Asosiasaun Esperansa Feto ho Defisiensia AEFD

27/08/2024

Obrigado no agradese wa'in ba Gabinete Premeiru Ministru ne'ebe hatun ona Despaixu ba Patrimonio Estadu no Ministeriu Finansa hodi aprova transporte Ida Mai AEFD🙏

24/08/2024

Asosiasaun Esperansa Feto Defisiénsia (AEFD) implementa ona Atividade Dialogu no Sosializasaun Direitu Feto no Labarik-Feto ho Difisiensia Asesu ba Justisa formál, iha Munisípiu 2 mak hanesan Munisípiu Likisa, Postu Administrativo Bazartete, Suku Mau-meta no Munisípiu Aileu, Posto administrativo Aileu vila Suku Saboria
Realiza atividade refere serbisu hamutuk ho Autoridade Lokál no ALFeLa, suporta fundus husi The Asian Foundation (TAF)🙏

01/08/2024

AEFD no The Asian Foundation asina kontratu estende Tan programa Dialogo no Sosilizasaun ba Komunidade Sira kona-ba Direitu Feto no labarik Feto ho Defisiensia atu asesu ba Justisa formal, ba Municipio rua Mak hanesan Aileu ho Liquica.🙏 Agradese ba The Asian Foundation ba fiar tomak, espera iha futuro sei suporta di'ak Liu tan 🙏obrigada.

30/07/2024

Data 31/7/2024/ Assosisaun Esperansa Feto Defisiensia AEFD onradu no Orgullu hodi agradese ba IX Governo Konstituisional husi Ministeriu Solidariedade Sosial no Inklusaun (MSSI), ne'ebe atribui ka sertifika ona Assosisaun Esperansa Feto Defisiensia AEFD ho Atribusaun no Decreto-Lei n. 25/2017, Dokumentu official Ida ne'ebe fo kompetensia ba AEFD hodi Servisu hamutuk ho Ministeriu nu'udar parseiru Governo atu bele asesu ba fundus ne'ebe Ministeriu Solidariedade oferese Liu Husi transferensia publiku, dokumetus Utilidade Sosial Ida ne'e AEFD hetan Tanba AEFD hamri'ik hodi apoio Governo luta kontra Desigualdade Ema Feto ho Defisiensia hodi hetan Moris balansu entre Feto no Mane inklu Ema ho Defisiensia husi Aspetu hirak ne'e AEFD hakarak hato'o Ami Nia Agradesementu profunda ba iha Ministeriu Solidariedade Sosial no Inklusaun🙏

12/07/2024

25-28/06/2024 Asosiasaun Esperansa Feto Defisiénsia (AEFD) implementa ona Atividade Dialogu no Sosializasaun Direitu Feto no Labarik-Feto ho Difisiensia Asesu ba Justisa formál, iha Munisípiu Baucau, Postu Administrativo Laga, Suku Tequinomata no Postu Administrativo Baucau, Suku Buruma.
Realiza atividade refere serbisu hamutuk ho Autoridade Lokál no ALFeLa, suporta fundus husi Gabinete Apoiu Sosiedade Civil (GASC).

23/05/2024

AEFD implementa ona atividade Dialogu no Sosializasaun komunitáriu konaba Feto no Labarik-feto ho Defisiénsia nia Direitu Asesu ba Edukasaun, Saúde, Serbisu Públiku, Forma Família no Justisa Formál, AEFD kooperasaun serbisu hamutuk ho ALFeLa (Asisténsia Legál Feto no Labarik), ADFTL (Asosiasaun Defisiénsia Fiar Timor-Leste), FJDE (Forum Joventude Defisiénsia Ermera) no ANBF (Asosiasaun Naroman ba Futuru).
Fundus ba atividade refere apoiu husi The Asia Foundation TAF, iha munisípiu tolu; Baucau, Dili no Ermera. Nov 2023 - Abril 2024.

