TD’s Travel Notes

14/07/2025

Vietnam က ကမ်းခြေမြို့လေး ဒါနန်း Vlog

Travelling Memories

YouTube - https://m.youtube.com/?

IG - https://instagram.com/td_travel_notes?igshid=YmMyMTA2M2Y=

ြေဦးတည့်ရာ

13/07/2025

မိုးရာသီ ချင်းမိုင်ကို အလည်လာမယ်ဆိုရင် 🍃

ချင်းမိုင်ဆိုတာ မိုးရွာမှအသက်ပြန်ဝင်လာတဲ့ မြို့ငယ်လေးပါ။ ချင်းမိုင်ကိုအလည်လာဖို့စဉ်းစားကြတဲ့အခါ လူတွေက Peak season ဖြစ်တဲ့ အောက်တိုဘာလကနေ April အတွင်းလာဖို့ စဉ်းစားကြပါတယ်။

ဒီထဲကမှ ချင်းမိုင်ရဲ့ရာသီဥတုနဲ့အလှအပတွေအကြောင်းကို TD အတွေ့အကြုံအရအနည်းငယ်ပြောပြပါ့မယ်။

ချင်းမ်ိုင်ဟာ Low season ဖြစ်တဲ့မိုးတွင်းမှာအလှဆုံးလို့ခံစားရပါတယ်။ မိုးတွင်းဆိုရင် စိုစိိစိနဲ့ မိုးရွာမှာကြောင့် မလာကြတဲ့သူများပါတယ်။ တကယ်တော့ ချင်းမိုင်ရဲ့ မြူခိုးဝေပြီး စိမ်းစိုနေတဲ့တောတောင်တွေ၊ စပါးခင်းစိမ်းစိမ်းတွေ၊ လတ်ဆက်တဲ့လေနုအေးတွေကို ရှုရှိုက်ချင်ရင် မိုးတွင်းကိုအလည်သွားပါ။

မိုးတွင်းဖြစ်တဲ့အတွက် အစစအရာရာ ပိုသက်သာသလို ဟိုတယ်တွေဆိုရင်လည်း low season price နဲ့ရပါတယ်။ မိုးတွင်းဆိုရင် ချင်းမိုင်မြို့လေးမှာ Backpacker foreigners အဖြူတွေအရမ်းများပါတယ်။ Backpacker ဆိုတဲ့အတိုင်း ဒီလိုသက်သာတဲ့အချိန်ကို ရွေးလာတတ်တယ်လေ။

အောက်တိုဘာလရောက်ရင်တော့ တရုတ်နဲ့ ကိုရီးယားဧည့်သည်တွေများလာပြီး အစစအရာရာစျေးတက်၊ ဟိုတယ်ရှာမရ နေရာတိုင်းလူများတာတွေဖြစ်တတ်တာမို့ ကိုယ်က အေးဆေးလေးပဲလည်ချင်တယ်၊ ရာသီဥတုလည်း အရမ်းပူတာမကြိုက်ဘူး၊ တောတောင်တွေကိုချစ်မြတ်နိုးတယ်၊ စိမ်းစိုနေတာလေးတွေကိုကြိုက်တယ်ဆိုရင်တော့ မိုးတွင်းကို ရွေးချယ်ဖို့ အကြံပေးချင်ပါတယ်။

မိုးတွင်းဆိုရင် Nan မြို့ဟာလည်းသိပ်လှတာမို့ အချိန်ရရင် မချန်ခဲ့သင့်တဲ့မြို့ထဲမှာပါပါတယ်။ ချင်းမိုင်မြို့ပြင်က Homestay များဟာလည်း ပြန်လည်အသက်ဝင်လာပြီး Thai Local တွေနဲ့တင် မိုးတွင်းမှာ Fully booked ဖြစ်နေတတ်ပါတယ်။

မိုးတွင်းချင်းမိုင်ကိုလာမယ်ဆိုရင်

🍃 မယ်ကပေါင်ရွာလေးမှာ ညအိပ်ကြည့်ပါ 🍃

🍃 မြို့ပြင် တောင်ပေါ် သို့ စပါးခင်းတွေနားက Homestay တစ်ခုခုမှာ သွားနေပြီး သဘာဝအလှက်ိုခံစားကြည့်ပါ

