TD’s Travel Notes

Full-Time Traveller ✈️🏔️

Explore ခြေဦးတည့်ရာ 🎒🛵🗺️

29/10/2025

Himalayas မနက်ခင်းတွေမှာ နေ့တိုင်းနိုးထခွင့်ရတဲ့အတွက် ကျေးဇူးတင်ပါတယ် ✨

28/10/2025

ရေခဲတောင်တွေပတ်လည်ဝိုင်းနေတဲ့ ပိုခါရာ 🇳🇵

Nepal နိုင်ငံရဲ့မြို့တောင် ခတ္တမန်ဒူပြီးရင် အကြီးဆုံးမြို့တော်ကတော့ ပိုခါရာပဲဖြစ်ပါတယ်။ Annapurna တောင်တန်းကြီးဝန်းရံထားတဲ့ ပိုခါရာမြို့လေးကို City of lakes လို့လည်း တင်စားခေါ်ဝေါ်ကြပြီး Tourism city အဖြစ်လဲသတ််မှတ်ထားပါသေးတယ်။

ပိုခါရာမြို့ကတော့ Yoga သမားတွေ၊ ဟစ်ပီတွေ နဲ့ Work from home slow life သမားတွေ အများဆုံးနေထိုင်ကြပါတယ်။ ကမ္ဘာ့ဒဿမမြောက်အမြင့်ဆုံးဖြစ်တဲ့ Annapurna တောင်ကိုတက်ဖို့ရာအတွက် ပိုခါရာမြို့လေးကို အရင်ဆုံးလာရပါတယ်။

မြို့တော်ခတ္တမန်ဒူလို လူနေမထူထပ်ပဲ မြို့လည်ခေါင်မှာ Phewa ရေကန်ကြီးရှိပြီး ဘေးပတ်လည်မှာ ရေခဲတောင်တွေက ဝန်းရံထားပါတယ်။ Nepal ရဲ့ Holy Mountain အဖြစ်သတ်မှတ်ထားတဲ့ Machapuchre ခေါ် Fishtail ကိုလည်း အနီးကပ်တွေ့မြင်နိုင်မှာဖြစ်ပါတယ်။

ပိုခါရာမှာဆိုရင် ရေခဲတောင်ရှုခင်းနဲ့ Paragliding လုပ်တာကနာမည်ကြီးပြီး Phewa ရေကန်မှာလှေစီးတာ၊ Bungy Jump နဲ့ Rafting စတဲ့ Activity တွေကလည်း နာမည်ကြီးပါတယ်။

ပိုခါရာရဲ့တစ်ဖက်ခြမ်း Pumdikot မှာတော့ Shiva statue နဲ့ World Peace Pagoda ရှိပါတယ်။ မနက်ခင်းတွေမှာသွားလည်လို့ကောင်းပြီး ရာသီဥတုကြည်လင်တယ်ဆိုရင် Annapurna, Fishtail အပြင် ကမ္ဘာ့ ၇ လုံးမြောက်အမြင့်ဆုံးဖြစ်တဲ့ Dhaulagiri (8176m) နဲ့ ကမ္ဘာ့ ၈ လုံးမြောက်အမြင့်ဆုံးဖြစ်တဲ့ Manaslu (8164m) စတဲ့ရေခဲတောင်ရှုခင်းတွေကိုပတ်ပတ်လည်မြင်ရမှာဖြစ်ပါတယ်။

Pumdikot ကနေဆင်းလာရင်တော့ Gupteshwor Mahadev Cave နဲ့ Devi’s fall ကိုဝင်လည်လို့ရပါတယ်။ မနက်အစောပိုင်းမှာတော့ အချိန်ရတဲ့အခါ Sarangkot ဆိုတဲ့တောင်ထိပ်ကို ကားနဲ့သွားပြီး Sunrise သွားကြည့်လို့ရပါတယ်။