21/05/2024

Asosiasaun Esperansa Feto ho Defisiénsia (AEFD) asina ona fundu ho GASC(Gabinete Apoiu Sosiedade Sivil) iha 21 Maiu 2024 hodi halo projeitu Advokasia iha Munisípiu Baucau no Ermera

04/04/2024

Enkontru AEFD ho JDN (Juventude Desenvolvimentu Nasionál)
Asuntu ko’alia kona-ba servisu AEFD nian durante ne’e liga liu ba programa Advokasia, justisa no kooperativa, no mós fahe esperensia servisu ba malu.🙏

22/03/2024

Rádiu Komunidade ba Ema ho Defisiénsia (RKDTL) nia kobertura ba aprezentasaun rezultadu peskiza anuál husi Asosiasaun Esperansa Feto ho Defisiénsia (AEFD)

https://rkdtlmedia.blogspot.com/2024/03/aefd-aprezenta-relatoriu-peskiza-husi.html?fbclid=IwAR3a5VNYUypqc5do0_wrRHO9SE-D5rR09rDTvIJKL_xG2sN1K_bWp-jhSjo&m=1

Dili-19/03/2024 Media Defisiensia, Asosiasaun Esperansa Feto ho Defisiensia (AEFD) aprezenta relatóriu peskiza annual kona-ba opiniaun ...

20/03/2024

Mai ita koñese Madalena da Costa.

Wainhira ha’u moris mai ha’u nia família sente triste tanba haree ha’u nia kondisaun ne’ebé diferente, ho ha’u nia kondisaun ne’ebé liman fuan laiha ha’u nia família hanoin katak di’ak liu ha’u iha uma de’it la perzija ba eskola, ha’u nia kondisaun difikulta ha’u labele la’o ho di’ak tan ne’e iha 2006, ha’u nia família refere ha’u ba iha CNR (Centru Nasionál Reabilitasaun) hodi hetan xinelus espesiál ne’ebé bele suporta ha’u hodi halo movimentu,no agora dadaun ha’u servisu iha RHTO

Ha’u nia knaar maka halo atendementu ba bainaka, prepara konvite no foti minutas enkontru. Husi RHTO nia tulun ha’u fahe tempu ba eskola ensinu rekorente, no ha’u agora iha faze 5, ha’u iha esperansa atu kontinua nafatin ha’u nia estudu to iha nivel Universitáriu.

Ho nia mensajen furak sira. Atu inspira feto no labarik feto ho defisiénsia sira katak ita ho kondisaun defisiénsia sempre hasoru Bareira ka difikuldade bo’ot ba ita. Bainhira asesu ba transporte públiku.

Wainhira ha’u lao iha dalan Ema sempre fihir ba ha’u nia kondisaun fisíku ne’ebé la hanesan ho ema sira seluk,maibe ha’u iha mehi ne’ebe maka bo’ot atu bele ultrapasa Bareira sira ne’e hotu.

Ba ha’u nia feto maluk ho defisiénsia lalika lakon esperansa iha moris koko hakas an nafatin no buka oportunidade asesu ba edukasaun, ita tenke hatudu katak ema ho defisiénsia mos iha kapasidade hodi kontribui halo mudansa ba Timor –Leste.🙏💪

Feto ho defisiénsia mos bele, Esperansa nafatin ba futuru tanba lei garante ema hotu-hotu direitu hanesan.

Diretora ezekutiva (Asosiasaun Esperansa Feto ho Defisiénsia AEFD)

16/03/2024

https://tvdemocraciajusto.com/aefd-fo-sai-relatoriu-peskiza-opiniaun-publiku-sidade-dili-kona-ba-direitu-feto-labarik-no-defisiensia/

Dili, 15 Marsu 2024 (TVDJ) –Asosiasaun Esperansa Feto...

15/03/2024

Asosiasaun Esperansa Feto ho Defisiénsia (AEFD) iha 15 Marsu 2024 fahe ona rezultadu peskiza: Opiniaun Públiku Sidade Dili kona-ba Direitu Feto no Labarik-feto ho Defisiénsia.
Servisu hamutuk ho Xanana Reading Room🙏