Agência Desenvolvimento Nacional, Instituto Público ADN, IP, Dili (2025)

30/09/2025

Baucau,30/09/2025. Enjeñeiru sira husi Ajénsia Dezenvolvimentu Nasionál (ADN) ne’ebé maka destaka iha munisipiu Baucau hamutuk ho Enjeñeiru sira husi Laboratóriu ADN nian sobu projetu rehabilitasaun estrada diresaun Fatumaka-Loilubu-Venilale.

Estrada ida ne’e hetan intervensaun husi ADN tanba iha pratika deskobre katak kompaña Implementadór utiliza Simenti ho marka Kaito ne’ebé maka seidauk hetan aprovasaun husi parte kompetente hodi dekreta katak Simenti ne’e merese duni utiliza ba projetu konstrusaun sira iha Timor-Leste.

30/09/2025

𝐀𝐃𝐍 𝐒𝐨𝐛𝐮 P𝐫𝐨𝐣𝐞𝐭𝐮 R𝐞𝐡𝐚𝐛𝐢𝐥𝐢𝐭𝐚𝐬𝐚𝐮𝐧 E𝐬𝐭𝐫𝐚𝐝𝐚 D𝐢𝐫𝐞𝐬𝐚𝐮𝐧 𝐅𝐚𝐭𝐮𝐦𝐚𝐤𝐚-𝐋𝐨𝐢𝐥𝐮𝐛𝐮-𝐕𝐞𝐧𝐢𝐥𝐚𝐥𝐞.

Baucau,30/09/2025. Enjeñeiru sira husi Ajénsia Dezenvolvimentu Nasionál (ADN) ne’ebé maka destaka iha munisipiu Baucau hamutuk ho Enjeñeiru sira husi Laboratóriu ADN nian sobu projetu rehabilitasaun estrada diresaun Fatumaka-Loilubu-Venilale.

Estrada ida ne’e hetan intervensaun husi ADN tanba iha pratika deskobre katak kompaña Implementadór utiliza Simenti ho marka Kaito ne’ebé maka seidauk hetan aprovasaun husi parte kompetente hodi dekreta katak Simenti ne’e merese duni utiliza ba projetu konstrusaun sira iha Timor-Leste.

Hafoin sobu, enjeñeiru sira husu ba parte kompaña hodi transporta sai kedas simentu ne’e husi fatin implementasaun projetu no truka emidiata Simentu ne’e ho Simentu sira ne’ebé maka hetan ona aprovasaun husi parte kompetente.

Projetu rehabilitasaun estrada ida ne’e implementa husi kompaña Glory Entreprise, Golden Way no kompaña Joli Toni Unipesoál Lda.

Uza simentu ne’ebé seidauk hetan rekoñesimentu ka aprovasaun husi autoridade sira iha projetu konstrusaun sira bandu tanba razaun krusiál sira mak hanesan;

⚠️ 𝐬𝐞𝐠𝐮𝐫𝐚𝐧𝐬𝐚 𝐧𝐨 𝐤𝐮𝐚𝐥𝐢𝐝𝐚𝐝𝐞

• forsa ne'ebé la serteza: simentu ne'ebé la koko iha laboratoriu bele iha kompozisaun kímika ka fízika ne'ebé la tuir padraun sira, risku ba estrutura edifísiu sira ne'ebé frajil ka fasil atu rahun.

• fallansu estruturál potensiál: edifísiu sira bele monu ka hetan estragu maka'as se materiál prinsipál sira la tuir espesifikasaun téknika sira ne'ebé estabelese ona.

📜 𝐫𝐞𝐠𝐮𝐥𝐚𝐦𝐞𝐧𝐭𝐮 𝐧𝐨 𝐤𝐮𝐦𝐩𝐫𝐢𝐦𝐞𝐧𝐭𝐮 𝐥𝐞𝐠𝐚́𝐥

• violasaun ba padraun nasionál/internasionál: nasaun hotu-hotu iha padraun kualidade konstrusaun ne’ebé tenke kumpre. uza simentu ilegál viola regulamentu sira-ne'e.

• risku ba sansaun legál: uza materiál konstrusaun ne'ebé la hetan aprovasaun bele rezulta iha multa, terminasaun projetu, ka prosesu hasoru kontratór no na'in ba projetu.

