เว็บไซต์คืออะไร?

https://youtube.com/@TDsTravelNotes

TD’s Travel Notes, Bangkok (2025)

29/09/2025

မျက်လှည့်ပြနေသလိုပဲ Ladakh က 💙✨

ဒါတွေဟာ India မှာလို့ပြောရင် ယုံမှာလားကွယ် 🏞️

လွန်ခဲ့တဲ့ ၂ ပတ်လောက်က သူမဟုတ်သလို နှင်းတွေကျ မိုးတွေရွာ မှိုင်းပြနေတာ အခုကျတော့ နှင်းတွေလဲမရှိ ရာသီဥတုကလည်း filter တောင်မလို လှနေလိုက်တာ။

ဒီတစ်ခေါက်တော့ ဆန္ဒပြတာတွေကြောင့် အစိုးရရုံးတွေပိတ်လို့ လှည့်ပြန်ခဲ့ကြတဲ့သူတွေကြားထဲ ခက်ခက်ခဲခဲပါမစ်ယူပြီး လာရတဲ့ခရီး။

လှလိုက်တာလို့ပဲ ပြောနိုင်တော့တယ် 💙

Explore ခြေဦးတည့်ရာ
TD 🎒

IG - https://instagram.com/td_travel_notes?igshid=YmMyMTA2M2Y=

ြေဦးတည့်ရာ

29/09/2025

Nepal’s Autumn Season 🍂

အခုချ်ိန်ကတော့ Nepal မှာ Autumn (Fall Season)🍂 ပဲဖြစ်ပါတယ်။

Nepal န်ိုင်ငံမှာ ရာသီဥတု ၄ မျိုးရှိပြီး Srping, Summer/Monsoon, Autumn နဲ့ Winter ဆိုပြီးခွဲထားပါတယ်။

🍂🍁စက်တင်ဘာနှောင်းပိုင်းကနေ နိုဝင်ဘာအထိကိုတော့ Autumn 🍂 ဆောင်းဦးရာသီအဖြစ်သတ်မှတ်ထားပြီး ရာသီဥတုအကောင်းဆုံးလတွေပါ။ တောင်တက်ဖို့၊ trekking လျှောက်ဖို့ဆိုရင် ဒီလတွေကအကောင်းဆုံးပါပဲ။ အစည်ကားဆုံးပွဲတော်တွေက အောက်တိုဘာလနဲ့ နိုဝင်ဘာလအစတွေမှာကျင်းပပါတယ်။

❄️☃️ဒီဇင်ဘာကနေ ဖေဖော်ဝါရီလဆန်းအထိကတော့ ဆောင်းရာသီဖြစ်ပြီး တောင်တက်ဖို့အတွက် အဆင်မပြေတဲ့လတွေပါ။ နှင်းကျတဲ့ဒဏ်တွေကြောင့် ပုံမှန်ထက် တောင်တက်ရတာပိုခက်ခဲပါတယ်။ ကိုယ်ကနှင်းတောထဲမှသွားချင်တာဆိုရင်တော့ အဲ့အချိန်ကို risk ယူပြီးသွားပါ။

🌞☀️မတ်လကနေ မေလအထိကတော့ Spring ရာသီဖြစ်ပြီး နွေဦးမှာ တစ်ခါတစ်လေမိုးလဲရွာနိုင်သလို မြို့ပေါ်တွေမှာ air pollution ဖြစ်တတ်တာမို့ အကောင်းအဆိုးဒွန်တွဲနေတဲ့လပါ။ တောင်တက်လို့အဆင်ပြေပြီး မိုးရွာလိုက်နေပူလိုက်စတဲ့ အစိုးမရတဲ့ရာသီဥတုကိုတော့ လက်ခံနိုင်ရပါမယ်။ ရာသီဥတုအခြေနေဘယ်လိုလဲမေးရင်တော့ Only god will know ပါ။

🌧️💧ဇွန်လကနေ ဩဂုတ်လကတော့ Monsoon မိုးရာသီဖြစ်ပြီး သွားလို့မကောင်းတော့တဲ့အချိန်ပါ။ တစ်နေရာထဲမှာနေပြီး တောင်တွေတက်နိုင်မယ်ဆိုရင်တော့ နီပေါရဲ့ မိုးရာသီမြင်ကွင်းက အင်မတန်မှလှတဲ့အထဲပါပါတယ်။ TD ၂၀၂၆ မိုးရာသီမှာ နီပေါမှာရှိဖို့များပါတယ်။ မိုးရာသီရဲ့ risk ကတော့ လမ်းတွေမြေတွေပြိုပြီးရေကြီးတတ်တာမို့ ခရီးသွားလို့ လုံးဝမကောင်းပါဘူး။ အန္တရာယ်တော့နည်းနည်းများပါတယ်။

အဲ့ဒါကြောင့် ဟိမဝန္တာမှာတောင်တက်ချင်တယ်၊ သွားလည်ချင်တယ်ဆိုရင် ကိုယ်နဲ့အဆင်ပြေမယ့်လကို ရွေးချယ်ပြီး သွားလို့ရပါပြီ ✨🇳🇵

Explore ခြေဦးတည့်ရာ
TD 🎒

IG - https://instagram.com/td_travel_notes?igshid=YmMyMTA2M2Y=

ြေဦးတည့်ရာ #နီပေါ

28/09/2025

ဆန္ဒပြပွဲတွေကြောင့် တိတ်ဆိတ်နေတဲ့ Leh မြို့ ….

