เว็บไซต์คืออะไร?

https://www.facebook.com/100639652477435/

𝑫𝒂𝒊𝒍𝒚 𝑺𝒕𝒐𝒓𝒚, Bangkok (2025)

16/08/2025

မေတ္တာပို့ပါ🙏🙏🙏

14/08/2025

Good morning လို့ ပို့မဲ့သူမရှိဘူးမှတ်လား

08/08/2025

🌕 🌿 ဝါခေါင်လပြည့်နေ့ဟာ မေတ္တာအခါတော်နေ့ဖြစ်တာမို့ မေတ္တာသုတ်အဓိဌာန်ပြုပုံနည်းလမ်းလေး မျှဝေပေးချင်ပါတယ်ရှင် ။

အရင်ဆုံးမေတ္တာသုတ်မရွတ်မီ တနင်္ဂနွေနေ့မှာ ရွတ်ဖတ်မယ်ဆိုရင် တနင်္ဂနွေဂြိုလ်မင်းကြီး၊ တနင်္လာနေ့မှာရွတ်ဖတ်မယ်ဆိုရင် တနင်္လာဂြိုလ်မင်းကြီး စသဖြင့် နေ့အလိုက်ဂြိုလ်မင်းများကို တိုင်တည်ပြီးမှ မေတ္တာပို့ပါ။

တနင်္ဂနွေဂြိုလ်မင်းကြီးနှင့်တကွ တနင်္ဂနွေသားသမီးများအားလုံး ၎င်းတို့၏ ကိုယ်စောင့်နတ်များအားလုံး၊အရှေ့မြောက်အရပ်၌ ရှိသော အာကာသစိုး၊ ရုက္ခစိုး၊ ဘုမ္မစိုး နတ်များအားလုံး၊ ဘေးရန်ခပ်သိမ်းငြိမ်းကြပါစေ၊ ဆင်းရဲခပ်သိမ်းငြိမ်းကြပါစေ၊ ဒေါသခပ်သိမ်းငြိမ်းကြပါစေ၊နှလုံးစိတ်ဝမ်းအေးချမ်းကြပါစေ" ဆိုပြီး ရွတ်ဆိုရပါမယ် ။

တနင်္ဂနွေနေ့မှာရွတ်ဖတ်လျင် (၆) ခေါက်
တနင်္လာနေ့မှာရွတ်ဖတ်လျင် (၁၅) ခေါက်
အင်္ဂါနေ့မှာ ရွတ်ဖတ်လျင် (၈) ခေါက်
ဗုဒ္ဓဟူးနေ့တွင် နေ့လည် ၁၂ နာရီ မတိုင်ခင် (၁၇)ခေါက် ရွတ်ဖတ်ပါ -
ရာဟုဂြိုလ်အတွက် ဗုဒ္ဓဟူးနေ့ နေ့လည် ၁၂ နာရီမှ ည ၁၂ နာရီအတွင်း (၁၂)ခေါက် ရွတ်ဖတ်ပါ။
ကြာသပတေးနေ့တွင်ရွတ်ဖတ်လျင် (၁၉)ခေါက်
သောကြာနေ့တွင်ရွတ်ဖတ်လျင် (၂၁)ခေါက်
စနေနေ့တွင် ရွတ်ဖတ်မည်ဆိုလျင် (၁၀)ခေါက် အဓိဌာန်ရွတ်ဆိုပေးပါ ။

ဒီလိုရွတ်ဖတ်နေစဉ်ကာလအတွင်း ရန်ဖြစ်စကားများခြင်း၊ စကားအခြေအတင် ပြောရခြင်းများ ‌ပေါ်ပေါက်ပြီး မိမိ၏သမာဓိအားကိုအစမ်းသပ်ခံရခြင်းမျိုးလည်း ရှိတတ်ပါတယ်။ အဲ့ဒီအခါမျိုးမှာ မေတ္တာဖြင့်သည်းခံရှောင်ရှားခြင်း၊ စကားနည်းရန်စဲရှောင်ရှားခြင်း၊ ပြိုင်လာရင် မသိကျိုးကျွံပြုပြီး မေတ္တာပို့သခြင်းနည်းနဲ့သာဖြေရှင်းလိုက်ပါ။

ဒီမေတ္တာသုတ်ကျင့်စဉ်ဟာ အစမ်းသပ်ခံရပြီးမှ အဆင့်တက်မှာဖြစ်လို့ ‌ မိမိမေတ္တာပျက်ယွင်းစေမယ့် အပြုအမူများကို အတတ်နိုင်ဆုံးရှောင်ကျဉ်ပေးပါ။

မေတ္တာသုတ်ကျင့်စဉ်ကြောင့်ရရှိမယ့် ကောင်းကျိုးချမ်းသာများဟာ ‌ကိုယ်တွေ့ကြုံကြိုက်ခံစားဖို့ ထိုက်တန်တဲ့အတွက် ဓမ္မမိတ်ဆွေများကိုယ်တိုင် လက်တွေ့ အကောင်အထည်ဖော်ကြည့်ပါ၊ အဓိဌာန်ပြုရွတ်ဖတ်စဉ်ကာလအတွင်းသိသိသာသာအကျိုးပေးတာကိုတွေ့ရမှာဖြစ်လို့ မေတ္တာရှေ့ထားလို့ တိုက်တွန်းမျှဝေပေးလိုက်ရပါတယ်ရှင် ။

