เว็บไซต์คืออะไร?

https://www.facebook.com/2292906534116336/

YP Learning Center ကွန်ပျုတာကို ခိုင်းစားမယ့်လူသား, Chiang Mai (2025)

21/09/2025

အသက် ၁၃ နှစ်နဲ့အထက် teenagers တွေအတွက် သင်္ချာဘာသာစကားကို Python programming language နဲ့ သင်ကြားပေးတဲ့အတန်းလေး ဖွင့်ပေးပါအုန်းမယ်။ AI ခေတ်မှာ လုပ်ငန်းခွင်ဝင်ရမယ့် ကလေးတွေအတွက် English ဘာသာစကားအပြင် programming language နဲ့ သင်္ချာဘာသာစကားကိုပါ ကျွမ်းကျွမ်းကျင်ကျင် တတ်မြောက်ထားဖို့ လိုအပ်လာပါတယ်။

နိုင်ငံတကာကျောင်းတွေမှာလည်း programming language အပြင် သင်္ချာဘာသာစကားကိုပါ အထူးအလေးထားသင်ကြားလာကြပါတယ်။ သင်္ချာက သိပ္ပံဘာသာရပ်တွေမှာ မရှိမဖြစ်လိုအပ်နေရာကနေ အခုလို AI တွေ ထွန်းကားလာတဲ့ခေတ်မှာတော့ ဘာသာရပ်တိုင်းအတွက် မရှိမဖြစ်လိုအပ်ချက်တခုဖြစ်လာပါတော့တယ်။ ကိုယ့်ဆီမှာ လာတက်နေကြတဲ့ ကလေးတွေထဲမှာ နိုင်ငံတကာကျောင်းတွေမှာ တက်နေကြပြီး သင်္ချာဘာသာစကားကို အခက်အခဲရှိကြလို့ အပြင်သင်တန်းမှာ လိုက်တက်နေကြတဲ့သူတွေ ရှိကြပါတယ်။

တချို့မိဘတွေက ကလေးကို သိပ္ပံပညာရပ်တွေမှာ ထူးချွန်စေချင်တော့ သင်္ချာဘာသာသစကားကို အထူးတလည်တတ်ကျွမ်းစေချင်လို့ လာထားကြတာလည်း တွေ့ရပါတယ်။ အခုလာမယ့် Oct 4 မှာ Sat, Sun အတန်းလေးစပါမယ်။ ထိုင်းအချိန် ညနေဘက် 3:00-5:00 PM ပါ။ သေသေချာချာ ဂရုစိုက်နိုင်အောင်လို့ တတန်းကို ငါးယောက်ပဲလက်ခံတာမို့ တက်မယ်ဆိုရင် စောစောလေး လာအပ်ထားကြပါ။

20/09/2025

အခုခေတ်က AI ခေတ်ဖြစ်နေတော့ Machine Learning ကို လေ့လာချင်သူတွေများပါတယ်။ တချို့ကျတော့လည်း AI တွေ အစွမ်းထက်လာရင် programming သင်ဖို့မလိုတော့ဘူးလို့တောင်ပြောလာကြတယ်။ တကယ်လိုသလား မလိုဘူးလား ဒီလုပ်ငန်းခွင်မှာ ကျင်လည်နေကြသူတွေအားလုံးသိကြပါတယ်။ အခုဆို အခြေခံပညာမှာတောင် programming ကို ထည့်သွင်းသင်ကြားလာကြပါပြီ။

7 Languages and CS50 ကို သင်ပေးလာတာ ကြာလှပါပြီ။ နိုင်ငံတကာက ကျောင်းသားပေါင်းများစွာကို Machine Learning လေ့ကျင့်သင်ကြားပေးဖို့အတွက် အခြေခံအနေနဲ့ သင်ပေးနေတာပါ။ ဒီအတန်းတက်ပြီးမှ Machine Learning module one, module two တွေ ဆက်သင်ပေးပါတယ်။ နိုင်ငံတကာမှာ Master, PhD တက်နေတဲ့ ကျောင်းသားလည်း project ရေးတော့မယ်ဆိုရင် ဒီလမ်းကြောင်းအတိုင်းပဲ လိုက်တက်ရပါတယ်။

