Secretário de Estado de Terras e Propriedades - SETP

28/08/2025

https://www.mj.gov.tl/?q=node/1983

Lisboa, 28 Agostu 2025 – Sekretáriu Estadu Terras no Propriedades (SETP), Sr. Jaime Xavier Lopes, M.Eng. hamutuk ho ekipa delegasaun, hala’o vizita servisu ba Sidade Lisboa, Repúblika Portugál, hodi hala'o reuniaun kona-ba dokumentu rai nian ne’ebé uluk prodús iha tempu Administrasaun Por...

27/08/2025

SETP HALA’O VIZITA SERVISU BA PORTUGAL HODI REALIZA ENKONTRU HO ENTIDADE NE'EBÉ ARKIVA DOKUMENTU RAI HISTÓRIKU IHA TEMPU ADMINISTRASAUN PORTUGUEZA IHA TIMOR

Lisboa, 28 Agostu 2025 – Sekretáriu Estadu Terras no Propriedades (SETP), Sr. Jaime Xavier Lopes, M.Eng. hamutuk ho ekipa delegasaun, hala’o vizita servisu ba Sidade Lisboa, Repúblika Portugál, hodi hala'o reuniaun kona- ba dokumentu rai nian ne’ebé uluk prodús iha tempu Administrasaun Portugueza iha Timor-Leste.

Molok hala'o vizita ba instituisaun sira, SETP hasoru malu uluk ho Embaixadora Timor-Leste ba Portugal, Sra. Isabel Guterres, Konsilleiru Embaixada, Sr. Liborio Pereira, Secretária Embaxadora inklui Adida na'in-rua ba asuntu komérsiu no imigrasaun hodi introdús objetivu programa vizita SETP ho ekipa delegasaun nian iha Portugal, atu bele hala'o reuniaun ho instituisaun espesífiku sira ne'ebé iha responsbilidade kona-ba Arquivo Históriku Ultramarino liu-liu Timor nian no halo mós verifikasaun fizikamente ba dadus ekipamentu Software no Hardware projetu sistema Nasional Cadastro (SNC) nian ne'ebé antes ne'e entrega ona ba Embaixada TL iha tinan 2020.

Maibé atu hetan informasaun sira kona-ba arkivu sira ne'e, iha posibilidade Governu Timor-Leste liuhosi Ministériu justisa, Sekretáriu Estadu Terras no Propriedades sei liu hosi akordo kooperasaun mútua ida ho Ministério Arte Cultura (MAC) Portugal nian.

Partisipa iha enkontru ne'e, kompostu hosi Diretór Geral do Livro de Arquivos e da Biblioteca Potugal Sr. Luis Filipe dos Santos, Embaixadora Timor-Leste ba Portugal, Sra. Isabel Guterres, Konsilleiru Embaixada, Sr. Liborio Pereira, Secretária Embaxadora inklui Adida na'in-rua ba asuntu Komérsiu no Imigrasaun.

Portantu, Ekipa delegasaun SETP kompostu hosi Sekretáriu Estadu Terras no Propriedades, Sr. Jaime Xavier Lopes, M.Eng. Xefe Gabinete SETP, Sr. Mariano Barreto, Assessór hosi Gabinete Ministru Justisa, Dr. Ponciano da Cruz Leite, Assessór Jurídico Direito Real. Dr. Paulo Eliseu, no Xefe Portocolo SETP, Sr. Domingos Bulo de Araújo.

Mídia SETP

20/08/2025

SETP PARTISIPA IHA KONFERÉNSIA INTERNASIONAL KONA-BA REFORMA SETÓR DEFEZA NO SEGURANSA

Díli, 20 Agostu 2025 – Sekretáriu Estadu Terras no Propriedades (SETP), Sr. Jaime Xavier Lopes, M.Eng., partisipa iha Konferénsia Internasional ida ne’ebé hala’o iha Salão Nobre Ministério Negócios Estrangeiros no Cooperação (MNEC). Konferénsia ida-ne’e realiza ho téma: “A Reforma do Setór da Defesa e Segurança: o Ensino Superior Militar, a Liderança e a Defesa dos Recursos Nacionais”.