06/08/2025

#မိဘဆွေမျိုးများနှင့်ပြန်လည်ဆုံတွေ့နိုင်ပါစေရန်🙏🙏🙏
သိရှိသူများအကြောင်းကြားပေးပါရန်
🙏🙏🙏🙏🙏🙏🙏🙏🙏🙏🙏

ကလေးမလေးတစ်ယောက် အသက် 15 နာမည် မနှင်းဖြူ

အဖနာမည် ဦးမျိုးထိုက် +ဒေါ်သီတာအေး ရင်ငြိမ်ရွာ

ကမာဖောင်ကျေးရွာ ကလိုသိရပါတယ်ဗျာ

လက်ရှိ

#ရွှေနတ်တောင်လူမူကယ်ဆယ်ရေး အသင်းတွင် စောင့်ရှောက်ထားပေးပါတယ်ဗျာ 🙏
*ရွှေနတ်တောင် တောင်ခြေ မော်လမြိုင်မြို့မှာပါ

ဆက်သွယ်‌ရန်
☎️09788452300
ရဲထက်စိုး

ကူညီပေးကြပါအုံးနော်🙏🙏🙏

#လူပျောက်

05/08/2025

တစ်ခါက တောနက်ကြီး တစ်ခုမှာ
အလွန်ကြီးမားတဲ့ ဆင်ကြီးတစ်ကောင် ရှိသတဲ့။

ဆင်ကြီးဟာ ခန္ဓာကိုယ် ကြီးမားသလို
အစားလည်း အလွန်ကြီး ပါတယ်။

ဆင်ကြီးဟာ သစ်ဥ သစ်ဖုတွေ အသီးအနှံတွေကို
တစ်နေ့ကို ကီလိုပေါင်းများစွာ စားသောက်နေတာ
တောင် သူ့ရဲ့ဗိုက်ဟာ ပြည့်တယ်လို့ မရှိပဲ
အမြဲ ဆာလောင်နေတတ်တယ်တဲ့။

တစ်နေ့မှာ တောရဲ့ဘုရင် ခြင်္သေ့ကြီးဟာ
ညစာ စားပွဲကြီးတစ်ခုကို ကျင်းပဖို့ စီစဥ်ပြီး
တိရိစ္ဆာန်တွေဆီကို ဖိတ်စာတွေ ပို့ပေးပါတယ်။

ဒါပေမဲ့ ခြင်္သေ့ကြီးဟာ အစားကြီးတဲ့ ဆင်ကြီးကိုတော့
မဖိတ်ပဲ ချန်ထားပါတယ်။

ဘာကြောင့်လဲဆိုတော့ ဆင်ကြီးသာ ညစာစားပွဲကို
လာခဲ့ရင် ညစာစားပွဲက အစားအစာတွေ အကုန်ဟာ
ဆင်ကြီးစားတာနဲ့ ကုန်သွားနိုင်တယ်လေ။

ဒါကြောင့် ခြင်္သေ့ကြီးဟာ ဆင်ကြီးကို မဖိတ်ပဲ
ချန်ထားလိုက်တာပါ။

ဆင်ကြီးခမျာလည်း ညစာစွားပွဲကို အဖိတ်မခံရ
တာကြောင့် စိတ်မကောင်းဖြစ်နေ ရှာပါတယ်။

ညစာစားပွဲမှာ ကျွေးမဲ့ အစားအသောက်တွေကို
မျက်စိထဲမှာ မြင်ယောင်ရင်း သွားရေ တမြားမြား
ကျနေခဲ့တာပေါ့။

ဒီလိုနဲ့ ဆင်ကြီးဟာ ညစာ စားပွဲကို သွားနိုင်ဖို့
အကြံမျိုးစုံ ထုတ်ပါတယ်။

နောက်ဆုံးမှာ ဆင်ကြီးဟာ အကြံတစ်ခုကို ရသွားပြီး
အဲဒီ အကြံအတိုင်း လုပ်ဖို့ စီစဥ်လိုက်ပါတယ်။

ဒီလိုနဲ့ ညစာစားပွဲ ညကို ရောက်လာခဲ့ပါတယ်။

ဆင်ကြီးဟာ သူအကြံအတိုင်း အကောင်အထည်
ဖော်ပါတယ်။

သူဟာ သူ့ရဲ့မျက်နှာမှာ မျက်နှာဖုံးတစ်ခုကို
တပ်လိုက်တယ်။

ပြီးတဲ့ အခါ ဆင်ကြီးဟာ ညစာစားပွဲထဲကို
ရဲဝင့်စွာ ဝင်ရောက် လာခဲ့ပါတယ်။

ဆင်ကြီးဟာ မျက်နှာဖုံးတပ်ထားတာကြောင့်
သူ့ကို ဘယ်တိရိစ္ဆာန်မှ မမှတ်မိနိုင်ဘူးလို့
ယူဆနေပါတယ်။

ဒါပေမဲ့ တိရိစ္ဆာန်အပေါင်းဟာ မျက်နှာဖုံးကြီး
တပ်ကာ ညစာစားပွဲကို ဝင်လာတဲ့ဆင်ကြီးကို
တအံ့တသြ ကြည့်ကြတယ်။

