Arakha Times, Mae Sot City, Mae Sot (2026)

01/06/2026

အာရက္ခတိုင်းမ်စ် သတင်းပေါ့စ်ကပ်စ်
(၁ ဇွန် ၂၀၂၆)
အာရက္ခတိုင်းမ်စ် သတင်းဌာနရဲ့ သတင်းပေါ့စ်ကပ်စ်အစီအစဉ်ကနေ ကြိုဆိုလိုက်ပါတယ်။ ဒီနေ့တင်ဆက်ပေးသွားမယ့် ရက္ခိုင်က ရေသန့်စက်ရုံ ၄၆ ရုံတွင် ၈ ရုံသာ စံချိန်မှီ ဆိုတဲ့သတင်း၊ ရန်ကုန်မှာ စည်ပင်ရဲ့ လိုင်းကြေးကြောင့် အခြေခံလူတန်းစားတွေ အခက်ကြုံနေ ဆိုတဲ့သတင်း၊ သွားလာစရိတ်ကြီးလို့ ရက္ခိုင် ကနေ ရန်ကုန်ကို ကျောင်းတက်ရန် ခက်ခဲနေ ဆိုတဲ့သတင်း၊ ရက္ခိုင်စစ်ရှောင်တွေကို အာရက္ခပြည်သူ့ကျန်းမာရေးဌာနက ဒုတိယအကြိမ် မျက်စိခွဲစိတ်ကုသပေး စတဲ့သတင်းတွေကို တင်ဆက်ပေးသွားမှာပဲ ဖြစ်ပါတယ်။

01/06/2026

နတ်ရေကန်တိုက်ပွဲတွင် ရွေးတုအစိုးရက ဒုံးတပ်ဖွဲ့နဲ့ပါ ခုခံနေရ

အာရက္ခတိုင်းမ်စ် (၁ ဇွန် ၂၀၂၆)

မကွေးတိုင်း ငဖဲမြို့နယ်ရှိ နတ်ရေကန်ဗျူဟာကုန်းတိုက်ပွဲတွင် ရွေးတုအစိုးရက ဒုံးကျည်ပစ်တပ်ဖွဲ့တွေပါ အသုံးပြုပြီး ခုခံတိုက်ခိုက်နေရတယ်လို့ သိရပါတယ်။

"နတ်ရေကန်တိုက်ပွဲ ဒုံးတပ်တွေ ရောက်နေတာ သေချာတယ်။ ပြီးခဲ့တဲ့ရက်က လေးပင်နဲ့ ဇီးအိုင်အကြားမှာ တော်လှန်ရေးတပ်တွေက ကြားဖြတ်တိုက်ခိုက်တာမှာ ၁၂၂ မမ ဒုံးကျည်တွေ သိမ်းဆည်းရမိခဲ့တယ်လေ။ အခုဆိုရင် ဒုံးကျည်တွေကို ကရင်နီနဲ့ ချင်းမြောက်ပိုင်းဖက်မှာလည်း အသုံးပြုလာတာကို တွေ့နေရတယ်" လို့ စစ်ရေးလေ့လာသုံးသပ်သူတဦးက အာရက္ခတိုင်းမ်စ်ကို ပြောပါတယ်။

ဒုံးကျည်တွေသယ်ဆောင်လာတဲ့ စစ်ယာဉ်တန်းဟာ ကျောက်ပန်းတောင်းအခြေစိုက် ဒစခ ၁ (ဒုံးစစ်ဆင်ရေးကွပ်ကဲမှုဌာနချုပ်) လက်အောက်ခံ ဒတရ ၆၀၉ (ဒုံးတပ်ရင်း) ကနေ ဂွေးချို၊ ရေနံချောင်း၊ မကွေး၊ မင်းဘူးကနေ ပဒါန်းတပ်နယ်ထဲကို ဝင်ရောက်လာတာလည်း ဖြစ်ပါတယ်။

အဆိုပါ ယာဉ်တန်းကို မေလ ၂၈ ရက်က မကွေးတိုင်း၊ မင်းဘူးမြို့နယ်၊ မင်းဘူး-အမ်း လမ်းပိုင်းပေါ်တွင် အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ မင်းဘူး မြို့နယ် ပကဖ၊ CDF-Asho၊ NSA လူ့ဘောင်သစ် တပ်မတော်တို့က မိုင်းဆွဲတိုက်ခိုက်ခဲ့တာလည်း ဖြစ်ပါတယ်။