လူကြီးအတန်းမို့လို့ အသက် ၁၈ ကျော်ပြီးသားတွေကိုပဲ လက်ခံပါတယ်။ တချို့မိဘတွေက ကိုယ့်ကလေးကို အရမ်းဖြစ်စေချင်တော့ 7 Languages and CS50 ကို လာအပ်ကြတာမျိုးရှိလို့ပါ။ သင်ပေးရတာ မခက်ပေမယ့် ကလေးတွေအတွက်က ငယ်တုန်းမှာ သင်္ချာဘာသာစကားကိုသာ အဓိကထားစေချင်လို့ပါ။ တချို့ Computer Science တက္ကသိုလ်တက်မယ့်ကလေးတွေဆိုရင်တော့ သင်ပေးပါတယ်။

အခုလာမယ့် Oct, 4 မှာ အတန်းသစ်ဖွင့်ပါအုန်းမယ်။ ထိုင်းအချိန် ညဘက် 8:00 - 10:00 PM (Sat, Sun) ပါ။ ရုံးချိန် ကျောင်းချိန်အလွတ်မို့လို့ တက်ချင်သူတွေ အတန်းအပ်လို့ရပါပြီ။

13/09/2025

အသက် ၁၃/၁၄ အရွယ်ကလေးတွေကို Python programming language ကို အသုံးချပြီး သင်္ချာဘာသာစကားကို သင်ပေးတာ လိုက်နိုင်ကြတယ်။ English 4 skills ကို အခက်အခဲမရှိ လေ့လာနိုင်ကြတဲ့ မျိုးဆက်ဖြစ်တဲ့အတွက် နည်းမှန် လမ်းမှန်နဲ့သာ ပြုစုပျိုးထောင်ပေးနိုင်ရင် STEM education လို့ခေါ်တဲ့ Science, Technology, Engineering, Mathematics ဘာသာရပ်တွေကို လွယ်လွယ်ကူကူ ချဥ်းကပ်သွားနိုင်ပါမယ်။

လေ့လာစူးစမ်းမှုကောင်းတဲ့အရွယ်ဆိုတော့ formula တွေ coding တွေကို ခဏလေးနဲ့လိုက်နိုင်ကြပါတယ်။ အဲ့ဒီ formula တွေ coding တွေကို လက်တွေ့သင်ခန်းစာ နမူနာတွေနဲ့ ဆက်စပ်လေ့လာတဲ့အချိန်ကျတော့မှ concept building ကို လုပ်ကြရပါတယ်။ ဥပမာမယ် linear function f(x) = mx + b ကို သင်ပေးလိုက်ရတာ၊ ပုံတွေထုတ်တာ ဘာမှမခက်ပါဘူး။

အဲ့ဒီ linear function ကို ရေငုပ်သမားတယောက်ရဲ့ ခန္ဓာကိုယ်ပေါ်မှာ သက်ရောက်လာမယ့် ရေဖိအားကို ရေအနက်နဲ့ ဘယ်လိုဆက်စပ်မှုရှိလဲဆိုတဲ့ နမူနာပုစ္ဆာကိုတွက်ကြည့်တော့မှ အော် ဒီလိုပါလားလို့ ဇာတ်ရည်လည်တာပါ။ မဟုတ်ရင် ပုစ္ဆာထဲပါလို့သာ တွက်နေရတာ x တွေ y တွေက ဘာတွေမှန်းလဲမသိဘူးလို့ ဖြစ်တတ်ပါတယ်။ ဒီဟာတွေကိုပဲ လူကြီးတွေကို ပြန်သင်ရတော့ independent variable, dependent variable ဆိုပြီး ပြောရပြန်တာပါပဲ။

07/09/2025

Machine Learning Module Two အတန်းလေး ဆက်ဖွင့်ဖြစ်တယ်။ သင်တန်းတွေက ကိုယ့်ကျောင်းသားဟောင်းတွေပဲ ဆက်နေတော့ သိပ်မတင်ဖြစ်ဘူး။ အခြေခံသင်တန်းဖြစ်တဲ့ 7 Languages and CS50 ကိုပဲ တင်ဖြစ်တယ်။ အဲ့ဒီသုံးလသင်တန်းတခုပြီးသွားရင် ဆက်တက်ချင်တဲ့ ကျောင်းသားတွေအတွက် Machine Learning Module One အတန်းလေး ဆက်ဖွင့်ပေးလိုက်တယ်။ Module One ပြီးသွားတဲ့သူတွေက Module Two ကို ဆက်လိုက်ကြတယ်။

