Radio to Karen - R2K (2026)

15/09/2026

ကီၫ်ကၠီၣ်တဲၣ်အပူၤ ပှၤနီသိလ့ၣ်ဖိတဖၣ် ကဘၣ်ဟ့ၣ်စ့အီၣ်လိးအဂီၫ် Messageမ့ၫ်ဟဲနုာ်လီၤန့ၣ် သုတဆီၣ်၀ဲ Links တဖၣ်အဂီၫ် တၫ်ဟ့ၣ်ပလီၫ်

လါစဲးပထ့ဘၢၣ်(၁၅)သီ,၂၀၂၆နံၣ်

ကီၫ်ကၠီၣ်တဲၣ်အပူၤ ပှၤနီသိလ့ၣ်ဖိတဖၣ် မၤကမၣ်သိလ့ၣ်တၫ်ဘျၢကဘၣ်ဟ့ၣ်စ့အီၣ်လိးအဂီၫ် အိၣ်တ့ၫ်၀ဲအဂ့ၫ်တၫ်တဲ ၀ဲဒီးတၫ်ဆှၢန့ၫ်(Message)တဖၣ်လၢပာ်ဃုာ်ဒီးLinksတၫ်သုတဆီၣ်လီၤ၀ဲအဂီၫ် ကၠီၣ်တဲၣ်ပဒိၣ်ဟ့ၣ်ပလီၫ်ဃာ်၀ဲလီၤ.

လံာ်လၢတၫ်ဆှၢန့ၫ်၀ဲတဖၣ်န့ၣ် မ့ၫ်ဒၣ်တၫ်လီအီၣ်ကျိာ်စ့(Scam)လၢပညိၣ်ဟုၣ်န့ၫ်ပှၤနီၫ်ကစၫ်တၫ်ဂ့ၫ်တၫ်ကျိၤဒီးစ့တၢး တၫ်ဂ့ၫ်တၫ်ကျိၤလီၤတံၫ်တဖၣ်အဂ့ၫ် ပဒိၣ်ပှၤတဲတၫ်ပၢခံဂၤတဂၤ Ploythalay Laksameesaengjanတဲလီၤ၀ဲလီၤ.

ပှၤလီအီၣ်တၫ်တဖၣ်န့ၣ် ဆှၢဟ့ၣ်လံာ်ဒ်ကၠီၣ်တဲၣ်စီၤပၤပၢၤကီၫ်သုး(RTP)အသိးဒီးတဲ၀ဲလၢတၫ်ကဘၣ်ဟ့ၣ်၀ဲ e-ticketစ့အီၣ်လိးအိၣ်၀ဲ၀ံၤခီဖျိလၢLinksတဖၣ်တဆီ သူ၀ဲWebsiteအယီၤအဘျၣ်တဖၣ်အဂ့ၫ် တၫ်သ့ၣ်ညါဘၣ်လီၤ.

Websiteအယီၤအဘျၣ်တဖၣ်အပူၤ သိလ့ၣ်နီၫ်ဂံၫ်,စ့အီၣ်လိးနီၫ်ဂံၫ်ဒီးစ့လၢတၫ်ကဘၣ်ဟ့ၣ်တဖၣ် မၤ၀ဲဒ်သိးအမ့ၫ်အ တီအသိးဒီးအလီၫ်ခံ ညီနုာ်မၢတၫ်ဆီၣ်လီၤဖၢနုာ်လီၤCreditမ့တမ့ၫ် Debit Cardတၫ်ဂ့ၫ်တၫ်ကျိၤဖၣ်န့ၣ်လီၤ.

တကးဘၣ် လၢအ၀ဲသ့ၣ် Messageတဖၣ်အပူၤ တၫ်မ့ၫ်တဟ့ၣ်စ့အီၣ်လိးတဘျီဃီဘၣ်န့ၣ် ဆီၣ်သနံး၀ဲဒီးမၤပျံၤမၤဖုး ၀ဲလၢလၢကဟံးန့ၫ်၀ဲဂ့ၫ်၀ီလံာ်တဖၣ်စ့ၫ်ကီးပာ်ဃုာ်၀ဲအဂ့ၫ် တၫ်သ့ၣ်ညါဘၣ်လီၤ.
ပဒိၣ်ပှၤတဲတၫ်ပၢ ပၢၤကီၫ်သုးတကပၤ ဃ့စ့အီၣ်လိးလၢ SMSလံာ်ဖုၣ်တဖၣ်,Linksတဖၣ် မ့တမ့ၫ် လၢ QR Codeတဖၣ် တဆီ တအိၣ်၀ဲဘၣ်အဂ့ၫ် တဲလီၤဃာ်၀ဲလီၤ.

ပှၤနီသိလ့ၣ်ဖိတကပၤ စ့အီၣ်လိးလၢအိၣ်တ့ၫ်တဖၣ် တၫ်ကသမံသမိးဘၣ်အဂီၫ်ဒီးလၢတၫ်ကဟ့ၣ်၀ဲအဂီၫ် တၫ်ကဟ့ၣ် ဘၣ်လၢပဒိၣ်အ Thang Rath App,Police Care AppဒီးWebsiteဖိးသဲစးလၢအမ့ၫ်ptm.police.go.th/eTicketတဆီ အဂီၫ် တဲဆီၣ်တခူထီၣ်ဃာ်၀ဲလီၤ.

Ref: Bangkok Post

15/09/2026

ပယီၤသုးန့ၣ် ဒုးတ့ၫ်လီၤကမျၢၫ်လၢမ့ၣ်ပိၫ်တဖၣ်ကိးမုၫ်နံၤအဃိ တၫ်သံတၫ်ပှၫ်ဒီးတၫ်ဘၣ်ဒိဘၣ်ထံးအိၣ်အါထီၣ်အဂ့ၫ် AAထုးထီၣ်ဘိးဘၣ်ရၤလီၤ

လါစဲးပထ့ဘၢၣ်(၁၅)သီ,၂၀၂၆နံၣ်

လၢတမ့ၫ်သုးဂ့ၫ်၀ီတၫ်ခးပနီၣ်အလီၫ် ကမျၢၫ်အိၣ်တၫ်လီၫ်တဖၣ်အပူၤ သုးဟံးန့ၫ်တၫ်စိတၫ်ကမီၤအသုးအံၤ ဒုးတ့ၫ်လီၤ မ့ၣ်ပိၫ်လၢကလံၤကျါကိးမုၫ်နံၤဒဲးအဃိ တၫ်ဘၣ်ဒိဘၣ်ထံးဒီးတၫ်သံတၫ်ပှၫ်အိၣ်အါထီၣ်၀ဲအဂ့ၫ် ရၢၫ်ခၢၣ်သုးမုၫ်ဒိၣ်(AA) ထုးထီၣ်ဘိးဘၣ်ရၤလီၤ၀ဲထဲလါစဲးပထ့ဘၢၣ်(၁၄)သီအနံၤန့ၣ်လီၤ.

ဖဲလါစဲးပထ့ဘၢၣ်(၄)သီ တုၤ စဲးပထ့ဘၢၣ်(၁၃)သီအတီၫ်ပူၤ ပိၣ်နါကၠိ,တီၣ်ကိး,ကၠ့ၣ်တလံၣ်ဒီး၀့ၫ်ဆမံတဖၣ်အပူၤ က မျၢၫ်အိၣ်တၫ်လီၫ်တဖၣ် ဒုးခးလီၤ၀ဲလၢကဘီယူၤဒုးသုး,ကျိစဲး,စူစဲးဒြိတဖၣ်အဃိ ပှၤဘၣ်စံၣ်သုးတဖၣ်ပာ်ဃုာ် ပိာ်မုၣ် (၂)ဂၤဒီးပိာ်ခွါ(၃)ဂၤဘၣ်သံဒီးဘၣ်ဒိ၀ဲ(၆)ဂၤအဂ့ၫ် AA ဒုးထီၣ်ဘိးဘၣ်ရၤလီၤဃာ်၀ဲလီၤ.

ဖဲလါစဲးပထ့ဘၢၣ်(၄)သီအနံၤ လၢ၀့ၫ်ပိၣ်နါကၠိ,စံၣ်စိၤနုာ် အူယးတီၣ်ဖယါအိၣ်အလီၫ်ကစၢၫ်ခိၣ်ထံး,ကၠိတတါအကပၤ တၫ်ဒုးအပူၤ ဒုးတ့ၫ်လီၤမ့်ပိၫ်လၢကလံၤကျါတကးဘၣ် ခးလီၤဃုာ်၀ဲဒီးကျိစဲးတဖၣ်အဂ့ၫ် တဲ၀ဲလီၤ.ဖဲလါစဲးပထ့ဘၢၣ် (၄)သီအနံၤစ့ၫ်ကီး လၢ၀့ၫ်ပိၣ်နါကၠိ,ဖဲစံၣ်စိၤနုာ် ကူၣ်၀းဖယါ ပယီၤသုးဒုးတ့ၫ်လီၤမ့ၣ်ပိၫ်လၢကလံၤကျါအဃိ ကစၫ်ကျီ အဂီၤတဖၣ် ဟးဂုၤဟးဂီၤ၀ဲအဂ့ၫ် ထုးထီၣ်ဘိးဘၣ်ရၤလီၤဃာ်၀ဲလီၤ.

