Madam Minn

Thailand မှာပတ်သတ်တဲ့အရာများ တင်သွားပေးမယ်ရှင့်
ထိုင်းရောက်ရွှေမြန်မာများအတွက်
Believe in yourself.

Belief can make you achieve your goals
မိမိကိုယ်ကိုယုံကြည်ပါ
ယုံကြည်မှုက မိမိပန်းတိုင်သို့ ရောက်စေနိုင်သည်

16/04/2025

ထိုင်းစကားတတ်
အိမ်အလုပ်လုပ်တတ်သူမိန်းကလေး
1ယောက်ယူမယ် လစာ 12000
သူဌေးနဲ့နေ သူဌေးနဲ့စားစရိတ်ငြိမ်းနားရက်2ရက် စမတ်ခပေးစရာမလို

16/04/2025

ထိုင်းစကားတတ်
အိမ်အလုပ်လုပ်တတ်သူမိန်းကလေး
1ယောက်ယူမယ် လစာ 12000
သူဌေးနဲ့နေ သူဌေးနဲ့စားစရိတ်ငြိမ်းနားရက်2ရက်

08/04/2025

အိမ်သန့်သန့်လေး အရစ်ကျ ရချင်သူ

အမြန် အိပ်ခန်း4ခန်း အိမ်သာ၂ ကား၂စီးရပ်ရ

အဲယားကွန်း၅လုံး လက်ဆောင် တစ်အိမ်လုံး လိုက်ကာfree မီးဖိုချောင်အသစ်။

Location BangBo BangNa Samutpakran

စရံ30% သွင်းပီး အသင့်ဝင်နေရ ၁လ 38000သွင်းရ
#အိမ်ကြည့်ချင်သူများဆက်သွယ်လာပါရှင့်

08/04/2025

မြေးရွေးပေးတဲ့ ထီလက်မှတ် ဘတ်ခြောက်သန်းဆုပေါက်

ဧပြီ ၂၊ အလုပ်သမားဟစ်တိုင်

စူရင်ခရိုင် ကရစံမြို့ စူနေကျေးရွာ နေထိုင်သည့်
အသက် ၅၆ နှစ်အရွယ်ရှိ ထိုင်းအမျိုးသားတဦးသည်
မြေးဖြစ်သူရွေးပေးသည့် ထီလက်မှတ်က ယခုလ၁
ရက်နေ့တွင် ဖွင့်လှစ်သည့် အစိုးရထီဖွင့်ပွဲတွင်
ဘတ်ခြောက်သန်းဆု ပေါက်ခဲ့ကြောင်းသိရသည်။

အသက် ၅၆ နှစ်အရွယ်ရှိအဖိုးဖြစ်သူက မြေးဖြစ်သူကို
ခေါ်ပြီးအလှူပွဲတခုမှာလုပ်အားပေးသွားကြရာ လမ်းတွင်
ထီသည်တွေ့သဖြင့် မြေးဖြစ်သူကို ထီလက်မှတ်တရွက်
ရွေးခိုင်းပြီး ထီထိုးခဲ့ရာမှ ဘတ်ခြောက်သန်းထီဆုပေါက်ခဲ့
ခြင်းဖြစ်သည်။

ရှိမည့်ထီဆုငွေဖြင့် ကနဦး အလှူအရင်လုပ်မည်ဖြစ်ပြီး
ပေးရမည်အကြွေးများကိုဆပ်ပြီး ကျန်ငွေများကို သားသမီး
မြေးများရဲ့ ပညာရေးအတွက်အသုံးပြုမည်ဖြစ်ကြောင်း
ထီပေါက်သူက ပြောသည်။

