23/12/2025
“သင်ဟာ အရာရာကို သိနေပြီးသားဖြစ်ပေမယ့် ဘာကြောင့် မအောင်မြင်သေးတာလဲ?”
အောင်မြင်တဲ့အသက်မွေးဝမ်းကြောင်းတစ်ခုကိုတည်ဆောက်ဖို့၊ ဘဝရဲ့စိန်ခေါ်မှုတွေကို ရင်ဆိုင်ဖို့အတွက် ဇွဲရှိရှိနဲ့ မလျှော့သောစိတ်ဓာတ်က အဓိကအကျဆုံးသော့ချက်ဖြစ်ပါတယ်။
ရလဒ်ကောင်းတွေရဖို့၊ အောင်မြင်မှုအသီးအပွင့်တွေကို ခံစားရဖို့ဆိုရင် စိတ်ရှည်သည်းခံပြီး ကြိုးစားအားထုတ်ဖို့လိုပါတယ်။
ကျွန်တော်တစ်ယောက်တည်းရဲ့အမြင်ကိုပြောရရင် လူအများစုက သိတဲ့အသိပညာချင်း သိပ်မကွာခြားကြပါဘူး။ အဓိကကွာခြားသွားတာက စရဏလို့ခေါ်တဲ့ အလေ့အကျင့်တွေပါပဲ။
လူအများစုကတော့ ပြောနိုင်ကြတယ်၊ ဘာကဘယ်လို ငါသာဆိုရင် ဘယ်လိုပိုကောင်းအောင် လုပ်ပြလိုက်မယ် အစရှိသဖြင့်ပေါ့။ ဒါပေမဲ့ တကယ်လုပ်တဲ့အခါ အခက်အခဲတွေကြောင့် လက်လျှော့သွားတတ်ကြပါတယ်။
လူတွေရဲ့ဦးနှောက်ဟာ အသိပညာထက် အလေ့အကျင့်အတိုင်း လုပ်ဆောင်လေ့ရှိပါတယ်။
ဒါကြောင့် အဆိုးသံသရာထဲမှာပဲ နစ်မွန်းပြီး အမှားတွေကို ထပ်ခါထပ်ခါ ကျူးလွန်မိတတ်ကြပါတယ်။
ခက်ခဲတဲ့အပိုင်းတွေရောက်လာရင် ကိုယ့်ကိုယ်ကို အားပေးနှစ်သိမ့်ပြီး လက်လျှော့လိုက်ကြတာ များပါတယ်။
နောက်တစ်ဆင့်ကို တက်လှမ်းဖို့ဆိုရင် စည်းကမ်းရှိခြင်း၊ ကိုယ့်ကိုယ်ကို ပေးထားတဲ့ကတိတွေကို တည်ခြင်း၊ မိမိကိုယ်ကို လေးစားမှုရှိခြင်းတို့ပါဝင်တဲ့ Growth Mindset (တိုးတက်လိုစိတ်ရှိသော အတွေးအမြင်) နဲ့ Open Minded (အသစ်တွေကို လက်ခံသင်ယူနိုင်ခြင်း) ဖြစ်ခြင်းတွေက မရှိမဖြစ်လိုအပ်ပါတယ်။
ဒီလိုမှသာ ကောင်းမွန်တဲ့အကြောင်းအရာတွေ၊ ဘဝအတွက်လိုအပ်တဲ့အရာတွေကို သင်ယူလေ့လာနိုင်မှာဖြစ်ပါတယ်။
အတွင်းထဲမှာ ကောင်းမွန်တဲ့အကြောင်းတရားတွေ များလာလေလေ၊ ရလဒ်တွေကလည်း ကောင်းမွန်လာလေလေပါပဲ။
ဒါကြောင့် အဆိုးသံသရာ (သို့မဟုတ်) သက်တောင့်သက်သာဇုန်ထဲကနေ ရုန်းထွက်ဖို့လိုပါတယ်။
ကျွန်တော်စမ်းသပ်ကြိုးစားခဲ့တဲ့အထဲကတစ်ခုက လက်ရှိအခြေအနေနဲ့ ဝေးကွာတဲ့ပန်းတိုင်ကို မျှော်မကြည့်ဘဲ လက်ရှိအခြေအနေမှာ အကောင်းဆုံးစွမ်းဆောင်ရည်နဲ့ လုပ်နိုင်ဖို့ အားထုတ်တာက ပိုထိရောက်မှုရှိပါတယ်။
သွားချင်တဲ့နေရာနဲ့ အလှမ်းဝေးနေသေးရင် ရောက်နေတဲ့နေရာမှာ အကောင်းဆုံးလုပ်ဆောင်ပါ။ ကောက်ရိုးမီးလို တောက်လောင်ပြီးအလုပ်မဖြစ်တာထက်စာရင် သေးငယ်တဲ့အရာလေးတွေကနေ စတင်ပြင်ဆင်သွားသင့်ပါတယ်။
လိုရာခရီးကို သက်လုံကောင်းကောင်းနဲ့ ဇွဲရှိရှိလျှောက်လှမ်းနိုင်ပြီး အောင်မြင်သူတစ်ယောက် ဖြစ်လာမှာပါ။ ဘဝစာမေးပွဲကို ဖြေဆိုနိုင်ဖို့ဆိုရင် အလေ့အကျင့်တွေ မှန်ကန်ဖို့လိုအပ်ပါတယ်။
ဒီနေ့ကစပြီး ကိုယ့်ဘဝအတွက် အလေ့အကျင့်ကောင်းတစ်ခုကို ရွေးချယ်ပြီး စတင်လုပ်ကြည့်ပါ။
အောင်မြင်မှုဆိုတာ တစ်နေ့တည်းနဲ့ မရပေမယ့်
နေ့ရက်တိုင်းလုပ်တဲ့ အရာလေးတွေကနေ သေချာပေါက် တည်ဆောက်နိုင်ပါတယ်။
#အသိပညာမျှဝေခြင်း #အောင်မြင်မှု #ဇွဲရှိခြင်း #အလေ့အကျင့်ကောင်းများ #ဘဝအတွက်သင်ခန်းစာ
