Secretário de Estado da Pecuária - José Vieira de Araújo

29/08/2025

29/08/2025

Parabéns ba Eroi no Povu Timor-Leste ne'ebe selebra Loron KONSULTA POPULAR ba da-la 26.

30 Agostu 1999 | 20 Agostu 2025

"Imi mak eroi, imi mak luta"

Viva Timor-Leste!

Portal do Governo de Timor-Leste
Ministério da Agricultura Pecuâria Pescas E Florestas
Gabineti Ministro Agricultura Pecuária Pescas e Florestas IX Governo
Sorotan

26/08/2025

𝐌𝐀𝐏𝐏𝐅 𝐇𝐎 𝐀𝐔𝐓𝐎𝐑𝐈𝐃𝐀𝐃𝐄 𝐀𝐈𝐍𝐀𝐑𝐎 𝐊𝐎𝐋𝐋𝐄𝐓𝐀 𝐇𝐀𝐑𝐄 𝐇𝐄𝐊𝐓𝐀𝐑𝐄𝐒 𝟖𝟎 𝐈𝐇𝐀 𝐇𝐀𝐓𝐎-𝐔𝐃𝐎

𝐀𝐢𝐧𝐚𝐫𝐨, 𝟐𝟐 𝐀𝐠𝐨𝐬𝐭𝐮 𝟐𝟎𝟐𝟓 | Ministériu Agrikultura, Pekuária, Peska no Florestas (MAPPF) hamutuk ho Prezidente Autoridade Munisipál (PAM) Ainaro, kolleta hare hektares Ualu-nulu (80) uza sistema tradisionál no modernu iha Raibere, Suku Leolima, Postu Administrativu Hatu-udu, Munisípiu Ainaro.

Iha entrevista, Ministru Agrikultra, Pekuária, Peska no Florestas (MAPPF) ein ezersísiu, atuál Sekretáriu Estadu Pekuária, 𝐒𝐫. 𝐉𝐨𝐬𝐞́ 𝐕𝐢𝐞𝐫𝐚 𝐝𝐞 𝐀𝐫𝐚𝐮́𝐣𝐨 esplika, atividade kolleta hare ne’ebe mak durante ne’e komunidade sira esforsu liu husi servisu maka’as hodi kuda hare hektares Ualu-nulu (80) konsege kolleta, ne’e hanesan kontribuisaun ba progama IX Governu Konstituisionál nian oinsá atu hasa’e produsaun iha parte agrikultura nian.

Governante ne’e afirma tan, Natar Raibere ne’e potensia ba iha área agrikultura no ortikultura maibe presiza agrikultór sira hotu envolve-an hodi bele servisu hamutuk atu bele hasa’e produtu agrikola iha rai laran tanba ne’e husu ba agrikultór sira la bele abandona natar ne’ebé mak halo ona no kontinua nafatin halo halo natar tanba MAPPF kontinua fo asistensia tékniku no apoiu ne’eb’e mak iha hodi bele hasa’e produsaun agrikola iha iha Timor-Leste.

Iha fatin hanesan Prezidente Autoridade Munisipál (PAM) Ainaro, Sr. Manuela Georgina Carmo Bucar Corte Real, agradese ba Ministru Interinu tambá bele hamutuk ho PAM no komunidade agrikultór sira bele kolleta hare hektares Ualu-nulu (80), ne’ebé agrikultór sira halo ona tambá natar Raibere ne’e iha poténsia ba natar hamutuk hektares atus rua, lima-nulu (250), maibe konsege kultivu de’it hektares Ualu-nulu (80), maibe ba oin servisu hamutuk nafatin ho Diretora Servisu Munisipál Agrikultura (DSAM) Ainaro no Ekstensionista iha terenu tenki esforsu-an atu bele akompaña nafatin agrikultór sira hodi kontinua halo natar tambá ita hatene katak investimentu governu nian bo’ot tebes hodi kontribui ba irrigasaun sira iha Timor-laran hodi bele fornese be’e ba natar sira atu nune’e agrikultór sira nafatin badinas halo natar no to’os.