ကိုယ်တွေက စာသင်ရတာပဲ စိတ်အားထက်သန်တယ်၊ သင်တန်းအတွက် marketing လုပ်ရတာမျိုးကို သိပ်မလုပ်တတ်တော့ လူသိမများဘူး။ ဒီလိုပဲ ကိုယ့်အကြောင်းသိတဲ့ မိတ်ဆွေဟောင်းတွေဆီက refer လုပ်ပေးကြတာရယ်၊ ကိုယ့်ကျောင်းသားဟောင်းတွေဆီက refer လုပ်ပေးကြတာရယ်နဲ့ပဲ ဆက်လက်ချီတက်နေတာပါ။ ကိုယ်ဝါသနာပါတဲ့ စာသင်တဲ့အလုပ်ကိုပဲ professional career အဖြစ်ရွေးချယ်ခဲ့တော့ ဘာပဲဖြစ်ဖြစ် ပျော်ပါတယ်။

တချို့မိဘတွေက သားသမီးကို ဖြစ်စေချင်အားကြီးတော့ ငယ်ငယ်လေးနဲ့ 7 Languages and CS50 ကိုလာတက်ချင်ကြရင် မတက်ပါနဲ့အုန်း၊ သင်္ချာကို အရင်သင်ထားပေးပါလို့ ပြောရတယ်။ 7 Languages and CS50 က လူကြီးအတန်းဆိုတော့ တက္ကသိုလ်တက်မယ့်သူတွေ၊ ဘွဲ့ရပြီးသားသူတွေအတွက် design လုပ်ထားတာဆိုတော့ ကလေးတွေအတွက်က Mathematics with Python ကိုပဲ တက်ကြပါလို့ ပြောရတယ်။

06/09/2025

အသက် 13/14 ပဲရှိသေးတဲ့ ကလေးတွေကို သင်္ချာသင်ပေးလာတာ ဒုတိယလပဲရှိသေးတယ် သူတို့ကိုယ်တိုင် အရှေ့က သွားခိုင်းလို့ ရလာပါပြီ။ ပထမလတုန်းကတော့ Python basic syntax သင်ရတာရယ်၊ Sympy နဲ့ equations ရေးပြရတာရယ်ဆိုတော့ ဆရာက အရင်သင်ရတယ်။ အခုဒုတိယလရောက်လာပြီဆိုတော့ Sympy နဲ့ သင်္ချာတွက်ရတာ အသားကျလာပြီဆိုတော့ textbook ကိုကြည့်ပြီး သူတို့ဘာသာသူတို့ ရေးတတ်လာပြီ။

သားတို့ သမီးတို့ကို self study လုပ်တတ်အောင်လို့ အရင်ရေးခိုင်းတာ၊ မှားတာ မှန်တာ အရေးမကြီးဘူး၊ example coding တွေ မရမှာ စိတ်မပူနဲ့။ နားမလည်မှာ စိတ်မပူနဲ့။ coding တွေလည်း ဆရာရေးပြမယ်၊ နားလည်အောင်လည်း ဆရာရှင်းပြမယ်။ သားတို့ သမီးတို့ကို self study လုပ်တတ်အောင်လို့သာ အရင်ရေးကျင့်ခိုင်းတာ၊ ဒါမှ နောင်ဆိုရင် ဆရာမပါပဲ ကိုယ်ကိုယ်တိုင် self study လုပ်နိုင်သွားမှာလို့ ပြောရတယ်။

မိဘတွေဘက်ကလည်း အမြဲလာပြောကြပါတယ်။ အများစုက ကိုယ်နဲ့ရင်းနှီးတဲ့သူတွေပဲ သူတို့ သားသမီးလေးတွေကို လာထားကြတာဆိုတော့ ဆရာရေ စာသင်တာအပြင်ကို တခြားလိုတာလေးတွေလည်း ဆုံးမပေးပါဆရာဆိုပြီး လာအပ်ကြပါတယ်။ မြန်မာကလေးတွေက ဆရာနဲ့ discussion လုပ်တဲ့ အလေ့အကျင့်မရှိကြလို့သာ မေးကြပါ ဆွေးနွေးကြပါဆိုရင်သာ မဆွေးနွေးကြတာ များပါတယ်။ လေ့ကျင့်ခန်းတွေ လုပ်ခိုင်းရင်တော့ လိုက်လုပ်ကြပါတယ်။ အဲ့တော့ ကိုယ်ကလည်းပဲ သူတို့ကို အရင်ရေးခိုင်းပြီး သင်နေတာတွေ နားလည်သလား နားမလည်ဘူးလားလို့ အကဲဖြတ်ရပါတယ်။