ပိုခါရာမှာနာမည်အကြီးဆုံး Activity ဖြစ်တဲ့ Paragliding ကိုတော့ မနက် ၁၀ နာရီဝန်းကျင်မှာလုပ်လေ့ရှိပြီး တစ်ယောက်ကို နီပေါရူပီး ၈၅၀၀ ဝန်းကျင်ရှိပါတယ်။

ကိုယ်က Nepal ရောက်တုန်း Base camp တစ်ခုခုကိုလည်းသွားဖူးချင်တယ်။ လမ်းလည်းအကြာကြီးမလျှောက်နိုင်ဘူးဆိုရင်တော့ ပိုခါရာကနေ Annapurna Base Camp ကို Helicopter Tour စီးကြည့်ဖို့အကြံပေးချင်ပါတယ်။ လူအရေအတွက်ပေါ်မူတည်ပြီး ဒေါ်လာ ၄၀၀ ကျော်ကနေ ၅၀၀ အထိစျေးအပြောင်းလဲရှိနိုင်ပါတယ်။

TD ကတော့ ပိုခါရာကို Kathmandu ကနေပဲ Express နဲ့သွားလေ့ရှိပါတယ်။ လမ်းကောင်းတဲ့အချိန်ကဆို ၆ နာရီကျော်လောက်ပဲစီးရပြီး မိုးရွာလို့လမ်းပျက်ရင်တော့ ၈ နာရီကျော်လောက်စီးရပါတယ်။ Express line တွေဆိုရင် Swiff နဲ့ Open Visit စတာတွေကစီးရတာအဆင်ပြေပါတယ်။

ပိုခါရာမှာနေပြီးလည်ပတ်ဖို့အတွက်ကတော့ Lake side area မှာနေဖို့အတွက်အကြံပေးချင်ပါတယ်။ tourist area မို့ လူတော့နည်းနည်းရှုပ်ပါတယ်။ တကယ်လို့ကိုယ်ကအချိန်အကြာကြီးရပြီး အေးဆေးနေချင်တယ်ဆိုရင် တောင်ပေါ်က Homestay တွေမှာသွားနေလို့ရပါတယ်။

တစ်နှစ်ပတ်လုံးစျေးပွဲတော်သဖွယ်စည်ကားနေတဲ့မြို့လေးမလို့ Solo သမားတွေအတွက်လည်း Safe ဖြစ်ပြီး explore လုပ်လို့ကောင်းပါတယ်။

နီပေါနိုင်ငံအကြောင်းနဲ့ Visa အကြောင်းတွေကိုလည်း Page ရဲ့ Pin post မှာအစုံအလင်ရေးထားပေးတာမို့ ဝင်ဖတ်ကြည့်လို့ရပါတယ်။

နောက်ထပ် နီပေါနိုင်ငံရဲ့ ဘာ Blog လေးတွေဖတ်ချင်ကြသေးလဲရှင်.. 🩵

📸Wander Lens

Explore ခြေဦးတည့်ရာ
TD 🎒

IG - https://instagram.com/td_travel_notes?igshid=YmMyMTA2M2Y=

ြေဦးတည့်ရာ

23/10/2025

This is Nepal 🇳🇵

22/10/2025

ကိုယ့်အတွက်တော့ ဒီနေရာ ဒီရှုခင်းတွေဟာ ပုံမှန်မနက်ခင်းလေးတစ်ခုလိုဖြစ်နေပြီ…. 🏔️

Annapurna ရှေ့မှာသောက်ရတဲ့ မနက်ခင်းကော်ဖီတွေဟာ ဘယ်တော့မှရိုးမသွားခဲ့ဘူး။

📸Wander Lens

ြေဦးတည့်ရာ

20/10/2025

Happy Diwali Everyone 🪔

မနှစ်ကရော ဒီနှစ်ရော Nepal မှာပဲမို့ အရမ်းပျော်စရာကောင်းတဲ့အချိန်တွေကို ကြုံကြိုက်ရပါတယ်။