AAပၢဆှၢဃာ်ကီၫ်ဆၣ်တဖၣ်အပူၤ ပယီၤသုးန့ၣ် ဘိးဘၣ်ရၤလီၤဃာ်သနူလၢ ၄၉၂၆ဒုးယၤဂ့ၫ်၀ီအမံၤ၀ံၤမၤ၀ဲကလံၤ ကျါတၫ်ဒုးခးလီၤတၫ်တဖၣ်န့ၣ်လီၤ.၄၉၂၆ဒုးယၤတၫ်ကျဲၤတၫ်ကျဲၤအံၤ တၫ်စးထီၣ်၀ဲဖဲလါစဲးပထ့ဘၢၣ်(၄)အနံၤဒီးမ့ၫ်ဒုး ယၤဂ့ၫ်၀ီတၫ်ရဲၣ်တၫ်ကျဲၤဖးဒိၣ်လၢထီၣ်ဒုးဃီၤ၀ဲ၀့ၫ်လၢAAဒုးမၤန့ၫ်ဃာ်၀ဲတဖၣ်အဂ့ၫ် ပှၤလၢဘိးဘၣ်ရၤလီၤန့ၫ်သနူလၢ ပယီၤသုးအဂီၫ်တဖၣ် တဲ၀ဲတပယူာ်န့ၣ်လီၤ.

ရၢၫ်ခၢၣ်ကီၫ်စဲၣ်,စံးတွ့ၣ်ဒီးကၠီးဖၠူၣ်ကီၫ်ဆၣ်အပူၤ AAပၢဆှၢဃာ်ဟီၣ်က၀ီၤတဖၣ်,ရၢၫ်ခၢၣ်ကီၫ်စဲၣ်အဆၢ မကွ့ကီၫ်ခီအ ပူၤ ပဒါ,မ့တိကီၫ်ဆၣ်,ပကိကီၫ်ခီအပူၤ ပါတီကီၫ်ဆၣ်,အ့ၣ်ယၣ်၀တံၣ်ကီၫ်ခီအပူၤ ရွှ့ၣ်သီၣ်ယၣ်,ယ့ၣ်ကၠံၣ်,သၣ်ပီကီၫ် ဆၣ်တဖၣ်အပူၤ တၫ်လီၫ်လၢAAပၢဆှၢဃာ်အံၤ ပယီၤသုးန့ၣ်ဟဲထီၣ်ဒုးဃီၤ၀ဲလၢဂံၫ်ဘါအါအါဂီၫ်ဂီၫ်အသိး ဒုးတ့ၫ်လီၤ မ့ၣ်ပိၫ်လၢကလံၤကျါအဂ့ၫ် တၫ်သ့ၣ်ညါဘၣ်လီၤ.

တၫ်ဒုးတဖၣ်အပူၤ ပယီၤသုးတကပၤတၫ်သံတၫ်ပှၫ်ဒီးတၫ်ဘၣ်ဒိဘၣ်ထံးအိၣ်အါ၀ဲအဂ့ၫ် တၫ်သ့ၣ်ညါဘၣ်လၢ လီၫ်က ၀ီၤဂ့ၫ်ခီၣ်ထံးတၫ်ကစီၣ်သန့တဖၣ်အအိၣ်န့ၣ်လီၤ.ကမျၢၫ်တဖၣ်စ့ၫ်ကီး ကပလီၫ်ဘၣ်အသးလၢကလံၤကျါဒီးကျိဖးဒိၣ် အတၫ်လီၤဘၣ်ယိၣ်တဖၣ်အဂီၫ် AAဟ့ၣ်ပလီၫ်ဃာ်၀ဲလီၤ.

တၫ်ဒုးတဖၣ်အဃိ ကမျၢၫ်လၢဘၣ်ပာ်တ့ၫ်တၫ်အိၣ်ဆိးလီၫ်ဃ့ၫ်ဘူၣ်ဖျဲးအသးအိၣ်၀ဲအါမးဒီး လိၣ်ဘၣ်တၫ်မၤစၢၤတဖၣ် အဂ့ၫ် ကမျၢၫ်တၫ်ကရၢကရိတဖၣ် ထုးထီၣ်ဘိးဘၣ်ရၤလီၤဃာ်၀ဲလီၤ.

Photo - AA Info Desk

02/09/2026

၀့ၫ်တီအူမုၫ်နုာ်,၀့ၫ်တကူၣ်-မါတလ့ကျဲမုၫ်ဖးဒိၣ်အဖီခိၣ် ဖဲတၢၣ်နီၫ်ဂံၫ် ၁၄၅ဒီး၁၅၂အကပၤ တၫ်ဒုးဆူၣ်၀ဲဒီးပယီၤသုးခး စိ ကျိဖးဒိၣ်ဆူသ၀ီတဖၣ်အပူၤအဃိ ပှၤကမျၢၫ်ဘၣ်ဃ့ၫ်ပူၤဖျဲး

လါစဲးပထ့ဘၢၣ်(၂)သီ,၂၀၂၆နံၣ်

ပကိကီၫ်ခီ,၀့ၫ်တီအူအမုၫ်နုာ် ၀့ၫ်တကူၣ်-မါတလ့ကျဲမုၫ်ဖးဒိၣ်အဖီခိၣ် ဖဲတၢၣ်နီၫ်ဂံၫ် ၁၄၅ဒီးနီၫ်ဂံၫ်၁၅၂အကပၤ ဖဲမုၫ်နုာ် တကပၤအပူၤ တၫ်ဒုးဆူၣ်၀ဲလၢတီအူကီၫ်ရ့ၣ်တၫ်ပၢၫ်ဆၢသုးပာ်ဖှိၣ်ဒီးပယီၤသုးအဘၢၣ်စၢၤဆူၣ်ဆူၣ်ကလဲာ်အဂ့ၫ် တၫ် သ့ၣ်ညါဘၣ်လၢလီၫ်က၀ီၤဂ့ၫ်ခီၣ်ထံးတၫ်ကစီၣ်အအိၣ်န့ၣ်လီၤ.

ဖဲလါအီကူး(၂၉)သီအနံၤဒီးတုၤလၢကနံၤအံၤ ပယီၤသုးဟဲနုာ်လီၤသုးကျိၤဆူကျဲမုၫ်ဖးဒိၣ်အကပၤ သ၀ီတဖၣ်အပူၤလၢ ဂံၫ်ဘါ(၃၀၀)ဂၤဘျဲၣ်ဒီးနုာ်လီၤ၀ဲဆူ၀ဲးခီးစ့ၣ်ဒူသ၀ီကရူၫ်,ကည့ၣ်မၠီၣ်ဒူသ၀ီကရူၫ်ဒီးစပါကၠဲၣ်ဒူသ၀ီကရူၫ်အပူၤ မၠးပ့ၣ်ကူ သ၀ီ,ကည့ၣ်မၠီၣ်သ၀ီ,သယဲးပ့ၣ်ကိသ၀ိဒီးဖီၣ်ဆ့းသ၀ီတဖၣ်တကပၤအဂ့ၫ် တၫ်သ့ၣ်ညါဘၣ်လီၤ.

ဖဲပယီၤဟဲထီၣ်သုးကျိၤအဆၢကတီၫ် ခးစိဃီၤကျိဖးဒိၣ်ဆူဒူသ၀ီကပိာ်ကပၤအဃိ ဒူသ၀ီကရူၫ်(၃)ခါအပူၤ ထံဖိကီၫ်ဖိ ကမျၢၫ်တဖၣ် ဘၣ်ဃ့ၫ်ပူၤဖျဲးအသးန့ၣ်လီၤ.

လၢကတီၫ်အံၤ တၫ်ဒုးဆူၣ်၀ဲလၢတၫ်ပၢၫ်ဆၢသုးပာ်ဖှိၣ်ဒီးပယီၤသုးအဘၢၣ်စၢၤဆူၣ်ဆူၣ်ကလဲာ်၀ံၤ တၫ်ပၢၫ်ဆၢသုးတက ပၤစ့ၫ်ကီးတၫ်ဘၣ်ဒိဘၣ်ထံးဒီးတၫ်သံတၫ်ပှၫ်အိၣ်၀ဲတဆံးတက့ၫ်အဂ့ၫ်,မ့မ့ၫ်လၢပယီၤသုးတကပၤဘၣ်ဒိဘၣ်ထံးဘၣ်သံဘၣ်ပှၫ်အိၣ်၀ဲအါမးအဂ့ၫ် သုးဂ့ၫ်၀ီဂ့ၫ်ခီၣ်ထံးတၫ်ကစီၣ်တဲ၀ဲလီၤ.

