เว็บไซต์คืออะไร?

https://www.facebook.com/931573993367209/

Mary's Day, Bangkok (2026)

24/04/2026

🌳ဘန်ကောက်မြို့ရဲ့ အချက်အချာကျတဲ့ Sathon နယ်မြေထဲမှာ တကယ့်ကို တောအုပ်လေးတစ်ခုထဲ ရောက်သွားသလို ခံစားရစေမယ့် Baan Suan Sathon ဆိုင်လေးကို ခေါ်သွားပေးပါမယ် ရှင်။ 🫶🏻

😉ဘန်ကောက်မြို့ရဲ့ ရှုပ်ထွေးလှတဲ့ ကားသံ၊ လူသံတွေကြားထဲမှာ စိတ်အေးလက်အေး အနားယူဖို့ နေရာရှာနေတယ်ဆိုရင် မြို့ထဲက တောအုပ်လေး" လို့ တင်စားရလောက်အောင် စိမ်းလန်းစိုပြေတဲ့ သဘာဝအလှတရားတွေကို Baan Suan Sathon မှာ တစ်ဝကြီး ခံစားနိုင်ပါတယ်။

☘️သဘာဝဆန်လှတဲ့ အပြင်အဆင် ရေတံခွန်ငယ်လေးတွေ၊ ငါးကန်တွေနဲ့ လှပတဲ့ သစ်ပင်ကြီးတွေကြောင့် တကယ့်ကို Relax ဖြစ်စေတဲ့ Atmosphere ကို ရရှိမှာပါ။

📸 Märy လို ဓာတ်ပုံရိုက်တာ ဝါသနာပါတဲ့ သူတွေ အတွက် သွားကို သွားသင့်တဲ့ နေရာလေးနော် 🥰 ဒီနေရာမှာ ဘယ်နားကြည့်ကြည့် Instagram-worthy ဖြစ်တဲ့ ဓာတ်ပုံရိုက်ကွင်းတွေချည်းပါပဲ။ အထူးသဖြင့် သစ်ပင်တွေကြားထဲကနေ ဖြာကျလာတဲ့ နေရောင်ခြည် (Tyndall effect) လေးနဲ့ ဓာတ်ပုံရိုက်ရင် အရမ်းလှပါတယ်။

🧇🥘🫕🍜 Thai Cuisine သာမက Italian Food၊ Coffee၊ Smoothies နဲ့ Cocktails တွေကိုပါ တစ်နေရာတည်းမှာ ရရှိနိုင်ပါတယ်။ သူတို့ရဲ့ Pad Thai နဲ့ အချိုပွဲဖြစ်တဲ့ Mango Sticky Rice တို့ကတော့ နာမည်ကြီး Menu တွေပါပဲရှင် .

📍

https://maps.app.goo.gl/phAhtsZC2zFNSCkW7?g_st=ic

60 Chuea Phloeng 2 Alley, Thung Maha Mek, Sathon, Bangkok (MRT Khlong Toei ဘူတာနဲ့ နီးပါတယ်)။

⏰ တနင်္လာ - သောကြာ: 10:30 AM – 11:00 PM
စနေ - တနင်္ဂနွေ: 08:30 AM – 11:00 PM

ကားပါကင် အကျယ်ကြီးရှိသလို.. ထူးထူးခြားခြား အရမ်းချွဲတတ်တဲ့ ငှက်လည်းရှိပါတယ် 🐦 တော်တော်ကို ချွဲတတ်တာပါ။ လှောင်အိမ်ထဲကနေ သူ့ကိုပွတ်ခိုင်းနေတာ ပိုစ့် မျိုးစုံနဲ့..အပြင်က လူက အရည်ပျော်ကျ 🫠

ဒီနေရာဟာ မိသားစုနဲ့ဖြစ်ဖြစ်၊ သူငယ်ချင်းတွေနဲ့ဖြစ်ဖြစ် Dinner စားဖို့ အရမ်းကောင်းသလို၊ အေးအေးဆေးဆေး စာဖတ်ချင်သူတွေ ဒါမှမဟုတ် အလုပ်လုပ်ချင်သူတွေအတွက်လည်း သင့်တော်ပါတယ်။ ညဘက်ဆိုရင်တော့ Live Music လေးပါ ရှိတတ်တာမို့ ပိုပြီး Romantic ဖြစ်တဲ့အခိုက်အတန့်လေး ရရှိစေမှာပါနော် …နော်🥰

#ဘန်ကောက်အစားအသောက်

11/04/2026

** 🍲 Yi Jia Mala Hotpot**🌶️
မာလာချစ်သူတွေအတွက် ရှယ်တန်ပြီး ရှယ်ရှယ်မိုက်တဲ့နေရာလေး!**

ဘန်ကောက်ရောက်ရင် မဖြစ်မနေစားသင့်တဲ့ (Stick hotpot)

🥰ဟင်းရည်အရသာ ၈ မျိုးလောက်အထိရှိပါတယ်။ လူကြိုက်အများဆုံးကတော့ Mala Original (မာလာအစပ်) နဲ့ Tomato Soup (ခရမ်းချဉ်သီးဟင်းရည်) ပါ။ အစပ်သိပ်မစားနိုင်ရင် ခရမ်းချဉ်သီး ဒါမှမဟုတ် အရိုးစွပ်ပြုတ်နဲ့ Mix လုပ်ပြီး (2-compartment pot) မှာယူလို့ရပါတယ်။ (Märy က Mala ပဲ ကြိုက်လို့ 1 potion pot) ပဲအမြဲ စားဖြစ်ပါတယ်။

🥰အစားအသောက်တွေက လည်နေတဲ့ စနစ်နဲ့ လာတာဆိုတော့ ကိုယ်ကြိုက်တာကို ယူရုံပဲ။ လတ်ဆတ်တဲ့ အသားလွှာတွေ၊ အသီးအရွက်တွေနဲ့ Meatballs မျိုးစုံ ရှိပါတယ်။ (Shrimp ball ကို စားဖြစ်အောင်စားခဲ့ပါ 😍)
ဆိုင်က အချိုးအစားအမှန်စပ်ပေးထားတဲ့ “Signature Sauce" ကနာမည်ကြီးပေမယ့် Märy က seafood sauce ပဲကြိုက်လို့ မစားခဲ့ပါဘူး…

💰 ဟင်းရည် (Soup): ၄၉ ဘတ် ကနေစပါတယ်။
ဆော့စ် (Sauce):၂၉ ဘတ် (စိတ်ကြိုက်စပ်လို့ရ)။
အသားချောင်းလေးတွေက ၅ ဘတ်၊ ၁၀ ဘတ် ကနေစပြီး ပန်းကန်အရောင်ပေါ်မူတည်ပြီး ၂၀၊ ၃၀၊ ၅၀ ဘတ် စသဖြင့် ရှိပါတယ်။