အထက်ပါကဲ့သို့ တိုက်ခိုက်မှုကြောင့် စစ်သား ၆ ယောက်သေဆုံးခဲ့ပြီး ၃ ယောက်ဖမ်းမိကာ အူဇီ (၃) လက်၊ MA-1 (၂) လက်၊ MA-2 (၁) လက်၊ ၅.၅၆ ကျည် လက်ဆွဲဘောက် (၁) လုံး၊ ၁၂၂ မမ MLRS ရော့ကတ် ပို့ယမ်း သေတ္တာ (၆) လုံးနှင့် ၁၂၂ မမ MLRS ရော့ကတ် (၂၈) လုံး သိမ်းဆည်းရမိခဲ့ပါတယ်။

နတ်ရေကန်ဗျူဟာကုန်းစခန်းကို အမ်း – ပဒါန်းလမ်းပိုင်းက အမြင့်ပေ ၅၀၀၀ ကျော်မှာ တည်ဆောက်ထားတာဖြစ်ပြီး စစ်ကော်မရှင်တပ်ရဲ့ လေကြောင်းရန် ကာကွယ်ရေးစခန်းတခုဖြစ်သလို ရက္ခိုင်ပြည် အပါအဝင် မြန်မာနိုင်ငံရဲ့ အနောက်ဖက်က လေကြောင်းရန်တွေကို ထောက်လှမ်းဖို့အတွက် ပြုလုပ်ထားတာကြောင့် အရေးပါတဲ့ စခန်းကုန်းတခုလည်း ဖြစ်ပါတယ်။

အဆိုပါ ဗျူဟာကုန်းအနီးက ကာကင်းစခန်းတွေဖြစ်တဲ့ အမ်း – ပဒါန်းလမ်းပိုင်းက မထုံး၊ လင်းတဲ၊ စွန်တက်၊ ဂုတ်စည်း၊ ကံမြင့်ကန်၊ ဂုတ်ကြီး၊ ကြက်ရေစမ်း၊ ပိန်ရေစမ်းနဲ့ ပဇီကျေးရွာတွေကို အာရက္ခတပ်တော် နဲ့ ပူးပေါင်းမဟာမိတ်တပ်တွေက သိမ်းပိုက်ထိန်းချုပ်ထားတာလည်း ဖြစ်ပါတယ်။

01/06/2026

အာရက္ခထီ (လောင်ပေါ်) စတင်ရောင်း၊ ထီ (လောင်ပေါ်) ထိုးသူ များပြား

အာရက္ခတိုင်းမ်စ် (၁ ဇွန် ၂၀၂၆)

ရက္ခိုင်ပြည်က လွတ်မြောက်နယ်မြေတွင် အာရက္ခထီ (လောင်ပေါ်) ကို ဇွန်လ ၁ ရက်က စတင်ပြီး ရောင်းချပေးနေပြီး ထီ (လောင်ပေါ်) ထိုးသူ များပြားခဲ့တယ်လို့ သိရပါတယ်။

"တစောင် တထောင်ဆိုတော့ ထိုးပျော်တယ်လေ။ ပေါက်ခဲ့ရင် ကိုယ်လည်းရမယ်။ မပေါက်တော့လည်း ကိုယ့်အစိုးရက ကိုယ့်ဒေသဖွံ့ဖြိုးရေးမှာ သုံးမှာဆိုတော့ ဒီနေ့တော့ ၅ စောင်တွဲ သွားထိုးခဲ့တယ်။ စောင့်တော့ စောင့်ခဲ့ရတယ်။ ထိုးသူက တော်တော်လေးကို များတယ်" လို့ မြောက်ဦးမြို့နယ်ဒေသခံတဦးက အာရက္ခတိုင်းမ်စ်ကို ပြောပါတယ်။

