Direção Nacional de Disseminação de Informação-DNDI

07/03/2024

JORNALISTA SIRA PARTISIPA FORMASAUN POLÍTIKA ASEAN IHA ÁREA INFORMASAUN NO MÍDIA.

Sekretária Estadu Komunikasaun Sosiál (SECOMS, sigla portugés) hamutuk ho Ministériu Negósiu Estranjeiru no Kooperasaun (MNEC, sigla portugés), iha loron 6/3/2024, realiza formasaun ba jornalista sira, durante loron ida iha Salaun Novo Turismo Lecidere-Dili.

Objetivu husi atividade ne'e atu hasa'e koñesimentu partisipante sira-nian kona-ba polítika ASEAN nian, iha área informasaun no mídia, servisu kooperasaun ASEAN nian iha setór informasaun no mídia no planu estratéjiku ASEAN iha parte informasaun no mídia tinan 2016-2025.

Iha diskursu ne'e Sekretáriu Estadu Komunikasaun Sosiál, Expedito dias Ximenes, hateten haree husi perspetiva mídia nian, Adesaun Timor-Leste ba ASEAN importante tebes tanba Timor-Leste bele hetan oportunidade atu hola parte iha atividade rejionál sira ne'ebé iha relasaun ho setór komunikasaun sosiál no bele promove interkámbiu mídia ho paíz membru sira tanba Timor-Leste hanesan nasaun foun no kiik ida, iha ne'ebé dezenvolvimentu mídia sei iha prosesu nia laran nune'e presiza aprende hamutuk ho estadu membru sira seluk ne'ebé avansadu ona iha teknolójia informasaun.

Maske nune'e, Ezekutivu ne'e reforsa katak ho Adesaun Timor-Leste nian ba ASEAN sei fó benefísiu boot ba setór komunikasaun sosiál tanba bele koñese avansu mídia iha nasaun seluk hodi sai hanesan referénsia ba dezenvolvimentu mídia iha Timor-Leste.

Partisipante sira ne'e mai husi instituisaun publika no privadu, naín ba mídia sira, Rádiu Komunidade, Asosiasaun jornalista sira, Sentru Informasaun Suku, Konsellu Imprensa, Sosiedade sivil, parseiru SEKOMS nian no entidade relevante sira seluk.

Formadór ba formasaun ida ne'e mai husi Sekretariadu ASEAN ba Divizaun Kultura no Informasaun (Culture and Information Division).

09/02/2024

SEKOMS Lansa Livru Planu Estratéjiku ba Tinan 2024-2028

Sekretária Estadu ba Komunikasaun Sosiál, Expedito Loro Dias Ximenes,kinta feira 8/2/202, hala’o lansamentu ba livru Planu Estratéjiku SEKOMS tinan 2024-2028, iha salaun Auditóriu PCM Palasiu Governu Díli.

Iha lansamentu ne’e Ezekutivu SEKOMS hateten, livru ne’e hanesan matadalan ida ba iha IX Governu konstitusionál SEKOMS nian durante tinan Lima (5) nia laran, produsaun ba livru planu estratejiku SECOMS ne’e, servisu hamutuk ho Mídia na’in sira, parseiru nasionál no internasionál ne’ebé mak fó apoiu durante ne’e ba SEKOMS.

Iha tempu hanesan SECOMS mós selebra asina kontratu ho Instituisaun mídia nain 5 mak hanesan Timor Post, Suara Timor Lorosa’e, Jornál Nasionál Diáriu, Jornal Independente no Dili Post, kada Mídia ida sei distribui jornál exemplar rua-rua lor-loron ba iha Munisípiu,durante tinan ida, hahú husi loron 8 fulan Fevereiru tinan 2024 no remata iha loron 31 fulan Dezembru tinan 2024,
Selebrasaun asina kontratu ida ne’e ho nia objetivu atu bele disemina informasaun kona-ba Asaun Governativa ba to’o komunidade iha teritóriu Timor laran tomak, hodi nune’e povo sira mós bele asesu ba iha informasaun atividade Governu sentrál ho loos no edukativu.

Iha biban hanesan Governante ne’e mós informa katak, durante implementa servisu ne’e ekipa husi SEKOMS mós sei hala’o monitorizasaun, avaliasaun, fiskalizasaun no auditória hodi garante susesu ba servisu refere.

Marka prezénsia iha serimónia ne’e, mak Prezidente Konsellu Imprensa, Diretór Jerál Administrasaun PCM, Deretór Jerál Komunikasaun Sosial, reprezentante UNTL, Diretór husi Mídia sira, Xefe Gabinete Asuntu Parlamentar, no konvidadu sira seluk tán.

20/11/2023

SEKOMS inagura Sentru Informasaun Suku Rurál iha suku Nahareca
Postu Administrativu Ossu Munisípiu Viqueque

Nahareka 17-11-2023, Sekretariu Estadu Komunikasaun Sosiál (SEKOMS), Expedito Loro Dias Ximenes iha sesta ne’e, inagura Sentru Informasaun Suku iha suku Nahareka Postu Administrativu Ossu Munisipiu Viqueque .