Leh market ဆို Ladakh မှာအစည်ဆုံးစျေးတစ်ခုပါ။ ညနေစောင်းဆို Prayer flag တွေတစ်လွင့်လွင့်နဲ့ သိပ်ကိုလူစည်တဲ့နေရာပေါ့။

အခုတော့ Leh မြို့လေးကလဲတိတ်ဆိတ်ခြောက်ကပ်သွားပါပြီ။ စျေးဆ်ိုင်တွေ၊ အစိုးရရုံးတွေ၊ Company တွေအကုန်ပိတ်ကြတဲ့အပြင် အင်တာနက်လိုင်းပါမရပါဘူး။ ဟိုတယ် WiFi သီးသန့်ပဲရပါတယ်။

အခုချ်ိန် နာမည်ကျော် Pangong lakeကိုသွားဖို့လည်း ပါမစ်မရပါဘူး။ အဲ့ဒါကြောင့် Ladakh ကိုသွားဖို့စဉ်းစားနေတဲ့သူတွေ အခုအချိန်လုံးဝအဆင်မပြေသေးပါဘူး။ အခုကျင်းပနေတဲ့ Ladakh festival ကိုလဲဖျက်သိမ်းလိုက်ပါပြီ။

ပါမစ်ထုတ်ပေးတဲ့ရုံးလဲမဖွင့်သလို ဘာစားသောက်ဆိုင်မှလဲမဖွင့်တဲ့အတွက် foreigners အများပြား လှည့်ပြန်ကုန်ကြပါပြီ။

အဓိကတော့ Simcard ဝယ်ဖို့ဆိုင်မဖွင့်တဲ့အပြင် Data ပါဖြတ်ထားတာကြောင့် အဆက်သွယ်ရဖို့ အင်မတန်ခက်ပါတယ်။ Leh market ကိုလည်းပိတ်ထားကြသလို Curfew လည်းထုတ်ထားပါတယ်။

အရမ်းကိုငြိမ်းချမ်းတဲ့ Leh မြို့လေး လကုန်ရင် နှင်းတွေအဖွေးသားဖြစ်တော့မှာ အခုတော့ တိတ်ဆိတ်ခြောက်ကပ်နေတာမလို့ သွားဖို့စီစဉ်ထားတာရှိရင် ကျွမ်းကျင်တဲ့နယ်ခံကိုအတည်းပြုပြီးမှသွားကြဖို့ Remind လုပ်လိုက်ရပါတယ်။

သွားရန်အကောင်းဆုံးလတွေကတော့ မေလကနေ အောက်တိုဘာ ပထမအပတ်ထိပါ။

ပုံရိုက်သည့်နေ့ - 27/08/2025

Explore ခြေဦးတည့်ရာ
TD 🎒

IG - https://instagram.com/td_travel_notes?igshid=YmMyMTA2M2Y=

ြေဦးတည့်ရာ

27/09/2025

ချင်းမိုင်ကို အောက်တိုဘာလကစပြီးလာလည်မယ်ဆို ✨

ဒီနှစ်ထဲချင်းမိုင်ကိုလာဖို့စဉ်းစားနေသူတွေအတွက် ဒီအချိန်ကစပြီး ပြင်ဆင်လို့ရပါပြီ။ အောက်တိုဘာလကနေ ဖေဖော်ဝါရီလအထိက ချင်းမိုင်ရဲ့ Tour season ဖြစ်ပြီး နိုဝင်ဘာလပထမအပတ်မှာတော့ Yi Peng Festival လို့ခေါ်တဲ့ ကမ္ဘာကျော်မီးပုံးပွဲနဲ့ လွိုင်ကထုံ မီးမျှောပွဲရှိပါတယ်။ November လမှာ မယ်ဟောင်ဆောင်ကပန်းခင်းကြီးကလည်း ပွင့်တော့မှာပါ။

January, February ကတော့ချယ်ရီတွေလှိုင်နေအောင်ပွင့်ပြီး အရမ်းအေးတဲ့ Camp site season ပါ။ ချယ်ရီပင်တွေကြားထဲ camping ထွက်ချင်ရင် ဒီလတွေကို လာလည်ပါ။

ကမ္ဘာလှည့်ခရီးသည်အများအပြားလာရောက်ကြမှာဖြစ်လို့ အခုတည်းက ဟိုတယ်တွေဟာပြည့်နေကြပါပြီ။ တကယ်လို့အဲ့ဒီလတွေမှာလာဖို့အစီစဉ်ရှိရင်တော့ ရထားလက်မှတ်ကအစကြိုဝယ်ထားဖို့ အကြံပြုချင်ပါတယ်။

ရထားလက်မှတ်နဲ့ကားလက်မှတ်တွေဆိုရင် 12goasia.com ကနေတိုက်ရိုက်ဖြတ်လို့ရပြီး၊ လေယာဉ်လက်မှတ်တွေကတော့ Trip.com, Agoda နဲ့ Flymya တို့ကနေတိုက်ရိုက်ဖြတ်လို့ရပါတယ်။ ရန်ကုန်ကနေ တိုက်ရိုက်လေယာဉ်တွေရှိတာမို့ ကိုယ်နဲ့နီးစပ်ရာ စိတ်ချရတဲ့ လက်မှတ်အရောင်း agent တွေဆီကနေလည်း ဖြတ်လို့ရပါတယ်။