ပြီးတဲ့အခါ တိရိစ္ဆာန် အပေါင်းဟာ မျက်နှာဖုံးနဲ့
ဆင်ကြီးကို ကြည့်ကာ အားရပါးရ ရယ်မောကြပါတယ်။

ဟုတ်တယ်လေ ။

မျက်နှာကို ဘယ်လိုပဲ ဖုံးထား ဖုံးထား
ဆင်ကြီးရဲ့ ကြီးမားလှတဲ့ ခန္ဓာကိုယ်ကြီးက
သူဟာ ဆင်ကြီးဖြစ်ကြောင်း ဖုံးကွယ်ထားလို့မှ
မရတာကိုး။

ဆင်ကြီးလည်း အဲဒီအခါမှ သူ့ရဲ့အမှားကို သိပြီး
ရှက်ရှက်နဲ့ ညစာစားပွဲကနေ ထွက်ပြေးခဲ့ပါတော့တယ်။

ဒါက ပုံပြင်လေးတစ်ပုဒ်ပါ။

ဒါပေမဲ့ ပုံပြင်ထဲက ဆင်ကြီးလို
နောက်ကွယ်မှာ မကောင်းတာ အစုံလုပ်တတ်ပေမဲ့
လူရှေ့သူရှေ့မှာ မျက်နှာဖုံးလေးတပ်
သူတော်ကောင်းယောင် ဆောင်နေကြသူတွေ
ကျနော်တို့ ပတ်ဝန်းကျင်မှာ အများကြီးပါ။

ဒါပေမဲ့ လူတစ်ယောက်ရဲ့ မကောင်းတဲ့စိတ်ထားဟာ
ဆင်ကြီးရဲ့ ခန္ဓာကိုယ်ကြီးလို ဘယ်လိုပဲ ဖုံးထား
ဖုံးထား ၊ ဖုံးကွယ်ထားလို့ မရနိုင်ပါဘူး။

ကျနော့်ရဲ့ မိတ်ဆွေများလည်း မကောင်းမှုကို ရှောင်
ကောင်းမှုကို ဆောင်ကြရင်း ဘဝကို လိပ်ပြာသန့်စွာ
ဖြတ်သန်းနိုင်သူများ ဖြစ်ကြပါစေလို့ ဆုမွန်ကောင်း
တောင်းပေးလိုက်ပါတယ်။

လေးစားစွာဖြင့် သားညီ
TNN LIFE Channel.

#ပုံပြင်
#စာပေ
#လူငယ်
#စိတ်ခွန်အား

01/08/2025

ထိုင်ငိုနေယုံနဲ့ အရာရာအဆင်ပြေသွားရင်
မထတမ်း ထိုင်ငိုနေလိုက်မှာပေါ့။👍

ငြီးငြူနေယုံနဲ့ ပြဿနာတွေ ပြေလည်သွားရင်
အချိန်ပြည့် ငြီးငြူနေလိုက်မှာပေါ့။👍

ဆုတောင်းလိုက်ယုံနဲ့ ဆန္ဒတွေပြည့်သွားရင်
ဘာမှမလုပ်ပဲ ဆုတွေပဲ တောင်းနေတော့မှာပေါ့။👍

ဒါကြောင့် ဘဝမှာ အဆင်မပြေမှုတွေ
အခက်အခဲတွေ၊ ပြဿနာတွေနဲ့ ကြုံတွေ့လာတဲ့အခါ
ငိုချင်ရင် အားရပါးရ ငိုချပစ်လိုက် ၊
လောကကြီးကို မကျေနပ်ကြောင်း
ငြီးငြူ အပြစ်တင်ချင်ရင် အားရပါးရ
အော်ဟစ် အပြစ်တင်ပစ်လိုက် ၊
ကိုယ်ယုံကြည်ရာ ဘုရားကျောင်းကိုသွားပြီး
စိတ်ကို တည်ငြိမ်အောင် တရားထိုင်နေလိုက်။👍

ဒါတွေ လုပ်ပြီးလို့ စိတ်ဟာ ပေါ့ပါးသွားပြီ၊
တည်ငြိမ်သွားပြီဆိုရင်တော့ အားအင်အသစ်တွေနဲ့
ရှေ့ကို ဆက်လျောက်ဖို့ ကြိုးစားလိုက်။👍

ဘဝဆိုတာ အမေ့ဝမ်းက ကျွတ်လာကတည်းက
ရှေ့ကိုပဲ ဆက်လျောက်ရမဲ့ တစ်လမ်းသွား
ခရီးရှည်ကြီး တစ်ခုဖြစ်တာကြောင့်
ဘာတွေပဲ ကြုံလာသည်ဖြစ်စေ ရှေ့ကိုတော့
ဆက်လျောက်နေကြရမှာပဲ မဟုတ်လား။👍

လေးစားစွာဖြင့်

31/07/2025

🗣 ပရုတ်လုံး အနံ့လေး မွှေးလိုက်တာဆိုပြီး ပရုတ်လုံးအနံ့ ကြိုက်တတ်သူများ သိစေချင်လို့ပါ

