เว็บไซต์คืออะไร?

https://www.facebook.com/1018110068240391/

Daily Sharing, Nonthaburi (2026)

10/09/2026

😱 အလှူငွေ ဘတ် 92 သန်းကို အလွဲသုံးစားလုပ်ခဲ့တဲ့အပြင် ကျောင်းမှာ အမျိုးသမီးတစ်ဦးနဲ့ အတူဆက်ဆံခဲ့တဲ့ ကျောင်းထိုင်ဘုန်းကြီး အဖမ်းခံရ

ကျောင်းပိုင် ပိုက်ဆံ ဘတ် 92 သန်းကို အလွဲသုံးစားပြုလုပ်ခဲ့တဲ့ ကျောင်းထိုင်ကို ရဲတွေ 10 ရက်နေ့ မနက် 06:00 နာရီက လာခေါ်သွားပါတယ်။

နေရာကတော့ နခေါ့စီအယုဓရာမြို့က (နမည်ကြီး ဘုန်းကြီးကျောင်းကြီး ဖြစ်တဲ့ วัดพุทไธศวรรย์- ဝပ်ဖူ့ထိုင်းဆဝမ်) ကျောင်း ဖြစ်ပါတယ်။

ကျောင်းထိုင်ရဲ့ လူအမည်က ကိုချိုတီး အသက် 66 နှစ် ဖြစ်ပါတယ်။

ကျောင်းပိုက်ဆံ ဘတ် 92 သန်းကို ခြေရာ ခံမိတဲ့ အစကတော့ လွန်ခဲ့တဲ့ 2 နှစ်ကျော်က ၊ကိုချိုတီးဟာ ဘတ် 92 သန်း တန်ဖိုးရှိ၊ အလှုငွေ လက်ခံပိုက်ဆံဖြတ်ပိုင်း အစောင် 20 ကျော်ကို လိမ်လည်ပြီး မရှိတော့ဘူးဆိုပြီး စရင်းဖျောက် ဖျောက်ဖျက်ခဲ့ပါတယ်။

အဲနောက် ကျောင်းငွေ အဝင် အထွက်ကို စစ်ဆေးတော့ ငွေတွေက ဘတ် 92 သန်း ပျောက်နေပါတယ်။

ငွေတွေ ဘယ်ရောက်သွားလဲဆိုပြီး စုံစမ်းကြတော့ ကိုချိုတီးက သူ့နဲ့ ရင်းနှီးတဲ့ အသက် 47နှစ်ရှိ အမျိုးသမီးကို ပိုက်ဆံတွေ ပေးထားတယ်လို့ သတင်းရပြန်တယ်။

အဲနောက် ဒီ အမျိုးသမီး ရဲ့ အကြောင်းကို ထပ်မံ စစ်ဆေးတော့ ကိုချိုတီး ရဲ့ ချစ်သူဆိုတာကို သိသွားခဲ့တယ်။

နောက်ထပ် အမျိုးသမီးရဲ့ ဘဏ်စရင်းကို စစ်တော့ နှစ်တိုင်း နှစ်တိုင်း ဘဏ်စရင်းငွေ အဝင် အထွက်မှာ ဘတ် သန်းချီပြီးလည်ပတ်နေတာကို သိသွားကြတယ်။

ကိုချိုတီး ဟာ မိမိရဲ့ ကိုပိုင် အကျိုးစီးပွါး အတွက် အသုံးပြုရန် အတွက် ကျောင်းပိုက်ဆံ ဘတ် 92 သန်းကို အလွဲသုံးစား ပြုတာကို စစ်ဆေးရမိသွားကြတယ်။

အဲနောက် 8 ရက်နေ့က ကိုချိုတီး နဲ့ ချစ်သူ အမျိုးသမီး ကို ဖမ်းဝရမ်းထုတ်ခဲ့ကြပါတယ်။

10 ရက်နေ့ မနက် 6:00 နာရီမှာတော့ ကိုချိုတီး ကို ထမင်းစားဆောင်မှာတွေ့ပြီး အမျိုးသမီး ကိုတော့ နေအိမ်ကနေ ခေါ်လာကာ ထပ်မံ စစ်ဆေးဖို့ ခေါ်ဆောင်သွားပါတယ်။

#ထိုင်းသတင်း #နေ့စဉ်သတင်း
Nanpiya Punno

10/09/2026

🚨 အစ္စရေးသံရုံးရှေ့ ထိုင်းနိုင်ငံသားများ ဆန္ဒပြ

“သဲ စကော့” (ทราย สก๊อต) သို့မဟုတ် “သဲ စမွတ်” (ทราย สมุทร) ဟု လူသိများသူသည် Sonthi Limthongkul ဦးဆောင်သည့် လူထုလှုပ်ရှားမှုတွင် ပါဝင်ခဲ့ပြီး အစ္စရေးသံရုံးသို့ ချီတက်ကာ စာတင်ပြသည့် လှုပ်ရှားမှုတွင် ပူးပေါင်းပါဝင်ခဲ့ကြောင်း သိရသည်။

