Witchy Candy

23/08/2025

အဲလို ကြိုက်ရာဟင်း နှစ်မျိုးနဲ့ ငပိရည်၊ တို့စရာ အစုံကို ၄၀ ပဲပေးရတယ်။ ထမင်းကလည်း အများကြီးပဲ။ Nawamin ဘက်မှာ အဲလိုဆိုင်တွေပေါတယ်။ မြန်မာငွေနဲ့တွက်ရင် ၅၆၀၀ လောက်တော့ ကျမယ်။ ဒါပေမဲ့ ဟင်းတွေတအားသန့်ပြီး စားကောင်းတာရယ်၊ Potion များတာရယ်နဲ့တင် တန်တယ်ထင်တာပဲ။ ကျမစားတာ ကကတစ်ငါးကြော်နှပ် အတုံးကြီး ၁၊ အသေး ၁၊ ကြက်ဥကြော်ချဉ်စပ်သုပ်။ ယော်ဘောက ၄၅ဘတ်ပေးရတယ်။ သူက ငါးခူကြော်နှပ်၊ အစိမ်းကြော်၊ ပြီးတော့ ဘာလဲမသိဘူး သူက ဟင်း(၃)မျိုး။ မြန်မာမှာ ပုံစားကို အဲဒီ့အနေဆို အခု ဘယ်စျေးရှိမလဲ မသိဘူးနော်။

23/08/2025

ယော်ဘောက သော့မေ့တတ်လို့ဆိုပြီး Air Tag တွဲပေးထားတယ်။ ဒါပေမဲ့ အပြင်မှာပျောက်ရင်ပျောက်၊ မဟုတ်ရင် အိမ်ထဲမှာပျောက်တယ်။ အဲဒါ သော့ပျောက်ရင် ကိုကို သဲ ဘာနှိပ်ရမလဲ Device တွေအများကြီးပဲ ရှာမရဘူးနဲ့ ဂယက်ထတယ်။ သဲက အဆန်းနော် .. ကိုကို ဘယ်ကမ္ဘာရောက်နေလဲကျတော့ ဝင်ရှာတတ်တယ်။ Device ကို အသံမြည်အောင် Play sound တွေ ဆက်တိုက်နှိပ်ပြီး ပြန်လာဖို့ အချက်ပြတတ်တယ်။ ကိုယ့်သော့ကိုယ်ကျ မရှာတတ်ဘူးတဲ့။ ဟက် သော့က အစားလုပ်လို့ရတယ်၊ ယောကျာ်းက အစားမရဘူး၊ သော့အစားထိုးသလို ယောကျာ်းအစားထိုးရမှာလားပဲ မေးလိုက်တာ .. ကိုကို အခု သွားယူပေးမယ်နော် တဲ့။ ဒါပဲ 🤪

23/08/2025

ဟော .. ငါ့ယောကျာ်းလေး ငါပေးတဲ့ Gway (အ​thayကိုင်) ဆိုတဲ့ ကလောင်နဲ့ အဲလိုအတိုအစလေးတွေ အရင်ရေးလိုက်ရမှာ အခုတော့ သူများဦးသွားပြီ 🤪

ဆွေး နှင့် ဂွေး တို့ အလစ်တဲလ်လေး
ပွတ်တိုက်မှု ဖြစ်ပွား 🤌🏻

23/08/2025

Virgo တွေနဲ့ စျေးဝယ်မထွက်ချင်ဘူး အမေ .. 🥲
ကောင်းတာလည်း ကြိုက်တယ် စျေးကြီးရင်မလိုချင်ဘူး။ စျေးကြီးတာချင်းတူရင်တောင် မရမက အပြစ်ကိုရှာတတ်ပြီး၊ ဘာမှပြောစရာမရှိဘူး စဉ်းစားမရတော့ဘူးဆို ..လူတိုင်းဝတ်နေတာကြီးဖြစ်နေမှာစိုးတယ်တဲ့။ လူတိုင်းမှာ ရှိတာချင်းတူပေမဲ့ ကိုယ့်အမှတ်အသားနဲ့ကို တုံးလုံးကြီးနေကြည့်လေ ဆိုတော့လည်း စိတ်ကဆိုးတယ်။ သူများက ဝယ်စရာရှိတာ ဝယ်ပြီးပြီ၊ သူက အခုထိ စိတ်တိုင်းမကျသေး 🫠