မပေါ့ဆ သင့်သည့် အဝတ်အ စားတွေကြားထဲ မှ ပရုတ်လုံး ၏အန္တရာယ်။ ပရုတ်လုံး၏အန္တရာယ်များ (ကလေးများအတွက် အလွန်အရေးကြီးပါသည်)
ပရုတ်လုံးကို အင်္ဂလိပ်လို Mothballs လို့ခေါ်ကြပါတယ်။ Moth ဆိုတာ အလွယ်ပြောရရင် အဝတ်တွေထဲမှာနေတဲ့ ပိုးကောင်လေးတွေပါ။ သူတို့ရဲ့အစာက အဝတ်မျှင်တွေ၊ သိုးမွှေးတွေဖြစ်လို့ အဝတ်တွေထဲမှာနေပြီး ကိုက်ဖြတ်စားသောက်ကြပါတယ်။
အဲဒီ ပိုးမွှားတွေသေအောင်၊ ပြေးအောင်သုံးကြလို့ Mothballs လို့ခေါ်တာပါ။ ပရုတ်လုံးမှာ အဓိကပါဝင်ပစ္စည်းက Naphthalene မို့လို့ Naphthalene balls လို့လဲခေါ်ပါတယ်။
တစ်ချို့ပရုတ်လုံးမှာတော့ Paradichlorobenzene ပါပါတယ်။ Naphthalene နဲ့ Paradichlorobenzene တွေဟာ ပိုးမွှားသတ်ဆေး Insecticide or Pesticides တွေ ဖြစ်ပါတယ်။
ပိုးမွှားသတ်ဆေးတွေ ဖြစ်တဲ့အတွက် စနစ်တကျ မသုံးတတ်ရင်၊ မသုံးသင့်တဲ့နေရာတွေမှာ မသိလို့ သုံးမိရင် အန္တရာယ်ရှိတာမို့ ဒီ Post ကိုရေးလိုက်တာပါ။ ပရုတ်လုံးက အငွေ့ပျံပြီးထွက်လာတဲ့ အငွေ့တွေက ပိုးမွှားတွေကို သေစေတာပါ။
စနစ်တကျသုံးနည်းကတော့ ပိုးမွှားရှိတဲ့အဝတ်တွေ သိုးမွှေးထည်တွေကို အလုံပိတ်အိတ် သို့မဟုတ် လေလုံတဲ့ပလပ်စတစ်ဗူးထဲမှာ ပရုတ်လုံးနဲ့အတူ ထည့်ပိတ်ထားရင် ထွက်လာတဲ့အငွေ့တွေ စုမိလာပြီး ပိုးမွှားတွေ သေသွားပါတယ်။
ပြီးရင်တော့ အဝတ်တွေကို ပြန်လျှော် ဒါမှမဟုတ် အနံ့ပျောက်အောင် နေလှန်းပြီးမှ ပြန်ဝတ်သင့်ပါတယ်။ တစ်ချို့က ပရုတ်လုံးနံ့ရနေတဲ့ အဝတ်အစားတွေကို ပရုတ်လုံးနံ့လေး သင်းနေတယ်ဆိုပြီး သဘောတောင် ကျတတ်ပါတယ်။
တကယ်တော့ ပရုတ်လုံးနံ့ရနေတယ်ဆိုတာ ပရုတ်လုံးကထွက်လာတဲ့ အဆိပ်ငွေ့ Toxic gas တွေ ကျန်နေသေးတဲ့သဘောပါ။ အထူးသဖြင့် ကလေးအဝတ်အစားတွေဆိုရင် ပြန်လျှော်ပြီးမှ ဝတ်ပေးသင့်ပါတယ်။
တစ်ချို့က ပရုတ်လုံးကို တခြားနေရာတွေမှာလဲ သုံးကြပါတယ်။ ကြွက်ပြေးအောင်၊ ပိုးဟတ်မလာအောင်၊ တစ်ခြားအကောင်ပလောင် မလာအောင်၊ အပင်ကိုရှဉ့်မကိုက်အောင် စသည်ဖြင့်ပေါ့။
တကယ်တော့ ပရုတ်လုံးကို အဲဒီရည်ရွယ်ချက်တွေနဲ့ မသုံးသင့်ပါဘူး။ရည်ရွယ်တာက ပိုးမွှားကောင်တွေကို ဖြစ်ပေမယ့် လူနဲ့ အိမ်မွေးတိရစ္ဆာန်တွေကိုပိုပြီး ထိခိုက်စေတတ်တယ်လို့ ဆိုထားပါတယ်။
ပရုတ်လုံးကို open air မှာ ဒီအတိုင်းထားရင် ပရုတ်လုံးက အငွေ့ (တကယ်တော့ အဆိပ်ငွေ့)ကို အချိန်ကြာကြာရှူတဲ့အခါ ကျန်းမာရေးကို ထိခိုက်လာနိုင်ပါတယ်။ တစ်ချို့ကလဲ ပရုတ်လုံးနံ့ကို ကြိုက်လို့ အမြဲရှူနေတာတောင် ရှိပါတယ်။