ချင်းမိုင်မှာလည်ပတ်မယ်ဆိုရင် အနည်းဆုံး ၃ ညအိပ်၊ ၄ ရက်နေသင့်ပြီး ၁ ပတ်လောက်နေမှ အေးဆေးလည်လို့အဆင်ပြေတာပါ။

Day Trip တွေဆိုရင် မယ်ကပေါင်၊ မွန်ဂျမ်းတောင်ပေါ်၊ Chiang Dao, ချင်းရိုင်စတဲ့နေရာတွေကိုလည်ပတ်လို့ရပြီး အချိန်ရရင်လည်း ညအိပ်နေလို့ရပါတယ်။

မြန်မာပြည်မှာ ခရီးအမြဲထွက်ဖူးသူတွေအတွက် Doi Inthanom လိုနေရာကိုတော့အားမပေးပါဘူး။ ဝင်ကြေးလဲစျေးများပြီး TD စိတ်ထဲတော့ ဘာမှမရှိသလိုခံစားရလို့ပါ။ ကိုယ်ကတောင်ပေါ်တွေလည်းသိပ်မရောက်ဖူးဘူး၊ soft trekking လေးလဲလျှောက်ချင်တယ်ဆိုရင်တော့ သွားလို့အဆင်ပြေပါတယ်။

မီးပုံးပွဲကတော့ နိုဝင်ဘာ ၄၊၅၊၆ မှာကျင်းပမှာဖြစ်ပြီး တကယ်လှတဲ့ပွဲမလို့ တစ်ခေါက်လောက်တော့ကြုံစေချင်ပါတယ်။ Honest Review ပါ။ တောင်ကြီးတန်ဆောင်တ်ိုင်ဖွင့်ပွဲရက်မှာ မီးပုံးထောင်ချီလွှတ်သလိုပါပဲ။ ဒီမှာတော့ သောင်းနဲ့ချီရှိမယ်ထင်ပါတယ်။

မယ်ဟောင်ဆောင်မှာပွင့်တဲ့ပန်းနှမ်းခင်းကတော့ သွားရတဲ့လမ်းခရီးနဲ့ဆိုမတန်ပါဘူး။ ကလောကိုပဲသွားကြည့်ပါ။ ဒ်ို့ရှမ်းပြည်ကပိုလှပါတယ်။

Day trip ခရီးတွေဆိုရင် ၄ ယောက်စီးကားလေးတွေက တစ်ရက်ကို ဘတ် ၃၀၀၀ ဝန်းကျင်ရှိပြီး ချင်းရိုင်လိုနေရာမျိုးဆိုရင်တော့ ၄၅၀၀ ဝန်းကျင်ရှိပါတယ်။ ကားကြီးရင်ကြီးသလို စျေးကလဲပြောင်းနိုင်ပါတယ်။ Pai နဲ့ Ban Rak Thai ကတော့စျေးကြီးတာမလို့ လိုင်းကားနဲ့သွားတာပိုအဆင်ပြေပါတယ်။

ချင်းမိုင်တစ်ဝိုက်လည်လို့ရမယ့်နေရာတွေကိုရေးပေးထားတာမို့ အောက်က Link ထဲမှာ ဝင်ဖတ်လို့ရပါတယ်။ သိချင်တာတွေရှိရင်တော့ Comment မှာမေးခဲ့လို့ရပါတယ်။

https://www.facebook.com/share/p/1E7S9AUsfh/?mibextid=wwXIfr

အားလုံးပဲ အဆင်ပြေချောမွေ့စွာ ခရီးသွားလာနိုင်ကြပါစေ ✨

Explore ခြေဦးတည့်ရာ
TD 🎒

IG - https://instagram.com/td_travel_notes?igshid=

ြေဦးတည့်ရာ #ချင်းမိုင်

27/09/2025

World Tourism Day 2025 🗺️

ဒီပုံတွေဟာ Nepal မှာမဟုတ်ပါဘူး မြန်မာပြည်မြောက်ဖျားက ဟိမဝန္တာတောင်တန်းပေါ်မှာရှိတဲ့ ဖုန်ကန်ရာဇီရေခဲတောင်ပါ။

အချိန်တစ်ခုရောက်ရင်တော့ မြန်မာပြည်မြောက်ဖျားကရေခဲတောင်တွေက ကမ္ဘာကျော်ပြီး Tourism ဖွံ့ဖြိုးတိုးတက်လာမယ့်ရက်တွေကို မျှော်လင့်နေမိပါတယ်။

မြန်မာပြည်မှာတော့ ခါကာဘိုရာဇီရေခဲတောင်ခြေက တဟွန်ဒမ်းရွာလေးကို ဘဝမှာ တစ်ခေါက်လောက်တော့ ရောက်ဖူးချင်ပါသေးတယ်။

ရင်ထဲမှာတော့ မြန်မာဟာ ထာဝရ Ranking No1 ပါပဲ ✨

Explore ခြေဦးတည့်ရာ
TD 🎒

YouTube - https://m.youtube.com/?