🏗️ 𝐢𝐦𝐩𝐚𝐤𝐭𝐮 𝐛𝐚 𝐩𝐫𝐨𝐣𝐞𝐭𝐮 𝐬𝐢𝐫𝐚

• inspesaun ne'ebé falla: projetu konstrusaun sira normalmente hetan monitorizasaun hosi inspetór konstrusaun sira. karik deskobre uza simentu ne'ebé la autorizadu, projetu ne'e bele atraza ka kansela.

• lakon finanseiru: se projetu konstrusaun ida hetan estragu ka tenke sobu tanba materiál sira ne'ebé la apropriadu, kustu reparasaun nian bele sai boot.

🔍 𝐥𝐚𝐛𝐞𝐥𝐞 𝐛𝐮𝐤𝐚 𝐭𝐮𝐢𝐫 𝐤𝐚 𝐥𝐚𝐛𝐞𝐥𝐞 𝐯𝐞𝐫𝐢𝐟𝐢𝐤𝐚

• orijen ne’ebé la klaru: simentu ne’ebé la hetan aprovasaun bele mai husi fabrikante ne’ebé la rejistadu, ne’ebé halo susar atu garante konsisténsia no seguransa produtu nian.

• susar atu halo auditoria no kontrolu kualidade: la ho sertifikasaun, laiha garantia katak simentu ne’e liu ona prosesu teste laboratóriu ne’ebé lejítimu.

Tanba ne’e, ADN nafatin enkoraza kompaña implementadór projetu sira atu nafatin kumpri ba sa-ida maka hatúr ona kontratu laran. (Media_ADN)

30/09/2025

𝐀𝐃𝐍 𝐀𝐢𝐧𝐚𝐫𝐨 𝐊𝐨𝐧𝐭𝐢𝐧𝐮𝐚 𝐇𝐚𝐥𝐨 𝐈𝐧𝐬𝐩𝐞𝐬𝐚𝐮𝐧 𝐛𝐚 𝐏𝐫𝐨𝐣𝐞𝐭𝐮 𝐄𝐳𝐢𝐬𝐭𝐞𝐧𝐭𝐞

Ainaro, 30/09/2025. Enjeñeiru sira husi Ajénsia Dezenvolvimentu Nasionál (ADN) destakadu iha munisipiu Ainaro halo inspesaun fiziku ba projetu kosntrusaun edifisiu prototipu pre- eskolar ne’ebe'e mak implementa husi kompaña Mentil Unipesoál . Lda iha Builico Ainaro.

Iha oportunidade seluk halo mós inspesaun fiziku ba projetu konstrusaun foun moru hale’u Ospitál Maulo ne’ebé implementa husi kompaña Reza Unipesoál Lda no lokaliza iha Builico, Ainaro.

Inspesaun fiziku ba projetu konstrusaun mak prosesu importante atu verifika no avalia progresu, Kualidade, no seguransa obra ne'ebé hala'o. Nee sai parte vital ba monitorizasaun no kontrolu implementasaun.

Inspesaun fiziku bele inklui Verifikasaun Estrutura liu husi Observa fundasaun, parede, kualidade sementu, ferro, no sistema drenajen. Liu husi inspesaun bele Verifika se estrutura ne'e adekuadu ho plano tekniku no padraun seguransa.
Husi inspesaun ne’e bele hatene kona-ba Medisaun Dimensaun, liuliu relasiona ho Medida ba altura, largura, no profundidade ba parte sira edifísiu, Husu konformidade ho desain original.

Através inspesaun bele hatene kona-ba Kualidade Materiais, halo Analiza materia sira ne'ebé uza (sementu, areia, ferro, madeira, etc), bele hatene materia sira ne'e diak no rezistente ba tempu naruk.
Liu husi inspesaun maka bele halo relatoriu inspesaun, foto evidénsia, no rekomendasaun ba medida korretiva se presiza.

Inspesaun fisiku ajuda atu prevene problema iha futuru, aumenta transparénsia, no garante katak edifísiu ne'e bele uza ho konfiansa. Se iha projetu konkrétu iha laran. (Media_ADN)

