เว็บไซต์คืออะไร?

https://www.facebook.com/295095114660429/

မြန်မာ ဘောလုံးပွဲများ, Phuket (2025)

20/09/2025

အောင်မြင်မှုရဖို့ လွယ်လွယ်နဲ့ တည်ဆောက်ခဲ့ရတာမျိုး မဟုတ်ခဲ့တဲ့ ဥဇဘက်ကစ္စတန်
ဥဇဘက်ကစ္စတန်က သူတို့ရဲ့သမိုင်းတလျောက်မှာ ပထမဆုံးအကြိမ်အဖြစ် ကမ္ဘာ့ဖလား ဝင်ခွင့်ရခဲ့တယ်။
ဒါပေမယ့် ဘယ်သူမှ မသိခဲ့တာက အဲဒီ အောင်မြင်မှုရဲ့နောက်ကွယ်မှာ နိုင်ငံရဲ့ပံ့ပိုးကူညီမှုတွေ အများကြီး ရှိခဲ့တယ်ဆိုတာပါပဲ။

ကမ္ဘာ့ဖလား ခြေစစ်ပွဲစဉ်တွေကို ထပ်ခါထပ်ခါ ကျရှုံးပြီးတဲ့နောက် ၂၀၁၇ ခုနှစ်မှာ ဥဇဘက်ဘောလုံးအဖွဲ့ချုပ်က သူတို့ရဲ့ စီမံကိန်းတွေကို စပြီး အကောင်အထည် ဖော်ခဲ့တယ်။
သူတို့ရဲ့ အဓိက ရည်မှန်းချက်တွေကတော့ ဒီနှစ်ခုပေါ့။

၂၀၂၆ ကမ္ဘာ့ဖလား ဝင်ခွင့်ရဖို့
၂၀၃၀ မှာ ထိပ်တန်းနိုင်ငံ ၅၀ ထဲ ပါနိုင်ဖို့

အရင်ဆုံး သူတို့ရဲ့ ပြည်တွင်းလိဂ်ကို ပြန်လည်တည်ဆောက်တယ်။ တတိယတန်းအဆင့် ပြိုင်ပွဲအထိ ရှိလာအောင်၊ တန်းတက်တန်းဆင်းစနစ် အကောင်အထည်ဖော်နိုင်အောင် လုပ်တယ်။
ခေတ်မှီတဲ့ အခြေခံ အဆောက်အဦးတွေ တည်ဆောက်တယ်။ ပရိသတ် ၃၄၀၀၀ ဆန့်ကွင်းကြီးကို တည်ဆောက်ခဲ့ပြီး နိုင်ငံတွင်း အကြီးဆုံး ကွင်းကြီး ဖြစ်လာတယ်။
နိင်ငံအနှံ့မှာ ဖွံ့ဖြိုးရေးစင်တာတွေ ဆောက်ပြီး နိုင်ငံတကာအဆင့် အတွေ့အကြုံရှိတဲ့ နည်းပြတွေငှားတယ်။

အဲဒီရဲ့အကျိုးဆက်အဖြစ် လူငယ်ကစားသမားကောင်းတွေ ပေါ်ထွက်လာတယ်။ စီးရီးအေ၊ ပရီးမီးယားလိဂ်တို့ကို တင်ပို့နိုင်တဲ့အထိ ကစားသမားကောင်းတွေထွက်လာတယ်။ မန်စီးတီးက ကူဆာနော့ဗ်က အကောင်းဆုံး ဥပမာပေါ့။

အဲဒီနောက်မှာတော့ ကမ္ဘာ့ဖလားဝင်ခွင့် လက်မှတ်တစ်စောင်ကို ဥဇဘက်တို့ ရရှိသွားခဲ့ပါတယ်။

ဒါကတော့ ဥဇဘက်ရဲ့ရွှေရောင်မျိုးဆက်သစ်တစ်ခု စတင်လာပုံပါပဲ။

စကားမစပ်ပြောရရင် ငါတို့လည်း အဲဒီလိုစီမံကိန်းတွေရှိခဲ့ဖူးပါတယ်ကွာ။
နေပြည်တော်မှာ ကွင်းအကောင်းစားကြီးဆောက်တယ်။
မြန်မာနေရှင်နယ်လိဂ်ကို အရမ်းစည်ကားအောင် လုပ်နိုင်ခဲ့တယ်။
ယူ ၁၉ အသင်းက နာမည်ကြီးခဲ့တယ်။

ဒါပေမယ့် အဲဒီနောက်မှာတော့ နေရာတိုင်းမှာ ချစားမှုတွေ၊ လာဘ်စားမှုပြသနာတွေ၊ ကစားသမားတွေကို နောက်တစ်ဆင့် မြှင့်မပေးနိုင်တာတွေကြောင့် ဘာမှ ဖြစ်မလာတော့ပဲ အားလုံးအဆုံးသတ်သွားခဲ့တယ်။
အခုတော့ မြန်မာနေရှင်နယ်လိဂ်ဆိုတာ အပျော်လုပ်နေသလိုပါပဲ။
ကစားသမားတွေ မကောင်းတော့သလို၊ ဘာမှလည်း အဓိပ္ပာယ်ရှိမနေတော့ပါဘူးလေ။