📍 (ဆိုင်ခွဲတွေ အများကြီးရှိလို့ Map မှာ “Yi Jia Hotpot လို့ ရိုက်ရှာ ပေးနော်)

⏰ Opening Hours
နေ့လယ် ၁၂:၀၀ ကနေ ညသန်းခေါင်အထိ ဖွင့်ပါတယ်။ (ဆိုင်ခွဲ အလိုက် အချိန်မတူလို့ မသွားခင် Map မှာ အရင် ကြည့်သွားနော် 🙆‍♀️)

ဒီဆိုင်က လူတော်တော်များတတ်လို့ ညနေစာစားချိန်သွားရင် ခဏစောင့်ရနိုင်ပါတယ်။ နည်းနည်းစောစောသွားရင်တော့ အေးအေးဆေးဆေး စားရတာပေါ့။
Mala Fanatic တွေဆိုရင်တော့ ဒီဆိုင်လေးက လုံးဝ လက်မလွှတ်သင့်တဲ့ နေရာလေးပါပဲလို့ ! 🥢🔥

#မာလာဟော့ပေါ့ #ဘန်ကောက်အစားအသောက်

10/04/2026

Noodle Noodle Märy လို ခေါက်ဆွဲ ကြိုက်တဲ့သူတွေရှိကြလား…???

ဘန်ကောက်မြို့က Union Mall ထဲမှာရှိတဲ့ Good Noodle ဟာ ခေါက်ဆွဲခြောက် (Instant Noodles) ကြိုက်သူတွေအတွက်တော့ နိဗ္ဗာန်ဘုံတစ်ခုလိုပါပဲ။ ကမ္ဘာ့အကြီးဆုံး Self-service ခေါက်ဆွဲဆိုင်ကြီးအဖြစ် လူသိများပြီး ခေါက်ဆွဲခြောက်အမျိုးအစားပေါင်း (၇၀) ကျော်ကို စိတ်ကြိုက်ရွေးချယ် စားသုံးနိုင်တဲ့ နေရာတစ်ခုဖြစ်ပါတယ်။

🍜 Good Noodle Bangkok က ဘာလို့ဒီလောက် နာမည်ကြီးတာလဲ?
Good Noodle ဆိုတာ ခေါက်ဆွဲခြောက်သီးသန့် ရောင်းတဲ့ Minimart နဲ့ Cafe ကို ပေါင်းစပ်ထားတဲ့ ပုံစံမျိုးပါ။ ထိုင်း၊ ကိုးရီးယား၊ ဂျပန်၊ တရုတ်၊ အင်ဒိုနီးရှားနဲ့ မလေးရှား နိုင်ငံတွေက နာမည်ကြီး ခေါက်ဆွဲထုပ်ပေါင်းများစွာကို တစ်နေရာတည်းမှာ စုစည်းပေးထားပါတယ်။

✨ ဘာတွေက ထူးခြားသလဲ ဆိုရင်
• ရိုးရိုးခေါက်ဆွဲတွေတင်မကဘဲ ရှားပါးတဲ့ အရသာတွေ၊ Limited Edition ထုပ်တွေကိုပါ ရနိုင်ပါတယ်။
• ကင်မိချီ၊ကြက်ဥ၊ ချိစ်၊ ဝက်အူချောင်း၊ ကဏန်းချောင်း၊ ဟင်းသီးဟင်းရွက်နဲ့ တခြား Toppings တွေကို ကိုယ့်စိတ်ကြိုက် ရွေးချယ်နိုင်ပါတယ်။ (Topping တွေက လည်း ၂၀ ဘတ်ပါပဲရှင်)
• ကိုးရီးယားစီးရီးထဲကလိုမျိုး ခေါက်ဆွဲပြုတ်စက် (Auto-cooking machine) တွေနဲ့ ကိုယ်တိုင် ပြုတ်စားရတာက အရမ်းကို စိတ်လှုပ်ရှားစရာ ကောင်းပါတယ်။

📝 ဘယ်လိုမျိုး စားရမလဲ? (Step-by-Step)
1. အရင်ဆုံး ခြင်းတောင်းယူပြီး စင်ပေါ်မှာရှိတဲ့ ခေါက်ဆွဲတွေထဲက ကိုယ်ကြိုက်တဲ့ တစ်ထုပ်ကို ရွေးပါ။
2.ရေခဲသေတ္တာထဲက ကိုယ်ကြိုက်တဲ့ အသား၊ အသီးအရွက် Toppings တွေကို ရွေးပါ။
3.Cashier မှာ ငွေရှင်းပါ။ ဆိုင်မှာတင် စားမယ်ဆိုရင် သူတို့က စက္ကူခွက်နဲ့ ဇွန်း၊ ခက်ရင်း ပေးပါလိမ့်မယ်။
(ခေါက်ဆွဲ တစ်ခါ ပြုတ်ပြီးရင် reused မရလို့ ၂ နှစ်စားမယ် ဆို တစ်ခါ တည်းပြုတ်နော်၊ အမျိုးအစား မတူတာ ခွဲ စားချင်ရင်တော့ ၂ ခွက်ဝယ်ရပါမယ်နော်။ တစ်ခွက် ၁၆ ဘတ်ပါရှင်။
4. ခေါက်ဆွဲနဲ့ အစာပလာတွေကို ခွက်ထဲထည့်၊ ပြုတ်စက်မှာ တင်လိုက်ရုံပါပဲ။ ခလုတ်တစ်ချက်နှိပ်ရုံနဲ့ ရေပူထွက်လာပြီး အချိန်ကိုလည်း စက်က အလိုအလျောက် သတ်မှတ်ပေးပါတယ်။

📍 https://maps.app.goo.gl/cKwZqKx5MUrEZgWeA?g_st=ic

• နေရာ: B Floor, Union Mall (Chatuchak နားမှာ ရှိပါတယ်)။
• ဖွင့်ချိန်: နေ့စဉ် မနက် ၁၁:၀၀ နာရီ ကနေ ည ၉:၀၀ နာရီအထိ။
• သွားလာရေး: * MRT: Phahon Yothin Station (Exit 5) ကနေ တိုက်ရိုက် သွားလို့ရပါတယ်။
• BTS: Ha Yaek Lat Phrao Station ကနေလည်း လမ်းလျှောက်သွားလို့ ရပါတယ်။

26/01/2026

ဘန်ကောက် Chinatown မှာ မဖြစ်မနေ စားရမယ့် Michelin အသိအမှတ်ပြု 🍜 Guay Jub Nai Ek ဆိုင်လေး အကြောင်းပြောပြချင်လို့ပါရှင်။