30/09/2025

𝐈𝐧𝐚𝐠𝐮𝐫𝐚𝐬𝐚𝐮𝐧 𝐏𝐫𝐨𝐣𝐞𝐭𝐮 𝐁𝐞𝐞 𝐌𝐨𝐨𝐬 𝐢𝐡𝐚 𝐌𝐚𝐮𝐛𝐢𝐬𝐬𝐞

Maubise, 29/09/2025. Koordenadór UCVQ-ADN Arq. Francisco Xavier de Deus Jerónimo hamutuk ho Koordenadór UAP-ADN Arq. José Fernando Liu no Enjeñeiru sira husi ADN destakadu iha munisipiu Ainaro, partisipa iha Serimónia Inagurasaun Projetu Bee Moos ne’ebé maka lansa husi Ministru Obras Públikas S.E Samuel Marçal no akompaña husi Vise Prezidente Asuntu Parlamentár S.E Aderito Hugo da Costa,Vise-Ministru Administrasaun Estatál S.E Jacinto Rigoberto G. de Deus, Prezidente Bee Timor-Leste'E.P (BTL) Gustavo da Cruz. Serimónia ida ne’e rasik hala'o iha loron 26/09/2025 liu ba iha Postu Administrativu Maubisse.

Projetu ne'e sei benefisia populasaun hamutuk 2.760 liu no totál uma-kain 467. Husi projetu ne'e iha tanki rezervatoriu boot rua ho kapasidade 150 m³ no tanke redus bee hamutuk hitu ho nia kapasidade 20 m³.

Partisipa iha serimónia lnaugurasaun ne'e, entidade oin-oin, veteranu, autoridade lokál, PNTL, komunidade no mós komvidadus sira seluk.

30/09/2025

Lensa Fotografia : 𝐀𝐃𝐍 𝐏𝐀𝐑𝐓𝐈𝐒𝐈𝐏𝐀 𝐊𝐈𝐂𝐊-𝐎𝐅𝐅 𝐀𝐍𝐃 𝐖𝐑𝐀𝐏-𝐔𝐏 𝐌𝐄𝐄𝐓𝐈𝐍𝐆
𝐢𝐡𝐚 𝐬𝐚𝐥𝐚 𝐫𝐞𝐮𝐧𝐢𝐚𝐮𝐧 #𝟗 𝐌𝐢𝐧𝐢𝐬𝐭𝐞́𝐫𝐢𝐮 𝐅𝐢𝐧𝐚𝐧𝐬𝐚𝐬 𝐃𝐢́𝐥𝐢, 𝟐𝟗/𝟎𝟗/𝟐𝟎𝟐𝟓

29/09/2025

𝐄𝐤𝐢𝐩𝐚 𝐀𝐃𝐍 𝐂𝐨𝐯𝐚𝐥𝐢𝐦𝐚 𝐀𝐤𝐨𝐦𝐩𝐚𝐧̃𝐚 𝐗𝐞𝐟𝐢 𝐄𝐏𝐀𝐒 𝐏𝐚𝐫𝐭𝐢𝐬𝐢𝐩𝐚 𝐈𝐡𝐚 𝐄𝐧𝐤𝐨𝐧𝐭𝐫𝐮 𝐃𝐢𝐬𝐤𝐮𝐬𝐚𝐮𝐧 𝐏𝐫𝐨𝐣𝐞𝐭𝐮 𝐏𝐈𝐅 𝐒𝐚𝐥𝐞𝐥𝐞

Díli, 29/09/2025. Ekipa Enjeñeiru Ajénsia Dezenvolvimentu Nasionál (ADN) ne’ebé maka destaka iha munisipiu Covalima akompaña Xefi Departamentu EPAS partisipa iha enkontru importante ho Ministériu Finansas (Nain ba Projetu), Direção-Geral Obras Públicas (DGOP) no kompaña responsável, hodi diskute kona-ba projetu Konstrusaun Foun New Construction of Perimeter Fence, Backfill and Concrete Yard iha PIF Iha Salele.

Enkontru ne’e realiza iha salaun Ministériu Finansas iha Dili, ho objetivu prinsipal atu identifika no buka solusaun ba problema balun ne’ebé maka mosu durante implementasaun projetu, inklui mudansa balu iha fatin projetu no problema téniku sira ne’ebé kompaña hasoru. (Media-ADN)