#မြန်မာဘောလုံးပွဲ #ဘောလုံးပွဲ

20/09/2025

7 ပွဲမှာ 13 ဂိုး သွင်းပီး (Hat-trick 3ကြိမ်) ဂိုးသွင်းအများဆုံး စာရင်းမှာ Win Theingi Tun က ထိပ်ဆုံးကဦးဆောင်နေသလို

သူ့ရဲ့ အသင်း Sabah ကလဲ ရှုံးပွဲမရှိ ပေးဂိုးမရှိနဲ့ ဇယားထိပ်မှာ ရပ်တည်နေပါတယ်

အဝင်းကတော့ ဘယ်ရောက်ရောက် ရောက်တဲ့လိဂ်မှာ ဆရာကြီးပဲနော်

#မြန်မာဘောလုံးပွဲ #ဘောလုံးပွဲ #မန်ယူ

20/09/2025

ဘောလုံးသမားတွေထဲမှာ မက်ဆီက စိတ်ဓာတ်ပိုင်းက အစ အံ့အားသင့်ဖို့ကောင်းတယ်။ အထူးသဖြင့် နေးမာ နဲ့ ဆွာရက်တို့ဟာ မက်ဆီကို J မဝင်တဲ့ အပြင် အပြန်အလှန် အရမ်းချစ်ကြတယ်။ MSN အတွဲရဲ့ bromance က အသင်းတွေ မတူတော့တာတောင် ခိုင်မြဲတုန်း။ တောင်အမေရိကား ပြိုင်ဘက်တွေဆိုတဲ့ အချက်ကလည်း သူတို့ရဲ့ bromance ကို မဖျက်နိုင်ဘူး။ ကမ္ဘာ့ဖလားမှာဆို ဘရာဇီးပရိသတ်တွေက အင်ဂျင်တီးနားကို ဗိုလ်မစွဲစေချင်ကြဘူး။ ၂၀၁၄ World Cup မှာ ဘရာဇိးက ဆီမီးမှာ ဂျာမနီကို 7-1 နဲ့ ဂိုးပြတ်ရှုံးပြီး (အဲဒီပွဲမှာ ဒဏ်ရာရနေတဲ့ နေးမာ မပါ) ဖိုင်နယ်မှာ ဂျာမနီ နဲ့ အာဂျင်တီးနားတွေ့တော့ ဘရာဇီး ပရိသတ်က အာဂျင်တီးနားကို အားမပေးပေမယ့် နေးမာကတော့ သူ့သူငယ်ချင်း မက်ဆီရှိတဲ့ အာဂျင်တီးနားကိုပဲ အားပေးတယ်လို့ မီဒီယာမှာ ပြောဖူးတယ်။ အဲဒီနှစ်ကတော့ ဂျာမနီ ဗိုလ်စွဲသွားတယ်။ ၂၀၂၂ World Cup မှာလည်း နေးမာတို့က မက်ဆီ World Cup ရလာတော့ နွေးနွေးထွေးထွေး ကြိုကြတာပဲ။ ကိုယ်က နေးမာကို ရစေချင်တာ။ ဘရာဇီးမှာက သူတယောက်ပဲ ဟုတ်တိပတ်တိ ထမ်းတင်နေရသလို ဖြစ်နေတာ။ ခရိုအေးရှားကို သူသွင်းတဲ့ဂိုး လှပေမယ့် အသင်းက ကယ်မရဘူး။

နေးမာဟာ မက်ဆီရဲ့ လောင်းရိပ်ကြောင့် တကယ်ဆို တခြားသူသာဆို မက်ဆီကို မနာလိုတာမျိုးတွေ ရှိနိုင်တယ်။ ပြီးတော့ ဘရာဇီးနဲ့ အာဂျင်တီးနားက ပြိုင်ဘက်။ အသင်းပြောင်းလည်း ဆက်ချစ်ကြတာပဲ။ သူရောက်နေတဲ့ အသင်းကို မက်ဆီကို ရအောင်ခေါ်တယ်။ မက်ဆီဘက်ကလည်း ပြည့်ဝလို့ပေါ့။ ကျွန်တော့်အထင် မက်ဆီက အသင်းဖော်တွေထဲမှာ အာဂျင်တီးနား အသင်းဖော် အဂွယ်ရို နဲ့ ပြီးရင် နေးမာနဲ့ ဆွာရက်က သူနဲ့ အရင်းနှီးဆုံး သူငယ်ချင်းတွေဖြစ်မယ်လို့ ထင်တယ်။

နေးမာ အတ္တကြီးလွန်းတယ် ဆိုတာကလည်း မဟုတ်ပါဘူး။ မက်ဆီလာက် မပြည့်ဝချင်သာ နေမယ်။ PSF ကို သူ ကမ္ဘာ့ဈေးအမြင့်ဆုံး ဘောလုံးသမား၊ နာမည်ကို ဆွဲတင်ပေးမယ့် ဘောလုံးသမား၊ အဲဒီအချိန်မှာ Ballon D'or ရနိုင်တဲ့ ကစားသမားအဖြစ် ရောက်လာချိန်မှာ ပယ်နယ်တီကို သူ့ပဲ ပေးကန်သင့်တာပေါ့။ ကာဗာနီကလည်း အတ္တသမားမို့ ငြိတာပါ။ အမ်ဘာပေနဲ့လည်း အစပိုင်း ချစ်တာပဲ။ မက်ဆီရောက်လာမှ အမ်ဘာပေက နှစ်ယောက်လုံးကို ဘောလုံးအရ ဂျေဝင်တာလား၊ ဒါမှမဟုတ် နေးမာအပြောအရဆို နေးမာက သူ့ထက် မက်ဆီကို ပိုချစ်သွားလို့ အမ်ဘာပေ (Mbapp) က ဂျေဝင်တာဆိုပဲ။ ""We had some good years of partnership, but after Messi came he was a little jealous. He didn't want to split me with anyone. And then there were some fights, a change in behavior." တဲ့။

