KO Y

ဝန်ခံဖို့ဆိုတာ သတ္တိ ဗျတ္တိ နဲ့ တာဝန်ခံရဲမှ။

ကိုဝိုင်ဝိုင်ကေ
၂၄၊၇၊၂၅။

25/09/2025

သီချင်းထဲကလို အချိန်တန်တော့ အိမ်ပြန်ရတော့မှာလားကွယ် ဆိုခဲ့သူ ဗစ်တာခင်ညို (ဦး)
25+9+2025 နေ့ ၊ နံနက်ပိုင်းတွင် ကွယ်လွန်။

22/09/2025

ကြံကြံဖန်ဖန် ဆိုပေမယ့် သတ္တိကောင်းမှုတခုပဲ

18/09/2025

ဆယ်တန်းအောင်စာရင်း ထွက်တဲ့နေ့လေ ၊ အထက်တန်းကျလို့ ငိုသူတွေ တပုံကြီး။

17/09/2025

နိုင်ငံရေးနယ်ပယ် ဆိုတာ ဒါပါပဲ။
YBS ပေါ်တက်ပြီး ရဲရဲတောက်ပြောခဲ့တာတွေ ၊ ဈေးထဲ မှာ ပြောခဲ့တာတွေဟာ အန္တရာယ်သိပ်ကြီးတဲ့ ပေးဆပ်မှုတွေပါ ။ ဆုပေးစနစ်အရ လက်ခုပ်သံရခဲ့ပါတယ် ၊ JPEG ဂုဏ်ပြုမှတ်တမ်းလွှာတော့ မရခဲ့ပါဘူး ၊ ကာယကံရှင် ကိုနန်းလင်း လည်း မက်မောမည်မဟုတ်ပါ။
စကားဝိုင်း တခုကို အဖွဲ့အား အသိမပေးပဲ တက်ရောက်မိတာရယ် ၊ တဖက်စီစဉ်သူတွေ အားနည်း ချက်ကြောင့် အမျိုးသမီး မပါတာ ကိုက ကိုနန်းလင်း အပြစ် ဖြစ်ရပြီး ၊ ယခုလို JPEG ပြစ်ဒါဏ်တော့ ကိုနန်းလင်း ရခဲ့ပါတယ်။

အဖွဲ့အစည်း သမဂ္ဂ အဖွဲ့ဝင်တယောက် ဖြစ်ရတာ တကယ် မလွယ်ပါဘူး။

သည်စာကို ဝေဖန်ခြင်းမဟုတ်ပါ၊ စည်းတွေ ဘောင်တွေထဲက ပေးဆပ်ရေသူတွေရဲ့ ဘဝကို ထင်မြင်စေချင်တာပါ။

ဖြည့်ပြောရရင် ကျွန်တော်တို့ အဖွဲ့တခုတွင် ဂျန်ဒါ ဘာညာ ပြောကြ၍ အမျိုးသမီး သုံးယောက် ထည့်ထားသည် ၊ တကြိမ်မှ သုံးယောက်လုံး တက်သည့်အစည်းအဝေး မရှိပေ။ ဒါကြီးကို နေရာတကာ ဇွတ် ကိုင်စွဲမည့်အစား နားလည်ပေးသင့်သည်။

အချို့ စစ်ရေး တိုက်ပွဲများ အများစုတွင် အမျိုးသမီး စစ်သည် မပါပါ ၊ ထိုတိုက်ပွဲများ ကို မည်သို့ အရေးယူချင်ပါသလဲ။ ဒါလဲ သိချင်ပါသည်။

CSOs ဉာဉ်များ ကူးစက်လာသည့် နိုင်ငံရေးသည် အတော် လက်တွေ့ဆန်ဖို့ ခက်ခဲပါသည်။

13/09/2025

ခုနောက်ပိုင်း အရေးအသား ၊ အတွေးအခေါ် ၊ မူ ဝါဒ တွေ မည်မျှ ကောင်းကောင်း ၊ အဲ့ဒီ ရေးသူ ပြောသူ ရဲ့ သောက်ကျင့်နဲ့ စိတ်ဓာတ် ကိုပဲ အကဲဖြတ်လိုက်တော့တယ်။

မြေရှင် ပဒေသရာဇ် စနစ် အကြောင်း စီကာပတ်ကုန်းပြောတတ်တဲ့ သူက မြို့မှာ တိုက် နဲ့ ၊ ပြင်ဦးလွင်မှာ ဧကလိုက် ခြံပိုင်တယ်။

အလုပ်သမားထုဘက်က အမြဲရပ်တဲ့သူက တနေ့လုပ်အားခ မည်မျှရသင့်တယ် တိုက်ပွဲဝင်ခဲ့ပြီး သူ့အိမ်မှာ အိမ်အကူကို လစာတသိန်းခွဲ နဲ့ရှာတွေထားတာ ဂုဏ်ယူပြောတယ်။

အရင်းရှင်လူတန်းစား အကြောင်းပြောတဲ့ အကိုကြီးက တနေ့ သူ့လက်ဘက်ရည်ဆိုင်က စားပွဲထိုးကို လစာကိစ္စ စကားများရင်း ထိုးကြိတ် အလုပ်ထုတ်ပစ်လိုက်တယ်။

တရားမျှတမှုတွေ အမြဲရေးတဲ့သူက သူတို့ အသိုင်းအဝိုင်းက အနိုင်ကျင့်မှုကိစ္စ ကို တခါမှ ထုတ်ဖော်မပြောဘူး။

လောကီစည်းစိမ်ကာမဂုဏ် ကို မစွဲလန်းဖို့ပြောတဲ့ ဆရာတော်ကြီးက.... နန်းတော်တမျှနဲ့ သီတင်းသုံးတယ်။

ရေးကြ ပြောကြ ဆွေးနွေးကြတိုင်း ၊ ပင်ကိုယ် ဗီဇ စရိုက် နဲ့ ဆန့်ကျင်နေသူတွေကို အများကြီး တွေ့ရတယ်။

ကိုယ်မကျင့်နိုင်တဲ့ တရားအကြောင်း မပြောတာ အကောင်းဆုံးပဲ။

KO Y