23/08/2025

ယောကျာ်းမှ သဲလေးမကြိုက်ရင် ကိုကို အပြင်စာတွေ မစားတော့ဘူးပြောပြီး .. မုန့်လုပ်နည်းတွေ လာပို့နေသောအခါ … 🤔

23/08/2025

ကျမက ညဘက်လမ်းလျှောက်လေ့ရှိတယ်။ အဲ့အချိန် လူတွေမှာ “ကိုယ်ပိုင်ငရဲ” နဲ့”ကိုယ်ပိုင်နတ်ပြည်” ရှိပြီး၊ အဲဒီ့အရာတွေဟာ လူတစ်ယောက်ရဲ့ဘဝကိုဖန်တီးပေးတယ်လို့ တွေးမိတယ်။

လူတစ်ယောက်ဟာ တချိန်လုံးအလိုမကျနေဘူး၊ ကိုယ့်ရဲ့ပြည့်စုံကောင်းမွန်ခြင်းတွေကို မမြင်တတ်ဘူးဆို ပူလောင်တယ်၊ ဒါဟာ ကိုယ်ကိုယ်တိုင်ဖန်တီးတဲ့ ကိုယ့်ရဲ့ငရဲပါပဲ။ ဒီနေရာမှာ ကျမ သူများအကြောင်းမတွေးပါဘူး။ ကိုယ့်အကြောင်းကိုယ်စဉ်းစားတာပါ။ ကျမက ဘယ်သူ့ကိုမှ ခြေဆုံးခေါင်းဖျားလိုက်မကြည့်တတ်ဘူး၊ အာရုံမရှိဘူး၊ ကိုယ့်ဘာသာ တစ်နေ့တာအတွက် လုပ်သင့်လုပ်ထိုက်တာလေးတွေလုပ်ပြီး ဖြတ်သန်းနေတာပါပဲ။ မဖြစ်မနေပြောဆိုဆက်ဆံရမယ့်အခါ ကြုံလာရင်လည်း သင့်တင့်တဲ့စကားတဲ့ တုံ့ပြန်တယ်ပေါ့။ ဒီလိုနေထိုင်ခြင်းဖြင့် ကျမမှာ ကိုယ့်စိတ်ကြောင့်ဖန်တီးတဲ့သောကရယ် အပူရယ်ဆိုတာ နည်းတယ်။ ဘယ်သူ့ကိုမှ ငါ့ထက်သာနေလားတို့၊ သူ့အားနည်းချက်ကဘာလဲတို့ ကျမ မသိဘူး မကြည့်ဘူး၊ ကျမအတွက် ကောင်းမွန်တဲ့ ဆက်ဆံရေးအခြေအနေဆိုတာ သူ့အပေါ်ကိုယ်လေးစားသလို သူ့ဘက်က အပြန်အလှန်လေးစားရင် ဒါဟာ အဆင်ပြေတဲ့ဆက်ဆံရေးပဲ။

