Tai Education - Shan Version (2025)

20/06/2025

ႁွင်ႈၵၢၼ်လူင်ပၢႆးပၺ်ႇၺႃႇ ၶွင်ႇသီႇဢဝ်ၶိုၼ်းၸိုင်ႈတႆး ၸတ်းႁဵတ်းပိုတ်ႇႁူင်းႁဵၼ်းလွင်ႉမၢၵ်ႇဢူဝ်း ပီၵၢၼ်ႁဵၼ်း 2025-2026 လႄႈ ႁူပ်ႉထူပ်းပေႃႈမႄႈလုၵ်ႈႁဵၼ်း

ဝၼ်းထီႉ 19 June 2025 ၼၼ်ႉ ႁွင်ႈၵၢၼ်လူင်ပၢႆးပၺ်ႇၺႃႇ ၶွင်ႇသီႇဢဝ်ၶိုၼ်းၸိုင်ႈတႆး လႆႈၸတ်းႁဵတ်းပၢင်ပိုတ်ႇႁူင်းႁဵၼ်းလွင်ႉမၢၵ်ႇဢူဝ်း ပီၵၢၼ်ႁဵၼ်း 2025-2026 ၵႂႃႇတီႈဝၢၼ်ႈလွင်ႉမၢၵ်ႇဢူဝ်းသေ မီးၽူႈယႂ်ႇၵူၼ်းလူင် ၸဝ်ႈၼႃႈတီႈၽၢႆႇဢုပ်ႉပိူင်ႇ ၊ၵေႃႇမတီႇႁူင်းႁဵၼ်း ၊လုင်းၵၢင်ႉ ၊ပေႃႈမႄႈလုၵ်ႈႁဵၼ်း ၊
ၶူးသွၼ်လႄႈလုၵ်ႈႁဵၼ်း ၶဝ်ႈႁူမ်ႈယူႇယဝ်ႉ

ၼႂ်းပၢင်ပိုတ်ႇႁူင်းႁဵၼ်းၼၼ်ႉ ၽူႈယႂ်ႇၵူၼ်းလူင်လႄႈၽူႈၵွၼ်းႁူင်းႁဵၼ်း လႆႈမွၵ်ႇလၢတ်ႈၶေႃႈၵႂၢမ်း တိုၵ်းသူၼ်းပၼ်ႁႅင်းၸႂ် တီႈလုၵ်ႈႁဵၼ်း ပေႃႈမႄႈလုၵ်ႈႁဵၼ်းသေ လႆႈသိုပ်ႇမွပ်ႈပၼ်ဝႂ်ယုၵ်ႉယွင်ႈလုၵ်ႈႁဵၼ်းၵတ်ႉၶႅၼ်ႇႁူင်းႁဵၼ်းလွင်ႉမၢၵ်ႇဢူဝ်းၵႂႃႇယူႇယဝ်ႉ။

17/06/2025

ႁွင်ႈၵၢၼ်လူင်ပၢႆးပၺ်ႇၺႃႇ ၶွင်ႇသီႇဢဝ်ၶိုၼ်းၸိုင်ႈတႆး ၸတ်းႁဵတ်းပိုတ်ႇႁူင်းႁဵၼ်းၸိူဝ်ႉၸၢတ်ႈၸၼ်ႉငဝ်ႈ ၸၼ်ႉၵၢင် လႅၼ်လိၼ် ပီၵၢၼ်ႁဵၼ်း 2025-2026 လႄႈ ႁူပ်ႉထူပ်းပေႃႈမႄႈလုၵ်ႈႁဵၼ်း

ဢိင်ၼိူဝ်ထိုင်ၶိုၼ်းၶၢဝ်းပိုတ်ႇႁူင်းႁဵၼ်းၶိုၼ်းယဝ်ႉလႄႈ ယူႇတီႈႁွင်ႈၵၢၼ်လူင်ပၢႆးပၺ်ႇၺႃႇ ၶွင်ႇသီႇဢဝ်ၶိုၼ်းၸိုင်ႈတႆး လႆႈတေႇပိုတ်ႇၶိုၼ်းႁူင်းႁဵၼ်းၸိူဝ်ႉၸၢတ်ႈ ၸၼ်ႉငဝ်ႈ ၸၼ်ႉၵၢင် ၸွမ်းလႅၼ်လိၼ် ပီၵၢၼ်ႁဵၼ်း 2025-2026 ၵႂႃႇၵမ်ႈၽွင်ႈယူႇယဝ်ႉ