၎င်းက ထိုင်းနိုင်ငံအတွင်း နိုင်ငံခြားသားများ၏ ခြိမ်းခြောက်မှုများကို အစိုးရဘက်က လုံလောက်စွာ ကာကွယ်ပေးခြင်းမရှိဟု ဝေဖန်ပြောဆိုခဲ့ပြီး “ထိုင်းနိုင်ငံကို ပြန်လည်ရယူကြစို့” ဟူသည့် သဘောထားကို ထုတ်ဖော်ခဲ့သည်။

ထို့အပြင် မိမိတို့၏ မွေးရပ်မြေကို ထိခိုက်ပျက်စီးစေသည့် လုပ်ရပ်များ ရပ်တန့်ပေးရန်လည်း တောင်းဆိုခဲ့ကြောင်း သတင်းတွင် ဖော်ပြထားသည်။

#နေ့စဉ်သတင်း #ထိုင်းသတင်း

10/09/2026

မူကြိုကျောင်းမှာ ဇနီးဖြစ်သူကို ပစ်_သတ်ပြီး အိမ်ထဲပုန်းနေသည့်ဒုရဲအုပ် ကို ရဲတပ်ဖွဲ့ဝင် သားဖြစ်သူ တစ်ညလုံးဖျောင်းဖျခဲ့ပြီး မနက်ပိုင်းတွင် လက်နက်ချအဖမ်းခံခဲ့

တစ်ညလုံး ပိတ်ဆို့ထားရတဲ့ ဖြစ်စဉ်ပြီးဆုံး
ဇနီးဖြစ်သူ မူကြိုကျောင်းဆရာမကို ပစ်ttတ်ခဲ့တဲ့ ရဲအရာရှိ ဖခင်ကို ရဲတပ်ဖွဲ့ဝင် သားဖြစ်သူက တစ်ညလုံး ဖျောင်းဖျပြီးနောက် မနက်ပိုင်းမှာ လက်နက်ချ အဖမ်းခံလိုက်ပါတယ်။

ဖြစ်စဉ်ကတော့ မနေ့က (စက်တင်ဘာ ၉ ရက်) မနက်ပိုင်းမှာ "ဒုရဲအုပ်အို" ဟာ မူကြိုကျောင်းထဲအထိ သွားပြီး ဇနီးဖြစ်သူကို သေနတ်နဲ့ ပစ်သတ်ခဲ့တာပါ။

အဲဒီနောက် အိမ်ထဲမှာ ပုန်းနေခဲ့တာကြောင့် ရဲတွေက ဝိုင်းထားခဲ့ကြပါတယ်။

ဒီသတင်းကို ကြားတာနဲ့ တောင်ပိုင်းက စခန်းကို သွားနေတဲ့ ရဲတပ်ကြပ် သားဖြစ်သူဟာ ချက်ချင်း ပြန်လာပြီး ဖခင်ဖြစ်သူ အဖမ်းခံဖို့ ဖုန်းနဲ့ရော လော်စပီကာနဲ့ပါ တစ်ညလုံး မနားတမ်း ဖျောင်းဖျပြောဆိုခဲ့တာပါ။

ဒီနေ့ (စက်တင်ဘာ ၁၀ ရက်) မနက် ၆ နာရီခွဲလောက်မှာတော့ သားဖြစ်သူနဲ့ ခေတ္တ စကားပြောအပြီးမှာ ဖခင်ဖြစ်သူဟာ မောပန်းနွမ်းနယ်နေတဲ့ ပုံစံနဲ့ အိမ်ပြင်ထွက်လာပြီး အေးဆေးဆေးပဲ လက်နက်ချခဲ့ပါတယ်။

သေနတ်ကိုလည်း အိမ်ထဲမှာ ထားခဲ့တဲ့နေရာ ညွှန်ပြခဲ့ပါတယ်။

ခုလက်ရှိ တာဝန်ရှိသူတွေက ရဲစခန်းကို ခေါ်သွားပြီး စစ်ဆေးအရေးယူဖို့ ဆောင်ရွက်နေပါတယ်။ ဘာကြောင့်မိန်းမ ဖြစ်သူကို ပစ် ttသတ်ရကြောင်း မသိရသေးပါဘူး။

#သတင်း #ထိုင်း
Thai by nang Sein

10/09/2026

တက္ကစီပေါ်ကျန်ခဲ့တဲ့ ဘတ် ၁ သိန်းကျော်ကို ယာဉ်မောင်းက ပိုင်ရှင်ထံ ပြန်အပ်

ထိုင်းနိုင်ငံတွင် တရုတ်နိုင်ငံသား ပါရဂူဘွဲ့ကျောင်းသားတစ်ဦး တက္ကစီပေါ်တွင် မေ့ကျန်ခဲ့သည့် ငွေကြေးစုစုပေါင်း ဘတ် ၁၁၁,၆၆၆ ခန့်ကို တက္ကစီယာဉ်မောင်းက ပိုင်ရှင်ထံ ပြန်လည်အပ်နှံနိုင်ခဲ့သည့် ဖြစ်ရပ်တစ်ခု ဖြစ်ပွားခဲ့သည်။