Hanesan Prezidente Autoridade Munisipál (PAM) Ainaro, sempre fó atensaun nafatin ba agrikultura oinsá agrikultór sira bele tama ba iha natar no kontinua loke área sira ne’ebé mak abandona kleur ita bele utiliza rekursu sira ne’ebé mak governu investe hanesan irrigasaun, ekipamentu modernu hanesan Tratór fila rai no koa hare, tambá ne’e ita enkoraja nafatin agrikultór sira utiliza rekursu ne’ebé mak iha atu bele halo nafatin natar no to’os hodi bele hasa’e produsaun agrikola, hatete PAM.

Hafoin kolleta hare lider másimu MAPPF ne’e ho ekipa hamutuk ho PAM no Diretora Servisu Agrikultura Munisípiu Ainaro no ekipa tékniku sira ba vizita direta irrigasaun Fernando Lasama ne’ebe fornese be'e ba natar iha Raibere.

𝐌𝐢́𝐝𝐢𝐚 𝐒𝐄𝐏𝐄

26/08/2025

𝐒𝐄𝐏𝐄 𝐊𝐎𝐋𝐋𝐄𝐓𝐀 𝐇𝐀𝐑𝐄 𝐇𝐄𝐊𝐓𝐀𝐑𝐄𝐒 𝟓𝟒𝟐 𝐈𝐇𝐀 𝐒𝐔𝐀𝐈 𝐋𝐎𝐑𝐎

𝐒𝐮𝐚𝐢, 𝟐𝟏 𝐀𝐠𝐨𝐬𝐭𝐮 𝟐𝟎𝟐𝟓 | Sua Eselénsia Sekretáriu Estadu Pekuária (SEPE), 𝐒𝐫. 𝐉𝐨𝐬𝐞́ 𝐕𝐢𝐞𝐢𝐫𝐚 𝐝𝐞 𝐀𝐫𝐚𝐮́𝐣𝐨, reprezenta Ministru Agrikultura, Pekuária, Peska no Florestas (MAPPF) kolleta hare ho tipu nakroman uza mákina modernu iha Aldeia Sukabi-Laran, Suku Suai Loro, Postu Administrativu Suai Villa, Munisípiu Covalima.

Atividade ne’e Señor Sekretáriu Estadu Pekuária hamutuk ho Autoridade Lokál, Autoridade Seguransa, Padre, Ekstensionista, no komunidade natar nain sira kolleta hare ho tipu nakroman hamutuk hektares atus lima, haat nulu resin-rua (542) husi totál área hektares atus ualu, sanulu resin-haat (814) ne’ebe hamutuk ho Suku Debus.

Iha atividade ne’e komunidade natar nain sira husu ba saseluk husi Ministru MAPPF ne’e kona-bá Irrigasaun, tratór no merkadu ba sira.

Señor Francisco Almeida konfesa ba governante ne’e katak “𝐝𝐮𝐫𝐚𝐧𝐭𝐞 𝐧𝐞’𝐞 𝐚𝐦𝐢 𝐠𝐚𝐫𝐚𝐧𝐭𝐞 𝐝𝐞𝐢𝐭 𝐛𝐚 𝐮𝐝𝐚𝐧 𝐛𝐞𝐧 𝐧𝐨 𝐦𝐨𝐭𝐚, 𝐩𝐫𝐨𝐬𝐞𝐬𝐮 𝐟𝐢𝐥𝐚 𝐫𝐚𝐢 𝐦𝐨𝐬 𝐚𝐦𝐢 𝐮𝐳𝐚 𝐝𝐞𝐢𝐭 𝐚𝐢-𝐬𝐮𝐚𝐤 𝐤𝐚 𝐞𝐧𝐬𝐚𝐝𝐚. 𝐃𝐚𝐥𝐚𝐫𝐮𝐦𝐚 𝐛𝐚 𝐡𝐮𝐬𝐮 𝐚𝐭𝐮 𝐚𝐥𝐮𝐠𝐚 𝐞𝐦𝐚 𝐧𝐢𝐚 𝐡𝐚𝐧𝐝 𝐭𝐫𝐚𝐭𝐨́𝐫, 𝐦𝐚𝐢𝐛𝐞 𝐝𝐢𝐟𝐢𝐬𝐢́𝐥 𝐭𝐚𝐦𝐛𝐚 𝐡𝐚𝐝𝐚𝐮 𝐦𝐚𝐥𝐮 𝐧𝐨 𝐚𝐦𝐢 𝐦𝐨𝐬 𝐩𝐫𝐞𝐨𝐤𝐮𝐩𝐚 𝐡𝐨𝐭𝐮 𝐛𝐚 𝐦𝐞𝐫𝐤𝐚𝐝𝐮"