Eventu ida-ne’e organiza hosi Ministério da Defesa hamutuk ho Sekretáriu-Jerál G7+, Dr. Hélder da Costa, ho objetivu hodi fó fókus ba importánsia reforma setór defeza no segurança iha Timor-Leste, inklui valorizasaun ensino superior militar, lideransa institusional no Defeza ho Rekursu Nasional.

Purtantu, eventu refere hetan mós partisipasaun hosi bainaka onradu sira hosi nasaun sira ne'ebé iha relasaun kooperasaun billateral ho Timor-Leste.

Mídia SETP

18/08/2025

SETP AKOMPAÑA PM XANANA OBSERVA RAI NE'EBÉ SEI ATRIBUI BA INSTALASUN REJIDÉNSIA EMBAIXADA SIRA MAI TL

Dili, 18 Agostu 2025 - Sekretáriu Estadu Terras no Propriedades (SETP), Sr. Jaime Xavier Lopes, M.Eng. akompaña Primeiru Ministru (PM) Kay Rala Xanana Gusmão hodi hala'o vizita no observa rai iha área Kampu Alor nian ne'ebé sei atribui ba instalasaun rejidénsia Embaixada hosi Nasaun sira ne'ebé iha Kooperasaun Servisu ho Timor-Leste. Enkuantu rai hirak ne'e Diresaun Jeral Terras no Propriedades hasai ona notifikasaun ba Komunidade sira ne'ebé hetan afetadu.

Aleinde ida-ne'e, SETP kontinua akompaña PM Xanana hodi ba observa mós eis-edifísiu USAID iha área Farol, ne'ebé tuir planu sei atribui ba instalasaun Embaixada Repúblika Singupura.

Iha observasaun ne'e hetan akompana mós hosi Assessór Polítiku SETP, ho Xefe Gabinete SETP, nomós Diretor Nasional Servisu Kadastru inklui Diretor Nasionál Terras no Propriedades, ho mós ekipa tékniku sira Terras no Propriedades nian.

Mídia SETP

18/08/2025

PM XANANA HALA'O VIZITA URJENTE BA GABINETE SETP

Dili, 18 Agostu 2025 - Gabinete Sekretáriu Estadu Terras no Propriedades (SETP), ne'ebé lideradu hosi Sr. Jaime Xavier Lopes, M.Eng. simu vizita urjénsia hosi Sua Eselénsia Primeiru-Ministru (PM), Kay Rala Xanana Gusmão, hodi observa direta servisu Gabinete SETP nian.

Iha vizita refere, simu direita hosi S.E. SETP, Sr. Jaime Xavier Lopes, M. Eng. ne’ebé akompaña hosi Xefe Gabinete, Assessor Polítika, Assessor Jurídiku inklui funsionáriu sira iha Gabinete – SETP nian.

Iha biban ne'e, PM Xanana fó orientasaun direta ba SETP hodi prosesu rai sira ne'ebé mak iha tempu badak sei atribui ba embaixada sira hodi instala sira nia rejidénsia liuliu instalasaun rejidénsia ba nasaun hirak ne’ebé mak iha ona kooperasaun bilaterál di’ak ho Timor-Leste.

Hafoin simu orientasaun hosi S.E. Primeiru Ministru, SETP hamutuk ho ekipa tékniku sira akompaña S.E. Primeiru-Ministru tún direita ba terenu hodi hala’o observasaun ba rai estadu hirak ne’ebé mak indika ona no hetan ona notifikasaun hosi Diresaun Jerál Terras Propriedades.

Mídia SETP

04/08/2025

ISAR BANDEIRA IHA FULAN-AGOSTU, SETP HUSU DIRIJENTE SIRA FO PRIORIEDADE BA EZEKUSAUN OJE

Dili, 04 Agostu 2025 – Sekretáriu Estadu Terras no Propriedades (SETP), Jaime Xavier Lopes, M.Eng., sai alta entidade ba serimónia isar bandeira iha Segunda-feira dahuluk hosi fulan-Agostu nian, ne'ebé hala'o iha edifísiu Terras no Propriedades iha Bebora.