🍃 ချင်းမိုင်ဆိုရင် Mon Jam ကလဲ မသွားမဖြစ်ထဲမှာပါပါတယ်။

🍃 ချင်းရိုင်ကတော့ ရာသီတိုင်းပူတာမို့ မိုးတွင်းသွားရင်တော့ အပူဒဏ်အနည်းငယ်သက်သာနိုင်တာမို့ ဘုရားဖူးမယ့်လူကြီးတွေလဲအကြိုက်တွေ့နိုင်ပါတယ်။

🍃 ထိုင်းနိုင်ငံရဲ့ အမြင့်ဆုံးတောင်ဖြစ်တဲ့ Doi Inthanom ဆိုရင် အပူချိန် 10 degrees အောက်ကျနေတတ်ပြီး ခိုက်ခိုက်တုန်အောင်အေးပါတယ်။

🍃 လူငယ်တွေဆိုရင် Pai ကို ဆိုင်ကယ်မောင်းသွားကြည့်ပါ။

🍃 အရမ်းဝေးပြီး ဟိုတယ်တွေစျေးကြီးတဲ့ Ban Rak Thai တရုတ်ရွာကလည်း ဒီအချ်ိန်ဆို ဘတ် ၁၀၀၀ ဝန်းကျင်ပဲရှိပြီး တစ်ခါတစ်လေ တစ်ရွာလုံးမှာတောင် ဧည့်သည်က ကိုယ်တစ်ယောက်တည်းရှိတတ်ပါတယ်။

အချိန်လေးများရခဲ့ရင်တော့ တောင်တက်ပြီး Nan, Phrae, Phrao တစ်ပတ် ပတ်ကြည့်စေချင်ပါသေးတယ်။

ဒီအချိန်ရထားစီးရင် ရှုခင်းတွေကသိပ်လှတာမို့ ရထားစီးမယ့်သူတွေ ရထားလက်မှတ်ကြိုဝယ်ထားဖို့လိုပါတယ်။ တစ်ခုယှဉ်ကြည့်မယ်ဆိုရင် ရထားအိပ်စင်လက်မှတ်က ဘန်ကောက်-ချင်းမိုင် လေယာဉ်လက်မှတ်ထက်ပိုပြီးစျေးကြီးတာမို့ နှစ်သက်ရာ လမ်းကြောင်းနဲ့လာနိုင်ပါတယ်။

မြန်မာကားသမားတွေများပြီး မြန်မာစားသောက်ဆိုင်တွေလည်း ရွေးချယ်စရာအရမ်းများလာတာမို့ နိုင်ငံခြားကနေလာပြီး မြန်မာပြည်က မိဘတွေနဲ့ဆုံဖို့အကောင်းဆုံးမြို့လေးဖြစ်မှာသေချာပါတယ်။

ကော်ဖီကြိုက်တဲ့ ကော်ဖီချစ်သူတွေကတော့ Solo cafe hopping လုပ်ဖို့အကောင်းဆုံးအချိန်ပါပဲ။

ကဲ ဒီလောက်ဆို မိုးရာသီချင်းမိုင်မြို့လေးအကြောင်းကို အနည်းကျဉ်းတော့သိလောက်ပြီထင်တာမို့ နောက်ထပ် Blog လေးတွေမှာပြန်ဆုံပါမယ်ရှင် 💌

ချင်းမိုင်နဲ့အနီးတစ်ဝိုက် နေရာတွေကို Blog ဖတ်ချင်ရင် အောက်က Link မှာဝင်ဖတ်လို့ရပါတယ်။

https://www.facebook.com/share/1Do7Abd9nA/?mibextid=wwXIfr

Explore ခြေဦးတည့်ရာ
TD 🎒

YouTube - https://m.youtube.com/?

IG - https://instagram.com/td_travel_notes?igshid=YmMyMTA2M2Y=

ြေဦးတည့်ရာ #ချင်းမိုင်

12/07/2025

မြန်မာပြည်ရဲ့ Snow to sea ခရီးစဉ် ❄️🌊🇲🇲

လွန်ခဲ့တဲ့ နှစ်တွေတုန်းက မြန်မာပြည်မြောက်ဖျားပိုင်းမှ တောင်ပိုင်းပင်လယ်တွေအထိ ဆိုင်ကယ်နဲ့ပတ်ကြမယ်။ Snow to sea ဆ်ိုတဲ့ Program လေးရိုက်ကြမယ်ဆိုပြီး ရေခဲတောင်စတက်ခဲ့ပါတယ်။

