ผญาฮัก คนอกหักมาทางพี้

02/01/2026

🌾พ่อแม่คองคอยเจ้า เช้าส่องแลงเหลียว...
🌾เจ้าหากเทียวทางเพลิน เซินบินเมืองฟ้า...
🌾พ่อแม่คอยลูกหล่า กลับคืนมาเยี่ยมถิ่น...
🌾ยามกินคือจั่งก้าง มาตันค้างหว่างคอ...
🌾หวังอยากพานพบพ้อ รอเจ้าอ่วยคืนกลับ...
🌾นั่งหง่วมเหงาคอยนับ ลูกต่าวกลับคืนโค้ง...
🌾เคยฮ่วมวงกินข้าว เหงาอุราว้าเหว่...
🌾อกสิเพแตกม่าง พอปานก้างถั่งตำ ลูกเอ้ย...
🌾บุญคุณข้าวผ่องน้ำ ลูกผัดเหล่าลืมหลง แล้วบ้อ...
🌾คอยมื้อปลงสังขาร นั่งทรมานกลุ้ม...
🌾ปานว่าสุมไฟฮ้อน ฟืนกองจูดจี่...
🌾มีแต่อุกอั่งแค้น แสนเอ้าอั่งอยู่ใน หน่ายเด้...
🌾ฝากบทกลอนส่งท้าย เถิงลูกๆผู้ลืมหลง...
🌾จงเห็นในค่าคุณ พ่อแม่ปุนปักไว้...
🌾ไปอยู่ไสให้คืนโค้ง คืนคอนบ้านเกิดเก่า เฮาเน้อ...
🌾ผู้เพิ่นคอยนับมื้อเศร้า แลงเช้าได้จ่มหา ลูกคำเอ้ย...

#ทักทายยามบ่ายจ้าโชคหมานสุคนเด้อจ้า
#แอดมินครูจ๋า

30/12/2025

🌾หนาวบ่มีคู่ซ้อน นอนผ่างทางคิง
🌾เทียวหยับอิงแต่หมอน ฮ่ำฮอนยามลมจ้าว
🌾บาดลมหนาวมาต้อง สองมือดึงป่าย
🌾แคงทางขวาผ่องซ้าย กายน้องเสม่นใน

🌾ลมพัดใบแกว่งย้าย ปลายไผ่ไหวเอน
🌾เหน็บล่วงเย็นฮอดทรวง หน่วงนวลในเนื้อ
🌾อิจฉาเครือเถาไม้ พันไลเกี้ยวก่าย
🌾เฮาผัดเดียวดายซู้ ซูซ้อนฮ่วมซอน

🌾คึดสะออนอิ่นอ้าง ลางเทือเฟียหมอน
🌾ห่มผ้านอนคราวแลง ปิ่นตะแคงจนล้า
🌾ลมตีฝาเฮือนตึ้ง ดึงซาวผ้าป่าย
🌾พอได้คลายส่วงม้ม ลมเอ้ยให้อ่อนลงแหน่เด้อ

#ทักทายพี่น้องยามเที่ยงจ้า
#แอดมินครูจ๋า

30/12/2025

🌾มันบ่มีหยุดได้ วันเดือนเคลื่อนบ่อยู่
♡มันหากกายเปลี่ยนได้ ไปเรื่อยบ่เซา
🌾จากมื้อเซ่าเป็นบ่าย กายเป็นแลง
♡แสงตาเวนลับ ค่ำคืนแทนที่
🌾ชีวิตคนเฮาสั่น ผันปี้นเปลี่ยนแปร
♡เกิดแก่แล้ว เจ็บป่วยดับหาย
🌾ตายแล้วไลลาลับ สุคนบ่มีค้าง
♡ยังเหลือไว้ คือความดีกับความซั่ว
🌾ฝากโลกไว้ให้ คนหลังได้คึดตาม
♡เอาไปนำบ่ได้ ดอกเด้อหมู่เงินทอง
🌾ของที่เคยหวงแหน หมู่มรดกพร้อม
♡เพิ่นยังว่า..
🌾เงินทองนั่น ส่งได้แค่โรงบาล
♡ลูกหลานเฮา ส่งเถิงแค่หลุมศพ
🌾ส่งเฮาฮอดภพหน้า มีแต่บุญกุศล
♡เกิดเป็นคนทำบุญทาน สู่นิพานหม่องเซายั้ง...พี่น้องเอ้ย