ဒီလိုမဟုတ်ဘဲ .. သူက ငါ့ထက် ဝလို့/ပိန်လို့/ပုလို့/ရှည်လို့ ကိုယ့်ဘာသာ မကျေနပ်တာတို့၊ ချမ်းသာလို့ အောင်မြင်လို့ မကျေနပ်တာတို့၊ ဆင်းရဲလို့ နိမ့်ကျလို့ နှိမ်ချင်တာတို့ .. အဲဒါတွေဟာ ပူလောင်စေပြီး အဲ့ဒီ့အပူမီးကြောင့် ကျမတို့ဟာ လောင်ကျွမ်းလာရင်း ငရဲကျတော့တာပါပဲ။ ဖြောင့်ဖြောင့်တန်းတန်း ကိုယ့်လမ်းကိုယ်မလျှောက်နိုင်ဘဲ စိုးရိမ်စိတ်၊ သောကစိတ်နဲ့ အငုံ့စိတ်တွေဟာ ကျမတို့ကို ငရဲခံနေရသူမှန်း သိသာစေအောင် ပူလောင်တဲ့သွင်ပြင်၊ အသံ၊ အပြုအမူတွေကို ဖန်တီးတော့တာပါပဲ။ ဘာသာရေးတွေက ပြောတဲ့ သေလွန်တဲ့နောက်မှာ ရောက်မဲ့ ငရဲကနောက်ကိစ္စ၊ မျက်မြင်ကြုံရတဲ့ပူလောင်မှုတွေနဲ့ ကိုယ်ပိုင်ငရဲက လက်တွေ့အရင် ခံစားကြရတာ။

ဒါတွေကိုမခံစားရဖို့ ..တစ်ခုခုဆို စိတ်စည်းကမ်း၊ ပါးစပ်စည်းကမ်း၊ အပြုအမူစည်းကမ်းလေးနဲ့ ကိုယ့်ကိုယ်ကို ထိန်းရတယ်။ နောက်ဆက်တွဲပူလောင်မှုနဲ့ကြုံရမယ့်ကိစ္စဆို ရှောင်လိုက်တယ်။ ကျမငယ်ငယ်က ညစ်ညစ်ပတ်ပတ်ခြေပြတ်နေတဲ့တောင်းရမ်းသူကို “ဟင်း ရွံစရာကြီး”လို့ပြောတော့ .. ဖေဖေက အဲဒီ့လူခြေပြတ်ချင်တယ်ထင်လို့လား၊ မတော်တဆဖြစ်တာလည်း ဖြစ်ချင်ဖြစ်မှာပဲ သေချာတာက ဘယ်သူမှ အဲလိုမဖြစ်ချင်ဘူး၊ သမီးက လှူနိုင်ရင် လှူ၊ မလှူနိုင်ရင် ငါလည်း အဲလိုဖြစ်ခဲ့ရင်ဆိုပြီး စာနာ၊ အဲလိုမှမဟုတ်ရင် မျက်နှာလွှဲနေလိုက်။ သူတပါးအနာအဆာကို ကဲ့ရဲ့ရှုံ့ချပြစ်တင်တာလောက် ညံ့ဖျင်းတဲ့စိတ်ဓာတ်ဆိုတာမရှိဘူး။ လူဟာ အချိန်မရွေး သတိထားနေတဲ့ကြားတောင် မတော်တဆဆိုတာ ဘာမှမပြောနိုင်ဘူး။ တတ်နိုင်ရင် သူများအားနည်းချက်မြင်တိုင်း ဝမ်းသာတဲ့အကျင့်၊ ကဲ့ရဲ့တဲ့အကျင့်ကို ဖျောက်တဲ့။

အခုရေးတာတွေဟာ ကျမရဲ့တစ်ကိုယ်ရည်သဘောထားဖြစ်ပြီး၊ ဒီခံစားချက်ဟာ ကျမကိုငြိမ်းအေးစေတဲ့အတွက် ကျမရဲ့အတွေးကိုမျှဝေခြင်းသာ ဖြစ်ပါတယ်။ အားလုံးပဲ ပူလောင်သောကကင်းကွာပြီး ကောင်းကျိုးလိုရာ ပြည့်ဝကြပါစေ 🤍✨🧜🏻‍♀️