ကြာလာရင် ခေါင်းကိုက်တာ၊ ပျို့တာ အန်တာ၊ ဝမ်းလျှောတာ၊ မျက်လုံးနဲ့ နှာခေါင်း စပ်ဖျဉ်းဖျဉ်းဖြစ်တာ ကနေ အသည်း နဲ့ ကျောက်ကပ်ကို ပျက်စီးစေတာအထိ ဖြစ်နိုင်ပါတယ်။
Para dichlorobenzene ကလဲ ကင်ဆာဖြစ်စေနိုင်တဲ့ဒြပ်ပေါင်း (Carcinogenic) ဖြစ်ပါတယ်။ အရေးအကြီးဆုံးက ပရုတ်လုံးဟာ မွေးရာပါ G 6 P D အင်ဇိုင်းချို့တဲ့တဲ့သူတွေနဲ့ လုံးဝမတဲ့တာပါ။
မြန်မာပြည်မှာ G6PD အင်ဇိုင်းချို့တဲ့တဲ့ ဦးရေက လူ ၁၀၀ မှာ ၉ ယောက်လောက် ရှိပါတယ်။ မွေးကင်းစကလေးတွေမှာ G6PD အင်ဇိုင်းချို့တဲ့မှုကြောင့် အသားဝါတဲ့ကလေး တော်တော်များပါတယ်။
အထူးသဖြင့် ပရုတ်လုံးက G6PD အင်ဇိုင်းချို့တဲ့ တဲ့ကလေးတွေရဲ့သွေးနီဥတွေကို ပြိုကွဲစေတဲ့အတွက် အချိန်တိုအတွင်း သွေးထဲမှာအဝါဓာတ်တွေ တအားတက်လာပြီး ဦးနှောက်ထိခိုက်ပျက်စီးသွားတာ၊ အသက်သေဆုံးတာတွေ ဖြစ်စေပါတယ်။
မွေးကင်းစကလေးတွေ အဝါဓာတ်အရမ်းများလို့ ဦးနှောက်မထိခိုက်ရအောင် သွေးလဲပြီးကုရတဲ့ ကလေးတော်တော်များများမှာ G6PD အင်ဇိုင်းချို့တဲ့တာ တွေ့ရပါတယ်။ တစ်ချို့ဆို ကလေးအနှီးတွေကို ပရုတ်လုံးနဲ့ သိမ်းရုံတင်မက ပရုတ်လုံးအမှုန့်ကို ဖြူးပြီး မီးပူပါတိုက်လိုက်သေးတယ် ဆိုပါတယ်။
အဲဒီအနှီးတွေနဲ့ ကလေးကိုထုပ်လိုက်တဲ့အခါ မွေးစကလေးရဲ့သွေးနီဥတွေ ကွဲသွားပြီး အဝါဓာတ်တက်လာတာ တအားမြန်တဲ့အတွက် ဆေးရုံရောက်လာတဲ့အချိန်မှာ ဦးနှောက်ထိခိုက်ပြီးသား ဖြစ်နေတာလဲ မကြာခဏတွေ့ရပါတယ်။
ပရုတ်လုံးတွေကို ပိုးဟတ်တို့၊ ကြွက်တို့ မလာအောင် ဟိုနား ဒီနားထားတဲ့အခါ ကလေးငယ်တွေက ပူရှိန်းသကြားလုံးအမှတ်နဲ့ ကောက်စားတတ်ပါတယ်။ တစ်ချို့အိမ်မွေးတိရစ္ဆာန်လေးတွေကလဲ စားမိတတ်ပါတယ်။
ပရုတ်လုံးမှာပါတာက ပိုးသတ်ဆေးတစ်မျိုးဘဲမို့ ကလေးတွေ အထူးသဖြင် G6PD အင်ဇိုင်းချို့တဲ့ တဲ့ကလေးအငယ်လေးတွေဆို ပရုတ်လုံးတစ်လုံးစားမိရင်တောင် အသက်အန္တရာယ်ရှိနိုင်ပါတယ်။
ပရုတ်လုံး ၅ လုံးစားမိတဲ့ ကလေးတစ်ယောက်ဆိုရင် ဆေးရုံမှာအသက်ရှင်အောင် အစွမ်းကုန်ကြိုးစားကုသပေးကြပေမယ့် အသက်သေဆုံးသွားဘူးပါတယ်။ ဒါကြောင့် ပရုတ်လုံးသုံးတော့မယ်ဆိုရင် ဒီအချက်လေးတွေ သိထားပြီးမှ စနစ်တကျသုံးကြဘို့၊
ပရုတ်လုံးကို ကလေးတွေ အလွယ်တကူ မတွေ့နိုင်တဲ့နေရာမှာ သေချာသိမ်းဆည်းဘို့ နဲ့ မွေးကင်းစကလေးတွေမှာ G6PD အင်ဇိုင်းချို့တဲ့ရောဂါပါနိုင်လို့ ကလေးအတွက် အနှီး၊ အဝတ်အစား၊ စောင်တွေတင်မက ကလေးကို ချီပိုးပြုစုကြမယ့်
လူကြီးတွေရဲ့ အဝတ်အစားတွေပါ ပရုတ်လုံးနဲ့ မသိမ်းကြဘို့၊ သုံးခဲ့ရင်လဲ သေချာပြန်လျော်ကြဘို့၊ ပရုတ်လုံးအနံ့ဟာလဲ ရှူသင့်တဲ့အမွှေးနံ့မဟုတ်လို့ အမွှေးနံ့အနေနဲ့ မသုံးကြဘို့ ပြောချင်ပါတယ်။