ြေဦးတည့်ရာ #မြန်မာအလှ

#

26/09/2025

အခုနောက်ပိုင်းလူတွေက Honest မဖြစ်တော့ဘူး….

Social platform တွေမှာ Bonus တို့ Content Monetization တို့ပေးပြီးနောက်ပိုင်းမှာ လူအများစုက Content creator ဖြစ်လာကြတယ်။ ဇူဇူဆီက $တွေရဖို့ကိုအသည်းသန်ကြိုးစားလာကြတယ်။ ဒါကတစ်ဖက်တစ်လမ်းကနေ ဝင်ငွေရဖို့ကြိုးစားကြတာမို့ ကောင်းတဲ့အချက်ပါ။

ဒါပေမယ့် အဲ့အများစုကလည်း Honest မဖြစ်ကြတော့ဘူး။ fb ရဲ့ ပုံစံကိုကပွဲရှာတာမျိုးတွေ မဟုတ်မဟန်ပွေလီပြောနေကြတာကိုပဲ ပိုပေးချင်တဲ့ပုံပေါ်တယ်ထင်ပါရဲ့။

Social media ကအရင်ကလောက်ပျော်စရာမကောင်းတော့သလို တက်လာသမျှသတင်းတွေကလည်း အညှီအဟောက်တွေကြီးပါဲပဲ။ အဲ့လိုနဲ့ လူတွေဟာ ငွေနောက်လိုက်ရင်း ကိုယ့်ရဲ့ပုံစံတွေပျောက်မှန်းမသိပျေက်ကုန်ကြတယ်။ အစစ်ပုံတစံနဲ့ အတုယောင်တွေပေါလာတဲ့ခေတ်မှာ Authentic ဆိုတာ ပျောက်ကွယ်လာတယ်။

တစ်ချို့ဆယ်ကျော်သက်လေးတွေဆိုလည်း လမ်းမှားရောက်ဖို့သိပ်လွယ်သလို Social media ကိုဘဝကြီးလို့ထင်နေကြတဲ့တစ်ချို့တွေအတွက်လည်း Influencer တွေဖန်တီးပြောဆိုတဲ့ အကြောင်းအရာတွေအပေါ် အားကျရင်း တစ်ချို့အရာတွေမှာ လမ်းမှားရောက်၊ အချ်ို့ကလဲ ကိုယ်တိုင်လက်ခံနိုင်စွမ်းမရှိတော့ပဲ သိမ်ငယ်မှုတွေဖြစ်လာကြတယ်။

TD ကိုယ်တိုင်လည်း social platforms မှာလုပ်နေရတဲ့သူဖြစ်တဲ့အပြင် ဒါတွေဟာ ကိုယ့်မျက်စိရှေ့တွေ့လာရတာတွေမလို့ ရေးဖြစ်တာပါ။

TD လည်းနောက်ပိုင်း Page မှာအရင်ကလောက် active မဖြစ်တော့ဘူး။ စာတွေရေးချင်ပေမယ့် fb ရဲ့ ဆင့်ကဲပြောင်းလဲနေမှုကိုလည်း လိုက်မမီတော့ဘူး။ သူကဘာကိုလိုချင်လို့ လိုချင်နေမှန်းလဲမသိတော့ အရင်ကကိုယ့်ပုံစံလေးကိုလည်း မပျောက်စေချင်ဘူး။

အခုလည်း Content အရှည်ကြီးတွေပဲရေးတတ်တဲ့ TD တစ်ယောက် ဇူဇူရဲ့လွှမ်းမိုးမှုအောက်မှာ ဘာမှမလုပ်တတ်တော့တာနဲ့ စိတ်ကူးထဲပေါ်လာတဲ့ ဒီစာလေးချရေးလိုက်ပါတယ်….

Explore ခြေဦးတည့်ရာ
TD 🎒

ြေဦးတည့်ရာ

24/09/2025

Nepal နိုင်ငံရဲ့National Flower တောင်ဇလပ်ပွင့်ချိန် 🌺

Nepal နိုင်ငံရဲ့ အထင်ကရ National Flower ကတော့ Rhododendron (ရိုဒိုဒန်ဒရွန်း) လို့ခေါ်တဲ့ တောင်ဇလပ်ပန်းတွေပါပဲ။

နီပါလိီလိုဆိုရင် Lali Gurans (လာလီ ဂူရမ်စ်) လို့ခေါ်ကြပြီး March လနေ May လအထိ တစ်တောင်လုံး နီရဲနေအောင်ပွင့်ကြပါတယ်။

Annapurna Region ဘက်မှာတော့ ဒီပန်းတောအုပ်ကြီးရှိတာမို့ April / May မှာ သီးသန့်ကိုတောင်သွားတက်ကြပါတယ်။ ဒီနှစ် April မှာ TD သွားတက်ခဲ့ပေမယ့် မိုးရွာလို့ ပန်းတွေကြွေနေတာ စိတ်တောင်မကောင်း 🥹