Witchy Candy 🍭

22/08/2025

နဖူးမှာ အစက် ၃စက်မြင်လို့ လန့်ပြီး ဘာဖြစ်တာလဲလို့ ယော်ဘောကမေး။ ကိုယ်ကလည်း မသိလို့ မသိဘူးလေပြော။ သူကလည်း မှဲ့လည်းမဟုတ်၊ အရင်က အဲ့နေရာ ဘာမှမရှိပါဘူးတဲ့။ ပြီးမှ ငါးခြောက်ကြော်တဲ့နေ့က ဆီပေါက်တာ သတိရတယ်။ လက်မှာရောပဲ နီရဲနေရော။ ဪ .. အိမ်ရှင်မဘဝ 😂😂😂🤍

22/08/2025

အဟောပြန်မဖွင့်သေးပေမဲ့ မေးချင်သူများကြိုတင်သိထားရအောင်လို့ပါရှင် ✨

22/08/2025

ကိုယ့်ကိုယ်ကို ခွင့်လွှတ်ဖို့ ဘာကြောင့် ခက်နေမလဲ …။ ကျမကလေ အမြဲကိုယ့်ကိုယ်ကို ခွင့်လွှတ်တယ်။ အမှားတွေရှိခဲ့ရင် အမှန်ပြင်မယ် ပြီးရင် ခွင့်လွှတ်တယ်။ အဲဒါကြောင့် ဘယ်လိုအရာတွေကမှ ကျမတို့ကို ဖိစီးနှိပ်စက်လို့မရဘူး။ လူဟာ ကိုယ့်ကိုယ်ကို ခွင့်လွှတ်ဖို့ခက်သူတိုင်း အမှားတွေထဲမှာပဲ သံသရာလည်နေကြတာ။ ဒီတော့ ဒီလိုလေး ရွတ်ဆိုကြည့်ပါ။ ရေမိုးချိုးမယ်၊ ပေါ့ပါးသက်သာတဲ့အဝတ်လေး ဝတ်မယ်၊ အသက်ဝဝရှူမယ် ..ပြန်ထုတ်မယ်၊ ဒါမျိုးလေး (၃)ခါလောက်လုပ်ပြီးရင် ဒီလိုလေး ရွတ်ကြည့်ပေါ့။ ကိုယ်နှစ်သက်တာလေးတွေ ရွတ်လည်း ရတယ်။ နမူနာပြတာပါ။

ငါဟာ ဘဝမှာ လူရွေးမှားဖူးတယ် ဒါပေမဲ့ ငါ့ကိုယ်ငါ ခွင့်လွှတ်တယ်

ငါဟာ ဘဝမှာ အတုအယောင်တွေကို အစစ်အမှန်
ထင်ခဲ့ဖူးတယ် ဒါပေမဲ့ ငါ့ကိုယ်ငါ ခွင့်လွှတ်တယ်

ငါဟာ ဘဝမှာ ပြန်မရနိုင်တဲ့ဆုံးရှုံးမှုတွေဖြစ်ခဲ့ဖူးတယ် ဒါပေမဲ့ ငါ့ကိုယ်ငါ ခွင့်လွှတ်တယ်

ငါဟာ ဘဝမှာ လူတိုင်းအပေါ် ယုံစားမိလို့ မှားခဲ့ဖူးတယ် ဒါပေမဲ့ ငါ့ကိုယ်ငါ ခွင့်လွှတ်တယ်

ငါဟာ အများကြီးမျှော်လင့်ခဲ့ပြီး ထင်သလိုဖြစ်မလာတဲ့အခါ စိတ်ဓာတ်ကျဖူးတယ် ဒါပေမဲ့ ငါ့ကိုယ်ငါ ခွင့်လွှတ်တယ်

ငါဟာ အမှားတွေထဲက အမှန်ကို ရှာဖွေသူဖြစ်တယ်
ငါဟာ တောက်ပတဲ့အလင်းရောင်လို မှေးမှိန်ခြင်းမရှိတဲ့သူဖြစ်တယ်
ငါဟာ ဖန်တီးသူဖြစ်ပြီး ဖျက်ဆီးသူကို မကြောက်ရွံ့သူဖြစ်တယ်
ငါဟာ ရှင်သန်တယ်၊ လွတ်လပ်တယ်၊ အေးချမ်းတယ်။