06/04/2025

❝ညစ်ညမ်းတဲ့ ဘန်ကောက်လေထုကို အကြာကြီးထိတွေ့ရတဲ့အတွက် ကင်ဆာဖြစ်တဲ့အမျိုးသမီး❝

Siriraj ဆေးရုံက ဆေးပညာရှင် ဒေါက်တာ မနွတ် ပိတက်ခ်ပခွန်က ပြီးခဲ့တဲ့ ရက်တွေတုန်းက သူတို့ဆေးရုံမှာ တွေ့ကြုံခဲ့ရတဲ့ ထူးဆန်းကြောက်လန့်ဖွယ်ရာ ဖြစ်ရပ်တစ်ခုကို မျှဝေခဲ့ပါတယ်။ အဲ့တာကတော့ အသက် ၄၁ နှစ်အရွယ် အမျိုးသမီးကြီးတစ်ယောက်ရဲ့ Stage 4 ကင်ဆာဖြစ်တဲ့ ပြဿနာပါ။ ပိုဆိုးတာက ဒီအမျိုးသမီးက ဆေးလိပ် မသောက်တဲ့သူ၊
အဆုတ်ကင်ဆာဖြစ်ဖို့ လုံးဝကို မဖြစ်နိုင်တာပါပဲ။ ဒါပေမယ့် လေ့လာမှုတွေ လုပ်ပြီးတဲ့နောက်မှာတော့ ကြောက်မက်ဖွယ်ရာ ကောက်ချက်က PM2.5 ညစ်ညမ်းတဲ့
လေထုနဲ့ ရေရှည်ထိတွေ့ရတဲ့အတွက်ဖြစ်နိုင်တယ်လို့ ကောက်ချက်ချပါတယ်။ အမျိုးသမီးကြီးက လက္ခဏာတွေကို နိုဝင်ဘာ ၂၀၂၄ လေထုညစ်ညမ်းမှုများနေတဲ့အချိန်မှာ စတွေ့တာဖြစ်ပြီး ချောင်းခြောက်ဆိုးတာနဲ့ လည်ချောင်းယားတာကနေ စခဲ့တာပါ။ ကျန်းမာစွာ လှုပ်ရှားနေထိုင်ပေမယ့် အခြေအနေက ပိုဆိုးရွားလာခဲ့ပြီး သူ့ လည်ပင်းကော်လာနားမှာ အကြိတ်ဖုတွေ့တော့မှ ဆေးရုံပြရင်း ကင်ဆာဖြစ်နေကြောင်း စမ်းသပ်မိခဲ့တာပါ။ စီတီစကန် ဆေးစစ်ချက်တွေအရ ကင်ဆာက ညာဘက် အဆုတ်မှာ ပျံ့နေပါပြီ။
အခုဆိုရင်တော့ အမျိုးသမီးကြီးဟာ ကီမိုကုသမှုနဲ့ အခြားလိုအပ်တဲ့ ကုသမှုတွေကို ခံယူနေတယ်လို့ သတင်းတွေမှာဖော်ပြထားပါတယ်။ လေထုညစ်ညမ်းတာကိုလည်း လျှော့တွက်လို့မရဘူးနော်....ရေရှည်ဆို အန္တရာယ်များမယ်။

Ref: NT Thailand
Created . BT

06/04/2025

❝အရိပ်ပျောက်ဖြစ်စဥ် ထိုင်းတစ်နိုင်ငံလုံးနီးပါးဖြစ်မည်❞

နေက ဦးခေါင်းပေါ်တည့်တည့် ကျရောက်တဲ့အတွက် အရိပ်ပျောက်မှုဖြစ်စေဆန်းတစ်ခု ထိုင်းနိုင်ငံနဲ့ အဝန်းမှာ မနေ့ကစပြီး ဖြစ်နေပြီလို့ သတင်းတွေမှာဖော်ပြလာပါတယ်။ ဒီဖြစ်စဥ်ဟာ ထိုင်းနိုင်ငံနဲ့ ခရိုင် ၇၇ ခုမှာ ဖြစ်မှာဖြစ်ပြီး ထိုင်း အာကာသ စူးစမ်းလေ့လာရေးဌာနရဲ့ ပြောကြားချက်အရတော့ ဒီဖြစ်စဥ်ကြောင့် အပူချိန်တွေမြင့်တက်တာ မိုးရွာတာတွေအပြင် ရာသီဥတုပြောင်းလဲမှုတွေလည်း အထိုက်အလျောက်ဖြစ်နိုင်ပါတယ်တဲ့။ ပထမဦးဆုံး အရိပ်ပျောက်ဖြစ်စဥ်ကတော့ မနေ့က နေ့လယ်ပိုင်း ယာလာ ခရိုင်မှာဖြစ်သွားခဲ့ပြီဖြစ်ပြီး နေ့လယ် ၁၂ နာရီ ၁၉ မိနစ်မှာ ဖြစ်သွားတာပါ။