မူရင်းရေးသားသူအား လေးစားစွာဖြင့် Credit ပေးပါသည်။
( ပြန်လည်မျှဝေပေးခြင်းဖြစ်ပါတယ်။ )

30/07/2025

ဆန္ဒ နဲ့ သိက္ခာကို မလဲနိုင်လို့
မပြောဖြစ်အောင် ထိန်းထားတဲ့
စကားလုံးတွေအများကြီးရှိခဲ့ဖူးတယ်

မာနနဲ့ သစ္စာတရားကိုမလဲနိုင်လို့
အပေါ်ယံ လူတစ်ချို့‌တွေကို
အသ-က်မပါတဲ့ အပြုံးတွေနဲ့
ပြုံးပြနေခဲ့ဖူးတယ်။

အမုန်းနဲ့အပြုံးကို မလဲနိုင်လို့
မကင်းနိူင်သေးတဲ့ လူတစ်ချို့အပေါ်
အကောင်းဆုံး နေပေးလိုက်တယ်။

ဒါပေမယ့်
လူတစ်ချို့ကို ဥပေက္ခာပြုထားပြီး
လူတစ်တစ်ချို့ကို အရင်ကထက်
ပိုအလေးအနက်ထားလိုက်တော့တယ်

တစ်ကယ်တမ်းတော့
လောကဓံ နဲ့ကြုံတဲ့အခါ
ကိုယ့်ဘေးနားမှာရှိနေပေးတဲ့သူကသာ
ကိုယ့်အတွက် အရေးပါတဲ့ သူတွေ
ဆိုတာတော့ ပိုသိခွင့်ရလိုက်ပါတယ်။

Credit မူရင်း

29/07/2025

ဖြတ်သန်းလာခဲ့ရတဲ့ ဘဝဟာ
ကြမ်းတမ်းလိုက်တာလို့ တွေးမိရင်

ကြေကွဲလို့ရတယ် ငိုကြွေးလို့ရတယ်
ပြိုလဲကျချင်လာရင် ပြိုလဲလို့ရသေးတယ်။

ဒါပေမယ့် ~~
ငိုပြီးရင် ပိုလှအောင် ပြုံးဖို့ မမေ့နဲ့

ကြေကွဲဝမ်းနည်းပက်လက် ဖြစ်ပြီးရင်
အားအင်အသစ်နဲ့ ပြန်ရှင်သန်ဖို့ မမေ့ပါနဲ့

နာကျင်ရလွန်းလို့ ပြိုလဲပြီးရင်တော့
ကိုယ့်အားကိုယ် ကိုးပြီး

ကိုယ့်ခြေထောက်ပေါ်ကိုယ် ပြန်ရပ်တည်
နေနိုင်အောင်း အ စွမ်းကုန်ကြိုးစားဖို့ မမေ့ပါနဲ့

ဘဝမှာ ဘယ်သူကမှ ကိုယ့်ကို ကူညီဖို့
မွေးဖွားလာကြတာ မဟုတ်လို့

ကိုယ့်ကိုယ်ကိုယ်ထက် ဘယ်သူ့ကိုမှာ
အားကိုး တကြီး မျော်ကိုးနေလို့ မဖြစ်ပါဘူး။

ကိုယ့်ရဲ့ ကြိုးစားမှုဟာ ကိုယ့်အတွက် အမြတ်
ပိုရနိုင်တာမို့ ကိုယ့်ကိုယ်ကိုယ် အားကိုးပါ။

