Secretário de Estado da Pecuária - José Vieira de Araújo

09/07/2025

02/07/2025

02/07/2025

𝐒𝐈𝐑𝐊𝐔𝐋𝐀𝐑 𝐊𝐎𝐍𝐉𝐔𝐍𝐓𝐀 𝐊𝐎𝐍𝐓𝐑𝐀 𝐌𝐎𝐑𝐀𝐒 𝐑𝐀𝐈𝐕𝐀 (𝐌𝐎𝐑𝐀𝐒 𝐀𝐒𝐔 𝐁𝐔𝐋𝐀𝐊)

Mai ita hamutuk halo prevensaun no mitigasaun ba korente surtu Raiva (moras asu bulak) iha Timor-Leste.

https://drive.google.com/file/d/1qGq1NI5mRwubH5p2AWUvE1ytar1ZdWJ4/view?usp=drivesdk

Portal do Governo de Timor-Leste | Gabineti Ministro Agricultura Pecuária Pescas e Florestas IX Governo Palácio das Cinzas | Secretário de Estado dos Assuntos Toponímia e Organização Urbana - Seatou | Klinika Animal Diresaun Nasional Veterinaria MAPPF

Sorotan

28/06/2025

𝐆𝐎𝐕𝐄𝐑𝐍𝐔 𝐃𝐈𝐒𝐊𝐔𝐓𝐈 𝐌𝐄𝐊𝐀𝐍𝐈𝐒𝐌𝐔 𝐁𝐀 𝐏𝐑𝐄𝐕𝐄𝐍𝐒𝐀𝐔𝐍 𝐒𝐔𝐑𝐓𝐔 𝐑𝐀𝐈𝐕𝐀

𝐃𝐢𝐥𝐢, 𝟐𝟕 𝐉𝐮𝐧̃𝐮 𝟐𝟎𝟐𝟓 | Hare ba moras Raiva ka moras asu bulak ne'ebe mak sai ita hotu nia preokupasaun ne'ebe fó ameasa ba saúde públika iha ita nia rai no hamate ona Timor oan nain ne'en (6), husi Munisípiu Bobonaru nain rua (2), Munisípiu Ermera nain ida(1) no (RAEOA) nain tolu (3), tambá hetan tata husi Asu ne'ebe pozitivu ho virus Raiva haktuir komfirmasaun laboratóriu.

Tambá ne'e governu liu-husi Sekretáriu Estadu Pekuária (SEPE) servisu hamutuk ho Ministériu Administrasaun Estatal (MAE) liu-husi Sekretáriu Estadu Asuntu Toponímia no Organizasaun Urbana (SEATOU), Ministériu Saúde (MS), Polísia Nasionál Timor-Leste (PNTL), Falintil Forsa Defeza Timor-Leste (F-FDTL) diskuti mekanismu oinsá atu halo prevensaun no mitigasaun bá korente surtu Raiva ka moras asu bulak ida ne'e atu labele alarga tan ba munisípiu seluk bazeia ba Dekretu-Lei nú. 12/2014, loron 14 fulan maiu, kona-ba, Restrisaun Movimentu Animal nian iha Área Urbana, iha Artigu 3 (alínea d no e), art.5 nú. 1 (alínea a, c) no número 2. Artigo 7, 9, 10, no kapítulu IV sansaun (artigo 9 ho koímas) ne'ebe mak temin iha sirkular konjunta.

Iha enkontru ida ne'e diskuti mos atu forma ekipa konjunta ida husi Ministériu tolu (3) mensionadu, inklui instituisaun seguransa sira no halo konferénsia pers hodi hasai sirkular konjunta kona-bá moras Raiva ka moras Asu bulak ne'e.