တရုတ်နိုင်ငံသား ပါရဂူဘွဲ့ကျောင်းသား လီကျွန်းချီ သည် သုဝဏ္ဏဘူမိလေဆိပ်မှ တက္ကစီစီးကာ ရာချမင်္ဂလာနည်းပညာတက္ကသိုလ် သန်ယဘူရီ အနီးရှိ ကုန်စုံဆိုင်ရှေ့တွင် ဆင်းခဲ့ပြီးနောက် ငွေများထည့်ထားသည့် အိတ်တစ်အိတ်ကို တက္ကစီပေါ်တွင် မေ့ကျန်ခဲ့ခြင်းဖြစ်သည်။

အဆိုပါအိတ်အတွင်း ထိုင်းဘတ် ၁,၀၀၀ တန် ငွေစက္ကူ ၉၉ ရွက်၊ စုစုပေါင်း ဘတ် ၉၉,၀၀၀ နှင့် ပေါင်စတာလင် ၅၀ တန် ငွေစက္ကူ ၆ ရွက် ပါဝင်ခဲ့ပြီး စုစုပေါင်းတန်ဖိုးမှာ ဘတ် ၁၁၁,၆၆၆ ခန့် ရှိခဲ့သည်။

ခရီးသည်ကို ချထားပေးပြီး ၁၅ မိနစ်ခန့်အကြာတွင် တက္ကစီယာဉ်မောင်း ပရာစစ် ပရာချာချစ် က နောက်ခုံပေါ်တွင် အိတ်ကျန်နေသည်ကို တွေ့ရှိခဲ့သည်။ အိတ်ကိုဖွင့်ကြည့်ရာ ငွေကြေးအမြောက်အမြား ပါရှိနေသည်ကို တွေ့သဖြင့် ချက်ချင်းပြန်ပိတ်ကာ ပိုင်ရှင်ထံ ပြန်အပ်ရန် ဆုံးဖြတ်ခဲ့သည်။

ယာဉ်မောင်းက ခရီးသည်ဆင်းခဲ့သည့်နေရာသို့ပင် ပြန်လည်မောင်းနှင်သွားကာ ပိုင်ရှင်ကို ရှာဖွေခဲ့သော်လည်း မတွေ့ခဲ့ပေ။ ထို့နောက် တက္ကစီခေါ်ယူသည့် App မှတစ်ဆင့် ပိုင်ရှင်၏ဖုန်းနံပါတ် ရရှိနိုင်ရန် ကြိုးစားခဲ့သော်လည်း ဆက်သွယ်၍ မရခဲ့သဖြင့် နောက်ဆုံးတွင် ငွေများကို FM91 သတင်းဌာန သို့ သွားရောက်အပ်နှံပြီး ပိုင်ရှင်ကို ရှာဖွေကြေညာပေးရန် အကူအညီတောင်းခဲ့သည်။

တစ်ပတ်ခန့်အကြာတွင် ရာချမင်္ဂလာနည်းပညာတက္ကသိုလ်ဘက်မှ ဆက်သွယ်လာပြီး အဆိုပါငွေများမှာ ပါရဂူဘွဲ့စာတမ်း ပြုစုနေသည့် ကျောင်းသား လီကျွန်းချီ၏ ငွေများဖြစ်ကြောင်း အတည်ပြုနိုင်ခဲ့သည်။

ငွေများ ပြန်လည်ရရှိခဲ့သည့် လီကျွန်းချီကလည်း မိမိ၏ငွေများ ပြန်ရမည်ဟု မမျှော်လင့်ထားခဲ့ကြောင်းနှင့် ငွေကြေးအမြောက်အမြားကို ကိုယ်ပိုင်မယူဘဲ ပိုင်ရှင်ထံ ပြန်ရောက်အောင် ကြိုးစားပေးခဲ့သည့် တက္ကစီယာဉ်မောင်းကို အထူးကျေးဇူးတင်ကြောင်း ပြောကြားခဲ့သည်။

အဆိုပါဖြစ်ရပ်သည် ငွေကြေးတန်ဖိုးထက် မိမိမပိုင်သည့်ပစ္စည်းကို မိမိပိုင်အဖြစ် မယူဘဲ ပိုင်ရှင်ထံ ပြန်လည်ရောက်ရှိအောင် ကြိုးစားပေးခဲ့သည့် လူသားတစ်ဦး၏ ရိုးသားမှု ကို ထင်ရှားစွာ ပြသခဲ့သည့် ဖြစ်ရပ်တစ်ခု ဖြစ်သည်။

#ထိုင်းသတင်း #နေ့စဉ်သတင်း

10/09/2026

ည (၁၀) နာရီလောက်က မြန်မာပြည်သား အများအပြားလုပ်ကိုင်နေတဲ့ မွေ့ရာစက်ရုံမှာ အကြီးအကျယ် မီးလောင်ကျွမ်းခဲ့ပါတယ်။

