွမ်းရည်များကို မြှင့်တင်ပေးနိုင်ရန် ရည်ရွယ်ဖန်တီးထားခြင်း ဖြစ်သည်။ စနစ်တကျ သင်ကြားလေ့လာမှုများကို လက်တွေ့လုပ်ငန်းခွင် အတွေ့အကြုံများနှင့် ပေါင်းစပ်ပေးခြင်းဖြင့် အရေးပါသော ဒစ်ဂျစ်တယ်နှင့် တယ်လီကွန်းဆိုင်ရာ အရည်အချင်းပြည့်ဝသည့် အနာဂတ် ခေါင်းဆောင်ကောင်းများကို လေ့ကျင့်ပျိုးထောင်ပေးရန် အက်တမ်(ATOM) မှ ရည်မှန်းထားသည်။
‘Talent Accelerator Programme 2026’ ကို လျှောက်လွှာတင်သွင်းမှုကာလ ၂၀၂၆ ခုနှစ်၊ မတ်လ (၁၆) ရက်မှ ဧပြီလ (၅) ရက်အတွင်း အက်တမ်(ATOM) ၏ ဝက်ဘ်ဆိုက်ရှိ အလုပ်အကိုင် အခွင့်အလမ်းများ ကဏ္ဍ၊ social media platform၊ တက္ကသိုလ်များနှင့် ပူးပေါင်းချိတ်ဆက်မှုများအပါအဝင် ပလက်ဖောင်းအသီးသီးမှ လျှောက်ထားသူ အရေအတွက် (၄၀၀) ကျော်အထိ အများအပြား ပါဝင်လျှောက်ထားခဲ့ကြသည်။ အရည်အချင်း စစ်ဆေးခြင်းနှင့် လူတွေ့ မေးမြန်းခြင်းများ အဆင့်ဆင့် လုပ်ဆောင်ပြီးနောက် ထူးချွန်လူငယ် (၂၈) ဦးကို ၂၀၂၆ ခုနှစ်၊ မေလ (၂၅) ရက်နေ့တွင် တရားဝင် စတင်ကြိုဆိုသွားမည် ဖြစ်သည်။ လုပ်ငန်းခွင်အကြို ပြင်ဆင်မှုကာလ ကို အောင်မြင်စွာ ပြီးမြောက်ပြီးနောက် အဆိုပါ သင်တန်းသားများသည် အက်တမ်(ATOM) ၏ လုပ်ငန်းခွင်ဆိုင်ရာဌာနများသို့ ဝင်ရောက်လေ့လာ လုပ်ကိုင်ကြမည် ဖြစ်သည်။
ရွေးချယ်ခံရသည့် လျှောက်ထားသူများသည် လစာ၊ နေထိုင်မှုစရိတ် အပါအဝင် ထောက်ပံ့ကြေးများနှင့် ဝန်ထမ်းခံစားခွင့်များ ပါဝင်သည့် ကောင်းမွန်ပြည့်စုံသော ခံစားခွင့်များ ရရှိမည့်အပြင် အစီအစဉ် တစ်လျှောက်လုံးတွင် စနစ်တကျ လမ်းညွှန်ပံ့ပိုးမှုများကိုပါ ရရှိမည်။ ထို့အပြင် အက်တမ်(ATOM) သည် ရေရှည်အလုပ်အကိုင် တိုးတက်ရေးအတွက်လည်း အလေးထား ပံ့ပိုးဆောင်ရွက်ပေးလျက်ရှိသည်။ အစီအစဉ်အောင်မြင်ပြီးဆုံးပါက စွမ်းဆောင်ရည်ကောင်းမွန်သည့် သင်တန်းသားများကို ၎င်းတို့၏ လုပ်ဆောင်နိုင်စွမ်း၊ အရည်အချင်းနှင့် လုပ်ငန်းလိုအပ်ချက်များအပေါ် မူတည်၍ အမြဲတမ်းဝန်ထမ်း ခန့်အပ်ရန် ဦးစားပေးသွားမည် ဖြစ်သည်။
"ထူးချွန်ထက်မြက်တဲ့ လူငယ်တွေကို မြေတောင်မြှောက်ပေးဖို့က အက်တမ်(ATOM)ရဲ့ အဓိကရည်မှန်းချက် တစ်ခုအဖြစ် အစဉ်တစိုက် တည်ရှိနေမှာပါ။ Talent Accelerator Programme 2026 အစီအစဉ်က မျိုးဆက်သစ်လူငယ်တွေအတွက် ရင်းနှီးမြှုပ်နှံပေးနေရုံတင်မကဘဲ တီထွင်ဆန်းသစ်မှုနဲ့ ရေရှည်တိုးတက်မှု တွေကို ဦးဆောင်မယ့် အနာဂတ်ခေါင်းဆောင်တွေကို ပျိုးထောင်ပေးနေတာလည်း ဖြစ်ပါတယ်။ စနစ်တကျ လေ့လာသင်ယူမှုတွေကို လက်တွေ့လုပ်ငန်းခွင် အတွေ့အကြုံ၊ လမ်းညွှန်မှုတွေနဲ့ ပေါင်းစပ်ပေးပြီး အခုလို တိုးတက်ပြောင်းလဲနေတဲ့ ဒစ်ဂျစ်တယ်ခေတ်မှာ လိုအပ်နေတဲ့ အရည်အချင်းတွေ ရှိလာစေဖို့ လေ့ကျင့် ပေးသွားမှာပါ။ မြန်မာနိုင်ငံရဲ့ တိုးတက်နေတဲ့ တယ်လီကွန်းနဲ့ ဒစ်ဂျစ်တယ်ဂေဟစနစ်ကို တစ်ဖက်တစ်လမ်းက အကျိုးပြုနိုင်ဖို့ ကျွန်တော်တို့ ရည်မှန်းထားပါတယ်” ဟု အက်တမ်(ATOM) ၏ အမှုဆောင်အရာရှိချုပ် Mr. Ahmad Abdallah က ပြောကြားခဲ့သည်။
အက်တမ်(ATOM) ၏ Talent Accelerator Programme ကို ဘွဲ့ရခါစလူငယ်များနှင့် လုပ်ငန်းခွင်ဝင်ခါစ ထူးချွန်သော ပညာရေးနောက်ခံရှိသူ လူငယ်များအတွက် အထူးရည်ရွယ်ဖန်တီးထားခြင်းဖြစ်သည်။ သင်တန်း သားများသည် မတူညီသော လုပ်ငန်းတာဝန်များကို အလှည့်ကျ လုပ်ကိုင်ခွင့်၊ မဟာဗျူဟာမြောက် စီမံကိန်း များနှင့် တင်ပြချက်များတွင် ကိုယ်တိုင်ပါဝင်ခွင့်တို့အပြင် အက်တမ်(ATOM) မှ သက်ဆိုင်ရာ လုပ်ငန်း ကျွမ်းကျင်ပညာရှင်များနှင့် အမှုဆောင်အရာရှိများထံမှ တိုက်ရိုက်လမ်းညွှန်မှုများကို ရရှိကာ ဘက်စုံအတွေ့ အကြုံကောင်းများကို လေ့လာဆည်းပူးနိုင်မည် ဖြစ်သည်။
"ကျွန်တော်တို့အနေနဲ့ အနာဂတ်အတွက် အဆင်သင့်ဖြစ်နေစေဖို့ လိုအပ်တဲ့ စွမ်းရည်တွေကို လူငယ်တွေဆီ ပံ့ပိုးပေးနိုင်ဖို့ မျှော်မှန်းထားပါတယ်။ အက်တမ်(ATOM) ရဲ့ people-first culture အစိတ်အပိုင်းတစ်ခုအနေနဲ့ ဒီ ‘Talent Accelerator Programme’ ကတစ်ဆင့် မြန်မာလူငယ်တွေရဲ့ ဘဝကို ပြောင်းလဲတိုးတက်စေမယ့် အလုပ်အကိုင်အခွင့်အလမ်းတွေကို ဖန်တီးပေးပြီး ပံ့ပိုးကူညီခွင့်ရတဲ့အတွက်လည်း ဝမ်းမြောက်ဂုဏ်ယူ မိပါတယ်" ဟု အက်တမ်(ATOM) ၏ လူ့စွမ်းအား အရင်းအမြစ်ဆိုင်ရာအရာရှိချုပ် ကိုဇာနည်ထွန်း က ထပ်လောင်းပြောကြားခဲ့သည်။
Talent Accelerator Programme 2026 သည် အက်တမ်(ATOM) ၏ ထူးချွန်ထက်မြက်သည့် လူသားအရင်းအမြစ်များကို မြေတောင်မြှောက်ပေးရန် အစဉ်တစိုက် အလေးထားဆောင်ရွက်နေမှုနှင့် လုပ်ငန်းခွင်ဝင်လိုသူများ အဓိကရွေးချယ်ရသည့် စံပြအဖွဲ့အစည်းအဖြစ် ဆင့်ကဲတိုးတက်လာမှုကို ထင်ဟပ်ဖော်ပြနေခြင်း ဖြစ်သည်။