ဘန်ကောက်မြို့ရဲ့ နာမည်ကျော် Yaowarat (Chinatown) ကို ရောက်ရင် လူတန်းရှည်ကြီးနဲ့ ဆိုင်တစ်ဆိုင်ကို လမ်းဆုံနားမှာ မြင်ရပါလိမ့်မယ်။ အဲဒါကတော့ "Guay Jub Nai Ek" (จับนายเอ็ก) ပဲ ဖြစ်ပါတယ်။ ၁၉၆၀ ခုနှစ်ကတည်းက လက်တွန်းလှည်းလေးနဲ့ စတင်ခဲ့တဲ့ ဒီဆိုင်ဟာ အခုဆိုရင် Michelin Plate အသိအမှတ်ပြု ဆုတံဆိပ်ကိုပါ ရရှိထားတဲ့အထိ နာမည်ကြီးပါတယ်။

✨ ဘာကြောင့် ဒီလောက် နာမည်ကြီးတာလဲ?
ဒီဆိုင်ရဲ့ အဓိက လျှို့ဝှက်ချက်ကတော့ "ငရုတ်ကောင်းနံ့ သင်းပျံ့တဲ့ ဟင်းရည်ကြည်" ပဲ ဖြစ်ပါတယ်။ ထိုင်းနိုင်ငံမှာ ဟင်းရည်အနောက်နဲ့ အကြည်ဆိုပြီး နှစ်မျိုးရတတ်ပေမယ့် Nai Ek ရဲ့ ဟင်းရည်ကြည်ကတော့ ရှူးရှူးရှဲရှဲ ငရုတ်ကောင်းအရသာနဲ့ လူကို လန်းဆန်းသွားစေပါတယ်။

🍴 Recommend လုပ်ချင်တဲ့ Menu တွေကတော့…
၁။ Roll Noodles Soup (Guay Jub): ခေါက်ဆွဲလိပ်အဖတ်လေးတွေက နူးညံ့ပြီး စေးပိုင်နေတာပဲ။ ဟင်းရည်ထဲမှာ ဝက်သားလုံး၊ အသည်း၊ ကျောက်ကပ် စတဲ့ ကလီစာတွေအပြင် အဓိက ဇာတ်လိုက်ဖြစ်တဲ့ Crispy Pork (ဝက်ခေါက်ကင်) ပါဝင်ပါတယ်။ (Märy က ခေါက်ဆွဲမပါပဲ ဟင်းရည်သောက်တာများပါတယ်ရှင်)

၂။ Crispy Pork (Moo Krob): ဒီဆိုင်ရဲ့ ဝက်ခေါက်ကင်က တကယ်ကို နာမည်ကြီးပါတယ်။ အပြင်ခွံက ကြွပ်ရွနေပြီး အသားက နူးညံ့နေတာကြောင့် သီးသန့် တစ်ပွဲမှာစားသင့်တဲ့အထိ ကောင်းပါတယ်။

၃။ Pork Rib Soup: ဝက်နံရိုးကို နူးအိနေအောင် ချက်ထားတာဖြစ်ပြီး ငရုတ်ကောင်း ဟင်းရည်နဲ့ အင်မတန် လိုက်ဖက်ပါတယ်။

💡 ဆိုင်က လူအရမ်းများတတ်ပေမယ့် ဝန်ထမ်းတွေက မြန်ဆန်တာကြောင့် တန်းစီရတာ သိပ်မကြာလှပါဘူး (မိနစ် ၂၀-၃၀ ဝန်းကျင်) လောက်ပါပဲနော်…
* စျေးနှုန်း: ပုံမှန်အားဖြင့် တစ်ပွဲကို 60 - 150 Baht ဝန်းကျင်ရှိပါတယ်။ အရည်အသွေးနဲ့ ယှဉ်ရင် အရမ်းတန်ပါတယ်။
* ဖွင့်ချိန်: မနက် ၈ နာရီကနေ ညသန်းခေါင်အထိ ဖွင့်တာကြောင့် မနက်စာရော ညစာပါ စားလို့ရပါတယ်။

📍 ဘယ်လိုသွားရမလဲ?

https://maps.app.goo.gl/snmx6rF4F9d67cBeA?g_st=ic

MRT Wat Mangkon ဘူတာကနေ Exit 1 က ထွက်ပြီး ၅ မိနစ်လောက် လမ်းလျှောက်လိုက်တာနဲ့ Yaowarat လမ်းမပေါ်က ဒီဆိုင်ကို တွေ့ရပါလိမ့်မယ်။

👉Chinatown မှာ Street food တွေ အများကြီး စားချင်တယ်ဆိုရင် Nai Ek မှာ တစ်ယောက်တစ်ပွဲ အဝစားမယ့်အစား တစ်ပွဲကို နှစ်ယောက် ရှယ်စားပြီး တခြားဆိုင်တွေကိုပါ ပတ်စားဖို့ အကြံပေးချင်ပါတယ်👌

13/01/2026

🏮 Talat Noi က ဘန်ကောက်ရဲ့ ရှေးဟောင်းအငွေ့အသက်နဲ့ ခေတ်သစ်အနုပညာ ဆုံစည်းရာနေရာ တစ်ခုဖြစ်တဲ့ အတွက် စိတ်ဝင်စားတဲ့ သူတွေ သွားကြည့်သင့်ပါတယ်ရှင်..

ဘန်ကောက်မြို့ရဲ့ လူစည်ကားလှတဲ့ Chinatown (Yaowarat) နံဘေးတင်တင်မှာ တည်ရှိပေမဲ့၊ Talat Noi ကတော့ ပိုပြီးအေးချမ်းပြီး ထူးခြားတဲ့ ဆွဲဆောင်မှုတွေနဲ့ ပြည့်နှက်နေပါတယ်။ ဒီနေရာဟာ တရုတ်-ထိုင်း မျိုးနွယ်စုတွေ ရာစုနှစ်ပေါင်းများစွာ အခြေချနေထိုင်ခဲ့တဲ့ သမိုင်းဝင်ရပ်ကွက်တစ်ခုဖြစ်သလို၊ အခုအခါမှာတော့ Street Art ချစ်သူတွေနဲ့ Cafe Hopper တွေအတွက် မဖြစ်မနေသွားရမယ့် Hidden Gem တစ်ခု ဖြစ်နေပါပြီ။