Tamba ne’e mak ami husu ba governu liu-husi Ministériu Agrikultura, Pekuária, Peska no Florestas (MAPPF) atu apoiu ami ba ekipamentus agrikolas sira ne’e, atu nune’e bele hafasil ka hakma’an ami nia servisu. Ami kontente tebes ho mákina koa hare ne’e tamba mákina ne’e ajuda tebes ami ih prosesu koa hare no rontok kedas.

Hafoin kolleta hare, iha entervista Sekretáriu Estadu Pekuária hatete katak“𝐎𝐡𝐢𝐧 𝐡𝐚𝐮 𝐦𝐚𝐢 𝐢𝐡𝐚 𝐧𝐞’𝐞 𝐚𝐭𝐮 𝐤𝐨𝐥𝐥𝐞𝐭𝐚 𝐡𝐚𝐫𝐞 𝐤𝐚 𝐫𝐞𝐳𝐮𝐥𝐭𝐚𝐝𝐮 𝐧𝐞’𝐞𝐛𝐞 𝐦𝐚𝐤 𝐚𝐧𝐭𝐞𝐬 𝐧𝐞’𝐞 𝐤𝐨𝐦𝐮𝐧𝐢𝐝𝐚𝐝𝐞 𝐚𝐠𝐫𝐢𝐤𝐮𝐥𝐭𝐮𝐫𝐚 𝐬𝐢𝐫𝐚 𝐤𝐮𝐝𝐚 𝐨𝐧𝐚 𝐢𝐡𝐚 𝐟𝐮𝐥𝐚𝐧 𝐡𝐢𝐫𝐚 𝐥𝐢𝐮-𝐛𝐚́”, tenik Sekretáriu Estadu.

Hau husu ba komunidade agrikultura sira atu nafatin kontinua hasa’e produsaun agrikola iha rai laran, liu-liu iha Suai Loro ida ne’e. Prezensa ida ne’e mós laos deit atu kolleta hare, maibe atu rona mós komunidade sira nia hanoin no rekomendasaun sira hotu ne’ebe mak sira hasoru.

Governante ne’e hatutan tan katak preokupasaun komunidade sira nian sei akumula no anota hodi tau ba planu, ita sei la halo iha tinan ida ne’e nia laran, maibe komforme orientasaun husi Primeiru-Ministru no Ministru MAPPF katak ita sei projeta planu sira ne’e kada tinan. Ita hamotuk ho tékniku no ekstensionista sira oinsá halo mapamentu ba ida ne’ebe mak prioridade liu no ita nafatin apoiu komunidade agrikultura sira.

𝐌𝐢́𝐝𝐢𝐚 𝐒𝐄𝐏𝐄

25/08/2025

SELEBRASAUN LORON NASIONÁL FALINTIL NIAN BA DALA-50

Díli, 20 Agostu 2025 | Sua Eselénsia Sekretáriu Estadu Pekuária Sr. José Vieira de Araújo, partisipa iha serimónia estandarte bandeira nasional iha ambitu komemorasaun Aniversáriu ezisténsia Forsa Armada Libertasaun Nasionál Timor-Leste (FALINTIL, 20 agostu 1975 - 20 agostu 2025 ) bá dala-50 iha Tasitolu, Dili.