#สำบายดีมีสุขจ้าแฟนเพจที่ฮักแพง
#แอดมินครูจ๋า

29/12/2025

“ผู้ใดเล่า เฝ้ารัก ถักทอฝัน
ผู้ใดกัน ปันจิต ชีวิตใหม่
ผู้ที่สร้าง ร่างกาย ถ่ายหัวใจ
ผู้ที่ให้ กำเนิด เกิดเป็นคน
รักสุดหวง ดวงใจ ให้ห่วงหา
รักล้ำค่า กว่าไหน ในแห่งหน
รักชุ่มเย็น เป็นน้ำ ฉ่ำกมล
รักเหลือล้น จนสุด หยุดชีวา
เราได้รัก ปักใจ ไม่เคยเปลี่ยน
เราได้เรียน เขียนอ่าน การศึกษา
เราเติบใหญ่ ใครเล่า เฝ้าเลี้ยงมา
เราพึ่งพา อาศัย ในพระคุณ
คือความรัก ถักใย ให้เลิศล้ำ
คือสายน้ำ นำพา มาเกื้อหนุน
คือยิ่งใหญ่ ไพศาล ล้านใบบุญ
คือไออุ่น กรุ่นรัก หลักศรัทธา
คุณแม่มาก ยากเทียบ เปรียบสิ่งไหน
คุณแม่ใหญ่ ไกลกว้าง อย่างสุดหล้า
คุณน้ำนม บ่มคน จนโตมา
คุณล้ำฟ้า กว่าไหน ได้สร้างคน
แม่เรานั้น สรรค์สร้าง ทางชีวิต
แม่อุทิศ จิตใจ ให้กุศล
แม่ถนอม กล่อมเลี้ยง เคียงคู่ตน
แม่เลิศล้น ทนทุกข์ เพื่อลูกยา
แม้ลำบาก อยากอยู่ ดูแลหลาน
แม้มีงาน การใด ไถ่ถามหา
แม้อยากขืน ฝืนต่อ ก็ชรา
แม้ถึงครา มาป่วย ด้วยห่วงใย
สิ้นแม่ไป ไห้หวน คร่ำครวญหา
สิ้นชีวา ฟ้าหม่น สุดทนไหว
สิ้นสดับ รับรู้ จากผู้ใด
สิ้นหายใจ ไม่ตอบ มอบเรือนกาย
สิ้นรอยยิ้ม อิ่มใจ ให้ลูกหลาน
สิ้นลมปราณ งานใหญ่ ใจสลาย
สิ้นคำลา อาลัย ใจมลาย
สิ้นสุดสาย แห่งชีวิต และจิตใจ
สิ้นสุดคำ พร่ำสอน ย้อนยินเสียง
สิ้นสำเนียง เรียงร้อย คอยสุขใส
สิ้นอกอุ่น หนุนตัก พักหัวไว้
สิ้นแสงไฟ ไร้ทิศ จิตเหว่ว้า
สิ้นวจี ที่เพราะ เสนาะหู
สิ้นแม่ครู ผู้สอน ก่อนศึกษา
สิ้นอุ้งมือ ถือแขน แสนโศกา
สิ้นแววตา อาลัย ได้แต่ครวญ
สิ้นแม่ไป ใจแตก แหลกสลาย
สิ้นร่างกาย หายโลก โศกกำสรวล
สิ้นอ้อมกอด ยอดหญิง สิ่งทั้งมวล
สิ้นกระบวน ล้วนดับ ลับลงพลัน
ดุจดั่งฟ้า ผ่าใจ ให้สูญสิ้น
เฝ้าถวิล ยินแม่ แค่ความฝัน
ภพใหม่หนอ ขอตาม ความผูกพัน
แม่-ลูกกัน ฉันใด ไม่คลาดคลา
ส่งกุศล ผลบุญ หนุนแม่ไว้
อุทิศให้ ได้รับ หลับเถิดหนา
สู่สวรรค์ ชั้นใน ที่ปลายฟ้า
ทุกทิวา ราตรี มีสุขเทอญ"

