18/10/2025
စားတော်ပဲပြုတ်နည်းလေးတင်ပေးပါဆိုလို့
၁။စားတော်ပဲကို ခဲသဲအဖျင်းအပိန်ရွေးသန့်စင်ပြီး ရေတညစိမ်ပါ။
၂။နောက်တနေ့ ရေဆေးပြီး ဇကာထဲရေစစ်ပါ။
၃။ရေစစ်ထားသောပဲပေါ်တွင်အဝတ်ထူထူဖြင့်ဖုံးပြီး နေရောင်တိုက်ရိုက်မကျသောနေရာတွင်ထားပြီး ပဲအညောင့်ဖောက်ပါ။ အညှောင့်ဖောက်နေစဉ် နေ့စဉ်ရေဖြန်းပေးရပါမည်။ အဝတ်ရေစိုရုံဖြန်းပါ၊ ရေများပါက ပဲပုပ်သွားတတ်ပါသည်။ ၂ရက်ခန့်ဆိုလျှင် အနေတော်ဖြစ်ပါပြီ။
၄။ အညောင့်ဖောက်ထားသောပဲများကို ရေဖြင့်အသာအယာခပ်ဖွဖွဆေးပါ။ ရေအရောင်ကြည်သည်အထိ အသာအယာလှုပ်ဆေးပါ။
၅။ ပြုတ်မည့်အိုးထဲသို့ ပဲထည့်ပြီး ရေကိုပဲတဝက်ခန့်သာမြုတ်အောင်ထည့်ပါ။
၆။ အရောင်အတွက် ကြာညို့/ထန်းညက်ထည့်ပါ။
၇။ ဆော်ဒါ လက္ဘက်ရည်ဇွန်းအဖျားဖြင့်တဝက်ခန့်ထည့်ပါ(ပဲစိမ်းနို့ဆီတဘူးအချိုးအတွက်)
၈။ မီးအေးအေးဖြင့် ၄၅မိနစ်ခန့်ပြုတ်ပါ။ မီးမပြင်းရ။ မီးပြင်းပါကပဲဂျွမ်းထိုးပြီး ပဲအခွံကျွတ်တတ်သည်။ ပဲမနပ်ဘဲတူးတတ်သည်။
၉။ ပဲအိုးပွက်လျှင်ဆားအနည်းငယ်ထည့်ပါ။
၁၀။ ပဲအိုးကို ဇွန်းဖြင့်ကြမ်းကြမ်းမမွှေရပါ။ အိုးကိုခလောက်ကာ အသာအယာအပေါ်အောက်လှန်ပေးနိုင်သည်။ ရေခန်းခါနီးအထိပဲမနပ်သေးလျှင် ရေနွေးအနည်းငယ်ဖြန်းပေးပါ။
၁၁။ပဲစေ့ကိုလက်ဖြင့်ဖိကြည့်လို့ရလျှင် မီးလျော့ပြီးသူ့အငွေ့နှင့်သူနှပ်ထားပါ။ ပြီးလျှင် လိုသလိုစားသုံးနိုင်ပါပြီ။
#စားတော်ပဲပြုတ်နည်း