ရေခဲတောင်ကနေ ပူတာအို၊ မြစ်ကြီးနား၊ ဗန်းမော်ကစလို့ ရခိုင်ပြည်နယ်၊ ကရင်ပြည်နယ်တွေအထိ သွားခဲ့တဲ့ Vlog တွေဟာ အခုချိန်ထိ မတင်ရသေးပါဘူး။ အခုတော့ ဘယ်အချိန်ပြန်သွားရမလဲမသိတဲ့ တန်ဖိုးရှိတဲ့ ခရီးစဉ်တွေမလို့ YouTube မှာ Episode အလိုက် တစ်ပိုင်းချင်းစီ တင်သွားပါမယ်ရှင်။

YouTube channel လေးကို subscribe မလုပ်ရသေးရင် အပမ်းမကြီးရင် Click လုပ်ပေးခဲ့ကြပါဦးနော်💌

https://www.youtube.com/

ြေဦးတည့်ရာ

10/07/2025

Zanskar Valley မှာရှိတဲ့ နှစ်ပေါင်း ၂၅၀၀ ကျော်က ဘုန်းကြီးကျောင်း 🇮🇳

India Series တွေကိုအပိုင်းလိုက် YouTube မှာတင်မှာမို့ Subscribe လုပ်ပေးကြပါဦးနော်။

YouTube ကလဲ Monetization ရတာမလို့ပါ ဟီး

Journey to Monastery 🏔️ | Hidden Buddhist Monastery in Zanskar Valley, LadakhWelcome to one of the most remote and awe-inspiring destinations in th...

09/07/2025

ဒီရက်ပိုင်း Social Anxiety ရနေလို့ အပြင်လောကမှာပဲပျော်နေမိတယ်…

ဒီရက်ပိုင်း Blog တွေလဲသိပ် မတင်ဖြစ်ဘူး။ ဖုန်းတော့ကိုင်ပေမယ့် Social media ကိုသိပ်အာရုံမရောက်ဘူး။ လိုင်းပေါ်တက်တယ် တစ်ခါတစ်လေ တင်စရာရှိတာတင်သွားတယ်။ ပြီးရင် ပြန်မကြည့်ဖြစ်တော့ဘူး။

ဖုန်းကိုင်တဲ့အချိန်နည်းလာလေလေ ဖုန်းကြည့်ပြီး စကားတွေပြန်ပြော Comment တွေ Replyတွေ Message တွေပြန်ရမှာကြောက်လာလေလေ ဘာဖြစ်မှန်းမသိ 😅

လွန်ခဲ့တဲ့ ၄ ၅ နှစ်ကလို Social media မှာ active ဖြစ်တက်ကြွသော Blogger တစ်ယောက်ပြန်ဖြစ်ချင်ပေမယ့် တစ်နေ့တစ်နေ့ အဝေးကြီးကိုပဲထွက်ပြေးနေချင်တယ်။

ခရီးတွေပဲထွက်ပြီး တိတ်တိတ်လေးဆိတ်ငြိမ်နေချင်ပေမယ့် ဘဝရဲ့ career ရော ဝါသနာရော စီးပွါးရေးရောက Tourism နဲ့ပဲရပ်တည်နေတော့လည်း ခက်ပြန်တယ်။

လကုန်ရင် Ladakh ပြန်သွားမှာမို့ အားပြန်မွေးနေရပါတယ်။ YouTube မှာလည်း Vlog တွေတင်ထားတာမို့ YouTube channel လေးကိုလည်း subscribe လုပ်ပေးကြပါဦးနော် 💕

YouTube - https://m.youtube.com/?

ြေဦးတည့်ရာ

05/07/2025

ဒီရက်ပိုင်း စိတ်ရောလူရောအပြည့်အဝအနားယူပြီး Video editလေးတွေလုပ်နေတယ် 💌

Travel Blogger ဘယ်မှာအလုပ်လုပ်လဲဆိုတော့ Work from everywhere ပေါ့ 🫶🏻

Explore ခြေဦးတည့်ရာ
TD 🎒

YouTube - https://m.youtube.com/?