25/05/2026

Dyson by iSure Store အား ဖွင့်လှစ်ကာ ကမ္ဘာ့အဆင့်မီ Official Dyson ထုတ်ကုန်များကို မြန်မာဈေးကွက်တွင် a Sure Company မှ စတင်မိတ်ဆက်

a Sure Company မှ ကမ္ဘာကျော် Dyson အမှတ်တံဆိပ်၏ အဆင့်မြင့်နည်းပညာဖြင့် ဆန်းသစ်တီထွင်ထားသော ထုတ်ကုန်များနှင့် အရည်အသွေးမြင့် ဝန်ဆောင်မှုများကို မြန်မာနိုင်ငံဈေးကွက်သို့ စတင်မိတ်ဆက်သည့်အနေဖြင့် Dyson Official Product များကို Reseller အဖြစ်ရောင်းချပေးမည့် မြန်မာနိုင်ငံ၏ ပထမဦးဆုံးသော Dyson by iSure Store အား ရန်ကုန်မြို့ရှိ Junction City ၌ ၂၀၂၆ ခုနှစ်၊ မေလ ၂၃ ရက်နေ့တွင် ဖွင့်လှစ်ကာ စတင်ရောင်းချပေးနေပြီ ဖြစ်သည်။
ယခုဖွင့်လှစ်လိုက်သည့် Dyson by iSure Store တွင် စစ်မှန်သော Dyson ထုတ်ကုန်များကို Official Warranty နှင့် ဈေးနှုန်းသက်သာစွာ ကိုယ်တိုင်စမ်းသပ်ဝယ်ယူနိုင်ခြင်း၊ ကျွမ်းကျင်ဝန်ထမ်းများ၏ ကောင်းမွန်သည့်အကြံပြု ဝန်ဆောင်မှုများ နှင့် အတူ ယုံကြည်စိတ်ချရသည့် After-Sales Support များကို တစ်နေရာတည်းတွင် လွယ်ကူအဆင်ပြေစွာ ရရှိနိုင်ခြင်း တို့ကြောင့် မြန်မာနိုင်ငံ၏ခေတ်မီအလှအပရေးရာနှင့် အဆင့်မြင့် အိမ်သုံးနည်းပညာ အခန်းကဏ္ဍကို တစ်ခေတ် ဆန်းသစ်စေမည် ဖြစ်ပါသည်။
Dyson by iSure Store တွင် Dyson ၏ နောက်ဆုံးပေါ် နည်းပညာများဖြင့် တီထွင်ထုတ်လုပ်ထားသော ဆံကေသာထိန်းသိမ်းရေးနှင့် ဆံသားအပျက်အစီးလျော့နည်းစေရန် အထောက်အကူပြု hair care ဆိုင်ရာထုတ်ကုန်များ၊ အဆင့်မြင့်နည်းပညာသုံး floor care ဆိုင်ရာသန့်ရှင်းရေးထုတ်ကုန်များနှင့် လေထုသန့်စင်ရေးဆိုင်ရာ နည်းပညာမြင့် air treatment ထုတ်ကုန်အမျိုးမျိုးကို ခင်းကျင်းပြသထားပါသည်။ ဝယ်ယူသူများအနေဖြင့် Dyson by iSure Store တွင် Dyson ၏ နောက်ဆုံးပေါ် နည်းပညာသုံး ထုတ်ကုန်များဖြစ်သည့် Dyson Airwrap i.d.™ multi-styler and dryer၊ Dyson Supersonic r™ hair dryer၊ Dyson Airwrap Co-anda2x™ multi-styler and dryer၊ Dyson Airstrait™ straightener၊ Dyson Supersonic Nural™ hair dryer နှင့် Dyson HushJet™ Purifier Compact တို့ကို Official Warranty ဖြင့် ကိုယ်တိုင်စမ်းသပ်လေ့လာပြီး ဈေးနှုန်းသက်သာစွာဖြင့် စိတ်ကြိုက်ရွေးချယ်ဝယ်ယူနိုင်မည်ဖြစ်ပါသည်။ ထို့အပြင် Dyson Vented Barrel Brush၊ Paddle Brush နှင့် Travel Wrap ကဲ့သို့သော ဆက်စပ်ပစ္စည်းများကိုလည်း တစ်နေရာတည်းတွင် စုံလင်စွာ ရရှိနိုင်ပါသည်။