29/09/2025

𝐃.𝐄 𝐈𝐧𝐭𝐞𝐫𝐢𝐧̃𝐮 𝐀𝐃𝐍 𝐏𝐚𝐫𝐭𝐢𝐬𝐢𝐩𝐚 𝐢𝐡𝐚 𝐑𝐞𝐮𝐧𝐢𝐚𝐮𝐧 𝐊𝐀𝐅𝐈 𝐋𝐢𝐝𝐞𝐫𝐚𝐝𝐮 𝐡𝐮𝐬𝐢 𝐏𝐌 𝐗𝐀𝐍𝐀𝐍𝐀 𝐆𝐮𝐬𝐦𝐚̃𝐨

DILI, 29/09/2025. Diretór Ezekutivu Interiñu Ajénsia Dezenvolvimentu Nasionál Eng. Januario M. Guteres partisipa iha reuniaun Konsellu Administrasaun Fundu Infraestrutura (KAFI) ne’ebé maka lidera direira husi Primeiru Ministru RDTL S.E Kay Rala Xanana Gusmão. Reuniaun ida ne'e hala'o iha loron Sexta-Feira (26/09/2025) liu ba, iha Sala enkontru Ministériu Finansas (MF), Aitarak Laran.

Iha Reuniaun ne’e halo diskusaun liu kona-ba prioridade sira iha tinan 2026 no inklui halo preparasaun Orsamentu Jerál Estadu (OJE) tinan 2026 nian.

Reuniaun KAFI ida ne’e organiza husi Sekretariadu Grande Projetus no partisipa husi Prezidente KAFI atúal Ministru MPIE no mós Ministru sira ne’ebé maka núdar membru KAFI, Kargu Xefia sira liga ba área planeamentu, finansas no obras públikas no Diretór Ezekutivu Interiñu Ajénsia Dezenvolvimentu Nasionál (ADN), Komisaun Nasionál Aprovizionamentu (CNA-Sigla Portugés)) no liña ministeriál sira ne’ebé implementa hela projetu no nia finansiamentu mai husi husi Fundu Infraestrutura. (Media_ADN)

𝐅𝐨𝐧𝐭𝐞𝐬 𝐅𝐨𝐭𝐨𝐠𝐫𝐚𝐟𝐢𝐚 𝐧𝐨 𝐈𝐧𝐟𝐨𝐫𝐦𝐚𝐬𝐚𝐮𝐧 : 𝐌𝐞𝐝𝐢𝐚 𝐆𝐚𝐛𝐢𝐧𝐞𝐭𝐞 𝐏𝐫𝐢𝐦𝐞𝐢𝐫𝐨- 𝐌𝐢𝐧𝐢𝐬𝐭𝐫𝐨 𝐑𝐃𝐓𝐋 : 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦𝐚̃𝐨.

29/09/2025

𝐏𝐌 𝐗𝐀𝐍𝐀𝐍𝐀 𝐇𝐀𝐋𝐎 𝐋𝐀𝐍𝐒𝐀𝐌𝐄𝐍𝐓𝐔 𝐁𝐀 𝐏𝐑𝐎𝐉𝐄𝐓𝐔 𝐑𝐄𝐇𝐀𝐁𝐈𝐋𝐈𝐓𝐀𝐒𝐀𝐔𝐍 𝐄𝐒𝐓𝐑𝐀𝐃𝐀 𝐋𝐔𝐀𝐊 𝐁𝐀́ 𝐁𝐄𝐓𝐀𝐍𝐔

MANUFAHI, 29/09/2025. Diretór Ezekutivu ADN Interinu Eng. Januario M. Guteres akompaña husi Koordenadór UCVQ-ADN Arq. Fransisco Xavier de Deus Jeronimo, Koordenadór UAP-ADN Arq. José Fernando Liu Soares no mós ekipa ADN destakadu iha munisipiu Manufahi partisipa iha serimonia lansamentu projetu rehab ilitasaun estrada Luak ba Betanu.

Lansamentu ba estrada Luak-Betanu ne’e halo direita husi Primeiru-Ministru (PM), S.E Kay Rala Xanana Gusmão hamutuk ho Ministru Obras Públikas (MOP), S.E Samuel Marçal. Atividade ne’e hala’o iha loron 28/09/2025 iha Postu Administrativu Same Vila bá Betanu Postu Administrativu Fatuberliu munisípiu Manufahi.

Primeiru Ministru fó atensaun bá empreza responsável atu halo projetu ne’e ho responsabilidade no tenke halo ho kualidade tanba povu ne’e mak sei utiliza no tenke uza bá tempu naruk.

Iha iha oportunidade ne’e Ministru Obras Públikas S.E Samuel Marçal mós selebra kedas asina kontratu ho kompaña implementadór sira iha populasaun no autoridade sira nia oin liu-liu Xefe Governu rasik mak sai sasin ho objetivu ida katak, prosesu ne’e transparente no atu povu bele akompaña to’o konstrusaun remata.