“တၫ်ဒုးန့ၣ်ဆူၣ်၀ဲလီၤ.တၫ်ပၢၫ်ဆၢသုးတကပၤ တၫ်ဘၣ်ဒိဘၣ်ထံးဒီးတၫ်သံတၫ်ပှၫ်အိၣ်၀ဲတဆံးတက့ၫ်လီၤ.ပယီၤသုးတ ကပၤဒုဘၣ်ဒိဆါ၀ဲလီၤ.ပယီၤသုးမ့ၫ်ဘၣ်ဒိဆါလံန့ၣ် တၫ်ပၢၫ်ဆၢသုးတဖၣ်ဘၣ်ယိၣ်လၢကဒွဲၣ်အူဒူသ၀ီဒီးမၤဆူးမၤဆါ ထံဖိကီၫ်ဖိအဃိ ဘၣ်ဒုး၀ဲလၢတၫ်အိၣ်သးပူၤအဂ့ၫ် “သုးဂ့ၫ်၀ီဂ့ၫ်ခီၣ်ထံးတၫ်ကစီၣ်တဲ၀ဲလီၤ.

တၫ်ဒုးကဲထီၣ်သးအလီၫ်န့ၣ် ဘူး၀ဲဒီးကလံၤထံးကီၫ်ခီသုး၀ဲၤလီၫ်ခိၣ်သ့ၣ်ဒီးကလံၤသုး၀ဲၤလီၫ်ခိၣ်သ့ၣ်တၫ်လီၫ်တဖၣ်အ ဃိ တၫ်ပၢၫ်ဆၢသုးတကပၤ သုးဂ့ၫ်၀ီတၫ်အိၣ်သးတဖၣ်န့ၣ် ဘၣ်ဟူးဂဲၤမၤ၀ဲလၢတၫ်ပလီၫ်အပူၤန့ၣ်လီၤ.

လၢကတီၫ်အံၤဒၣ်လဲၣ် တၫ်ဒုးကဲထီၣ်အဖၢမုၫ်အဃိ ၀့ၫ်တကူၣ်-မါတလ့ကျဲမုၫ်ဖးဒိၣ် တၢၣ်နီၫ်ဂံၫ် ၁၄၅ တုၤ၁၅၂အက ပၤ ကမျၢၫ်လၢကလဲၤခီထီၣ်ထီလီၤတဖၣ် ကဘၣ်သူၣ်ပာ်သးလၢတၫ်ဘံၣ်တၫ်ဘၢဒီးဟးထီၣ်က့ၤလီၤအဂီၫ် လီၫ်က၀ီၤ တၫ်ကစီၣ်သန့တဖၣ် ဟ့ၣ်ပလီၫ်ဃာ်၀ဲန့ၣ်လီၤ.

Photo - KTM

Website:https://r2knyaw.org/ Youtube:http://www.youtube.com/ R2K Application For (Android) https://play.google.com/store/apps/details... For(IOS):https://apps.apple.com/.../
R2K Application For (Android) https://play.google.com/store/apps/details... For(IOS):https://apps.apple.com/sg/app/r2k/id66704456

02/09/2026

ပယီၤသုးတ့ၫ်လီၤမ့ၣ်ပိၫ်လၢ၀့ၫ်မီၤခံအဃိ ဖိသၣ်ပာ်ဃုာ်ပှၤဘၣ်သံ(၆)ဂၤ

လါစဲးပထ့ဘၢၣ်(၂)သီ,၂၀၂၆နံၣ်

လၢကရ့ၣ်နံၣ်ကီၫ်စဲၣ်,၀့ၫ်မီၤခံန့ၣ် ဖဲလါစဲးပထ့ဘၢၣ်(၁)သီအနံၤ ပယီၤသုးဟဲဒုးတ့ၫ်လီၤမ့ၣ်ပိၫ်အဃိ ဖိသၣ်ပာ်ဃုာ် က မျၢၫ်ဘၣ်သံ(၆)ဂၤဒီးဘၣ်ဒိဘၣ်ထံးအစှၤကတၢၫ်(၇)ဂၤအဂ့ၫ် ကရ့ၣ်နံၣ်တၫ်ဘၢၣ်စၢၤပၢပြးဂ့ၫ်၀ီကီၣ်ကး(IEC)တဲ၀ဲလီၤ.

“ဖဲလါစဲးပထ့ဘၢၣ်(၁)သီအနံၤ ဟါခီ(၄)နၣ်ရံၣ်ဃၣ်ဃၣ်အကတီၫ် ပယီၤသုးဟဲဒုးတ့ၫ်လီၤမ့ၣ်ပိၫ်လၢကဘီယူၤ(၂)ခိၣ် လၢတၫ်လီၫ်(၂)တီၤအပူၤန့ၣ်လီၤ.

ဖဲလါအီကူး(၂၈)သီအနံၤ ဟါအကတီၫ်စ့ၫ်ကီး လၢနါမဲၫ်ခိၣ်ကီၫ်ဆၣ်အပူၤ ဒူသ၀ီတဖျၢၣ်အပူၤ ပယီၤသုးဒုးတ့ၫ်လီၤမ့ၣ် ပိၫ်အဃိ ဟံၣ်ဘၣ်ဟးဂီၤ(၁၀)ဖျၢၣ်ဃၣ်ဃၣ်အဂ့ၫ် ပှၤလီၫ်က၀ီၤဖိတဖၣ်တဲ၀ဲလီၤ.
ဖဲလါအီကူး(၄)သီအနံၤ တုၤ(၂၅)သီအနံၤအတီၫ်ပူၤ လၢဖရူၫ်ဆိၣ်,ဒံၣ်မီဆိၣ်ဒီးလွဲၫ်ကီၫ်ကီၫ်ဆၣ်တဖၣ်အပူၤ ပယီၤသုး သူ၀ဲကဘီယူၤဒုးသုးဒီးဒြိတဖၣ်၀ံၤတ့ၫ်လီၤမ့ၣ်ပိၫ်အဃိ သးနံၣ်(၆)လါဖိသၣ်ပာ်ဃုာ် ကမျၢၫ်ဘၣ်သံ(၉)ဂၤဒီးဘၣ်ဒိ၀ဲ (၇)ဂၤအဂ့ၫ် တဲ၀ဲန့ၣ်လီၤ.

ဒီကလုာ်ဃူဖိးပဒိၣ်(NUG)ပှၤဂ့ၫ်၀ီကိတိာ်၀ဲၤကျိၤအလါယူၤလံ(၃၁)သီနံၤ တၫ်မၤနီၣ်မၤဃါအဖီခိၣ် သုးဟံးန့ၫ်ဆူၣ်ထံ ကီၫ်တၫ်စိတၫ်ကမီၤအတီၫ်ပူၤ လၢထံကီၫ်ဒီတဘ့ၣ်အပူၤ ပယီၤသုးအကလံၤကျါတၫ်ဒုးခးလီၤတၫ်တဖၣ်အဃိ ဘၣ် ဘၣ်သံအိၣ်ထီၣ် ၆,၀၆၂ဂၤလံန့ၣ်လီၤ.

Website:https://r2knyaw.org/ Youtube:http://www.youtube.com/ R2K Application For (Android) https://play.google.com/store/apps/details... For(IOS):https://apps.apple.com/.../
R2K Application For (Android) https://play.google.com/store/apps/details... For(IOS):https://apps.apple.com/sg/app/r2k/id66704456

31/08/2026

လၢကီၫ်ကၠီၣ်တဲၣ် ၈လါအတီၫ်ပူၤ ခိၣ်ဘံး၁၉ဘၣ်ကူဘၣ်ဂာ်ပှၤအိၣ်ထီၣ်၀ဲ(၁)ကလီၫ်ဃၣ်ဃၣ်ဒီးပှၤဘၣ်သံ(၁၄)ဂၤ