a Sure Company ၏ Retail Operations Manager ဖြစ်သူ ကိုထွန်းမြင့်ဇော်က “Dyson ဆိုတာ ကမ္ဘာ့နာမည်ကြီး အမှတ်တံဆိပ် တစ်ခုဖြစ်တာကြောင့် အခုလို မြန်မာနိုင်ငံရဲ့ ဈေးကွက်ထဲမှာ Official Product များကို Reseller အနေနဲ့ရောင်းချပေးမည့် ပထမဦးဆုံးသော Dyson by iSure Store ကို ဖွင့်လှစ်နိုင်ခဲ့တဲ့အတွက် ကျွန်တော်တို့အနေနဲ့ အထူးဂုဏ်ယူဝမ်းမြောက်ပါတယ်။ Dyson ရဲ့ လေသန့်စက်တွေ၊ ဆံပင်အလှအပဆိုင်ရာထုတ်ကုန်တွေ၊ ကြမ်းခင်းသန့်ရှင်းရေးဆိုင်ရာထုတ်ကုန်တွေ၊ လေထုသန့်စင်မှုဆိုင်ရာထုတ်ကုန်တွေကို ကိုယ်တိုင်စိတ်တိုင်းကျ စမ်းသပ်ပြီးမှ ဝယ်ယူချင်သူတွေ၊ နိုင်ငံခြားကနေ တကူးတကမှာယူရလို့ စောင့်ဆိုင်းရတဲ့အချိန်တွေ မရှိတော့ဘဲ ဈေးသက်သက်သာသာနဲ့ နိုင်ငံတကာမှာရှိတဲ့ Official Store တွေမှာ ဝယ်ရသလိုမျိုး တထပ်တည်းတူတဲ့ Dyson experience အပြည့်နဲ့ ကျွန်တော်တို့ Store မှာ လာရောက်စမ်းသပ် ကြည့်ရှုဝယ်ယူလို့ရနေပါပြီ။” လို့ ပြောကြားခဲ့ပါသည်။
ဆိုင်ဖွင့်ပွဲအခမ်းအနားသို့ မီဒီယာများ၊ နာမည်ကြီး Influencer များ၊ အလှအပရေးရာ ဖန်တီးရှင်များနှင့် ဖိတ်ကြားထားသော အထူးဧည့်သည်တော်များ တက်ရောက်ခဲ့ကြပြီး၊ နာမည်ကျော် ဆံကေသာအလှ ဖန်တီးရှင်တစ်ဦးဖြစ်သူ Dennis မှလည်း Dyson ၏ အဆင့်မြင့်နည်းပညာများသည် ပရော်ဖက်ရှင်နယ် အလှအပရေးရာလောကအပေါ် သက်ရောက်မှုရှိပုံကို မျှဝေပြောကြားခဲ့ပါသည်။ “Dyson ထုတ်ကုန်တွေဟာ ဆန်းသစ်တီထွင်ထားတဲ့ နည်းပညာတွေနဲ့ ဆံကေသာပျက်စီးမှုကို လျော့နည်းစေနိုင်တဲ့ စွမ်းဆောင်ရည်တွေကြောင့် ကမ္ဘာတစ်ဝန်းမှာ လူသိများပါတယ်။ ဆံသားအလှအပရေးရာနယ်ပယ်မှာ လုပ်ကိုင်နေသူတစ်ယောက်အနေနဲ့ Dyson ရဲ့ နည်းပညာနဲ့ ပေးစွမ်းနိုင်တဲ့ အတွေ့အကြုံတွေကို တကယ်တန်ဖိုးထားပါတယ်။ အခုလို မြန်မာနိုင်ငံမှာ နိုင်ငံတကာအဆင့်မီ Dyson ထုတ်ကုန်တွေကို ကိုယ်တိုင်စမ်းသပ်ပြီး တိုက်ရိုက်ဝယ်ယူအသုံးပြုနိုင်တော့မှာ ဖြစ်တဲ့အတွက် တကယ်ကိုအဆင်ပြေပါတယ်။” ဟု Dennis က ပြောကြားခဲ့ပါသည်။
Dyson by iSure Store ကို ရန်ကုန်မြို့ရှိ Junction City မြေညီထပ်တွင် ဖွင့်လှစ်ထားပြီး မြန်မာနိုင်ငံဈေးကွက်အတွင်း Dyson နည်းပညာ၏ အမှတ်တံဆိပ်တည်ရှိမှုကို ပိုမိုခိုင်မာစေရန်သာမက ဝယ်ယူသူများအား အရည်အသွေးမြင့်မားပြီး စစ်မှန်ကောင်းမွန်သည့် ပရီမီယံ ဝယ်ယူမှုအတွေ့အကြုံကို အစဉ်အမြဲ ပေးအပ်သွားရန် ရည်ရွယ်ပါသည်။
Dyson ထုတ်ကုန်များနှင့်ပတ်သက်ပြီး အသေးစိတ်ကို အောက်ပါလင့်ခ်များမှတစ်ဆင့် ကြည့်ရှုနိုင်ပါသည်။
Dyson by iSure Official page (https://www.facebook.com/dysonmyanmar)
Dyson by iSure Website (https://xtrasure.store/collections/dyson)

