What are the opening hours?

Monday 08:00 - 17:00 Tuesday 08:00 - 17:00 Wednesday 08:00 - 17:00 Thursday 08:00 - 17:00 Friday 08:00 - 17:00

Энсиклопедияи Миллии Тоҷик

Home
Tajikistan
Dushanbe
Энсиклопедияи Миллии Тоҷик

«Энсиклопедияи Миллии Тоҷик» ҷанбаи илмию оммавӣ дошта, сар аз соли 2008 таълифу тадвинаш дар Тоҷикистон шурӯъ шудааст.

карда шуд (соли 1974).

Дар Сарредаксияи илмии Энсиклопедияи Миллии Тоҷик редаксияҳои зерин мавҷуданд:
– Таърих, Фалсафа, дин ва ҳуқуқ
– Адабиёт, забон ва фолклор
– Фарҳанг, маърифат, корҳои ҳарбӣ, варзиш ва туризм
– География, геология ва петрография, геодезия, сейсмология
– Тиб, биология ва химия
– Астрономия, физика, математика ва техника
– Иқтисодиёт, саноат ва кишоварзӣ
– Назорати илмӣ ва таҳрири адабӣ
– Харита, тасвирот, саҳифабандӣ ва комплектатсия

Дар тӯли фаъолияти худ сарредаксияи илмӣ асарҳои зиёдеро, аз қабили Энсиклопедияи Советии Тоҷик (ЭСТ; дар 8 ҷилд, 1978–88), энсиклопедияи «Таджикская ССР» (1974, 1984). «Энсиклопедияи адабиёт ва санъати тоҷик» (дар 3 ҷилд, 1988, 1989, 2004), «Энсиклопедияи хоҷагии қишлоқи Тоҷикистон» (дар 2 ҷилд, 1989, 1991), энсиклопедияи «Хуҷанд» (1999, ба забони русӣ), энсиклопедияи «Душанбе» (2004, ба забони русӣ), «Энсиклопедияи мухтасари рӯзгордорӣ» (1988), маълумотномаи энсиклопедии «Револютсияи Кабири Сотсиалистии Октябр» (1987), «Ленинномаи тоҷик» (1990, ба забони русӣ), «Ҳазору як корнома» (маълумотномаи энсиклопедӣ оид ба ширкатдорони Ҷанги Бузурги Ватанӣ аз Тоҷикистон; 3 ҷилдаш ба табъ расидааст), «Энсиклопедия персидско-таджикской прозы» (1986), «Фарҳанги тиббӣ» (дар 5 ҷилд), «ал-Қонун»-и Абуалӣ ибни Сино (бори аввал ба забони тоҷикӣ, дар 5 китоб), «Китоби хотира» (2005, дар бораи шаҳидони Ҷанги Бузурги Ватанӣ аз собиқ вилояти Сталинобод), «Энсиклопедияи Миллии Тоҷик» (4 ҷилд, 2011, 2013, 2014, 2016), «Донишномаи мухтасари кӯдакон ва наврасон» (2013) ва ғайра интишор кардааст.

Сармуҳаррири илмии сарредаксияи илмӣ: Муҳаммад Осимӣ (Осимов: 1968–88). Сармуҳаррирони Сарредаксияи илмии Энсиклопедияи Миллии Тоҷик: Атахон Сайфуллоев (1975–85), Мусо Диноршоев (1986–88), Ҷ. Азизқулов (1988–96), А. Қ. Қурбонов (1996–2012), Нурмуҳаммад Амиршоҳӣ (аз соли 2012).

16/09/2025

📚Сарредаксияи илмии Энсиклопедияи Миллии Тоҷик бо ифтихор шоҳкори безаволи алломаи бузург Абурайҳони Берунӣ (973–1048), «Китобу-т-тафҳим ли авоили саноъати-т-танҷим»-ро дар шакли китоби нав ба чоп расонид.

«Китобу-т-тафҳим ли авоили саноъати-т-танҷим» аз бузургтарин шоҳкорҳои забони модарии мо дар илм аст, ки соли 1029 ба қалами Абурайҳони Берунӣ (973-1048) ба хоҳиши як духтари навомӯзи хоразмии муқими Ғазна ба тариқи пурсишу посух таълиф шудааст.

