07/07/2025
Krom # Today's problem #
ថាតើរដ្ឋកម្មុយនិស្តវៀតណាមពិតជាមានសេរីភាពក្នុងការបញ្ចេញមតិមែនឬទេ?
# # # # # # # # Today's problem # # # # # # # # # # #
សេរីភាពនៃការបញ្ចេញមតិត្រូវបានគេចាត់ទុកថាជាគោលការណ៍គ្រឹះសម្រាប់លទ្ធិប្រជាធិបតេយ្យ តាមរយៈការគោរពសេរីភាពនៃការបញ្ចេញមតិរបស់ប្រជាពលរដ្ឋ។ រដ្ឋាភិបាលនៃប្រទេសអភិវឌ្ឍន៍អាចដឹង និងយល់ពីចិត្តរបស់ប្រជាជន ហើយពីទីនោះកែសម្រួលគោលនយោបាយរបស់ពួកគេទៅតាមនោះ។ បើរដ្ឋកម្មុយនិស្តវៀតណាមក៏រៀនសូត្រនិងអនុញ្ញាតឲ្យប្រជាពលរដ្ឋបញ្ចេញមតិដោយសេរីនោះ ប្រទេសនឹងមានការអភិវឌ្ឍខ្លាំងជាងនេះក៏ដូចជាការសម្រេចទៅលើទិសដៅមជ្ឍដ្ឋាននៃសាសន៍ជាតិមួយចំនួនកំពុងរងផលប៉ះពល់យ៉ាងខ្លាំងចំពោះជំនឿនិងវប្បធម៌របស់ខ្លួន។
យុវជនខ្មែរក្រោម និងសេចក្តីប្រាថ្នានយោបាយពិត៖ នៅពេលដែល “ការអត់ឱន” មិនអាចគ្រាន់តែជាពាក្យសម្ដី របស់បក្សកម្មុយនិស្តយួនមកលើខ្មែរក្រោម វាត្រូវបានយល់និងគោរពប្រត្តិបត្តិម៉ឹងម៉ត់នៅអ្វីដែលខ្លួនបានសន្យានិងលើកកម្ពស់នោះ។
ថ្មីៗនេះ អគ្គលេខាធិការរបស់បក្សកម្មុយនិស្តវៀតណាម តែងតែបញ្ជាក់ថា៖«ទទួលយកភាពខុសគ្នាដោយការអត់ឱននិងការគោរព»។ នេះជាសេចក្តីថ្លែងការណ៍ប្រកបទៅដោយលក្ខណៈស្ថាបនា បើកក្តីសង្ឃឹមសម្រាប់លំហនយោបាយ បើកចំហរបន្ថែមទៀត ដែលរាល់មតិ និងសំឡេងមានឱកាសទទួលយកពីសម្លេងនៅក្នុងសង្គម។ ទោះជាយ៉ាងណាក៏ដោយ សម្រាប់យុវជនខ្មែរក្រោមជាច្រើន ជាពិសេសអ្នកដែលបានទទួលបាននូវលំហរព័ត៌មានជាសកលនោះ ទាំងនោះបានយល់ឃើញថា គឺមិនមែនត្រឹមតែពាក្យសម្ដីប៉ុណ្ណោះនោះទេ ប៉ុន្តែវាត្រូវជាសកម្មភាពជាក់ស្តែងដែលទៅជាមួយផង ទើបបញ្ជាក់បានថានេះជាការអនុវត្តន៍ជាក់ស្តែងរបស់ខ្លួនដែលខ្លួនបាននិយាយ កុំធ្វើដូចជាពាក្យថា “និយាយដើម្បីល្អខ្លួន”ក៏ដូចជាពាក្យខ្មែរបូរាណថា ខ្លួនជាទេវទត់ម៉តជាទេវតា។
តើការអត់ឱននិងការគោរពពិតជាមានន័យដូចម្តេច?