ဒီနေ့တော့ လမ်းမှာပျော်နေကြတဲ့ Nepali တွေကို တစ်ဖြတ်တစ်ကဒ်ရိုက်ခဲ့တာလေးနဲ့ပဲ ဆုတောင်းပေးလိုက်ရပါတယ်။

ြေဦးတည့်ရာ

19/10/2025

သူများတွေပြောနေကြလို့ ခုမှအားပြီး page ကိုဝင်ကြည့်မိတာ follower 1000 ကျော်
လောက်လျော့သွားတယ် 🥹 မပျော်တော့ပါ 🫩

16/10/2025

Nepal ကိုလာလည်ချင်တဲ့သူတွေအတွက် 💌

ဟိမဝန္တာတောင်တန်းတွေကြား ကမ္ဘာ့အမြင့်ဆုံးတောင်တွေဝန်းရံထားတဲ့ Nepal ဟာသိပ်လှပါတယ်။

ဒါပေမယ့် Nepal က Luxury သမားတွေ၊ အပန်းဖြေအနားယူရုံသပ်သပ် Vacation ထွက်လာချင်တဲ့သူတွေအတွက်မဟုတ်ပါဘူး။

Nepal နိုင်ငံဟာ တောင်တက်သမားတွေ၊ Culture ကိုနှစ်သက်တဲ့သူတွေ၊ Yogi တွေ သဘာဝကိုနှစ်သက်ပြီး တောတောင်တွေကိုနှစ်သက်တဲ့ Backpacker တွေအကြိုက်နိုင်ငံတစ်ခုဖြစ်ပါတယ်။

အဲ့ဒါကြောင့် ဒီလိုရှုခင်းမျိုးလေးနဲ့ ကိုယ်ကသက်သောင့်သက်သာနဲ့ အပန်းဖြေခရီးထွက်ချင်တယ်ဆိုရင် ရွေးချယ်ဖို့မသင့်တော်ပါဘူးရှင်။ အရမ်းလှတဲ့နေရာတွေက Nepal မှာလွယ်လွယ်သွားလို့မရပါဘူး။ ကားအဆင့်ဆင့်စီး ၊ တောင်တွေတက်မှ ဒီလိုတွေကိုမြင်ရတာမလို့ပါ။

Developing Country နိုင်ငံငယ်လေးမို့ All Inclusive ခရီးမျိုးမှကြိုက်တဲ့သူတွေအတွက် အဆင်မပြေနိုင်ပါဘူး။

Nepali လူမျိုးတွေက သိပ်ဖော်ရွေပါတယ်။ TD တို့က Nepal နဲ့ India ကို တူတူပဲလို့ မှားတတ်ကြပါတယ်။ Nepal က အခုချိန်ထိ ကိုယ်သွားနေတာ Safe ဖြစ်တဲ့နိုင်ငံထဲပါပါတယ်။ Tourists များတဲ့နေရာတွေမှာဆို Tourist Police တွေအမြဲရှိပါတယ်။

ကိုယ်ကအပင်ပန်းလည်းခံနိုင်တယ်၊ တောတောင်တွေလည်းချစ်မြတ်နိုးတဲ့သူဆိုရင်တော့ နီပေါက သင့်အတွက် နိဗ္ဗာန်ဘုံတစ်ခုဖြစ်မှာ
သေချာပါတယ်။

Explore ခြေဦးတည့်ရာ
TD 🎒

IG - https://instagram.com/td_travel_notes?igshid=YmMyMTA2M2Y=

ြေဦးတည့်ရာ

15/10/2025

Nepal လာလည်ချင်တယ်ဆိုတဲ့သူတွေအတွက်
Oct 25 ကနေ Nov 1 အထိ TD ရှိပါမယ်ရှင်။

ကျန်တဲ့ရက်တွေက နောက်ခရီးသွားစရာရှိလို့ November လကုန်မှ ဒီရွာလေးကိုပြန်ရောက်ပါမယ်။