ၼႂ်းပၢင်ပိုတ်ႇႁူင်းႁဵၼ်းၵူႈပိုၼ်ႉတီႈၼၼ်ႉ မီးၽူႈယႂ်ႇၵူၼ်းလူင် ၵေႃႇမတီႇႁူင်းႁဵၼ်း လႄႈ သင်ႇၶၸဝ်ႈလႆႈမွၵ်ႈလၢတ်ႈၶႃႈၵႂၢမ်း ပၼ်ဢေႃးဝႃႇတ ပၼ်ႁႅင်းၸႂ်ၼိူဝ်လုၵ်ႈႁဵၼ်း ၊ ပေႃႈမႄႈလုၵ်ႈႁဵၼ်းလႄႈ ၶူးသွၼ်ၶဝ်ၵႂႃႇယူႇ။ ဢဝ်တိုဝ်ႉတၢင်းဢၼ်ၼႆႉသေ လႆႈၸတ်းႁဵတ်းပႃးပၢင်ႁူပ်ႉထူပ်းပေႃႈမႄႈလုၵ်ႈႁဵၼ်းၵႂႃႇ တႃႇၶူးသွၼ်ၶဝ်တေလႆႈဢုပ်ႇၵုမ်သပ်းလႅင်းၼႄပၼ် ၽႃႇသႃႇၵၢၼ်သွၼ် ဢၼ်တီႈႁူင်းႁဵၼ်းတေသွၼ်ပၼ်တီႈလုၵ်ႈႁဵၼ်းၼၼ်ႉယူႇယဝ်ႉ။

ႁူင်းႁဵၼ်းဢၼ်လႆႈတေႇပိုတ်ႇၵႂႃႇယဝ်ႉၼၼ်ႉ တေမီး ႁူင်းႁဵၼ်းၸိူဝ်ႉၸၢတ်ႈ လွႆတႆးလႅင်း ၊ ႁူင်းႁဵၼ်းၸိူဝ်ႉၸၢတ်ႈ လွႆလမ် လႄႈ ႁူင်းႁဵၼ်းၸိူဝ်ႉၸၢတ်ႈ လွႆသၢမ်သိပ်း ၼႆယဝ်ႉ။

ပၢႆးပၺ်ႇၺႃႇတႆး

09/06/2025

ပိုတ်ႇႁူင်းႁဵၼ်းတၢင်းလတ်း ၸုပ်ႈ (2) CLC (Community Learning Center)

မိူဝ်ႈၼႆႉဝၼ်းထီႉ 9 June 2025 ႁွင်ႈၵၢၼ်လူင်ပၢႆးပၺ်ႇၺႃႇ ၶွင်ႇသီႇဢဝ်ၶိုၼ်းၸိုင်ႈတႆး လႆႈႁဵတ်းပၢင်ပိုတ်ႇႁူင်းႁဵၼ်းတၢင်းလတ်း ၸုပ်ႈ (2) CLC (Community Learning Center) ၵႂႃႇယူႇယဝ်ႉ

ဢိင်ၼိူဝ်ငဝ်းလၢႆးဝၢၼ်ႈမိူင်းဢမ်ႇၼိမ်သဝ်းလႄႈ လၢႆလၢႆလွင်ႈသေ ႁဵတ်းႁႂ်ႈမီးလွင်ႈတုမ်ႉတိူဝ်ႉၼိူဝ်ၵၢၼ်ႁဵၼ်းသွၼ်ၶွင်လုၵ်ႈဢွၼ်ႇၼႂ်းမိူင်းတႆး ၼင်ႇႁိုဝ်ပေႃးတေယုၵ်ႉၸၼ်ဢဝ်ၼုမ်ႇႁၢႆးၸၢႆးယိင်းႁႂ်ႈလႆႈမီးတိုဝ်ႉတၢင်း တႃႇတေသိုပ်ႇပူၵ်းပွင်ၼမ်ႉၵတ်ႉ ပၢႆးပၺ်ႇၺႃႇၸဝ်ႈၵဝ်ႇၼၼ်ႉ ၸင်ႇလႆႈမီးမႃး ႁူင်းႁဵၼ်းတၢင်းလတ်း CLC (Community Learning Center) လႄႈ လၢႆလၢႆၽၢႆႇ ပေႃႈမႄႈလုၵ်ႈႁဵၼ်း ၽူႈယႂ်ႇၵူၼ်းလူင်ၼႂ်းတူင်ႇဝူင်းၸိူဝ်းၼႆႉၵေႃႈ ႁၼ်လီၵမ်ႉထႅမ်ပၼ်ႁႅင်းမႃးတေႉတေႉလႄႈ ၸင်ႇလႆႈပိုတ်ႇၽုၺ်ႇမႃးထိုင်ၸုပ်ႈထီႉ (2) ၼႆႉယူႇယဝ်ႉ။

