11/07/2025
၂၀၂၅ ခုနှစ် ဇူလိုင် ၉ ရက်နေ့တွင် မြန်မာနိုင်ငံစစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်က အမေရိကန်သမ္မတ ဒေါ်နယ်ထရမ့်ထံ ပေးပို့ခဲ့သော အကြောင်းကြားစာတွင် မြန်မာနိုင်ငံမှ အမေရိကန်သို့ တင်ပို့သည့် ကုန်ပစ္စည်းများအပေါ် စည်းကြပ်ခွန်ကို ၁၀% မှ ၂၀% အထိ လျှော့ချပေးရန်၊ အမေရိကန်မှ မြန်မာနိုင်ငံသို့ တင်သွင်းသည့် ကုန်ပစ္စည်းများအတွက် ၀% မှ ၁၀% အတွင်း ချိန်ညှိစည်းကြပ်ပေးရန် တောင်းဆိုထားသည်။
ထို့အပြင် လိုအပ်ပါက မြန်မာနိုင်ငံမှ အဆင့်မြင့်ကိုယ်စားလှယ်အဖွဲ့တစ်ဖွဲ့ကို အမြန်စေလွှတ်၍ သက်ဆိုင်ရာတာဝန်ရှိသူများနှင့် တွေ့ဆုံညှိနှိုင်းလိုသည်ဟုလည်း ဖော်ပြထားသည်။
ဤသို့ဆောင်ရွက်ရခြင်းမှာ အမေရိကန်သမ္မတ ဒေါ်နယ်ထရမ့်က ဇူလိုင် ၇ ရက်နေ့တွင် မြန်မာနိုင်ငံသို့ တင်ပို့သည့် ကုန်ပစ္စည်းများအပေါ် ၄၀% စည်းကြပ်ခွန် ကောက်ခံမည်ဟု အကြောင်းကြားလာခြင်းကို တုံ့ပြန်ချက်အဖြစ် ဆောင်ရွက်ခြင်းဖြစ်သည်။
မြန်မာနိုင်ငံစစ်ခေါင်းဆောင်က အမေရိကန်၏ စီးပွားရေးပိတ်ဆို့မှုများသည် နှစ်နိုင်ငံအတွက် အကျိုးကျေးဇူးမရှိဟု ထောက်ပြပြီး နှစ်နိုင်ငံပြည်သူများ၏ အကျိုးစီးပွားအတွက် ယင်းပိတ်ဆို့မှုများကို ဖြေလျော့ပေးရန် တိုက်တွန်းထားသည်။
ထို့အပြင် ၎င်းက မီဒီယာများနှင့် ရန်ပုံငွေစနစ်များကို ထိန်းချုပ်ပေးသည့်အတွက် အမေရိကန်သမ္မတအား ကျေးဇူးတင်ရှိကြောင်း ဖော်ပြရင်း၊ မှားယွင်းသော သတင်းအချက်အလက်များကြောင့် မြန်မာနိုင်ငံ၏ အမှန်တကယ်အခြေအနေကို နိုင်ငံတကာက နားလည်မှုလွဲမှားခဲ့ပြီး ယင်းသတင်းမှားများကို အခြေခံကာ ပိတ်ဆို့မှုများ ချမှတ်ခဲ့ခြင်းဖြစ်သည်ဟု ပြောကြားခဲ့သည်။
မြန်မာနိုင်ငံအနေဖြင့် အမေရိကန်နှင့် သမိုင်းကြောင်းအရ ကောင်းမွန်သော ဆက်ဆံရေးရှိခဲ့ပြီး ကုန်သွယ်ရေးဆိုင်ရာ ကတိကဝတ်များကို အမြဲတမ်း ထိန်းသိမ်းခဲ့ကြောင်း၊ ကုန်သွယ်ရေး တိုးမြှင့်နိုင်ရန် မျှော်လင့်ထားကြောင်းလည်း အကြောင်းကြားစာတွင် ဖော်ပြထားသည်။