အယုဒ္ဓယခရိုင်၊ ဘာန်ဆိုင်းမြို့နယ်၊ ဘာန်ဆိုင်းကျေးရွာအုပ်စုမှာရှိ တဲ့ မွေ့ရာနဲ့ ခေါင်းအုံးထုတ်လုပ်တဲ့ စက်ရုံအတွင်း မီးလောင်မှု ဖြစ်ပွါးခဲ့တာပါ။

မီးသတ်တပ်ဖွဲ့ဝင်တွေက (၂) နာရီကျော်နီးပါး မီးငြှိမ်းသတ် ခဲ့ရပါတယ်။

စတင်ဘာ ၉ ရက်နေ့ည (၁၀) နာရီလောက်က ဖြစ်ပွါးခဲ့တာပါ။

မြန်မာပြည်သားအားလုံး ဘေးရန်ကင်ပြီး အလုပ်အကိုင်များ အဆင်ပြေကြပါစေ 🙏

Source ThaiPBS
#ထိုင်း #သတင်း #မီး

09/09/2026

မော်တော်ယာဉ် စုံ/မ နံပါတ်စနစ် ပယ်ဖျက်

မော်တော်ယာဉ်များကို ယာဉ်နံပါတ် စုံ/မ အလိုက် ခွဲခြား၍ မောင်းနှင် သုံးစွဲရသည့် စနစ်အား ယနေ့ စက်တင်ဘာ ၉ ရက်မှစတင်၍ ပယ်ဖျက်လိုက်ပြီဖြစ်ကြောင်း သိရပါတယ်။

09/09/2026

တစ်ပြိုင်တည်း သတို့သားနှစ်ဦးနှင့် မင်္ဂလာဆောင်ခဲ့သည့် အသက် ၃၇ နှစ်အရွယ် ထိုင်းအမျိုးသမီး၏ ဘဝဇာတ်ကြောင်း

ဘူရီရမ်ခရိုင်၊ အထူးသဖြင့် ပရာခွန်ချိုင်မြို့နယ်၊ ဆလန်ထုန်ဒေသမှ အသက် ၃၇ နှစ်အရွယ် ဒွတ်ဒွန်း ကေဆာရို (ဂစ်) သည် သတို့သားနှစ်ဦးနှင့် တစ်ချိန်တည်း မင်္ဂလာအခမ်းအနားကျင်းပခဲ့သူအဖြစ် လူသိများလာခဲ့သည်။

သို့သော် ယခုလိုဘဝမျိုးမရောက်ခင် သူမ၏ဘဝမှာ အဆင်ပြေချောမွေ့ခဲ့ခြင်း မရှိခဲ့ပေ။ ယခင်က ထိုင်းလူမျိုးအမျိုးသားတစ်ဦးနှင့် အိမ်ထောင်ကျခဲ့ပြီး သမီး ၃ ဦး ရှိခဲ့သော်လည်း မိသားစုဘဝမှာ အဆင်မပြေခဲ့ကြောင်း သိရသည်။

ထို့အပြင် “ลองบิน คณะดุจเดือน” အမည်ဖြင့် သီချင်းဆိုအနုပညာလုပ်ငန်း လုပ်ကိုင်ခဲ့သော်လည်း မျှော်မှန်းထားသလောက် အောင်မြင်မှုမရရှိခဲ့ပေ။ နောက်ဆုံးတွင် သမီး ၃ ဦး၏ စားဝတ်နေရေးအတွက် ငွေရှာရန် ပတ္တယားမြို့သို့ သွားရောက်အလုပ်လုပ်ရန် ဆုံးဖြတ်ခဲ့သည်။

ပတ္တယားတွင်ပင် သူမသည် ဩစတြီးယားနိုင်ငံသား ရိုမန် နှင့် တွေ့ဆုံခဲ့သည်။ ရိုမန်သည် ဩစတြီးယားရဲတပ်ဖွဲ့တွင် ယခင်က တာဝန်ထမ်းဆောင်ခဲ့သူဖြစ်ပြီး ဒွတ်ဒွန်းနှင့်အတူ ၅ နှစ်ကြာ တွဲခဲ့ကြသည်။

နောက်ပိုင်းတွင် ရိုမန်၏ အချစ်ဆုံးသူငယ်ချင်းဖြစ်ပြီး ဩစတြီးယားရဲတပ်ဖွဲ့တွင် ဆက်လက်တာဝန်ထမ်းဆောင်နေသည့် မက်ဂီ သည် ထိုင်းနိုင်ငံသို့ အလည်လာရာမှ ဒွတ်ဒွန်းကို ချစ်မိသွားခဲ့သည်။

ဒွတ်ဒွန်းသည် မက်ဂီနှင့်လည်း တစ်နှစ်ခန့် ချစ်ကြိုက်ခဲ့ပြီးနောက် သုံးဦးစလုံးက ပွင့်ပွင့်လင်းလင်း ဆွေးနွေးနားလည်မှုရယူခဲ့ကြပြီး အတူတကွဘဝဖြတ်သန်းရန် သဘောတူခဲ့ကြသည်။