ပၢႆးပၺ်ႇၺႃႇတႆး

05/06/2025

ပၢင်ပိုတ်ႇၽုၺ်ႇႁူင်းႁဵၼ်းၸိူဝ်ႉၸၢတ်ႈဝၢၼ်ႈပူင်း လႄႈ ပၢင်ယိုၼ်ႈမွပ်ႈဝႂ်ပူၼ်ႉၸၼ်ႉ လုၵ်ႈႁဵၼ်း ၸၼ်ႉ ထၢၼ်ႈငဝ်ႈ လႄႈ ၸၼ်ႉၵၢင်။

မိူဝ်ႈၼႆႉဝၼ်းထီႉ 5 June 2025 တီႈႁူင်းႁဵၼ်းၸိူဝ်ႉၸၢတ်ႈဝၢၼ်ႈပူင်း လႆႈၸတ်းႁဵတ်းပၢင်ပိုတ်ႇၽုၺ်ႇႁူင်းႁဵၼ်းလႄႈ လႆႈၸတ်းႁဵတ်းပႃး ပၢင်ယိုၼ်ႈမွပ်ႈဝႂ်ပူၼ်ႉၸၼ်ႉထၢၼ်ႈငဝ်ႈလႄႈၸၼ်ႉၵၢင်ၵႂႃႇယူႇယဝ်ႉ။

ပၢင်ပိုတ်ႇႁူင်းႁဵၼ်းၸုပ်ႈၼႆႉ တေလႆႈႁၼ်ဝႃႈႁူဝ်ၼပ်ႉလုၵ်ႈႁဵၼ်း ၼမ်ၶိုၼ်ႈမႃးလိူဝ်သေပီပူၼ်ႉမႃးလႄႈ ပဵၼ်ဢၼ်လၢတ်ႈၼေလႆႈဝႃႈ ၵၢၼ်ပူၵ်းပွင်ပၢႆးပၺ်ႇၺႃႇမီးလွင်ႈၶဝ်ႈထိုင်လႆႈလုၵ်ႈဢွၼ်ႇလိူဝ်ၵဝ်ႇ လႄႈပဵၼ်ငဝ်းလၢႆးဢၼ်လီ ပုၼ်ႈတႃႇတေပူၵ်းပွင်ၼေႃႇတႅၼ်းၶိူဝ်းၵႂႃႇမိူဝ်းၼႃႈတေႉတေႉ။

ပၢႆးပၺ်ႇၺႃႇတႆး

26/05/2025

ပၢင်ဢုပ်ႇဢူဝ်း (Workshop) တႃႇၽူႈဢွၼ်ႁူဝ်ပၢႆးပၺ်ႇၺႃႇၶွင်ႇသီႇဢဝ်ၶိုၼ်းတႆး

ဝၼ်းထီႉ 15-24 May 2025 ယူႇတီႈၽူႈမီးပုၼ်ႈၽွၼ်း(STAFF) ပၢႆးပၺ်ႇၺႃႇ လႆႈၸတ်းႁဵတ်း ပၢင်ဢုပ်ႇဢူဝ်း(Workshop) ၵဵဝ်ႇၵပ်းလူၺ်ႈလွင်ႈ ၵၢၼ်ဢွၼ်ႁူဝ်ၼႂ်းပၢႆးပၺ်ႇၺႃႇ (educational Leadership) ၼႆယူႇယဝ်ႉ။ ႁူဝ်ၶေႃႈဢၼ်လႆႈဢုပ်ႇဢူဝ်းလႅၵ်ႈလၢႆႈၵၼ် 1. မႃးထတ်းသၢင်ၶိုၼ်းငဝ်းလၢႆးပၢႆးပၺ်ႇၺႃႇ ၶွင်ႇသီႇဢဝ်ၶိုၼ်းၸိုင်ႈတႆး 2. လဵပ်ႈႁဵၼ်းလႅၵ်ႈလၢႆးငဝ်းလၢႆးပၢႆးပၺ်ႇၺႃႇၼႂ်းမိူင်းမၢၼ်ႈလႄႈ လုမ်ႈၾႃႉ 3.ၵၢၼ်ဢွၼ်ႁူဝ် ၼႂ်းၵၢၼ်ပၢႆးပၺ်ႇၺႃႇ (educational leadership) 4. ၵၢၼ်မိူင်းလႄႈ ၵၢၼ်ဢုပ်ႇပိူင်ၼႂ်းပိုၼ်ႉတီႈၸႃႉၵႂႃႇၸိူဝ်းၼႆႉယူႇယဝ်ႉ။