29/07/2025

တခါတုန်းက ပညာရှိ အဖိုးအိုတဦးနဲ့ သူ့တပည့်တွေဟာ ခရီးတခုကို အတူထွက်လာခဲ့ကြတယ်။
လမ်းခရီးတစ်ခုမှာ တောနက်ထဲ ရောက်တဲ့အခါ သူတို့
အားလုံး ခဏနားကြတယ်။
သောက်စရာ ရေလည်း ကုန်နေပြီဖြစ်တဲ့အတွက်
မလှမ်းမကမ်းမှာရှိတဲ့ အိုင်ထဲကနေ ရေသွားခပ်ဖို့
အဖိုးအိုက စေညွှန်လိုက်တယ်။
ဒီတော့ တပည့်တွေလည်း ရေကန်ရှိရာကို
သွားကြတယ်။
အဲဒီအခါမှာ ရေကန်မှာ မကြာသေးခင်ကမှ
သမင်ဒရယ်တွေ ရေသောက်ဆင်းလာကြတဲ့ အတွက် ရေတွေနောက်ပြီး အနည်တွေ ထနေတာ တွေ့လိုက်ရတယ်။
ဒီတော့ တပည့်တွေလည်း စိတ်ပျက်လက်ပျက်နဲ့
အဖိုးအိုဆီ ပြန်လာခဲ့ကြတယ်။
အဖိုးအိုကလည်း ဘာမှမပြောပဲ ဒီအတိုင်းပဲတိတ်တိတ်
ဆိတ်ဆိတ်နေတယ်။
နောက်တနာရီလောက် ကြာတဲ့အခါ တပည့်တွေကို
ရေသွားခပ်ခိုင်းပြန်တယ်။
ဒီတခါတော့ ရေကန်ဟာ အနည်တွေထိုင်ပြီး အပေါ်က ရေ တွေ ကြည်လင်နေတာကို တွေ့လိုက်ရတယ်။
ဒီတော့ ဝမ်းသာအားရနဲ့ တပည့်တွေအားလုံး ရေခပ်ပြီး ပြန်လာကြတယ်။
ဒီတော့ အဖိုးအိုက မေးတယ်။
'' ရေတွေ အားလုံး ကြည်လင်သွားအောင်
ဘာ လုပ်လိုက်ကြသလဲ''' ဘာမှ မလုပ်ပါဘူး''
တပည့်တွေ အားလုံး ဝိုင်းဖြေကြတယ်။
အဲဒီထဲကမှ တပည့်တယောက်က ဖြေတယ်။
'' အချိန်စောင့်လိုက်ရပါတယ်''
အဖိုးအိုက ပြုံးပြီး ပြောတယ်။
'' ဟုတ်တယ် ရေကန်ထဲက ရေတွေအားလုံး
ကြည်လင်ဖို့
ဘာမှမလုပ်ပဲ အချိန်တခုကိုစောင့်ရပါတယ်။
အဲဒီလိုပဲ တစုံတခုက သင်တို့ကို ဒေါသထွက်အောင်
နာကျင်အောင် ပြုလုပ်လို့သင်တို့ စိတ်တွေ နောက်ကျိ
နေပြီဆိုရင်... ဘာမှမလုပ်ပဲ ဒီအတိုင်းပဲ ထားလိုက်ပါ။
အချိန်ကာလတခု လွန်မြောက်ပြီးတဲ့အခါ ဒေါသတွေ
အမုန်းတရားတွေ မရှိတော့ပဲ စိတ်ဟာ ပြန်လည်ကြည်လင်လာပါလိမ့်မယ်''
သင့်စိတ်ကို တစုံတစ်ယောက်က နာကျင်အောင် ထိခိုက်အောင် ဒေါသထွက်အောင် ပြုလုပ်လို့ သင့်စိတ်
နောက်ကျနေပြီဆိုရင်တော့...Let it be... ထားလိုက်ပါ
ဘာမှမလုပ်ပဲ ဒီအတိုင်းပဲထားလိုက်ပါ။
အချိန်ပေးလိုက်ပါ။
အချိန်ကာလတခု ကျော်လွန်ပြီးတဲ့အခါ အရာရာဟာ
ပြန်လည်ကြည်လင် သွားပါလိမ့်မယ်...