Durante iha serimónia ne'e, SETP, sr. Jaime Xavier Lopes, kontinua fo hanoin ba dirijente sira hosi Diresaun Jeral, iha ambitu Ministériu Justisa, atu nafatin esforsu hodi implementa programa no sub-programa sira ne'ebé prevee tiha ona iha Orsamentu Jerál Estadu (OJE) ba tinan 2025, tuir objetivu ne'ebé Ministério Justisa hakarak atinji.

"Ohin ita tama ona data 4 de Agosto, ita iha hakat dadaun III Trimestral, buat ida mak ha'u presiza fo hanoin ba Dirijente sira hotu katak ita presiza hakas-an ba programa no sub-programa sira ne’ebé mak ita tau orsamentu. Atu nune'e, ezekusaun orsamentu ne’ebé husi Ministério Finansas fo hanoin bebeik mai, ita bele atinji objetivu sira," SETP hateten.

Secretáriu Estadu husu mos ba Diretór Nasional sira no Xefe Departamentu sira, atu haree planu ne’ebé seidauk ezekuta, no halo ezekusaun imediata ba atividade sira ne’ebé prioritáriu, atu ezekusaun orsamentu to'o fulan Dezembru 2025 bele atinji ho di'ak no kualidade.

“Favor implementa buat sira ne’ebé mak iha planu ona, nune’e orsamentu mak tau bele ezekuta. Objetivu mak ba ezekuta orsamentu ho pursentajen ne’ebé ita hotu hakarak, atu iha tinan 2026, orsamentu ne’ebé ita tau bele tuir ezekusaun sira iha tinan ida ne’e,” nia hateten tan.

Nia rekomenda mos ba dirijente sira atu nafatin kontrola ida-idak ninia Diresaun Nasional no Departamentu ka Unidade sira ne'ebé ejiste iha sira nia Diresaun, nune'e bele kumpre nafatin regulamentu funsaun públika nian, nomós kumpre orientasaun servisu sira ne'ebé atribui hosi Superiór.

Serimónia isar bandeira ida-ne'e konsidera parte importante ida iha fortalesimentu ba governasaun no disiplina administrativu, no mós momentu ba reflexão sira kona-ba prioridade no planeamentu efikaz iha instituisaun públika nian.

Mídia SETP

30/07/2025

28/07/2025

SETP KONTINUA PARTISIPA ENKONTRU KOORDENASAUN INTERMINISTERIAL IHA MNEK

Dili, (28 Jullu 2025) - Sekretáriu Estadu Terras no Propriedades (SETP), Eng. Jaime Xavier Lopes, M.Eng. iha Segunda-Feira ne'e partisipa enkontru koordenasaun interministerial nian ne'ebé realiza hosi governu dasia, kona-na Akompañamentu ba deklarasaun Presidénsia Simeira ASEAN ba Dala-46.

Sorumutu ne'ebé hala'o iha salaun nobre Ministériu Negósiu Estranjeiru no Kooperasaun (MNEK) ne'e lidera direta hosi Primeiru Ministru (PM) Kay Rala Xanana Gusmão, no hetan partisipa hosi Vise-Primeiru-Ministru na'in-rua inklui ho Membru governu sira, nomos dirijente ho kargu xefia sira.

Antes ne'e, Sekretáriu Estadu Terras no Propriedades, Eng Jaime Xavier Lopes, partisipa enkontru interministeriál kona-ba preparasaun Timor-Leste nian atu sai membru plenu ASEAN, ne'ebé realiza iha MNEK, iha loron 16 Juñu 2025.

Mídia SETP

22/07/2025

SETP SIMU AUDIÉNSIA HO DIRETÓR EZEKUTIVU TRADEINVEST TL

Dili, 22 Jullu 2025 - Sekretáriu Estadu Terras no Propriedades (SETP) Eng. Jaime Xavier Lopes, M.Eng. iha tersa-feira ne'e simu audiénsia ho Diretór Ezekutivu Trade Invest Timor-Leste, Sr. Arcanjo da Silva iha sala enkontru gabinete SETP, Bebora.

Iha sorumutuk ne'e, sai nuudar oportunidade importante ida, ho objetivu atu Trade Invest bele hala'o koordenasaun kona-ba rai ho SETP.