«Китобу-т-тафҳим» як донишномаи комил буда, панҷ илми муҳимми замони муаллифро дар бар мегирад:

Боби якум: Дар ҳандаса
Боби дуюм: Дар шумор
Боби сеюм: Ҳолҳои осмону Замин
Боби чорум: Дар устурлоб
Боби панҷум: Дар аҳкоми нуҷум

Ин асар ганҷинаи бебаҳои калимаву истилоҳоти қадиму асили забони модарии мост ва дар ташаккули забони илмии тоҷикӣ нақши мондагор дорад. Нашри ҳозира бо муқаддима, шарҳи луғоту истилоҳот ва тавзеҳоти донишманд Ҳасани Султон омода шудааст.

Барои харидории китоб метавонед ба Муассисаи давлатии Сарредаксияи илмии Энсиклопедияи Миллии Тоҷик муроҷиат намоед:

📍 ш. Душанбе, хиёбони Неъмат Қаробоев, 17
☎️Тел.: (992 37) 233 35 71
📈Нарх: 80 сомонӣ

#Китобуттафҳим #донишнома #энсиклопедия #нуҷум #Берунӣ #китоб #ҳандаса

05/09/2025

📚 Сарредаксияи илмии Энсиклопедияи Миллии Тоҷик дар арафаи ҷашни 34-умин солгарди ИСТИҚЛОЛИ ҶУМҲУРИИ ТОҶИКИСТОН асари беназири «Акбарнома»-и Шайх Абулфазли Муборакро ба чоп расонд.

«Акбарнома», ё «Таърихи Гӯракониёни Ҳинд» асари Шайх Абулфазли Муборак, яке аз муҳимтарин манобеъи таърихии давраи салотини Гӯраконии Ҳинд аст, ки иттилооти муҳимме дар мавриди таърих, фарҳанг, дину оин ва ҷуғрофиёи Ҳинду Осиёи Ҷануби ва Осиёи Миёнаро дар бар дорад. Аз вижагиҳои дигари ин китоб иттилооти арзишманде дар мавриди вилоёти Ҳиндустон, Афғонистон ва Мовароуннаҳр аст, ки ин асарро ба сурати яке аз манобеи муҳимми ҷуғрофияи таърихӣ дармеоварад, аз ҷумла дар он перомуни минтақаҳои гуногуни Тоҷикистони имрӯза маълумот мавҷуд аст.

Ин китоб бори аввал ба хатти кириллӣ ба чоп расидааст ва ба доираи васеи хонандагон тавсия мешавад.

«Акбарнома», ганҷинаи воқеъиест барои онҳое, ки ба таъриху фарҳанги тоҷикон ва минтақа таваҷҷуҳ доранд.

Барои харидории китоб метавонед ба Муассисаи давлатии Сарредаксияи илмии Энсиклопедияи Миллии Тоҷик муроҷиат намоед:
📍 ш. Душанбе, хиёбони Неъмат Қаробоев, 17
☎️ Тел.: (992 37) 233 35 71
❗️Шумораи нашр маҳдуд аст: 500 нусха!
📈 Нарх: 125 сомонӣ

#Акбарнома #донишнома #энсиклопедия #таърих #китоб #фарҳанг

04/09/2025

📚 Намоиш-фурӯши китоб ба ифтихори Рӯзи китоб 📚

Имрӯз, 4-уми сентябр, ба муносибати Рӯзи китоб дар назди бинои Вазорати фарҳанги Ҷумҳурии Тоҷикистон намоиш-фурӯши китобҳо баргузор гардид.

Сарредаксияи илмии Энсиклопедияи Миллии Тоҷик низ бо гӯшаи хоси худ дар ин рӯйдоди фарҳангӣ фаъолона ширкат варзида, китобҳои тозанашр ва асарҳои илмию донишномаиро ба дӯстдорони китоб пешниҳод намуд.

Ин чорабинӣ заминаи хубест барои тарғиби фарҳанги китобхонӣ ва муаррифии мероси илмӣ ва фарҳангии миллати тоҷик.

#РӯзиКитоб #Донишнома #Энсиклопедия #Фарҳанг #Тоҷикистон2025 #Китоб #Душанбе2025

25/07/2025

📚 Муассисаи давлатии Сарредаксияи илмии Энсиклопедияи Миллии Тоҷик бо хушнудӣ ба таваҷҷуҳи хонандагон ва ҳаводорони китоб мерасонад, ки асари тозанашри «ШАҲРВАНД, СИЁСАТМАДОР, САРБОЗ»-ро ба чоп расонид.