ြေဦးတည့်ရာ

02/07/2025

လွန်ခဲ့သော နှစ်ပေါင်း ၂၅၀၀ ကျော်က တိဘက်ရိုးရာ Phuktal Monastery 🏯🇮🇳

ဒီနေရာကို Gate of Himalayan လို့လဲဆခေါ်ကြပါတယ်။ Himalayan ဒေသဆိုတာ တကယ်တော့ လျှို့ဝှက်ဆန်းကျယ်တဲ့အရာတွေအများကြီး ဖုံးလွှမ်းနေတဲ့ နယ်မြေတစ်ခုပါ။

အခု TD တ်ို့ရောက်သွားတဲ့နေရာကလည်း ဟိမဝန္တာဒေသတစ်ခုဖြစ်တဲ့ Ladakh ပြည်နယ်၊ Zanskar ဒေသ၊ Lunknak valley မှာရှိတဲ့ နှစ်ပေါင်း ၂၅၀၀ ကျော်သက်တမ်းရှိတဲ့ ဘုန်းကြီးကျောင်းပဲဖြစ်ပါတယ်။

ဒေသခံတွေကလွဲလို့ လူသူအရောက်အပေါက်နည်းတဲ့ Hidden monastery တစ်ခုဖြစ်ပြီး သွားရတာလည်း တိုက်ရိုက်ကားတွေ လေယာဉ်တွေမရှိတာမလို့ အတော်လေး အချ်ိန်ပေးမှရောက်နိုင်တဲ့ နေရာတစ်ခုပါ။

India လို့ပြောလိုက်ရင် ရှုပ်ထွေးညစ်ပတ်တာကိုပဲလူတွေမြင်ကြပေမယ့် ဒီလိုမျိုး ထူးခြားပြီး အံ့ဩစရာကောင်းတဲ့ ရိုးရာယဉ်ကျေးမှု သမိုင်းကြောင်းတွေပြည့်နှက်နေတဲ့နေရာတွေကလဲ ဒီ India မှာပဲရှိပါတယ်။

India နိုင်ငံ Ladakh ပြည်နယ်က တိဘက်ကရွှေ့ပြောင်းနေထိုင်လာကြတဲ့ တိဘက်တန်လူမျိုးတွေနဲ့အတူ တိဘက်ရိုးရာယဉ်ကျေးမှုအငွေ့အသက်တွေနဲ့ ဘုန်းကြီးကျောင်းတွေလည်း အများကြီးရှိလို့နေပါတယ်။

Phuktal Gompa ကို ၁၅ ရာစုအစောပိုင်းမှာတည်ဆောက်ခဲ့ပြီး နှစ်ပေါင်း ၂၅၀၀ ကျော်သက်တမ်းရှိပြီလို့ ကျောင်းမှာလက်ရှိသတင်းသုံးနေတဲ့ ဘုန်းတော်ကြီးတစ်ပါးပပြောပြပါတယ်။ ဒီနေရာမှာ လားမားကိုယ်တော်တွေနဲ့အတူ တရားကျင့်နေတဲ့ လူတစ်ချို့လဲရှိပါတယ်။ ညအိပ်နေချင်ရင်လည်း ဘုန်းကြီးတွေကိုခွင့်တောင်းပြီးနေထိုင်လို့ရပါတယ်။

ဒီနေရာကိုရောက်ဖို့ကတော့ ကားလမ်းမပေါက်တဲ့အတွက် အရင်တုန်းကဆို Trekking လမ်းကြောင်းနဲ့လာရပါတယ်။ အခု TD တ်ို့သွားတုန်းကတော့ ကားလမ်းဖောက်နေပြီမလို့ နောက်ဆို ကျောင်းအောက်ခြေအထိကားရောက်မယ်လို့ထင်ပါတယ်။

ကားလမ်းဖောက်တဲ့နေရာကနေ ကျောင်းအထိကို အသွားအပြန် ၂ နာရီခွဲ ၃ နာရီလောက် Trekking လျှောက်ရပြီး လမ်းဖောက်နေဆဲကာလမလို့ နည်းနည်းတော့ အန္တရာယ်များပါတယ်။

Phuktal Gonba ကိုသွားမယ်ဆ်ိုရင် လမ်းကြောင်း ၂ ခုပဲရှိပါတယ်။ နယူးဒေလီကနေ မန်နာလီအထိ ကားစီးပြီး မန်နာလီမှာတစ်ညအိပ်ရပါမယ်။ မန်နာလီကနေ Zanskar ကိုလာပြီးမှ ဒီနေရာကို Trekking လျှောက်လာလို့ရပါတယ်။ အခုတော့ကားလမ်းပေါက်ပြီလားတော့မပြောတတ်ပါ။ သဒ္ဓါတို့သွားခဲ့တာ မေလတုန်းကဖြစ်ပြီး လမ်းဖောက်နေတုန်းပါ။

နောက်တစ်မျိုးက Kashmir ရဲ့မြို့တော် Srinagar ကိုလေယာဉ်စီးပြီး Srinagar ကနေ Zanskar ကိုကားစီးလာတာပဲဖြစ်ပါတယ်။