#ขออภัยแฟนเพจแอดมินทุกท่าน
คือว่าคุณแม่ของแอดมินเพิ่นได้จากแอดมินไปแล้วอย่างสงบ
แอดมินต้องขอตัวไปจัดการงานต่างๆบ่มีเวลามาลงผญาให้อ่านอีกจักอาทิตย์แล้วงานค่อยพ้อกันเนาะครับ
ไผ๋อยู่ใกล้กะแวะมางาน ฌาปนกิจได้เด้อครับ อยู่วัดสามพร้าววันที่31ธันวา หรือมีจิตเมตตาช่วยเหลือ ติดต่อแอดมินได้ใต้โพสนะครับขอบคุณแฟนเพจทุกท่านครับผม

28/12/2025

#เพิ่นว่า..
🌾ผัวเมียนี่กูมึงอย่าได้ว่า
🌾มีแต่ข่อยและเจ้าตะผองเฒ่าซั่วซีวา..
🌾ผัวเมียนี่คนเดียวโดยฮีต
🌾สุขทุกข์ขอให้อยู่ฮ่วม ตุ้มจนเฒ่าแก่ซรา
🌾ผัวเมียนี่ให้ฮักห่อถนอมกัน
🌾สุขทุกข์มี ให้ค่อยจาดอมเว่า
🌾อย่าสิเอาไฟเข่า มาสุมสิฮ้อนเฮ่ง
🌾เมียอย่าเก่งแต่ป้อย ความน้อยอย่ามี
🌾ผัวให้เป็นหลัก คุ้มครองครอบครัวเรือน
🌾เสาเฮือนเพให้ส่อยพากันสร่าง
🌾นางหรือท้าวบุตรตาผุมาเกิด
🌾พากันเลี้ยงลูกน้อยให้เขาได้ใหญ่สูง
🌾ลุงและป้าคณาญาติให้ทาวเถิง
🌾เหิงนานเนาว์อย่าสิลืมป๋าถิ่ม
🌾ให้เจ้าพากันยิ้มกินทานอย่าได้ขาด
🌾ฝูงหมู่ญาติพี่น้องสองข้าง ให้แก่นเฮือน ฮั่นแหล่ว

#สวัสดียามบ่ายจ้า
#แอดมินครูจ๋า

27/12/2025

⚘ฮักสองเฮาคือบ่เป็นดั่งด้าม ข้าวเหนียวน้อปั้นแก่น...
⚘เจ้าส่างปะ แผ่นแป้น เป็นเฮือนฮ้างป่าวแปน...
⚘อ้ายมาขื่นขมแค้น กลืนน้ำหล่องบ่มีลงแท้น้อ...
⚘ถิ่มให้งง ตาแหลวจ่อยจัว ลืมเพลจ้อย...
⚘ปะให้พลอยคอยซู้ พอปานพลู ขาดค้างเพิ่ง...
⚘แม่นใบเริง ขาดปูนแต้ม ว่าเเดงได้ กะบ่งาม...
⚘คือกับครามบ่มีฝ้าย คือกับไหมบ่มีครั่ง...
⚘เป็นดั่งปลาบ่มีวัง ขาดฝั่งบอนบวก
บ้อน...
⚘แม่นนอนได้บ่อิ่มตา ดอกเด้อว่าคำ
เอ้ย...

