10/05/2026
MMA လောကမှာ ပွဲမတိုင်မီ လူစိတ်ဝင်စားအောင် လေတိုက်တာ (Trash talk) မျိုးတွေက သဘာဝပဲ။
တိုင်ရာက ပွဲမတိုင်မီက သူဟာ ဖလိုင်းဝိတ်တန်းမှာ အကောင်းဆုံးဖိုက်တာ ဆိုတာ သက်သေပြသွားမယ်၊ ချန်ပီယံခါးပတ်ကို ယူသွားမယ်လို့ ကြွေးကျော်ခဲ့ပါတယ်။
ဒီလို ပြောခဲ့တာက Trash talk တောင်မဟုတ်ပဲ ကိုယ့်ကိုကိုယ် မာန်တင်းပြီး သာမန် ပြောတဲ့ စကားသာ ဖြစ်ပါတယ်။ ဘယ်ဖိုက်တာကမှ ပွဲမတိုင်မီမှာ “ ကျွန်တော်က ပိုညံ့တဲ့ ဖိုက်တာပါ၊ ခါးပတ်လဲ မယူပါဘူး” လို့ ပြောမှာမှ မဟုတ်တာ။
ပွဲချိန်တွင်းမှာလည်း တိုင်ရာက ဗန်ရဲ့ ပြိုင်ဘက်ကောင်း ဖြစ်ခဲ့ပြီး တစ်ပွဲလုံးကို ဇွဲ ရှိရှိ သတ္တိ ရှိရှိနဲ့ ယှဥ်ပြိုင်သွားတာပါ။ ညစ်ကျယ်ကျယ်လုပ်တာ ၊ ခဏခဏ complain တက်တာ၊ ဥပဒေပ ကစားတာမျိုး တခုမှ မလုပ်ခဲ့ပါဘူး။
သာမန် ဖိုက်တာဆို ဆင်းသွားလောက်တဲ့အထိ အလူးအလဲ အထိုးခံနေရတဲ့ ကြားထဲက တစ်စက္ကန့်ချင်းစီ ပေတေ အထိုးခံသွားပြီး အရှုံးမပေးပဲ ရပ်တည်သွားခဲ့တယ်။ ၅ ချီမြောက်မှာလည်း ဒိုင်ပွဲရပ်လိုက်တာတောင်မှ ဆက်ထိုးချင်နေသေးတဲ့အထိ ဆာမူရိုင်း စိတ်ဓါတ်ကို ပြသသွားခဲ့တာပါ။
ခြုံပြောရရင် တိုင်ရာဟာ ဆာမူရိုင်း ဝါရီယာ တစ်ယောက်ရဲ့ သတ္တိကို ပြသသွားခဲ့သလို ဗန်ရဲ့ ပြိုင်ဘက်ကောင်း ဖြစ်ခဲ့ပြီး သန့်သန့်ရှင်းရှင်းယှဥ်ပြိုင်သွားခဲ့ပါတယ်။
ဒီမှာ မြန်မာဖန် တွေကို မေတ္တာရပ်ခံချင်တာက UFC page တွေ၊ ဂျပန် page တွေအောက်မှာ ကွန့်မန့်တွေ ရေးတဲ့အခါ တိုင်ရာလို ဖိုက်တာမျိုးအပေါ် လေးစားမှု ပြသပေးဖို့ပါပဲ။ တကယ်လို့ တိုင်ရာကို လေးစားမှုမျိုး မရေးရင်တောင်မှ လှောင်ပြောင်တာ၊ အပြစ်တင်တာ၊ ပုံတွေနဲ့ လှောင်ရယ်တာမျိုး မလုပ်ဖို့ပါ။ အားကစား သဘာဝကတော့ အနိုင်အရှုံးဆိုတာ အမြဲရှိတတ်ပါတယ်။
WW2 ပြီးနောက်ပိုင်း ဂျပန်တွေဟာ နိုင်ငံတကာ စင်မြင့်ထက်မှာ ယဥ်ကျေးပြီး နိုင်ငံကြီးသား ပီသသူတွေ၊အားကစားစိတ်ဓါတ် ရှိသူတွေအဖြစ် ကမ္ဘာက အသိအမှတ်ပြုရလောက်အောင် စိတ်ဓါတ် ကောင်းမွန်ကြပါတယ်။
ဒါ့အပြင် ဂျပန်ဟာ မြန်မာပြည်သူတွေရဲ့ မိတ်ဆွေကောင်းလည်း ဖြစ်တာကြောင့် ဂျပန်ဖိုက်တာ ဖြစ်တဲ့ တိုင်ရာကိုလည်း လေးစားမှု ပြန်ပေးစေချင်တာပါ။
တကယ်လို့ တိုင်ရာနေရာမှာ မြန်မာ့သယံဇာတတွေ ခိုးထုတ်နေတဲ့ ကမ္ဘာ့ချဥ်ဖတ်နိုင်ငံက ဖိုက်တာ ဆိုရင်တော့..
ဘာနေနေ စာရေးသူက အရင်သွားဆ-ဲပြီးသားပဲ...