TD ကတော့ Leh ကနေ ၁၀ နာရီလောက်ကားစီးပြီး Zanskar ကိုလာခဲ့တာပါ။ ဘုရားစာတောင်ဘယ်ကစရွတ်ရမှန်းမသိတဲ့လမ်းတွေပေါ့။ မန်နာလီကလာရင် လမ်းကောင်းပါတယ်။

အဲ့တော့ Phuktal Monastery တစ်နေရာတည်းကိုလာမယ်ဆိုရင်တော့ သိပ်မတန်ပါဘူး။ Holy mountain ဖြစ်တဲ့ TD အရင်ကတင်ခဲ့ဖူးတဲ့ Gombo Rangjon တောင်နားမှာ Camping လုပ်ပြီး တစ်ဆက်တည်းလာတာက ပိုအဆင်ပြေပါတယ်။ ဆောင်းတွင်းဆိုရင်တော့ Camp site လဲမရှိတဲ့အပြင် အပူချိန်တအားလျော့တာကြောင့် နှင်းတွေကျပြီး မန်နာလီလမ်းကရေခဲတောင်တွေကြားထဲ လာဖို့အဆင်မပြေနိုင်ပါဘူး။

ဘယ်အချိန်တွေလာလို့ကောင်းလဲဆိုရင် June လကနေ September လအထိပဲကောင်းပါတယ်။ May လဆိုရင် လာလို့ရပေမယ့် Camp site တွေက Officially ပြန်မဖွင့်သေးတာမို့ local homestay တွေမှာနေလို့ပဲရပါတယ်။
အဓ်ိကကတော့ နယ်မြေလမ်းကြောင်း ကျွမ်းကျင်တဲ့ကားသမားပါဖို့တော့လိုပါတယ်။

TD လဲဒီနှစ်ထဲ Ladakh ကအပြန် Zanskar မှာညသွားအိပ်ရမလားစိတ်ကူးနေတုန်းမလို့ တကယ်လို့ပြန်သွားဖြစ်တဲ့အခါ post တင်ပေးပါမယ်။

ကမ္ဘာကြီးမှာ ဒီလိုလေ့လာစရာ သွားစရာနေရာတွေ၊ စိတ်ဝင်စားစရာကောင်းတဲ့ခရီးတွေအများကြီးရှိတာမ်ို့ ကျန်းမာတုန်း စိတ်ပါတုန်း ငယ်ရွယ်တုန်း ကမ္ဘာကြီးဆီကိုပျံသန်းကြည့်ပါ။

ခြေဦးတည့်ရာဆက်ပြီးလျှောက်သွားနေဦးမယ့်
TD🎒

YouTube - https://m.youtube.com/?

IG - https://instagram.com/td_travel_notes?igshid=YmMyMTA2M2Y=

ြေဦးတည့်ရာ

01/07/2025

TD ရဲ့ ခရီးသွားဖော်လေးနဲ့ လာမိတ်ဆက်ပေးတာပါ ….

ကြွားတာမဟုတ်ပါဘူး ဒါပေမယ့်ကြွားတာပါ 😅

သူများတွေလို latest model တွေမဟုတ်တဲ့ 1981 Vintage Carလေးပါ။ ကားလေးနဲ့ ခရီးထွက်ရင် နောက်ခန်းမှာ Tent တွေ၊ Camping chair တွေတင်ပြီး ခြေဦးတည့်ရာ ခရီးတွေထွက်ချင်ခဲ့တဲ့အိပ်မက်လေးရှိပါတယ်။

အခုတော့ အဆင်းကို ဘီးတပ်ပေးလိုက်သလိုပါပဲ။ ကိုယ့်ထက်အသက်ကြီးတဲ့ ဘီးလေးမို့ ကိုယ့်လက်ထဲရောက်မှ တစ်ခုခုမဖြစ်အောင် ပိုပြီးတန်ဖိုးထားရပါတော့မယ်။

သူများတွေလို latest တွေမကြိုက်တတ်ပဲ ထူးထူးဆန်းဆန်း အရင်ခေတ်က ကားတွေမှကြိုက်တတ်တဲ့သူအတွက် ဒီကားလေးက ဘဝမှာ အဖိုးမဖြတ်နိုင်သောပါပဲ။

နောက်ဆို vintage ကားလေးနဲ့ ခရီးတွေသွားပြီး Film ဆန်ဆန် Vlog တွေတင်ဖြစ်မှာမလို့ လာမိတ်ဆက်ထားတာပါ 💌

ဒီအချိန် ချင်းမိုင်လာလည်ရင် ကော်ဖိီလိုက်တိုက်မယ်နော် ..

