Independente Digital TV

Independente Digital TV Imi Nia Lian, Imi Nia Liberdade

08/07/2025

DILI: Benefisiariu bolsa da mãe Kondisional na’in 48 iha Suku Komoro, Postu Administrativu Dom Aleixo, Munisipiu Dili, asesu ona ba sira nia direitu.
Xefe Suku Komoro, Eligio Marçal, hatete, tuir dadus total benefisiariu ba programa bolsa da mãe iha Suku Komoro hamutuk na’in 54.
Husi numeru ne’e, iha na’in maka neen (6) maka retira tanba haree ba nesesidad no kondisaun familia ne’ebé sufisiente, nune’e sira labele ona asesu ba iha programa refere. Ho nune’e iha benefisiariu na’in 48 maka asesu ona ba sira nia direitu.
Xefe Suku ne’e hatutan, kada benefisiariu sei hetan dolar amerikanu $300 kada tinan.
Entretantu, rejistrasaun foun ba benefisiariu bolsa da mãe, sei hahú iha loron 14 fulan-Jullu to’o Outubru tinan ne’e.
Xefe Suku Komoro, Eligio Marçal fó sai dadus ne’e, ba Jornalista IDTV, iha knaar fatin iha Sede Suku Komoro, Tersa (08/07).

07/07/2025

DILI: Vitor Pinto nu’udar manorin voluntariu ne’ebé durante ne’e dedika nia-aan tomak, hanesan mós ho manorin sira seluk, hodi fó kontribuisaun ba setór edukasaun iha Timor-Leste, durante tinan 13 nia laran, nune’e, nia husu ba Ministeriu Edukasaun atu valoriza ninia kontribuisaun no dedikasaun durante ne’e.
Nia esplika, bainhira nia hahú haknar-aan nuudar manorin voluntariu no hanorin iha eskola Ensinu Sekundaria Kongregasaun Jesuita, Tibar, Munisipiu Líkisa, husi tinan 2011 to’o 2016.
Aleinde ne’e, iha tinan 2017 to’o 2023, nia hanorin iha Eskola Sekundaria Téknika Vokasional, Hera, Munisipiu Dili, maibé seidauk hetan kontratu husi Ministeriu Edukasaun.
Enkuantu, iha momentu ne’ebá nia mós deside la hanorin ona, tanba bazeia ba desizaun husi IX Governu Konstitusional liu husi Ministeriu Edukasaun katak, hahú iha loron 31 fulan-Dezembru tinan 2023, manorin kontratadu no voluntariu sira labele hanorin tan iha eskola sira.
Nune’e, iha tinan 2024, Ministeriu Edukasaun loke vaga bolsa kandidatu ba sidadaun sira ne’ebé hakarak sai manorin atu bele konkore iha vaga refere.
Tanba ne’e, iha tinan 2025, nia mós konkore iha vaga bolsa kandidata ne’e, maibé ikus mai la pasa iha teste ba vaga refere.
Eis Profesor Voluntariu Vitor Pinto, relata asuntu ne’e ba Jornalista IDTV, iha Edifisiu Jornal INDEPENDENTE, foin lalais ne’e.

05/07/2025

Vise Primeiru Ministru, Ministru Koordenador Asuntu Sosial no Ministru Dezenvolvimentu Rural Habitasaun Komunitaria Hala'o Dialogo ho Estudante sira iha Eskola Sekundaria Jerál Nobel da Páz, Kintal Boot, Balide, Dili, ho Tema: Dialogo ba Páz Liu Husi Formasaun Karaktér ba Konstrusaun Páz, Konstrusaun Estadu, Konstrusaun Nasaun no Konstrusaun Karaktér. Sabado (05/07/25).

04/07/2025

Vise Primeiru Ministru, Ministru Koordenador Asuntu Sosial no Ministru Dezenvolvimentu Rural Habitasaun Komunitaria Hala'o Dialogo ho Estudante sira iha Eskola Sekundaria Jerál 04 Setembru, UNAMET, Balide, Dili, ho Tema: Dialogo ba Páz Liu Husi Formasaun Karaktér ba Konstrusaun Páz, Konstrusaun Estadu, Konstrusaun Nasaun no Konstrusaun Karaktér. Sesta (04/07/25).

03/07/2025

DILI: Iha loron 2 fulan-Jullu ne’e, account media sosial Thai PBS Word fó sai informasaun katak, Myanmar ofisialmente fó hatene ba Malazia, atual Prezidente ASEAN nian katak, sei la fó apoiu Timor-Leste adere ba ASEAN iha fulan-Outubru tinan ne’e, tanba ne’e Primeiru-Ministru Interinu atual, Vise Primeiru Ministru, Ministru Koordenadór Asuntu Sosiais no Ministru Dezenvolvimentu Rural Habitasaun Komunitária (MKAS-MDRHK), Mariano Assanami Sabino hatete, ne’e la’ós problema Timor-Leste nia.
Tanba ne’e, nia dehan, Timor-Leste halo buat hotu-hotu tuir rekezitus ne'ebé mak iha ona, maibé lider sira labele taka matan bainhira iha violasaun ne'ebé mosu rejime se deit mak kontra povu, lider sira halo deklarasaun normal.
Mariano Asanami Sabino hatete ne’e, hafoin remata hala’o dialogo ho estudante sira husi Ensinu Sekundaria Jeral FINANTIL, Komoro, Dili, Kinta ne’e (03/07/25).