အာရက္ခထီ (လောင်ပေါ်) ဆုမဲအနေနဲ့ အမြင့်ဆုံး ကျပ်သိန်း ၅၀၀၊ ကျပ်သိန်း ၃၀၀၊ ကျပ်သိန်း ၁၀၀၊ ကျပ်သိန်း ၅၀၊ ကျပ်သိန်း ၂၀၊ ကျပ် ၁၀ သိန်း စသဖြင့် ဆုမဲပေါင်း ၃၉ ဆု ခွဲဝေပေးသွားမယ်လို့လည်း သိရပါတယ်။

အာရက္ခထီ (လောင်ပေါ်) ဆုမဲအမျိုးအစားလိုက် ဆုငွေများကိုလည်း ဗဟိုအကောက်ခွန်နှင့် အခွန်ဌာန အာရက္ခလောင်ပေါ်ဌာနခွဲများနဲ့ သက်ဆိုင်ရာ မြို့နယ် အာရက္ခလောင်ပေါ် အရောင်းဌာနများတွင် ထုတ်ယူနိုင်တယ်လို့ သိရပါတယ်။

အာရက္ခထီ (လောင်ပေါ်) မှ ရရှိတဲ့ ငွေးကြေးများကို ရက္ခိုင်ပြည် ဖွံ့ဖြိုးတိုးတက်စေရေးအတွက် လမ်း၊ တံတားဆောက်လုပ်ခြင်း၊ ပညာရေး၊ ကျန်းမာရေး အစရှိတဲ့ လုပ်ငန်းများကို ဆောင်ရွက်သွားမှာဖြစ်တဲ့အတွက် ပြည်သူများအနေနဲ့ အာရက္ခထီလက်မှတ်များကို ပါဝင်ကံစမ်းကြရန် အာရက္ခပြည်သူ့တော်လှန်ရေးအစိုးရက တိုက်တွန်းထားပါတယ်။

01/06/2026

"စိမ်းလန်းသော အာရက္ခပြည်" စီမံကိန်း စတင်

အာရက္ခတိုင်းမ်စ် (၁ ဇွန် ၂၀၂၆)

ရက္ခိုင်ပြည် စိမ်းလန်းသာယာစေရေးအတွက် "စိမ်းလန်းသော အာရက္ခပြည်" စီမံကိန်းကို ဒီကနေ့ ဇွန်လ ၁ ရက်တွင် အာရက္ခပြည်သူ့တော်လှန်ရေးအစိုးရက စတင်လုပ်ဆောင်နေတယ်လို့ သိရပါတယ်။

"သဘာဝပတ်ဝန်းကျင် ပျက်စီးမှု" နဲ့ "သစ်တောပြုန်းတီးမှု" စွမ်းအင်လိုအပ်ချက်များကို ကိုင်တွယ်ဖြေရှင်းနိုင်ရန် မိုးရာသီ အပင်စိုက်ပျိုးရေး လှုပ်ရှားမှုများတွင် ရက္ခိုင်ပြည်သူ တဦးတယောက်ချင်းစီ တက်ကြွစွာ ပါဝင်ကြရန် “Green Arakkha စိမ်းလမ်းသော အာရက္ခပြည်” စီမံကိန်း လက်ကမ်းစာစောင်များ ဖြန့်ဝေနေတယ်လို့ သိရပါတယ်။

အဆိုပါ လက်ကမ်းစာစောင်တွင် "အာရက္ခဒေသတွင် သဘာဝပတ်ဝန်းကျင် ပျက်စီးမှုနဲ့ သစ်တောပြုန်းတီးမှု စွမ်းအင်လိုအပ်ချက်တို့ကို ကိုင်တွယ်ဖြေရှင်းရန် အာရက္ခ ပြည်သူ ပြည်သားများရဲ့ ပူးပေါင်းဆောင်ရွက်မှု လိုအပ်နေသလို ဂေဟစနစ် ပြန်လည်ထူထောင်ရန်၊ ဒေသအကျိုးပြု သစ်ပင်စိုက်ပျိုးနည်းဗျူဟာနဲ့ အာရက္ခ ပြည်တွင်းရှိ လူမှုအသိုက်အဝန်းအကြား သဘာဝပတ်ဝန်းကျင်ဆိုင်ရာ တာဝန်ယူမှု ရှိလာစေရန်နဲ့ စိမ်းလန်းစိုပြည် သာယာလှပတဲ့ အာရက္ခပြည် ဖြစ်ထွန်းလာစေရန်အတွက် ပြည်သူတဦးချင်းစီရဲ့ စည်းလုံးညီညွတ်မှုကို လိုအပ်လျက် ရှိတယ်” လို့ ဖော်ပြထားပါတယ်။