Explore ခြေဦးတည့်ရာ
TD 🎒

YouTube - https://m.youtube.com/?

IG - https://instagram.com/td_travel_notes?igshid=YmMyMTA2M2Y=

ြေဦးတည့်ရာ

30/06/2025

The last day of first 6 months 💌

ဘာလိုလိုနဲ့ ၂၀၂၅ နှစ်တစ်ဝက်ကျိုးသွားပြန်ပြီနော်။ ၆ လဆိုတဲ့အချိန်က မနေ့တစ်နေ့ကလိုပဲ မျက်စိတစ်မှိတ်အတွင်းကုန်သွားလိုက်တာများ မြန်လိုက်တာ။

အချိန်တွေကိုနောက်ပြန်ကြည့်ရင် ဘာတွေအဖတ်တင်ခဲ့ပြီလဲ။ TDကတော့ ဘာ Brand တွေညာ Brand တွေ စိန်ရွှေငွေတွေပိုင်ခဲ့ပြီဆိုတာထက် လွန်ခဲ့တဲ့ ၆ လမှာ ဘယ်လောက်ထိ နောင်တကင်းပြီး ပျော်ခဲ့ပြီလဲဆိုတာကပဲ ကိုယ့်ရဲ့ Achievement လို့သတ်မှတ်ပါတယ်။

နောက်လာမယ့် ၆ လမှာရော ဘယ်လောက်ထိပျော်အောင်နေရမလဲ၊ လူတွေကိုမနစ်နာစေပဲ စိတ်လေးကျန်းမာအောင်၊ positive vibe လေးတွေရအောင် ဘယ်လိုနေရမလဲပဲတွေးပါတယ်။

ဘယ်သူတွေက ဘယ်လို achievement တွေရခဲ့ပြီလဲ မျှဝေပေးခဲ့ကြပါဦး။ အတူတူကြည်နူးပြီး နောက် ၆ လအတွက် Motivation တွေရအောင် 🥰

Explore ခြေဦးတည့်ရာ
TD 🎒

YouTube - https://m.youtube.com/?

IG - https://instagram.com/td_travel_notes?igshid=YmMyMTA2M2Y=

ြေဦးတည့်ရာ

30/06/2025

ပျော်ရွှင်မှုမှာ Time Limit တွေရှ်ိတယ် 💭

ဒီနေ့ခေတ်မှာ ကိုယ့်ကိုကိုယ် နေ့တိုင်း remind လုပ်နေရတဲ့ အကြောင်းအရာလေးတစ်ခုပေါ့။

ဆယ်ကျော်သက် တော်တော်များများက သူတို့ထက်အသက်ကြီးတဲ့သူတွေ၊ အလုပ်ကြိုးစားပြီး အောင်မြင်နေတဲ့သူတွေကို တွေ့ရင် အားကျကြတယ်။ အလုပ်တွေလုပ်ချင်ကြတယ်။

တစ်ရက် ၁၆ နှစ်အရွယ်လောက်ရှိတဲ့ ညီမလေးတစ်ယောက်က TD ကိုအားကျလို့တဲ့ လာပြောတယ်။ အဲ့လိုဖြစ်အောင်ဘယ်လိုလုပ်ရမလဲတဲ့။ အမလိုအလုပ်တွေလုပ်ချင်တယ်တဲ့။

နည်းနည်းတော့ရှက်သွားတယ် ဘာလို့ဆို ကိုယ်ကဘာမှမှ မဟုတ်တာ။ အသက် ၁၆ နှစ်အရွယ်တည်းကအလုပ်တွေလုပ်လာခဲ့ပြီး ခရီးတွေပတ်သွားနေတဲ့ သာမန်မိန်းကလေးတစ်ယောက်ပါပဲ။ အဲ့ဒါကိုပဲ အားကျကျတယ် ထင်ပါရဲ့။ ကိုယ့်အတွက်တော့ ဒီလို life style နဲ့ဖြတ်သန်းလာရတာဟာက အားကျစရာ ဟုတ်မနေခဲ့ဘူး။