✨ Talat Noi မှာ ဘာတွေရှိလဲဆို
• Street Art & Murals: ကျဉ်းမြောင်းတဲ့ လမ်းကြားလေးတွေထဲမှာ ရပ်ကွက်ရဲ့ လူနေမှုဘဝကို ဖော်ညွှန်းထားတဲ့ နံရံဆေးရေးပန်းချီတွေ အများကြီးရှိပါတယ်။ ဓာတ်ပုံရိုက်ရတာ ဝါသနာပါသူတွေအတွက် Paradise တစ်ခုပါပဲ။
• The "Engine Parts" Alley: ဒီရပ်ကွက်ရဲ့ ထူးခြားချက်က ကားအပိုပစ္စည်းအဟောင်းတွေ (Spare Parts) ကို တောင်လိုပုံထားတဲ့ ဆိုင်လေးတွေပါ။ ဒီအဟောင်းအပြင်တွေကြားထဲမှာ ဓာတ်ပုံရိုက်ရင် အရမ်းကို Raw ဖြစ်တဲ့ အမိုက်စား ပုံရိပ်တွေကို ရစေမှာပါ။
• So Heng Tai Mansion: အနှစ် ၂၀၀ ကျော် သက်တမ်းရှိပြီဖြစ်တဲ့ တရုတ်အိမ်တော်ကြီးပါ။ အခုတော့ သမိုင်းဝင်အဆောက်အအုံဖြစ်သလို ရေငုပ်သင်တန်းကျောင်းနဲ့ ကော်ဖီဆိုင်အဖြစ်လည်း ဖွင့်လှစ်ထားပါတယ်။
• Chow Sue Kong Shrine: ၁၇၉၇ ခုနှစ်ကတည်းက တည်ရှိခဲ့တဲ့ မြစ်ကမ်းနားက တရုတ်ဘုရားကျောင်းဖြစ်ပြီး၊ အရမ်းကို လက်ရာမြောက်လှပါတယ်။
☕ နားနားနေနေ ကော်ဖီသောက်မလား?
Talat Noi မှာ စတိုင်ကျတဲ့ ကော်ဖီဆိုင်လေးတွေ အများကြီးရှိပါတယ်။ လူကြိုက်အများဆုံးကတော့:
• Mother Roaster: အပိုပစ္စည်းဟောင်းတွေကြားထဲက လှေကားလေးအတိုင်း တက်သွားရင် တွေ့ရမယ့် အရသာရှိတဲ့ ကော်ဖီဆိုင်လေးပါ။
• Patina Bangkok: ရိုးရာအိမ်ဟောင်းလေးကို ပြုပြင်ထားတဲ့ ဒီဆိုင်လေးကတော့ Retro ဆန်ဆန် ခံစားချက်ကို ပေးပါလိမ့်မယ်။
•32 Bar က Tea လေးလည်း သောက်လို့ကောင်းသလို 965 Cafe ရဲ့ Decoration က ဗီယက်နမ်နိုင်ငံ ဟနွိုင်း (Hanoi) က ကော်ဖီဆိုင်လေးတွေအတိုင်း အရမ်းကို Aesthetic ဖြစ်ပါတယ်။ အဝါရောင်နံရံတွေ၊ အပင်စိမ်းစိမ်းလေးတွေနဲ့ ပေါင်းစပ်ထားလို့ ဓာတ်ပုံရိုက်ရင် ဗီယက်နမ်ရောက်နေသလို ခံစားချက်မျိုး ပေးစွမ်းနိုင်ပါတယ်။

📍 ဘယ်လိုသွားမလဲ?
• MRT: MRT Blue Line ရဲ့ Hua Lamphong Station ကနေ ဆင်းပြီး (၁၀) မိနစ်ခန့် လမ်းလျှောက်ရုံနဲ့ ရောက်နိုင်ပါတယ်။
• Boat: Chao Phraya Tourist Boat စီးပြီး Marine Department Pier (N4) မှာ ဆင်းရင်လည်း တိုက်ရိုက်ရောက်ပါတယ်။

https://maps.app.goo.gl/X2BxRVtN1yqVcK3YA?g_st=ic

04/01/2026

ဘန်ကောက်ရောက်ရင် မဖြစ်မနေစားသင့်တဲ့ Dim Sum ဆိုင်တွေထဲမှာ Tuang Dim Sum ကတော့ တစ်ခုအပါအဝင်ပေါ့နော်… ဒီဆိုင်လေးက ဘာကြောင့် ဒီလောက် နာမည်ကြီးရတာလဲဆိုရင်လေ ☘️

🥟 ဈေးနှုန်းသင့်တင့်ပြီး Five-Star အရသာပေးစွမ်းနိုင်တဲ့နေရာလေးပါ..

ဘန်ကောက်မြို့ရဲ့ လမ်းဘေးစာသောက်ဆိုင်လေးတစ်ခုကနေ နာမည်ကျော်သွားရတဲ့ Tuang Dim Sum ရဲ့ လျှို့ဝှက်ချက်ကတော့ Chef ပဲ ဖြစ်ပါတယ်။ ဒီဆိုင်ရဲ့ ပိုင်ရှင်က Chef Yip ဖြစ်ပြီး သူဟာ နာမည်ကြီး Shangri-La Hotel ရဲ့ Dim Sum Chef ဟောင်းတစ်ဦး ဖြစ်လို့ဟိုတယ်အဆင့်မီ အရသာကို လမ်းဘေးဈေးနှုန်းနဲ့ စားသုံးနိုင်တာက ဒီဆိုင်ရဲ့ အဓိက ဆွဲဆောင်မှုပါပဲ။

✨ မဖြစ်မနေ စားသင့်တဲ့ Menu တွေက
* Xiao Long Bao: အတွင်းထဲမှာ စွပ်ပြုတ်ရည်အချိုလေးပါတဲ့ ဒီပေါက်စီလေးက အရမ်း နာမည်ကြီးပါတယ်။
* Steamed Prawn Dumplings (Har Gao): ပုစွန်အကောင်လိုက်ပါပြီး အသားက အရမ်းလတ်ဆတ်ပါတယ်။
* Deep-fried Taro Puff: အပြင်က ကြွပ်ကြွပ်လေးနဲ့ အတွင်းက နူးညံ့တဲ့ အရသာက ရှယ်ပါပဲ။
*ကြက်ခြေထောက် ပေါင်းလေးလဲ မှာဖို့မမေ့နဲ့နော်…

📍☘️

https://maps.app.goo.gl/vv5FhpBrme2rBrYm8?g_st=ic

* တည်နေရာ: Charoen Krung Rd, Bang Kho Laem, Bangkok (Sathon နားမှာ ရှိပါတယ်)။
* သွားရောက်နည်း: BTS Saphan Taksin ဘူတာမှာ ဆင်းပြီး အငှားယာဉ် (Grab/Taxi) နဲ့ ၅ မိနစ်ခန့် ထပ်သွားရုံပါပဲ။ Bus ကား စီးသွားလဲ ရပါတယ်ရှင်။
💡 ဆိုင်က အရမ်းနာမည်ကြီးတဲ့အတွက် Queue စောင့်ရတတ်လို့ မနက်ပိုင်းသွားရင်တောင် လူတန်းစီရတတ်ပါတယ်။ (Waiting time ၁၅ မိနစ်ကနေ ၄၅ မိနစ်အထိ ရှိနိုင်ပါတယ်)။