ပၢႆးပၺ်ႇၺႃႇတႆး

26/05/2025

|- တၢင်တူဝ် လုၵ်ႈႁဵၼ်း ႁူင်းႁဵၼ်းပူၵ်းပွၵ်ၼမ်ႉၵတ်ႉၶူးၸုပ်ႈ(1) မွၵ်ႇလၢတ်ႈၶေႃႈၵႂၢမ်း #ပၢႆးပၺ်ႇၺႃႇတႆး

19/05/2025

ၽူႈၸတ်းၵၢၼ် ႁွင်ႈၵၢၼ်လူင်ပၢႆးပၺ်ႇၺႃႇၶွင်ႇသီႇဢဝ်ၶိုၼ်းၸိုင်ႈတႆး မွၵ်ႇလၢတ်ႈၶေႃႈၵႂၢမ်းပိုတ်ႇပၢင် ဝၼ်းယိုၼ်ႈမွပ်ႈဝႂ်ၶူး ႁူင်းႁဵၼ်းပူၵ်းပွင်ၼမ်ႉၵတ်ႉၶူးၸုပ်ႈထီႉ (1)

19/05/2025

ႁွင်ႈၵၢၼ်လူင်ပၢႆးပၺ်ႇၺႃႇ ၶွင်ႇသီႇဢဝ်ၶိုၼ်းၸိုင်ႈတႆး ၸတ်းႁဵတ်းပၢင်ယိုၼ်ႈမွပ်ႈဝႂ်ၶူးၸုပ်ႈ (1) လႄႈမွပ်ႈဝႂ်ၽၢၼ်ႇပူၼ်ႉၸၼ်ႉလုၵ်ႈႁဵၼ်း ၸၼ်ႉငဝ်ႈ၊ ၸၼ်ႉၵၢင် လႄႈ ႁူင်းႁဵၼ်း CLC

16/05/2025

ႁူဝ်ၶေႃႈၵႂၢမ်း - ပၢႆးပၺ်ႇၺႃႇ

12/05/2025

ႁွင်ႈၵၢၼ်လူင်ပၢႆးပၺ်ႇၺႃႇ ၶွင်ႇသီႇဢဝ်ၶိုၼ်းၸိုင်ႈတႆး ၸတ်းႁဵတ်းပၢင်ယိုၼ်ႈမွပ်ႈဝႂ်ၶူးၸုပ်ႈ (1) လႄႈမွပ်ႈဝႂ်ၽၢၼ်ႇပူၼ်ႉၸၼ်ႉလုၵ်ႈႁဵၼ်း ၸၼ်ႉငဝ်ႈ၊ ၸၼ်ႉၵၢင် လႄႈ ႁူင်းႁဵၼ်း CLC

မိူဝ်ႈၼႆႉဝၼ်းထီႉ 12 May 2025 ၶၢဝ်းယၢမ်း 9:00 မူင်း ယူႇတီႈႁွင်ႈၵၢၼ်လူင်ပၢႆးပၺ်ႇၺႃႇ ၶွင်ႇသီႇဢဝ်ၶိုၼ်း ၸိုင်ႈတႆး ၸတ်းႁဵတ်းပၢင်ယိုၼ်ႈမွပ်ႈဝႂ်ၶူးၸုပ်ႈ (1) လႄႈမွပ်ႈဝႂ်ၽၢၼ်ႇပူၼ်ႉၸၼ်ႉလုၵ်ႈႁဵၼ်း ၸၼ်ႉငဝ်ႈ၊ ၸၼ်ႉၵၢင် လႄႈ ႁူင်းႁဵၼ်း CLC ၵႂႃႇတီႈႁူင်းႁဵၼ်းၸၼ်ႉၵၢင်ဝၢၼ်ႈပူင်းယူႇယဝ်ႉ။