ဒွတ်ဒွန်းကလည်း ယခုဆုံးဖြတ်ချက်ကို မိမိတစ်ဦးတည်း ဆုံးဖြတ်ခဲ့ခြင်းမဟုတ်ကြောင်း ပြောသည်။ မိဘများနှင့် တိုင်ပင်ခဲ့သလို သမီးများ၏ သဘောထားကိုလည်း မေးမြန်းခဲ့ပြီး အားလုံးက လက်ခံခဲ့ကြသည်ဟု ဆိုသည်။

မင်္ဂလာအခမ်းအနားကိုလည်း ဒေသခံထုံးတမ်းစဉ်လာအတိုင်း ကျင်းပခဲ့ပြီး ဆွေမျိုးများနှင့် အိမ်နီးချင်းများက ဘိုင်စီစုခွမ်း အစီအစဉ်နှင့် လက်ချည်ပွဲ ပြုလုပ်ပေးခဲ့ကြသည်။ အခမ်းအနားအပြီးတွင် သတို့သားနှစ်ဦးက တစ်ဦးနှင့်တစ်ဦး လက်မောင်းချင်းချိတ်ကာ ရေကန်ထဲသို့ပင် အတူတူ ခုန်ဆင်းခဲ့ကြသည်။

ဒွတ်ဒွန်းက သူမ၏ဘဝအကြောင်းကို
“တစ်ယောက်တည်းနဲ့ မင်္ဂလာဆောင်ရင် ကမ္ဘာကြီးက မှတ်မိမှာမဟုတ်ဘူး၊ ဒါကြောင့် တစ်ခါတည်း နှစ်ယောက်နဲ့ မင်္ဂလာဆောင်လိုက်တာ” ဟု ရယ်ရယ်မောမော ပြောဆိုခဲ့သည်။

မင်္ဂလာလက်ဖွဲ့အနေဖြင့် သတို့သားတစ်ဦးစီက ထိုင်းဘတ် ၁ သန်းစီ ပေးခဲ့ကြသော်လည်း အသက် ၆၁ နှစ်အရွယ် မိခင်ဖြစ်သူ နန်းကွမ်အတွက် ငွေကြေးထက် ပိုအရေးကြီးသည့်အရာမှာ သုံးဦးစလုံး ချစ်ခြင်း၊ နားလည်ခြင်းတို့ဖြင့် အတူတကွနေထိုင်နိုင်ကြရန် ဖြစ်ကြောင်း ပြောကြားခဲ့သည်။

#ထိုင်းသတင်း #ဖြစ်ရပ်မှန်

09/09/2026

မန္တလေးမှာ အွန်လိုင်းလောင်းကစားလုပ်ကိုင်နေသူများ ဖမ်းဆီးခံရ

စက်တင်ဘာ ၉
မန္တလေးမြို့၊ချမ်းအေးသာစံမြို့နယ်၊ ပြည်ကြီးမျက်ရှင် ရပ် ကွက်၊ ၃၁ လမ်း၊ ၆၃x၆၄ လမ်းကြားရှိ ဒေါ်သီတာသန်း(၅၉ နှစ်)နေအိမ်တွင် အွန်လိုင်းလောင်းကစားလုပ် ကိုင်နေသူများကို စက်တင်ဘာလ၈ရက် ညနေ၆နာရီ ၁၅မိနစ်က ဆက်စပ်ပစ္စည်းများနှင့်အတူ ဖမ်းဆီးရမိခဲ့ကြောင်း ရဲတပ်ဖွဲ့မှ သိရသည်။

ဖမ်းဆီးရမိမှုဖြစ်စဥ်မှာ စက်တင်ဘာလ၈ရက် ညနေ၆ နာရီ ၁၅မိနစ်က ချမ်းအေးသာစံမြို့နယ်၊ ပြည်ကြီးမျက်ရှင် ရပ် ကွက်၊ ၃၁ လမ်း၊ ၆၃x၆၄ လမ်းကြားရှိ ဒေါ်သီတာသန်း(၅၉ နှစ်)နေအိမ်တွင် အွန်လိုင်းလောင်းက စားလုပ်ကိုင်နေကြောင်း သတင်းရရှိသဖြင့် ရဲတပ်ဖွဲ့ဝင်များပါဝင်သည့် ပူးပေါင်းအဖွဲ့သည် ဝင်ရောက်ဖမ်းဆီးခဲ့ရာ ငွေသား ကျပ်သိန်း ၁၅၀ ကျပ်၊ ကွန်ပျူတာ ၆ လုံး၊ Laptop ၁ လုံး၊ ကွန် ပျူတာ Mouse ၁ လုံး၊ ဖုန်း ၁၄ လုံး၊ Wifi စက် ၂ လုံး၊ CCTV ၁ လုံး တို့နှင့် ရဲထက် ၂၃ နှစ်၊ တေဇထိန်လင်း ၂၉ နှစ် ၊မသဉ္ဇာထက် ၂၈ နှစ်၊ ဒေါ်သီတာသန်း ၅၉ နှစ်၊ Golden Star Online ဖဲဂိမ်း စက်ကိုင် ၊မသက်သက်ဇွန် ၂၅ နှစ်၊ Golden Star Online ဖဲဂိမ်း စက်ကိုင်၊ မဟန်ဝင့်ဝါကို ၃၄ နှစ်၊ မနန္ဒာလွင် ၂၄ နှစ်၊ ဗမာ/ဗုဒ္ဓ၊ သူနာပြုအကူ ကျား(၅)ဦးနှင့် မ(၂)ဦး စုစု ပေါင်း(၇)ဦးတို့ကို ဖမ်းဆီးရမိခဲ့ခြင်း ဖြစ်ကြောင်း သိရသည်။