လေးစားစွာဖြင့် ~ ☕

#ဘဝအတွက်စာပေ
#ဘဝပေးတဲ့သင်ခန်းစာ
#အသိပညာရရှိဖို့ရည်ရွယ်ပါသည်

28/07/2025

‎တစ်ခါတုန်းကအတင်းအဖျင်းပြောတာ
‎အလွန်ကိုဝါသနာကြီးတဲ့
‎မိန်းမကြီးတစ်ယောက်ရှိပါတယ်။
‎သူဟာသူတစ်ပါးရဲ့မကောင်းကြောင်း
‎အတင်းအဖျင်းတွေပြောဖို့ဆိုရင်
‎ထမင်းမစားဟင်းမစားနဲ့အိမ်တကာကို
‎လျှောက်လည်ပြီးပြောနိုင်တဲ့သူ
‎တစ်ဦးဖြစ်ပါတယ်။
‎
‎တစ်နေ့တော့……
‎အဲ့ဒီအတင်းပြောကောင်းတဲ့မိန်းမကြီးဟာ
‎သူ့အိမ်နီးနားချင်းတစ်ယောက်ရဲ့
‎အတင်းတစ်ခုကိုအိမ်ပေါာက်စေ့အောင်
‎လျှောက်ပြောထားပါတယ်။
‎
‎သူရဲ့သတင်းဖြန့်မှု့ကြောင့်
‎ထိုအကြောင်းမှာ
‎တစ်မြို့လုံးနီးပါးပျံ့နှံကုန်ပြီး
‎ကာယကံရှင်ဖြစ်တဲ့အိမ်နီးချင်းဟာလည်း
‎လူတွေရှေ့မျက်နှာမပြရဲအောင်
‎အရှက်တကွဲဖြစ်ရပါတော့တယ်။
‎
‎နောက်ရက်အနည်းငယ်ကြာတော့
‎အတင်းပြောတဲ့မိန်းမဟာ
‎သူလျှောက်ပြောမိတဲ့အကြောင်းတွေဟာ
‎မှားနေတဲ့အတင်းအဖျင်းတွေသာ
‎ဖြစ်ကြောင်း
‎သူသိသွားခဲ့ပါတယ်။
‎အဲဒီလိုလည်းသိသွားရော
‎သူအမှားအတွက်ရော
‎သူအိမ်နီးချင်းအတွက်ပါ
‎စိတ်မကောင့်းခြင်းကြီးစွာဖြစ်ရပါတယ်။
‎ဒါနဲ့သူမလည်းသူအမှားအတွက်
‎အိမ်နီးချင်းရဲ့အရှက်တကွဲဖြစ်မှု့ကို
‎ဘယ်လိုပြန်ဖြေရှင်းပေးရင်
‎ကောင်းမလဲလို့စဉ်းစားမိတယ်
‎အဖြေမထွက်ပါဘူး။
‎
‎ဒါနဲ့…ပညာဥာဏ်အမြော်အမြင်ရှိတဲ့
‎လူတစ်ယောက်ဆီသွားတယ်
‎ပြီးတော့အကျိုးအကြောင်းပြောပြပြီး
‎သူမဘယ်လိုလုပ်ပေးရင်ကောင်းမလဲလို့
‎အကြံတောင်းခံပါတယ်။
‎
‎အဲ့ဒီပညာရှိတဲ့လူကသူမကိုပြောတယ်
‎စျေးကိုသွားပါ……
‎စျေးထဲကကြက်တစ်ကောက်ကိုဝယ်
‎ပြီးရင်အဲ့ဒီကြက်ကိုသတ်ခိုင်းလိုက်
‎ကြက်မွှေးတွေကိုနှုတ်ပြီးရင်
‎အိမ်ပြန်တဲ့လမ်းတစ်လျှောက်လုံး
‎အဲ့ဒီကြက်မွှေးတွေကို
‎ပစ်ချထားခဲ့လို့အကြံပေးပါတယ်။
‎
‎မိန်းမကြီးဟာပညာရှိရဲ့အကြံပေးချက်ကို
‎အံသြမိပေမဲ့ဘာမှပြန်မပြောပဲ
‎ပညာရှိပြောတဲ့အတိုင်း…
‎စျေးထဲကကြက်ကိုဝယ်
‎အမွှေးနှုတ်ပြီးအပြန်လမ်းတစ်လျှောက်လုံး
‎ချထားခဲ့ပါတယ်။
‎
‎နောက်နေ့မနက်ကျတော့
‎ပညာရှိကမိန်းမကြီးကို
‎"ကဲအခုခင်ဗျားမနေ့က
‎ချထားခဲ့တဲ့ကြက်မွှေးတွေကိုရအောင်
‎အကုန်ပြန်ကောက်လာပြီး
‎ကျုပ်ဆီယူလာခဲ့ပါ"
‎
‎မိန်းမကြီးလည်းမနေ့ကကြက်မွှေးတွေ
‎ချထားခဲ့တဲ့လမ်းအတိုင်းပြန်သွားပြီး
‎ချထားခဲ့သမျှတွေပြန်ကောက်ဖို့
‎ကြိုးစားပါသော်လည်းသူမထိတ်လန့်စွာ
‎သိလိုက်ရတာက……
‎ကြက်မွှေးတွေဟာလေနဲ့လွင့်ပါသွားကုန်ပြီမို့
‎မတွေ့ရတော့ပါဘူးတဲ့။
‎
‎နာရီပေါင်းအတော်ကြာကြိုးစားပြီး
‎ရှာဖွေပြီးတဲ့နောက်
‎ကြက်မွှေးလေး၃မွှေးသာရှာတွေ့နိုင်ခဲ့ပြီး
‎ပညာရှိထံပြန်လာခဲ့ပါတယ်။
‎ပညာရှိကိုအကျိုးအကြောင်းပြောပြတော့
‎ပညာရှိကမိန်းမကြီးကိုပြောပါသတဲ့။
‎
‎"ကဲကြည့်!သင်တွေ့ပြီမဟုတ်လား?
‎ကြက်မွှေးတွေဟာချထားခဲ့တုန်းက
‎လွယ်သလောက်အခုပြန်ကောက်တဲ့အခါ
‎အကုန်မပြောနဲ့တဝက်တောင်
‎ပြန်ရနိုင်သေးရဲ့လား…
‎
‎စကားပြောတဲ့နေရာမှာလည်းဒီလိုပဲ
‎ကိုယ်ပါးစပ်ကလျှောက်ပြောရတာ
‎ဘယ်လောက်လွယ်သလဲ
‎ပြီးတော့မကောင်းသတင်းဆိုတာ
‎ပြန့်ပွားဖို့သိတ်ကိုလွယ်ကူတယ်။
‎
‎ခင်ဗျားလုပ်ပြီးသွားပေမဲ့
‎အခုမှမှားမှန်းသိလို့ပြန်ရုတ်သိမ်းဖို့ကျတော့
‎ဖြစ်နိုင်သေးရဲ့လား…
‎လွယ်ကူသေးရဲ့လား…
‎
‎ဒါကိုသင်ခန်းစာယူပြီးနောက်ကို
‎ဘယ်လိုကိစ္စမျိုးမဆိုမပြောခင်မှာ
‎အတန်တန်စဉ်းစားပါ။
‎မသေချာတဲ့သတင်းစကားကိုဘယ်တော့မှ
‎လွယ်လွယ်မပြောပါနဲ့မဖြန့်ဝေမိပါစေနဲ့တဲ့။
‎
Credit

𝑫𝒂𝒊𝒍𝒚 𝑺𝒕𝒐𝒓𝒚

16/08/2025

14/08/2025

08/08/2025

06/08/2025

05/08/2025

01/08/2025

31/07/2025

30/07/2025

29/07/2025

29/07/2025

28/07/2025

ที่อยู่

เว็บไซต์

แจ้งเตือน

ทางลัด

แชร์