အဲ့တော့လေ TD ကငယ်တဲ့သူတွေကိုပြောချင်တာ... အသက်ဆိုတာ ကြီးဖို့သိပ်မြန်တာ။

ကိုယ်တောင်မသိလိုက်ခင်မှာပဲ ၁၅ ကနေ ၂၀ ရောက်လာတယ်။ ၂၀ ကနေ ၂၅ ရောက်ဖို့ဆိုတာလဲအရမ်းမြန်တာမို့ အသက်ကြီးလာတာကိုအားမကျပါနဲ့။

အခုခေတ် ဆယ်ကျော်သက်လေးတွေကလေ TD တို့ခေတ်က ဆယ်ကျော်သက်အရွယ်ထက်ပ်ိုပြီးတော်ကြတယ်။ Active ဖြစ်တယ်။ သတ္တိရှိကြတယ်။ Bright ဖြစ်တယ်။ ဒါကတော့ Generation တိုင်းမှာ ငြင်းပယ်လို့မရတဲ့အမှန်တရား။ နောက်မွေးလာတဲ့ခလေးတွေဆို ပိုလို့ ပိုလို့ တော်ကြတာပေါ့.

ပျော်ရွှင်မှုတွေ အသက်ရွယ်တွေဆိုတာ Limit ရှိတယ်။ အဲ့ဒါကြောင့် မိဘကထောက်ပံ့နိုင်တဲ့သူတွေဆို လုပ်ငန်းခွင်နယ်ပယ်ထဲကို စောစောစီးစီး ဝင်ရောက်ဖို့မကြိူးစားပါနဲ့။ ပညာသင်ချိန်ပညာကိုပဲရအောင်သင်ပြီး၊ ရည်းစားထားချ်ိန် ရည်းစားလေးထား၊ သူငယ်ချင်းတွေနဲ့ Canteen သွား၊ မုန့်စား၊ ကစားကွင်းတွေသွား၊ Game တွေဆော့ပြီး လူငယ်ဘဝကို လူငယ်တစ်ယောက်လိုပဲ လွတ်လွတ်လပ်လပ်ပျံသန်းကြပါ။

သူငယ်ချင်းတွေ၊ မိသားစုတွေကိုအချိန်ပေးပါ။ ခရီးတွေအတူတူထွက်ပါ။ ကိုယ့်ရဲ့ ဝါသနာနဲ့ Carrier ကိုရှာဖွေကြည့်ပါ။ လေ့လာပါ။ ရုန်းထွက်ပါ။ ကြိုးစားပါ…..

အသက်ကိုမြန်မြန်မကြီးချင်ကြပါနဲ့။ ငယ်တုန်း အမှားတွေလုပ်ဖြစ်မှာကို သိပ်ပြီးမကြောက်ပါနဲ့။ ဆုံးဖြတ်ချက်ချစရာရှိတာတွေမြန်မြန်ချပြီး စွန့်စားကြည့်ပါ။

အမှားနဲ့ကင်းနဲ့လူဆ်ိုတာလဲမရှိပါဘူး။ အမှားကိုသိမှ အမှန်ကိုပြန်သိနိုင်မှာမို့ ကိုယ့်ပါကို Limit တစ်ခုနဲ့ ချင့်ချိန်ပြီး ပျော်အောင်နေကြပါလို့ပဲပြောချင်ပါတယ်။

မိဘက Support မပေးနိုင်လို့ အလုပ်လုပ် ရုန်းကန်နေကြတဲ့လူငယ်တွေကလည်း ကိုယ့်ဘေးနားမှာရှိနေတဲ့ မိသားစုဝင်၊ သူငယ်ချင်းတွေနဲ့ အတူပျော်ရွှင်မှုကိုရှာဖွေပါ။ အသက်ကြီးလာတာ တစ်ခုမှမကောင်းပါဘူးနော်။ ဘဝကြီးကပြီးပြည့်စုံနေရင်တော့ တစ်မျိုးပေါ့နော်...

ဘာလ်ို့ဒီလိုပြောနေရလဲဆိုရင် အခုချိန်မှာ TDတို့ အရင်ကလို ကျောင်းတွေပြန်တက်ဖို့ဆိုတာလဲမလွယ်တော့ဘူး၊ ဆယ်ကျော်သက်တုန်းကလို သူငယ်ချင်းတွေနဲ့ဆုံဖို့ဆိုတာလဲ မလွယ်တော့သလို ကျောင်းပြေးပြီး လျှောက်သွား မိဘဆီမှာ လက်ဖြန့်တောင်းဖို့အရွယ်လဲမဟုတ်တော့ပြန်ဘူး... နောက်ဆုံး မိဘတွေနဲ့ အတူတူ တစ်အိမ်တည်းတောင် မနေနိုင်ကြတဲ့အခြေအနေတွေထိရောက်လာခဲ့တယ်။