ကလေးတွေက တကယ်တော်ပါတယ်။ သူတို့အခုသင်နေတဲ့အဆင့်ကို လူကြီးတယောက်ကို သင်ပေးရင်တောင် ဒီလောက်အချိန်တိုအတွင်းမှာ ဒီလောက်ရဖို့ မလွယ်ပါဘူး။ လူကြီးတွေက စာသင်တာကို တရားနာသလိုပဲ နားထောင်ချင်တာ၊ လိုက်လေ့ကျင့်ခိုင်းရင် တကြိမ်ကနေ နှစ်ကြိမ်ဖြစ်လာရင် လိုက်မလုပ်ချင်ကြတော့ဘူး။ သင်္ချာဆိုတာမျိုးကလည်း textbook ထဲမှာ ပါသမျှ examples တွေ အကုန်လုံးလိုက်တွက်နိုင်မှ မှတ်မိတာ။ ကလေးတွေကျတော့ ဆရာခိုင်းသမျှ တသွေမတိမ်းလုပ်တယ်၊ examples တွေ အကုန်လုံးလိုက်တွက်လိုက်မှတော့ မရပဲ နေပါရိုးလား။

28/08/2025

ကလေးတွေအတွက် September အတန်းလေးဖွင့်ပေးလိုက်ပါတယ်။ မိဘတွေ လာမေးကြတာက အသက် ၁၃-၁၄ ပိုများကြလို့ လစဉ်လည်းဖွင့်ပေးနိုင်အောင်လို့ စီစဉ်ပေးလိုက်ပါတယ်။

အသက် ၁၃ နှစ်နဲ့အထက်အရွယ်ကနေစပြီး လေ့ကျင့်သင်ကြားပေးသွားပါမယ်။ ကလေးကြီးတွေလည်း ဒီအတန်းကနေပဲ စသင်ပေးပါမယ်။

OpenStax ရဲ့ လမ်းကြောင်းအတိုင်း Algebra and Trigonometry စာအုပ်မှာ စဉ်ထားတာလေးကို Module One အနေနဲ့ သုံးလအရင်သင်ပါမယ်။

ပြီးမှ OpenStax ရဲ့ Precalculus စာအုပ်မှာ စဉ်ထားတဲ့အတိုင်းလေးကို Module Two အနေနဲ့ သုံးလဆက်သင်ပါမယ်။

ပြီးမှ OpenStax ရဲ့ Calculus Volume 1 စာအုပ်မှာ စဉ်ထားတဲ့အတိုင်းလေးကို Midule Three အနေနဲ့ သုံးလဆက်သင်ပါမယ်။

မိဘတွေအနေနဲ့က ကိုယ့်ကလေး အတန်းအချိန်အဆင်ပြေတဲ့အတန်းမှာ လိုက်တက်ထားပြီး ကိုယ့်ကလေးရဲ့ လိုက်နိုင်တဲ့အနေအထားကိုကြည့်ပြီးမှ Module တဆင့်ပြီး တဆင့်တက်သွားလို့ရအောင် စဉ်ထားပါတယ်။

ဒီ Modules သုံးခုလုံးပြီးသွားရင်တော့ နိုင်ငံတကာ တက္ကသိုလ်တွေမှာ သင်္ချာအပိုင်းရော Python အပိုင်းမှာပါ ကောင်းကောင်း လိုက်နိုင်သွားပါလိမ့်မယ်။

28/08/2025

Europe နိုင်ငံတခုမှာ Master တက်နေတဲ့ တပြည့်ကျော်က ပြောတယ်။ ဆရာ သင်နေတာတွေက ကျနော့စာမေးပွဲမှာတော့ တိုက်ရိုက်ကြီးပါနေတာ မဟုတ်ဘူးတဲ့။ ဒါပေမယ့် ဆရာသင်ပေးတာတွေ နားလည်လာတော့မှ ကျောင်းကသင်နေတာတွေကို လိုက်နိုင်လာတာတဲ့။ အဲ့ဒါပြောချင်တာလေ၊ သင်္ချာကို သင်နေတယ်ဆိုတာ အဲ့လိုနားလည်နိုင်ဖို့သင်နေရတာ။