စစ်ဆေးဖော်ထုတ်ချက်များအရ ဒေါ်သီတာသန်းသည် ၂၀၂၄ ခုနှစ်တွင် ၎င်း နေအိမ်၌ စတင်၍ Online လောင်ကစားလုပ်ငန်းကို စတင်လုပ်ကိုင်ခဲ့ပြီးဝန်ထမ်း ၂ ယောက်အတွက် ၁ ယောက်ကို ၃ သိန်းကျပ်ကနေ ၅ သိန်းကျပ်အထိ Golden Star online အကောင့်ကို ကိုရီးယားနိုင်ငံ Online ပေါ်ရှိ Golden Star အကောင့်မှ ကျပ်သိန်း ၁၅၀ ဖြင့် ဝယ်ယူပြီး နေအိမ်ရှိ တူ/တူမများအား အရင်ကစားစေခဲ့ပြီး သီတာဦး၊ သဲမွန်ဦး၊ လှိုင်ဝင်း နှင့် သဉ်ဇာထကျ တို့၏ K-pay အကောင့်များဖြင့် ငွေသွင်း/ငွေထုတ်လုပ်ကိုင် ခဲ့ခြင်း ဖြစ်ကြောင်း သိရသည်။

#အွန်လိုင်လောင်းကစားလုပ်သူများ #ဖမ်းမိ #မန္တလေး

09/09/2026

ပင်လယ်ပြင်တွင် ၈ ရက်ကြာ မျောပါနေခဲ့သည့် ငါးဖမ်းသမား အသက်ရှင်လျက် ကယ်ဆယ်နိုင်ခဲ့

မက္ကဆီကိုနိုင်ငံ Oaxaca ပြည်နယ်၊ Huatulco — ပစိဖိတ်သမုဒ္ဒရာအတွင်း ငါးဖမ်းလှေဖြင့် ၈ ရက်ကြာ မျောပါပျောက်ဆုံးနေခဲ့သည့် ငါးဖမ်းသမားတစ်ဦးကို မက္ကဆီကို ရေတပ်က အသက်ရှင်လျက် ပြန်လည်ကယ်ဆယ်နိုင်ခဲ့ကြောင်း သိရသည်။

ကယ်ဆယ်ခံရသူမှာ Puerto Ángel ဒေသမှ Héctor Márquez Martínez ဖြစ်ပြီး မိသားစုနှင့် မိတ်ဆွေများက ၎င်းကို “Chico Nuca” ဟု ချစ်စနိုးခေါ်ကြသည်။ ၎င်းသည် “Josmarcito” ဟု အမည်ပေးထားသည့် ငါးဖမ်းလှေဖြင့် ပင်လယ်ပြင်သို့ ထွက်ခွာခဲ့ခြင်းဖြစ်သည်။

မက္ကဆီကိုအာဏာပိုင်များသည် ငါးဖမ်းသမား ပျောက်ဆုံးနေကြောင်း သိရှိပြီးနောက် ဩဂုတ် ၃၁ ရက်မှစတင်ကာ ကမ်းခြေစောင့်တပ်ဖွဲ့သင်္ဘောများ၊ ကယ်ဆယ်ရေးလှေများနှင့် လေယာဉ်များ အသုံးပြု၍ ရှာဖွေခဲ့ကြသည်။

ထို့နောက် စက်တင်ဘာ ၄ ရက်တွင် Manzanillo မှ Panama နိုင်ငံ Balboa သို့ သွားနေသည့် ကုန်တင်သင်္ဘောတစ်စင်းက ပျောက်ဆုံးနေသူကို Huatulco ကမ်းရိုးတန်းမှ ကီလိုမီတာ ၂၄၀ ခန့်အကွာ ပင်လယ်ပြင်တွင် တွေ့ရှိခဲ့သည်။

ကုန်တင်သင်္ဘောပေါ်မှ အဖွဲ့ဝင်များက ငါးဖမ်းသမားနှင့် ဆက်သွယ်ခဲ့ပြီး လှေပေါ်မှ သင်္ဘောပေါ်တက်နိုင်ရန် ကြိုးပေးခဲ့သော်လည်း ဘာသာစကားနှင့် ဆက်သွယ်ရေးအခက်အခဲများကြောင့် ၎င်းက သင်္ဘောပေါ်သို့ မတက်ခဲ့ကြောင်း Oaxaca အစိုးရတာဝန်ရှိသူများက ပြောသည်။