Estrada Luak-Betano halo parte iha Estrada Arteriál Nasionál A14 no hanesan ligasaun vital entre Same, Luak, no Betano. Estrada ne’e sei liga rezidente sira, hametin komérsiu lokál, liga área agríkola sira bá merkadu no enkoraja investimentu iha munisípiu Manufahi.

Projetu ne'e fahe bá kontratu prinsipál rua, ne’ebé finansia hosi Ministériu Obras Públikas kompostu hosi Pakote Estrada A (Parte 1) Naruk: 5.1km; Kontratór: Star King Construction Unipessoal, Lda; Montante Kontratu: $4,981,913.58; Tempu: 27 Setembru 2025 – 27 Setembru 2026 (tinan 1).

Pakote Estrada A (Parte 2) Naruk: 4.05km; Kontratór: King Construction Lda; Montante Kontratu: $4,832,054.79; Tempu: 27 Setembru 2025 – 27 Setembru 2026 (tinan 1).

Partisipantes sira iha serimónia lansamentu ne’e maka hanesan Vise Ministru Asuntu Parlamentár S.E Adérito Hugo, Vise Ministru Administrasaun Estatal S.E Jacinto Rigoberto Gomes de Deus, Vise-Ministru Infraestrutura S.E Júlio do Carmo, Membru Parlamentu Nasionál, Tékniku sira hosi MOP, reprezentante hosi kompañia responsável projetu veteranu sira, Prezidente Autoridade Munisipál, postu no lokál inklui populasaun sira. (Media_ADN)

𝐅𝐨𝐧𝐭𝐞𝐬 𝐅𝐨𝐭𝐨𝐠𝐫𝐚𝐟𝐢𝐚 : 𝐌𝐞𝐝𝐢𝐚 𝐆𝐚𝐛𝐢𝐧𝐞𝐭𝐞 𝐏𝐫𝐢𝐦𝐞𝐢𝐫𝐨 𝐌𝐢𝐧𝐢𝐬𝐭𝐫𝐮 𝐑𝐃𝐓𝐋

29/09/2025

𝐄𝐧𝐠. 𝐍𝐚𝐭𝐚𝐥𝐢𝐧𝐨 𝐝𝐚 𝐂𝐨𝐬𝐭𝐚 𝐁𝐫𝐢𝐭𝐞𝐬 𝐇𝐚𝐥𝐨’𝐨𝐭 𝐨𝐧𝐚 𝐢𝐡𝐚 𝐍𝐢𝐚 𝐅𝐚𝐭𝐢𝐧 𝐃𝐞𝐬𝐤𝐚𝐧𝐬𝐚 𝐈𝐤𝐮𝐬 𝐓𝐮𝐠𝐚𝐫𝐞𝐦𝐚

Dili, 29/09/2025. Iha lalehan nakonu ho kalohan ne’ebé espresa mós tristeza, akompana familia no kolega sira iha Semitériu Tugarema hodi fó despedida ba Enjeñeiru Natalino da Costa Brites, ne’ebé maka husik ona mundu, Familia no mós kolega di’ak sira hotu.

Molok halo’ot Enjeñeiru Natalino da Costa Brites, uluk nanain iha loron Sabadu (27/09/2025) liu ba, Enjeñeiru Natalino da Costa Brites nia kaixaun translada husi nia uma fatin ba iha Igreza Parokia Gleno nian hodi selebra misa funebre. Hafoin remata misa, Translada ba iha ninia fatin deskansa ikus iha Tugarema.

Enjeñeiru Natalino da Costa Brites durante moris haknár án iha Ajénsia Dezenvolvimentu Nasionál (ADN) núdar Enjeñeiru ida ne’ebé maka destakadu iha munisipiu 3, mak hanesan Munisipiu Aileu, Viqueque no Covalima ida ne’e hahu husi loron 01 Fevereiru Tinan 2013. Hafoin ne’e, iha loron 01 fulan Outubru tinan 2023, haknar án hikas iha Unidade Kontrolu no Validasaun ba Kualidade (UCVQ-sigla Portugés) Iha Departamentu Edifisiu Água no Saneamentu no destaka hikas Iha Munisipiu Manatuto. Enjeñeiru Natalino nia jornada núdar enjéneiru ADN destakadu iha Munisípiu Manatuto to’o iha loron kinta-feira loraik (25-09-2025) no tengki husik hela nia familia no kolega sira hodi fila hikas ba Aman Maromak nia kadunan Santu.

