Qual é o horário de funcionamento?

Segunda-feira 08:30 - 17:30 Terça-feira 08:30 - 17:30 Quarta-feira 08:30 - 17:30 Quinta-feira 08:30 - 17:30 Sexta-feira 08:30 - 17:30 Sábado 08:30 - 17:00

Conselho Diretivo Tatoli,IP

Página Inicial
Timor-leste
Dili
Conselho Diretivo Tatoli,IP

Informações para nos contactar, mapa e direções, formulário para nos contactar, horário de funcionamento, serviços, classificações, fotos, vídeos e anúncios de Conselho Diretivo Tatoli,IP, Empresa de comunicação e notícias, Travesa Sergio veira de Melo No; 10 Farol, Dili.

03/12/2025

DILI, 02 Dezembru 2025 (TATOLI)-Ajénsia Notisioza Timor-Leste, Institutu Públiku (TATOLI, I.P.), hala’o enkontru no retiru anuál ba fulan ikus tinan 2025, ne’ebé partisipa husi Konsellu Diretivu to’o funsionáriu hotu-hotu ne’ebé hakna’ar-an iha TATOLI.

Atividade ne’e hala’o iha loron 02 Dezembru 2025, iha Memorial Dare, Postu Administrativu Vera Cruz, Munisípiu Dili, ho tema: “Transforma Frakeza ba Forsa hodi Serbí”.

Prezidente TATOLI, I.P., Noemio Falcão, hateten enkontru anuál ne’e nia objetivu mak atu fó prioridade ba avaliasaun dezempenu servisu durante tinan 2025 no prepara hamutuk planu implementasaun programa ba tinan 2026.

“Avaliasaun ne’e importante atu identifika frakeza no atinjimentu sira durante tinan ida-ne’e, hodi transforma funsionamentu iha TATOLI atu kontinua fó servisu di’ak liu ba povu,” Prezidente sublina.

11/11/2025

Dili, 11 Novembru 2025 (TATOLI)—Sekretáriu Estadu Komunikasaun Sosial (SEKOMS), Expedito Loro Dias Ximenes vizita servisu konstruksaun edifísiu adisionál TATOLI, I.P. iha Farol, Díli.

Vizita ne’e hala’o iha momentu reuniaun regular kada fulan entre SEKOMS, Konsellu Diretivu no kargu xefia sira TATOLI, I.P.

Konstruksaun edifísiu adisionál ne’e hetan apoiu husi Ministériu Planeamentu no Investimentu Estratéjiku (MPIE) tuir nesessidade TATOLI nian no ho objetivu atu hadi’a kondisaun instalasaun no kapasidade operasionál, fasilita prosesu produsaun notísia no fortalese funsionamentu institusional.

29/10/2025

Thank you very much to BERNAMA. Our work together as a cooperation has started smoothly and very well during the ASEAN Summit and the historic moment of Timor-Leste's accession to this great organization. TATOLI directly and indirectly learned a lot from BERNAMA's coverage during the biggest event in Malaysia. By seen from your style of publications and showing itself as a state media it became and will be a great reference. On behalf of my colleagues, I appreciate and hope that in the future we will work together better and help when in the future Timor-Leste hosts ASEAN events every year. The two state media must celebrate an agreement to further strengthen our friendship and all arrangements to become the best information bridge in our region and to the world. Thank you very much. President of TATOLI, I.P., Noémio Falcão

29/10/2025

DILI, 28 Oktober 2025 (TATOLI) – Australian Broadcasting Corporation International Development (ABC ID) menyelenggarakan pelatihan Storytelling dan Mobile Journalism (MoJo) bagi 10 Jurnalis TATOLI, I.P. Pelatihan tersebut bertujuan untuk memperkuat kapasitas profesional jurnalis dalam bidang pence...

28/10/2025

𝘼𝘽𝘾𝙄𝘿 𝙛𝙖𝙨𝙞𝙡𝙞𝙩𝙖 𝙛𝙤𝙧𝙢𝙖𝙨𝙖𝙪𝙣 𝙠𝙤𝙣𝙖-𝙗𝙖 𝙎𝙩𝙤𝙧𝙮𝙩𝙚𝙡𝙡𝙞𝙣𝙜 𝙣𝙤 𝙈𝙤𝙗𝙞𝙡𝙚 𝙅𝙤𝙪𝙧𝙣𝙖𝙡𝙞𝙨𝙢 𝙗𝙖 𝙅𝙤𝙧𝙣𝙖𝙡𝙞𝙨𝙩𝙖 𝙏𝘼𝙏𝙊𝙇𝙄, 𝙄.𝙋.
Dili, 28 Outubru 2025 (TATOLI) – Australian Broadcasting Corporation International Development (ABCID) organiza formasaun kona-ba Storytelling no Mobile Journalism (MoJo) iha Palm Business Center, Bairro-Pite, Díli.

