เว็บไซต์คืออะไร?

https://www.facebook.com/409852332473310/

Images of Buddha, Chiang Mai (2025)

15/10/2025

ဘေးဘယာကင်းကွာ အေးချမ်းသာယာကြပါစေ
💞🙏🙏🙏🙏🙏💞

13/10/2025

ကုသိုလ်တရားများဖြင့် အေးချမ်းကြပါစေ
❤️🙏🙏🙏🙏🙏❤️

#ဘုရားပုံတော်များ #မြတ်ဗုဒ္ဓ

11/10/2025

ဖူးမြင်ရသူအပေါင်း ကိုယ်စိတ်နှစ်ပါး အေးချမ်းကြပါစေ 💞🙏🙏🙏💞
#မြတ်ဗုဒ္ဓ #ဘုရားပုံတော်များ

11/10/2025

ခန္ဓာငါးပါး ရုပ်နာမ် နှစ်ပါး ဆိုတာ
ရုပ်တစ်ပါး၊ နာမ်ခန္ဓာလေးပါး ပေါင်း ခန္ဓာ(၅)ပါးကို ခေါ်တာပါ။

ရုပ် (ရုပ် တစ်ပါး)
နာမ်ခန္ဓာလေးပါးက
ဝေဒနာ
သညာ
သင်္ခါရ
ဝိညာဏ်ပေါ့

ရုပ် ကို ရူပက္ခန္ဓာ - ရူပက်ခန်ဓါ
ဝေဒနာ ကို ဝေဒနက္ခန္ဓာ -ဝေဒနက်ခန်ဓါ
သညာကို - သင်ညက်ခန်ဓါ
ဝိညာဏ်ကို -ဝိညာနက္ခန္ဓာ - ဝိန်ညာနက်ခန်ဓါ
သင်္ခါရကို - သင်္ခါရက္ခန္ဓာ - သင်ခါရက်ခန်ဓါ

ရူပက္ခန္ဓာလို့ ခေါ်တဲ့ ရုပ်တရားဟာ (၂၈) ပါးရှိတယ်။
ဒီထဲက သိသာထင်ရှားတဲ့ ရုပ်တရားတွေက ပူခြင်း အေးခြင်း မာခြင်း ပျော့ခြင်း စတဲ့ ဓါတ်ကြီးလေးပါး သဘောတွေပဲ။

ဥပမာ နေရာထိုင်ခင်း တစ်ခုမှာ ထိုင်တဲ့အခါ မာခြင်း သဘော ရှိရင်လည်း ရှိမယ်၊ ပျော့ခြင်းသဘောရှိရင်လည်း ရှိမယ်၊ ပူခြင်းသဘောတွေ ရှိရင်ရှိမယ်၊ အေးခြင်းသဘော ရှိရင်လည်း ရှိမယ်၊
ဒါဟာ ရုပ်သဘောတွေပဲ၊ ရူပက္ခန္ဓာပဲလို့ သိပေးရင် ဖျာ မွေ့ယာ ဆိုဖာ သစ်သားခုံ စတဲ့ ပညတ်အမည်တွေ ဖြစ်ခွင့်မရတော့ပဲ အမှန်တကယ်ရှိတဲ့ ရုပ်သဘော ပရမတ်ကို သိခွင်ရလိမ့်မယ်။

ပုဂ္ဂိုလ်သတ္တဝါ ယောက်ျား မိန်းမမရှိဘူး ၊ ရုပ်သဘောသာ ရှိတယ်။ ရုပ်သဘောကို နာမ်က သိတယ်။ ဒါပဲ။

နာမ်ခန္ဓာ(၄)ပါးထဲက
ဝေဒနက္ခန္ဓာ ဆိုတာ ခံစားမှု စံစားမှုပဲ၊
ခုနက မာတဲ့သဘော ပျော့တဲ့သဘော အပေါ် ကောင်းမကောင်း ခံစားမယ် ။ ကောင်းတယ် ဆိုတာ ဝေဒနက္ခန္ဓာပဲ၊ မကောင်းဘူး ဝေဒနက္ခန္ဓာပဲ ၊ ဒါပဲ၊ ဘယ် ငါ မှ မရှိဘူး ဝေဒနာက ထိသိမှုဆိုတဲ့ မာခြင်း ပျော့ခြင်း အပေါ် ခံစားတာ ဒါပဲ။