နေးမာရဲ့ ခြေစွမ်းကလည်း PSG ရောက်သည်အထိ ကောင်းတုန်းပဲ။ သူ့ရဲ့ ဂိုးသွင်းနှုန်းနဲ့ assist နှုန်းပေါင်းလိုက်ရင် နှစ်ခုပေါင်းက ပွဲအရေအတွက်ကို ကျော်ပါတယ်။ အဲဒါမျိုး ကစားသမားက အရမ်းရှားပါတယ်။ ခုခေတ်မှာ မက်ဆီ၊ ဒိုလေး၊ အမ်ဘာပေ၊ ဆာလာ (တချို့ရာသီ) လောက်ပဲ ရှိတာပါ။ ဒဏ်ရာရလိုက်၊ ဒဏ်ရာမရတော့လည်း ကိုဗစ်ကပ်ကာလမှာ ပြင်သစ်မှာက အင်္ဂလန်လို ပြန်မကန်ရတော့ အဲဒီနှစ်မှာလည်း မကစားရ။ ဒီလိုနဲ့ နေးမာ မှေးမှိန်သွားပါရော။ ဘရာဇီးအသင်းဖော်ဆိုသူတွေကလည်း နေးမာ မပါတဲ့ ခြေစစ်ပွဲတွေမှာဆို အကောင်းဆုံးဆိုတဲ့ Vincius Jnior တောင်မှ ခြေစွမ်းက တော်တော်ဆိုးတာ။ နေးမာ မပါတဲ့ ပွဲတွေမှာ အစပိုင်းမှာ ခြေစစ်ပွဲအောင်ဖို့တောင် တော်တော်ရုန်းလိုက်ရတယ်။ ခါတိုင်း အာဂျင်တီးနားကိုကျော်ပြီး ရှုံးပွဲမရှိသလောက် အဆင့်တစ်နဲ့ အောင်လေ့ရှိတဲ့ ဘရာဇီးက ခု အဆင့်ငါးနဲ့ goal difference က +7 ပဲ ရှိတာ။

MSN အတွဲအကြောင်း ပြန်ကောက်ရရင် သူတို့က ခုထိ အချစ်ဆုံး သူငယ်ချင်း ဖြစ်နေကြပေမယ့် သူတို့အတွဲနဲ့ ပြိုင်ဘက် CR7 ဦးဆောင်တဲ့ BBC အတွဲဆိုရင်တော့ တယောက်နဲ့ တယောက် ဒဲ့သာ မဟုတ်တာ၊ သိပ်အကောင်း မပြောကြဘူး။

ကိုယ့်အကြိုက်ဘောလုံးသမားတွေကို အစီအစဉ် ချကြည့်ရရင် ..... သိပ်မကြည့်ဖူးတဲ့ မာရာဒိုနာတို့ ပီလီတို့ မထည့်တော့ဘူး။

(၁) ဒိုကြီး (R9)
(၂) ရိုနယ်ဒင်ဟို
(၃) မက်ဆီ
(၄) ဇီဒန်း (သိပ်မကြည့်ဖူးလို့ ၄ မှာပဲ ထားတာ)
(၅) နေမာ
(၆) စီရော်နယ်ဒို (CR7)
(၇) ဒီဘရိုင်းနား
(၈) ဟာဇတ်
(၉) ရီဗယ်ဒို (သိပ်တော့ မကြည့်ဖူးဘူး)
(၁၀) ကာကာ
(၁၁) အဂွေရို (မန်စီးတီးက အချစ်တော်ကြီးမို့)....................
(၁၂၀) ဒေးဗစ်ဘက်ဟမ်း :D (သူ့ပရိသတ် အမျိုးသမီးထုကြီးကို သနားလို့ အားနာပါးနာ ထည့်ပေးထားတာ) :D

CR7 ကိုတော့ နည်းနည်း အမြင်ကတ်ပေမယ့် သူ့ ဂိုးသွင်းနှုန်းအရ နံပါတ် ၆ နေရာတော့ ထိုက်တန်ပါတယ်။ :