20/05/2026

အာ့လိုလေးဆိုတကယ်ကောင်း🧡

27/03/2026

အက်တမ်(ATOM)မှ ကျောက်ကပ်ဆေးစက် လှူဒါန်းကာ ပြည်သူ့ကျန်းမာရေးစောင့်ရှောက်မှု ကဏ္ဍအား မြှင့်တင်

• အက်တမ်(ATOM) မှ အမေရိကန်ဒေါ်လာ ၁၃,၅၀၀ ခန့်တန်ဖိုးရှိ အသက်ကယ် ကျောက်ကပ် ဆေးစက်အား ရန်ကုန်ရှိ မွတ်စ်လင်ကုသိုလ်ဖြစ်ဆေးရုံသို့ လှူဒါန်းခဲ့။
• အဆိုပါလှူဒါန်းမှုသည် အက်တမ်(ATOM) ၏ လှုမှုအကျိုးပြုလုပ်ငန်း မဏ္ဍိုင်တစ်ရပ်ဖြစ်သော “လူမှုဘဝနှင့် ပညာရေး ဖွံ့ဖြိုးတိုးတက်မှုအစီအစဥ်”အောက်မှ ဆောင်ရွက်ခြင်းဖြစ်ပြီး လိုအပ်နေသော လူမှုအသိုင်းအဝိုင်းအတွက် ကျန်းမာရေးစောင့်ရှောက်မှုများ ရရှိစေရန် ရည်ရွယ်။
• ယခုလှူဒါန်းသောကျောက်ကပ်ဆေးစက်သည် အရေးပေါ် ကျောက်ကပ်ဆေးဝန်ဆောင်မှု လိုအပ် နေသော လူနာပေါင်း (၁၀,၀၀၀) ခန့်အား ကုသမှု ပေးနိုင်။