လါအီကူး(၃၁)သီ,၂၀၂၆နံၣ်

ကီၫ်ကၠီၣ်တဲၣ်အပူၤ ၂၀၂၆နံၣ်,လါယနူၤအါရံၤ တုၤ လါအီကူး(၂၈)သီ လၢဃိးလါအတီၫ်ပူၤ ခိၣ်ဘံး၁၉ဘၣ်ကူဘၣ်ဂာ် ပှၤအိၣ်ထီၣ်၀ဲ ၉၅,၃၅၇ဂၤဒီးပှၤဘၣ်သံအိၣ်(၁၄)ဂၤအဂ့ၫ် တၫ်ပၢဆှၢတၫ်ဆါ၀ဲၤကျိၤ(DDC) ထုးထီၣ်ဘိးဘၣ်ရၤလီၤ၀ဲ လီၤ.
တၫ်ဆါဘၣ်ကူဘၣ်ဂာ်တၫ်န့ၣ် ပှၤနီၫ်ဂံၫ်(၁)ကလီၫ်အပူၤ အိၣ်၀ဲ ၁၄၄ဂၤဘျဲၣ်လံဒီးတၫ်သံတၫ်ပှၫ်ဒုအိၣ်၀ဲဒၣ်ထဲ ၀.၀၁ မျးကယၤဃၣ်ဃၣ်အဂ့ၫ် တၫ်သ့ၣ်ညါဘၣ်လီၤ.အပူၤကွံာ်လါအတီၫ်ပူၤ ဃုာ်ဒီးခိၣ်ဘံးတကတီၫ်ဃီ တၫ်လိၤကိၫ်သွံၣ် ယွၤဒီးဘၣ်ထွဲတၫ်သါထီၣ်သါလီၤအကျိၤ တၫ်ဃာ်(RSV)တၫ်ဘၣ်ကူဘၣ်ဂာ် ဆူၣ်ထီၣ်၀ဲတပူၤဃီန့ၣ်လီၤ.
ကသံၣ်စဲအ့ၣ်၀ဲၤကျိၤအတၫ်မၤကွၫ်အဖီခိၣ် လၢအခဲအံၤကီၫ်ကၠီၣ်တဲၣ်အပူၤ ပှၤဘၣ်ကူဘၣ်ဂာ်အအါကတၢၫ်လၢခိၣ်ဘံး ကလုာ်အသီ တၫ်ဃာ်အံၤန့ၣ် မ့ၫ်၀ဲ NB.1.8.1ဒီးအိၣ်၀ဲလၢတၫ်မၤကွၫ်အ ၅၀မျးကယၤဘျဲၣ်န့ၣ်လီၤ.ခံခါတခါအအါက တၢၫ်န့ၣ် မ့ၫ်၀ဲတၫ်ဆါဃာ်အသီ JN.1ဒီးတၫ်ထံၣ်ဘၣ်လၢပာ်ဃုာ်၀ဲ ၂၅မျးကယၤန့ၣ်လီၤ.
မူခိၣ်ကလံၤသီၣ်ဂီၤဆီတလဲအသးဒီးဟဲတုၤဃီၤလၢတၫ်ဆၢကတီၫ်လၢဘၣ်ထွဲတၫ်သါထီၣ်သါလီၤအကျိၤတၫ်ဆါကဲထီၣ်ညီနုၫ်အကတီၫ်အဃိ လၢကၠိ,တၫ်မၤလီၫ်ဒီးပှၤအိၣ်က၀ီၤဒ့တဖၣ်အပူၤ တၫ်ဘၣ်ကူဘၣ်ဂာ်ဆူၣ်ထီၣ်၀ဲသ့အဂ့ၫ် ဆူၣ်ချ့၀ဲၤကျိၤပှၤဘၣ်မူဘၣ်ဒါတဖၣ်တဲ၀ဲလီၤ.
ဆိးက့,ကူး,ကိၫ်ယူၫ်ဆါ,ကဆဲဒီးမ့ၫ်လီၤဘှံးလံန့ၣ် ဟံးန့ၫ်တၫ်အိၣ်ဘှံးလၢဟံၣ်၀ံၤသုတဘၣ်ကူဘၣ်ဂာ် ဟံၣ်ဖိဃီဖိဒီးပှၤ မၤတၫ်ဖိတဖၣ်အဂီၫ် တၫ်ကအိၣ်စီၤစုာ်လိာ်သးအဂီၫ်စ့ၫ်ကီး တဲဆီၣ်တခူထီၣ်ဃာ်၀ဲကမျၢၫ်န့ၣ်လီၤ.
ပှၤလၢတၫ်ဆါဃာ်အိၣ်တဖၣ်တကပၤ တကြၢးလဲၤဆူတၫ်မၤ မ့တမ့ၫ် မူးပွဲတဖၣ်အသိး မ့တသ့တဘၣ် မ့ၫ်ဘၣ်ဟး ထီၣ်လၢတၫ်ချၢန့ၣ် ကပာ်ဘၢဘၣ်အနါဒ့အဂီၫ် ဆူၣ်ချ့ပှၤဘၣ်မူဘၣ်ဒါတဖၣ်တဲ၀ဲလီၤ.
တၫ်ကပလီၫ်သးလၢတၫ်လဲၤဟးဆူ သူၣ်က့သးပှၫ်လၢတၫ်ဆါအိၣ်တဖၣ်ဒီးအနီၫ်ခိဂံၫ်တြီဆၢစှၤတဖၣ်အဂီၫ်ဒီး ပှၤလၢ အိၣ်ဒီးတၫ်ဆါအပနီၣ်တဖၣ် အိၣ်လၢဟံၣ်သ့ဘၣ်ဆၣ် သါထီၣ်သါလီၤမ့ၫ်ကီ,သးနါပှၫ်မ့ၫ်ဆါဒီးတၫ်လီၤဘှံးလီၤတီၤမ့ၫ် ကဲထီၣ်န့ၣ် တၫ်ကဘၣ်လဲၤဒုးနဲၣ်ဆူတၫ်ဆါဟံၣ်တဘျီအဂ့ၫ် ဆူၣ်ချ့ပှၤဘၣ်မူဘၣ်ဒါတဖၣ်တဲ၀ဲလီၤ.
သူၣ်က့သးပှၫ်ဒီးပှၤလၢအိၣ်ပာ်စၢၤဒီးတၫ်ဆါတဖၣ် တၫ်ဆါအပနီၣ်မ့ၫ်အိၣ်ထီၣ်လံန့ၣ် တၫ်ကဘၣ်လဲၤတၢၣ်ပီၣ်တဲသ ကိးလၢကသံၣ်သရၣ်လၢအဆိအချ့န့ၣ်လီၤ.
လၢကတီၫ်အံၤ တၫ်ဆါဃာ်အကလုာ်သီလၢဘၣ်ကူဘၣ်ဂာ်တၫ်အံၤ အိၣ်လၢတၫ်တြီဆၢ၀ဲန့ၫ် တၫ်အိၣ်သးအပူၤအဃိ တၫ်သုတဘၣ်ယိၣ်ပျံၤတၫ်ဖုးတၫ်တဂ့ၤအဂီၫ်ဒီးတၫ်သုတနာ်ကမၣ်တၫ်ကစီၣ်လၢပှၤတ၀ၢပှာ်ဘျးသဲအဖီခိၣ်တဂ့ၤအဂီၫ်စ့ၫ်ကီး တၫ်ပၢဆှၢတၫ်ဆါ၀ဲၤကျိၤ တဲဆီၣ်တခူထီၣ်ဃာ်၀ဲကမျၢၫ်န့ၣ်လီၤ.

Ref : The Nation

Website:https://r2knyaw.org/ Youtube:http://www.youtube.com/ R2K Application For (Android) https://play.google.com/store/apps/details... For(IOS):https://apps.apple.com/.../
R2K Application For (Android) https://play.google.com/store/apps/details... For(IOS):https://apps.apple.com/sg/app/r2k/id66704456

24/08/2026

“ᴄʀᴏssɪɴɢ ᴛʜᴇ ʙʀɪᴅɢᴇ: ᴄᴏᴍᴍɪᴛᴛᴇᴅ ᴛᴏ ʙᴜɪʟᴅɪɴɢ ᴋᴀᴡᴛʜᴏᴏʟᴇɪ ᴛᴏɢᴇᴛʜᴇʀ”
[Panel Discussion]

Panelists: P’doh Saw Taw Nee, P’doh Saw Ler Ner, Naw Flower, Naw Seablue Dah
Moderator: Saw TKloo
Date: 24 August, 2026
Time: 7:00 PM (Kawthoolei Time)
............
Do not wait until the last minute. Save these dates, prepare your application, and get ready to step onto the bridge with us.