ဒို့ချင်းပြည်က တောင်ဇလပ်နဲ့တော့ သိပ်မတူဘူး နည်းနည်းလေးကွာသလိုခံစားရ။ ဒါကတော့ ဟိမဝန္တာတောင်ဇလပ်ပေါ့။ အပြင်မှာအဆုပ်လိုက်ပွင့်နေတာကပိုလှပါတယ်။

ဒီပန်းပွင့်ချိန်သွားမယ်ဆိုရင်တော့ March နှောင်းပိုင်းကနေ May လမကုန်ခင်သွားဖို့အကြံပေးချင်ပါတယ် 🌺

Explore ခြေဦးတည့်ရာ
TD 🎒

IG - https://instagram.com/td_travel_notes?igshid=YmMyMTA2M2Y=

ြေဦးတည့်ရာ

20/09/2025

အာရှရဲ့ အလှဆုံးရွာအဖြစ် နံပါတ် ၅ နေရာမှာရှိနေတဲ့ Ghandruk 🇳🇵✨🩵

Annapurna Region မှာရှိတဲ့ Gurang လူမျိုးတွေနေထိုင်ကြတဲ့ Ghandruk လို့ခေါ်တဲ့ရွာလေး။ TD ရဲ့အကြိုက်ဆုံးရွာလေးဖြစ်တဲ့အပြင် IG မှာလည်း အရမ်း Viral ဖြစ်ပါတယ်။

Annapurna Conservation Area ထဲမှာရှိတာဖြစ်လို့ Annapurna Base Camp ကို တက်ကြတဲ့အခါ ညအိပ်နားလေ့ရှိတဲ့ ရွာလေးလည်း ဖြစ်ပါတယ်။

Annapurna region ထဲမှာရှိတဲ့ ဒီရွာလေးဟာ ကမ္ဘာ့အမြင့်ဆုံး တောင်တန်းကြီးတွေဖြစ်တဲ့ Annapurna South, Gangapurna နဲ့ Machhapuchhre (Mt. Fishtail) တို့ကို အနီးကပ် မြင်တွေ့ရမယ့် ရင်သပ်ရှုမောဖွယ် မြင်ကွင်းတွေကြောင့် နာမည်ကျော်ပါတယ်။

ဒီတစ်ခေါက် October Nepal သွားတဲ့အခါ ဒီရွာလေးမှာထပ်နေဖြစ်မှာပါ။ ဒီတစ်ခါတော့အကြာကြီးပေါ့ 🥰

ဒီရှူခင်းတွေနဲ့ Slow life မှာ ကော်ဖီပြန်သောက်ရမှာတွေးပြီးတော့တောင် ရင်ခုန်နေပါတယ်။

Explore ခြေဦးတည့်ရာ
TD 🎒

IG - https://instagram.com/td_travel_notes?igshid=YmMyMTA2M2Y=

ြေဦးတည့်ရာ

19/09/2025

Forbes မဂ္ဂဇင်းကထုတ်ပြန်တဲ့ ကမ္ဘာ့အလှဆုံးရွာ ၅၀ မှာ မြောက်ဦးက နံပါတ် ၁၂ တဲ့ 💛

မြောက်ဦးဆိုတာ တစ်ချိန်က ရခိုင်ဘုရင်တွေထီးနန်းစိုက်ခဲ့တဲ့ နေရာတစ်ခုပေါ့။ ရွာမဟုတ်တဲ့ ရခိုင်တို့ရဲ့ အသည်းနှလုံးမြို့တော်တစ်ခု။

ဘာပဲဖြစ်ဖြစ် ဒီလိုအချိန်မှာတောင် ကမ္ဘာကအသိအမှတ်ပြုတဲ့နေရာတစ်ခုအဖြစ်ဖော်ပြခံရတာ အင်မတန်ကျေနပ်ဂုဏ်ယူစရာပါ။

တစ်ချိန်ကျရင်တော့ မြောက်ဦးရဲ့ နေဝင်နေထွက်ချိန်တွေကို တစ်ဝကြီးပြန်ကြည့်ချင်သေးတယ်။

Forbes Website မှာတော့ ဒီလိုလေး ဖော်ပြထားပါတယ် ✨

Stone stupas rise from the earth like ancient lungs, exhaling centuries of incense across Mrauk U’s windswept plains. At Sh*ttaung, the “Temple of 80,000 Buddhas” built to honor a royal conquest, candlelight flickers through labyrinthine corridors of stone—while Htukkanthein, a 16th-century fortress-temple and ordination hall, guards rows of meditating Buddhas. Farmers pass with baskets of betel leaves, and rumbling ox carts creak along dusty paths toward Koe Thaung, the largest temple in the region—its maze-like interior once housing 90,000 carved Buddha images.