ဆားများ စားရတယ်ကို မရှိဘူး၊ ဟင်းခတ်တာနဲ့ ကုန်တာပဲ ဆိုသလိုပေါ့။ Data Science တို့ Machine Learning တို့မှာ ခေါင်းစဥ်အကြီးကြီးနဲ့ ပါနေတာတွေကို အခြေခံလေးတွေက စပြီးလေ့လာတော့မှ အဆင်ပြေပါတယ်။ အခြေခံမပိုင်ပဲနဲ့ ခေါင်းစဥ်အကြီးကြီးတွေနောက်ကိုလိုက်နေရင် ကြက်တူရွေးစာသင်သလို စကားလုံးအကြီးကြီးတွေတော့ ပြောတတ်တယ်၊ အဲ့ဒါက ဘာတွေပြောနေတာလည်း မသိဘူးဖြစ်တတ်ပါတယ်။

အခုလည်း ဆရာသင်တဲ့ လမ်းကြောင်းအတိုင်းပဲ ဆက်လိုက်ပါမယ်ဆိုလို့ Calculus ကို အခြေခံအပိုင်းလေးတွေ လေ့ကျင့်ပြီးတာနဲ့ Linear Algebra ဘက်ကို ဆက်လုပ်ရတယ်။ သိသလားလို့ မေးရင် သိသလို သိသလိုပါပဲ။ တကယ်တမ်း အဲ့ဒီ concept တွေကိုပဲ Machine Learning ဘက်မှာ ပြန်တွေ့တော့ မသိတော့ဘူးဖြစ်သွားရော။ အဲ့တော့ logic အရ basic တွေကို နားလည်လာတာ မဟုတ်ဘူး၊ အလွတ်ရလာတာလို့ အဖြေထွက်တာပေါ။

24/08/2025

အခု ကာလအတွင်းမှာ ကလေးတွေကို စာသင်ပေးနေကြတဲ့ ဆရာ၊ ဆရာမတွေကလည်း ကိုယ်နဲ့ FB friend တွေ ဖြစ်နေကြတော့ teaching reference လေးတွေ ဝေမျှပါအုန်းမယ်။ ကိုယ်က ဆရာကြီးလုပ်တာ မဟုတ်ပါဘူး၊ ကိုယ့်ရဲ့အတွေ့အကြုံကို ဝေမျှတာပါ။ အသုံးတည့်တယ်ဆိုရင် ယူသုံးနိုင်ကြဖို့ပါ။ ကလေးတွေက နိုင်ငံတော်ရဲ့ အနာဂတ်ပါ။ ကလေးတွေကို စာသင်တယ်ဆိုတာက အနာဂတ်နိုင်ငံတော်ကို ပုံသွင်းနေတာပါပဲ။

ကလေးတွေကို သင်္ချာဘာသာစကားကို Python programming နဲ့ တွဲဖက်သင်ကြားပေးချင်တော့ reference တွေရှာရပါတယ်။ အင်တာနက်မှာ စာအုပ်ပေါင်းများစွာရှိပေမယ့် ကလေးတွေကို စံနမူနာပြ သင်ရမယ့်ဆရာကိုယ်တိုင်က pirate copy တွေသုံးနေတာ မဖြစ်ချင်လို့ OpenStax က အခမဲ့ဖြန့်ဝေထားတဲ့ သင်္ချာစာအုပ်တွေကိုပဲ reference လုပ်ခဲ့ပါတယ်။ နိုင်ငံတကာက ဆရာကြီးပေါင်းများစွာ ပေါင်းစုစွမ်းအားနဲ့ open education resources တွေကို မျှဝေပေးထားတာမို့လို့ စိတ်သန့်သန့်နဲ့ သုံးလို့ရပါတယ်။