သို့သော် ကုန်တင်သင်္ဘောအဖွဲ့က ၎င်းအား အစားအစာ၊ ရေနှင့် ဒီဇယ်ဆီများ ပေးခဲ့ပြီး မက္ကဆီကိုရေတပ်ထံ အီးမေးလ်ဖြင့် အကြောင်းကြားခဲ့သည်။

ထိုသတင်းရရှိပြီးနောက် မက္ကဆီကိုရေတပ်က ကယ်ဆယ်ရေးလုပ်ငန်းများကို အရှိန်မြှင့်ဆောင်ရွက်ခဲ့ပြီး ARM “Monte Albán” ရေတပ်သင်္ဘောက နောက်ဆုံးတွင် ငါးဖမ်းသမားကို ရှာဖွေတွေ့ရှိကာ ကယ်ဆယ်နိုင်ခဲ့သည်။

ကယ်ဆယ်ချိန်တွင် ၎င်းမှာ ရေဓာတ်ခမ်းခြောက်မှု လက္ခဏာများရှိခဲ့သော်လည်း ဆေးဘက်ဆိုင်ရာ စစ်ဆေးမှုအရ အခြေအနေတည်ငြိမ်နေကြောင်း မက္ကဆီကိုရေတပ်က ထုတ်ပြန်ခဲ့သည်။ ရေတပ်ဆေးဘက်ဝန်ထမ်းများက လိုအပ်သည့် ဆေးကုသမှုများကို ချက်ချင်းပေးခဲ့ကြသည်။

နောက်ပိုင်းတွင် “Chico Nuca” ကို Huatulco သို့ ပြန်လည်ပို့ဆောင်ခဲ့ပြီး ဆေးဘက်ဆိုင်ရာ စောင့်ကြည့်ကုသမှုများ ဆက်လက်ပြုလုပ်ပေးသွားမည်ဖြစ်ကြောင်း သိရသည်။

Source - NMas
#နေ့စဉ်သတင်း

09/09/2026

🇺🇸💥🇮🇷 အမေရိကန်က အီရန်ရေနံတင်သင်္ဘော ၅ စင်းကို ဖျက်ဆီး — အီရန်က အမေရိကန်စစ်သင်္ဘောများကို ဒုံးကျည်ဖြင့် တိုက်ခိုက်ရန် ကြိုးပမ်းပြီးနောက် တုံ့ပြန်တိုက်ခိုက်ခြင်း

စက်တင်ဘာ ၉ ရက်၊ ၂၀၂၆
အမေရိကန်စစ်တပ်က အီရန်၏ ရေနံတင်သင်္ဘော ၅ စင်းကို ဖျက်ဆီးခဲ့ကြောင်း အမေရိကန် Central Command (CENTCOM) က ပြောကြားခဲ့သည်။ အဆိုပါ တိုက်ခိုက်မှုသည် အီရန်၏ Revolutionary Guard တပ်ဖွဲ့က အမေရိကန် ရေတပ်စစ်သင်္ဘောတစ်စင်းကို ballistic missile ဒုံးကျည်များဖြင့် နှစ်ကြိမ် တိုက်ခိုက်ရန် ကြိုးပမ်းခဲ့ပြီးနောက် တုံ့ပြန်ခဲ့ခြင်းဖြစ်သည်။

CENTCOM ၏ ထုတ်ပြန်ချက်အရ အမေရိကန်စစ်သင်္ဘောသည် အီရန်၏ တိုက်ခိုက်ရန် ကြိုးပမ်းမှုများကို အောင်မြင်စွာ ရှောင်ရှားနိုင်ခဲ့ပြီး ဆက်လက်ကင်းလှည့်နေခဲ့သည်။ အဆိုပါဖြစ်ရပ်တွင် အမေရိကန်စစ်သားများ ထိခိုက်ဒဏ်ရာရခြင်း မရှိခဲ့ကြောင်း သိရသည်။

ဖျက်ဆီးခံခဲ့ရသည့် သင်္ဘော ၅ စင်း
အမေရိကန်စစ်တပ်က ဖျက်ဆီးခဲ့သည့် ရေနံတင်သင်္ဘောများမှာ—
* Kivik
* Charminar
* Horizon 1
* Riesco — အိုမန်ပင်လယ်ကွေ့အတွင်း
* Derya — Kharg ကျွန်းအနီး၊ Hormuz ရေလက်ကြားအတွင်း

ဖြစ်ကြောင်း AP သတင်းဌာနက ဖော်ပြထားသည်။ တိုက်ခိုက်မှုမပြုလုပ်မီ သင်္ဘောပေါ်ရှိ သင်္ဘောသားများကို သင်္ဘောမှ ဆင်းခွာရန် အမေရိကန်ဘက်က သတိပေးခဲ့ပြီး သင်္ဘောသားများ ဘေးကင်းစွာ ရွှေ့ပြောင်းနိုင်ခဲ့ကြောင်း အီရန်အစိုးရပိုင် ရုပ်မြင်သံကြားကလည်း ဖော်ပြခဲ့သည်။