#ทักทานพี่น้องยามกินข้าวเที่ยงจ้า
#แอดมินครูจ๋า

26/12/2025

โอน้อ..ฝากลมพาผญาอ้อน อักษรก่ายลงลายศิลป์
ฝากเสียงพิณกลิ่นนาหอม พร้อมเสียงแคนแทนใจไว้
ฝากกลิ่นไอในดอนบ้าน ฝากผ่านลงตรงน้องพี่..พุ้นแหล๊ว
ผู้ไกลคอนไปนอนลี้ หนีห่างบ้านอยู่ต่างเมือง

พี่น้องเอ๊ย..ยกไอดินประทินเรื่อง ขึ้นเตื้องต่อ..ยอบท
แปลสะกดบทคำศิลป์ ฉาบกลิ่นฮอยพลอยเห็นเค้า
พอคนเหงาบรรเทาบ้าง ยามหลงทางใจฮ้างฝ่อ
กะคงพอต่อเติมได้ หัวใจชุ่มให้ซุมงาม

หล่ะ..บ่ได้พังยังบ่ฮ้าง บางคนส่าให้พาหมอง..น้อ
วิถีคองหากมองกลับ นับว่างามตามจริงแล้ว
หลายคนแซวหลายแนวอ้าง ทางบ่สมให้จมค่า
ลดศรัทธาหวังพาเลี้ยว จั่งเทียวอ้างทางอื่นควร..ซั้นแล๊ว

พี่น้องเอ๊ย หากลืมไลไผสิซ้วน มาหวนก่อหล่ะยอจับ
วิถีเฮาคงเหงาครับ นับแต่วันสิผันย้าย
ขาดพิณสายลายกลอนเกี้ยว แคนบ่เทียว..เลี้ยวฮ่วม
สิ่งดีควรล้วนสูญค่า หากวางป๋าให้ว่าฮ้าง เหมิดทางสิ้นน้อกลิ่นฮอย...แท้แหล๊ว.......................................................
#บทผญาอีเกียแดง
#แอดมินบ่าวอุดรคนโก้

26/12/2025

...เมื่อทาง ฮักเฮานั่น มันไป บ่ฮอดฝัน
จบกันแค่ เคิ่งทาง ทุกอย่าง พังเพล้ม
สิ่งที่เฮา เคยโน้ม ก่องวิมาน วาดใส่
สลายไป มื้อนี้ คนดีหล่า อย่าหวั่นชาย.....เมื่อเจ้าพ้อ คนที่ใช่ ดีกว่าพี่คนเดิม
อยากเริ่มใหม่กับเขา อยากเชาทางอ้าย
อยากไปทางหน่า อ้ายบ่ได่หว่า
เขาพา สุขได่ ทางอ้าย กะยินดี....หล่าเอย

#แอดมินบ่าวอุดรคนโก้
@ผู้ติดตาม สนใจหนังสือผญาอีสานนิทานก้อม
หรือสินค้าตัวอื่นกดลิงค์เพื่อเลือกดูสินค้าได้เลยนะครับ https://shpe.site/2024mycorectoin

25/12/2025

ผญาเตือนใจตน บนเส้นทางแห่งมิตร}
เว้าเรื่องมิตร...หากว่าคิดตรองแล้ว มีหลายแนวมากหมู่
เป็นดังครูผู้เอื้อ เป็นดังเสือผู้ร้าย หมายสิย่ำให้ต่ำลง แท้แหล๊ว................................................................................
พี่น้องเอ๊ย คำว่ามิตร..หากแหม่นคิดคดโค้ง บ่ตรงต่อน้อกัน
ย่อมมีวันเสื่อมหาย กลายเป็นเมินจนเขินฮ้าง
เปรียบดังทางคดเคี้ยว หากเทียวนำคงช้ำหม่น
หย่างวกวนคือคนบ้า บ่เห็นฟ้าใหม่งาม

