ရွှေမင်းသမီး Battery Sales & Services

22/09/2025

တစ်ခါတလေ ဒါမျိုး ကြုံဖူးကြမှာပေါ့ခင်ဗျာ။ Battery Brand ကလည်း အမြင့် ဖြစ်ရဲ့သားနဲ့ အာမခံ ကာလ တစ်နှစ် ပါသားနဲ့ ဘက်ထရီက တစ်နှစ်အတွင်း ဘာလို့ပျက်တာလဲ…။

ကျွန်တော်တို့ ကားဘက်ထရီ လဲဖို့ ရွေးချယ်တဲ့အခါ AGM, EFB, Lead Acid စတဲ့ ဘက်ထရီ Type များစွာထဲမှ ကိုယ့်ကားအမျိုးအစားနဲ့ ကိုက်ညီတဲ့ သက်ဆိုင်ရာကားအလိုက် သုံးသင့်တဲ့ ဘက်ထရီ အမျိုးအစား သုံးဖို့အရေးကြီးပါတယ်။ AGM အသုံးပြုရမယ့်နေရာမှာ Lead Acid ဘက်ထရီကို ဆိုဒ်တူ၊ အမ်ပီယာတူကြောင့် သုံးနိုင်တယ်ဆိုပေမယ့် ဘက်ထရီပျက်စီးမှုပိုမြန်ပါတယ်ခင်ဗျ။ ဘာကြောင့်လဲဆိုတော့ ဘက်ထရီ အမျိုးအစားမတူတာနဲ့အမျှ Battery ရဲ့ လုပ်ဆောင်နိုင်စွမ်း(Performance) ကွာတာကြောင့် ဖြစ်ပါတယ်။
AGM battery တွေက high discharge rate, vibration resistance, deep-cycle capability ရှိပြီး Lead-acid battery ကတော့ liquid electrolyte ပါဝင်ပြီး vibration-sensitive ဖြစ်တတ်ပါတယ်ခင်ဗျာ။

ဒါကြောင့် AGM, EFB စတဲ့ မော်ဒယ်မြင့် ကားတွေအတွက် အသုံးပြုရမယ့် ဘက်ထရီနေရာမှာ Lead Acid Battery အသုံးမပြုသင့်ပါလို့ ဆိုပါရစေခင်ဗျာ။

21/09/2025

https://www.youtube.com/live/qkkIA5Z2nyM?feature=shared

Enjoy the videos and music you love, upload original content, and share it all with friends, family, and the world on YouTube.

20/09/2025

Solar System မှာ အသုံးပြုဖို့ မှာတဲ့ အမှာအိုးလေးတွေ ပို့ခဲ့တုန်းကပါ။

Tubular battery ကို အများအားဖြင့် solar system, inverter, UPS စတဲ့ Continuous backup လိုအပ်တဲ့နေရာတွေမှာ အသုံးများပါတယ်။

✅ ကောင်းကျိုးတွေကတော့

Plate တွေကြီးမားပြီး ပုံမှန် lead-acid battery တွေထက် ၆–၈ နှစ် ခံနိုင်ပါတယ်။ ပုံမှန်ပြုပြင်ထိန်းသိမ်းပေးဖို့တော့လိုတာပေါ့ခင်ဗျာ။
Ampere နည်းတဲ့အထိ discharge လုပ်ပေမယ့် အားသေချာပြန်သွင်းနိုင်ရင် ဘက်ထရီပုံမှန်အလုပ်လုပ်ပါတယ်။ ပုံမှန်အက်ဆစ်အိုးတွေကတော့ သုံးလေးခါလောက် အားခမ်းမိသွားရင် အားမထိန်းနိုင်တော့ပါဘူး။
ပုံမှန်အက်ဆစ်အိုးတွေထက် Cycle Life ပိုများပြီး Deep Discharge လုပ်နိုင်ခြင်းကြောင့် Long backup လိုချင်တဲ့နေရာတွေအတွက် သင့်တော်ပါတယ်။
ဘက်ထရီအိုးထားတဲ့နေရာဟာ အရမ်းပူလွန်းရင် အရမ်းအေးလွန်းရင် ဘက်ထရီရဲ့ performance ကို ထိခိုက်စေနိုင်ပါတယ်။ ဒါပေမဲါ Tubular Battery ကတော့ ရိုးရိုးအိုူတွေထက် အတန်အသင့် ခံနိုင်ရည်မြင့်ပါတယ်။
ရိုးရိုးအက်ဆစ်အိုးတွေထက် ထိန်းသိမ်းပြုပြင်ရတာ နည်းပါတယ်။ အားအဝင်အထွက်မှန်ရင် လေးလမှတစ်ခါလောက် မိုးရေဖြည့်ပေးရုံပါပဲ။
⸻