#ဘောလုံးပွဲ #မြန်မာဘောလုံးပွဲ

19/09/2025

ဓာတ်ပုံထဲက score board ကိုကြည့်မယ်ဆိုရင်
Burma 3 - 0 Thailand လို့ပြထားပါတယ်။
ဒါဟာ ၁၉၆၇ အာရှအားကစားပြိုင်ပွဲ (Bangkok Asian Games, V) အတွင်း ကျင်းပခဲ့တဲ့ ဘောလုံးပွဲ တစ်ပွဲ ဖြစ်ပါတယ်။
အဲဒီပြိုင်ပွဲမှာ မြန်မာ (အဲဒီအချိန်မှာ Burma) အမျိုးသားဘောလုံးအသင်း က ထိုင်းကို ၃-၀ နဲ့နိုင်ပြီး ရွှေတံဆိပ်ရခဲ့တဲ့ အမှတ်တရပွဲပါ။
မြန်မာအသင်း (၁၉၆၇ Asian Games Final, Bangkok)
မင်းတင်အောင် (GK)
ဦးစိုးမြင့်
ဦးစိုးမြင့်နိုင်
ဦးညွန့်လှိုင်
ဦးစိုးတင်
ဦးစိုးဝင်း
ဦးအောင်ကျော်
ဦးတင်အောင်
ဦးနိုင်ဝင်း
ဦးကျော်ထွန်း
ဦးစိုးမင်း
(နာမည်များက အများစု စည်းမျဉ်းစာရင်းထဲက လူများဖြစ်ပြီး တိကျတဲ့ ၁၁ ဂိုးသမားစာရင်းကို တချို့စာတမ်းတွေမှာ အနည်းငယ် ကွာခြားစွာ ဖော်ပြထားပါတယ်)။
ဒီပွဲဟာ မြန်မာဘောလုံးသမိုင်းထဲမှာ အလွန်ကျော်ကြားပြီး အောင်ပွဲအဖြစ် #မြန်မာဘောလုံးပွဲ #ဘောလုံးပွဲ #ရော်နယ်ဒို #မန်ယူ

18/09/2025

၂၀၂၄/၂၅ ရာသီ ဆော်ဒီလိဂ် ဂိုးသွင်းအများဆုံးရွှေဖိနပ်ဆုကို လက်ခံရရှိခဲ့တဲ့ ခရစ်စတီယာနို ရော်နယ်ဒို

အသက်၄၀ သာရောက်လာတယ် နုပျိုနေတုန်း ဆုတွေယူနေဆဲ IDOL ကြီး

GOAT

#မြန်မာဘောလုံးပွဲ #ရော်နယ်ဒို #ဘောလုံးပွဲ #မန်ယူ

17/09/2025

မြန်မာ့အားကစားသမိုင်းတွင် အမှတ်ရစရာ နေ့တစ်နေ့
ဒီပုံက ၁၉၆၁ ခုနှစ်၊ ဒီဇင်ဘာလ ၁၁ ရက်နေ့က ရန်ကုန်မြို့မှာ ကျင်းပခဲ့တဲ့ ဒုတိယအကြိမ် ကျွန်းဆွယ် အားကစားပြိုင်ပွဲ (Southeast Asian Peninsular Games) ကို ရိုက်ကူးထားတာဖြစ်ပါတယ်။ ဒီပွဲက လက်ရှိ ကျင်းပနေတဲ့ ဆီးဂိမ်း (SEA Games) ရဲ့ အစ ဖြစ်ပါတယ်။
ပုံထဲမှာ မြင်ရတဲ့ ရမှတ်ပြ ဇယား (scoreboard) ကတော့ မြန်မာနဲ့ ထိုင်းဘောလုံးပွဲရဲ့ ပွဲပြီးရလဒ်ကို ပြသနေတာပါ။ မြန်မာက ၃ ဂိုး ဂိုးမရှိနဲ့ ထိုင်းကို အနိုင်ရပြီး ဒုတိယအကြိမ် ကျွန်းဆွယ်အားကစားပြိုင်ပွဲရဲ့ ဘောလုံးရွှေတံဆိပ်ကို ဆွတ်ခူးရရှိခဲ့ပါတယ်။ ဒီပွဲအနိုင်ရပြီးနောက် မြန်မာနိုင်ငံသားတွေဟာ အားကစားသမိုင်းမှာ ပထမဆုံးအကြိမ် နိုင်ငံတကာ ဖလားကို ရရှိခဲ့တာကြောင့် အောင်ပွဲခံခဲ့ကြပါတယ်။
ဒါ့အပြင် ပုံထဲက မီးရှူးတိုင်ကြီးဟာ အိုလံပစ်ပြိုင်ပွဲပုံစံအတိုင်း မီးထွန်းညှိပြီး ပွဲကျင်းပတယ်ဆိုတာကို ပြသနေပါတယ်။ မြန်မာနိုင်ငံဟာ အရှေ့တောင်အာရှမှာ အားကစားပြိုင်ပွဲကြီးကို ပထမဆုံးအကြိမ် အိမ်ရှင်အဖြစ် လက်ခံကျင်းပခဲ့တဲ့ နိုင်ငံတစ်နိုင်ငံလည်း ဖြစ်ပါတယ်။
ဒီပုံက မြန်မာ့အားကစားသမိုင်းမှာ ထူးခြားတဲ့ အဖြစ်အပျက်တစ်ခုအကြောင်းကို ဖော်ပြနေတာဖြစ်ပြီး အောင်ပွဲခံနေကြတဲ့ လူထုရဲ့ အားမာန်ကိုပါ ပုံဖော်ပေးနေပါတယ်။
မှတ်ချက်။ ကျွန်းဆွယ် အားကစားပြိုင်ပွဲကို ၁၉၅၉ ခုနှစ်မှာ စတင်ခဲ့ပြီး ၁၉၇၇ ခုနှစ်မှာ ဆီးဂိမ်း (SEA Games) လို့ နာမည်ပြောင်းခဲ့ပါတယ်။ မြန်မာနိုင်ငံဟာ ၁၉၆၁ ခုနှစ်၊ ၁၉၆၉ ခုနှစ်နဲ့ ၂၀၁၃ ခုနှစ်တို့မှာ အားကစားပွဲတော်ကို အိမ်ရှင်အဖြစ် လက်ခံကျင်းပခဲ့ပါတယ်။