🚫 တနင်္လာနေ့တိုင်းဆိုင်ပိတ်ပါတယ်ရှင်။

တခြား Dim Sum ဆိုင်တွေထက် ဈေးသက်သာပြီး တစ်ပွဲကို ၅၀ ဘတ် ဝန်းကျင်ကနေ စတင်ပါတယ်။

ဆိုင်က ၃ နာရီပိတ်လို့ အမှီရောက်အောင် သွားဖို့တော့ လိုပါတယ် ရှင်။ Dim Sum စားပြီးရင် Asiatique မှာ လမ်းသွားလျှောက်ဖို့လည်း မမေ့နဲ့နော် 🫶🏻

29/12/2025

ဘန်ကောက်မြို့ရဲ့ ရှုပ်ထွေးလှတဲ့ မြို့ပြအငွေ့အသက်တွေကြားမှာ အေးချမ်းပြီး အနုပညာရနံ့တွေနဲ့ ပြည့်နှက်နေတဲ့ The Artist's House ကို Märy က ခေါ်သွားပေးပါမယ်။☘️

🛶 The Artist's House (Khlong Bang Luang) – အနုပညာနဲ့ ရှေးဟောင်းယဉ်ကျေးမှု ဆုံစည်းရာနေရာ
ဘန်ကောက်မြို့၊ Thonburi ဘက်ခြမ်းက Khlong Bang Luang ချောင်းဘေးမှာ တည်ရှိတဲ့ The Artist’s House ဟာ နှစ်ပေါင်း ၂၀၀ ကျော် သက်တမ်းရှိတဲ့ ရှေးဟောင်းသစ်သားအိမ်ကြီး ဖြစ်ပါတယ်။ ဒီနေရာဟာ ခရီးသွားတွေကြားမှာတင်မကဘဲ ဒေသခံအနုပညာဝါသနာရှင်တွေကြားမှာပါ အရမ်းခေတ်စားတဲ့ "Hidden Gem" တစ်ခုပါရှင်။

✨ ထူးထူးခြားခြားလုပ်လို့ရတာလေးများလို့ပြောပြပေးမယ်နော်…

* ရှေးဟောင်း ရိုးရာရုပ်သေးပြပွဲရဲ့ အဓိကဆွဲဆောင်မှုကတော့ အနုပညာရှင်တွေ ကိုယ်တိုင် ကပြဖျော်ဖြေတဲ့ ရုပ်သေးပွဲပါ။ ပုံမှန်အားဖြင့် မွန်းလွဲ ၂ နာရီမှာ ပြသလေ့ရှိပေမယ့် ဗုဒ္ဓဟူးနေ့တိုင်း ပိတ်တတ်ပြီး ပွဲအချိန် ပြောင်းလဲနိုင်တာကြောင့် ကြိုတင်စုံစမ်းသင့်ပါတယ်။

✨ ကိုယ်တိုင်လုပ်ဆောင်လို့ရတဲ့ အနုပညာအလုပ်တွေလည်း အများကြီးရှိပါတယ်။

* ပုတီးစေ့လေးတွေနဲ့ လက်ပတ်၊ ဆွဲကြိုးလုပ်ခြင်း (DIY Jewelry)
* မျက်နှာဖုံး ဆေးရောင်ခြယ်ခြင်း (Mask Painting)
* ကမ်းနားဘေးမှာ ထိုင်ပြီး ပန်းချီဆွဲခြင်း
* အေးချမ်းတဲ့ ကမ်းနားမြင်ကွင်းဖြစ်တဲ့ ချောင်းဘေးက သစ်သားစင်္ကြံမှာ ထိုင်ပြီး ငါးစာကျွေးရင်း၊ ကော်ဖီသောက်ရင်း ဘန်ကောက်ရဲ့ ရိုးရာလူနေမှုပုံစံကို ခံစားနိုင်ပါတယ်။ ရှေးဟောင်း စေတီဖြူကြီးတစ်ဆူလည်း အိမ်ဝင်းထဲမှာရှိတာကြောင့် ဓာတ်ပုံရိုက်ရတာ အလွန်လှပပါတယ်။ တော်တော်လေး အေးချမ်းတဲ့နေရာလေးတစ်ခုပါရှင်။
*လက်လုပ် ပို့စကတ်တွေ၊ ပန်းချီကားတွေနဲ့ ထူးခြားတဲ့ အမှတ်တရပစ္စည်းလေးတွေကို ဈေးနှုန်းချိုသာစွာ ဝယ်ယူနိုင်ပါသေးတယ်။

✨နောက်ထပ် လုပ်လို့ရတာလေးရှိသေးတယ် ..😉
The Artist's House (Khlong Bang Luang) ကနေ Wat Arun (Temple of Dawn) ကို Longtail Boat နဲ့ သွားလို့ရတာဘန်ကောက်ရဲ့ အလှပဆုံး မြစ်ကြောင်းခရီးစဉ်တစ်ခုဖြစ်စေမှာပါ။ သာမန်လမ်းမပေါ်ကသွားတာနဲ့ မတူဘဲ Thonburi ရဲ့ မြောင်းငယ် (Klong) လေးတွေကနေ Chao Phraya မြစ်မကြီးထဲကို ထွက်ခွာရတဲ့ "အတွေ့အကြုံသစ်" ကို လည်းရနိုင်ပါတယ်။ အချိန် ၁ နာရီမှ ၁ နာရီခွဲခန့် ကြာနိုင်ပြီး သီးသန့် (Private Boat) ငှါးရင် တစ်စီးလုံးကို ၁,၀၀၀ မှ ၂,၀၀၀ ဘတ် ဝန်းကျင် ကျသင့်နိုင်ပါတယ်။ (လူဦးရေ ၄-၆ ယောက်အထိ စီးလို့ရတာမို့ အဖွဲ့လိုက်ဆိုရင် ပိုတန်ပါတယ်)။
တစ်ချို့ အေဂျင်စီတွေမှာ လူတစ်ဦးလျှင် ၅၀၀ မှ ၁၀၀၀ ဘတ် ဝန်းကျင်နဲ့ Join Tour ပုံစံမျိုးလည်း ရှိပါတယ်။