အဲ့ဒါကြောင့် လက်ရှိ ကိုယ်က သူငယ်ချင်းတွေနဲ့လဲအတူတူရှိနေတယ်၊ မိဘရဲ့အရိပ်အောက်မှာလဲရှိနေတယ်ဆိုရင် ကိုယ့်ဘဝကိုအကောင်းမြင်ပြီး ကျေးဇူးတင်လိုက်ပါ။

ဘဝဆိုတာ ကိုယ်ထင်ထားသလို အမြဲအကောင်းတွေကြီးမလာသလို အဆိုးတွေကြီးပဲလဲ ဖြစ်မနေတာမ်ို့ ပျော်ရွှင်မှု Time Limit တွေမကုန်ဆုံးခင် နေ့ရက်တိုင်းကို Enjoy your day & Enjoy your life ပါ ညီမလေး/ မောင်လေးတို့.......

IG - https://www.instagram.com/td_travel_notes?igsh=bWZxbWM1ZWU1Z3Zw

29/06/2025

ဖူးခက်ကနေ ညီမလေး ချမ်း ချင်းမိုင်ကို လာလည်တုန်း မြို့တစ်ပတ်လိုက်ပို့….

ချင်းမိုင်က မိုးတွင်းဆို ပြတ်လည်အသက်ဝင်လာတဲ့မြို့လေးမို့ သိပ်လှတာ။ နေရာတိုင်းက စိမ်းစိုနေတာ။ ချမ်းနဲ့အတူ Vlog လေးတွေရိုက်ပြီး တင်ပေးရမလား။

နောက်လကုန်တော့ India ပြန်သွားမှာမို့ July လထဲ ချင်းမိုင်ကိုလာလည်ရင် ကော်ဖီတိုက်မယ်နော်…

Explore ခြေဦးတည့်ရာ
TD 🎒

YouTube - https://m.youtube.com/?

IG - https://instagram.com/td_travel_notes?igshid=YmMyMTA2M2Y=

ြေဦးတည့်ရာ

25/06/2025

မနက်ဖြန်ဘာဖြစ်မလဲ မသိတဲ့ဘဝမှာ ကမ္ဘာကြီးရဲ့ထောင့်တစ်နေရာမှာတော့ ခြေဦးတည့်ရာလျှောက်သွားနေဖြစ်ဦးမယ်..

Passport အနီလေးနဲ့ ဘယ်နိုင်ငံသွားရမလဲတွေးရင်းနဲ့ အရှေ့တောင်အာရှထဲမှာပဲ ဘဝကသံသရာလည်နေတယ်….

ဒီနှစ်ကုန်ရင်တော့ နိုင်ငံအသစ်တွေသွားဖို့ရှိတယ်။ သွားချင်တဲ့နိုင်ငံတွေက Safe မဖြစ်လို့ငြိမ်နေရ။ အရမ်းသွားချင်တဲ့နိုင်ငံတွေကျတော့လဲ Visa တွေကမလွယ်…

ဘယ်နိုင်ငံကိုသွားစေချင်လဲ မေးတဲ့ Post တုန်းက TD ကို တိဘက်တို့ ဘူတန်တို့သွားခိုင်းကြတယ်။ ဘူတန်ကစျေးကြီးတော့ ချက်ချင်းမသွားနိုင်သေးဘူးလေ။ ပိုက်ဆံစုနေရတယ်။

နောက်လ ကမ္ဘာအမြင့်ဆုံးလမ်းမှာ ဆိုင်ကယ်စီးဖို့Ladakh သွားပြီးရင် TD august လတစ်လုံးဗီယက်နမ်မှာရှိမှာမလို့ လာလည်ကြနော်။

ဒီနှစ် ဆောင်းတွင်းကတော့ နီပေါက တောင်တွေအနားမှာပဲရှိပါမယ်။ နှစ်မကုန်ခင်တော့ နိုင်ငံအသစ်သွားမှာမို့ လောလောဆယ် မတင်ရသေးတဲ့ India Vlog Episode တွေက်ို YouTube မှာပဲအဓိကတင်ပါမယ်ရှင်။

Explore ခြေဦးတည့်ရာ
TD 🎒

YouTube - https://m.youtube.com/?

IG - https://instagram.com/td_travel_notes?igshid=YmMyMTA2M2Y=

ြေဦးတည့်ရာ