📖 Ин китоб, ки ба қалами муаллифони рус Александр Ляховский ва Вячеслав Некрасов тааллуқ дошта, аз ҷониби номзади илмҳои таърих Амирҷон Нурзода (Амирчон Нуров) ба забони тоҷикӣ тарҷума шудааст, ба зиндагӣ ва фаъолияти Қаҳрамони миллии Афғонистон Аҳмадшоҳ Масъуд бахшида шудааст.

Дар китоби «Шаҳрванд, сиёсатмадор, сарбоз» шумо метавонед бо ҷанбаҳои мухталифи шахсияти Аҳмадшоҳ Масъуд ошно шавед:

🪖Сарбоз: Муборизаҳои ӯ бар зидди нерӯҳои шӯравӣ ва баъдан муқовиматаш бо Толибон.

🤝Сиёсатмадор: Нақши ӯ дар таҳаввулоти сиёсии Афғонистон дар охири асри XX ва ибтидои асри XXI.

👤Шаҳрванд: Талошҳои ӯ дар роҳи озодии мардуми худ, ки барои он ҷонашро нисор кард.

✍️Муаллифон дар ин асар бо такя ба маводи нодири бойгонӣ ва хотироти ҳамсангарону мухолифони Аҳмадшоҳ Масъуд симои воқеии ин фармондеҳи таърихиро тасвир кардаанд.

Китоб дар заминаи воқеаҳои имрӯзаи Афғонистон ва ҷабҳаи муқовимати миллӣ бо роҳбарии писараш Аҳмади Масъуд аҳаммияти хосса касб мекунад.

Барои харидории китоб метавонед ба Муассисаи давлатии Сарредаксияи илмии Энсиклопедияи Миллии Тоҷик муроҷиат намоед:

📍 ш. Душанбе, хиёбони Н. Қаробоев, 17
☎️ Тел: (992 37) 233 35 71

❗️Теъдоди нашр маҳдуд аст — 500 нусха!
📈Нарх: 90 сомонӣ

#ЭнсиклопедияиМиллииТоҷик #КитобиНав #АҳмадшоҳиМасъуд #Донишнома #Таърих #Афғонистон #Душанбе

17/07/2025

Китоб-албоми «МЕРОСИ ТАЪРИХӢ, ФАРҲАНГӢ ВА ТАБИИИ ТОҶИКИСТОН» дар Сарредаксияи илмии Энсиклопедияи Миллии Тоҷик аз чопи баромад. Китоби мазкур, муаррифии мухтасари мероси гаронбаҳои таърихӣ, фарҳангӣ, моддӣ ва табиии кишвар мебошад.

📖 Ин китоб бар асоси таъкиди Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон (аз 19 марти соли 2018) дар вохӯрӣ бо зиёиёни мамлакат таҳия шуд, ки эшон «таҳқиқи ҷиддии мероси гаронбаҳои гузаштаи тоҷикон, ёдгориҳои фарҳангӣ ва тарғиби
суннатҳои мардумиро вазифаи муҳимтарини намояндагони илму маориф, аҳли эҷод ва ҳамаи зиёиёни мамлакат» арзёбӣ намуданд.

Китоб номгӯи ҳамаи ёдгориҳои таърихию фарҳангиро, ки то имрӯз дар Тоҷикистон сабт шудаанд, дар бар нагирифтааст. Дар он мероси таърихию фарҳангӣ ва табиии кишвар ба таври фишурдаву маҳдуд, бо вироиши тоҷикӣ, русӣ, англисию форсӣ бо ривояти аксҳо омода шудааст.