ၼႂ်းပၢင်ၵႅဝ်ႈဝၼ်းမိူဝ်ႈၼႆႉ လႆႈၽိတ်ႈပၢင်း သင်ႇၶၸဝ်ႈ မင်ႇၵလႃႇပၼ်ဢေႃးဝႃႇတ ပိုတ်ႇပၢင်ၵႂႃႇယူႇ သိုပ်ႇသေၼၼ်ႉ ၸၢႆးလၢၼ်တႆး ၽူႈၸတ်းၵၢၼ်ႁွင်ႈၵၢၼ်လူင်ပၢႆးပၺ်ႇၺႃႇ လႆႈမွၵ်ႇလၢတ်ႈၶေႃႈၵႂၢမ်းပၼ်တၢင်းႁူႉတီႈလုၵ်ႈႁဵၼ်းၶဝ်ၵႂႃႇယဝ်ႉ ဝၢႆးသေၼၼ်ႉမီး ၸဝ်ႈသိုၵ်းၵေႃးသႃႇလ ၸဝ်ႈၼႃႈတီႈၼႂ်းပိုၼ်ႉတီႈ လႆႈမႃးမွၵ်ႇလၢတ်ႈၶေႃႈၵႂၢမ်းပၼ်တၢင်းႁူႉၼိူဝ်လုၵ်ႈႁဵၼ်းၶဝ်ၵႂႃႇသေ လႆႈတေႇမွပ်ႈပၼ်ဝႂ်ၶူးလႄႈဝႂ်ၽၢၼ်ႇပူၼ်ႉၸၼ်ႉတီႈလုၵ်ႈႁဵၼ်းၶဝ်ၵႂႃႇယူႇယဝ်ႉ။

ဝၢႆးမွပ်ႈဝႂ်ယဝ်ႉၼၼ်ႉမီးၸၢႆးဢွင်ႇၶမ်း ၶူးပူင်သွၼ်ႁူင်းႁဵၼ်းပူၵ်းပွင်ၼမ်ႉၵတ်ႉၶူး လႆႈၶိုၼ်ႈမွၵ်ႇလၢတ်ႈၶေႃႈၵႂၢမ်း ငိၼ်းၸူမ်းၸွမ်းလုၵ်ႈႁဵၼ်းၸိူဝ်းဢၼ်ၶတ်းၸႂ်ႁဵၼ်းသေၽၢၼ်ႇပူၼ်ႉမႃးလႆႈလႄႈဢဝ်ၵုင်ႇမုၼ်ၸွမ်း လုၵ်ႈႁဵၼ်း၊ ၶူးသွၼ်၊ ၽူႈယႂ်ႇၵူၼ်းလူင်လႄႈၸဝ်ႈၼႃႈတီႈၶဝ်ၼႆယဝ်ႉ သိုပ်ႇသေၼၼ်ႉမီးလုၵ်ႈႁဵၼ်း ႁူင်းႁဵၼ်း CLC လႆႈတၢင်တူဝ်လုၵ်ႈႁဵၼ်း မႃးမွၵ်ႇလၢတ်ႈၶေႃႈၵႂၢမ်းယဝ်ႉတူဝ်ႈၵႂႃႇသေလုၵ်ႈႁဵၼ်းၶဝ်လႆႈဢွၼ်ၵၼ်ႁွင်ႉၵႂၢမ်းတွၼ်ႈပၼ်ပီႈၼွင်ႉၶႅၵ်ႇလႄႈၽူႈမႃးၶဝ်ႈႁူမ်ႈပၢင်ယိုၼ်ႈမွပ်ႈဝႂ်ၵႂႃႇယူႇယဝ်ႉ။