ရန်ကုန်၊ မြန်မာ၊ ၂၀၂၆ ခုနှစ်၊ မတ်လ (၂၅) ရက်နေ့။ ။ မြန်မာနိုင်ငံ၏ အကောင်းဆုံး 4.5G ဝန်ဆောင်မှု ပေးအပ်နေသည့် အက်တမ်(ATOM) သည် လိုအပ်နေသော လူမှုအသိုင်းအဝိုင်းအား ကူညီပံ့ပိုးပေးရန် ဟူသော ကတိကဝတ်အတိုင်း ရန်ကုန်မြို့၊ ကျောက်တံတားမြို့နယ်ရှိ မွတ်စ်လင်ကုသိုလ်ဖြစ်ဆေးရုံသို့ ကျောက်ကပ် ဆေးစက်တစ်လုံး လှူဒါန်းမှုပြုလုပ်ခဲ့သည်။ စုစုပေါင်း အမေရိကန်ဒေါ်လာ ၁၃,၅၀၀ ခန့် တန်ဖိုးရှိ အဆိုပါ လှူဒါန်းမှုသည် အရေးပေါ် ကုသမှုလိုအပ်နေသော လူနာများအတွက် အသက်ကယ် ကျောက်ကပ် သန့်စင်ဆေးကြောခြင်း ဝန်ဆောင်မှုအား ပိုမိုလက်လှမ်းမှီစေရန် ရည်ရွယ်သည်။
အက်တမ်(ATOM) အနေဖြင့် လူမှုအကျိုးပြုလုပ်ငန်း မဏ္ဍိုင်ဖြစ်သော “လူမှုဘဝနှင့် ပညာရေး ဖွံ့ဖြိုးတိုးတက်မှု အစီအစဥ်” မှတစ်ဆင့် အကောင်အထည်ဖော်ဆောင်ရွက်သော ယခုလှူဒါန်းမှုသည် မွတ်စ်လင် ကုသိုလ် ဖြစ်ဆေးရုံ၏ လူမျိုး၊ ဘာသာမရွေး လူနာအားလုံးအတွက် အမြဲမပြတ် အခမဲ့ကျန်းမာရေး စောင့်ရှောက်မှု များပေးရန်ဟူသည့် ကတိကဝတ်ကြောင့်ဖြစ်သည်။
“တာဝန်ယူမှု၊ တာဝန်ခံမှုရှိပြီး ရည်မှန်းချက်များအတိုင်း လုပ်ဆောင်တဲ့ ကုမ္ပဏီတစ်ခုအနေနဲ့ မြန်မာပြည်သူ တွေကို ပံ့ပိုးကူညီဖို့ ကျွန်တော်တို့ အမြဲအသင့်ရှိနေပါတယ်။ ဒီလှူဒါန်းမှုဟာ ကျောက်ကပ်ဆေးဖို့ အရေးပေါ် လိုအပ်နေတဲ့ လူနာတွေအတွက် မျှော်လင့်ချက်တစ်ခု ဖြစ်စေဖို့ ရည်ရွယ်ပါတယ်။ အသက်ကယ် ဆေးကုသမှု တွေကို လက်လှမ်းမှီရရှိဖို့ အလွန်အရေးကြီးနေတဲ့အချိန် မွတ်စ်လင်ကုသိုလ်ဖြစ်ဆေးရုံရဲ့ ဆေးကုသမှုတွေ ပိုမိုတိုးတက်ကောင်းမွန်လာအောင် ကူညီခွင့်ရတဲ့အတွက် ဂုဏ်ယူဝမ်းမြောက်မိပါတယ်။ ကျွန်တော်တို့ရဲ့ ရည်မှန်းချက်အတိုင်း လူမှုအသိုင်းအဝိုင်းနဲ့အတူ ဆက်လက်ရပ် တည်ပြီး ပိုမိုကောင်းမွန်တဲ့ ဘ၀တွေဆီ ရောက်ရှိဖို့ အကောင်းဆုံးအရာများ ပေးစွမ်းနိုင်အောင် ဆက်လက် ကြိုးစား လုပ်ဆောင်သွားမှာပါ” ဟု အက်တမ်(ATOM) ၏ အမှုဆောင်အရာရှိချုပ် Mr. Ahmad Abdallah က ပြောကြားခဲ့သည်။
ယခုလှူဒါန်းခဲ့သော ကျောက်ကပ်ဆေးစက်ကြောင့် အရေးပေါ် ကျောက်ကပ်ဆေးရန် လိုအပ် နေသည့် လူနာပေါင်း (၁၀,၀၀၀) ခန့် ကုသမှုရယူနိုင်ကြမည် ဖြစ်သည်။ ဂျာမနီနိုင်ငံထုတ် 4008S Classic Basic Version အမျိုးအစား ကျောက်ကပ်ဆေးစက်သစ်သည် ဆေးရုံ၏ ကုသမှုစွမ်းဆောင်ရည်အား မြှင့်တင်ပေးမည် ဖြစ်ပြီး လူနာတစ်ဦးလျှင် ကုသမှုကြာမြင့်ချိန် (၄) နာရီခန့်ဖြင့် နေ့စဉ်ကုသပေးသွားမည် ဖြစ်သည်။
အက်တမ်(ATOM) ၏ ကော်ပိုရိတ်ရေးရာ အရာရှိချုပ် ဦးသိန်းဟုတ် မှလည်း “ပြည်သူလူထုကျန်းမာရေးကို ပံ့ပိုးပေးခြင်းက ကျွန်တော်တို့ရဲ့လုပ်ဆောင်နေတဲ့ လူမှုအကျိုးပြု လုပ်ငန်းတွေ ထဲမှာ အဓိက အချက်တစ်ခု အဖြစ် ပါဝင်နေပါတယ်။ အခုလှူဒါန်းမှုက အက်တမ်(ATOM)ရဲ့ လူမှုအကျိုးပြု လုပ်ငန်းမဏ္ဍိုင်ကြီး (၃) ရပ် အောက်ကနေ ဆောင်ရွက်ခဲ့တာဖြစ်သလို ကျွန်တော်တို့အနေနဲ့ တကယ်လိုအပ် ချက်ရှိနေတဲ့ နေရာတွေမှာ ကူညီပံ့ပိုးပေးနိုင်ဖို့ အမြဲကြိုးစားနေမှာပါ။ မြန်မာနိုင်ငံက လူနာတွေရဲ့ တကယ့် လိုအပ်ချက်ပေါ် မူတည်ပြီး လုပ်ဆောင်ခဲ့တာဖြစ်လို့ အရေးပေါ်ကျောက်ကပ်ဆေးသန့်စင် ကုသမှုလိုအပ်နေတဲ့ လူနာတွေအတွက် အထောက်အပံ့ကောင်းဖြစ်မယ်လို့လည်း မျှော်လင့်ပါတယ်။ အခုလိုတန်ဖိုးရှိလှတဲ့ လူမှု အသိုင်းအဝိုင်းအတွက် လူမှုဘ၀တွေအဆင်ပြေစေဖို့ ကူညီခွင့်ရတဲ့အပေါ်မှာလည်း တကယ်ကို ကျေးဇူးတင်မိပါတယ်။ စက်တပ်ဆင် ခြင်းလုပ်ငန်းစဉ်တွေအားလုံး အပြီးသတ်ပြီး လူနာတွေ အမြန်ဆုံး ကုသမှုခံယူနိုင်ဖို့ ဆောင်ရွက်သွားမှာပါ” ဟု ပြောကြားခဲ့သည်။