📍The Artist’s House ကို သွားရတာ နည်းနည်းဝေးပေမယ့် အမှတ်တရတွေ အများကြီးဖန်တီးလို့ရတဲ့နေရာလေးပါရှင်။ ဘေးနားမှာ ချစ်ရတဲ့သူပါရင် ပိုပြည့်စုံတာပေါ့နော်။ 🫠
* MRT: MRT (Blue Line) စီးပြီး Bang Phai Station (Exit 4) မှာ ဆင်းပါ။ အဲဒီကနေ Soi Phet Kasem 20 လမ်းထဲကို ခြေကျင် (၁၀ မိနစ်ခန့်) လျှောက်သွားနိုင်သလို၊ ဆိုင်ကယ်ကယ်ရီ နဲ့လည်း သွားနိုင်ပါတယ်။
💡နေ့စဉ် မနက် ၁၀ နာရီမှ ညနေ ၆ နာရီအထိဖွင့်ပါတယ်။
* ဝင်ကြေး အခမဲ့ဖြစ်သော်လည်း အနုပညာလှုပ်ရှားမှု (workshop) တွေအတွက် ပစ္စည်းဖိုး ပေးရပါတယ်။ Märy က လက်ကောက်လေးအတွက် ၁၅၀ ဘတ် ပေးပြီး ကိုယ်တိုင် လုပ်လာတာပါရှင်။
* စနေ၊ တနင်္ဂနွေနေ့တွေမှာ လူစည်ကားတတ်တာကြောင့် ပိုပြီးအေးအေးဆေးဆေးဖြစ်ချင်ရင် ကြားရက်တွေမှာ သွားဖို့ အကြံပေးချင်ပါတယ်။

📍☘️
https://maps.app.goo.gl/P66hLxbYXzvMvnbC7?g_st=ic

#

24/12/2025

ဒီဇင်ဘာပိတ်ရက်တွေမှာ အေးအေးဆေးဆေး နေရာတစ်ခု ရှာနေတယ် ဆို 🏝️ Koh Si Chang ကျွန်းပဲပေါ့ရှင်…. (Märy အကြိုက်ဆုံး နေရာလေးတစ်ခုပေါ့🫠)

ဘန်ကောက်မြို့နဲ့ မနီးမဝေးမှာရှိတဲ့ Koh Si Chang (ကိုစီချန်း) ကျွန်းက သမိုင်းဝင်အဆောက်အအုံတွေ၊ လှပတဲ့ပင်လယ်ရှုခင်းတွေနဲ့ အေးချမ်းတဲ့လေထုကြောင့် Weekend ခရီးတိုသွားချင်သူတွေအတွက် အသင့်တော်ဆုံးနေရာတစ်ခု ဖြစ်ပါတယ်။

🏝️ Koh Si Chang (ကိုစီချန်း) ကျွန်းအကြောင်း လေးပြောပြချင်ပါတယ်။
Koh Si Chang ဟာ ချောင်ဘူရီ (Chonburi) ခရိုင်၊ သီရာချာ (Si Racha) မြို့အနီးမှာ တည်ရှိပါတယ်။ ထိုင်းဘုရင် Rama V လက်ထက်က နွေရာသီ အပန်းဖြေနန်းတော် တည်ရှိခဲ့တဲ့ နေရာဖြစ်လို့ အခြားကျွန်းတွေနဲ့မတူဘဲ သမိုင်းဝင်အငွေ့အသက်တွေ ပြည့်နှက်နေပါတယ်။

✨ သွားကြည့်ရမယ့်နေရာတွေက အရမ်းမများပေမယ့် ကျွန်းရဲ့ တစ်ဖက်စီ ဆိုတော့ အများစု ဓာတ်ပုံ ရိုက်ကြတဲ့ နေရာတွေအပြင် စိတ်ဝင်စားစရာ နေရာတွေလဲ ရှိပါသေးတယ်ရှင်။

* Phra Chudadhut Palace (နန်းတော်ဟောင်း): Rama V ဘုရင်မင်းမြတ် တည်ဆောက်ခဲ့တဲ့ နန်းတော်ဟောင်းနေရာ ဖြစ်ပါတယ်။ အခုအခါမှာတော့ လှပတဲ့ ဥယျာဉ်တွေ၊ ပြတိုက်တွေနဲ့ Asdang Bridge လို့ခေါ်တဲ့ ပင်လယ်ထဲကို ထိုးထွက်နေတဲ့ အဖြူရောင် တံတားရှည်ကြီးဟာ ဓာတ်ပုံရိုက်ဖို့ အကောင်းဆုံးနေရာ ဖြစ်ပါတယ်။

* Chong Khao Khat: ကျွန်းရဲ့ အနောက်ဘက်ခြမ်းမှာရှိပြီး နေဝင်ချိန်ကြည့်ဖို့ အလှဆုံးနေရာ ဖြစ်ပါတယ်။ ကျောက်ဆောင်တွေကြားက လမ်းလျှောက်လမ်းလေးကနေ ပင်လယ်ပြင်အလှကို တဝကြီး ခံစားနိုင်ပါတယ်။ အဲ့မှာ ကြောင်ကလေးတွေလည်းရှိပြီး အစာလဲ ကျွေးလို့ရလို့ ကျွေးခဲ့ပါနော်)

* Chao Pho Khao Yai Shrine: တရုတ်စတိုင် ဘုရားကျောင်းဖြစ်ပြီး တောင်ကုန်းပေါ်မှာ တည်ရှိပါတယ်။ ကျွန်းသူကျွန်းသားတွေ အလွန်ကြည်ညိုကြသလို အပေါ်စီးကနေ ကျွန်းရဲ့ မြင်ကွင်းကိုလည်း လှမ်းမြင်ရပါတယ်။

*Mondop Roi Phraphuttabat လို့ခေါ်တဲ့ ဗုဒ္ဓခြေတော်ရာရယ် စေတီရယ် ရှိတဲ့ နေရာရှိပါသေးတယ်။ ဘုရားကျောင်းရဲ့ ဘေးမှာ ရှိပြီး တစ်ကျွန်းလုံးကို မြင်ရတဲ့ တောင်မို့လို့ ရောက်အောင်တက်ခဲ့ကြပါ.. အပေါ်မှာ ကျောက်ခဲလေးတွေနဲ့ ဆုတောင်းတဲ့ နေရာလေးရှိပါတယ်..

* Tham Phang Beach: ဒီကျွန်းမှာ ရေကူးလို့အကောင်းဆုံးနဲ့ အလှဆုံး ကမ်းခြေတစ်ခု ဖြစ်ပါတယ်။ သဲသောင်ပြင်မှာ အပန်းဖြေရင်း ပင်လယ်စာ စားလို့ရပါတယ်။ အဲ့မှာ ရှိတဲ့ ကော်ဖီဆိုင်လေးမှာ ထိုင်ပြီး ပင်လယ်ပြင်ကြီးကိုငေးရတာလဲ vibe တစ်ခုပါပဲ…

*Photospot နေရာအနေနဲ့ Tham Talu Cave နဲ့ The Wang beach မှာ ဓာတ်ပုံရိုက်လို့ရပါတယ်…