Liu-husi intervensaun, Sekretáriu Estadu Pekuária (SEPE) 𝐒𝐫. 𝐉𝐨𝐬𝐞́ 𝐕𝐢𝐞𝐢𝐫𝐚 𝐝𝐞 𝐀𝐫𝐚𝐮́𝐣𝐨 hateten katak durante ne'e Sekretáriu Estadu Pekuária (SEPE) no Diresaun Jerál Pekuária no Veterinária (DGPV, siglaportugés) liu-husi Diresaun Nasionál Veterinária (DNV) servisu hamutuk ona ho Ministériu Saúde (MS) iha programa ida hanaran 𝙊𝙣𝙚 𝙝𝙚𝙖𝙡𝙩𝙝 𝙨𝙮𝙨𝙩𝙚𝙢, hodi kontrola no prevensaun ba surtu Raiva ne'e laos iha deit rai laran, maibe ita servisu hamutuk mos ho Autoridade Nusa Tenggara Timur (NTT) hodi halo Joint Border Meeting ho sira atu nune'e bele prevene hahú kedas husi sira no mós iha ita nia rai, tamba ita mesak deit mos labele maibe tenki servisu hamutuk hodi hasa'e konsiénsia komunidade sira nian.

Governante ne'e mos hatutan tan katak servisu hamutuk ida ne'e importante tebes maske ita iha péritus barak maibe ita iha limitasaun buat barak, tamba ne'e ita presiza servisu hamutuk hodi prevene lalais atu nune'e labele tama mai Munisípiu Dili.

Entertantu ekipa konjunta ne'ebe mak forma ona, tuir planu sei hahú halo operasaun ka servisu iha Munisípiu sira ne'ebe fronteira ho Indonézia hanesan RAEOA, Bobonaro no Covalima hafoin ba munisípiu sira iha teritóriu Timor laran tomak.

Tambá ne'e husu ba komunidade sira atu koopera no servisu hamutuk ho ekipa vasinador sira wainhira to'o ba ita bot sira nia fatin hodi fó vasina ba ita bo'ot sira nia animal hanesan asu, busa, lekirauk no Niki.

Enkontru ida ne'e hala'o iha sala enkontru Ministériu Administrasaun Estatal (MAE) Caicoli, Dili no hetan prezensa husi Komandante Polísia Munisípiu Dili, FDTL, Administrador Postu sira nomos funsionáriu husi liñas Ministeriál sira.

𝐌𝐢́𝐝𝐢𝐚 𝐒𝐄𝐏𝐄

28/06/2025

𝐃𝐈𝐑𝐄𝐒𝐀𝐔𝐍 𝐍𝐀𝐒𝐈𝐎𝐍𝐀́𝐋 𝐕𝐄𝐓𝐄𝐑𝐈𝐍𝐀́𝐑𝐈𝐀 𝐋𝐎𝐑𝐈 𝐕𝐀𝐒𝐈𝐍𝐀 𝐑𝐀𝐈𝐕𝐀 𝐇𝐀𝐊𝐁𝐄𝐒𝐈𝐊 𝐁𝐀 𝐊𝐎𝐌𝐔𝐍𝐈𝐃𝐀𝐃𝐄 𝐒𝐈𝐑𝐀

𝐃𝐢𝐥𝐢, 𝟐𝟔 𝐉𝐮𝐧̃𝐮 𝟐𝟎𝟐𝟓 | Sua Eselénsia Sekretáriu Estadu Pekuária (SEPE) 𝐒𝐫. 𝐉𝐨𝐬𝐞́ 𝐕𝐢𝐞𝐢𝐫𝐚 𝐝𝐞 𝐀𝐫𝐚𝐮́𝐣𝐨 observa direta tékniku veterinária sira halo vasinasaun komunidade sira nia asu iha Jardim Motael, Dili.

Objetivu husi vasinasaun ida ne'e hanesan meius ida hodi kombate surtu raiva ne'ebe oras ne'e hamate ona Timoroan nain ne'en (6). Tambá ne'e mak governu liu-husi Sekretáriu Estadu Pekuária (SEPE), Diresaun Nasionál Veterinária (DNV) lori vasina hakbesik liu-bá komunidade sira hodi halo vasinasaun ba sira nia animal hanesan asu, busa no lekirauk.