OpenStax textbooks တွေကို နည်းနည်းလေ့လာကြည့်လိုက်တော့ သင်ရိုးလေးတွေစဥ်ထားတာ အတော်သဘောကျပါတယ်။ Algebra and Trigonometry မှာ စဥ်ထားတာလေးတွေနဲ့ Precalculus မှာ စဥ်ထားတာလေးတွေနဲ့ ချိတ်ဆက်ထားတာ၊ Calculus Volume 1 မှာ စဥ်ထားတာလေးတွေနဲ့ ချိတ်ဆက်ထားတာလေးတွေကို သဘောကျလို့ ကိုယ့်ရဲ့အတန်းလေးတွေထဲမှာ အသက် 13-14 မှာ Algebra and Trogonometry၊ အသက် 15-16 မှာ Precalculus၊ အသက် 17-18 မှာ Calculus Volume 1 စသဖြင့် အစဥ်အတိုင်းလေး သွားမယ်လို့ စဥ်းစားထားပါတယ်။

OpenStax textbooks link တွေကို comments မှာ ထည့်ပေးထားပါတယ်။ ပို့စ်မှာတင်ရင် မိဇူက မကြိုက်လို့ပါ။

23/08/2025

August 2 ကမှ စသင်တဲ့ အသက် ၁၃-၁၄ ကလေးတန်းက တလမပြည့်သေးဘူး ဒီလိုတွေရေးနိုင်လာပြီ။ မိဘတွေကသာ လိုက်နိုင်ပါ့မလားလို့ စိုးရိမ်နေကြတာ ကလေးတွေက သင်လွယ် တတ်လွယ်ပါတယ်။ Scratch ကိုနည်းနည်းပြောပြီးတာနဲ့ Python ရဲ့ essential syntax တွေကို မိတ်ဆက်ပေးပြီး Sympy နဲ့ တန်းတွက်ခိုင်းတော့တာ။ Python ကို calculator ကို အရင်သုံးခိုင်းပြီးတာနဲ့ graph တွေ တန်းဆွဲခိုင်းလို့ရပြီ။

Reference book ကိုတော့ OpenStex ရဲ့ Algebra and Trigonometry စာအုပ်ကိုပဲ သုံးလိုက်တယ်။ ကလေးတွေကို သင်္ချာစာအုပ်ကို အရင်ဖတ်ခိုင်းပြီးမှ Sympy နဲ့ရေးထားတဲ့ coding တွေကို ဖတ်ခိုင်းတယ်။ သားတို့တွေ့လား အဖြေတွေက ကွန်ပျုတာက ထုတ်နိုင်နေပြီ။ သင်္ချာမှာ hand calculation သင်တာ အဖြေတွေကို မသိလို့မဟုတ်ဘူး၊ စနစ်တကျ စဥ်းစားတတ်အောင်လို့ thinking process ကို step by step ချရေးနေတာလို့ ပြောရတယ်။

ကွန်ပျူတာနဲ့ တွက်နိုင်နေပြီပဲ၊ သင်္ချာစာအုပ်တွေမှာ သင်နေတဲ့ hand calculation က မလိုတော့ပါဘူးလို့ မဖြစ်ရလေအောင် hand calculation က thinking process အတွက် အရေးကြီးတဲ့အကြောင်းကိုပါ ထည့်ပြောရပါတယ်။ ဒါမှပဲ သူတို့လေးတွေ အခြေခံကောင်းကောင်းရသွားပြီး နိုင်ငံတကာ တက္ကသိုလ်က ဆရာတွေသင်ထားတဲ့ YouTube သင်ခန်းစာတွေကို self study လုပ်နိင်တဲ့အဆင့်ကို ရောက်ရှိသွားနိုင်ကြမှာပါ။

20/08/2025

ကလေးတွေကို စာသင်တဲ့အကြောင်းတင်ရင် သင်တန်းကြေးဘယ်လောက်လဲလို့ လာမေးကြတယ်။ ကိုယ်ကလည်း စာသင်စားနေတာဆိုတော့ သင်တန်းကြေးယူရတယ်။ တချို့မိဘတွေ သင်တန်းကြေးမေးပြီး ကျေးဇူးပါဆရာလို့ နှုတ်ဆက်သွားကြရင် စိတ်မကောင်းဖြစ်ရတယ်။ မိသားစုစားဝတ်နေရေးအတွက်သာ အခကြေးငွေယူပြီး စာသင်နေရပေမယ့် ကိုယ်တကယ်ဖြစ်ချင်တာက ပညာဒါနတွေချည်းပဲ သင်ပေးချင်တာ။