มีแต่ทรามบ่งามแท้ ใจแย่ป่วยความซวยจับ
คบมิตรผองตรองเด้อครับ อย่ามักนำคำโสอ้าง
มิตรทางพาลหวานคำล่อ ก่ออุบายหมายกินหมู่ พุ้นแหล๊ว
มักอวดตนให้คนฮู้ ว่ากูนี่มีค่าแฮง พุ้นหน่ะ

แต่เบื้องหลังนั่นคอยแกล้ง แทงหลังหมู่ซูยามเผลอ บ๊ะ!
ปากว่าเกลอใจเผลอซัง แต่หวังเพียง.กินร่วม
นอกกายสวมผ้านวมนุ่ม แต่ในกุม.ผ้าหม่น นี่แหล๊ว
แนวคบคนจั่งซี้ คงสิมีแต่สิ่งฮ้าย มาหมายม้างให้ห่างคุณ เนาะ

พี่น้องเอ๊ย คบมิตรดีบ่มีวุ่น บุญสิก่อหล่ะยอหนุน
เส้นทางบุญสิหนุนนำ กุศลธรรมสิหนุนเพิ่ม
มิตรดีเสริมคอยเติมซ้วน หากบ่ควรล้วนติก่อ
ลับหลังบ่เว้าพื้น ให้กลืนกล้ำต่ำค่าลง

โอน้อ ฮู้จักปลีกหลีกให้ม้ม อย่าจมจ่อน้อทางสูญ ซั้นเด้อ
มิตรได๋บุญคุณได๋เหมาะ ให้เคาะคลำหล่ำตรองบ้าง
เบิ่งสันดานทางในพุ้น คุณความดีเขามีบ่
มิตรสอพลออยู่เบาะนี่ มิตรที่ดีมีบ่นั่น สำคัญใคร่ใส่มโน แท้แหล๊ว...........................................................................
การเลือกคบมิตร ถือว่าเป็นนิมิตมงคลอันประเสริฐ เลือกเอาเถิดว่าเกิดแต่ดีหรือจะมีแต่เด่น จนเป็นภัย

บทผญา อีเกียแดง แห่งรัตติกาล

#สุขสบายดีพี่น้องทุกๆท่าน
#แอดมินบ่าวอุดรคนโก้
#ขอบคุณผู้ติดทุกท่านที่คอยกดไลกดแชร์กดคอมเม้นให้กำลังแอดมินตลอดมา หากผู้ติดตามสนใจหนังสือผญามูลมังอีสานสามารถกดสั่งชื้อ ตามลิงค์ด้านบนสุดในคอมเม้นท์ได้นะครับ
หนังสือมีหลายรุ่นหลายราคากดเข้าไปเลือกดูได้ครับหรือเลือกชื้อสินค้าอื่นมีทุกอย่างให้ท่านเลือกนะครับขอบคุณผู้สนับสนุนทุกท่านครับ

25/12/2025

พี่น้องเอ๋ย จาระไนไขแจ้ง ลงแซมใส่ในอักษร
เขียนเป็นกลอนภาษา ผญาลายพอหมายเอื้อน
หล่ะพอได้เตือนตนบ้าง แนวทางได๋ให้ฮู้ป่อง นี่แหล๊ว
ให้หมั่นซอมดอมเมี้ยน อย่าเถียงฮ้ายจนหน่ายซัง

ยามที่คิดเผลอพลั้ง ให้ฟังก่อนบ่อนมันผิด เด้อครับ
บ่แหม่นเถียงเสียงกลบมิด แหม่นผิดนำทำบ่ฮู้
สิเสียหมูโอ๊ะหมู่จ้อย พลอยเสียงานหล่ะการใหญ่
แหม่นอยู่ไสบรรลัยเมี้ยน หากเถียงอ้างหล่ะต่างแนว