𝐌𝐢́𝐝𝐢𝐚 𝐒𝐄𝐏𝐄

27/06/2025

𝐒𝐄𝐏𝐄 𝐇𝐀𝐌𝐔𝐓𝐔𝐊 𝐇𝐎 𝐌𝐈𝐍𝐈𝐒𝐓𝐄́𝐑𝐈𝐔 𝐒𝐀𝐔́𝐃𝐄 𝐍𝐎 𝐒𝐄𝐀𝐓𝐎𝐔 𝐃𝐈𝐒𝐊𝐔𝐓𝐈 𝐒𝐈𝐑𝐊𝐔𝐋𝐀𝐑 𝐊𝐎𝐍𝐉𝐔𝐍𝐓𝐀 𝐊𝐎𝐍𝐀-𝐁𝐀́ 𝐌𝐎𝐑𝐀𝐒 𝐑𝐀𝐁𝐈𝐄𝐒.

𝐃𝐢𝐥𝐢, 𝟐𝟔 𝐉𝐮𝐧̃𝐮 𝟐𝟎𝟐𝟓 | Xefí Gabinete Sekretáriu Estadu Pekuária 𝐒𝐫. 𝐍𝐢𝐥𝐭𝐨𝐧 𝐕. 𝐝𝐚 𝐂𝐨𝐬𝐭𝐚 𝐎𝐥𝐢𝐯𝐞𝐢𝐫𝐚 hamutuk ho Xefí Gabinete SEATOU, reprezentante husi Ministériu Saúde hala'o enkontru hodi diskuti sirkular konjunta ida kona-bá prevensaun moras Rabies iha sala enkontru Sekretáriu Estadu Pekuária, Comoro, Dili.

𝐌𝐢́𝐝𝐢𝐚 𝐒𝐄𝐏𝐄

27/06/2025

𝐆𝐔𝐀𝐑𝐃𝐀 𝐏𝐎𝐒𝐓𝐔 𝐓𝐑𝐀𝐍𝐙𝐈𝐓𝐔 𝐇𝐀𝐌𝐔𝐓𝐔𝐊
𝐓𝐄́𝐊𝐍𝐈𝐊𝐔 𝐕𝐄𝐓𝐄𝐑𝐈𝐍𝐀́𝐑𝐈𝐀 𝐏𝐑𝐄𝐍𝐃𝐄 𝐀𝐒𝐔 𝐈𝐇𝐀
𝐏𝐎𝐍𝐓𝐔 𝐄𝐍𝐓𝐑𝐀𝐃𝐀 𝐊𝐀𝐒𝐅𝐀𝐍𝐀𝐑

𝐃𝐢𝐥𝐢, 𝟐𝟓 𝐉𝐮𝐧̃𝐮 𝟐𝟎𝟐𝟓 | Sekretáriu Estadu Pekuária (SEPE), 𝐒𝐫. 𝐉𝐨𝐬𝐞́ 𝐕𝐢𝐞𝐢𝐫𝐚 𝐝𝐞 𝐀𝐫𝐚𝐮́𝐣𝐨 hamutuk ho Diretora Nasionál Veterinária 𝐝𝐫𝐚. 𝐉𝐨𝐚𝐧𝐢𝐭𝐚 𝐁. 𝐝𝐚 𝐂𝐨𝐬𝐭𝐚 𝐉𝐨𝐧𝐠 halo vizita ba Postu Tránzitu Kasnafar hodi observa direta servisu ne'ebe Guarda Postu no Tékniku Veterinária sira halo apreensaun ba asu ne'ebe komunidade sira lori tama mai Munisípiu Dili.

Hafoin prende asu ne'e Tékniku Veterinária sira sona ho aimoruk adekuadu hodi hamate tiha asu ne'e hafoin ba hakoi.