#မြန်မာဘောလုံးပွဲ #ဘောလုံးပွဲ #ရော်နယ်ဒို #မန်ယူ

17/09/2025

လာမည့်နှစ်ဘောလုံးရာသီ မြန်မာအမျိုးသမီးလိဂ်
ပြိုင်ပွဲမှာ ပုဂ္ဂလိကပိုင်အမျိုးသမီးအသင်းသစ်
တစ်သင်း ထပ်မံဝင်ရောက်လာဖွယ်ရှိကြောင်း
သိရှိရပါတယ်

အဆိုပါအသင်းကို မြန်မာလိဂ်ဝမ်းပြိုင်ပွဲရှိ ထိပ်သီး
ကလပ်အသင်းတစ်သင်းမှ ဖွဲ့စည်းထားတာဖြစ်ပြီး
ပြည်ပအချိတ်အဆက် ခေါ်ယူမှုအချို့ကိုပါ မြင်တွေ့
လာရနိုင်ဖွယ်ရှိကြောင်း သတင်းရရှိထားပါတယ်

ယခုနှစ်ရာသီအမျိုးသမီးလိဂ်ပြိုင်ပွဲကို အသင်း
( ၉ ) သင်းဖြင့် ယှဉ်ပြိုင်ကစားနေတာဖြစ်ပြီး
ပရိသတ်အများအပြား အားပေးမှုရရှိနေတဲ့ ပြိုင်ပွဲ
တစ်ခုအဖြစ် ကျင်းပပြုလုပ်နေလျှက်ရှိပါတယ် ။

#မြန်မာဘောလုံးပွဲ #ဘောလုံးပွဲ

17/09/2025

မြန်မာပြည်ရဲ့ ဗာဟုဗာလီ ပြန်လာပီ 🐍🐍
THE BURMESE PYTHON IS BACK! 🐍🐍

အောင်လ အန်ဆန်း ဆိုတဲ့နာမည်ကို မြန်မာ့အားကစားသမိုင်းထဲမှာ မမေ့နိုင်ပါ။
တိုက်ပွဲထဲမှာ အနိုင်ရသလား၊ အရှုံးကျသလားမဆို သူ့ရဲ့ စိတ်ဓာတ်မပျက်ဘဲ ထပ်မံလှုပ်ရှားလာနိုင်စွမ်း ဟာ အားလုံးအတွက် သင်ခန်းစာကြီးဖြစ်နေပါတယ်။
ချန်ပီယံဖြစ်ဖူးသူဆိုတာအရေးမကြီးပါ
အနည်းဆုံးကြိုးစားသည့်စိတ်၊ မလျှော့နည်းသည့်စိတ်ဓာတ်ကတော့ အမြဲအရေးကြီးဆုံးပါ!
ကျရှုံးရင် သင်ခန်းစာယူ
အောင်မြင်ရင် ဂုဏ်ယူဖို့ မမေ့
နောက်တစ်ကြိမ် ပြန်ထလာဖို့ အားထုတ်
ဒါက The Burmese Python ရဲ့ နည်းလမ်း
ဒါကြောင့်ပဲ အောင်လ အန်ဆန်းဟာ နိမ့်မကျနိုင်သော စိတ်ဓာတ် ရှိသူအဖြစ် လူထုရဲ့စိတ်ထဲမှာနေရာယူထားတာပါ။
မင်းလည်း မိမိအပေါ်ယုံကြည်ပြီး၊ မလျော့နည်းဘဲ သံဃာ့စိတ်ဓာတ်နဲ့ ရှေ့ဆက်နိုင်တယ်။
မင်းရဲ့တိုက်ပွဲက MMA ကွင်းထဲမှာမဟုတ်နိုင်ပေမယ့် မင်းဘဝကို အနိုင်ရဖို့ တိုက်သွားစို့!

#ဘောလုံးပွဲ #မြန်မာဘောလုံးပွဲ

17/09/2025

ပရီးမီးယားလိဂ်မှာဆိုရင် သူတို့တွေက ငွေအများကြီးသုံးတယ်။ တစ်ရာသီကောင်းတစ်ခုတောင် ခြေစွမ်းမပြနိုင်တဲ့ ကစားသမားတွေကို ဈေးအကြီးကြီးတွေ ပေးဝယ်ရတယ်။

လူငယ်ကစားသမားယောက်လည်း ဖြစ်ပြီးတော့ ၆ လအတွင်းမှာ ၁၀ ဂိုးသွင်းတယ်ဆိုရင် အသင်းကြီးတွေက သန်း ၇၀ လောက်အထိ ပေးဝယ်ကြလိမ့်မယ်။

ဒါပေမယ့်လည်း သူတို့ပေးရတဲ့ ဈေးနှုန်းက သူတို့လိုချင်တဲ့ အရည်အသွေးကိုရော အမှန်တကယ်ရကြရဲ့လားဆိုတာ ပရီးမီးယားလိဂ်အသင်းတွေ လုံးဝမသိကြပါဘူး။