ဒါဟာ ကျမရဲ့ လျှို့ဝှက်မထားတဲ့ လျှို့ဝှက်ချက်လေးဖြစ်ပါတယ်။ ကျမစိတ်ဟာ အမြဲတမ်း ဘယ်သူ့အပေါ်မှာမှ ယုတ်မာကောက်ကျစ်တာမရှိဘဲ၊ ဖြောင့်ဖြောင့်ပဲလျှောက်တဲ့ လမ်းကလေးကို နှစ်သက်သူဖြစ်ပါတယ်။ ကျမနဲ့ energy တူသူတွေကို ဟိုးစိတ်အတွင်းထဲကနေ မေတ္တာသက်ဝင်ချစ်ခင်ရပါတယ်။ ငြိမ်းချမ်းကြည်လင်ကြပါစေ 🤍✨🧜🏻‍♀️

Witchy Candy 🍭

22/08/2025

ကိုယ့်အိမ်ကို negative energy တွေယူလာတဲ့သူရှိရင်၊ သူတို့လာပြီးတာနဲ့ ကိုယ့်စိတ်တွေညစ်နွမ်းသွားတယ်ဆိုရင် .. အဲလိုလူတွေ အိမ်လာလည်ပြီး အပြင်ပြန်ထွက်တာနဲ့ ဆားလက်တစ်ဆုပ်ယူပြီး သူတို့ထွက်သွားတဲ့ လမ်းပေါ်ကို ကြဲပက်ခါ နောက်နောင် မိမိဆီကို မကောင်းတဲ့ energy တွေ ယူဆောင်မလာဖို့၊ အိမ်ကို မကောင်းတဲ့ အချင်းအရာတွေသယ်မလာဖို့ ဆန္ဒပြုရွတ်ဆိုပါရှင်။

သူတို့စိတ်မှာ မကောင်းတဲ့ အငွေ့အသက် သဘောထားတွေရှိနေတယ်ဆို ကိုယ့်အိမ်ကို လာချင်စိတ်ကင်းဝေးသွားပါလိမ့်မယ်ရှင် 🤍✨🧜🏻‍♀️

Witchy Candy 🍭

22/08/2025

အမျိုးသမီးလေးတို့ကို အချိန်ရရင် ဖတ်ကြည့်စေချင်ပါတယ် 🤍✨

ဆွေမျိုးတစ်ယောက်ရဲ့ လိင်-ပိုင်းဆိုင်ရာ​စော်ကားမှုကြောင့် အသက်(၁၄)နှစ်နဲ့ ကိုယ်ဝန်ဆောင်ခဲ့ရပေမယ့် ဒီနေ့အချိန်မှာတော့ အလွန်အောင်မြင်ကျော်ကြားတဲ့ Media သမား၊ အလှူအတန်းရက်ရောတဲ့ ဘီလျံနာသူဌေးမကြီးအဖြစ် ရပ်တည်နေတဲ့ Oprah Winfrey …

သူ့ငယ်ဘဝအကြောင်းကို သိခဲ့ရချိန်မှာ ကျမဟာ သိပ်အံ့ဩပြီး ကိုယ်ချင်းစာမိတယ်။ မိဘနှစ်ပါးမှာ အမေက အိမ်အကူ၊ အဖေက လယ်သမား။ အဖွားဖြစ်သူက စောင့်ရှောက်ပေးထားရင်း အသက် ၉နှစ်အရွယ်တည်က လိ-င်ပိုင်းဆိုင်ရာ အကြိမ်ကြိမ်စေ-ာ်ကားမှုတွေကို ခံခဲ့ရပြီး၊ ၁၄ နှစ်မှာတော့ သူဟာ ကိုယ်ဝန်ရခဲ့တယ်။ စိတ်ဒဏ်ရာတွေ ဘယ်လောက်တောင် ခံစားရမလဲလေနော် …။ အဲလိုနဲ့ သူက ကလေးလေးကို မွေးခဲ့ပေမယ့် ကလေးက အသက်မရှင်ခဲ့ပြန်ဘူး။ ဒါပေမဲ့ သူ့ရဲ့အဖေလယ်သမားကြီးက ဒီသမီးလေးဘဝကို ပစ်မထားခဲ့ပါဘူး။ ကျောင်းပညာမှာ အားပေးခဲ့ပြီး၊ Oprah ဟာ Tennessee State University မှာ ပညာရပ်တစ်ခုဖြစ်တဲ့ Speech Communication နဲ့ Performing Arts များအတွက် ပညာသင်ယူခဲ့ပါတယ်။