Parte Seluk, Sekretáriu Estadu Terras no Propriedades, Jaime Xavier Lopes, M.Eng. simu mos enkontru ida ho Prezidente Autoridade Nasional Lisensiamentu Ambiental, Institutu Publiku (ANLA I.P.) Sr. Maximiano de Oliveira, S.T.M.Eng. ne'ebé iha mos diskusaun tópiku ne'ebé hanesan.

Mídia SETP

20/07/2025

SETP PARTISIPA SERIMÓNIA ABERTURA XII Jogos Desportivos CPLP

DILI, 19 Jullu 2025 - Sekretáriu Estadu Terras no Propriedades (SETP) Partisipa serimónia XII Jogos Desportivos CPLP (Komunidade País sira Lian Portugés nian) ne'ebé hala'o iha estadiu Munisipál Dili.

Ba aktividade jogu ida-ne'e, tuir kalendáriu sei termina iha loron 27 Jullu 2025 no Kompetisaun multi-desportiva ne’e inklui mos atleta sira husi nasaun membru CPLP hotu-hotu.

Mídia SETP

15/07/2025

SETP MARKA ENKONTRU SEMANÁL HO MINISTRU JUSTISA

Díli, 15 Jullu 2025 – Sekretáriu Estadu Terras no Propriedades (SETP), Eng. Jaime Xavier Lopes, M.Eng., hala’o enkontru semenál ho Ministru Justisa (MJ), Dr. Sérgio de Jesus Fernandes da Costa Hornai, iha gabinete MJ, hodi partilla informasaun no atualiza progresu servisu sira relasiona ho área Terras no Propriedades.

Iha enkontru-ne’e, SETP aprezenta liliu liga ho serimónia termu de pose ba dirijente no kargu xefia sira ne'ebé realiza tiha ona iha loron 14 fulan-jullu 2025.

Mídia SETP

14/07/2025

SETP DIRIJE SERIMÓNIA TERMU POSE BA DIRIJENTE NO KARGU XEFIA IHA ÁMBITU DGTP

Díli, 14 Jullu 2025 – Sekretáriu Estadu Terras no Propriedades (SETP), Eng. Jaime Xavier Lopes, M.Eng., diriji serimónia termu pose ba dirijente no kargu xefia foun iha ámbitu Diresaun Jeral Terras no Propriedades (DGTP), iha loron segunda-feira ne'e.

Serimónia ne’e hahú ho liafuan abertura no bem-vindu hosi Diretor Jeral Terras no Propriedades, Sr. Lucas António da Costa, no kontinua ho prosesu formal hanesan asina termu pose, entrega responsabilidade entre kargu xefia tuan no foun sira.

Serimónia ne’e bazeia ba Despaxu N.° 7049/2025/CFP, no sustenta tan ho dokumentu karta referensia MJ-M/06/2025, loron 20 fulan-Juñu, husi Ministru Justisa, ne’ebé husu estensaun no nomeasaun hosi Komisaun ba kargu xefia iha estrutura Ministériu Justisa. Mudansa ne’e objetivu mak atu garante kontinuidade no efektividade servisu públiku iha Diresaun Jeral Terras no Propriedades.

Nomeasaun dirijente no kargu xefia foun sira ne'e, tuir pontu 1, Artigu 21 hosi Dekretu-Lei Nº 2/2011 (altera Dekretu-Lei Nº 27/2008), no tuir kompeténsia Komisaun Funsaun Públika (CFP) tuir Lei Nº 7/2009, kona-ba jestaun no lideransa iha Administrasaun Públika.

Tuir desizaun Prezidente CFP, destakamentu ba servisu iha pozisaun jestaun no lideransa substitutu remata iha loron 1 fulan-Jullu 2025, nune'e ho subtitutu foun ne'ebé hetan termu pose ho durasaun mandatu fulan-6 ( hahú hosi 1 Jullu to’o 31 Dezembru 2025).