Ҳадафи асосии ин китоб муаррифии ёдгориҳои ғайриманқул мебошад, ки аз рӯи арзиши таърихӣ ва фарҳангиашон ба чанд гурӯҳ ҷудо мешаванд:
✅ Ёдгориҳои таърихӣ – биноҳо ва иншооти қадим (дахма, муҷассама, гӯристон,
димна, масҷид, мадраса, оромгоҳ, ибодатгоҳ, мазор, мақбара, манора), ки
рӯйдодҳои муҳимми ҷомеа, давлат, рӯзгори мардум ва бузургдошти фаъолияти
ходимони барҷастаи ҷамъиятию сиёсӣ ва илму фарҳангро таҷассум мекунанд.
✅ Ёдгориҳои шаҳрсозӣ ва меъморӣ – ансамблҳо, маҷмааҳои меъморӣ, мавзеъҳои таърихӣ, маҳаллаҳо, майдонҳо, кӯчаҳо, гулбоғҳо, бозмондаҳои мавзеъҳои қадими маскунӣ (ғорҳо, бошишгоҳ, деҳкада, шаҳр), иншооти меъмории низомӣ, саноатӣ, намунаи ҳунарҳои мардумӣ, мероси тасвирию ороишӣ, ки арзиши бузурги миллӣ ё ҷаҳонӣ доранд.
✅Ёдгориҳои бостон, ки маъмулан зери замин ниҳон буда, дар байни мардум бо номҳои сохтаву асотирӣ машҳуранд.
✅Манзараҳои табиӣ – офаридаҳои беназири омехтаи маснуӣ ва табиӣ, мавзеъҳои бостонӣ, ки арзиши таърихӣ, фарҳангӣ, этнографӣ ва антропологӣ доранд.

Китоби «Мероси таърихӣ, фарҳангӣ ва табиии Тоҷикистон» дар ҳаҷми 300 саҳифа нашр шудааст ва барои доираи васеъи алоқамандон, сайёҳон ва пажӯҳишгарон пешниҳод мегардад.

🏢 Барои харидории китоб, хоҳишмандон метавонанд ба Муассисаи давлатии Сарредаксияи илмии Энсиклопедияи Миллии Тоҷик воқеъ дар шаҳри Душанбе, хиёбони Н. Қаробоев, 17 муроҷиат намоянд.

☎️ (992 37) 233 35 70.

#ЭнсиклопедияиМиллииТоҷик #Китоб #МеросиТоҷикистон #Фарҳанг #Таърих #Сайёҳӣ #ТаърихиМиллат #ФарҳангиБостон

01/07/2025

📣 Нашри китоби нави донишномаӣ ва мусаввар барои кӯдакону наврасон — «Сайёраи Замин».

✅ Дар Сарредаксияи илмии Энсиклопедияи Миллии Тоҷик китоби нав таҳти унвони «Сайёраи Замин» аз силсилаи донишномаҳо барои кӯдакон ва наврасон аз чоп баромад.

📗 Ин донишномаи зебову мусаввар фарзандони шуморо ба як саёҳати илмӣ бурда, бо муҳимтарин донишҳо дар бораи хонаи умумии мо — ЗАМИН ошно мекунад. Дар китоб мавзуъҳои зерин ба таври оммафаҳм ва ҷолиб баён шудаанд:

📌 Таърихи пайдоиш ва таҳаввули сайёраи мо;
📌 Сохтори Замин ва тавсифи илмии қабатҳои он;
📌 Падидаҳои аҷиби табиӣ, ки дар рӯи Замин ба вуқӯъ мепайванданд;
📌 Олами рангини наботот ва ҳайвонот;
📌 Масъалаҳои муҳими ҳифзи муҳити зист ва зарурати нигоҳдории сайёра барои наслҳои оянда.

🌍 «Сайёраи Замин» як манбаи боэътимоди дониш буда, бо такя ба охирин пажӯҳишҳои илмӣ таҳия шудааст. Ин китоб туҳфаи арзандаест, ки метавонад ба ташаккули ҷаҳонбинии илмии фарзанди шумо мусоидат карда, ӯро ба омӯзиши илмҳои табиатшиносӣ ва дӯст доштани табиат ҳидоят намояд.

📚 Хоҳишмандон метавонанд ин китоби муфид ва зеборо аз Муассисаи давлатии Сарредаксияи илмии Энсиклопедияи Миллии Тоҷик дастрас намоянд.

📍 Нишонӣ: ш. Душанбе, хиёбони Неъмат Қаробоев, 17.
📞 Телефон: (992 37) 233 35 71.