Objetviu husi programa ida ne’e atu fasilita komunidade sira bele asesu ba iha informasaun nasionál no internasionál nomos bele entende programa IX Governu nian ho di”ak .

Sec. Estadu Komunikasaun Sosiál reforsa liu tan katak ho estabelesimentu sentru ida ne’e hanesan pasu importante ida ba komunidade sira nune’e bele akompaña di’ak liu tan informasaun sira era teknolojia dijitál ne’ebé mak mais avansadu.

Governante ne’e mós husu ba iha komunidade sira atu utiliza didiák Sentru ida ne’e, nune’e bele akompaña prosesu densenvovimentu nasionál no Internasional ne’ebé akontese iha mundu globál .

Iha Fatin hanesan administradór postu Ossu, hato’o ninia esperansa ba iha Sentru Informasaun Suku Rurais (SISR) ne’ebé mak foin estabelese, tuir autoridade lokal ne’e hateten , Sentru ida ne’e importante tanba liu husi Sentru ida ne’e komunidade suku Nahareca bele simu informasaun husi governu Sentral liu-liu konabá eventu importante sira ne’ebé mak povu presiza hatene.

Autoridade lokál ne’e mós hatutan, komunikasaun aspeitu ida ne’ebé importante tebes tanba sein informasaun komunidade sira labele apar ho atividade saida deit mak governu prepara no estabelese.

Iha seremonia inagurasauun Suku Rurais ne’e , kompleta mos ho ekipa strutura Sentru nian ne’ebé mak prontu atu halo produsaun nune’e bele trasmite informasaun husi suku mai iha nasionál . Relasiona ho problema ne’ebé mak ekipa produsaun hasoru mak ekipa seidauk iha kuiñesimentu ne’ebé mak naton hodi halo servisu ho efetivu no efisiensia.

Hatan ba preokupasaun hirak ne’e Sec.estadu Komunikasaun Sosiál Expeditu Dias Hateten SEKOMS liu husi Centru Formasaun Teknika no Komunikasaun ((SEFTEC) sei fasilita formasaun ba estrutura Sentru Informasaun Suku, nune’e bele hasa’e kuiñesimentu ekipa produsaun nian , atu bele servi di’ak liutan komunidade liu husi informasaun suku .

Partisipa iha eventu ne’e , Administrador Postu Ossu , autoridade lokál ,Adjuntu Komandante PNTL Viqueque, Funsionariu SEKOMS no funsionariu Presidensia Consellu Ministru (PCM), Pe.Parokia Ossu nomos Komunidade Suku Nahareca.

Mídia DNDI

14/07/2023

14/07/2023

Maliana 12-07-2023 , Presidenti funsaun publika Faustino Cardoso realiza seminar Rejionál iha ambitu komemorasaun loron funsaun publiku ba dala - IX.

Objetivu husi seminariu ida ne’e, atu fó hanoin ba funsionariu publiku sira oinsa bele servi publiku ho di’ak liu tan iha future.

Iha fatin hanesan Presidenti funsaun publika Faustino Cardoso, lansa mós video publisidade konabá utulizasaun zebra croos no fahe mós estiker ba transporte publiku sira, ho objetivu atu transmite informasaun ba iha publiku liuliu diriji ba motorizada no kondutór sira atu respeita direitu pedeastria ka ema la’o -ain sira wanhira utrapasa zebra cross.

15/04/2023

NOTA INFORMATIVA

Liu husi biban ne'e, Direção Nacional de Disseminação de Informação-DNDI iha Ministériu ba Asuntus Parlamentares no Komunikasaun Sosiál hamutuk ho Parseiru Servisu sira hotu husu deskulpa ba erru (sala) tékniku hakerek ne'ebé iha Anúnsiu Públiku kona-ba Eklipse Solar iha loron hirak liu ba ne'ebé espalla ona iha komunidade nia le'et, liu-liu iha meiu sira Komunikasaun sosiál nian.
Parte Responsável halo ona korresaun ba erru tékniku hirak ne'e no publika fila-fali asuntu ne'e ho loloos.

Agradese wa'in ba kompreensaun tomak.

03/04/2023

GOVERNU FÓ IMPORTÁNSIA BA POVU NIA SAÚDE

Ministru ba Asuntus Parlamentares no Komunikasaun Sosiál (MAPKOMS), Francisco Martins da Costa Pereira Jerónimo, kontinua dezenvolve komunikasaun ho komunidade suku Macadiqui, Postu Administrativu Uatulari, Munisípiu Viqueque.