Explore ခြေဦးတည့်ရာ
TD 🎒

ြေဦးတည့်ရာ #မြောက်ဦး

17/09/2025

ဧဝရတ်တောင်ခြေကိုသွားလို့အကောင်းဆုံးအချိန် 🇳🇵

အောက်တိုဘာဆိုရင် နီပေါမှာတောင်တက်လို့အကောင်းဆုံးရာသီကိုရောက်ပါပြီ။ ဧဝရတ်တောင်ခြေအပြင် အခြားသောတောင်တွေကိုတက်မယ်ဆိုရင် အောက်တိုဘာနဲ့ နိုဝင်ဘာလကအကောင်းဆုံးပါ။ Autumn နဲ့ ဆောင်းဦးကာလတွေမို့ ခြောက်သွေ့ပြီး လမ်းလျှောက်လို့သိပ်ကောင်းပါတယ်။

ဒီဇင်ဘာကတော့ နှင်းကျပြီးအရမ်းအေးတာမို့ မြန်မာနိုင်ငံသားတွေအတွက်တော့ တောင်တက်ရတာ အင်မတန်ပင်ပန်းပါတယ်။ အဲ့ဒါကြောင့် Everest Base Camp နဲ့ ABC ဖက်ကိုသွားဖို့စဉ်းစားထားရင် ဒီ နှစ်လနဲ့ ဖေဖော်ဝါရီကနေ ဧပြီအတွင်းသွားဖို့ကိုအကြံပြုချင်ပါတယ်။

ဧဝရတ်တောင်ခြေကိုသွားဖို့ Budget အနည်းဆုံး ၇၀၀$/၈၀၀$ ကနေသွားလို့ရသလို budget များများသုံးပီုးတော့လည်း သွားလို့ရပါတယ်။ ကိုယ်တိုင်သွားချင်တဲ့သူတွေအတွက် အောက်က Link မှာ Nepal နဲ့ပတ်သတ်ပြီး အပြည့်အစုံရေးထားပေးတာမို့ ဝင်ဖတ်ကြည့်လို့ရပါ
တယ်။

တောင်တက်ဝါသနာရှိတဲ့သူတွေအတွက် အရင်လိုအိပ်မက်တွေကအရမ်းစျေးမကြီးတော့ပါဘူး။ လက်တစ်ကမ်းမှာပဲရှိပါတယ်။ ချွေတာနိုင်ရင် ချွေတာနိုင်သလိုသွားလို့ရတာမို့ EBC trek နဲ့ပတ်သတ်ပြီး သိချင်တာတွေရှိရင်လည်း comment မှာမေးထားလို့ရပါတယ်။

Nepal ရဲ့ Blog ပေါင်းစုံ Link
••••••••••••••••••••••••••••

https://www.facebook.com/share/p/1BhhWtirBY/?mibextid=wwXIfr

Explore ခြေဦးတည့်ရာ
TD 🎒

ြေဦးတည့်ရာ

15/09/2025

Fashion အတွက် ခေါင်းအစခြေအဆုံး လိုချင်တာအကုန်ငှါးလို့ရတဲ့ Dalat ကဆိုင်လေး🇻🇳

ဒီတစ်ခါမှ ကောင်မလေးတွေအတွက် ခေါင်းအစခြေအဆုံး Fashion ကိုအမိုက်စာကျွေးလို့ရတဲ့ ဒါလတ်မြို့က Clothing Rental လေးတစ်ခုအကြောင်းကို ပြောပြပါမယ်။

Vietnam နိုင်ငံမှာရှိတဲ့ Dalat မြို့လေးဆိုတော့ ကလောတို့ တောင်ကြီးတို့နဲ့ အတော်ဆင်တဲ့မြို့လေး။ လည်ပတ်စရာထွေထွေထူးထူးကြီးမရှိပေမယ့် မြို့ထဲမှာရှိတဲ့ ကော်ဖီဆိုင်တွေ Homestay တွေက တကယ်ကို Next Level ပါပဲ။ Country side အိမ်လေးတွေပဲနေမလား၊ ပန်းခင်းထဲကကော်ဖီဆိုင်တွေသွားမလား တကယ်ကိုအလှတွေကြီး စုထားတဲ့မြို့လေးပါ။ ရာသီဥတုကလည်း ကလောလိုပဲမလို့ fashion ကျကျဝတ်မယ်ဆို Outfit အစုံနဲ့ ဓာတ်ပုံရိုက်လို့ကောင်းတဲ့မြို့ဆိုလည်း မမှားပြန်ဘူး။

ဒီတစ်ခေါက် TD India ကနေ Vietnam ကိုတန်းသွားတော့ TD ရဲ့ထုံးစံအတိုင်း Hoodie တွေနဲ့ Jean အပွတွေပဲပါသွားပါတယ်။ Dalat မှာ ၃ ၄ ရက်နေပြီးလျှောက်သွားတဲ့အခါ Fashion ကျိန်စာမိပြီး အဂွမ်းဆုံးက ကိုယ်ဖြစ်နေတယ်လေ။ Vietnam မလေးတွေဆိုတာ အသားဖြူဖြူသေးသေးကွေးကွေးနဲ့ fashion ကလည်းအလန်းစား၊ လည်ရှည်ဖိနပ်တွေနဲ့မိမိုက်နေတာကို ထိုင်ငေးနေရတယ်။

အဲ့အချိန်မှာ Dalat မှာခင်ခဲ့တဲ့ Cambodia သူငယ်ချင်းမလေးတစ်ယောက်က လာပြောပြပါတယ်။ အဲ့လိုfashion တွေနဲ့ဆိုရင် ၁၀ ယောက်မှာ ၈ ယောက်လောက်ကငှါးဝတ်ကြတာဆိုတော့ ကိုယ့်မယ်တော်တော်လေးအံ့ဩသွားတယ်။ မိုက်လှချည်လားပေါ့။ သူကိုယ်တိုင်လဲအကုန်ငှါးဝတ်လာတာ ဆံပင်တုတောင်ပါသေးတယ်တဲ့။ အဲ့ဒါနဲ့ဘယ်ရမလဲ လိပ်စာမေးပြီး ဆိုင်ကိုချက်ချင်းသွားခဲ့တယ်။