Formasaun ne’e envolve partisipasaun hosi jornalista TATOLI nain-10 durante loron rua, ho objetivu atu hadi’a kapasidade profisionál iha área narasaun istória no utilizasaun teknolozia móvel ba produzaun kontéudu jurnalístiku.

Prezidente TATOLI, I.P., Noémio Mateus Soares Falcão, loke ofisiál formasaun ne’e no hato’o agradesimentu ba ABCID ba kooperasaun kontinua iha área formasaun no apoiu téniku ba Jornalista Timoroan sira hotu liuliu Jornalista TATOLI nu’udar media Estadu Timor-Leste nian.

“Iha tempu agora, kompetisaun iha mundu média maka’as tebes. Profisionál sira presiza adapta ho mudansa teknológiku no kreativu iha kontéudu. Formasaun hanesan ne’e ajuda atu aumenta kualidade no inovasaun iha produzaun média,” sublinha Prezidente TATOLI iha nia liafuan abertura.

Formadora nain-rua husi ABCID, Julie Hornsey no Caroline Winter, maka fasilita sesaun sira ne’ebé foka ba ténika Storytelling, narasaun audiovizual no ezersísiu praktika ho fasilidade móvel.

Prezidente TATOLI, I.P. motiva jornalista sira atu aproveita oportunidade formasaun ne’e nu’udar parte husi prosesu aprendizajen kontinu, atu nune’e bele kontribui liu tan ba dezenvolvimentu média profisionál iha Timor-Leste.

22/10/2025

TATOLI apresenta Ezekusaun Orsamentu 2025 no Proposta ba 2026 iha Audénsia ho Komisaun G Parlamentu Nasionál

Díli, 20 Outubru 2025 (TATOLI) – Prezidente Konsellu Diretivu TATOLI, I.P., Noémio Mateus Soares Falcão, hamutuk ho ekipa téknika, marka audénsia ho Komisaun G Parlamentu Nasionál ne’ebé trata asuntu Edukasaun, Juventude, Kultura no Sidadania.

Objetivu audénsia ne’e hodi atualiza ezekusaun orsamentu Ajénsia TATOLI, I.P. iha tinan 2025 no aprezenta mos proposta orsamentu ba tinan fiskál 2026.
Durante apresentasaun, Prezidente TATOLI, I.P. hatete katak taxa ezekusaun orsamentu iha tinan 2025 atinji ona 69%, ekivalente USD 458,764.16, husi total alokasaun USD 667,055.00.

Ba tinan 2026, Ajénsia TATOLI, I.P. hetan proposta orsamentu ho montante USD 751,548.00, ne’ebé fahe hanesan tuir mai:
* Saláriu no Vensimentu: USD 451,126.00
* Bens no Servisu Korente: USD 200,422.00
* Kapitál Minór: USD 100,000.00

Orsamentu ne’e propoin hodi sustenta programa prioridade, funsionamentu no dezenvolvimentu institusionál Ajénsia TATOLI, I.P., hodi kontinua garante asesu livre ba informasaun públiku.

Iha audénsia públiku ne’e, marka prezensa Sekretáriu Estadu Komunikasaun Sosiál, Expedito Dias Ximenes, membru deputadu sira husi Komisaun G, Prezidente RTTL, E.P., Diretór Ezekutivu Konsellu Imprensa, Diretór Jerál no ekipa téknika husi Ajénsia TATOLI, I.P.

Audénsia ne’e hala’o iha sala Komisaun G Parlamentu Nasionál.

22/10/2025

Díli, 21 Outubru 2025 (TATOLI) – Prezidente Konsellu Diretivu TATOLI, I.P., Noémio Mateus Soares Falcão, hamutuk ho Vise-Prezidente ba Asuntu Média no Jurnalístika, Zezito da Silva, no Vise-Prezidente ba Asuntu Administrasaun no Finansas, Madalena Pereira Carlos, hala’o enkontru ho Koordenadora Consultório de Língua para Jornalistas (CLJ), Elísia Ribeiro.