ကျောက်ကပ်လူနာများအတွက် ကျောက်ကပ်သန့်စင်ဆေးကြောခြင်းဟာ လွန်စွာအရေးပါလျက်ရှိပြီး လက်ရှိတွင် လူနာအများစုသည် စက်ပစ္စည်းနှင့် ကုသမှု အရင်းအမြစ် အခြေအနေအရ အချိန်ကြာမြင့်စွာ စောင့်ဆိုင်းရမှုများ ရှိနေ‌ကြောင်း သိရှိရပါသည်။ မွတ်စ်လင် ကုသိုလ်ဖြစ်ဆေးရုံတွင် ကျောက်ကပ် ဆေးကုသမှုအတွက် လိုအပ်ချက်မှာ မြင့်မားနေဆဲဖြစ်ပြီး ကျောက်ကပ်ဆေးရန် စောင့်ဆိုင်း လူနာအများ အပြားဖြင့် ဆေးဘက်ဆိုင်ရာ စက်ကိရိယာများ အရေးတကြီး လိုအပ် နေကြောင်း သိရှိရသည်။
မွတ်စ်လင်ကုသိုလ်ဖြစ်ဆေးရုံမှ တာဝန်ရှိသူတစ်ဦးမှလည်း “ကျောက်ကပ် ရောဂါခံစား နေရသူတွေ အတွက် Dialysis ကုသမှုဟာ အသက်ရှင်နိုင်ရေးအတွက် အလွန်အရေးကြီးပါတယ်။ ကျောက်ကပ် ဆေးစက် (၁) လုံးလှူဒါန်းခြင်းက လူနာများစွာရဲ့ အသက်ကို သက်တမ်း ကြာရှည်အောင် အသက်ရှင်သန်ခွင့် ပေးနိုင်တာမို့ အင်မတန်မှမွန်မြတ်တဲ့အလှူလည်း ဖြစ်ပါတယ်။ ဆေးရုံကိုတော့ ၁၉၃၇ ခုနှစ်မှာ စတင် တည်ထောင်ခဲ့တာ ဖြစ်ပြီး လူနာပေါင်း များစွာကို အခမဲ့ကျန်းမာရေး စောင့်ရှောက်မှုပေးခဲ့တာ အခုဆိုရင် ၈၉ နှစ်ရှိပါပြီ။ အက်တမ်(ATOM) ရဲ့ စေတနာနဲ့ ပံ့ပိုးမှုကြောင့် လူနာများဟာ သင့်တော်တဲ့ ကုသမှုကို ဆက်လက် ရရှိနိုင်ကြမှာဖြစ်ပြီး မိသားစုများအတွက်လည်း မျှော်လင့်ချက်အလင်းရောင်ကို ပေးစွမ်းနိုင်ခဲ့ပါတယ်။ အကျိုး အမြတ် မကြည့်ဘဲ လူသားချင်းစာနာစိတ်နဲ့ ပြုလုပ်ခဲ့တဲ့ အက်တမ်(ATOM) ရဲ့ ဒီလှူဒါန်းမှုက လူမှုအသိုင်း အဝိုင်းအတွက် စံပြကောင်းတစ်ခုဖြစ်တဲ့အတွက် အထူးပင်တန်ဖိုးထား ကျေးဇူးတင်ရှိပါတယ်” ဟု ကျေးဇူးတင် စကား ပြောကြားခဲ့သည်။
အက်တမ်(ATOM) အနေဖြင့် “လူမှုဘဝနှင့် ပညာရေး ဖွံ့ဖြိုးတိုးတက်မှုအစီအစဥ်” လူမှုအကျိုးပြု မဏ္ဍိုင်အောက်တွင် ၂၀၂၂ ခုနှစ်မှစတင်ကာ စုစုပေါင်း မြန်မာငွေကျပ်သိန်း (၂၃,၀၀၀) ကျော် ရင်းနှီးမြှုပ်နှံမှုနှင့်အတူ လူဦးရေ (၃၀၀,၀၀၀) ခန့်အား ကူညီပံ့ပိုးပေးထားနိုင်ခဲ့ပြီး လူမှုအသိုင်းအဝိုင်းအတွက် ကျန်းမာရေး ဝန်ဆောင်မှု များနှင့် ပညာရေးအား ယုံကြည်စိတ်ချစွာ လွယ်လွယ်ကူကူဖြင့် ပိုမိုလက်လှမ်းမှီနိုင်စေရန် ဆောင်ရွက်ပေးခဲ့သည်။
လူမှုအသိုင်းအဝိုင်းအတွက် အကျိုးများစွာဖြစ်ထွန်းစေသော လုပ်ဆောင်ချက်များတွင် ရင်းနှီးမြှုပ်နှံမှုမှတစ်ဆင့် အက်တမ်(ATOM) သည် လူမှုအကျိုးပြုလုပ်ငန်းအမျိုးမျိုးအတွက် စုစုပေါင်း မြန်မာငွေကျပ် သိန်း(၈၀,၀၀၀)ခန့် ကူညီလှူဒါန်းထားနိုင်ခဲ့ပြီး လူပေါင်း (၁.၁) သန်းခန့်အား ပံ့ပိုးပေးနိုင်ခဲ့ပြီးဖြစ်သည်။ အက်တမ်(ATOM) သည် ပညာရေး၊ ကျန်းမာရေးနှင့် အားလုံးပါဝင်သော ဒစ်ဂျစ်တယ် ကဏ္ဍများတွင် ပံ့ပိုးကူညီပေးခြင်းဖြင့် မြန်မာနိုင်ငံ တစ်ဝှမ်းရှိ လူမှုအသိုင်းအဝိုင်းများ၊ အထူးသဖြင့် အမှန်တကယ် လိုအပ်နေသူများကို အားပေးမြှင့်တင်ရင်း ပိုမိုကောင်းမွန်သော လူမှုဘဝများ ဆက်လက်ဖော်ဆောင်ပေးရန် စဉ်ဆက်မပြတ် ဆက်လက် လုပ်ဆောင် သွားမည်ဖြစ်သည်။