Click the link below to submit your application:
https://forms.gle/mLPo4HuQMGoAYRS1A

19/08/2026

ကီၢ်ကၠီၣ်တဲၣ်, ဝ့ၢ်ဘီကီၥ်အိၣ် ပယီၤသုးမီၢ်သီဝဲၤဒၢးပူၤ တၢ်မၤထီထီၣ် PVလံၥ်ခီကီၢ်အသးသမူ, တၢ်ဆီတလဲလံၥ်ခဲလၢၥ် စးထီၣ်လၢ တနံၤအံၤန့ၣ် တၢ်ပတုၥ်ကွံၥ်ဝဲဝံၤ မၢပတံထီၣ် လံၥ်ပတံထီၣ်ဆူ န့ၣ်ပၠံၣ်တီၣ်

လါအီကၢး ၁၉သီ, ၂၀၂၆နံၣ်

ကီၢ်ကၠီၣ်တဲၣ်, ဝ့ၢ်ဘီကီၥ်အိၣ် ကီၢ်ပယီၤသုးမီၢ်သီဝဲၤဒၢးအပူၤ ပှၤလၢဖီၣ်ဃၥ်ဝဲ PVလံၥ်ခီကီၥ်တဖၣ် တၢ်မၤထီထီၣ်လံၥ်အသးသမူဒီး တၢ်ဆီတလဲလံၥ်သီတဖၣ် စးထီၣ်လၢလါအီကၢး ၁၉သီအနံၤန့ၣ် ဒ်အပူၤကွံၥ်အသိး တၢ်မၤန့ၢ်ဝဲတအိၣ်လၢၤဘၣ်ဒီး တၢ်ပတုၥ်ကွံၥ်ဝံၤ တၢ်ကဘၣ်ပတံထီၣ် လံၥ်ပတံထီၣ်ဆူန့ၣ်ပၠံၣ်တီၣ်ဒီး အမ့ၢ်ဟဲတၢ်ပျၢမး ကမၤန့ၢ်တဲဒ်အပူၤကွံၥ်အသိးအဂ့ၢ် တၢ်သ့ၣ်ညါဘၣ်လၢ ပှၤလၢအလဲၤမၤထီထီၣ် လံၥ်သးသမူဖဲ မီၢ်သီဝဲၤဒၢးတဖၣ်အအိၣ်န့ၣ်လီၤ.
ကတီၢ်ခဲအံၤ ခီဖျိလၢတၢ်ဆီတလဲကွံၥ် တၢ်မၤကျဲတဖၣ်အဖီခိၣ် ပှၤလၢအဖီၣ်ဃၥ်ဝဲ PVလံၥ်ခီကီၥ်တဖၣ်တခီ တၢ်မ့ၢ်အဲၣ်ဒိးဆီတလဲလံၥ်အသီန့ၣ် လံၥ်ပတံထီၣ်လၢဘၣ်ထွဲဝဲတဖၣ် တၢ်ကဘၣ်မၤပှဲၤဝဲနီၢ်ကစၢ်ဒီး ကဘၣ်ပတံထီၣ်ဝဲဆူ န့ၣ်ပၠံၣ်တီၣ်ဝံၤ တၢ်ဂ့ၢ်တၢ်ကျိၤတဖၣ်န့ၣ် န့ၣ်ပၠံၣ်တီၣ်ကသမံသမိးဒီးမ့ၢ်ဟ့ၣ်ဝဲတၢ်ပျဲအဂ့ၢ် တၢ်သ့ၣ်ညါဘၣ်န့ၣ်လီၤ.

မ့ၢ်ဒိးန့ၢ်ဝဲ န့ၣ်ပၠံၣ်တီၣ်တၢ်ပျဲမး တၢ်မၤထီထီၣ်လံၥ်ပတံထီၣ်အသးသမူ မ့တမ့ၢ် တၢ်ဆီတလဲလံၥ်သီတဖၣ် တၢ်ကမၤန့ၢ်ဝဲအဂ့ၢ် မီၢ်သီဝဲၤဒၢး ထုးထီၣ်ဒုးသ့ၣ်ညါဃၥ်ဝဲလၢ အဖိးသဲစးန့ၣ်လီၤ.

တနံၤလၢပှၤလၢအလဲၤဆူ မီၢ်သီဝဲၤဒၢးတဖၣ် အတၢ်တဲအဖီခိၣ် ပှၤလၢအဖီၣ်ဃၥ်ဝဲ PVလံၥ်ခီကီၢ်တဖၣ်ခဲလၢၥ် ကဘၣ်စးထီၣ်ဝဲဒၣ်လၢ ခဲအံၤတၢ်မၤကျဲအိၣ်အသိးဝံၤ ပှၤလၢအဖီၣ်ဃၥ်ဝဲ ဘံၣ်စၣ်ဒ်လဲၣ်တကလုၥ်ဂ့ၤ တၢ်ဆီတလဲဆူ PVလံၥ်ခီကီၥ်ဆူထံကီၢ်အဂၤလံၥ်ခီကီၢ်တဖၣ်အပူၤစ့ၢ်ကီး ကဘၣ်ခိးဝဲ န့ၣ်ပၠံၣ်တီၣ်အတၢ်ဟ့ၣ်တၢ်ပျဲအဂ့ၢ် တၢ်သ့ၣ်ညါဘၣ်န့ၣ်လီၤ.

ဖဲတၢ်မၤအကျဲတဖၣ်အပူၤ PVဆူ PJ, PVဒီး PT, PVဆူ PE လံၥ်ခီကီၢ်တဖၣ် တၢ်ဆီတလဲအီၤတဖၣ်စ့ၢ်ကီး ပၣ်ဃုၥ်ဝဲအဂ့ၢ် တၢ်သ့ၣ်ညါဘၣ်န့ၣ်လီၤ.

ပှၤလၢပတံထီၣ်ဝဲတဖၣ်တခီ ပတံထီၣ်ဝဲလံၥ်ပတံထီၣ်ဝံၤအလီၢ်ခံ န့ၣ်ပၠံၣ်တီၣ်အတၢ်ဟ့ၣ်တၢ်ပျဲ မုၢ်နံၤမုၢ်သီပၣ်ဃုၥ်အသိး တၢ်ကဘၣ်လဲၤမၤထီထီၣ်လံၥ်ခီကီၢ်အသးသမူဒီး တၢ်ဆီတလဲလံၥ်တၢ်ဖံးတၢ်မၤတဖၣ် တၢ်ကမၤန့ၢ်ဝဲအဂ့ၢ် တၢ်သ့ၣ်ညါဘၣ်န့ၣ်လီၤ.

တကးဘၣ် တနံၤအံၤ ပှၤလၢအလဲၤမၤထီထီၣ်လံၥ်အသးသမူတဂၤ အတၢ်တဲအဖီခိၣ် တၢ်ပတံထီၣ်လံၥ်ဝံၤအလီၢ်ခံ ယံၥ် ၂လါအဆၢကတီၢ် တၢ်ထုးထီၣ်န့ၢ်ဝဲ တၢ်သမံသမိးဘီၣ်ခၠၣ်ဒီး ကွဲးန့ၢ်ဝဲတၢ်မၤနီၣ်အသိးအဂ့ၢ် တၢ်သ့ၣ်ညါဘၣ်န့ၣ်လီၤ.

တၢ်မၤအကျဲတဖၣ်န့ၣ် လီၤဂၥ်ဒ်သိး အပူၤကွံၥ် လံၥ်ခီကီၢ်မ့ၢ်လီၤမၢ်ကတီၢ် တၢ်ကဘၣ်က့ၤပတံထီၣ်ဝဲ တၢ်မၤအကျဲအသိးအဂ့ၢ် ပှၤလၢပတံထီၣ်ဝဲတဖၣ်စံးဝဲဒၣ်န့ၣ်လီၤ.

ကီၢ်ကၠီၣ်တဲၣ်ပူၤ ပှၤလၢဟဲနုၥ်လီၤလၢ PVလံၥ်ခီကီၢ်ဝံၤအလီၢ်ခံ ပှၤလၢဖီၣ်ဃၥ်ဝဲ တၢ်မၤဘံၣ်စၣ်, ကၠိဖိဘံၣ်စၣ်, တၢ်ဒိးသန့ၤဘံၣ်စၣ်ဒီးဘံၣ်စၣ်အဂုၤအဂၤတဖၣ်စ့ၢ်ကီး ဒ်သိးအခဲအံၤ PVလံၥ်ခီကီၢ် တၢ်မၤထီထီၣ်အသးသမူ, တၢ်ဆီတလဲလံၥ်သီတၢ်မၤအကျဲတဖၣ်အပူၤ ကဘၣ်ခိးဝဲ တၢ်ပျဲလၢန့ၣ်ပၠံၣ်တီၣ်အအိၣ်အဂ့ၢ်အဃိ ကီၢ်ပယီၤဖိလၢဟဲအိၣ်ဖဲကီၢ်ကၠီၣ်တဲၣ်တဖၣ် တၢ်ဘၣ်ယိၣ်ဘၣ်ဘှီဟဲအိၣ်ထီၣ်ဝဲဒၣ်အဂ့ၢ် တၢ်သ့ၣ်ညါဘၣ်န့ၣ်လီၤ.

ဘၣ်ဆၣ် တၢ်မၤထီထီၣ် PVလံၥ်ခီကီၢ်အသးသမူတၢ်မၤအကျဲတဖၣ် တၢ်ဆီတလဲကွံၥ်အီၤလၢ သတူၢ်ကလၥ်တၢ်ဂ့ၢ်အဖီခိၣ် ကီၢ်ပယီၤမီၢ်သီဝဲၤဒၢး, ဘီကီၥ်တခီ တထုးထီၣ်ပၥ်ဖျါဃၥ်ဝဲ တၢ်ဒုးသ့ၣ်ညါလံၥ်နီတမံၤဒံးဘၣ်.