សង្គមអធ្យាស្រ័យមិនអាចមាននៅក្នុងវោហាសាស្ត្រតែម្នាក់ឯងនោះទេ ប៉ុន្តែត្រូវតែបញ្ចូលទៅក្នុងប្រព័ន្ធនិងស្ថាប័នច្បាប់ ក៏ដូចជាក្នុងបរិយាកាសនយោបាយជាដើម។ នៅពេលដែលមេដឹកនាំនិយាយថា "ទទួលយកភាពខុសគ្នា" វាត្រូវតែបង្ហាញដោយការអនុញ្ញាតឱ្យសាសន៍មួយចំនួនមានសិទ្ធិសម្រាប់ការពារខ្លួននៅពេលដែលគោលនយោបាយប៉ះ បំផ្លាញ់ដល់វប្បធម៌ដើម អនុញ្ញាតឱ្យសារព័ត៌មានស៊ើបអង្កេតដោយសេរី និងធានានូវសេរីភាពនៃការបញ្ចេញមតិ និងការជួបប្រជុំរបស់ប្រជាពលរដ្ឋក្នុងសន្តិភាពការពារជៀសវាងជម្លោះនិងគំរាមគំហែង។
ការពិតនៅប្រទេសវៀតណាមក្រោមការដឹកនាំរបស់បក្សកម្មុយនិស្តវៀតណាមផ្តាច់មុខ វាបង្ហាញពីភាពផ្ទុយគ្នាថា៖ អង្គការនយោបាយប្រឆាំងត្រូវបានហាមឃាត់ មនុស្សជាច្រើនត្រូវបានចាប់ខ្លួនពីបទបញ្ចេញមតិដោយសន្តិវិធី ហើយកន្លែងទំនេរសម្រាប់ការបញ្ចេញមតិត្រូវបានរឹតបន្តឹងកាន់តែខ្លាំងក្នុងបណ្តាញសង្គម ក្នុងជនជាតិដើមខ្មែរក្រោម រងភាពភ័យខ្លាចគ្រប់ពេលវេលាចំពោះកត្តាវិវត្តន៍ខ្លួនចំពោះកិច្ចប្រត្តិបត្តិតាមបវេណៃទំលៀមទំលាប់របស់ខ្លួន ដែលមានការរាំងស្ទាក់ពីនគរបាលក្នុងការអភិវឌ្ឍន៍និងថេរក្សា។ នៅក្នុងក្រសែភ្នែករបស់យុវជនខ្មែរក្រោមជាច្រើន នេះគឺជាការផ្ទុយពីគ្នារវាងពាក្យសម្ដី និងទង្វើរបស់បក្សកម្មុយនិស្តវៀតណាម ដែលជាភាពផ្ទុយគ្នាមិនអាចទទួលយកបានដោយងាយចំពោះភាពជាក់ស្តែងនិងច្បាស់លាស់របស់រដ្ឋាភិបាលក្រោមភាពត្រួតត្រារបស់បក្សកម្មុយនិស្តវៀតណាម។
យុវជនខ្មែរក្រោមកាន់តែទទួលបានការអប់រំ និងចំណេះដឹងអំពីនយោបាយ និងច្បាប់អន្តរជាតិបន្តបន្ទាប់ ដែលបានបានចែងសម្រាប់អភិវឌ្ឍន៍ជាសកលទទួលភាពយុត្តិធម៌ស្មើគ្នា។ ខ្មែរក្រោមមិនទាមទារអ្វីដែលហួសពីសមត្ថភាពរបស់ខ្លួនទេ ខ្មែរក្រោមគ្រាន់តែចង់រស់នៅក្នុងសង្គមមួយដែលមានការប្រកួតប្រជែងខាងនយោបាយប្រកបដោយសន្តិភាព ដែលគ្មាននរណាម្នាក់កាន់អំណាចដាច់ខាតយូរពេក ដោយមិនត្រូវបានត្រួតពិនិត្យពីសង្គមថាអ្វីសង្គមកាន់តែធ្លាក់នៅក្នុងចរន្តន៍អំណាចបក្ខពួកនិយម ខ្មែរក្រោមចង់រស់ទៅដោយយុត្តិធម៌ ក្រោមច្បាប់ទាំងអស់គ្នា ស្មើភាពគ្នា គ្មានកន្លែងហាមខត់ជាការដាច់ខាត់។
ដូច្នេះ ការបង្ហាញពីការបំពានរំលោភ របស់បក្សកម្មុយនិស្តវៀតណាមមកលើខ្មែរក្រោមទាំងព្រះសង្ឃ គ្រហ័ស សកម្មជន មកដល់ពេលនេះ បញ្ជាក់បានថាកម្មុយនិស្តយួន បានធ្វើអ្វីៗគ្រប់យ៉ាងសម្រាប់ទប់ស្កាត់ខ្មែរក្រោមមិនអោយខ្មែរក្រោម មានវេលា មានកម្លាំងសម្រាប់ទីពឹងខ្លួនទេ។ រដ្ឋអំណាចក្រោមបក្សមួយនេះ បានបង្ខំអោយខ្មែរក្រោមលះបង់ចោលនៅឬសគលរបស់ខ្លួន ដើម្បីបំបាត់អ្វីដែលរដ្ឋការយួនតែងតែ ឃោសនាថា ខ្មែរក្រោមចងក្លាយខ្លួនទៅជា តំបន់ស្វ័យត ឯករាជ្យជាដើម។ នេះជាល្បិចអប្រិយរបស់បក្សនិងរដ្ឋមកលើខ្មែរក្រោម ដែលគេយល់ថា ខ្មែរក្រោមយល់ដឹង ខ្មែរក្រោមខ្លាំង ខ្មែរក្រោមគ្រប់កម្លាំងនឹងទាមទារជាមិនខាន់នៅពេលអនាគត បញ្ចប់គឺពួកគេបញ្ចេញយុទ្ធសាស្រ្តមនោគមនវិជ្ជា ដល់ច្បាស់លាស់ គឺសម្លាប់អ្នកចេះខ្មែរក្រោម បង្ខំអ្នកចេះខ្មែរក្រោមអនុវត្តន៍ខ្លួនទៅតាមគោលការណ៍របស់បក្សតែម្តង។ សព្វថ្ងៃនេះព្រះសង្ឃមួយចំនួនត្រូវបានរដ្ឋទិញផ្តាច់មុខ តំណាងសាសន៍ខ្មែរមិនអាចនិយាយឡើងពីការពិតនៃក្តីកង្វល់របស់ខ្លួន អ្វីៗខ្មែរក្រោមរស់នៅសព្វថ្ងៃនេះ ដូចជា “ក្មេងកំព្រា”។