အီရန်အစိုးရပိုင် ရုပ်မြင်သံကြား၏ သတင်းများအရ အမေရိကန်၏ တိုက်ခိုက်မှုများသည် Jask ဆိပ်ကမ်းအနီးနှင့် Persian Gulf ရှိ Kharg ကျွန်းအနီးတွင် ဖြစ်ပွားခဲ့သည်။

အီရန်ဘက်ကလည်း ပြန်လည်ခြိမ်းခြောက်
အမေရိကန်၏ တိုက်ခိုက်မှုများအပြီးတွင် အီရန်က ဂျော်ဒန်နိုင်ငံရှိ အမေရိကန်ပစ်မှတ်များဘက်သို့ ဒုံးကျည်များ ပစ်လွှတ်ခဲ့ကြောင်း အီရန်အစိုးရပိုင် မီဒီယာများက ဖော်ပြခဲ့သည်။

ဂျော်ဒန်စစ်တပ်က ၎င်း၏ လေကြောင်းကာကွယ်ရေးစနစ်များသည် ၎င်းတို့နိုင်ငံဘက်သို့ ပစ်လွှတ်လာသည့် ballistic missile ၁၈ စင်းကို ကြားဖြတ်ဖျက်ဆီးနိုင်ခဲ့ပြီး နောက်ထပ် ဒုံးကျည် ၂ စင်းမှာ လူနေထိုင်မှုမရှိသည့် နေရာများတွင် ကျရောက်ခဲ့ကြောင်း ပြောကြားခဲ့သည်။ ထိခိုက်သေဆုံးမှု မရှိကြောင်းလည်း ဆိုသည်။

အီရန် Revolutionary Guard Navy ကလည်း ကူဝိတ်နှင့် ဘာရိန်းဆိပ်ကမ်းများအနီးရှိ ရေနံတင်သင်္ဘောများကို ချက်ချင်းထွက်ခွာရန် သတိပေးခဲ့ပြီး အမေရိကန်၏ အီရန်ရေနံတင်သင်္ဘောများကို တိုက်ခိုက်မှုအတွက် လက်တုံ့ပြန်တိုက်ခိုက်မှုများ ပြုလုပ်နိုင်ကြောင်း သတိပေးထားသည်။

Hormuz ရေလက်ကြားကြောင့် ကမ္ဘာ့ရေနံဈေးအပေါ် သက်ရောက်မှုရှိလာ
အမေရိကန်နှင့် အီရန်နှစ်နိုင်ငံစလုံးသည် Hormuz ရေလက်ကြားကို ထိန်းချုပ်နိုင်ရေးအတွက် အပြိုင်ကြိုးပမ်းနေကြသည်။ စစ်ပွဲမဖြစ်ပွားမီ ကမ္ဘာ့ရေနံတင်ပို့မှု၏ ငါးပုံတစ်ပုံခန့်သည် အဆိုပါ ရေလက်ကြားမှတစ်ဆင့် ဖြတ်သန်းခဲ့ခြင်းကြောင့် လက်ရှိတင်းမာမှုများသည် ကမ္ဘာ့စွမ်းအင်ဈေးကွက်အပေါ် သက်ရောက်မှုကြီးမားနိုင်သည်။

အဆိုပါတင်းမာမှုများကြောင့် Brent ရေနံဈေးသည် တစ်စည်လျှင် အမေရိကန်ဒေါ်လာ ၉၉.၄၆ အထိ ခဏတာ မြင့်တက်ခဲ့ကြောင်း AP က ဖော်ပြထားသည်။

ထို့အပြင် အမေရိကန်တပ်ဖွဲ့များသည် စက်တင်ဘာ ၅ ရက်နေ့ကလည်း အီရန်ရေနံတင်သင်္ဘော ၃ စင်းကို တိုက်ခိုက်ခဲ့ပြီးဖြစ်ရာ နောက်ဆုံး ၄ ရက်အတွင်း အမေရိကန်က ပစ်မှတ်ထားတိုက်ခိုက်ခဲ့သည့် အီရန်ရေနံတင်သင်္ဘောအရေအတွက်မှာ စုစုပေါင်း ၈ စင်းအထိ ရှိလာသည်။

အမေရိကန်နိုင်ငံခြားရေးဝန်ကြီး Marco Rubio ကလည်း အီရန်က အမေရိကန်ရေတပ်သင်္ဘောများကို ဆက်လက်တိုက်ခိုက်ရန် ကြိုးပမ်းနေပါက အမေရိကန်ဘက်က တုံ့ပြန်မှုများ ဆက်လက်ပြုလုပ်သွားမည်ဟု ပြောကြားထားသည်။

Source — Associated Press (AP News)
#နေ့စဉ်သတင်း

Daily Sharing

10/09/2026

10/09/2026

10/09/2026

10/09/2026

10/09/2026

09/09/2026

09/09/2026

09/09/2026

09/09/2026

09/09/2026

ที่อยู่

เว็บไซต์

แจ้งเตือน

ทางลัด

แชร์

ประเภท

คำขอนำรายการออก