12/05/2025

မိူဝ်ႈဝၼ်းထီႉ 9 ထိုင် 10 May 2025 ၼၼ်ႉ ႁွင်ႈၵၢၼ် လူင်ပၢႆးပၺ်ႇၺႃႇ ၶွင်ႇသီႇဢဝ်ၶိုၼ်းၸိုင်ႈတႆး လႆႈၸတ်းႁဵတ်း ပၢင်ၵုမ်ၵၢၼ်ပူၵ်းပွင်ပၢႆးပၺ်ႇၺႃႇတႆး (Shan Education Conference) ပွၵ်ႈၵမ်း (2) မီးၸဝ်ႈသင်ႇၶႃႇ ၊ ၽူႈႁူႉ လူင်ႉလႅၼ်ႇ၊ ၸုမ်းပူၵ်းပွင်ပၢႆးပၺ်ႇၺႃႇတႆး၊ ၵူၼ်းလူင်ၼႂ်းဢိူင်ႇဝၢၼ်ႈၼႃးသူၼ် လႄႈ ၽူႈလူင်ႉလႅၼ်ႇဢၼ်ယူႇၼွၵ်ႈမိူင်းၵေႃႈ လႆႈၶဝ်ႈႁူမ်ႈတၢင်း (online) သေ ၼႂ်းပၢင်ၵုမ်ၼၼ်ႉ လႆႈၽိတ်ႈပၢင်း သင်ႇၶၸဝ်ႈ မင်ႇၵလႃႇပိုတ်ႇၽုၺ်ႇ ပၢင်ၵုမ် ၵၢၼ်ပူၵ်းပွင် ပၢႆးပၺ်ႇၺႃႇတႆးၵႂႃႇ။

ပၢင်ၵုမ်ပွၵ်ႈၵမ်းၼႆႉ တႃႇႁႂ်ႈမီးမႃး လွင်ႈယုမ်ႇယမ်ၸမ်ၸႂ်ၵၼ် ႁူမ်ႈမိုဝ်းၵၼ် ၼႂ်းၵႄႈၵၢင် ႁွင်ႈၵၢၼ်လူင်ပၢႆးပၺ်ႇၺႃႇၶွင်ႇသီႇဢဝ်ၶိုၼ်းၸိုင်ႈတႆး ၊ ဢုပ်ႉပိူင်ႇပိုၼ်ႉတီႈ ၊ ၸုမ်း လႄႈ ပူၵ်ႉၵူဝ်ႇသုၼ်ႇတူဝ် ၸိူဝ်းႁဵတ်းသၢင်ႈ လႄႈ သူၼ်ၸႂ်ၵၢၼ်ပူၵ်းပွင် ၵၢၼ်ပၢႆးပၺ်ႇၺႃႇ ဢိၵ်ႇပႃးသင်ႇၶၸဝ်ႈ ၼင်ႇႁိုဝ်တေပဵၼ်မႃး သုၼ်ႇႁူမ်ႈ (Inclusive) ၼႂ်းၵၢၼ်ႁုၼ်ႈမုၼ်းပူၵ်းပွင်ပၢႆးပၺ်ႇၺႃႇ လႄႈ ႁႂ်ႈၶၢမ်ႈပူၼ်ႉလႆႈလွင်ႈၶဵင်ႇတႃႉ(Challenges) ၼႂ်းငဝ်းလၢႆးယၢမ်းလဵဝ်သေ ႁႂ်ႈပဵၼ်ငဝ်ႈငႃႇ တႃႇၵေႃႇသၢင်ႈ ၵေႃႁူမ်ႈသၢင်ႈ (Networking) ၵၢၼ်ပူၵ်းပွင်ပၢႆးပၺ်ႇၺႃႇၸိုင်ႈတႆး ၼႂ်းဝၼ်းမိူဝ်းၼႃႈ။