-လီဝန်ဒေါ့စကီး #ဘောလုံးပွဲ

16/09/2025

#ယုယုနိုင်
(မြန်မာ့လက်ရွေးစင်အမျိုးသမီးနှင့် ရန်ကုန်
ယူနိုက်တက်အက်ဖ်စီ အမျိုးသမီးအသင်း)!
______________

သူမကို စတင်သတိထားမိတာကတော့
၂၀၂၂ မြန်မာအမျိုးသမီးလိဂ်ပြိုင်ပွဲဝင်
Young Lionesses FC အသင်းမှာဖြစ်တယ်။
အဲဲဒီအချိန်က YL FC အသင်းဆိုတာက မြန်မာ
အမျိုးသမီး ယူ-၁၆ အသင်း ဖြစ်တယ်။ သက်တမ်း
အလိုက် နိုင်ငံတကာပြိုင်ပွဲတွေ ဝင်ရောက်ယှဉ်ပြိုင်
တဲ့အခါ ကစားသမားတွေ ပြိုင်ပွဲအတွေ့အကြုံ
ရရှိစေဖို့ရည်ရွယ်ပြီး အသင်းကို Young Lionesses FC အမည်နဲ့ မြန်မာအမျိုးသမီးလိဂ်ပြိုင်ပွဲမှာ
ပြိုင်ပွဲအတွေ့အကြုံ ဝင်ရောက် ရှာဖွေစေတဲ့
သဘောပါပဲ။

#ယုယုနိုင် က နောက်တန်းကစားသမားတစ်ယောက်၊ ကြံ့ခိုင်မှုအားကောင်းသလို အရပ်
အမောင်းလည်းကောင်းတယ်။ အဲဒီအတွက်လည်း သူမကို ယူ-၁၆ အမျိုးသမီးအသင်းအတွက် ရည်ရွယ်ပြီး ရွေးချယ်ထားတာဖြစ်ပေမယ့်
၂၀၂၄ အာရှဖလား ယူ-၂၀ အမျိုးသမီးခြေစစ်ပွဲ(ပထမအဆင့်)ဝင် မြန်မာ ယူ-၂၀ အမျိုးသမီးအသင်းရဲ့ အပြီးသတ်လူစာရင်း၊
၂၀၂၄ အာရှဖလား ယူ-၂၀ အမျိုးသမီးခြေစစ်ပွဲ
(ဒုတိယအဆင့်ပြိုင်ပွဲ)ဝင် မြန်မာ ယူ-၂၀ အမျိုး
သမီးအသင်းတွေရဲ့ အပြီးသတ်လူစာရင်းအထိ
ရွေးချယ်ခဲ့တာ တွေ့ခဲ့ရတယ်။ သူမအနေနဲ့
ပြည်ပပြိုင်ပွဲအတွေ့အကြံတွေကလည်း တဖြည်းဖြည်းများလာတယ်။ ဖော်ပြပါပြိုင်ပွဲတွေအပြင် ၂၀၂၃ မတ်လတုန်းကလည်း အာဆီယံ - ဂျပန် ယူ-၁၇ အမျိုးသမီးဖိတ်ခေါ်( JENESYS U-17 )ပြိုင်ပွဲ၊ ဧပြီလအတွင်း ၂၀၂၄ အာရှဖလား အမျိုးသမီး ယူ-၁၇ ခြေစစ်ပွဲ(ပထမအဆင့်ပြိုင်ပွဲ)၊ ၂၀၂၃ အာဆီယံ ယူ-၁၉ အမျိုးသမီးချန်ပီယံရှစ်ပြိုင်ပွဲ အစရှိသည်ဖြင့် အပြည်ပြည်ဆိုင်ရာ သက်တမ်းအလိုက်ပြိုင်ပွဲစုံတွေမှာ ခပ်စိတ်စိတ် ရွေးချယ်ခံလာခဲ့ရတယ်။

