27/10/2025
ကျွန်တော်တို့ နားလည်ထားရမှာက လူတိုင်းမှာ မတူညီတဲ့ ကိုယ်ပိုင်ပြသနာတွေ ကိုယ်စီရှိကြတယ်ဆိုတာပဲ။ ကိုယ့်ကိစ္စနဲ့ကိုယ် ရှုပ်နေကြပြီး သူများရဲ့စိတ်ကို အပြည့်အဝနားလည်ပေးနိုင်ဖို့ ဆိုတာ အမြဲတမ်းလွယ်ကူမနေပါဘူး။ ဒါကြောင့်မို့ လူတိုင်းဆီက နာလည်မှုရဖို့ အမြဲတမ်းမျော်လင့်နေလို့ မရပါဘူး။အရေးကြီးတာက ကိုယ့်စိတ်ကို ကိုယ် နားလည်အောင် လုပ်ရမှာပါ။ တစ်ချိူ့အရာတွေက ကိုယ်တိုင်ဖန်တီးယူရတာ။ သူများပေးမှ ရတာမျိူးမဟုတ်လို့ပါ။ ကိုယ့်ကိုယ်ကိုယ် အားကိုးဖို့၊ ပျော်ရွှင်အောင်ထားဖို့၊ ကျန်းမာအောင်နေဖို့ ကိုယ့်မှာသာ တာဝန်ယူမှု အပြည့်အဝ ရှိတာပါ။ သူများတွေရဲ့ ကူညီမှု၊ ဂရုစိုက်မှု ဆိုတာ "ဆုလာဘ်" တစ်ခုပါပဲ။ အမြဲတမ်း မျှော်လင့်နေလို့ မရပါဘူး။ ဒါကြောင့် သူများကို အပြည့်အဝ မမှီခိုဘဲ ကိုယ့်ကိုယ်ကိုယ် အားကိုးတတ်တဲ့ ရင့်ကျက်တဲ့ သူတစ်ယောက် ဖြစ်အောင် ကြိုးစားပြီး တည်ဆောက်ယူကြည့်လိုက်ပါ။
ရင့်ကျက်လာတာနဲ့အမျှ စိတ်အလိုမကျတာတွေ၊ မကျေနပ်တာတွေ စသဖြင့် ကိုယ့်စိတ်နဲ့ကိုယ် ပြဿနာ တက်တာတွေ လည်း နည်းလာပြီး၊ အရာရာကို ဖြည့်တွေးပေးတတ်လာပါလိမ့်မယ်။