ဒီဆိုင်လေးကိုသိပြီးတဲ့သူသိပေမယ့် မသိသေးတဲ့သူအတွက်ကတော့ တကယ့်ရွှေပါပဲ။ ဆိုင်မှာ အဝတ်အစားတွေက နွေမိုးဆောင်း ၃ ရာသီလုံးအတွက်ရှိသလို တကယ်ကိုခေါင်းအစခြေအဆုံး Accessories တွေအကုန်လုံးကိုပါ တစ်နေရာထဲမှာ ငှါးလို့ရတာပါ။ ဒါပေမယ့် Plus size တွေရယ် TD တို့လိုလူကောင်ကြီးတဲ့သူတွေရယ်အတွက်ကျ ရွေးချယ်စရာအနေနဲ့ Coatတွေပဲပိုများပါတယ်။ ဘယ်လောက်ထိစုံလဲဆိုရင် ပုံထဲကိုပဲကြည့်လိုက်တော့။

အဝတ်အစားကို ဓာတ်ပုံရိုက်ဖို့တစ်ခါပဲဝတ်ချင်တဲ့သူတွေ၊ Long coat တွေ ဖိနပ်တွေလေးလို့ Kg နဲ့သယ်လာရတာမတန်ဖြစ်နေတဲ့သူတွေအတွက် ဒီဆိုင်ကတကယ်ကို အသုံးဝင်ပါတယ်။ အဝတ်အစားတွေကလည်း သန့်ပြန့်ပြီး မရွေးတတ်ရင်တောင် ဆိုင်ရှင်ကိုယ်တိုင်က ကိုယ်နဲ့လိုက်ဖက်မယ့်ဟာကို Styling လုပ်ပေးပါတယ်။

ငှါးရမ်းခကလည်း တွက်ကြည့်ရင် vnd 300 ကနေ 500 ဝန်းကျင်ပဲရှိတာမို့ အတော်လေးအဆင်ပြေပါတယ်။ တစ်ခါငှါးရင်လည်း ၃ ရက်တောင်ငှါးပေးတာမို့ စိတ်ကြိုက်ရိုက်ပေတော့ပဲ။ ပြန်လျှော်ပေးစရာလည်းမလို ဒီတိုင်းလေးသေချာပြန်
အပ်ခဲ့ရင်ရပါပြီ။ Deposit အနေနဲ့ Vnd 1 သိန်း သို့ USD 50 ပေးခဲ့ရပါတယ်။ ပြန်လာအပ်ရင် အကုန်ပြန်ပေးပါတယ်။

ဆိုင်ရှင်ကလည်း အရမ်းသဘောကောင်းတာမို့ တကယ့်ကို အလှလေးတွေအတွက်တော့ Outfit အစုံနဲ့ Dalat မှာရိုက်ဖို့ အဆင်ပြေသောပါပဲ။

ဆိုင်လိပ်စာနဲ့ Location ကိုတော့ TD comment မှာရေးထားပါမယ်။ နောက်တစ်ခါ Dalat သွားရင်တော့ ဘာမှမယူသွားတော့ဘူး။ အဝတ်တစ်ထည်ကိုယ်တစ်ခုနဲ့ပဲသွားပါတော့မယ်။ 😄

မြို့တိုင်းမှာ ဒီလိုဆိုင်တွေပေါ်လာရင်ဘယ်လောက်ကောင်းမလဲ။ အဲ့လိုသာဆို ပုံလှလှလေးတွေလည်းရမယ်။ 7 kg နဲ့ပဲခရီးပတ်သွားတော့မယ်။

Explore ခြေဦးတည့်ရာ
TD 🎒

IG - https://instagram.com/td_travel_notes?igshid=YmMyMTA2M2Y=

ြေဦးတည့်ရာ

14/09/2025

ဘောလိဝုဒ်မြို့တော် ဘုံဘေမှာတစ်ညတာ 🇮🇳

TD ဒီတစ်တော့ India နိုင်ငံရဲ့ ဘောလိဝုဒ်မြို့တော်အဖြစ်သတ်မှတ်ထားတဲ့ Mumbai မြို့ကိုတစ်ညတာပတ်ဖြစ်ခဲ့ပါတယ်။ မွန်ဘိုင်းဆိုတာ အိန္ဒိယရဲ့ အချမ်းသာဆုံး မီလျံနာတွေအများဆုံးနေထိုင်တဲ့မြို့တော်ပဲဖြစ်ပါတယ်။

Mumbai မြို့ထဲရောက်သွားတာနဲ့ ပထမဆုံးရတဲ့ခံစားချက်ကတော့ မွန်ဘိုင်းက တကယ့်ကို Crazy Rich Asian Vibe ကိုရတာပါ။ ဒေလီထက်ပိုပြီးသဘောကျတယ်။ ပင်လယ်ကြီးရယ် မိုးမျှော်တိုက်တွေအပြင် ကိုလိုနီခေတ်လက်ရာ အဆောက်ဦးတွေကလည်း ယနေ့အထိထိမ်းသိမ်းထားတာ အတော်ခမ်းနားပါတယ်။