သင်္ခါရခန္ဓာ ဆိုတာ စေ့ဆော်တိုက်တွန်းမှူတွေ၊
ခုနက ကောင်းမကောင်း ခံစားပြီး ကောင်းတယ်ဆိုရင် လိုချင်တဲ့ လောဘ မကောင်းဘူး ဆိုရင် မလိုချင်တဲ့ ဒေါသ တွေ လာမယ်။ ခုံလေးက အိညက်နေရင် ဟယ် ကောင်းလိုက်တာ ငါဒီခုံယူမယ် ဟော၊ ငါဆိုတာ ဒိဌိ ကိလေသာ ၊ ဒီခုံယူမယ် လောဘ ကိလေသာ၊ အဲ့ဒါ သင်္ခါရခန္ဓာတွေပဲ။ စေတသိက် တရားတွေပေါ့။ အဲ့လိုမှ မဟုတ်ဘူး အဖေ ထိုင်ပါ အမေထိုင်ပါ ဆိုတဲ့ စေတနာ၊ အဲ့ဒါလည်း သင်္ခါရက္ခန္ဓာပဲ။ ငါမဟုတ်ဘူး။

သညက္ခန္ဓာ ဆိုတာ
မှတ်မိတာ မှတ်သားတာ၊ ခုံကို ခုံမှန်းသိတယ်၊ မြင်ဖူးတယ် ကြားဖူးတယ်လေ ၊ ပြီးတော့ လက်ရှိအဖြစ်အပျက်တွေကိုလည်း မှတ်မိနေတယ်၊ အဟောင်းကိုလည်း မှတ်မိတယ်၊ အသစ်ကိုလည်း မှတ်သားတယ်။ ခုနက သရဲကားကြည့်ပြီး အခု ရေချိုးခန်း မသွားရဲဘူး။ သရဲက ခြောက်နေတာလား သညာကို ကြောက်နေတာလား၊ သညာနော်။ မနေ့က သူငယ်ချင်းက ငါ့ကို ဆဲဆိုခဲ့တယ်၊ အခု ပြန်သတိရနေတယ်၊ တစ်ကိုယ်လုံး ဖျဉ်းခနဲ ဖြစ်သွားတယ်၊ မနေ့က သူငယ်ချင်းက ဆဲတာတော့မှန်တယ်၊ ဒါဆို အခု ဆဲတာ ဘယ်သူလဲ၊ သညာနော်၊ ဒါကြောင့် အပြင်က ပုဂ္ဂိုလ်က တစ်ခါ နှိပ်စက်ရင် သညာက အကြိမ်ကြိမ် နှိပ်စက်နိုင်တယ်။ ဒါကြောင့် ပြီးပြီးသားတွေ ပေါ်လာတိုင်း သညာလို့ သိပေးပေါ့၊ ဒါဆိုရင် ဆင်းရဲခြင်းက ချက်ချင်း လွတ်တာပဲ။

ဝိညာဏက္ခန္ဓာ
ဝိညာဏ် ဆိုတာ သိမှု သဘော သက်သက်ပဲ။
မြင်တယ် ကြားတယ် နံတယ် စားတယ် ထိသိတယ် တွေးတောတယ် ဒါပဲ။ သိရုံသက်သက်ပဲ၊ သူ့မှာ ဘာအရောင်မှ မရှိဘူး၊ စိတ်ဆိုးတာကိုလည်း သိပေးရတယ်၊ မြင်အောင် ပြောရရင်
ဒေါသစိတ် = ဒေါသ + စိတ် ၊ ဒေါသက စေတသိက် သင်္ခါရခန္ဓာ၊ စိတ်က ဝိညာဏက္ခန္ဓာ ဒါပဲ။
ဘာပုဂ္ဂိုလ် သတ္တဝါလယောက်ျား မိန်းမ မှ မရှိဘူး။ ဉာဏ်မြင့်လာရင် မိမိကိုယ်မှာ ဘာပေါ်ပေါ် တစ်သိတည်း သိပေးနေရလို့ ဝိညာဏ်လို့သာ သိပေးလိုက်။ အဲ့ဒီ ဝိညာဏ်ဆိုတဲ့ သိမှုတရားကြီးက ဖြစ်လိုက် ပျက်လိုက် အနိစ္စတရားနဲ့ မွေးကနေ သေတဲ့အထိ သွားနေတာပဲ။

🙏🙏🙏မြတ်စွာဘုရားရှင်နှင့်တကွ 🙏🙏🙏
မိုးကုတ်ဆရာတော်ဘုရားကြီး
မဟာစည်ဆရာတော်ဘုရားကြီး
ပခုက္ကူဆရာတော်ဘုရားကြီး
ပါမောက္ခချုပ်ဆရာတော်ဘုရားကြီး များအား
ဦးခိုက်လျှက် 🙏🙏🙏

🌿🌿🌿သုညတ🌷🌷🌷