ပထမအဆင့်အနေနဲ့ မိမိတို့ရဲ့ နေအိမ်နဲ့ ခြံဝင်းတွေမှာ စိုက်ကြရမှာဖြစ်ပြီး ဒုတိယအဆင့်အနေနဲ့ မိမိတို့ရဲ့ ရပ်ရွာများတွင် စိုက်ပျိုးကာ တတိယအဆင့်အနေနဲ့ အာရက္ခပြည်သူ့တော်လှန်ရေးအစိုးရရဲ့ ပါတီ၊ အစိုးရ ဌာနဆိုင်ရာအားလုံး ပူးပေါင်းပြီး စိုက်ပျိုးကြမယ်လို့ သိရပါတယ်။

"မိုးရာသီဟာ သဘာဝပတ်ဝန်းကျင် စိမ်းလန်းစိုပြည်လာစေရန်၊ ရာသီဥတု ပြောင်းလဲမှုရဲ့ ဆိုးကျိုး သက်ရောက်မှုများကို လျော့နည်းစေရန်နဲ့ အနာဂတ်မျိုးဆက်သစ်များအတွက် သဘာဝ အရင်းအမြစ်များ ထိန်းသိမ်းနိုင်ရေး အပင်စိုက်ပျိုးရန် အကောင်းဆုံး အချိန်အခါ ဖြစ်တယ်" လို့ စာစောင်မှာ ဖော်ပြထားပါတယ်။

အာရက္ခပြည်သူ့တော်လှန်ရေးအစိုးရ သစ်တောနှင့် သဘာဝပတ်ဝန်းကျင်စီမံခန့်ခွဲရေးဌာနက ပြည်သူလူထုများအ‌နေနဲ့လည်း အများအကျိုးအတွက် ရည်ရွယ်ပြီး စိမ်းလန်းစိုပြေတဲ့ ဒီရေတောများနဲ့ သစ်တောများ ဖြစ်ထွန်းလာစေရေးအတွက် သစ်ပင်များ စိုက်ပျိုးလိုပါက ဇွန်နဲ့ ဇူလိုင်လများတွင် မျိုးပင်များ အခမဲ့ လာယူနိုင်ပါတယ်လို့လည်း တိုက်တွန်း နှိုးဆော်ထားပါတယ်။

01/06/2026

ကရင်နီပြည်သူလူထု၊ ကရင်နီသူရဲကောင်းများကို လေးနက်စွာ တန်ဖိုးထားတယ်လို့ AA ဆို

01/06/2026

နတ်ချောင်းရှိ စာသင်ကျောင်း အမိုးများ ပြုပြင်ရန် အကူညီလိုနေ

01/06/2026

ရက္ခိုင်အမျိုးသမီး မစိုးစံသူ ပိုင်ဆိုင်တဲ့ တိုက်ခန်းအမှု တိုင်းအယူခံတက်ထား

01/06/2026

အဝေးရောက် သက္ကမအဖွဲ့တွေက ရက္ခိုင်နဲ့ သက္ကမကြား မီးလောင်ရာ လေပင့် လုပ်ဆောင်နေ

အာရက္ခတိုင်းမ်စ် (၁ ဇွန် ၂၀၂၆)

ရက္ခိုင်ပြည် မောင်တောမြို့နယ် သင်္ဘောလှကျေးရွာတွင် မေလ ၂၃ ရက်က ဖြစ်ခဲ့တဲ့ ဖြစ်စဉ်ကို သေချာမသိ နားမလည်တဲ့ အဝေးရောက် သက္ကမအဖွဲ့အစည်းများ၊ ဆရာတော် သံဃာတော်များက ULA/AA အပေါ် တဖက်သတ် ပြစ်တင်စွပ်စွဲ ထုတ်ပြန်ခဲ့ကြတဲ့အတွက် ပြဿနာကို ဖြေရှင်းခြင်း မဖြစ်ဘဲ ရက္ခိုင်နဲ့ သက္ကမ လူမျိုးတို့ကြား ငြိမ်းချမ်းစွာ အတူ ယဉ်တွဲနေထိုင်ရေးကို ထိခိုက်စေတဲ့ မီးလောင်ရာ လေပင့် လုပ်ရပ်မျိုး ဖြစ်တယ်လို့ မောင်တောခရိုင် သက္ကမလူမျိုးစုရေးရာကော်မတီက ဆိုပါတယ်။