Serimónia ne'e prezide husi Prezidente Repúblika, José Ramos-Horta, enkuantu
Komandante Supremu Forsas Armadas, no partisipa husi Membru Parlamentu Nasionál, Primeiru-Ministru, Kay Rala Xanana Gusmao ho Membru Governu, Xefe Estadu Maiór Jenerál F-FDTL, Tenente Jenerál Falur Rate Laek, Komandante Jeral PNTL, eis Titular, Membru sira husi Korpu Diplomátiku; Veteranu no Kombatente sira no entidade seluk tan.

lha biban ne'e, Ministru Defeza, Kontra Almirante Donanciano da Costa Gomes "Pedro Klamar Fuik" ho Embaixadora Xína iha Timor-Leste, Wang Wenli, asina akordu kooperasaun bá projetu konstrusaun ospitál militár ne'ebé hetan apoiu husi Governu Xína.

25/08/2025

KONFERÉNSIA INTERNASIONAL IHA ÁMBITU KOMEMORASAUN TINAN 50 EJISTÉNSIA FALINTIL

Dili, 20 de Agostu 2025 | Sua Eselénsia Sekretáriu Estadu Pekuária Sr. José Vieira de Araújo partisipa konferénsia internasionál iha ámbitu komemorasaun tinan 50 ejistensia FALINTIL nian.

Konferénsia internasionál ne’e ho tema "A Reforma do Setor da Defesa e Seguransa : O Encino Superior Militar a Liderança e a Defesa dos Recursos Nasionais" ne'ebé realiza iha Salaun Nobre, Ministru Negósius Estranjeirus no Kooperasaun (MNEK), Pantai Kelapa, Dili.

24/08/2025

KOMEMORASAUN LORON FALINTIL BA DALA-50

Liquiça, 18 Agostu 2025 | Sekretáriu Estadu Pekuária , Sr. José Vieira de Araújo, ho kolega membru Governu sira akompaña Inspetór Serimónia, Sr. Bendito Freitas, atuál Ministru Negósius Estranjeirus no Kooperasaun, iha komemorasaun loron ezisténsia Falintil nian ba dala-50.

lha selebrasaun ne'e ho sekuénsia, hanesan Misa agradesimentu iha igreja Saõ João de Brito Liquiça, prezide hosi Amu selebrante, Padre Sebastião Correia no akompaña hosi Padre Joanico Pereira Alves.

Hafoin misa lori kedas ai-fuan hirak ne'ebé hetan ona bensaun ba tau iha Semitériu dos Heróis Liquiça, hodi fó omenajen ba Saudozu sira, mak kontinua ba parada militár iha kampo Liquiça hodi hato'o diskursu Prezidente
Repúblika nian.

Loron importante ne'e, hetan partisipasaun hosi Veteranus no oan hosi Mártires, Militares, Civil, Funsionáriu, Estudante no komunidade sira.

24/08/2025

PM XANANA KOLLETA HARE, AGRIKULTUR SUKU SEISAL AGRADESE BA IX GOVERNU

Baucau, 16 Agostu 2025 | Sua Eselénsia Sekretáriu Estadu Pekuária Sr. José Vieira de Araújo hamutuk ho Ministru Agrikultura, Pekuária, Peska no Florestas, akompaña Primeiru-Ministru (PM), Kay Rala Xanana Gusmão hala'o kolleta ba hare ho tipu nakroman hosi natar hektares 80 iha Suku Seisal, Postu Administrativu Baucau-Vila, Munisípiu Baucau.
Komunidade natar na'in sira iha suku ne'e kontente tanba durante tinan 12 nia laran bee laiha, no natar hektares 180 abandonadu.

lha tinan ida-ne'e, IX Governu Konstitusionál liu-hosi Ministériu Agrikultura, Pekuária, Peska no Florestas (MAPPF), konsege kanaliza bee no natar na'in sira konsege halai natar hektares 80 ne'ebe ohin halo serimonia kolleta.