Enjeñeiru Natalino husik hela ninia Fen kabén Sra.Maria Andre da Silva Reis ho nia oan sira inklui família no kolega servisu tomak. (Media_ADN)

26/09/2025

𝐀𝐃𝐍 𝐋𝐀𝐊𝐎𝐍 𝐍𝐈𝐀 𝐄𝐍𝐉𝐄𝐍̃𝐄𝐈𝐑𝐔 𝐃𝐈'𝐀𝐊 𝐈𝐃𝐀.

Dili,26/09/2025. Ajénsia Dezenvolvimentu Nasionál (ADN) lakon ninia Enjeñeiru diak ida ho naran Natalino da Costa Brites ne'ebé maka fila hikas ba Aman Maromak nia kadunan Santu iha loron 25/09/2025 horseik.

Hahu haknar án iha ADN-MPIE iha loron 01 Fevereiru Tinan 2013 no destakadu iha munisipiu 3, mak hanesan Munisipiu Aileu, Viqueque no Covalima.

Iha loron 01 fulan Outubru tinan 2023, haknar án hikas iha Unidade Kontrolu no Validasaun ba Kualidade (UCVQ-sigla Portugés) Iha Departamentu Edifisiu Água no Saneamentu no destaka hikas Iha Munisipiu Manatuto. Enjeñeiru Natalino nia jornada núdar enjéneiru ADN destakadu iha Munisípiu Manatuto to’o iha loron kinta-feira horseik loraik (25-09-2025) no tengki husik hela nia familia no kolega sira hodi fila hikas ba Aman Maromak nia kadunan Santu.

Enjeñeiru Natalino, nu'udar ema ida ne'ebé maka Badinas, respeitozu, Responsavel ba kualker desizaun ne'ebé nia foti.

Enjeñeiru Natalino, sempre iha hanoin no solusaun ne'ebé di'ak ba problema ne'ebé nia enfrenta iha fatin servisu.

Enjeñeiru Natalino husik hela ninia Fen kabén Sra.Maria Andre da Silva Reis ho nia oan sira inklui família no kolega servisu tomak.

Haktuir informasaun ne’ebé iha, Enjeñeiru Natalino hetan Soke husi Mikrolete ida no hakotu kedas is iha fatin akontesimentu. Asidente ne’e akontese Uainhira matebian ho nia kabén la'o ain hela iha dalan ninin.

(MÉDIA_ADN)

26/09/2025

Bobonaro, 26/09/2025. Ekipa Ajénsia Dezenvolvimentu Nasional (ADN) destakadu iha Munisípiu Bobonaro, halo inspeksaun ba projetu konstrusaun irigasaun Eskema II (IPC03) iha Munisípiu Bobonaro.

Projetu ne’e implementa husi PT. Minarta. Tuir dadus monitorizasaun, progresu pagamentu atual atingiu 6.515%, ho pagamentu akumulativu total 15.122%.

Inspeksaun ida ne’e parte husi esforsu ADN atu assegura projetu la'o tuir planu, ho objetivu final hodi benefisia komunidade agrikultura iha rejiaun Maliana.

26/09/2025

Aileu,26/09/2025. Ekipa ADN destakadu iha Munisipiu Aileu hala’o inspesaun pagamentu IPC 01 ba projetu Rehabilitasaun estrada Solerema-Tohumeta-Fatisi-Bocolelo, Pakote 1 (Chainage 0+000 – 3+000).

Projetu ida-ne’e implementa tuir kontratu númeru MOP-EO-25012, ho montante kontratu $323,886.40. Servisu rehabilitasaun estrada ne’e implementa husi Kakuluk Service Unipessoal, Lda.

Inspesaun pagamentu IPC 01 ne’e parte husi prosesu regular monitorizasaun no verifikasaun ba progresu servisu, atu garante kualidade no transparénsia iha implementasaun projetu infraestrutura iha Munisipiu Aileu.(Media_ADN)

Agência Desenvolvimento Nacional, Instituto Público ADN, IP

30/09/2025

30/09/2025

30/09/2025

30/09/2025

30/09/2025

29/09/2025

29/09/2025

29/09/2025

29/09/2025

26/09/2025

26/09/2025

26/09/2025

Endereço

Website

Notificações

Entre Em Contato Com O Negócio

Atalhos

Compartilhar

Categoria