အာရက္ခတိုင်းပြည် တည်ဆောက်ရာတွင် သက္ကမ (ဒိုင်းနက်) လူမျိုးများ အပါအဝင် အာရက္ခဒေသတွင်း နေထိုင်ကြတဲ့ လူမျိုးများ အားလုံးအနေနဲ့ စိတ်ဝမ်းကွဲပြားမှု မရှိဘဲ တက်ညီလက်ညီ ပူးပေါင်းပါဝင်ကြရန် မောင်တောခရိုင် သက္ကမလူမျိုးစုရေးရာကော်မတီက မေလ ၃၁ ရက်တွင် ထုတ်ပြန်ခဲ့တာလည်း ဖြစ်ပါတယ်။

လူမျိုးရေး၊ ဘာသာရေး အကြောင်းပြုပြီး ပြဿနာများကို ဖန်တီးနေကြတဲ့ အုပ်စုများ ရှိနေလို့ သက္ကမ လူမျိုးများအနေနဲ့ အသုံးချခံ မဖြစ်စေရန် အထူးသတိထားဖို့ လိုအပ်တယ်လို့လည်း မောင်တောခရိုင် သက္ကမလူမျိုးစုရေးရာကော်မတီက ဆိုပါတယ်။

မေလ ၂၃ ရက်က မောင်တောမြို့နယ် သင်္ဘောလှကျေးရွာတွင် စစ်မှုထမ်းကိစ္စနဲ့ ပတ်သက်ပြီး အာရက္ခတပ်တော် တပ်ဖွ့်ဝင်များနဲ့ ရွာသားတချို့ကြား ရုန်းရင်းဆန်ခတ် ဖြစ်ပွားခဲ့ပြီးနောက် ဆူပူအုံကြွ အကြမ်းဖက်မှုကို လှုံ့ဆော်တဲ့ ဦးဆောင်သူများကို အာရက္ခတပ်တော် တပ်ဖွဲ့ဝင်များက ဖမ်းဆီး ထိန်းသိမ်းခဲ့ ပြီး ULA/AA တာဝန်ရှိသူများနဲ့ သင်္ဘောလှ ရွာသားတို့ကြား ဖြေရှင်းနေပြီး လက်ရှိတွင် ရပ်ရွာအခြေအနေမှာ ပုံမှန် အနေအထားကို ရောက်ရှိပြီး တည်ငြိမ်နေပြီလို့လည်း မောင်တောခရိုင် သက္ကမလူမျိုးစုရေးရာကော်မတီက ဆိုပါတယ်။

သက္ကမ (ဒိုင်းနက်) လူမျိုးများ အပါအဝင် အာရက္ခဒေသတွင်း နေထိုင်ကြတဲ့ လူမျိုးများ အားလုံးအနေနဲ့ တော်လှန်ရေးအပြီးသတ် အောက်ပွဲခံရေးနဲ့ တိုင်းပြည်ပြန်လည်တည်ဆောက်‌ရေး ကဏ္ဍအသီးသီးတွင် တာဝန်ယူမှု တာဝန်ခံမှု စိတ်ဓာတ်အပြည့်အဝနဲ့ တက်ညီလက်ညီ ပူးပေါင်းပါဝင် ဆောင်ရွက်ကြရန်လည်း မောင်တောခရိုင် သက္ကမလူမျိုးစုရေးရောကော်မတီက ထုတ်ပြန်ခဲ့ပါတယ်။

01/06/2026

ရက္ခိုင်စစ်ရှောင်တွေကို အာရက္ခပြည်သူ့ကျန်းမာရေးဌာနက ဒုတိယအကြိမ် မျက်စိခွဲစိတ်ကုသပေး

အာရက္ခတိုင်းမ်စ် (၁ ဇွန် ၂၀၂၆)