Natar na'in sira promete katak, iha tinan oin sei halai natar kobre hotu kedan hektares 180 ne'ebé iha, atu bele prodús hare nakroman ho kuantidade ne'ebé boot.

Xefe Suku Seisal, Agus Ferdinand de Carvalho orgullu ho IX Governu Konstitusionál ne'ebé lidera hosi Primeiru-Ministru, Kay Rala Xanana Gusmão ne'ebé konsege hamoris fila-fali irrigasaun kanál tolu hodi lori hikas bee tama bá natar sira.

"Durante tinan 12 nia laran populasaun agrikultór iha suku ida-ne'e terus no abandona hela natar hektares 180. Maibé IX Governu konsege kanaliza bee bá ami-nia natar. Tinan ida-ne'e ami konsege halai fali natar. Ami agradese boot bá PM Xanana," Agus Ferdinand de Carvalho agradese.

Autoridade lokál ne'e mós agradese bá Ministru Marcos da Cruz ne'ebe servisu makaas hodi loke hikas kanal bee nian hamutuk tolu. Agardese mós bá Prezidente Autoridade Munisipál (PAM) Baucau, Veneranda E. M. Lemos Martins ne'ebe sempre akompaña ninia populasaun iha baze, liu-liu sempre hatutan sira-nia lian bá Governu no sempre loke odamatan atu simu autoridade lokál sira ho sira-nia problema.

"Ha'u garante bá Primeiru-Ministru katak, tinan ida-ne'e ami populasaun iha Suku Seisal sei la hamlaha no ami rasik sustenta-an ho produsaun hare ne'ebé iha. Ami la gava-an, maibé realidade hatudu ona katak produsaun sei iha. Esforsu ne'ebé Primeiru-Ministru ho Ministru Marcos da Cruz halo bá ami ne'e la saugati. Ami-nia populasauntomak apresia no orgullu ho Avó Nana nia ukun, nia garante.

lha fatin hanesan, Primeiru-Ministru, Kay Rala Xanana Gusmao bolu atensaun nafatin bá membru Governu sira atu servisu duni ho fuan ho laran bá povu ida ne'ebé eroi ba ukun rasik an.

"Ha'u garante bá Primeiru-Ministru katak, tinan ida-ne'e ami populasaun iha Suku Seisal sei la hamlaha no ami rasik sustenta-an ho produsaun hare ne'ebé iha. Ami la gava-an, maibé realidade hatudu ona katak produsaun sei iha. Esforsu ne'ebé Primeiru-Ministru ho Ministru Marcos da Cruz halo bá ami ne'e la saugati. Ami-nia populasaun tomak apresia no orgullu ho Avó Nana nia ukun,PM Xanana bolu atensaun.

Nune'e mós enkoraza populasaun iha Seisal atu aproveita bee ne'ebe Governu kanaliza ona hodi servisu hakaas aan atu hasa'e produsaun hare nune'e bele redús tiha foos hosi estranjeiru.
Partisipa iha serimónia kolleta ne'e maka membru Governu balun, Deputadu balun, Prezidente Autoridade Munisipál (PAM), Veneranda E. M. Lemos Martins no povu agrikultór iha Suku Seisál.

Fontes: Média-GPM.

24/08/2025

PM LANSA MEGA PROJETU KONSTRUSAUN IRRIGASAUN WATUWA - MODOBUTI

Baucau, 16 Agostu 2025| Sua Eselénsia Sekretáriu Estadu Pekuária (SEPE) Sr. José Vieira de Araújo, hamutuk ho Ministru Agrikultura, Pekuária, Peska no Florestas (MAPPF), Eng. Marcos da Cruz Akompañia Primeiru-Ministru (PM), Kay Rala Xanana Gusmão, hatuur fatuk da-huluk bá Mega Projetu Konstrusaun Irrigasaun iha área Watuwa-Modobuti, Suku Samalari, Postu Administrativu Baucau-Vila, munisípiu Baucau ne’ebe hetan bensaun hosi Amú Pároku Parókia Santu António Baucau, Padre Manuel Ximenes, SDB.