03/07/2025

Vise Primeiru Ministru, Ministru Koordenador Asuntu Sosial no Ministru Dezenvolvimentu Rural Habitasaun Komunitaria Hala'o Dialogo ba Páz Liu Husi Formasaun Karaktér ba Konstrusaun Páz, Konstrusaun Estadu, Konstrusaun Nasaun no Konstrusaun Karaktér, iha Eskola Ensinu Sekundaria Jeral FINANTIL, Komoro, Dili, Tersa (03/07/25).

01/07/2025

Dialogo ba Páz Liu Husi Formasaun Karaktér ba Konstrusaun Páz, Konstrusaun Estadu, Konstrusaun Nasaun no Konstrusaun Karaktér

30/06/2025

DILI: Komunidade uma-kain 50 iha Suku Osso-Uala, Postu Administrativu Vemasse, Munisipiu Baucau seida'uk asesu ba liña eletrisidade.
Xefe Suku Usso-Uala Francisco Gama da Costa hato’o asuntu ne’e ba jornalista Televizaun INDEPENDENTE, iha nia knar fatin, Hudi-Laran, Dili, foin lalais ne’e//

Jornalista; Ivonia Varela

30/06/2025

DILI: Xefe Suku Osso-Uala Francisco Gama da Costa Lobo hatete, kondisaun Estrada iha Suku Osso-Uala, Postu Administrativu Vemasse, Munispiu Baucau sai preokupasaun komunidade sira nian, tanba iha Suku Osso-Uala, tanba iha tempu udan komunidade sira ne'ebé iha transporte labele asesu ba mai.
Xefe Suku Osso-Uala, Francisco Gama hatete ne’e ba jornalista Televizaun INDEPENDENTE, iha nia knar fatin, Hudi-Laran, Dili, foin lalais ne’e//

Jornalista; Ivonia Varela

04/06/2025

2018-2025 ADTL Fasilita ona nia membru Na’in 215 Asesu ba Ensinu Superior

DILI: Husi tinan 2018 to’o 2025, Asosiasaun Defisiénsia Timor-Leste fasilita ona membru ema ho defisiénsia na’in 215 asesu ba ensinu superior sira iha teritoriu laran tomak maka hanesan Universidade Nasional Timor Lorosa’e (UNTL) no Institute of Business (IOB).

Koordenadór Programa Edukasaun Inkluzivu no Advokasia iha ADTL, Jesuino Valente S. de Araújo hatete, tipu ema ho defisiénsia ne’ebé asesu ona ba ensinu husi tinan 2018 to’o 2025, maka hanesan ema ho defisiénsia matan, defisiénsia tilun, defisiénsia fiziku no mós balun ne’ebé rekoopera husi moras psikososial.

Nia dehan, husi númeru ne’e, balun remata ona sira nia estudu no balun hetan ona servisu iha instituisaun sira no mós balun harii rasik ona organizasaun.

Koordenadór Programa Edukasaun Inkluzivu no Advokasia iha ADTL, Jesuino Valente S. de Araújo relata dadus ne’e ba jornalista televizaun INDEPENDENTE iha nia knar fatin, Maskarenhas, Balide, Dili, (04/06/25).

Jornalista: Nunu Silva

04/06/2025

INSS Simu Ona Proposta Funsionariu Reformadu husi KPF, Maioria Profesores


DILI: Prezidente Institutu Nasional Seguransa Sosial, Arlindo Pinto hatete, Institutu Nasional Seguransa Sosial simu ona proposta kona ba funsionariu reformadu husi Komisaun Funsaun Públika.
Iha proposta ne’e, sita mós numeru funsionariu públiku ne’ebé reformadu hamutuk na’in 2.400.
Husi númeru ne’e, maioria professor sira ne’ebé ho idade 60 ba leten.
Prezidente INSS, Arlindo Pinto hato’o asuntu ne’e ba jornalista sira iha nia knar fatin INSS, Kaikoli, Dili, Tersa (03/06/25).

Jornalista: Nunu Silva

04/06/2025

20 Juñu, INSS-BNCTL Hahú Halo Pagamentu ba Benifisiariu Pensaun Sosial

DILI: Prezidente Institutu Nasional Seguransa Sosial, Arlindo Pinto hatete, iha loron 20 fulan-Juñu, tinan ne’e, Institutu Nasional Seguransa Sosial hamutuk ho Banku Nasional Timor-Leste sei halo pagamentu ba benifisiariu pensaun sosial faze daruak nian.
Nia dehan, total benifisiáriu ne’ebé sei simu sira nia direitu ba pensaun sosial iha faze daruak ne’e, hamutuk na’in rihun 107.784, kompostu husi pensaun invalides hamutuk 10.427 no pensaun velice ka idozus hamutuk na’in 97.357.
Prezidente INSS Arlindo Pinto fó sai informasaun ne’e ba jornalista sira iha nia knar fatin, INSS, Kaikoli, Tersa (03/05/25).

Jornalista: Nunu Silva

Endereço

Ave Delta, Hudi Laran
Dili

Telefone

+67077358204

Website

Notificações

Seja o primeiro a receber as novidades e deixe-nos enviar-lhe um email quando Independente Digital TV publica notícias e promoções. O seu endereço de email não será utilizado para qualquer outro propósito, e pode cancelar a subscrição a qualquer momento.

Entre Em Contato Com O Negócio

Envie uma mensagem para Independente Digital TV:

Atalhos

Compartilhar

Categoria