Website:https://r2knyaw.org/ Youtube:http://www.youtube.com/ R2K Application For (Android) https://play.google.com/store/apps/details... For(IOS):https://apps.apple.com/.../
R2K Application For (Android) https://play.google.com/store/apps/details... For(IOS):https://apps.apple.com/sg/app/r2k/id66704456

17/08/2026

ပှၤမၤတၢ်ဖိလၢ သးနံၣ်ဆူ ၅၀ဆူအဖီခိၣ်တဖၣ် လဲၤဟံးန့ၢ်ဝဲ တၢ်ဒီသဒၢကသံၣ်ဒီး ဆူၣ်ချ့တၢ်သမံသမိးတဖၣ်လၢတအိၣ်ဒီးအဘူးအလဲ

လါအီးကၢး ၁၇သီ, ၂၀၂၆နံၣ်

ကီၢ်ကၠီၣ်တဲၣ်ပူၤ ပှၤမၤတၢ်ဖိလၢအိၣ်ဒီးဆူၣ်ချ့လံၥ်အုၣ်ကီၤတဖၣ်အဂီၢ် စးထီၣ်လၢ ၂၀၂၆နံၣ်န့ၣ် ကဒိးန့ၢ်ဘၣ်ဆူၣ်ချ့တၢ်အဘျူးအဂီၢ် ကတီၤန့ၢ်ဃၥ်ဝဲအဂ့ၢ် တၢ်သ့ၣ်ညါဘၣ်န့ၣ်လီၤ.

စးထီၣ်လၢ ၂၀၂၆နံၣ်န့ၣ် တၢ်ဆါတဖၣ်လၢအမ့ၢ် တၢ်ဒီသဒၢတၢ်လိၣ်ကိၢ်သွံၣ်ယွၤတၢ်ဆါကသံၣ်, ဆူၣ်ချ့တၢ်သမံသမိးတဖၣ် တၢ်လဲၤဒိးယါဘျါသးန့ၢ်အဂ့ၢ် တၢ်သ့ၣ်ညါဘၣ်န့ၣ်လီၤ.

ပှၤလၢသးနံၣ်အိၣ် ၅၀ဆူအဖီခိၣ်တဖၣ်အံၤ လဲၤဆဲးဝဲ တၢ်ဒီသဒၢတၢ်လိၣ်ကိၢ်သွံၣ်ယွၤတၢ်ဆါကသံၣ်လၢ တနံၣ်တဘျီအဂ့ၢ်လၢ တအိၣ်ဒီးအဘူးအလဲန့ၣ်လီၤ. အပူၤကွံၥ်န့ၣ် လဲၤဆဲးန့ၢ်ဒၣ်ထဲလၢ လါမ့ၤဒီးလါအီကၢးအတီၢ်ပူၤဘၣ်ဆၣ် စးထီၣ်လၢ ၂၀၂၆နံၣ်တခီ တၢ်လဲၤဆဲးဝဲ ဒီတနံၣ်အတီၢ်ပူၤလၢအမ့ၢ် လါယနူၤအါရံၤတုၤလါဒံၣ်စ့ဘၢၣ်အတီၢ်ပူၤန့ၣ်လီၤ.

တၢ်လဲၤဆဲးဝဲန့ၢ်စ့ၢ်ကီး တၢ်လိၣ်ကိၢ်သွံၣ်ယွၤဘၢးရဲးစ်တၢ်ဒီသဒၢကသံၣ် ၃မၠိလၢ တၢ်ဆါဟံၣ်လၢ တၢ်လဲၤမၤဃၥ်ဝဲ လံၥ်အုၣ်ကီၤအအိၣ်န့ၣ်လီၤ.

ပှၤလၢသးနံၣ်အိၣ် ၅၀နံၣ်ဆူအဖီခိၣ်တဖၣ်အံၤ ဒိးသန့ၤထီၣ်သးလၢသးန့ၣ်အဖီခိၣ် တၢ်ဆါလၢအကဲထီၣ်သးသ့တဖၣ် လဲၤသမံသမိးဝဲကန့ၢ်ကသ့အဂီၢ် တၢ်ဆါဟံၣ်လၢတၢ်ပၥ်ပနီၣ်ဃၥ်အပူၤ တၢ်လဲၤဒိးယါဘျါဝဲ ဆူၣ်ချ့တၢ်သမံသမိးဒီး တၢ်ဆါတၢ်သမံသမိးတဖၣ်လၢ တအိၣ်ဒီးအဘူးအလဲန့ၣ်လီၤ.

တၢ်လဲၤထဲးမဲ, မၤပှဲၤမဲ, လဲၤမၤကဆှီမဲဒီးအဂုၤအဂၤတဖၣ်အဂီၢ် တနံၣ်န့ၣ် စူးကါန့ၢ်ဝဲ ၉၀၀ဘးအဂ့ၢ်န့ၣ်လီၤ. တၢ်ဆါဟံၣ်လၢတၢ်ပၥ်ပနီၣ်ဃၥ်အပူၤ တလိၣ်ဟ့ၣ်လီၤဆိစ့ဘၣ်ဒီးလဲၤယါဘါသးသ့ဝံၤ ပှၤလၢအဖိးမံဒီး တၢ်ပၥ်ပနီၣ်ဃၥ်အီၤတဖၣ်အဂီၢ် တၢ်လဲၤမၤဝဲ မဲလီၤဟိ တက့တခီဒီး မဲလီၤဟိအလၢအပှဲၤအဂ့ၢ်န့ၣ်လီၤ.

ပှၤလၢသးနံၣ်အိၣ် ၅၀လၢ အိၣ်ဒီးလံၥ်အုၣ်ကီၤတဖၣ်တခီ တၢ်ဘၣ်ဘျူးလၢဒိးန့ၢ်ဝဲတဖၣ် သမံသမိးဝဲသ့လၢ SSO Plus အးတဆီသ့အသိး ဆဲးကျိးသ့စ့ၢ်ကီးလၢ1506အလီတဲစိနီၣ်ဂံၢ်အဂ့ၢ်န့ၣ်လီၤ.

Photo - BM

Website:https://r2knyaw.org/ Youtube:http://www.youtube.com/ R2K Application For (Android) https://play.google.com/store/apps/details... For(IOS):https://apps.apple.com/.../
R2K Application For (Android) https://play.google.com/store/apps/details... For(IOS):https://apps.apple.com/sg/app/r2k/id66704456

17/08/2026

တၫ်ကနုာ်လီၤပာ်ဃုာ်လၢ SCEFကရၢပူၤအဂီၫ် စကဲဖဲၣ်ဒရၢၣ်ယူၣ်နံးဒီးမါတလ့ဟီၣ်က၀ီၤတဖၣ် အၢၣ်လီၤတူၫ်လိာ်