ပၢင်ၵုမ်ပွၵ်ႈၵမ်းၼႆႉ မီးၶေႃႈယိူင်းဢၢၼ်း 5 ၶေႃႈၸွမ်းၼင်ႇတႂ်ႈၼႆႉ
1.တႃႇပၢင်ၵုမ် လႄႈ ပွင်ႇၸႂ်ႁူႉထိုင် လွင်ႈႁဵတ်းသၢင်ႈပူၵ်းပွင် ပၢႆးပၺ်ႇၺႃႇၼႂ်းၸိုင်ႈတႆး ၼႂ်းငဝ်းလၢႆးယၢမ်းလဵဝ်။
2.ႁႂ်ႈၸၢင်ႈလႆႈမႃးၶေႃႈတႅပ်းတတ်း တႃႇႁူမ်ႈမိုဝ်း ႁုၼ်ႈမုၼ်း ပူၵ်းပွင်ပၢႆးပၺ်ႇၺႃႇၸိုင်ႈတႆး ၼႂ်းငဝ်းလၢႆးမိူဝ်းၼႃႈ။
3.တႃႇႁႂ်ႈၽူႈၶဝ်ႈႁူမ်ႈၵူႈၵေႃႉ လႄႈ ၵူႈၸုမ်း မီးပိုၼ်ႉတီႈလႆႈလႅၵ်ႈလၢႆႈ ပၢႆးဝူၼ်ႉ ၊ လႆႈပၼ်တၢင်းႁၼ်ထိုင် ပၢႆးဝူၼ်ႉတူဝ်ၵဝ်ႇ ၼႂ်းၵၢၼ်ႁုၼ်ႈမုၼ်းပူၵ်းပွင် ပၢႆးပၺ်ႇၺႃႇၸိုင်ႈတႆး ဝၼ်းမိူဝ်းၼႃႈ။
4.ႁႂ်ႈမီးမႃးလွင်ႈမိုတ်ႈၵိုဝ်းၸမ်ၸႂ်ၵၼ် လႄႈ ပဵၼ်ငဝ်ႈငႃႇ ၵေႃႁူမ်ႈသၢင်ႈ ႁုၼ်ႈမုၼ်းပူၵ်းပွင် ပၢႆးပၺ်ႇၺႃႇၸၼ်ႉပိုၼ်ႉတီႈ လႄႈ ၸိုင်ႈတႆး ၵႂႃႇမိူဝ်းၼႃႈ။
5.တႃႇႁႂ်ႈလႆႈႁပ်ႉႁူႉပွင်ႇၸႂ်ထိုင် လွင်ႈၶဵင်ႇတႃႉ လႄႈ သုၼ်ႇတိုဝ်ႉတၢင်း ၼႂ်းၵၢၼ်ႁုၼ်ႈမုၼ်းပူၵ်းပွင် ပၢႆးပၺ်ႇၺႃႇၼႂ်းၸိုင်ႈတႆး။