⚠️ဆိုးကျိုးကတော့
ရိုးရိုးအက်ဆစ်အိုးတွေထက် စျေးများပါတယ်။
ပုံမှန်အိုးတွေနဲ့မတူတဲ့ ပလိတ်ပြားကြောင့် ရိုးရ်ုူအက်ဆစ်အိုးထက် ပိုလေးပြီး သယ်ယုရခက်နိုင်ပါတယ်။
အရေးကြီးတဲ့အချက် ကတော့ Plate ကြီးတဲ့အတွက် Full charge ပြည့်အောင် အချိန်ပိုကြာတတ်ခြင်းပါခင်ဗျာ။

20/09/2025

အိုးသစ်ကို ဘာကြောင့် အသုံးမခံတာလဲ ဆိုတဲ့မေးခွန်းအတွက်ပါခင်ဗျ

အိုးအသစ် ဆိုပေမယ့် ဝယ်ခါစ တစ်ရက်နှစ်ရက်ပဲ အဆင်ပြေပြီး နောက်ရက်တွေမှာ သုံးရတာ အဆင်မပြေတာတွေ ရှိလာပါတယ်။ အဲဒ...

19/09/2025

အမ်ပီယာ ပိုနေတာဘာဖြစ်နိုင်လဲ
တစ်ခါတလေ ကား ဘက်ထရီလာဝယ်ကြတဲ့အခါ
ဘက်ထရီဆိုဒ်တူရဲ့သားနဲ့ လိုချင်တဲ့ အမ်ပီယာထက် အမ်ပီယာပိုများနေတဲ့ ဘက်ထရီပဲရှိရင် ဒါကို သုံးသင့်ရဲ့လားလို့ တွေဝေ တတ်ကြပါတယ်။
တကယ်တော့ ဘက်ထရီမှာ လိုအပ်တဲ့ဗို့ထက်များနေရင်သာ စက်ပိုင်းဆိုင်ရာ ထိခိုက်မှု ရှိနိုင်တာပါ။ အမ်ပီယာက ပိုပြီးများနေမယ်ဆိုရင် ဒီလို ကောင်းကျိုးလေးတွေ ရှိပါမယ်ခင်ဗျာ။

ဘက်ထရီအမ်ပီယာက ပိုတောင့်သွားတဲ့အတွက်
- Capacity ကြီးသွားတဲ့အတွက် discharge/charge cycle ပိုခံနိုင်ပြီး ဘက်ထရီသက်တမ်း တာရှည်စေပါတယ်။
- ကားစက် စတင်နိုးချိန်မှာ လွယ်ကူစွာ လုပ်ဆောင်နိုင်စေပါတယ်ခင်ဗျာ။
ဆိုးကျိုးကျတော့ ပုံမှန်အမ်ပီယာထက် စျေးအနည်းငယ် ကြီးမြင့်ပါလိမ့်မယ်ခင်ဗျာ။

တချို့ ဂျင်းလေးတွေလည်း ရှိပါတယ်။ အမ်ပီယာပိုမြင့်တယ်ဆိုပေမယ့် CCA က သာမန်ရှိသင့်ရှိထိုက်တဲ့ အမ်ပီယာတူ ဘက်ထရီထက် CCA ပမာဏနည်းနေတာမျိုးတွေပါ။
ဒါကြောင့် ကားဘက်ထရီဝယ်ဖို့ လိုအပ်လာတဲ့အခါတိုင်းမှာ ဘက်ထရီရဲ့ Brand အခြေအနေ၊ အာမခံအနေအထား၊ ရောင်းတဲ့ဆိုင်ရဲ့တာဝန်ယူမှုတာဝန်ခံမှုလေးတွေကို သတိထားပြီးလေ့လာပါလို့ မှာပါရျစခင်ဗျာ။
#ဘက်ထရီမရောင်းပါခင်ဗျာ
#ဘက်ထရီနဲ့ပတ်သက်တာလေးတွေပဲ ပြန်မျှဝေပါတယ်။

17/09/2025

#ဘက်ထရီ #ဘက်ထရီပြုပြင်ရေး #ဘက္ထရီ #ဘက်ထရီ #ဘက္ထရီပြုပြင်ရေး #...