နောက်ထပ်ဖြစ်မယ့် ခရိုင်တွေကတော့ အောက်ပါအတိုင်းပါ။

ချွန်ပူရီ- April 25, 12.14pm
ချချွင်ဆောင်- April 26, 12.13pm
⭐️ဘန်ကောက်- April 27, 12.15pm
လွတ်ပူရီ- April 30, 12.15pm
နခွန်ရက်ချစီမာ- April 30, 12.09pm
ဥပွန်ရက်ချသနီ- May 1, 11.58am
နခွန်စဝမ်- May 3, 12.16pm
ကော့ကင်- May 7, 12.09pm.
စခွန်နခွန်- May 8, 12.00pm
ဥထုံဌာနီ- May 9, 12.05pm
မယ်ဆိုင်၊ချင်းရိုင်- May 9, 12.17pm
လမ်ဖွန်- May 12, 12.18pm
ချင်းမိုင် May 15, 12.21pm

ဒါနဲ့တင်မပြီးပါဘူး။ ထိုင်းနိုင်ငံရဲ့ တည်နေပုံအနေအထားရ အရိပ်ပျောက်ဖြစ်စေကို နောက်တစ်ကြိမ် ဇူလိုင်လကနေ စက်တင်ဘာလအထိ ထပ်မံကြုံတွေ့ရဦးမှာဖြစ်ပြီး ရက်တွေကတော့အောက်ကအတိုင်းပါ။

မယ်ဆိုင်၊ ချင်းရိုင်- July 21, 12.27pm
ချင်းမိုင်- July 28, 12.31pm
လမ်ဖွန်- July 31, 12.29pm
ဥထုံဌာနီ -August 3, 12.15pm
စခွန်နခွန်- August 4, 12.10pm
ကော့ကင်- August 6, 12.15pm
နခွန်စဝမ်- August 9, 12.25pm
လွတ်ပူရီ- August 12, 12.23pm
⭐️ဘန်ကောက်- August 16, 12.22pm
ဥပွန်ရက်ချသနီ- August 11, 12.06pm
နခွန်ရက်ချစီမာ August 12, 12.17pm
ချချွင်ဆောင်- August 16, 12.19pm
ချွန်ပူရီ- August 17, 12.20pm
ဖူးခက်- September 2, 12.26pm
ဆုန်ကလာ- September 4, 12.17pm
ယာလာ- September 7, 12.14pm

ရက်လေးတွေမှတ်ထားပြီး ကိုယ်နေတဲ့နေရာနဲ့ နီးရင် အရိပ်ထွက် မထွက်ကြည့်ခဲ့ဦးနော် အမျိုးတို့။

Ref: NT THAILAND
#ထိုင်းရောက်မြန်မာ

29/03/2025

28/03/2025

မြန်မာနှင့် ထိုင်းတွင် ငလျင် ဆက်တိုက်လှုပ်

Dawei Watch| မတ်လ ၂၈

မြန်မာနိုင်ငံနှင့် ထိုင်းနိုင်ငံတို့ရှိ ခရိုင်အတော်များများတွင် ယနေ့ နေ့လယ်ပိုင်းက ငလျင်ဆက်တိုက်လှုပ်ခတ်သွားကြောင်း သိရသည်။

မြန်မာစံတော်ချိန် နေ့လယ် ၁၂ နာရီ ၅၀ မိနစ်ခန့်မှစ၍ ငလျင်စတင်လှုပ်ခဲ့ခြင်းဖြစ်ပြီး အချိန် ၂ မိနစ်ခန့်အထိ ဆက်တိုက်လှုပ်ခတ်ခဲ့ခြင်းဖြစ်သည်။

ငလျင်ကြောင့် မြန်မာနှင့်ထိုင်းနိုင်ငံတို့တွင် ထိခိုက်ပျက်စီးမှုများ ဖြစ်နိုင်ကြောင်း ကနဦးသိရပြီး အထပ်မြင့်အဆောက်အအုံတွင် နေထိုင်သူများ ဘေးလွတ်ရာ တိမ်းရှောင်ခဲ့ကြရကြောင်း သိရသည်။

“ထမင်းစားရင်း ဘာလဲပေါ့။ ခေါင်းမူးသွားတယ်ထင်တာ။ တိုက်တစ်ခုလုံး ယိမ်းထိုးလာလို့ ဆင်းပြေးလိုက်ရတယ်” ဟု ဘန်ကောက်က မြန်မာနိုင်ငံသားတစ်ဦးက ဆိုသည်။

လက်ရှိအချိန်အထိ နောက်ဆက်တွဲ ငလျင်များ ဆက်တိုက်လှုပ်ခတ်နိုင်သဖြင့် သတိထားစောင့်ကြည့်နေကြဆဲဖြစ်ကြောင်း ဆိုသည်။