Enkontru ne’e iha objetivu atu diskute pontu kooperasaun entre entidade rua iha área jornalizmu, inklui inisiativa hodi reforsa kapasidade linguístika jornalista sira.

Durante okaziaun ne’e, Elísia Ribeiro mos hala’o vizita ba Ajénsia TATOLI, I.P., hodi haree besik liu tan prosesu no rutina servisu jornalista iha ajénsia nian.

Iha enkontru ne’e, marka mos prezensa hosi Xefe Redasaun, Evaristo Martins, no Koordenadór Kontrolu Kualidade, Rafael Belo, akompaña husi ekipa seksaun portugés.

14/10/2025

DILI, 14 Outubru 2025 (TATOLI) – Xefe Boot ABC International Development, Sra. Claire Gorman akompana husi Senior Project Manager ABCID iha Timor-Leste, Sra. Fiona Churchma, representante ABC International Services, Sra. Evin Hayes, no representante ABCID iha Papua Nova Guiné, Sr. Aaron Kearney, halo vizita ofisiál no reuniaun ho Prezidente Konsellu Diretivu Ajénsia Notísia TATOLI, I.P., Noémio Falcão, akompana husi Vise-Prezidente Asuntu Administrativu no Finansas, Sra. Madalena Pereira Carlos, iha Farol, Díli.

Objetivu sorumutu ne’e reforsa liutan kooperasaun entre TATOLI no ABC International Development, liuliu iha área troka kontéudu, formasaun profisionál ba jornalista sira, lideransa no apoiu tékniku.

Iha reuniaun nian, parte rua kontente ho relasaun ida ne’ebé ezisti entre instituisaun sira nian, no prontu atu kontinua liu tan kolaborasaun iha futuru atu kontribui ba dezenvolvimentu midia profisionál liuliu Ajensia Notisioza Estadu Timor-Leste nian.

Sra. Claire Gorman hatete, ABC International Development prontu atu kontinua sustenta inisiativa ida-ne’e, no hakarak asina nota kooperasaun ho TATOLI, I.P. iha fulan dezembru tinan ne’e.

Prezidente TATOLI, Sr. Noémio Falcão, hato’o agradesimentu ba vizita no apoiu husi ABC, no konkorda katak servisu hamutuk entre parte rua ne’ebe la’o tiha ona kontinua nafatin no parte rua prepara daudaun akordu kooperasaun.

Sublina katak, kooperasaun TATOLI ho ABC International Development importante no tau iha prioridade dahuluk kooperasaun internasional nian.

08/10/2025

TATOLI HAKBESIK: Lideransa TATOLI Diskuti Preparasaun Tekniku no Operasional Ba Implementasaun iha Maubisse

Díli, 07 Otubru 2025 (TATOLI) – Prezidente Konsellu Diretivu TATOLI, I.P, Noémio Mateus Soares Falcão, hamutuk ho Vise-Prezidente Asuntu Média no Jurnalístika, Zezito da Silva no Vise-Prezidente Asuntu Administrasaun no Finansas, Madalena Pereira Carlos, hala’o enkontru hodi diskuti pontu-prinsipál kona-ba preparasaun tekniku no operasional molok implementasaun Programa TATOLI HAKBESIK iha Postu Administrativu Maubisse, Munisípiu Ainaro, iha loron 13 Outubru 2025.

Objetivu prinsipal hosi enkontru ne’e mak atu fó atualizasaun no reforsa koordinasaun entre parte relevantes sira, hodi assegura preparasaun tekniku no planeamentu servisu hotu-hotu ligadu ho implementasaun Programa TATOLI HAKBESIK.

Enkontru ne’e hala’o iha Ajénsia Notisióza TATOLI, I.P., Faról – Díli.

21/09/2025

DILI, 19 Setembru 2025 (TATOLI) – Delegasaun husi Ajénsia Notísia Nasionál Malázia (BERNAMA) hala'o vizita ba ajénsia notísia ofisiál Timor-Leste, TATOLI, hodi reafirma kompromisu parte rua nian hodi hametin kooperasaun mídia nian.