17/09/2025

#ဘက်ထရီ #ဘက်ထရီပြုပြင်ရေး #ဘက္ထရီ

15/09/2025

ကျွန်တော်တို အက်ဆစ် အိုးစိုတွေ ဝယ်တဲ့အခါ RC …*** mins ဆိုတာလေးကို သတိထားမိမှာပါ။ ဒီတစ်ခေါက်တော့ RC အကြောင်းလေး ပြောပါရစေခင်ဗျာ။ RC များရင် အမ်ပီယာ ပိုတောင့်ပြီး RC နည်းရင် အမ်ပီယာ ပိုနိမ့်ပါတယ်။
RC ဆိုတာက 🔋 RC (Reserve Capacity) ကို ခေါ်ပါတယ်။
ဘက်ထရီ အားပြည့်နေချိန်အပြီးမှာ 25 အမ်ပီယာ (A) နဲ့ အသုံးပြုပြီး ဘက်ထရီမှာ ၁၀.၅ ဗို့ ကျန်တဲ့အထိ ကြာတဲ့ အချိန်(mins) ကို ဖော်ပြပါတယ်။
ဘက်ထရီ Ah အလိုက် RC ပျမ်းမျှ တန်ဖိုးတွေက အောက်ပါအတိုင်း ဖြစ်ပါတယ်။
• 50Ah battery → RC ~ 90–100 min
• 70Ah battery → RC ~ 120–140 min
• 100Ah battery → RC ~ 180–200 min
• 150Ah battery → RC ~ 280–300 min
• 200Ah battery → RC ~ 360–400 min
ဒါပေမဲ့ ထုတ်တဲ့ Brand အလိုက်၊ ပလိတ်ပြားအရေအတွက်အလိုက် အနည်းငယ် ကွာခြားသွားနိုင်ပါတယ် ခင်ဗျာ။
အက်ဆစ်အိုးစိုတွေမှာ RC ကို ပြသထားလေ့ရှိပြီး အိုးခြောက်တွေမှာတော့ CCA ကို မြင်သာအောင် ပြသထားလေ့ရှိပါတယ်။ CCA ကလည်း RC အတိုင်းပါပဲ။ CCA များရင် အမ်ပီယာတောင့်တယ်လို့ သတ်မှတ်နိုင်ပြီး CCA နည်းရင် အမ်ပီယာနိမ့်တယ်လို့ သတ်မှတ်နိုင်ပါတယ်ခင်ဗျာ။

15/09/2025

ဒီနေ့တော့ လူသုံးများသလို တချို့ကျတော့ သိပ်မသုံးဖြစ်တဲ့ Stick လေးအကြောင်း ရေးပါရစေခင်ဗျာ။ OTG Stick လို့ခေါ်ပါတယ်။.
Tablet ထဲမှာ၊ ဖုန်းထဲမှာ data တွေ ပြည့်တဲ့အခါ ကွန်ပျူတာနဲ့ ချိတ်စရာမလိုဘဲ ဖုန်းနဲ့တစ်ခါတည်းချိတ်ပြီး data တွေ သိမ်းထားနိုင်တဲ့ စတစ်လေးပါ။ ဖုန်းထဲက data တွေကို stick ထဲ ထည့်သိမ်းထားနိုင်သလို USB drive လည်း ဖြစ်တဲ့အတွက် ကွန်ပျူတာနဲ့ ချိတ်ဆက်ပြီး data တွေ ပြောင်းသိမ်းနိုင်ပါသေးတယ်။
ကျွန်တော်က ဓါတ်ပုံ၊ Video ရိုက်တာ ဝါသနာပါတဲ့အတွက် ဖုန်း storage က ပြည့်လွယ်တာကြောင့် OTG stick လေး ဆောင်ထားတာပါ။
ဖုန်း storage နည်းနေချိန် – ဓာတ်ပုံ၊ ဗီဒီယို၊ ဖိုင်တွေကို အလွယ်တကူ စတစ်ထဲ ထည့်ပြီး ဖုန်းထဲက data တွေကို ဖျက်ထားနိုင်တယ်။
တခြားဖုန်းနဲ့ Laptop မလိုပဲ - ဖုန်းထဲကနေ တိုက်ရိုက် OTG stick ထဲကို လိုချင်တဲ့ data တွေ ကူးနိုင်သလို တစ်ဖက်ဖုန်းဆီလည်း အလွယ်တကူပြန်ကူးနိုင်ပါတယ်။ ဖွင့်ချင်ရင်လည်း ဖုန်းထဲကို ကူးစရာမလိုဘဲ စတစ်ထဲကနေပဲ ဖွင့်လို့ရပါတယ်။

📱➡️ USB Type-C, Micro USB, Lightning (iPhone) စတဲ့ connector မျိုးပေါ်မူတည်ပြီး OTG stick ပုံစံလေးတွေ မတူတာရှိနိုင်ပါတယ်။ အခုပြထားတာကတော့ ဖုန်းမျိုးစုံနဲ့ချိတ်လို့ရတဲ့ စတစ်လေးပါခင်ဗျာ။

14/09/2025

အိမ်သုံးဘက်ထရီ ရွေးချယ်နိုင်ဖို့

အိမ်မှာသုံးဖို့အတွက် သင့်တော်တဲ့ ဘက်ထရီရွေးချယ်ဖို့ဆိုတာ ဘက်ထရီ အမျိုးအစားကောင်းရုံနဲ့မရပါဘူး။ ကိုယ်အသု....