ငလျင်ပြင်အားနှင့် ဗဟိုချက်တည်နေရာများကို တိတိကျကျ မသိရသေးဘဲ အသေးစိတ်အခြေအနေကို ဆက်လက်ဖော်ပြပေးသွားပါမည်။

ပုံစာ - ဘန်ကောက် ပတိုနမ်းနယ်မြေတွင် ငလျင်လှုပ်ခတ်မှုအပြီး ဘေးလွတ်ရာ ပြေးဆင်းလာသူများကို တွေ့ရစဉ်။

Dawei Watch သတင်းဌာန၏ သတင်းများကို Dawei Watch Telegram ချယ်နယ်တွင် ဝင်ရောက်ဖတ်ရှုနိုင်ပါသည်။ https://t.me/daweiwatch

28/03/2025

ဘန်ကောက် ဆောက်လက်စတိုက်ပြိုကျမှု ၇ ဦးသာ လွတ်ပြီး ၄၃ ဦးပျောက်ဆုံး၊ ၃ နာရီအထိ Aftershock များရှိနိုင်သဖြင့် အဆောက်အအုံပြင်ပတွင် ဆက်နေကြဖို့ ထိုင်းသတိပေးချက် ထုတ်ပြန်

မဲခေါင်၊ မတ် ၂၈

မြန်မာနိုင်ငံအလယ်ပိုင်းကို ဗဟိုပြုပြီး ပြင်းအား ၇ . ၇ ဖြင့် လှုပ်ခတ်သွားခဲ့သည့် ငလျှင်ကြောင့် ဘန်ကောက် ရှိ Nang Sue အရပ်မှ ဆောက်လက်စ အထပ်မြင့်တိုက် ပြိုကျသွားခဲ့ရာ ၇ ဦးသာ လွတ် မြောက်ပြီး ဆောက်လုပ်ရေးလုပ်သား ၄၃ ဦး ပျောက်ဆုံးနေကြောင်း ထိုင်း Khaosod မီဒီယာမှ ထုတ်ပြန်ခဲ့သည်။

ယင်းအဆောက်အအုံတွင် မြန်မာဆောက်လုပ်ရေးလုပ်သားများစွာလည်း အလုပ်လုပ်ကိုင်နေကြ သဖြင့် စိုးရိမ်ရသည့်အခြေအနေရှိကာ သေဆုံးမှုအခြေအနေများကို သတင်းစာရှင်းလင်းပွဲမလုပ်နိုင် သေးသောကြောင့် မသိရနိုင်သေးပေ။

ထိုင်းမိုးလေဝသဌာနက ငလျှင်ကြီးလှုပ်ပြီးနောက် နောက်ဆက်တွဲ Aftershock ငလျှင်များ ဒေသစံတော်ချိန် မွန်းလွဲ ၃ နာရီအထိ ဆက်လှုပ်ခတ်နိုင်သေးသဖြင့် ရုံးများ၊ အဆောက်အအုံများထဲ ပြန်မဝင်သေးဘဲ လမ်းများပေါ်တွင် ဘေးလွတ်ရာ နေရာရှာဖွေနေထိုင်ကြရန်လည်း သတိပေးချက် ထုတ်ပြန်ထားသောကြောင့် ဘန်ကောက်လမ်းများပေါ် လူများစွာ စုဝေးနေကြသေးကြောင်း သိရသည်။

Ref:Khaosod

#ငလျင်
#စစ်ကိုင်းပြတ်ရွေ့
#ဘန်ကောက်
#နောက်ဆက်တွဲငလျင်

28/03/2025

ဘန်ကောက်ဆောက်လုပ်ရေးလုပ်ငန်းခွင် ငလျင်ကြောင့်ပြိုကျ၊ မြန်မာလုပ်သားများအပါဝင် ၄၃ ဦးပိတ်မိ