ရက္ခိုင်ပြည် လွတ်မြောက်နယ်မြေက စစ်ဘေးရှောင်ပြည်သူတွေကို အာရက္ခပြည်သူ့တော်လှန်ရေးအစိုးရ အာရက္ခပြည်သူ့ကျန်းမာရေးဌာနက ဒုတိယအကြိမ်မြောက် မေလ တတိယအပတ်က မျက်စိ အခမဲ့ ခွဲစိတ်ကုသပေးခဲ့တယ်လို့ သိရပါတယ်။

"မျက်စိလာပြတာက ၂၂၃ ယောက်ရှိတယ်။ မျက်စိအတွင်းတိမ်လူနာက ၃၃ ယောက်၊ မျက်သားခြစ်လူနာက ၅ ယောက်နဲ့ ပါဝါမျက်မှန်တပ်လူနာက ၂၁ ယောက် စုစုပေါင်း ၅၉ ယောက်ကို ခွဲစိတ် ကုသပေးခဲ့တယ်" လို့ အာရက္ခပြည်သူ့ကျန်းမာရေးဌာနက တာဝန်ရှိသူတဦးက ပြောပါတယ်။

အဆိုပါ မျက်စိခွဲစိတ် ကုသပေးရာတွင် အာရက္ခပြည်သူ့ကျန်းမာရေးဌာနက ကု ကျစရိတ်တွေ အားလုံးကို အခမဲ့ ပြုလုပ်ပေးခဲ့တာလို့လည်း သိရပါတယ်။

အာရက္ခပြည်သူ့ကျန်းမာရေးဌာနအနေနဲ့ စစ်ဘေးရှောင်ပြည်သူတွေကို မျက်စိ အခမဲ့ ခွဲစိတ်ကုသပေးခြင်း၊ နယ်လှည့် ဆေးကုသပေးခြင်းနဲ့ ကလေးသူငယ်တွေကို ကာကွယ်ဆေးထိုးခြင်းများ ဆက်တိုက်ပြုလုပ်ပေးနေတယ်လို့လည်း သိရပါတယ်။

အလားတူ ဧပြီလ ပထမအပတ်ကလည်း ရက္ခိုင်ပြည် စစ်ဘေးရှောင်ပြည်သူတွေထဲက မျက်စိဝေဒနာရှင်တွေကို အာရက္ခပြည်သူ့ကျန်းမာရေးဌာနက အခမဲ့ မျက်စိခွဲစိတ် ကုသပေးခဲ့ပါသေးတယ်။

ဖေဖော်ဝါရီလကလည်း ရက္ခိုင်ပြည် စစ်တွေခရိုင်အတွင်း ရွာပေါင်း (၁၄) ရွာက ဒေသခံနဲ့ စစ်ရှောင်များ အပါအဝင် ဒေသခံပြည်သူ ၅၀၀ ခန့်ကို အာရက္ခပြည်သူ့ကျန်းမာရေးဌာနက နယ်လှည့်ပြီး အခမဲ့ ဆေးကုသပေးခဲ့ပါတယ်။

အလားတူ ရက္ခိုင်ပြည် တောင်ကုတ်ခရိုင်အတွင်ရှိ ဒေသခံပြည်သူတွေကို အာရက္ခပြည်သူ့ကျန်းမာရေးဌာန၊ လူသားချင်းစာနာထောက်ထားရေးနဲ့ ဖွံ့ဖြိုးရေးဆိုင်ရာပူးပေါင်းဆောင်ရွက်ရေးရုံး (HDCO) တို့ ပူးပေါင်းပြီး ဖေဖော်ဝါရီလ ၈ ရက်က စတင်ကာ နယ်လှည့်ကွင်းဆင်းပြီး အခမဲ့ဆေးကုသပေးပြီး ခြင်ထောင်များ ထောက်ပံ့ကူညီပေးခဲ့တယ်လို့လည်း သိရပါတယ်။

01/06/2026

ကျောက်ဖြူတွင် စစ်သားတွေ ဒဏ်ရာရတာများလို့ စစ်ဆေးရုံ တိုးချဲ့ဖွင့်

Arakha Times

01/06/2026

01/06/2026

01/06/2026

01/06/2026

01/06/2026

01/06/2026

01/06/2026

01/06/2026

01/06/2026

01/06/2026

ที่อยู่

เว็บไซต์

แจ้งเตือน

ทางลัด

แชร์

ประเภท