#ЭнсиклопедияиМиллииТоҷик #Китоб #Замин #Донишнома #Кӯдакон #Илм #Табиат #МуҳитиЗист #Тоҷикистон #Китобхонӣ

24/06/2025

📣 Нашри асари тоза ва арзишманди пажӯҳишӣ — китоби «Заминаҳои рушди забони форсии дарӣ то асри Сомонӣ» -и муҳаққиқ Доктор Маҳдӣ

Китоби «Заминаҳои рушди забони форсии дарӣ то асри Сомонӣ», муқаддимаест барои касоне, ки ба таҳқиқ дар чуну чанди рушди забони форсии дарӣ дар асри Сомонӣ ҳиммат мегуморанд.

Доктор Маҳдӣ бо такя ба манобеи нав ва катибаҳои тоза кашфшуда дар ҳудуди Афғонистони имрӯза , назарияи ҷолиберо пешниҳод мекунад: забони дарӣ натиҷаи таҳаввули забони паҳлавӣ нест, балки модарзабони он дар шарқи қаламрави Эрон, дар Тахористон (Бохтари қадим), аз ибтидои асрҳои милодӣ забони расмии адабӣ будааст.

Ин пажӯҳиш, ки идомаи таҳқиқоти бузургоне чун Садриддин Айнӣ, Маликушшуаро Баҳор ва Абдулҳай Ҳабибӣ маҳсуб мешавад, барои ҳалли яке аз муаммоҳои таърихи мардумони эронитабор қадами муҳиме ба пеш мегузорад.

📚 Хоҳишмандон метавонанд ин китоби пурарзишро аз Муассисаи давлатии Сарредаксияи илмии Энсиклопедияи Миллии Тоҷик дастрас намоянд.

📍 Суроға: ш. Душанбе, хиёбони Н. Қаробоев, 17.
📞 Телефон: (992 37) 233 35 71.

#ЭнсиклопедияиМиллииТоҷик #КитобиНав #Забон #ЗабониТоҷикӣ #ЗабониФорсӣ #ЗабониДарӣ #Таърих #Сомониён #Пажӯҳиш #Тоҷикистон #Китобхонӣ

23/06/2025

📖✨ Ҷилди 11-уми Энсиклопедияи миллии тоҷик аз чоп баромад!

📚Ин ганҷинаи бебаҳои маърифат, ки бо заҳмати зиёди донишмандон, муҳаққиқон ва кормандони Сарредаксияи илмии Энсиклопедияи миллии тоҷик таҳия шудааст, дастоварди бузурги фарҳангии кишвар дар роҳи таҳкими худшиносии миллӣ ва арҷгузорӣ ба таъриху тамаддуни оламшумули миллати тоҷик мебошад.

Энсиклопедияи миллии тоҷик ҳамчун санади муътамади илмӣ ва маърифатӣ, доираи васеи маълумотро дар бораи таърих, илм, адабиёт, фарҳанг, санъат, ҷуғрофиё, ҳаёти сиёсию иҷтимоӣ ва симоҳои барҷастаи миллати тоҷик ва ҷаҳон фаро мегирад.

Ҳар як ҷилди ин донишнома як қадами устувор дар роҳи ба наслҳои оянда ба мерос гузоштани дороиҳои маънавии халқамон аст.

Дастгирии Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар ин иқдоми бузурги фарҳангӣ ҳамеша эҳсос мегардад ва маҳз бо ташаббус ва ғамхориҳои пайвастаи сарвари давлат ин корвони маърифат роҳи худро бомуваффақият идома медиҳад.

Энсиклопедияи миллии тоҷикро аз китобхонаҳои кишвар ва фурӯшгоҳҳои китоб дастрас намоед ва аз ин чашмаи пурбаҳои дониш баҳравар гардед!

📌 Барои харидорӣ:
Муассисаи давлатии Сарредаксияи илмии Энсиклопедияи Миллии Тоҷик
📍 Душанбе, хиёбони Н. Қаробоев, 17
📞 Тел: (992 37) 233 35 71

#ЭнсиклопедияиМиллииТоҷик #Донишнома #Китоб #Фарҳанг #Тоҷикистон #Илм #Маориф #Энсиклопедия #Китобхонӣ

26/04/2025

📢 Шанбегӣ дар Муассисаи давлатии Сарредаксияи илмии Энсиклопедияи миллии тоҷик

Имрӯз, кормандони Сарредаксияи илмии Энсиклопедияи миллии тоҷик бо ҳам омада, дар шанбегии ҷумҳуриявӣ фаъолона иштирок карданд.🇹🇯

🎯 Ҳадаф — тоза ва обод нигоҳ доштани муҳити корӣ ва атрофи муассиса.