04/03/2026

၂၀၂၆ ခုနှစ်၊ မတ်လ ၃ ရက် အပြည်ပြည်ဆိုင်ရာ အမျိုးသမီးများနေ့ကို ဂုဏ်ပြုလျက် ဒုတိယအကြိမ်မြောက် "MYANWEN Beauty 2026 - THE MSME SHOWCASE" ကျင်းပပြုလုပ်မည်

မြန်မာစီးပွားရေးလုပ်ငန်းရှင်အမျိုးသမီးများကွန်ယက် (MYANWEN) နှင့် မြန်မာနိုင်ငံအလှကုန်အသင်း (MCA) တို့ ပူးပေါင်း၍ ဒုတိယအကြိမ်မြောက် "MYANWEN Beauty 2026 - THE MSME SHOWCASE" ကို ၂၀၂၆ ခုနှစ်၊ မတ်လ ၇ ရက်နေ့နှင့် ၈ ရက်နေ့တို့တွင် ရန်ကုန်မြို့၊ ဆီဒိုးနားဟိုတယ်၌ ကျင်းပပြုလုပ်သွားမည် ဖြစ်ကြောင်း ဂုဏ်ယူစွာ အသိပေး ကြေညာအပ်ပါသည်။
အဆိုပါပွဲတော်ကို နံနက် ၉ နာရီမှ ညနေ ၅ နာရီအထိ ဖွင့်လှစ်သွားမည်ဖြစ်ပြီး မြန်မာနိုင်ငံရှိ အသေးစား၊ အငယ်စားနှင့် အလတ်စား စီးပွားရေးလုပ်ငန်းများ (MSME) ဖွံ့ဖြိုးတိုးတက်ရေးအတွက် ရည်ရွယ်၍ အကျိုးအမြတ်အတွက်မဟုတ်ဘဲ နှစ်စဉ် ကျင်းပပြုလုပ်ခြင်းဖြစ်ပါသည်။ ယခုနှစ်တွင် အပြည်ပြည်ဆိုင်ရာ အမျိုးသမီးများနေ့ (International Women's Day 2026) ၏ “Give to Gain” ဆောင်ပုဒ်နှင့်အညီ အမျိုးသမီး စီးပွားရေးလုပ်ငန်းရှင်များ၏ စွမ်းဆောင်ရည် မြှင့်တင်ရေးနှင့် စီးပွားရေးအခွင့်အလမ်းများ တိုးချဲ့ပေးရေးကို အထူးဦးတည် ဆောင်ရွက်သွားမည်ဖြစ်ပါသည်။

ဒစ်ဂျစ်တယ်ခေတ်သို့ ခြေလှမ်းသစ် မိတ်ဆက်ခြင်း
MYANWEN Beauty 2026 ၏ အထူးခြားဆုံးသော အစီအစဉ်တစ်ရပ်အနေဖြင့် MYANWEN မှ ကြာမြင့်စွာ သုတေသနပြု လေ့လာတည်ဆောက်ထားသော Digital Ecosystem ကို ပွဲတော်အတွင်း စတင်မိတ်ဆက်သွားမည်ဖြစ်သည်။ ယင်းစနစ်တွင် အောက်ပါ အစိတ်အပိုင်းနှစ်ရပ် ပါဝင်ဖွဲ့စည်းထားပြီး MSME လုပ်ငန်းရှင်များ၏ ဒစ်ဂျစ်တယ်စွမ်းရည် မြှင့်တင်ရေးနှင့် ဈေးကွက်ချိတ်ဆက်ရေးတို့ကို တစ်ပြိုင်နက်တည်း ဖြည့်ဆည်းပေးနိုင်ရန် တည်ဆောက်ပေးခြင်း ဖြစ်ပါသည်။