၂၀၂၄ ခုနှစ် နှစ်ဆန်းပိုင်းမှာတော့ သူမဟာ
မြန်မာ့လက်ရွေးစင် အမျိုးသမီးအသင်းအတွက်
ပဏာမကစားသမားစာရင်းအထိ ပါဝင်လာခဲ့
တယ်။ နှစ်လယ်ပိုင်း ဇူလိုင်လအတွင်း မြန်မာ့
လက်ရွေးစင် အမျိုးသမီးအသင်းနှင့် အိန္ဒိယလက်
ရွေးစင် အမျိုးသမီးအသင်း ခြေစမ်းပွဲ (၂)ပွဲနှင့်
ထိုနှစ် အောက်တိုဘာလကုန်ပိုင်း ဟောင်ကောင် လက်ရွေးစင် အမျိုးသမီးအသင်းနှင့် ခြေစမ်းပွဲ
(၂)ပွဲတို့တွင်လည်း သူမဟာ လက်ရွေးစင်ကစားသမားအဖြစ် ပါဝင်ယှဉ်ပြိုင်ခွင့်ရခဲ့တယ်။ လက်ရွေးစင် အမျိုးသမီးကစားသမားဘဝမှာ
သူမအတွက် ပထမဆုံး နိုင်ငံတကာပြိုင်ပွဲအဖြစ် ၂၀၂၅ ခုနှစ်၊ ဇန်နဝါရီ (၁၇)ရက်မှ (၂၆)ရက်အထိ
နီပေါနိုင်ငံက အိမ်ရှင်အဖြစ် ကျင်းပပြုလုပ်တဲ့ 'International Women's Footbal Tournament 2025' ပြိုင်ပွဲတွင် မြန်မာ့လက်ရွေးစင် အမျိုးသမီးအသင်းနှင့်အတူ ဝင်ရောက်ယှဉ်ပြိုင်ခွင့် ရရှိခဲ့ခြင်း
ပဲ ဖြစ်သည်။ မြန်မာ့လက်ရွေးစင် အမျိုးသမီးအသင်း ချန်ပီယံဆုတံဆိပ် ဆွတ်ခူးနိုင်ခဲ့တဲ့ ပြိုင်ပွဲလည်း ဖြစ်ပါသည်။ ထို့နောက် ဇွန် (၉)ရက်မှ (၁၈)ရက်အထိ ဗီယက်နမ်နိုင်ငံက အိမ်ရှင်အဖြစ် ကျင်းပသည့် သက်တမ်းအလိုက်ပြိုင်ပွဲတစ်ခုဖြစ်
တဲ့ အာဆီယံ ယူ-၁၉ အမျိုးသမီးချန်ပီယံရှစ်ပြိုင်
ပွဲမှာ သက်တမ်းအလိုက် ကစားသမားတစ်ဦး
အဖြစ်လည်းကောင်း၊ ဇွန် (၂၉)ရက်မှ ဇူလိုင် (၅)ရက်နေ့အထိ မြန်မာနိုင်ငံက အိမ်ရှင်အဖြစ် လက်ခံကျင်းပခဲ့သည့် '၂၀၂၆ AFC အာရှဖလား အမျိုးသမီးခြေစစ်ပြိုင်ပွဲ'တွင်လည်း မြန်မာ့လက်
ရွေးစင် ကစားသမားတစ်ဦးအဖြစ်လည်းကောင်း ဝင်ရောက်ယှဉ်ပြိုင်ခွင့် ရရှိခဲ့သည်အထိ သူမ၏
ခြေစွမ်းနှင့် ကစားအားတို့က ထိုသို့ရွေးချယ်ခံခဲ့
ရမှုနှင့် ထိုက်တန်သူတစ်ဦးဖြစ်ကြောင်း သက်သေ
ပြနေခဲ့ပေသည်။ နောက်ထပ်လည်း ပြီးခဲ့သည့်
သြဂုတ် (၆)ရက်မှ (၁၀)ရက်အထိ မြန်မာနိုင်ငံက အိမ်ရှင်အဖြစ် လက်ခံကျင်းပခဲ့သည့် '၂၀၂၆ AFC အာရှ ယူ-၂၀ အမျိုးသမီး ခြေစစ်ပြိုင်ပွဲတွင်လည်း သက်တမ်းအလိုက်ကစားသမားတစ်ဦးအဖြစ်
ပါဝင်ခဲ့ပြန်ပါသည်။

သူမကစားပုံကို လေ့လာ ကြည့်မိသလောက် နိုင်ငံတကာပြိုင်ပွဲတွေမှာ(သက်တမ်းအလိုက်တုန်းကကော လက်ရှိ အမျိုးသမီး လက်ရွေးစင်အဆင့်မှာပါ)ကစားတာ တတ်နိုင်သလောက် အမှားကင်း
ပါတယ်။ သက်တမ်းအလိုက်ပြိုင်ပွဲတွေမှာ အသင်းခေါင်းဆောင်အဖြစ် တာဝန်ပေးအပ်ခြင်း ခံခဲ့ရလျှင်လည်း မိမိကို ပေးအပ်သော တာဝန်ကျေပွန်သည်အထိ ဆောင်ရွက်နိုင်စွမ်းရှိတဲ့ အားကစားသမား
တစ်ဦးလည်း ဖြစ်ပါတယ်။ ဒါက သူမရဲ့ အားသာချက်ပိုင်းပါ။ အားနည်းချက်ပိုင်းလည်း ရှိနေပါ
သေးတယ်။ ဘယ်လိုဖြစ်မလဲ။ တွေ့မိတာလေး
တစ်ခုကတော့ တစ်ခါတရံ သူမကိုယ်၌ ဆုံးဖြတ်
ချက်ချတဲ့အပိုင်းလေးတွေမှာ အားနည်းမှုရှိသလို ဖြစ်နေတာ တွေ့ရတယ်။ အဲဒီလို မဝံ့မရဲဖြစ်မှုက
သူမကို အမှားအယွင်းဖြစ်စေတာပါ။ ဒီအတွက်
အဆိုပါအချင်းအရာကို ပြုပြင်ပြီး ရဲရဲဝံ့ဝံ့ကစား
ပါ။ အဆင်ပြေလာပါလိမ့်မယ်။ နောက်တစ်ချက် ပရိတ်သတ်ကို မျက်နှာမူတဲ့ဘက် အခြမ်း၊ မိမိရဲ့
ပြင်ပလူနေမှု Freedom Lifestyle ကို မဆိုလိုပါ။ ပရိတ်မျက်နှာမူဘက်ခြမ်းနဲ့ ပတ်သတ်တဲ့ ဝတ်စားဆင်ယင်မှုမှာ Simple ဖြစ်နေတာ ပိုကောင်းမယ် ထင်ပါတယ်။ ငယ်ရွယ်တဲ့အရွယ်၊ ရုပ်ရည်ချော
မောလှပသူမို့ ဒီအရွယ်မှာ အလှအပကြိုက်တာ
မဆန်းပေမယ့် အားကစားဘက် အာရုံစူးစိုက်မှုမှာ လျော့ရဲတတ်နိုင်ပါတယ်။ အသက်အရွယ်ကလည်း ငယ်သေးသလို မိမိကြိုးစားလျှင် ကြိုးစားသည့်အလျောက် နိုင်ငံတော်ကအားထားရမယ့် အမျိုး
သမီးလက်ရွေးစင် အားကစားသမားတစ်ယောက်ဖြစ်လာနိုင်တာမို့ လက်ရှိအချိန်မှာ အားကစားဘက်
ခြမ်းကိုသာ ပိုမိုအာရုံစူးစိုက်စေချင်ပါသည် ခင်ဗျား။