Ba Povu Uatulari Governante ne’e destaka, governu kontinua tau matan nafatin ba iha povu nia móris liu husi programa Governu Iha Povu Nia Le’et Naroman ba Suku ho Objetivu husi dialogu ne’e atu lori programa governu iha povu nia le'et, hodi hakbesik ba povu no fahe informasaun ida ne’ebé kredivél ba populsaun relasiona ho programa dezenvolvimentu setór edukasaun, saúde, infraestutura, agrikultura no veteranus.

Hodi nune’e povu labele móris ho dúvida no hasai povu husi izolamentu, tanba objetivu no programa prioridade governu da VIII ne’ebé lidera husi General Taur Matan Ruak ne’e foku makás sentru ba desenvolvimentu nasaun maka ema / rekursu umanu tamba ne’e tenke investe ba área ne'e”.

Iha programa jerál Governu nian sira ne’e fó importánsia ba atu hatutan informasaun programa dezenvolvimentu nasionál ba povu iha báze, hasai povu husi izolamentu informasaun, hodi povu simu informasaun ne’ebé loloos kona-ba prosesu dezenvolvimentu nebé lao dadauk. Iha fatin ne’e mós Ministru MAPKOMS fó oportunidade ba iha reprejentante Ministériu Saúde, Diretór Gabinete Garantia Kontrolu Kualidade Saúde, Feliciano Pinto destaka kona-ba polítika Governu lori saúde besik ba povu no atividade naroman ba suku reforsa ona servisu saúde nian.

Aleinde ne’e mós iha postu saúde Uatulariu, iha sentru saúde ida no lakleur tan Uatualri sei hetan sentru saúde maternidade Interna no iha sentru atendimentu ka mobile klinik hodi besik ba povu no iha komitmentu lori saúde ba povu, nune’e mós tuir planu sentru ne’e sei kobre Postu Administratu sira hanesan Uatulari, Uatukarbau, Iliomar no postu Administrativu Ossu sorin

Ministru Francisco Martins da Costa Pereira Jerónimo destaka katak, Governu ne’e fó atensaun maka'as ba iha área saúde ne’ebé ohin diretór husi Ministériu saúde nian esplika. Marka prezensa iha dialogu ne’e Diretór Gabinete Garantia Kontrolu Kualidade Saúde, Xefe suku viziñu, suku Matahoi, xefe juventude Suku Matahou no komunidade sira suku Macadiqui.

31/03/2023

“Governu kontinua rona povu nia lian iha Báze”

Ministru ba Asuntus Parlamentares no Komunikasaun Sosiál (MAPKOMS), Francisco Martins da Costa Pereira Jerónimo, Kinta-feira semana ne’e realiza dialogu ho komunidade suku Makadiqui, Postu Administrativu Uatulari, Munisípiu Viqueque.

Iha dialogu ne’e, Ministru esplika kona-ba polítika Governu Konstitusionál da ualu nian no mós dezemina programa importante sira no promove espresaun povu nia hakarak “liu husi dialogu komunitaria sira ne’ebé realiza tiha ona ba iha povu nia móris no lori governu ba hakbesik iha povu kona-ba saida mak povu, lider komunitariu sira, xefe aldeia, veteranus, xefe familia husu no hakarak no governu konsidera halo iha tempu badak no iha futuru liu husi OGE no akontese mudansa ba iha subsidiu sira iha tinan 2022.

Governante ne’e mós sublina “kona-ba mina ne’ebé nuda’ar riku soin timor nian ne’be povu hatene no tuir planu atu dadaa mai Beasu governu nee tau hanesan realiade turuk duni ba iha povu liu husi subsidiu sira, atu nune’e hotu-hotu bele sente duni riku soin nasaun nian”.

Iha biban ne’e mós MAPKOMS hanesan ne’ebé tutela ba iha komunikasaun husu ba povu atu fó fiar liu ba iha govrnu hodi prepara programa no responde preukupasaun povu nian hodi labele konsumu lia falsu sira.

Iha fatin hanesan reprejentante komunidade sira, xefe suku macadiqui fo agradese ba iha Governu hodi bele realiza atividade dialogu komunitária iha suku Macadiqui hodi rona hanoin no preukupasaun joventude no komunidade sira nian. Reprejentante Administrador Munisipiu fó parabéns ba iha suku Macadiqui, tanba bele dezenvole komunikasaun ho MAPKOMS hodi mai realiza programa dialogi komunitariu iha suku nee.

Suku Macadiqui iha aldeia 21 kompostu husi uma kain 1,773 no populasaun mane 3,852 no feto 3,650 tuir aloramentu ga sensu tinan 2017-2023. Marka prezensa iha dialogu ne’e reprjentante Ministériu Saúde, Administrador Munisipiu Viqueque, Komandante polisia eskuadra Uatulari ho koamndo tomak, veteranus, Xefe Aldeia nain 21 iha Suku Macadiqui, xefe gabinete, Diretores husi MAPKOMS, kargu xefia sira no funsio’ariu MAPKOMS.