Nafatin husu ba komunidade sira atu koopera didiak ho tékniku sira hodi vasina ita bo'ot sira nia animal sira hanesan Asu, Busa, Lekirauk no Niki.

𝐌𝐢́𝐝𝐢𝐚 𝐒𝐄𝐏𝐄

27/06/2025

𝐒𝐄𝐏𝐄 𝐊𝐎𝐍𝐓𝐈𝐍𝐔𝐀 𝐒𝐎𝐒𝐈𝐀𝐋𝐈𝐙𝐀 𝐃𝐄𝐊𝐑𝐄𝐓𝐔 𝐋𝐄𝐈 𝐏𝐄𝐊𝐔𝐀𝐈𝐑𝐀 𝐍𝐎 𝐕𝐄𝐓𝐄𝐑𝐈𝐍𝐀𝐑𝐈𝐀 𝐍𝐈𝐀𝐍 𝐁𝐀 𝐊𝐎𝐌𝐔𝐍𝐈𝐃𝐀𝐃𝐄 𝐒𝐈𝐑𝐀.

𝐃𝐢𝐥𝐢, 𝟐𝟒 𝐉𝐮𝐧𝐮 𝟐𝟎𝟐𝟓 | Sekretáriu Estadu Pekuária (SEPE) 𝐒𝐫. 𝐉𝐨𝐬𝐞́ 𝐕𝐢𝐞𝐢𝐫𝐚 𝐝𝐞 𝐀𝐫𝐚𝐮́𝐣𝐨 hamutuk ho Diretór Nasional Pekuária 𝐒𝐫. 𝐀𝐮𝐠𝐮𝐬𝐭𝐨 𝐁𝐚𝐫𝐫𝐨𝐬, 𝐏𝐡𝐝 ne'ebe akompaña husi Administradór Postu Cristo Rei 𝐒𝐫. 𝐅𝐞𝐫𝐧𝐚𝐧𝐝𝐨 𝐝𝐞 𝐀𝐫𝐚𝐮́𝐣𝐨 halo enkontru ho komunidade sira iha Suku Becora, Postu Administrativu Cristo Rei hodi sosializa Dekretu Lei Pekuária no Veterinária nian iha Edifisiu Administrasaun Postu Administrativu Cristo Rei, Dili, Timor-Leste.