သမီးတွေ ကျောင်းမပြီးမချင်းတော့ ပိုက်ဆံရှာနေရအုန်းမှာမို့လို့ ဘယ်လိုလုပ်လို့ရမလဲ နည်းလမ်းရှာရတယ်။ တချိုု့ကလေးတွေက self study လုပ်နိင်ကြတော့ လူကြီးတွေအတွက် ရည်ရွယ်ပြီးတင်ထားပေးတဲ့ ပညာဒါနသင်ခန်းစာလေးတွေကို ပြန်ညွှန်းပေးချင်ပါတယ်။ တချို့တတ်နိုင်တဲ့ မိဘတွေဆိုရင်တော့ ဆရာနဲ့ သင်ကြဖို့တိုက်တွန်းပါတယ်။ ကလေးအဆင်ပြေတဲ့အချိန်နဲ့ ညှိလို့ရအောင်လို့ timetable လေးတင်ထားပေးလိုက်ပါတယ်။

Age 13 - 14, Sat-Sun, 10:00 AM -12:00 PM
Age 15 - 16, Sat-Sun, 1:00 PM - 3:00 PM
Age 17 - 18, Sat-Sun, 3:00 PM - 5:00 PM

သင်တန်းတက်ဖို့ အဆင်မပြေသူတွေကတော့ self study လုပ်နိင်မှ ရပါမယ်။ သင်္ချာသင်ခန်းစာတွေကို YouTube မှာ တင်ထားပေးပါတယ်။ တနေ့နည်းနည်း ရနိုင်သလောက်လေ့လာသွားရင် အချိန်တခုရောက်လာရင် နားလည်လာပါလိမ့်မယ်။ link တွေ တင်ရင် မိဇူက စိတ်ဆိုးလို့ comment မှာ ချထားပေးပါတယ်။ subscribe လုပ်ပြီး လေ့လာကြပါနော်။

19/08/2025

သားသမီးပညာရေးကို ဦးစားပေးတတ်ကြတဲ့ ရွှေမြန်မာတွေကတော့ ကလေးတွေကို three languages သင်ထားပေးကြပါဆိုတော့ ဘာတွေလဲလို့ လာမေးကြပါတယ်။ three languages ဆိုတာက English, Maths, Python ကိုပြောတာပါ။ ကလေးငယ်တုန်းမှာ English ကောင်းအောင်သင်ထားပေးဖို့လိုတာကိုတော့ မိဘတွေသိပြီးသားပါ။ ကလေးတွေကိုလည်း STEM (Science, Technology, Engineering, and Mathematics) လမ်းကြောင်းအတိုင်း လေ့ကျင့်သင်ကြားကြဖို့ သိထားကြပါပြီ။

English 4 skills ကတော့ ခုခေတ်ကလေးတွေက ကျွမ်းကျင်ပြီးသားပါ။ ကျန်တဲ့ သင်္ချာ နဲ့ Computer Programming ကို ဘယ်လိုချဥ်းကပ်ကြမလဲလို့ပဲ နည်းလမ်းရှာရတော့မှာပါ။ နိုင်ငံတကာကျောင်းတွေမှာ အလယ်တန်းလောက်ရောက်ရင် Python Programming ကို သင်ပေးလေ့ရှိကြပါတယ်။ သူ့ရဲ့ ရိုးရှင်းတဲ့ syntax ကြောင့်မို့လို့ လေ့လာရတာ လွယ်ကူပါတယ်။ ဒါ့အပြင် Sympy လိုမျိုး Python library တွေကို အသုံးချပြီး သင်္ချာကိုချဥ်းကပ်လေ့လာရင် ပိုမိုလွယ်ကူတာမို့ လူကြိုက်များကြပါတယ်။

ကလေးတွေကို Maths and Computer Programming သင်ပေးနေတော့ three languages လေ့ကျင့်ပြီးသားဖြစ်သွားအောင်လို့ English လိုပဲ ပြောသင်ပါတယ်။ ကိုယ်က English စာသင်ပေးနေတာ မဟုတ်ပေမယ့်လည်း သင်္ချာ နဲ့ နည်းပညာဆိုင်ရာ terms တွေကို ရင်းနှီးသွားစေချင်လို့ English လိုပဲ ပြောသင်လိုက်တာပါ။ သင်တန်းအချိန်တွေကိုလည်း အသက်အရွယ်အလိုက် သီးခြားခွဲထားပေးလိုက်တော့ ဉာဏ်ရည်ချင်းသိပ်မကွာကြတော့ လိုက်နိုင်ကြပါတယ်။