၇ ညအိပ် ၈ ရက်ကို သိန်း ၂၀ ဝန်းကျင်ကုန်ကျနိုင်ပါတယ်။ All Inclusive luxury ခရီးတွေပဲထွက်နေတဲ့သူတွေအတွက်တော့ Nepal ကမသင့်တော်ပါဘူး။

အပင်ပန်းခံနိုင်တယ်၊ သဘာဝကိုချစ်မြတ်နိုးတယ်၊ တောင်တက်ရတာကြိုက်တယ်၊ culture တွေကိုနှစ်သက်တဲ့သူတွေအတွက်ပဲ အဆင်ပြေပါတယ်။

Nepal vlog လေးတွေနဲ့ တောင်အသစ်တက်ဖို့ရှိတာတွေတင်ဖို့ရှိပါတယ်။ အခုတော့ လာလည်ကြတဲ့ ဧည့်သည်တွေနဲ့ လုံးပန်းနေတာမို့ ပုံလေးတွေမတင်ဖြစ်တာပါ။

Explore ခြေဦးတည့်ရာ
TD 🎒

IG - https://instagram.com/td_travel_notes?igshid=YmMyMTA2M2Y=

ြေဦးတည့်ရာ

15/10/2025

Slow living ✨

13/10/2025

- Postcard from Pokhara 💌🏔️

ပိုခါဟာမြို့လေးရဲ့ မနက်ခင်းအချိန်တွေကိုဖြတ်သန်းပြီး ပိုခါရာသူတွေကို မနာလိုဖြစ်မိပါတယ်။

Explore ခြေဦးတည့်ရာ
TD 🎒

IG - https://instagram.com/td_travel_notes?igshid=YmMyMTA2M2Y=

ြေဦးတည့်ရာ

12/10/2025

တစ်ပတ်တစ်ခေါက်ရောက်ဖြစ်နေတဲ့ Nepal ကအလှဆုံးရွာလေးရဲ့ မနက်ခင်း ✨

ဟ်ိမဝန္တာတောင်တန်းတွေကတော့ ကိုယ့်ကို ဘယ်တော့မှရိုးမသွားစေခဲ့ဘူးကွယ်…..

Explore ခြေဦးတည့်ရာ
TD 🎒

IG - https://instagram.com/td_travel_notes?igshid=YmMyMTA2M2Y=

ြေဦးတည့်ရာ

09/10/2025

Nepal လာဖို့အစီစဉ်ရှိတယ်ဆိုရင်လေ အောက်တိုဘာ ၂၀ ဝန်းကျင်ကိုလာ

ဒီနှစ် ဒေဝါလီနေ့က ၂၀ ရက်နေ့မို့ တအားပျော်ဖို့ကောင်းမှာ။ မနှစ်ကဆို တစ်လမ်းဝင်တစ်လမ်းထွက် ပွဲတော်ကိုဆင်နွှဲကြတဲ့သူတွေ ကြိတ်ကြိတ်တိုး။

ကိုယ်လဲပထမဆုံးကြုံဖူးတာမို့ အရမ်းပျော် နေပါလီတွေနဲ့ ဝင်ကပြီး enjoy လုပ်ရင်းဖြတ်သန်းခဲ့ရတာ။

အခုတော့ Nepal မှာ ကတ်မန်ဒူသွားလိုက် ပိုခါရာပြန်လိုက် တောင်ပေါ်တက်လိုက်နဲ့မို့ စာတွေတောင် မတင်ဖြစ်ဘူးရှင်။

Nepal ရောက်ရင်ပြောနော် Himalaya Coffee ဝယ်တိုက်မယ် 🤎

Explore ခြေဦးတည့်ရာ
TD 🎒

YouTube - https://m.youtube.com/?

ြေဦးတည့်ရာ