IX Governu Konstitusionál iha kompromissu bo’ot atu tau-matan bá área Agrikultura, oinsá iha tempu ruma povu agrikultór bele prodús rasik foos iha rai laran no labele hatama beibeik hosi estranjeiru.

Ohin Governu halo tán lansamentu iha-ne’e irrigasaun bo’ot ida ne’ebé sei kobre natar hektares 1.294. Natar sira ne’e iha tempu Indonézia, iha duni kanál irrigasaun maibé iha tempu independénsia estragadu hotu nune’e natar sira abandonadu to’o ohin loron.

Projetu irrigasaun Watuwa-Modobuti, empreza selebra kontratu iha fulan Marsu tinan 2025, konsultór asina kontratu iha fulan Maiu ho sira-nia servisu preparasaun ne’e la’o ona durante fulan rua nia laran hodi kee dalan bá asesu atu bele halo movimentu no transporta materiál sira.

Empreza kontratór bá Mega projetu ne’e maka China Nuclear Industry 22ND Construction CO., LTD ho montante orsamentu $22,605, 600,00, Consultant Caturbina Guna Persada-Multimera Harapan (CGP-MMH) JV ho Amythas Consultant Unipessoal, Lda (Sub-Consultant) ne’ebé ninia períudu konstrusaun durante fulan 36.

Partisipa iha serimónia hatuur fatuk da-huluk ne’e maka reprezentante Embaixadór Xina iha Timor-Leste, Banku Mundiál, membru Governu balun, Deputadu balun, Na’in bá Empreza, Reprezentante ADN, CNA, Administradór Postu sira, Xefe Suku, Xefe Aldeia sira no povu agrikultór sira.

24/08/2025

MAPPF HO FAO LANSA PROGRAMA ARTIFICIAL INSEMINATION (AI) NO PROGRAMA DEZENVOLVIMENTU KARAU TIMOR SUSUBEN.

Viqueque, 15 Agostu 2025|Ministériu Agrikultura Pekuária Peska no Floresta (MAPPF) liu-husi Sekretáriu Estadu Pekuária (SEPE) lansa programa Inseminasaun Artifisual (IA) no Programa Karau Timor Susuben (KTS) iha ba Centru Dezenvolvimentu Treinamentu Pekuária (CDTP) Raitahu, Postu Administrativu Viqueque Vila, Munisípiu Viqueque.

Bazeia ba programa IX Governu Konstitusional nian ne’e atu hasa’e produsaun animal ba pursentu rua-nulu (20%) durante tinan lima (5), tambá ne’e mak Ministériu Agrikultura Pekuária Peska no Floresta (MAPPF) liu-husi Sekretáriu Estadu Pekuária (SEPE) foka liu hodi tulun sentru treinamentu sira ne’e ho objetivu atu hasa’e kriasaun fini animál no fó formasaun ba rekursu ne’ebé iha tuir planu ba oin atu alarga tan ba munisípiu seluk.

Sentru ne’ebé eziste iha mós programa treinamentu tékniku ho engeñeriu ka pekuáriu atu nune’e funsionariu sira ne’e bele halo sira-nia funsaun ho di’ak iha sentru lima ne’e.

Sentru ne’e fó mós formasaun ba oinsá haki’ak animál no kriasaun ai-han animál nian, konforme ita-nia órganika pekuária iha Diresaun Nasionál Pekuária, Diresaun Nasionál Veternária no Diresaun Nasionál Teknolójia Prosesamentu Produtus Pekuária.