𝑶𝒃𝒋𝒆𝒕𝒊𝒗𝒖 𝒉𝒖𝒔𝒊 𝒔𝒐𝒔𝒊𝒂𝒍𝒊𝒛𝒂𝒔𝒂𝒖𝒏 𝒊𝒅𝒂 𝒏𝒆'𝒆 𝒐𝒊𝒏𝒔𝒂 𝒂𝒕𝒖 𝒔𝒐𝒔𝒊𝒂𝒍𝒊𝒛𝒂 𝒏𝒐 𝒑𝒂𝒓𝒕𝒊𝒍𝒍𝒂 𝒊𝒏𝒇𝒐𝒓𝒎𝒂𝒔𝒂𝒖𝒏 𝒃𝒂 𝒌𝒐𝒎𝒖𝒏𝒊𝒅𝒂𝒅𝒆 𝒔𝒊𝒓𝒂 𝒊𝒉𝒂 𝒂́𝒓𝒆𝒂 𝒓𝒖𝒓𝒂𝒍 𝒏𝒐𝒎𝒐́𝒔 𝒆𝒎𝒂 𝒉𝒐𝒕𝒖 𝒃𝒆𝒍𝒆 𝒊𝒉𝒂 𝒌𝒐𝒏̃𝒆𝒔𝒊𝒎𝒆𝒏𝒕𝒖 𝒌𝒐𝒏𝒂-𝒃𝒂́ 𝑳𝒆𝒋𝒊𝒔𝒍𝒂𝒔𝒂𝒖𝒏 𝒔𝒆𝒓𝒗𝒊𝒔𝒖 𝑷𝒆𝒌𝒖𝒂́𝒓𝒊𝒂 𝒏𝒐 𝑽𝒆𝒕𝒆𝒓𝒊𝒏𝒂́𝒓𝒊𝒂 𝒏𝒊𝒂𝒏, 𝒏𝒆'𝒆𝒃𝒆 𝒎𝒂𝒌 𝒌𝒐𝒂𝒍𝒊𝒂 𝒍𝒊𝒖 𝒌𝒐𝒏𝒂-𝒃𝒂́ 𝒐𝒊𝒏𝒔𝒂 𝒂𝒕𝒖 𝒉𝒂𝒌𝒊𝒂𝒌 𝒂𝒏𝒊𝒎𝒂𝒍, 𝒌𝒖𝒊𝒅𝒂𝒅𝒖 𝒂𝒏𝒊𝒎𝒂𝒍, 𝒕𝒓𝒂𝒕𝒂𝒎𝒆𝒏𝒕𝒖 𝒂𝒏𝒊𝒎𝒂𝒍, 𝒎𝒐𝒗𝒊𝒎𝒆𝒏𝒕𝒖 𝒂𝒏𝒊𝒎𝒂𝒍, 𝒂𝒉𝒐 𝒂𝒏𝒊𝒎𝒂𝒍 𝒉𝒐 𝒅𝒊𝒂𝒌 𝒏𝒐 𝒊𝒋𝒊𝒆𝒏𝒆 𝒏𝒐𝒎𝒐́𝒔 𝒔𝒂𝒏𝒔𝒂𝒖𝒏 𝒔𝒊𝒓𝒂 𝒘𝒂𝒊𝒏𝒉𝒊𝒓𝒂 𝒌𝒐𝒎𝒖𝒏𝒊𝒅𝒂𝒅𝒆 𝒌𝒂 𝒆𝒎𝒂 𝒉𝒐𝒕𝒖 𝒍𝒂 𝒌𝒖𝒎𝒑𝒓𝒊 𝑫𝒆𝒌𝒓𝒆𝒕𝒖 𝑳𝒆𝒊 𝒔𝒊𝒓𝒂 𝒏𝒆'𝒆𝒃𝒆 𝒇𝒐 𝒔𝒂𝒊 𝒐𝒏𝒂.

Iha intervensaun Sekretáriu Estadu Pekuária nian hateten sosializasaun ida ne'e ita koalia kona-ba dekretu lei ha'at (4), ida mak Matadouru. Iha Timor laran ne'e maioria laiha Matadouru, aleinde Matadouro Nasional Tibar. Tamba ne'e mak liu-husi sosializasaun ida ne'e ita nia tékniku sira sei esplika modelu matadouro no funsaun husi matadouro ne'e rasik. Dala barak ita oho deit iha liur depois ita fa'an fali ema lakoi han tamba hare ba saúde públika ne'e importante los, no tenki iha fatin fa'an na'an hanesan talho.

Govenante ne'e mos hatete katak Diretor Jeral, Diretór Nasional, Xefi Departamentu sira fó ona indusaun ba tekniku sira kona-bá Dekretu Lei ha'at (4) ne'e hafoin koloka ba postu tránzitu sira, no tékniku sira halo movimentu loron kalan ba implementasaun dekretu lei sira ne'e, maske ho kondisaun ne'ebe ladún adekuadu maibe hanesan timor oan sira nafatin ho vontade atu servisu no ita nafatin tenta para tinan-tinan hadia kondisaun sira ne'e.