ရွှေနွယ်

မဇ္ဈိမ။ ။ ထိုင်းနိုင်ငံ၊ ဘန်ကောက်မြို့၊ ချတူးချက်(Chatuchak) နယ်မြေရှိ အထပ်မြင့်တိုက် ဆောက်လုပ်ရေးလုပ်ငန်းခွင်သည် ယနေ့ (မတ်လ ၂၈ ရက်) ထိုင်းစံတော်ချန် ၁ နာရီ ၃၀ မိနစ်ခန့်က လှုပ်ရှားသွားသည့်ငလျင်ကြောင့် ပြိုကျပျက်စီးခဲ့ရာ မြန်မာရွှေ့ပြောင်းလုပ်သားများအပါအဝင် လုပ်သား ၄၃ ဦးပိတ်မိနေကြောင်း ရွှေ့ပြောင်းလုပ်သားများအရေးကူညီဆောင်ရွက်ပေးနေသည့် ကိုရဲမင်းကပြောသည်။

အဆိုပါ ဆောက်လုပ်ရေးလုပ်ငန်းခွင်သည် အလုပ်သမား ၅၀ ဝင်ရောက်လုပ်ကိုင်နေသည့်လုပ်ငန်းခွင်ဖြစ်ကြောင်း သိရသည်။

"အဲ့ဒီအထဲမှာ သေချာတယ် မြန်မာလုပ်သားတွေပါတယ်။ မြန်မာဘယ်နှစ်ဦးပါသလဲလို့တော့ အတိအကျမသိရသေးဘူး။ အခု ကိုရဲမင်းတို့အဖွဲ့တွေ အဲ့ဒီနေရာကိုသွားနေပါတယ်။ ထိုင်းမြန်မာအလုပ်သမားတွေ ၄၃ ယောက်ပါသွားတယ်" ဟု ထိုင်းရောက် မြန်မာရွှေ့ပြောင်းလုပ်သားများအရေးကူညီဆောင်ရွက်ပေးနေသည့် MHAC မဟာမိတ်အဖွဲ့ ထူထောင်သူ ကိုရဲမင်းက မဇ္ဈိမကို ပြောသည်။

အဆိုပါ ဆောက်လုပ်ရေးလုပ်ငန်းခွင်မှ ထွက်ပြေးလွတ်မြောက်လာသူ တဦးကို မေးမြန်းထားသည့် ရုပ်သံဖိုင်၌လည်း မြန်မာလုပ်သားအများအပြားပါဝင်ကြောင်း ၎င်းကပြောဆိုထားသည်။ ဆောက်လုပ်ရေးလုပ်ငန်းခွင်သည် ပြီးစီးလုနီးအခြေအနေ၌ ငလျင်ကြောင့်ပြိုကျသွားခြင်းဟုသိရသည်။

ထိုင်းဒေသတွင်းသတင်းဌာနများ၌လည်း အဆိုပါ ဆောက်လုပ်ရေးလုပ်ငန်းခွင်ပြိုကျသည့်ဖြစ်စဥ်နှင့်ပတ်သက်၍ သတင်းများဖော်ပြလျက်ရှိသည်။

ငလျင်သည် မြန်မာနိုင်ငံကို ဗဟိုပြုလှုပ်ရှားသွားခြင်းဖြစ်ကာ ပြင်းအား ရစ်ချ်တာစကေး ၇ ဒသမ ၇ အဆင့်ရှိကြောင်း ထိုင်းသတင်းဌာန The Nation Thailand က သတင်းဖော်ပြသည်။

ဘန်ကောက်မြို့၌သာမက ထိုင်းနိုင်ငံအနှံ့အပြားရှိ ချင်းမိုင်၊ ကန်ချနာဘူရီ၊ ချွန်ဘူရီ၊ စင်းဘူရီ၊ မဲဆောက်မြို့တို့၌လည်း ငလျင်ကိုသိသိသာသာ သိရှိခံစားလိုက်ကြရသည်။

စာတည်း - သန့်ဇော်(သန်လျင်)

ဓါတ်ပုံ − ထိုင်းရောက်ရွှေ့ပြောင်းမြန်မာလုပ်သားများအရေးကူညီပေးနေသည့် MHAC အဖွဲ့တည်ထောင်သူ ကိုရဲမင်း။

Website Link >>> https://bur.mizzima.com/2025/03/28/50886

#မဇ္ဈိမသတင်း
#ဘန်ကောက်မြို့

#မြန်မာလုပ်သားများ
#ပြိုကျပျက်စီး
#ငလျင်
-----------------------------------------
Mizzima News in Burmese ရဲ့ Official telegram channel ဒီမှာ follow လုပ်ပါ https://t.me/mizzimatv
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U or https://tinyurl.com/donatemzm
Subscribe Mizzima TV : https://www.youtube.com/cha.../UCk9f0cLiMmtchQySOogzoig/join