🛵 ☘️
ကျွန်းပေါ်ရောက်ရင် သွားလာဖို့အတွက် နည်းလမ်း (၂) ခု ရှိပါတယ်။
* Skylab (သုံးဘီးဆိုင်ကယ်): ကျွန်းရဲ့ ထူးခြားချက်တစ်ခုဖြစ်တဲ့ သုံးဘီးဆိုင်ကယ်လေးတွေကို ငှားပြီး လည်ပတ်နိုင်ပါတယ်။ (တစ်နေ့တာ လည်ပတ်ခ အကြမ်းဖျင်း ၂၅၀ - ၅၀၀ ဘတ် ဝန်းကျင်ရှိတတ်ပါတယ်။)

* Motorbike Rental: ကိုယ်တိုင် မောင်းနှင်ချင်သူတွေအတွက် ဆိုင်ကယ်ငှားလို့ ရပါတယ်။ (တစ်နေ့ ၂၅၀ - ၃၀၀ ဘတ် ဝန်းကျင်)

⛴️ သွားရောက်နိုင်သည့် နည်းလမ်း
* Bangkok မှ Si Racha သို့: Ekkamai သို့မဟုတ် Mo Chit ကားဂိတ်ကနေ Si Racha ကို ကားစီးရပါမယ် (၂ နာရီဝန်းကျင် ကြာပါတယ်။) Märy ကတော့ Ekkamai Bus Station က သွားတာ ၁၃၀ ဘတ် ပါ)

* Pier (ဆိပ်ကမ်း): Koh Loy Pier ကို သွားပြီး ကျွန်းကူးသင်္ဘော စီးရပါမယ်။

* Ferry: သင်္ဘောခမှာ တစ်ဦးလျှင် ၆၀ ဘတ် သာ ကျသင့်ပြီး ၄၅ မိနစ်ခန့် စီးရပါတယ်။ (သင်္ဘောက မနက် ၇ နာရီကနေ ည ၇ နာရီအထိ တစ်နာရီတစ်စီး ပုံမှန်ရှိပါတယ်။)

💡 ☘️
* ဒီကျွန်းဟာ Pattaya လိုမျိုး အရမ်းစည်ကားတဲ့ နေရာမဟုတ်ဘဲ အေးအေးဆေးဆေး ရှိတာကြောင့် Slow Life ကြိုက်သူတွေအတွက် ပိုသင့်တော်ပါတယ်။
* ဘန်ကောက်ကနေ မနက်သွား ညပြန် (Day Trip) သွားလို့ရသလို၊ တစ်ညအိပ် တည်းခိုပြီး အပန်းဖြေဖို့လည်း အရမ်းကောင်းပါတယ်။ ( အချိန်ရရင် တစ်ည အိပ်စေချင်ပါတယ်.. ညဘက် ကမ်းဘေးက ဆိုင်တွေမှာ dinner စားရတဲ့ vibe နဲ့ မနက်အစောကြီး ဆိုင်ကယ်ထစီးရတဲ့ vibe က တော်တော်ကို လန်းဆန်းစေတာပါရှင်။)
Märy တည်းခဲ့တဲ့ hotel က တစ်ည ၁ ထောင်ကျော်နဲ့ တော်တော်လေးအဆင်ပြေခဲ့ပါတယ်။ ၂ရက်လုံးစာ ဆိုင်ကယ် ကို ၃၀၀ နဲ့ ငှါးပေးခဲ့သေးတယ်ပေါ့နော်။ တစ်ခုပဲ hotel က Eng လိုမရတော့ အလစ်တဲလေးတော့ အခက်အခဲရှိတယ်။ ဒေသခံတွေမို့လို့လားပဲ Google Translate နဲ့ပြလဲ သိပ်နားမလည်ကြပါဘူး။ ဒါပေမယ့် အခန်းမကြိုက်လို့လဲ ခိုင်းတာ၊ ဆိုင်ကယ်ငှါးခိုင်းတာ၊ အပြန်တုတ်တုတ်ငှါးခိုင်းတာ အကုန်လုံး လက်ညိုးနဲ့ ဟိုထိုးဒီထိုး လုပ်ပြီး အဆင်ပြေလာပါတယ်။😆 သဘောလဲ ကောင်းကြပါတယ်ရှင်။

https://maps.app.goo.gl/iFZh1KUjNwZuSm8R7?g_st=ic

19/12/2025

🔥 သောကြာနေ့ညမှာ ဘီယာသောက်မှာလား ☺️အမြည်းစားမှာလား 🙄

ကိုယ်တွေလို အမြည်းကြိုက်တဲ့ အဖွဲ့က သက်သက်ကိုရှိတာ ဆိုတော့🤣
🌶️ ตำ 20 (Tam 20) ဆိုင်လေးကို sharing လုပ်ပေးချင်ပါတယ်။

ဘတ် ၂၀ ထဲနဲ့ ဒီလောက်ရှယ်စားရမယ်လို့ ဘယ်သူထင်ထားမှာလဲနော့်? ตำ 20 (Tam 20) ဆိုင်ဟာ ဆိုရင် အရသာကလည်း ရှယ်၊ ဈေးနှုန်းကလည်း အင်မတန်-တန်လို့ အမြည်းကောင်းကောင်းစားချင်တဲဲ့ သူတွေသွားသင့်တဲ့ ဆိုင်လေးတစ်ခုပါပဲ။

✨ ဘာကြောင့် သွားစားသင့်တာလဲဆိုတော့လေ…
ဆိုင်ရဲ့ နာမည်အတိုင်းပဲ သင်္ဘောသီးသုပ် (Som Tum) အမယ်တော်တော်များများကို ၂၀ ဘတ်တည်းနဲ့ စတင်မြည်းစမ်းနိုင်မှာပါ။

✨ မီနူးလည်းတော်တော်စုံပါတယ်နော်။ သင်္ဘောသီးသုပ် အမျိုးမျိုးတင်မကဘဲ အကင်၊ အကြော်နဲ့ ဟင်းချို (Tom Yum) အမျိုးမျိုးကိုလည်း မှာယူနိုင်ပါတယ်။ ယိုဒယား အရသာစစ်စစ် (စပ်စပ်၊ ချဉ်ချဉ်၊ ငံငံ) ကို ရှာနေသူတွေအတွက် အကြိုက်တွေ့စေမယ့် နေရာပါ။

Märy သွားစားခဲ့တဲ့ ဆိုင်လေးက Don Mueang နားကဆိုင်လေးဖြစ်ပြီး ကျယ်လည်းကျယ်ပါတယ်။ သူက Indoor Band နဲ့ လည်းထိုင်လို့ရသလို Outdoor မှာ အေးဆေး Chill လို့ရပါတယ်။ တခြားဆိုင်ခွဲတွေမှာတော့ Menu တူပေမယ့် ဆိုင်နေရာအလိုက် အပြင်အဆင်တော့ကွာမယ်ထင်တယ်။ ဒီ ဆိုင်လေးမှာ သွားစားဖြစ်ရင်လေ ဆိုင်ရှေ့မှာ ရောင်းတဲ့ ပုဇွန်ခေါင်းနဲ့ ပိုးကောင်ကြော်လေးတွေ မဖြစ်မနေ ဝယ်စားကြည့်ခဲ့နော်။ သူလဲ တစ်ပွဲ ၂၀ နဲဲ့ ထိမိဂွိ 🤤