Кормандон бо рӯҳияи баланди меҳандӯстӣ:
♻️ гирду атрофро аз партовҳо тоза карданд;
🌿 рустаниҳои ҳарзаро барканда;
🧹 ҳавлӣ ва кӯчаро рӯбучин намуданд.

✨ Бо ҳамбастагӣ ва заҳмати муштарак муҳити кории мо боз ҳам зеботару озодатар гардид.🏞️

❤️ Тозагӣ — гарави саломатист!

#Шанбегӣ #Тозакорӣ #Энсиклопедия #МуҳитиСолим #Ҳамкорӣ #Донишнома #Душанбе

20/03/2025

🌺 Наврӯз муборак, дӯстони гиромӣ! 🌸

Бо фарорасии Наврӯз – оғози баҳор ва эҳёи табиат, ҳамаи Шумо, азизонро самимона табрик мегӯем! Ин ҷашни бостонӣ на танҳо рамзи бедории табиат, балки рамзи дӯстӣ, ваҳдат ва эҳёи суннатҳои аҷдодӣ мебошад. Орзумандем, ки аз Наврӯз то Наврӯз зиндагии ҳар яки шумо пур аз шодӣ, бахту саодат ва баракату комёбӣ бошад.

📖 Ба ҳамаи дӯстдорони фарҳанг ва таърихи мардуми мо китоберо тавсия медиҳем, ки яке аз муҳимтарин сарчашмаҳои илмӣ дар бораи Наврӯз ва дигар ҷашнҳои миллии мост.
📙 "НАВРӮЗ ва ҷашнҳои дигар", ҷилди севуми «Донишномаи фарҳанги мардуми тоҷик» мебошад, ки мавзӯъҳои зерро дар бар мегирад:
📜 Таърихи пайдоиши Наврӯз ва суннатҳои марбут ба он,
📌 Омӯзиши нақши Наврӯз дар фарҳангу адабиёти классикӣ,
✍️ Таҳқиқи дигар ҷашнҳои миллӣ, аз ҷумла Меҳргон ва Сада,
📌 Ҷанбаҳои илмӣ, динӣ ва иҷтимоии Наврӯз дар ҷаҳони муосир.

📚 Ин китоб барои ҳар касе, ки мехоҳад дар бораи таърихи пурғановати ҷашнҳои мардумии мо маълумоти амиқ гирад, манбаи гаронбаҳост.
-----
📥 Барои боргирии ройгони нусхаи электронӣ:
🔗 https://t.me/donishnoma/71?single

📌 Барои харидорӣ:
Муассисаи давлатии Сарредаксияи илмии Энсиклопедияи Миллии Тоҷик
📍 Душанбе, хиёбони Н. Қаробоев, 17
📞 Тел: (992 37) 233 35 71

Наврӯзатон хуҷаста бод! 🌿✨

#Наврӯз #Навруз #Донишнома #Фарҳанг

19/03/2025

Дар намоишгоҳи фурӯши китоб ба муносибати ҷашни Наврӯз

18/02/2025

📢 Нашри китоби «Дастури шатранҷбозӣ»♟️📖

Дар Сарредаксияи илмии Энсиклопедияи Миллии Тоҷик китоби «Дастури шатранҷбозӣ» ба нашр расид.

📖 Муаллиф: Обиди Шакурзода
📍 Нашр: Душанбе, 2024
📗 ISBN: 978-99985-0-086-0
🔢 Ҳаҷм: 272 саҳифа

🔍 Китоби мазкур барои кӣ аст?
✅ Шурӯъкунандагоне, ки мехоҳанд шатранҷро аз ибтидо омӯзанд
✅ Бозикунони ҳирфаӣ, ки мехоҳанд роҳбурдҳо ва маҳорати худро такмил диҳанд
✅ Дӯстдорони таърих, ки мехоҳанд дар бораи рушди шатранҷ дар фарҳанги мо маълумот гиранд

📌 Ин аввалин дастури мукаммали шатранҷ ба забони тоҷикӣ мебошад, ки бо сабки равону омӯзишӣ таҳия шудааст.