Tanba ne'e mak Governu liu husi MAPPF iha Sekretário de Estado Pecuária dezenvolve Sentru Treinamentu Pecuária, hakarak haforsa tan servisu ne’e hodi bele hasa’e kriasaun animál komersiál sira.

24/08/2025

𝐌𝐀𝐏𝐏𝐅 𝐒𝐈𝐌𝐔 𝐓𝐄𝐓𝐔 𝐎𝐑𝐒𝐀𝐌𝐄𝐍𝐓𝐔 𝟐𝟎𝟐𝟔 $𝟏𝟑,𝟏𝟗𝟒,𝟕𝟎𝟐

DILI, 12 Agostu 2025

Ministériu Agrikultura, Pekuária, Peska no Florestas (MAPPF) simu ona ninia Tetu Orsamentu tinan fiskál 2026 hosi Ministériu Finansas (MF) hamutuk $13,194,702, ne’ebé fahe bá Saláriu no Vensimentu $937,461 ho Bens no Servisu Korrentes $4,054,847.

Ministru Agrikultura, Pekuária, Peska no Florestas, Marcos da Cruz, akompaña hosi Sekretáriu Estadu Peskas, Domingos da Conceição dos Santos, Sekretáriu Estadu Pekuária, José Vieira de Araújo no Sekretáriu Estadu Florestas, Fernandinho Vieira simu Tetu Orsamentu ne’e iha salaun Ministériu Finansas (MF) Aitarak-Laran, tersa (12/08/2025).

Ministériu simu ne’e iha ámbitu aprezentasaun Proposta Orsamentu Jerál Estadu (OJE) tinan fiskál 2026 bá Komité Revizaun Orsamentu (KRO).

Reuniaun KRO prezide hosi Primeiru-Ministru (PM), Kay Rala Xanana Gusmão ho ho prezensa hosi Vise-Primeiru-Ministru, Ministru Koordenadór Asuntus Sosiais no Ministru Dezenvolvimentu Rurál no Abitasaun Komunitária, Mariano Assanami Sabino, Ministra Finansas, Santina José Rodrigues Viegas Cardoso, Ministru Obras Públikas, Samuel Marçal, Ministru Planeamentu no Investimentu Estratéjiku, Gastão Francisco de Sousa no Vise- Ministra Finansas Felícia Claudinanda Cruz Carvalho.

Reuniaun KRO ne’e hala’o iha salaun Ministériu Finansas (MF) Aitarak-Laran hahú iha tersa (05/08/2025) no tuir Kalendáriu bá reuniaun Komité Revizaun Orsamentu 2026 sei remata iha sábadu (23/08/2025).

Fontes: Mídia-GPM

24/08/2025

SEPE HO MINISTÉRIU SAÚDE DISKUTI PLANU BA KONTROLU MORAS RAIVA

Dili, 7 Agostu 2025 | Sua Eselénsia Sekretáriu Estadu Pekuária (SEPE) Sr. José Vieira de Araújo simu vizita husi Vise-Ministru ba Fortalesimentu Institusionál Saúde (VMFIS), Sr. José dos Reis Magno, Lic. SP. MM, iha nia kna’ar fatin Gabinete Sekretáriu Estadu Pekuária, Comoro, Dili.

Objetivu prinsipal husi enkontru ne'e mak atu kria ekipa ida hodi rejistu númeru animal hanesan asu, busa no lekirauk sira iha teritóriu Timor laran atu nune’e bele hafasil tékniku sira halo vasinasaun no bele hatene dadus ka númeru real wainhira animal sira ne’e hetan vasina moras raiva ka rabies (moras asu bulak).

Aleinde ida ne’e governante nain rua ne’e koalia mos kona-bá kontinua servisu hamutuk koordena malu entre instituisaun rua ne'e ho diak, atu nune’e bele halo kontrolu másimu ba prevensaun no kombate surtu raiva ka rabies (moras asu bulak) ne'ebé daudaun ne'e invade ona iha ita-nia rai no hamate ona sidadun Timoroan balun.