📍👇
https://maps.app.goo.gl/H9yrqiwJtUjHR77v5?g_st=ic

ဆိုင်ဖွင့်ချိန်က ပုံမှန်အားဖြင့် မနက် ၁၀၊ ၁၁ နာရီကနေ ညပိုင်း ၁၂ လောက် အထိ ဖွင့်ပါတယ်။တခြားဆိုင်ခွဲရဲ့ map link တွေရှာလို့တွေ့သလောက်ထည့်ပေးပါမယ်ရှင်။ နီးစပ်ရာဆိုင်ကို Google Map မှာ (ตำ 20, Tam 20, Tum 20) တစ်မျိုးမျိုးဖြင့်ရိုက်ရှာလို့ရပါတယ်ရှင်။

📍Lak Si : https://maps.app.goo.gl/bGwmtmZ5G4c6d82f9?g_st=ic

📍Bang Khen : https://maps.app.goo.gl/3qucVKJz2MkngyTD9?g_st=ic

📍Sai Mai : https://maps.app.goo.gl/pjiLMfDrsLwL5ktr7?g_st=ic

📍 Huai Khwang : https://maps.app.goo.gl/21mBbCFXa3YExMyj6?g_st=ic

📍Phaya Thai : https://maps.app.goo.gl/dRRzqD88ih7fdaLC8?g_st=ic

📍 Onnut : https://maps.app.goo.gl/avbAkP7hrqsneExU8?g_st=ic

17/12/2025

🥩 ဘန်ကောက်က တကယ်တန်တဲ့ ကိုရီးယား ဘူးဖေး ဆိုင်လေး “Nene Korean BBQ Buffet”

ဘန်ကောက်မှာ အရသာလည်းရှိ၊ စျေးလည်းတန်တဲ့ ကိုရီးယားအကင် Buffet ရှာနေတယ်ဆိုရင် Nene BBQ ပါပဲ။ အသားတင်မကဘူး ကိုရီးယား street food တွေပါ စုံလင်လွန်းလို့ ဗိုက်ကားဖို့သာ ပြင်ထားလိုက်တော့! ဘာကြောင့် တန်တာလဲ ဆို အချိန် မကန့်သတ်ထားလို့ပါပဲ 🫠

(✨Promotion ရတဲ့အချိန်ဆို အချိန် (၂)နာရီ ကန့်သတ်ထားပါတယ်။ အခု 499 set ကို 399 နဲ့ discount ချထားပြီ 299 set ကို Seafood နဲ့ တွဲယူရင် အချိန် (၂)နာရီ ပေးထားပါတယ်)။ Dec လ အကုန်ထိပဲ မို့ အမှီလေး Join ထားကြနော်)

သူရဲ့ Package လေးတွေ ရှင်းပြပေးမယ်နော် 🤗
စျေးနှုန်းက (၃) မျိုးရှိပြီး ကိုယ်စားနိုင်သလောက် ရွေးလို့ရပါတယ်။

👉 199 Baht: အကင်မပါဘဲ ကိုရီးယားဟင်းလျာ (Side dishes/Street food) တွေကိုပဲ ဝဝလင်လင် စားချင်သူများအတွက်။
👉 299 Baht: အကင် (ဝက်သား + ကြက်သား) နဲ့ ဟင်းလျာအားလုံး ပါဝင်တဲ့ လူကြိုက်အများဆုံး Package ပါ!
👉499 Baht: အသားတွေအပြင် ပင်လယ်စာ (Seafood) တွေပါ ထပ်တိုးချင်ရင် ယူလို့ရပါတယ်။

(ရေခဲမုန့်နဲ့ အချိုရည် Refill အတွက် 50 Baht ထပ်ပေးရပါတယ်ရှင်)

🔥 Märy အကြိုက်ဆုံးကတော့
Korean ကြက်ကြော်၊ ကင်မ်ချီ နဲ့ ပင်လယ်စာ ပန်ကိတ် ပါ 🤤
ကင်မ်ချီကလေ တကယ်လတ်ဆတ်တာပါ။ အများကြီး လဲ စားခဲ့တယ် 🥹

📍(Locations)
ဘန်ကောက်မှာ ဆိုင်ခွဲ (၃) ခုရှိလို့ ကိုယ်နဲ့နီးတဲ့ဆီ သွားလို့ရပါတယ်။
Rama 9 (Ratchada Soi 3): MRT Phra Ram 9 နဲ့ နီးပါတယ်။
https://maps.app.goo.gl/hQ4tVZSKz8ae1hJ7A?g_st=ic
Rama 4 (Suan Plern Market): Channel 3 ရုံးရှေ့နားမှာပါ။
https://maps.app.goo.gl/rdubsQ9BwoTsoqoV7?g_st=ic
Rangsit: Future Park Rangsit နားမှာပါ။
https://maps.app.goo.gl/VT15PhESiLAeuCuP9?g_st=ic

#

14/12/2025

🌳 “သစ်တောရှိမှ ကော်ဖီရှိမည်"

Coffee လေးသောက်ပြီး သဘာဝအတိုင်း အပန်းဖြေအနားယူနိုင်သည့် နေရာတစ်ခု ရှာနေတယ်ဆို MiVana Organic Forest Coffee Shop လေးရှိတယ်နော်။ သူ့ နာမည်လေး ရဲ့ အဓိပ္ပာယ်လေးအတိုင်း သစ်တောအရိပ်အောက်မှာ ကော်ဖီလေးသောက်ကြရမယ်။ စိုက်ပျိုးရေးနှင့် သဘာဝပတ်ဝန်းကျင်ကို ထိန်းသိမ်းထားသင့်တဲ့ရည်ရွက်ချက်နဲ့ ဖွင့်ထားပြီး ဓာတ်ပုံရိုက်လို့ လှတဲဲ့ နေရာလေးတစ်ခုပေါ့ရှင်။

Location: Premier Corporate Park, Soi Srinagarindra 57, Nong Bon, Prawet, Bangkok 10250, Thailand.
Paradise Park Shopping Mall အနီးမှာရှိပါတယ်ရှင်။

BTS station: MRT Yellow Line, Suan Luang Rama 9 Station

👇
https://maps.app.goo.gl/77rhHKobupRfqz7J8?g_st=ic

Mary's Day

24/04/2026

11/04/2026

10/04/2026

26/01/2026

13/01/2026

04/01/2026

29/12/2025

24/12/2025

19/12/2025

17/12/2025

14/12/2025

ที่อยู่

เว็บไซต์

แจ้งเตือน

ทางลัด

แชร์

ประเภท