လါအီကူး(၁၇)သီ,၂၀၂၆နံၣ်

လၢတၫ်တီခိၣ်ရိၣ်မဲဒုးအိၣ်ထီၣ်ဖဲၣ်ဒရၢၣ်ဒံၣ်မိၣ်ကရ့ၣ်စံၣ်ကီၣ်ကး(SCEF)အပူၤ ဒ်ကရၢဖိအသိးကပာ်ဃုာ်အဂီၫ် မါတ လ့ဟီၣ်က၀ီၤဒီးစကဲဖဲၣ်ဒၢရၢၣ်ယူၣ်နံးတဖၣ် အၢၣ်လီၤတူၫ်လိာ်၀ဲအဂ့ၫ် SCEFထုးထီၣ်ဘိးဘၣ်ရၤလီၤတၫ်ကစီၣ်လီၤ.
SCEFတကပၤဒီးစကဲဖဲၣ်ဒရၢၣ်ယူၣ်နံး,မကွ့ဖဲၣ်ဒရၢၣ်ယူၣ်နံး,မါတလ့ဟီၣ်က၀ီၤပာ်ဃုာ် ထံၣ်လိာ်သးဒီးတၫ်ပၢၫ်ဆၢဂံၫ် ဘါကရၢတဖၣ်ဒီးမၤ၀ဲတၫ်ထံၣ်လိာ်တၢၣ်ပီၣ်တဲသကိးလၢကမၤဆူၣ်ထီၣ်တၫ်ပာ်ဖှိၣ်မၤသကိးတၫ်တဖၣ်၀ံၤစကဲဖဲၣ်ဒရၢၣ်ယူၣ်နံးဒီးမါတလ့ဟီၣ်က၀ီၤတဖၣ်အၢၣ်လီၤတူၫ်လိာ်သကိး၀ဲလၢကပာ်ဃုာ်ဒ်ကရၢဖိအသိးန့ၣ်လီၤ.
ဖဲ၂၀၂၆နံၣ်,လါမးရှး(၃၀)သီအနံၤန့ၣ် KNU, KIO, NUG,CRPH,KNPP,CNFတၫ်ပၢၫ်ဆၢကရၢတဖၣ် ဒုးအိၣ်ထီၣ်၀ဲSCEF န့ၣ်လီၤ.တၫ်ကရၢကရိဒုးအိၣ်ထီၣ်၀ဲ၀ံၤအလီၫ်ခံလၢSCEFအပူၤ စကဲဖဲၣ်ဒၢရၢၣ်ယူၣ်နံးဒီးမါတလ့ဟီၣ်က၀ီၤတဖၣ် မ့ၫ် တၫ်ပၢၫ်ဆၢဂံၫ်ဘါကရၢအဆိကတၢၫ်လၢ နုာ်လီၤပာ်ဃုာ်၀ဲန့ၣ်လီၤ.
SCEFတကပၤဒီးစကဲဖဲၣ်ဒၢရၢၣ်ယူၣ်နံးပဒိၣ်,ဘျီၣ်ဒိၣ်ပှၤဘၣ်မူဘၣ်ဒါတဖၣ် ဖဲလါအီကူး(၁၃)သီအနံၤန့ၣ် ထံၣ်လိာ်အ သးဒီးဖဲလါအီကူး(၁၄)သီအနံၤန့ၣ် ထံၣ်လိာ်ကဒီးအသးဒီး မါတလ့ပၢပြးဂ့ၫ်၀ီကီၣ်ကး,မါတလ့ဟီၣ်က၀ီၤဘျီၣ်ဒိၣ်ပှၤ ဘၣ်မူဘၣ်ဒါတဖၣ်န့ၣ်လီၤ.တၫ်ထံၣ်လိာ်သးအပူၤSCEFတကပၤ ပှၤပၢၤလီၫ်ဆ့ၣ်နီၤ ခူၣ်အူရဲၣ် တီခိၣ်ရိၣ်မဲဟဲထီၣ်၀ဲ၀ံၤ ဘၣ်ထွဲSCEFတၫ်သူၣ်ထီၣ်ဆီလီၤက့ၫ်ဂီၤ,တၫ်ဖံးတၫ်မၤတၫ်နဲၣ်ကျဲဒီးတၫ်ကနုာ်လီၤပာ်ဃုာ်လၢကရၢပူၤအဂီၫ် တၫ်ကွဲမုာ် တဖၣ်န့ၣ် ပှၤဘၣ်မူဘၣ်ဒါလၢဘၣ်ထွဲတဖၣ် တဲနၫ်ပၢၢ်ပာ်ဖျါ၀ဲအဂ့ၫ် SCEFထုးထီၣ်ဘိးဘၣ်ရၤလီၤဃာ်၀ဲလီၤ.
တၫ်ထံၣ်လိာ်တၢၣ်ပီၣ်တဲသကိးတၫ်၀ံၤအလီၫ်ခံဒ်SCEFကရၢဖိအသိး တၫ်ကနုာ်လီၤပာ်ဃုာ်တၫ်အၢၣ်လီၤတဖၣ် တၫ်ပာ် ဂၢၫ်ပာ်ကျၢၤ၀ဲန့ၫ်န့ၣ်လီၤ.
ဒီကလုာ်ဃူဖိးပဒိၣ်(NUG),ကီၫ်စၢဖှိၣ်ဘျီၣ်ဒိၣ်ခၢၣ်စးကမံးတံာ်(CRPH),ကညီဒီကလုာ်စၢဖှိၣ်ကရၢ(KNU),ကခၠ့ၣ်တၫ်သဘျ့ကရၢ(KIO),ကရ့ၣ်နံၣ်ဒီကလုာ်တၫ်လဲၤထီၣ်လဲၤထီပၣ်တံၣ်(KNPP),ခၠီဒီကလုာ်သုး(CNF)တဖၣ်လၢဒုးအိၣ်ထီၣ်၀ဲ SCEFအံၤအပူၤ ကကရၢကရိထီၣ်၀ဲလၢတၢၫ်သၢတၢၣ်လၢအမ့ၫ် ဖဲၣ်ဒရၢၣ်ယူၣ်နံး,ကလုာ်ဒူၣ်တၫ်ပၢၫ်ဆၢကရၢ,ကမျၢၫ် ခၢၣ်စးကရၢ,ပိာ်မုၣ်ခၢၣ်စးကရၢတဖၣ်အဂ့ၫ် ဟ့ၣ်ဒုးသ့ၣ်ညါ၀ဲ၀ံၤကရၢဖိအသီကနုာ်လီၤပာ်ဃုာ်အဂီၫ် ကမၤထွဲ၀ဲအဂ့ၫ် လၢဒုးအိၣ်ထီၣ်၀ဲလံၤလံၤန့ၣ် ဟ့ၣ်ဒုးသ့ၣ်ညါဃာ်၀ဲလီၤ.
“SCEFစံးတၫ်န့ၣ် တၫ်ပၢၫ်ဆၢ(၅)နံၣ်အတီၫ်ပူၤ တၫ်လဲၤခီဖျိတဖၣ် ပတၫ်ဂံၫ်စၫ်,တၫ်ဂံၫ်ဆူၣ်တဖၣ် က့ၤဃုထံၣ်က့ၤဒီးတၫ် လၢဆီၣ်ဖျိး၀ဲသုးကီၣ်ကးကန့ၫ်အဂီၫ် တၫ်ကရၢကရိဒုးအိၣ်ထီၣ်၀ဲကရၢဖးဒိၣ်လၢအမ့ၫ် SCEFန့ၣ်လီၤ.ပတၫ်မုၫ်တၫ်ပ ညိၣ်မ့ၫ်ဒ်သိးန့ၣ် လၢထံကီၫ်ဒီတဘ့ၣ်အပတီၫ် ဒ်သိးဒီးတၫ်ဟ့ၣ်တၫ်ကလုၫ်ဒီးတၫ်တိာ်ကူၣ်ကျဲၤတခါဃီအဖီလာ် ကန့ၫ် အဂီၫ်ပမၤ၀ဲအဂ့ၫ်”SCEFနဲၣ်ရွဲၣ်သဃဲၤ,ခၠီဒီကလုာ်သုး(CNF)ပှၤတဲတၫ်ပၢ ဆလဲထဲးနံၣ်တဲ၀ဲန့ၣ်လီၤ.
SCEFန့ၣ် ဘၣ်ထွဲဒီးသုးဂ့ၫ်၀ီကမံးတံာ်တတီၤန့ၣ် ကရၢကရိဒုးအိၣ်ထီၣ်ဃာ်၀ဲလၢKNU,KIOသုးခိၣ်နၫ်တနီၤအသိး ဒီက လုာ်ဃူဖိးပဒိၣ်တၫ်ဒီသဒၢကိတိာ်န့ၣ် ဟံးန့ၫ်မူဒါဒ်နဲၣ်ရွဲၣ်ခိၣ်ကျၢၫ်အသိးန့ၣ်လီၤ.လၢဒုးယၤဂ့ၫ်၀ီတကပၤ SCEF ကရၢဖိ တဖၣ်တကးဘၣ် ကပာ်ဖှိၣ်မၤသကိးစ့ၫ်ကီးတၫ်ဒီးသိၣ်မှံၤတၫ်ပၢၫ်ဆၢဂံၫ်ဘါကရၢတဖၣ်အဂ့ၫ် ဆလဲထဲးနံၣ် တဲဃာ်၀ဲ န့ၣ်လီၤ.

Website:https://r2knyaw.org/ Youtube:http://www.youtube.com/ R2K Application For (Android) https://play.google.com/store/apps/details... For(IOS):https://apps.apple.com/.../
R2K Application For (Android) https://play.google.com/store/apps/details... For(IOS):https://apps.apple.com/sg/app/r2k/id66704456

12/08/2026

တၢ်ကဟးဆှဲးဘၣ် တၢ်ဟူးတၢ်ဂဲၤလၢ ကမျၢၢ်ထီဒါဝဲတဖၣ်အဂီၢ် KNLA သုးရိၣ်မဲခိၣ်ကျၢၢ် ဟ့ၣ်ပလီၢ်

လါအီကူး ၁၂သီ, ၂၀၂၆နံၣ်

တၢ်ပၢၢ်ဆၢအဂံၢ်ဘါမိၢ်ပှၢ်န့ၣ် မ့ၢ်ဝဲကမျၢၢ်ထံဖိကီၢ်ဖိအဃိ တၢ်ကဟးဆှဲးဘၣ် တၢ်ဟူးတၢ်ဂဲၤလၢကမျၢၢ်ထီဒါဝဲတခါလၣ်လၣ်အဂီၢ် ကညီဒီကလုၥ်တၢ်ထူၣ်ဖျဲးသုးမုၢ်ဒိၣ် KNLA သုးရိၣ်မဲခိၣ်ကျၢၢ် သုးခိၣ်ကျၢၢ်စိ စီၤဘီကၠီၣ်ဟဲဟ့ၣ်ပလီၢ်ဝဲဒၣ် ဖဲ ၇၆ဝီတဝီ ကညီမၤထူရၤမုၢ်နံၤ အလံၥ်ဟ့ၣ်ယုၢ်အပူၤန့ၣ်လီၤ.