Lista dirijente no kargu xefia Sesante:

1. Castro Laco Martins – Diretor Servisu Terras Propriedades, no Servisu Cadastral Munisípiu Bobonaro
2. Manuela Adelina da Costa – Xefe Depatamentu Gabinete Apoiu Administrativu DGTP
3. Gaspar Soares de Sá Benevides – Diretor Nasionál Terras no Propriedade
4. Inacio do Rosário Cabral – Xefe Depatamentu Alokasaun no Alokasaun Ofisiál
5. Mateus Ramos Pereira – Xefe Departamentu Atribuisaun Títulu no Disputa Rai
6. Domingos da Costa Hornay – Xefe Departamentu Delimitasaun Administrativa
7. Mateus da Costa – Diretor Servisu Terras Propriedades, no Servisu Cadastral Munisípiu Baucau

Lista Dirijente/Xefia Foun:

1. Maria Lizete Faria dos Santos – Xefe Departamentu Gabinete Apoiu Administrativu DGTP
2. Inacio do Rosário Cabral – Diretor Nasionál Terras no Propriedades
3. Emelita Fátima Martins – Xefe Departamentu Alokasaun no Alokasaun Ofisiál
4. Rosita José Alves – Xefe Departamentu Atribuisaun Títulu no Disputa Rai
5. Florindo José da Costa – Xefe Departamentu Delimitasaun Administrativu
6. Amon Bernadino da C. Correia – Diretor Servisu Terras Propriedades, no Servisu Cadastral Munisípiu Baucau
7. António Cárceres Soares – Diretor Servisu Terras Propriedades, no Servisu Cadastral Munisípiu Bobonaro.

Purtantu ba dirijente no kargu xefia sira seluk iha ambitu DGTP, Ministériu Justisa deside kontinua extende sira-nia mandatu to'o fin Fulan-Dezembru 2025.

Iha diskursu enseramentu nian, Sekretáriu Estadu Terras no Propriedades, Jaime Xavier Lopes, M.Eng., agradese ba kontribuisaun sira hosi dirijente no xefia sesante sira, no apela ba kargu foun atu hala’o responsabilidade ho profisionalizmu, transparénsia no kompromisu ba interese públiku.

Iha biban ne'e, SETP lee sai mós diskursu hosi Ministru Justisa nian ne'ebé refleta orgániku Ministériu Justisa nian, hodi estabelese estrutura ho kbi'it no kooperasaun ajánsia no servisu sira ne'ebé Ministériu Justisa ho supervizaun esensiál ida ba funsionáriu sira ne'ebé agora dadaun simu sira-nia kna'ar hanesan kargu xefia iha Diresaun Jeral Terras no Propriedades.

Terras Propriedades simu atribuisaun ho responsabilidade sira espesialmente funsaun sira no serbisu ida-idak, inklui lideransa hodi dejenpenu atividade sira hotu, tanba dirijente no xefia sira simu konfiansa no responsbilidade ne'e, presiza buka hatene programa, atividade, saida de'it mak halo iha Terras no Propriedades no monitoriza atividade sira.

Ho hanoin sira ne'ebé minsiona iha diskursu Ministru Justisa nian, maka Sekretáriu Estadu Terras no Propriedades, husu dirijente no kargu xefia foun sira atu hala'o servisu ho responsabilidade másimu, kontrola nafatin ida-idak nia servisu, liliu funsionáriu sira, kumpre nafatin regra sira no regulamentu sira hosi Funsaun Públika nian.

Nia haktuir, objetivu sira ne'ebé realiza ohin, sai nuudar avaliasaun ida ba dirijente no xefia sira, bainhira haree servisu la la'o tenke troka, hanesan mos membru governu sira, bainhira ba tuir enkontru interministerial ida iha MNEK, Primeiru-Ministru, Kay Rala Xanana Gusmão rasik deklara sé de'it mak servisu la hatene troka, signifika la'os membru governu de'it maibé mós dirijente no kargu xefia sira, bainhira servisu la'o ladun di'ak tenke subtitui nune'e bele hala'o servisu di'ak liután.

Nune'e, husu ba kargu xefia sira tenke hala'o servisu bazeia ba regulamentu sira ne'ebé estabelese, difini loloos entre rai privadu, rai estadu no domíniu públiku estadu, kontrola no identifika nafatin uma estadu ne'ebé hela la selu arendamentu tenke fo notifikasaun, oinsá mak bele hasa'e reseita ba estadu.

Mídia SETP