Delegasaun husi BERNAMA ne'e ho membru na'in 10 lidera hosi Adjuntu Xefe-Editór Servisu Notísia nian, Mohd Shukri Ishak. Sira-nia prezensa simu direitamente husi Prezidente Konsellu Administrasaun TATOLI nian, I.P, Noémio Falcão, ne’ebé tara tais símbolu amizade nian.
Hafoin serimónia boas-vindas, parte rua ne’e hala’o enkontru kuaze minutu 30, hafoin enkontru delegasaun hala’o vizita sala redasaun, inklui sala multimédia no estúdiu mini live streaming.

Adjuntu Xefe-Editór Servisu Notísia nian, Mohd Shukri Ishak subliña katak iha vizita ne'e BERNAMA haree oportunidade barak ba kolaborasaun ho TATOLI, ne’ebé bele formaliza iha Memorandu Entendimentu (MoU).

"Ami haree oportunidade ba kolaborasaun entre BERNAMA ho TATOLI hodi estabelese MoU ba troka notísia no troka programa nian. Ami hein katak ida ne’e bele implementa, tanba sei iha tan kontinuasaun diskusaun hodi estabelese kolaborasaun ida ne’ebé forte liu, atu parte rua fasilita malu bele notísia", Mohd Shukri Ishak, hateten iha TATOLI.

Nia esplika aleinde ne'e kooperasaun potensiál ne’ebé diskute mak troka destakasaun jornalista sira, iha ne’ebé jornalista TATOLI sira bele ba serbisu ho BERNAMA no husi BERNAMA bele mai serbisu ho TATOLI ida-ne'e bele hasa’e entendimentu no koñesimentu entre Malázia no Timor-Leste.
Prezidente Konsellu Administrasaun TATOLI nian, I.P, Noémio Falcão subliña vizita BERNAMA nian mai Timor-Leste ne’e atu halo dokumentasaun ida sira-nia nesesidade liuliu liga ho Timor-Leste nia adezaun ba ASEAN.

"Ohin ami ko'alia kona-ba kestaun importante sira interese mútuo nian. Parte rua konkorda atu prepara projetu ida akordu koperasaun nian ne'ebé sei asina iha loron 26 Outubru, bainhira Timor-Leste ofisialmente adere ba ASEAN. Pontu prinsipál sira hosi projetu ne'e maka troka jornalista sira, formasaun no troka konteúdu notísia entre nasaun rua nian", nia esplika.

Nia hatutan sira mós diskute kona-ba estabelesimentu korespondente BERNAMA ida iha Timor-Leste no korespondente TATOLI ida iha Malázia ida-ne'e mós tama iha ajenda.
"Ida-ne'e sei hametin troka informasaun entre nasaun rua no apoia Timor-Leste nia pozisaun iha palku internasional", nia konklui.

BERNAMA (Ajénsia Notísia Nasionál Malázia nian) maka ajénsia notísia ofisiál Governu Malázia nian, ne'ebé harii iha tinan 1967 liuhosi Lei Parlamentu nian no hahú operasaun iha loron 20 fulan-Maiu tinan 1968. Nia funsiona hanesan órgaun autónomu ida iha Ministériu Transporte nia okos no iha sede iha Wisma Bernama, Kumpur Lumpur.
Entretantu, TATOLI – Agência Noticiosa de Timor-Leste, I.P., nu’udar ajénsia notisioza ofisiál Timor-Leste nian, ne’ebé lansa iha loron 27 fulan Jullu tinan 2016. Nu’udar fornesedór informasaun nasionál, TATOLI dezempeña papél vital hodi hato’o notísia ofisiál governu nian no dezenvolvimentu sira ikus liu iha Timor-Leste ba públiku, tantu doméstiku no internasionál.

Vizita BERNAMA nian ba TATOLI la’ós de’it marka esforsu atu hametin relasaun ho mídia maibé reflete mós apoiu Malázia nian ba Timor-Leste bainhira konsolida nia pozisaun foun iha ASEAN nia laran.

Endereço

Travesa Sergio Veira De Melo No; 10 Farol
Dili

Horário de Funcionamento

Segunda-feira	08:30 - 17:30
Terça-feira	08:30 - 17:30
Quarta-feira	08:30 - 17:30
Quinta-feira	08:30 - 17:30
Sexta-feira	08:30 - 17:30
Sábado	08:30 - 17:00

Website

http://www.tatoli.tl/

Notificações

Seja o primeiro a receber as novidades e deixe-nos enviar-lhe um email quando Conselho Diretivo Tatoli,IP publica notícias e promoções. O seu endereço de email não será utilizado para qualquer outro propósito, e pode cancelar a subscrição a qualquer momento.