Mumbai ရောက်လက်စနဲ့ Grab ငှါးပြီး မြို့တပတ်ပတ်လိုက်တာ ကားသမားကလဲ အရမ်းရှင်းပြချင် လိုက်ပြချင်တဲ့သူနဲ့တိုးပြီး မွန်ဘိုင်းကအချမ်းသာဆုံးလူတွေရဲ့အိမ်ရှေ့တွေပါရောက်ခဲ့ပါတယ်။ 😅 အန်ဘာနီအိမ်ကအစ ရှရွတ်ခမ်းအိမ်အထိလိုက်ပြတာ ဒို့လဲ မွန်ဘိုင်းမြို့ထဲ အတော်နှံ့သွားတယ်။ လူချမ်းသာတွေအိမ်ရှေ့ဖြတ်ပြီး ဓာတ်သွားကူးလာခဲ့တယ်။

လူချမ်းသာတွေနေတဲ့မြို့လဲ သူတို့တိုက်တွေအောက်မှာတော့ အခြေခံလူတန်းစားတွေကြီးပါပဲ။💔

Mumbai ရောက်ရင်တော့ လည်ပတ်စရာတွေဆိုရင်…

✨CST Railway Station
✨ Marine Drive
✨Gateway of India
✨ Ancient Elephanta Caves
✨Juhu Beach
✨Siddhivinayak Temple
✨Chow Party Beach
✨Film City
✨Chhatrapati Shivaji Maharaj Vastu Sangrahalaya

စတဲ့နေရာတွေပဲဖြစ်ပြီး ၂ ညအိပ် ၃ ရက်လောက်သွားရင်အဆင်ပြေပါတယ်။

မွန်ဘိုင်းကိုလာဖို့အတွက်ကတော့ ရန်ကုန်ကနေ တိုက်ရိုက်ရှိတဲ့ ဒေလီ ထရန်စစ် (သို့) ဘန်ကောက်နေတစ်ဆင့်လာရမှာပါ။ TDကတော့ တစ်ညအိပ်ပဲနေခဲ့တာမို့ လေဆိပ်နားက ဟိုတယ်တစ်ခုပဲတည်းခဲ့ပါတယ်။ baht 800 ဝန်းကျင်ပေးရပါတယ်။ လည်ဖို့ပတ်ဖို့အတွက်တော့ ခဏပဲမလို့ Uber ကိုပဲသုံးလိုက်ပါတယ်။

Simcard ကအပြင်မှာဝယ်ရင်ပိုတန်သလို ဂျင်းထည့်မယ့် ဘယာ တွေကလည်း အသင့်စောင့်နေပါတယ်။ သူတို့ထက်ပိုလျင်နိုင်မှတော်ကာကြမှာပါ။ ဒါပေမယ့် TD တို့မိန်းကလေး ၂ ယောက်တည်း Mumbai တစ်ညလုံးပတ်ကြတာ အများကြီးလဲကူညီကြပါတယ်။ ဒေလီထပ်စာရင် မွန်ဘိုင်းကိုတော့ ပိုသဘောကျမိတာအမှန်ပါ။

Mumbai သွားဖို့ဆိုရင် India visa လျှောက်ရပါမယ်။ မြန်မာတွေကတော့ Visa ကြေး Free ဖြစ်ပြီး Online ကနေ 1 year E Visa လျှောက်လို့ရသလို၊ ရန်ကုန်မှာဆိုရင် အိန္ဒိယသံရုံးမှာလည်း Stamp Visa သွားလျှောက်လို့ရပါတယ်။ India Visa ကဒီနေ့လျှောက် မနက်ဖြန်ရတတ်ပြီး Reject ထိခဲပါတယ်။ TD ကတော့ Reject လဲထိဖူးတာမို့ Visa အကြောင်း သပ်သပ်ရေးပေးပါမယ်။

ဘန်ကောက်ကနေ မွန်ဘိုင်းကို အသွားအပြန် လေယာဉ်လက်မှတ်က USD 200 ကျော်ကနေ ၃၀၀ ဝန်းကျင်အထိရှိပါတယ်။

သီးသန့်သွားလည်တာထက်စာရင် Goa တို့ဘာတို့ဘက်ကိုပါဆက်သွားရင်း သွားတာကတော့ပိုတန်ပါတယ်။

နောက်ထပ် India Episode Vlog လေးတွေလဲတင်ပေးဖို့ရှိပါသေးတယ်နော် 🥰🇮🇳

Explore ခြေဦးတည့်ရာ
TD 🎒

YouTube - https://m.youtube.com/?

ြေဦးတည့်ရာ

TD’s Travel Notes

29/09/2025

29/09/2025

28/09/2025

27/09/2025

27/09/2025

26/09/2025

24/09/2025

20/09/2025

19/09/2025

17/09/2025

15/09/2025

14/09/2025

ที่อยู่

เบอร์โทรศัพท์

เว็บไซต์

แจ้งเตือน

ติดต่อ ธุรกิจของเรา

ทางลัด

แชร์

ประเภท