လါအီကူး၁၂သီ, မုၢ်တနံၤအံၤ မ့ၢ်မုၢ်တနံၤလၢ အလီၤသူၣ်အုးသးအုးဒိၣ်မးလၢ ကီၢ်ခိၣ်စီၤဘးအူကၠံ, သုးခိၣ်ကျၢၢ်စဲခ့ၣ်ဒီး ခိၣ်နၣ်သိၣ်ဒူတနီၤ, ဘၣ်ဟ့ၣ်လီၤကွံၥ်အသးသမူ ဖဲအတၢ်လဲၤမူဒါကတီၢ်ဖဲ ထိၣ်ကီးကိသဝီကပၤန့ၣ်လီၤ.ဒုၣ်ဒါဟဲထီၣ်ကဝီၤအီၤဒီးမၢပၥ်လီၤစုကဝဲၤအခါလၢတၢ်သူၣ်ဒူသးဒူအပူၤတတူၢ်ဃၥ်အသးဘၣ် ခီၣ်ဆၢဝဲဒုၣ်ဒါ ဒူဒူတုၤအသံတစုအဃိ မုၢ်နံၤလၢအမ့ၢ်(၁၂-၈-၁၉၅၀)အနံၤ, ဘၣ်တၢ်ပၥ်ပနီၣ်က့ၤအီၤလၢ မၤထူရၤအမုၢ်နံၤန့ၣ်လီၤ.

ကီၢ်ခိၣ်စီၤဘးအူကၠံအံၤလၢထံကီၢ်ဒီးကလုၥ်အဂီၢ် မၤလၢပှဲၤအမူအဒါဝံၤလံလၢ ကညီဒီကလုၥ်တၢ်သဘျ့အဂီၢ်အဝဲကျဲၤလီၤပၥ်တ့ၢ်ကျဲသနူဒီးတၢ်မုၢ်လၢ်ကွၢ်စိလီၤတံၢ်လီၤဆဲးဖဲအဝဲတချူးလီၤကွံၥ်လၢတၢ်ဒုးပူၤအခါ အဝဲပၥ်လီၤတ့ၢ်အတၢ်ကတိၤလုၢ်ဒိၣ်ပှ့ၤဒိၣ်တနီၤလၢတၢ်ပၢၢ်ဆၢအတၢ်နဲၣ်ကျဲအဂီၢ်န့ၣ်လီၤ. တၢ်ကွၢ်ကဒါက့ၤ အတၢ်ကတိၤတဖၣ်အံၤ အိၣ်ဝဲဒၣ်ဖုၣ်ဖုၣ်ဖိဒီးတအတစှၤ ဘၣ်ဆၣ်လၢတၢ်မၤထွဲက့ၤအီၤတခီ တုၤမုၢ်မဆါတနံၤအံၤ တဝံၤတတဲၥ်ဒံးညီညီဘၣ်လၢပှဲၤဒီးအခီပညီယီၣ်ဒိၣ်မးအဂ့ၢ် စံးဝဲန့ၣ်လီၤ.

စီၤဘးအူကၠံ ပၥ်လီၤတ့ၢ်ဝဲအတၢ်ဂ့ၢ်မိၢ်ပှၢ်(၄)ထံၣ်လၢအမ့ၢ် -တၢ်ပၥ်လီၤစုကဝဲၤအဂ့ၢ် တၢ်တဘၣ်ကတိၤအီၤဘၣ်, ကညီအစုကဝဲၤကဘၣ်အိၣ်လၢ ကညီအစုပူၤ, ကညီကီၢ်ကဘၣ်တၢ်သ့ၣ်ညါ ပၥ်ပနီၣ်အီၤဒီး ကညီအဘူၣ်အတီၢ် ကညီကဘၣ်စံၣ်ညီၣ်တီနံဒၣ်အတၢ်တဖၣ်န့ၣ်လီၤ.

KNU ပှၤပၢၤလီၢ်ဆ့ၣ်နီၤ ပဒိၣ်စီၤကွဲၤထူဝ့စ့ၢ်ကီး ကညီတၢ်ပၢၢ်ဆၢ အတၢ်မၤနၢၤအဂီၢ် တၢ်အုၣ်ကီၤန့ၣ် မ့ၢ်ဒၣ်ကညီဒီကလုၥ်ဒီး ကညီတၢ်ကရၢကရိတဖၣ်အဘၢၣ်စၢၤ ကအိၣ်ဒီးတၢ်ဃူတၢ်ဖိးဒီးတကးဘၣ် ဒိးသန့ၤထီၣ်သးလၢ ကီၢ်စၢဖှိၣ်ထံဖိကီၢ်ဖိတဖၣ် တၢ်ပၥ်ဖှိၣ်မၤသကိးအဖီခိၣ်အဂ့ၢ် စံးဝဲန့ၣ်လီၤ.

တကးဘၣ် ပှၤနီၢ်တဂၤအတီၢ်တီခိၣ်ရိၣ်မဲအဖီလၥ် တၢ်မၤဝဲတဖိးသဲးစးတၢ်ဃုထၢဒီး ဒုးအိၣ်ထီၣ်ပဒိၣ်ကရၢအဖီခိၣ် တမ့ၢ်လၢကတူၢ်လိၥ်ဝဲဘၣ်အဂ့ၢ်ဒီး မီၤစိရိၤသနူကကတၢၢ်ကွံၥ်အဂီၢ် တၢ်ပၢၢ်ဆၢဂံၢ်ဘါကရူၢ်တဖၣ် ကသူၣ်ထီၣ်က့ၤဝဲထံကီၢ်အံၤလၢ ဖဲၣ်ဒရဲၣ်ဒံၣ်မိၣ်ကရ့ၣ်ကီၢ်စၢဖှိၣ်အသိးလၢ တၢ်ဃူးတၢ်ဖိးအပူၤအဂ့ၢ် အဝဲစံးဝဲန့ၣ်လီၤ.

ကတီၢ်ခဲအံၤန့ၣ် တၢ်ကမၤဖျါထီၣ်ဝဲ KNUဒီးကမျၢၢ် အထံရူၢ်ကီၢ်သဲးတၢ်ပညိၣ်, တၢ်ကွၢစိအဂီၢ် ဖဲၣ်ဒရဲၣ်ဒံၣ်မိၣ်ကရ့ၣ်ကီၢ်စၢဖှိၣ်ကအိၣ်ထီၣ်အဂီၢ် တၢ်ဒုးအိၣ်ထီၣ်တ့ၢ်ဝဲ(SCEF)ကရၢဝံၤ ဒံၣ်မိၣ်ကရ့ၣ်စံၣ် တၢ်ပၢၢ်ဆၢဂံၢ်ဘါကရူၢ်တဖၣ်အဘၢၣ်စၢၤ ဖဲလၢအသနၢၣ်တခါစုၥ်စုၥ်ဒီးမူဒါလၢလီၤဘၣ်ဝဲတဖၣ်အပူၤ ကပၥ်ဖှိၣ်မၤသကိးတၢ်အဂီၢ် တၢ်မၤဝဲတၢ်ထံၣ်လိၥ်တဲသကိးတဖၣ်အဂ့ၢ် စံးဝဲန့ၣ်လီၤ.

(SCEF)အပူၤ, KNU, ကခၠ့ၣ်တၢ်ထူၣ်ဖျဲးသုးမုၢ်ဒိၣ် (KIO/KIA), ခၠီဒီကလုၥ်သုးမုၢ်ဒိၣ်(CNF), ကရ့ၣ်နံၣ်ဒီကလုၥ်တၢ်လဲၤထီၣ်လဲၤထီပၣ်တံၣ(KNPP), ဒီကလုၥ်ဃူးဖိပဒိၣ်(NUG)ဒီး ကီၢ်စၢဖှိၣ်ဘျီၣ်ဒိၣ်ခၢၣ်စးကမံးတံၥ်(CRPH)ပၣ်ဃုၥ်ဝံၤ တၢ်ပၥ်ဖှိၣ်မၤသကိးဒီး တၢ်ပၢၢ်ဆၢတၢ်ကရၢကရိအဂၤတဖၣ်ကန့ၢ်အဂီၢ် တၢ်ထံၣ်လိၥ်တဲသကိးတဖၣ်အိၣ်ဝဲအဂ့ၢ် တၢ်သ့ၣ်ညါဘၣ်န့ၣ်လီၤ.

Website:https://r2knyaw.org/ Youtube:http://www.youtube.com/ R2K Application For (Android) https://play.google.com/store/apps/details... For(IOS):https://apps.apple.com/.../
R2K Application For (Android) https://play.google.com/store/apps/details... For(IOS):https://apps.apple.com/sg/app/r2k/id66704456

Radio to Karen - R2K

15/09/2026

15/09/2026

02/09/2026

02/09/2026

31/08/2026

24/08/2026

19/08/2026

17/08/2026

17/08/2026

12/08/2026

Address

Telephone

Website

Alerts

Contact The Business

Shortcuts

Share

Listing takedown request