၁။ Learning Management System (LMS)။ ။ ဤစနစ်သည် MSME လုပ်ငန်းရှင်များအား စီးပွားရေးစီမံခန့်ခွဲမှု၊ ငွေကြေးစီမံခန့်ခွဲမှု၊ စျေးကွက်ချဲ့ထွင်မှုနှင့် ဒစ်ဂျစ်တယ်မားကတ်တင်းဆိုင်ရာ သင်ခန်းစာများကို စနစ်တကျ၊ အရည်အသွေးမြင့်မားစွာ လေ့လာသင်ယူနိုင်ရန် ရည်ရွယ်ဖန်တီးထားခြင်းဖြစ်ပါသည်။
၂။ E-commerce Platform။ ။ ဤပလက်ဖောင်းသည် လုပ်ငန်းရှင်များအနေဖြင့် မိမိတို့၏ ကုန်ပစ္စည်းများနှင့် ဝန်ဆောင်မှုများကို ပြည်တွင်း၊ ပြည်ပ ဝယ်ယူသူများထံသို့ တိုက်ရိုက်ချိတ်ဆက်ရောင်းချနိုင်ရန်၊ ဈေးကွက်အသစ်များသို့ ထိုးဖောက်ဝင်ရောက်နိုင်ရန် ရည်ရွယ်ဖန်တီးထားခြင်းဖြစ်ပါသည်။

ပွဲတော်အတွင်း ပါဝင်မည့် အစီအစဉ်များ
ပွဲတော်အတွင်း ပြပွဲခန်းမများတွင် အထည်အလိပ်၊ အစားအသောက်၊ ကျောက်မျက်နှင့် လက်ဝတ်ရတနာ၊ လက်မှုပညာ၊ Eco-Friendly ထုတ်ကုန်များ၊ အလှကုန် Brand များနှင့် ဝန်ဆောင်မှုလုပ်ငန်းများ အစရှိသည့် ကဏ္ဍစုံမှ MSME လုပ်ငန်းရှင်များ၏ ထုတ်ကုန်များကို ပြသရောင်းချသွားမည်ဖြစ်သည်။ ထို့အပြင်
• ဖက်ရှင်ရှိုး (Fashion Show)
• အလှဖန်တီးမှုဆိုင်ရာ လက်တွေ့သရုပ်ပြမှုများ (Live Makeup Demonstrations)
• အလှကုန်နှင့် အသားအရေထိန်းသိမ်းမှုဆိုင်ရာ အကြံပြုချက်များ (Beauty Consultations)
• စီးပွားရေးလုပ်ငန်းရှင်များအတွက် ကွန်ရက်ချိတ်ဆက်ပွဲများ (Networking Sessions)
• စီးပွားရေးလုပ်ဖော်ကိုင်ဖက်များနှင့် တွေ့ဆုံဆွေးနွေးခန်း (B2B Matching)
စသည့် စိတ်ဝင်စားဖွယ် အစီအစဉ်များစွာဖြင့် ပြည့်စုံစွာ ကျင်းပသွားမည်ဖြစ်ပါသည်။
ပံ့ပိုးကူညီထားမှုများ
ဤပွဲတော်ကြီး အောင်မြင်စွာ ကျင်းပနိုင်ရေးအတွက် ပြည်ထောင်စုမြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ် (UMFCCI) က Supporting Partner အဖြစ် ပံ့ပိုးကူညီထားပြီး အောက်ပါ ဂုဏ်ယူဖွယ် စပွန်ဆာများမှ ကမကထပြုထားကြပါသည်။
• Diamond Sponsors အဖြစ် - Golden Bell, Rohto (MCA) R.D.C Co., Ltd
• Gold Sponsors အဖြစ် - Catrice (MCA), SMED bank, Treasure Star, Plan Bee, City Holding
• အခြားပံ့ပိုးသူများ အဖြစ် -
Venue Sponsor: Sedona Hotel
Media Partner: Mandalay Advertising
ပြည်သူလူထုနှင့် ပူးပေါင်းပါဝင်မှု ဖိတ်ခေါ်ချက်
ဒေသထွက်ကုန်များ၊ လက်မှုပညာလက်ရာများ၊ မြန်မာ့ရတနာများ၊ ခေတ်မီအလှကုန်များနှင့် ကျန်းမာရေးဆိုင်ရာ ဝန်ဆောင်မှုများကို တစ်နေရာတည်းတွင် လေ့လာဝယ်ယူအားပေးနိုင်မည့် ဤပွဲတော်ကြီးသို့ စီးပွားရေးလုပ်ငန်းရှင်များ၊ အလှအပဝါသနာရှင်များနှင့် စိတ်ပါဝင်စားသူများ အားလုံး ကြွရောက်ကြပါရန် ဖိတ်ခေါ်အပ်ပါသည်။
ဝင်ကြေး အခမဲ့ဖြစ်ပြီး အသေးစိတ်အချက်အလက်များနှင့် စပ်လျဉ်း၍ အောက်ပါလင့်ခ်များတွင် ဝင်ရောက်ကြည့်ရှုနိုင်ပါသည်။
[https://www.myanwen.org/]
[https://www.facebook.com/myanwen]

———-