အမည် ယုယုနိုင်
အသက် ၁၇ နှစ်
ကစားသည့်နေရာ နောက်တန်း
အရပ် ၁၆၁ စင်တီမီတာ(၅ ပေ၊ ၃ လက်မ)
ကိုယ်အလေးချိန် ၅၈ ကီလိုဂရမ်(၁၂၇.၉ ပေါင်)
ဇာတိ ခရမ်း၊ ရန်ကုန်တိုင်းဒေသကြီး
ကလပ် Yangon United FC
ကျောနံပါတ် ၁၆

!
!
#မြန်မာဘောလုံးပွဲ #ဘောလုံးပွဲ

16/09/2025

လူဆိုတာ အပြောင်းအလဲ လိုချင်တာပဲလေ 🤭

#မန်ယူ #မြန်မာဘောလုံးပွဲ #ဘောလုံးပွဲ

15/09/2025

ISPE အမျိုးသမီးအသင်းတာဝန်ရှိသူများခင်ဗျာ
အသင်းအောင်မြင်မှုရနေချိန်မှာကစားသမားတွေရဲ့ကြိုးစားမှုအတွက် စီမံမှုနဲ့ပံ့ပိုးမှုတွေစနစ်ကျစေချင်တယ်။

ဒါ၂၀၂၅ခုနှစ်ဖြစ်နေပြီး ပရိုလိဂ်ဖြစ်နေပြီးဖြစ်တဲ့မြန်မာအမျိုးသမီးလိဂ်နှင့်မြန်မာနေရှင်နယ်လိဂ်
အသင်းတွေကို အသင်းဂျာစီတွေနဲ့ခြေစွပ်တွေဟာ တံဆိပ်တစ်ခုထဲပဲ ဖြစ်သင့်တယ်။ဖြစ်သလိုမလုပ်ကြပါနဲ့ လိဂ်ရဲ့အဆင့်တစ်ခုရောက်ဖို့ဆိုတာကွင်းနဲ့အသင်းရဲ့ဂျာစီတွေလည်း အရေးပါတဲဲ့အရာတစ်ခုပဲဗျာ။

MFFအနေနဲ့လည်း ဒါမျိုးတားသင့်တယ် မြန်မာအမျိုးသမီးလိဂ်နှင့်မြန်မာနေရှင်နယ်လိဂ်ဟာ အပျော်တမ်းလိဂ်မဟုတ်တဲ့အတွက်ပွဲဖြစ်ရင်ပြီးရောဆိုတဲ့အဖြစ်မျိုး ဖြစ်သလိုမ
လုပ်ကြပါနဲ့။

ဒီနေ့ယှဥ်ပြိုင်ကစားခဲ့ကြတဲ့ အခုတလောနာမည်ကြီးနေတဲ့ ISPE အသင်းဟာ ဂျာစီက SCM တံဆိပ်ဖြစ်ပြီး ခြေစွပ်မှာက Adidas တံဆပ်ဗျာ ဒါမျိုးမဖြစ်သင့်ပါဘူးလို့ ကျွန်တော်တို့မြင်တယ်ဗျာ။ကိုယ့်နိုင်ငံလိဂ် ကောင်းစေချင်လို့ ကျွန်တော်တို့ပြောပေးနေတာပါ။

ပွဲစဥ်တွေတိုက်ရိုက်ထုတ်လွှင့်တဲ့နေရာမှာလည်း ကင်မရာကောင်းကောင်းနဲ့ ရိုက်စေချင်တယ်။ဖြစ်
သလိုမလုပ်ကြပါနဲ့လို့ တောင်းဆိုချင်ပါတယ်ဗျာ။🙏

#မြန်မာဘောလုံးပွဲ #ဘောလုံးပွဲ

မြန်မာ ဘောလုံးပွဲများ

20/09/2025

20/09/2025

20/09/2025

19/09/2025

18/09/2025

17/09/2025

17/09/2025

17/09/2025

17/09/2025

16/09/2025

16/09/2025

15/09/2025

ที่อยู่

เว็บไซต์

แจ้งเตือน

ติดต่อ ธุรกิจของเรา

ทางลัด

แชร์

ประเภท