အဲ့ဒီ့ကနေမှတဆင့် The Oprah Winfrey Show: Oprah Winfrey ဟာ Chicago-based talk show “The Oprah Winfrey Show” နဲ့အတူ အောင်မြင်မှုတွေ ရလာခဲ့ပြီး (၂၅)နှစ်ကြာ ၁၉၈၆ ခုနှစ်ကနေ ၂၀၁၁ ခုနှစ်အထိ ထုတ်လွှင့်ခဲ့ပါတယ်။ အဲဒီ့ show ဟာ သမိုင်းတစ်လျှောက်မှာ အဆင့်အတန်းအမြင့်ဆုံး talk show တစ်ခုအဖြစ် မှတ်တမ်းဝင်ခဲ့ပြီး၊ပရိသတ်တွေရဲ့ အားပေးမှုအကြီးအကျယ်ရရှိခဲ့ပါတယ်။နောက်ပြီး ၂၀၁၁ ခုနှစ်မှာ၊ Oprah ဟာ သူပိုင်တဲ့ TV network ဖြစ်တဲ့ Oprah Winfrey Network (OWN) ကို စတင်ခဲ့ပါတယ်။ OWN ဟာလည်း မီဒီယာလောကမှာ ထိပ်တန်းအစီအစဉ်တွေနဲ့အတူ အောင်မြင်ခဲ့ပြန်ပါတယ်။

ပြီးတဲ့အခါ Oprah Winfrey ဟာ လှူဒါန်းမှုနဲ့ ပတ်သက်ပြီး ကျော်ကြားတဲ့သူပါ။ လုပ်ငန်းတွေ၊ ပညာရေးအထောက်အကူပေးမှုတွေမှာ ဝင်ရောက်
ပါဝင်ခဲ့ပါတယ်။ သန်းပေါင်းများစွာသော ဒေါ်လာတွေလှူဒါန်းပြီး ပညာရေး၊ ကျန်းမာရေး၊ လူမှုရေးနဲ့ ကိစ္စအဝဝကို တစ်ဖက်တစ်လမ်းက ထောက်ပံ့ပေးခဲ့ပါတယ်။ Oprah Winfrey ရဲ့ ငွေကြေးအခြေအနေဟာ အနည်းဆုံး US$ ၂.၇ ဘီလီယံ ကျော်ရှိပြီး၊ သူဟာ ကမ္ဘာ့အကျော်ကြားဆုံး မီဒီယာပုဂ္ဂိုလ်တစ်ဦးဖြစ်ခဲ့ပါပြီ။