Entertantu iha sesaun aprezentasaun, Diresaun Jerál Pekuária no Veterinária (DGPV, Sigla Portugés) aprezenta lejislasaun área Pekuária no Veterinária nian mak hanesan:

• 𝑫𝒆𝒄𝒓𝒆𝒕𝒐-𝑳𝒆𝒊 𝑵.𝒐 10/2014 𝒅𝒆 14 𝒅𝒆 𝑴𝒂𝒊𝒐, 𝑹𝒆𝒈𝒊𝒎𝒆 𝒅𝒆 𝑳𝒊𝒄𝒆𝒏𝒄𝒊𝒂𝒎𝒆𝒏𝒕𝒐 𝒅𝒐𝒔 𝑴𝒂𝒕𝒂𝒅𝒐𝒖𝒓𝒐𝒔;

• 𝑫𝒆𝒄𝒓𝒆𝒕𝒐-𝑳𝒆𝒊 𝑵.º 11/2014 𝒅𝒆 14 𝒅𝒆 𝑴𝒂𝒊𝒐, 𝑹𝒆𝒈𝒊𝒎𝒆 𝒅𝒆 𝑰𝒅𝒆𝒏𝒕𝒊𝒇𝒊𝒄𝒂𝒄̧𝒂̃𝒐, 𝑹𝒆𝒈𝒊𝒔𝒕𝒐 𝒆 𝑪𝒊𝒓𝒄𝒖𝒍𝒂𝒄̧𝒂̃𝒐 𝒅𝒐𝒔 𝑨𝒏𝒊𝒎𝒂𝒊𝒔;

• 𝑫𝒆𝒄𝒓𝒆𝒕𝒐-𝑳𝒆𝒊 𝑵.º 12/2014 𝒅𝒆 14 𝒅𝒆 𝑴𝒂𝒊𝒐, 𝑹𝒆𝒔𝒊𝒕𝒓𝒊𝒄̧𝒂̃𝒐 𝒅𝒐 𝑴𝒐𝒗𝒊𝒎𝒆𝒏𝒕𝒐 𝒅𝒆 𝑨𝒏𝒊𝒎𝒂𝒊𝒔 𝒏𝒂𝒔 𝑨𝒓𝒆𝒂𝒔 𝑼𝒓𝒃𝒂𝒏𝒂;

• 𝑫𝒆𝒄𝒓𝒆𝒕𝒐-𝑳𝒆𝒊 𝑵.º 13/2014 𝒅𝒆 14 𝒅𝒆 𝑴𝒂𝒊𝒐, 𝑪𝒐𝒏𝒅𝒊𝒄𝒐̃𝒆𝒔 𝑯𝒊́𝒈𝒊𝒐 𝑺𝒂𝒏𝒊𝒕𝒂́𝒓𝒊𝒂𝒔 𝒏𝒂 𝑷𝒓𝒆𝒑𝒂𝒓𝒂𝒄̧𝒂̃𝒐, 𝑻𝒓𝒂𝒏𝒔𝒑𝒐𝒓𝒕𝒆 𝒆 𝑽𝒆𝒏𝒅𝒂 𝒅𝒆 𝑪𝒂𝒎𝒆𝒔 𝒆 𝑷𝒓𝒐𝒅𝒖𝒕𝒐𝒔 𝑪𝒂́𝒓𝒏𝒆𝒐𝒔;

• 𝑫𝒆𝒄𝒓𝒆𝒕𝒐-𝑳𝒆𝒊 𝑵.º 41/2023 𝒅𝒆 31 𝒅𝒆 𝑴𝒂𝒊𝒐, 𝑺𝒂𝒖́𝒅𝒆 𝒂𝒏𝒊𝒎𝒂𝒍 𝒆 𝒒𝒖𝒂𝒓𝒆𝒏𝒕𝒆𝒏𝒂.

Sosializascun ne'e rasik partisipa husi Administrador Postu Administrativu (APAJ. PNTI, Tekniku Pekuária no Veterinária, Xefí Suku, Xefi Aldeia, Lia Nain nomós Hakiak Nain sira.

𝐌𝐢́𝐝𝐢𝐚 𝐒𝐄𝐏𝐄