ပၢႆးပၺ်ႇၺႃႇတႆး

03/05/2025

ႁွင်ႈၵၢၼ်လူင်ပၢႆးပၺ်ႇၺႃႇၶွင်ႇသီႇဢဝ်ၶိုၼ်းၸိုင်ႈတႆး ၸတ်းႁဵတ်းပၢင်လူင်းၵၢၼ်သွၼ် ႁူင်းႁဵၼ်းပူၵ်းပွင်ၼမ်ႉၵတ်ႉၶူး ပွၵ်ႈၵမ်း(2)ၸုပ်ႈ(2) ငဝ်ႈၸိုင်ႈလွႆတႆးလႅင်း
ဝၼ်းထီႉ1 April 2024 တူၵ်းမႅၼ်ႈဝၼ်းၽတ်းၼႆသေ ယူႇတီႈႁွင်ႈၵၢၼ်လူင်ပၢႆးပၺ်ႇၺႃႇၶွင်ႇသီႇ ဢဝ်ၶိုၼ်းၸိုင်ႈတႆး ၸတ်းႁဵတ်းပၢင်လူင်းၵၢၼ်သွၼ် ႁူင်းႁဵၼ်းပူၵ်းပွင်ၼမ်ႉၵတ်ႉၶူးပွၵ်းၵမ်း(2) ၸုပ်ႈ(2) ဢွင်ႈတီႈႁူင်းႁဵၼ်းၸိူဝ်ႉၸၢတ်ႈၸၼ်ႉသုင် ငဝ်ႈၸိုင်ႈလွႆတႆးလႅင်း ၼႆယဝ်ႉ။
ၼႂ်းပၢင်ၵႅဝ်ႈၼႆႉ ၸဝ်ႈႁၢၼ်ၸေႃႉတိၵ လႆႈမွၵ်ႇလၢတ်ႈၶေႃႈၵႂၢမ်းပိုတ်ႇပၢင်ၵႂႃႇဝႃႈ ၵၢၼ်ပဵၼ်ၶူးသွၼ် ၼိုင်ႈၵေႃႉၼႆႉ ႁႂ်ႈမီးသတိဝိရိယလႄႈ ႁႂ်ႈမီးလွင်ႈယိူၼ်ႉၵၼ်ႈ ၼႆသေပိုတ်ႇပၢင်ၵႅဝ်ႈၵႂႃႇယူႇယဝ်ႉ။
ဝၢႆးၼၼ်ႉတၢင်တူဝ်လုၵ်ႈႁဵၼ်းႁူင်းႁဵၼ်းပူၵ်းပွင်ၼမ်ႉၵတ်ႉၶူးၵေႃႉၼိုင်ႈ လၢတ်ႈမွၵ်ႇတၢင်ႇလၢတ်ႈ ၼႄ ၽႃႇသႃႇၵၢၼ်သွၼ် ဢၼ်လႆႈႁဵၼ်းသွၼ်မႃး ၼႂ်းၶၢဝ်းတၢင်း(6)လိူၼ်။
ၼႂ်းပၢင်ၵႅဝ်ႈၼႆႉ ၶူးၸၢႆးဢွင်ႇၶမ်း ၶူးပူင်သွၼ်ႁူင်းႁဵၼ်းပူၵ်းပွင်ၼမ်ႉၵတ်ႉၶူးလၢတ်ႈမွၵ်ႇလၢတ်ႈ ၶေႃႈၵႂၢမ်းသူင်ႇသင်ႇလုၵ်ႈႁဵၼ်းၶဝ်ၵႂႃႇ (1) ၶူးသွၼ်မီးၵႃႈၶၼ် မီးၵုင်ႇမုၼ် ပဵၼ်လွၼ်ႉၵႅၼ်ၵၢၼ် ပူၵ်းပွင်ၸိုင်ႈမိူင်း တူင်ႇဝူင်းၵူၼ်း (2) ၶူးသွၼ်ၼိုင်ႈၵေႃႉၸၢင်ႈလႅၵ်ႈလၢႆႈၵၢမ်ႇၽႃႇလႆႈ (3) ၵူၼ်း ၵူႈၵေႃႉ ဢမ်ႇပဵၼ်လႆႈၶူးသွၼ် တႃႇတေပဵၼ်ၶူးသွၼ်ၼၼ်ႉ တေလႆႈၽိုၵ်းၽွၼ်ႉပဵၼ်ၶၵ်ႉပဵၼ် တွၼ်ႈ ပဵၼ်ပၵ်းပဵၼ်ပိူင်ၵႂႃႇ ၼႆယဝ်ႉ။
သိုပ်ႇၼၼ်ႉၵေႃႈ လႆႈယိုၼ်ႈဢၢပ်ႈပၼ်ဝႂ်ႁူမ်ၸူမ်း ယဝ်ႉတူဝ်ႈၵၢၼ်ႁဵၼ်းတီႈလုၵ်ႈႁဵၼ်းၸုပ်ႈ(2) သေ လုၵ်ႈႁဵၼ်းၶဝ် လူဢၢၼ်ႇဝွၵ်းၽၢၵ်ႇႁူင်းႁဵၼ်း လႄႈ ၸုမ်းလုၵ်ႈႁဵၼ်းႁွင်ႉၽဵင်းၵႂၢမ်းသူင်ႇသင်ႇ တီႈၶူးသွၼ် ၽူႈမႃးၶဝ်ႈႁူမ်ႈပၢင်ၵႅဝ်ႈလူင်းပၢင်သွၼ်ၼႆယူႇ။
ၼႂ်းပၢင်ၵႅဝ်ႈဝၼ်းမိူဝ်ႈၼႆႉ မီးၽူႈယႂ်ႇၵူၼ်းလူင်ၶဝ်လၢႆလၢႆၸဝ်ႈ လႄႈ ၶူးသွၼ်လၢႆလၢႆၵေႃႉ လႆႈမွၵ်ႈ လၢတ်ႈၶေႃႈၵႂၢမ်းပၼ်ႁႅင်းၸႂ်တိုၵ်းသူၼ်းၼိူဝ်လုၵ်ႈႁဵၼ်းၶဝ်ၵႂႃႇယူႇယဝ်ႉ။

ပၢႆးပၺ်ႇၺႃႇတႆး

Tai Education - Shan Version

20/06/2025

17/06/2025

09/06/2025

05/06/2025

26/05/2025

26/05/2025

19/05/2025

19/05/2025

16/05/2025

12/05/2025

12/05/2025

03/05/2025

Address

Telephone

Website

Alerts

Contact The Business

Shortcuts

Share