ฮักคงถอนหล่ะคลอนแล้ว แนวบ่งดลดคำเถียง
แค่หวังเพียงชนะเขา แต่ใจเฮาเล่าดำด้าน
ถืกความพาลกุมเกี้ยว เหลียวไปไสหัวใจขุ่น
ดังขาดทุนบุญขาดค้ำ ให้นำพ้อหล่ะต่อภัย

โอน้อ ชนะตนวนแต่ได้ หัวใจก่อน้อทางสุข
เห็นสิ่งหมางในทางทุกข์ กะลุกวางหย่างหนีได้
ชนะใจในตนแล้ว มีแต่แนวหล่ะดีว่า
บ่หัวซาไผว่าเว้า เขาเถียงมากะว่าฮู้ ยุติไว้บ่ใส่ความ นี่แหล๊วครับ
#สบายดียามสวยๆครับผม
#แอดมินบ่าวอุดรคนโก้

24/12/2025

#บทความชีวิตของแอดมิน
ชีวิตคนทำงานต่างแดน กับภาระหนี้และความหวังของลูก
ผมออกจากบ้านเกิดมาไกล ไม่ใช่เพราะอยากทิ้งใครไว้ข้างหลัง แต่เพราะชีวิตบังคับให้ต้องเดินทาง เส้นทางของคนทำงานต่างประเทศไม่เคยโรยด้วยกลีบกุหลาบ เบื้องหน้าคือค่าแรงที่ดูเหมือนสูงกว่า แต่เบื้องหลังคือภาระหนี้สินที่รอให้ผมแบกรับ ทั้งหนี้เก่า หนี้จำเป็น และค่าใช้จ่ายที่ไม่มีวันหยุด ผมทำงานทุกวันด้วยความคิดเดียวคือ “ต้องหาเงินให้พอใช้หนี้”
นอกจากหนี้แล้ว สิ่งที่หนักไม่แพ้กันคือความรับผิดชอบต่อลูก ผมต้องส่งเงินกลับบ้านเพื่อให้ลูกได้เรียนหนังสือ ได้มีอนาคตที่ดีกว่าพ่อ การได้ยินคำว่า “พ่อไม่ต้องห่วงนะ” จากปลายสาย ทำให้หัวใจคนเป็นพ่อทั้งอบอุ่นและเจ็บปวดพร้อมกัน เพราะผมรู้ดีว่า เวลาที่ลูกเติบโต ผมอาจไม่ได้อยู่ตรงนั้นเสมอ
ชีวิตต่างแดนคือการทำงานแลกเวลา แลกแรง แลกสุขภาพ หลายครั้งที่ผมนั่งกินข้าวคนเดียว คิดถึงบ้าน คิดถึงลูก แต่ก็ต้องกลืนความคิดถึงนั้นลงไป เพราะความจริงคือผมคงยังกลับบ้านไม่ได้ ไม่ใช่เพราะไม่อยากกลับ แต่เพราะภาระยังไม่จบ หนี้ยังไม่หมด และหน้าที่ของพ่อยังไม่สิ้นสุด
แม้เส้นทางนี้จะเหนื่อยและโดดเดี่ยว แต่ผมยังเลือกเดินต่อ เพราะเชื่อว่าสิ่งที่ทำอยู่วันนี้ คือการวางรากฐานให้ลูกมีชีวิตที่มั่นคงกว่าเดิม ผมอาจไม่ใช่พ่อที่อยู่ใกล้ แต่ผมพยายามเป็นพ่อที่ไม่ทอดทิ้งความรับผิดชอบ และหวังว่าสักวันหนึ่ง เมื่อทุกอย่างคลี่คลาย ผมจะได้กลับบ้าน พร้อมคำตอบให้ตัวเองว่า ความเสียสละทั้งหมดนี้ “มันคุ้มค่าแล้ว”
#จากใจแอดมินบ่าวอุดรคนโก้

24/12/2025