📞 Барои маълумоти бештар ва дарёфти китоб, метавонед бо шумораи 233 35 71 тамос гиред.
-----
#китоб #донишнома #шатранҷ #шоҳмот

Address

Dushanbe

Opening Hours

Monday	08:00 - 17:00
Tuesday	08:00 - 17:00
Wednesday	08:00 - 17:00
Thursday	08:00 - 17:00
Friday	08:00 - 17:00

Telephone

+992372333571

Website

http://donishnoma.tj/

Alerts

Be the first to know and let us send you an email when Энсиклопедияи Миллии Тоҷик posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Энсиклопедияи Миллии Тоҷик:

Shortcuts

Address
Telephone
Opening Hours
Alerts
Contact The Business
Claim ownership or report listing

Want your business to be the top-listed Media Company in Dushanbe?

Сарредаксияи илмии Энсиклопедияи Миллии Тоҷик

Сарредаксияи илмии Энсиклопедияи Миллии Тоҷик (хиёбони Неъмат Каробоев, 17, Душанбе, Тоҷикистон) — муассисаи илмию нашриявии Вазорати фарҳанги Ҷумҳурии Тоҷикистон. То соли 1991 Сарредаксияи илмии Энсиклопедияи Советии Тоҷик. Дар назди Президиуми Академияи илмҳои ҶШС Тоҷикистон соли 1968 таъсис ёфта, ба таркиби Кумитаи давлатии ҶШС Тоҷикистон оид ба корҳои нашриёт, полиграфия ва савдои китоб дохил карда шуд (соли 1974). Дар Сарредаксияи илмии Энсиклопедияи Миллии Тоҷик редаксияҳои зерин мавҷуданд: – Таърих, Фалсафа, дин ва ҳуқуқ – Адабиёт, забон ва фолклор – Фарҳанг, маърифат, корҳои ҳарбӣ, варзиш ва туризм – География, геология ва петрография, геодезия, сейсмология – Тиб, биология ва химия – Астрономия, физика, математика ва техника – Иқтисодиёт, саноат ва кишоварзӣ – Назорати илмӣ ва таҳрири адабӣ – Харита, тасвирот, саҳифабандӣ ва комплектатсия Дар тӯли фаъолияти худ сарредаксияи илмӣ асарҳои зиёдеро, аз қабили Энсиклопедияи Советии Тоҷик (ЭСТ; дар 8 ҷилд, 1978–88), энсиклопедияи «Таджикская ССР» (1974, 1984). «Энсиклопедияи адабиёт ва санъати тоҷик» (дар 3 ҷилд, 1988, 1989, 2004), «Энсиклопедияи хоҷагии қишлоқи Тоҷикистон» (дар 2 ҷилд, 1989, 1991), энсиклопедияи «Хуҷанд» (1999, ба забони русӣ), энсиклопедияи «Душанбе» (2004, ба забони русӣ), «Энсиклопедияи мухтасари рӯзгордорӣ» (1988), маълумотномаи энсиклопедии «Револютсияи Кабири Сотсиалистии Октябр» (1987), «Ленинномаи тоҷик» (1990, ба забони русӣ), «Ҳазору як корнома» (маълумотномаи энсиклопедӣ оид ба ширкатдорони Ҷанги Бузурги Ватанӣ аз Тоҷикистон; 3 ҷилдаш ба табъ расидааст), «Энсиклопедия персидско-таджикской прозы» (1986), «Фарҳанги тиббӣ» (дар 5 ҷилд), «ал-Қонун»-и Абуалӣ ибни Сино (бори аввал ба забони тоҷикӣ, дар 5 китоб), «Китоби хотира» (2005, дар бораи шаҳидони Ҷанги Бузурги Ватанӣ аз собиқ вилояти Сталинобод), «Энсиклопедияи Миллии Тоҷик» (4 ҷилд, 2011, 2013, 2014, 2016), «Донишномаи мухтасари кӯдакон ва наврасон» (2013) ва ғайра интишор кардааст. Сармуҳаррири илмии сарредаксияи илмӣ: Муҳаммад Осимӣ (Осимов: 1968–88). Сармуҳаррирони Сарредаксияи илмии Энсиклопедияи Миллии Тоҷик: Атахон Сайфуллоев (1975–85), Мусо Диноршоев (1986–88), Ҷ. Азизқулов (1988–96), А. Қ. Қурбонов (1996–2012), Нурмуҳаммад Амиршоҳӣ (аз соли 2012).