သူဟာ အဲလိုအရမ်းအောင်မြင်လာတဲ့အချိန်မှာ အမျိုးသမီးတွေအတွက် စံမနူနာဖြစ်အောင် သူ့ရဲ့ ငယ်ဘဝကို Speak out လုပ်ခဲ့ပါတယ်။ ခက်ခဲကြမ်းတမ်းလွန်းတဲ့လမ်းတွေဟာ ထိပ်ဆုံးကို တွန်းပို့နိုင်တယ်ဆိုတာ Oprah Winfrey ရဲ့ ဘဝဟာ အကြီးမားဆုံး ဥပမာတစ်ခုလည်း ဖြစ်ပါတယ်။ တကယ်တော့ … သာမာန်လူတွေ နားလည်နိုင်ဖို့ခက်ခဲတဲ့ ဒဏ်ရာတွေနဲ့ ရှင်သန်ရုန်းကန်နေရတဲ့ အမျိုးသမီးတွေဟာ သူတို့ကို နာကျင်စေတဲ့လူတွေကြောင့်ပဲ အမြင့်ဆုံးကို ရောက်လာခဲ့ကြတာဖြစ်ပါတယ်။ ကိုယ်တိုင်ကလည်း အလွယ်တကူ အရှုံးမပေးတတ်ဖို့ လိုတာပေါ့။ ကျမကို မိထွေးက အင်္ကျီရင်ဘတ်ကို ဆောင့်ဆွဲပြီး ပါးကိုရို-က်ရင်း နင့်ကို ဖ-ာတန်းပို့ပစ်မယ်လို့ အော်တိုင်းမှာ၊ ကျမဟာ နောင်ဆယ်နှစ်မှာ သပ်ရပ်လှပပြီး၊ အမျိုးသမီးတွေကို ကူညီဖေးမနိုင်တဲ့ လူတစ်ယောက်အဖြစ် ကိုယ့်ကိုယ်ကို အမြဲမြင်ယောင်ရင်း .. အပင်ပန်းဆုံးနေ့တွေ ညတွေကို ကျော်ဖြတ်ခဲ့ဖူးတယ်။

ဘဝဟာ တိုတောင်းလှတဲ့အချိန်ခဏလေးဖြစ်ပေမယ့်၊ လောကဓံတွေကလည်း တစ်နည်းမဟုတ်တစ်နည်းနဲ့ ရိုက်ချနေပေမယ့်၊ ကိုယ့်ရဲ့လက်ထဲမှာပဲ ကိုယ့်အနာဂတ်ကရှိနေတာပါ။ ဘယ်တော့မှ အရှုံးမပေးလိုက်ဖို့ပဲလိုပါတယ်။ ဒီစာဟာ ပျော်ရွှင်နေတဲ့ဘဝနဲ့ ကြီးပြင်းလာသူတွေအဖို့ အံ့အားသင့်စရာ၊ လှောင်ပြောင်စရာ (ဟယ် ငါတို့ဒီဘဝမရခဲ့ဘူး ကံကောင်းလိုက်တာ၊ ဟင် ငါတို့အဖေအမေက သိပ်ချစ်တာလေ) ဖြစ်နေရင် ကျေးဇူးပြုပြီး ကျော်သွားလိုက်ပါ။ ခက်ခဲမွန်းကျပ်နေသူတွေအတွက်တော့ အထောက်အကူဖြစ်လိမ့်မယ်လို့ ထင်ပါတယ်။

အားလုံးပဲ တစ်နေ့တာရဲ့အစမှာ ပြည့်ဝသောခွန်အားနဲ့ ဉာဏ်ပညာကို တည်ဆောက်နိုင်ကြပါစေ 🩷✨🦋

Witchy Candy 🍭

22/08/2025

အုနဲ့မမ 😂😂

အထည်များ အယားပြေဆိုပြီး တွေ့သမျှအသကုန်ဝယ်သော်လည်း … အပြင်သွားရင် ဝတ်စရာမရှိသော ရာသီခွင်မမများ ….
….
…
…
…
…
…
…
(၁၂)ရာသီခွင်လုံးပဲ။ မိန်းမမှန်ရင် အနည်းနဲ့အများပဲ ကွာတယ်။ အဲ့ထဲမှာမှ Capricorn, Leo နဲ့ Libra တွေကတော့ ထိပ်ဆုံးပေါ့ 🥲 ရည်းစားကပြောတယ် .. သဲလည်း တူတူပဲမလား ..တဲ့။ ဟုတ် ..Pisces လေးပါ ကပ်ပြီး ထည့်လိုက်မယ်နော် 🥹🤌🏻