Age 13 - 14, Sat-Sun, 10:00 AM -12:00 PM
Age 15 - 16, Sat-Sun, 1:00 PM - 3:00 PM
Age 17 - 18, Sat-Sun, 3:00 PM - 5:00 PM

အတန်းတွေက သုံးလတန်းတွေဆိုတော့ အတန်းတခါဖွင့်ပြီးရင် နောက်သုံးလကြာမှ အတန်းသစ်ဖွင့်ပေးနိုင်တော့တာမို့ မိဘတွေအနေနဲ့ ကိုယ့်ကလေး အဆင်ပြေမယ့်အချိန်ကို ညှိလို့ရအောင် တင်ထားပေးလိုက်ပါတယ်။ ခဏ ခဏ လာမေးကြတော့ Timetable တခါထဲတင်ထားပေးလိုက်တာပါခင်ဗျာ။

14/08/2025

ကလေးတွေကို three languages သင်ထားပေးကြပါလို့ မိဘတွေကို တဖွဖွပြောရတာ အကြောင်းရှိပါတယ်။ နိုင်ငံတကာမှာ Master, PhD တက်နေကြသူတွေကို သင်္ချာပြန်သင်ပေးရတော့ သိသလို သိသလို နဲ့ လိုလို လိုလို နဲ့ အမြဲလိုနေကြလို့ အားလုံးကို reset ချပြီး အစကပြန်သင်ရပါတယ်။ ကိုယ်တွေငယ်ငယ်က သင်္ချာကို သုံးခေါက်လောက်တွက်လိုက်ရင် အလွတ်ရသွားတာမို့ သင်္ချာဂုဏ်ထူးတွေနဲ့ အောင်လာတာဆိုတော့ သင်္ချာကို ရတယ်လို့ပဲထင်တာပါ။

Machine Learning အတွက် သင်္ချာတွေလေ့လာဖို့လိုတော့မှ အသည်းအသန်လိုက်ဖတ်ကြည့်တော့ ဒီလိုပဲ သိသလိုလို သိသလိုလို ဖြစ်တာပါ။ တကယ်တမ်းကျတော့ modelling လုပ်လို့ရနိုင်လောက်တဲ့အဆင့်အထိ မရောက်လာတော့ အားလုံးကို ပြည်ဖုံးကားချလိုက်ပြီး အစကနေပြန်လေ့လာပါတယ်။ ဒါပေမယ့် အကြံတူနောက်လူသာစမြဲဆိုသလို ဒီတခါလေ့လာတာက Python programming နဲ့ တောက်လျှောက်လိုက်ရေးတာပါ။

ငယ်ငယ်က သင်လာရတာက အဖြေမှန်ရရင် ကျေနပ်သွားပေမယ့် အခုကျတော့ ကွန်ပျုတာက အဖြေတွေထုတ်ပေးနေပြီမို့ ဘာ့ကြောင့်မို့လို့ ဒီအဖြေရလာတာလဲဆိုတဲ့ concept ဘက်ကို ပိုပြီးအာရုံစိုက်နိုင်လာပါတယ်။ အကျိုးဆက်က သင်္ချာသင်ကြားရခြင်းရဲ့ ရည်ရွယ်ချက်ဖြစ်တဲ့ thinking process ကို စနစ်တကျလုပ်တတ်လာတာပါ။ ကလေးတွေကို ပြန်သင်ရတော့လည်း အဖြေတွေကို Python programming နဲ့ ဆွဲထုတ်ထားပြီးသားမို့လို့ တဲ့ thinking process အပိုင်းကိုပဲ အဓိကထားပြီး လေ့ကျင့်သင်ကြားဖြစ်ပါတယ်။

YP Learning Center ကွန်ပျုတာကို ခိုင်းစားမယ့်လူသား

21/09/2025

20/09/2025

13/09/2025

07/09/2025

06/09/2025

28/08/2025

28/08/2025

24/08/2025

23/08/2025

20/08/2025

19/08/2025

14/08/2025

ที่อยู่

เว็บไซต์

แจ้งเตือน

ทางลัด

แชร์

ประเภท