Safrei Eskola Múzika, Audio Visual Studio & Voluntary Group

Home
Safrei Eskola Múzika, Audio Visual Studio & Voluntary Group

This page is about Safrei School of Music, Safrei Audio Visual Studio and Safrei Voluntary Group.

31/08/2025

Estudante Claricia aprende violinu iha Safrei hamutuk fulan 8 ona. Baibain estudante aprende violinu lor-loron to'o tinan 3 ou tinan 5 nia laran mak ita nia violinu nia lian bele diak/furak. Maski Claricia foin treinu fulan 8 no maski nia violinu nia lian seidauk di’ak loos ou seidauk furak loos maibe nia ho entuziazmu tebes atu toka no treinu ba kampaña jere lixu nian. Lisaun husi Claricia mak dala ruma ita lapresiza hein atu ita prontu lai mak ita bele involve an iha kampaña edukativa. Halo/lao uluk depois mak hadia neneik. Estudante Angela treinu piano iha Safrei hamutuk tinan rua fulan walu ona no nia hetan apoiu makas husi inan-aman hodi enkoraja nia treinu lor-loron iha uma atu nune’e nia mos bele tuir nia kolega no nia bin Pianista Calista nia ain fatin. Claricia no Angela ohin treinu hamutuk múzika klásika ida ho nia titulu “Minuet in G” husi Ludwig Van Beethoven hodi promove no halo kampaña ba jere lixu nian, hodi fó hanoin ba ita ida-idak atu tau lixu iha nia fatin. Ho nune’e, ita kuda mentalidade di’ak iha ita nia sosiedade no halo ita nai rai sai furak no moos.

28/07/2025

Ami nia estudante naran Gyan, husi nivel/level 2, treinu toka múzika klásika ho nia títulu Lágrima husi Francisco Tárrega. No liu husi múzika klásika ne'e, Safrei Eskola Múzika kontinua promove valores kampaña edukativa kona ba jere lixu, hodi fó hanoin ba malu atu tau lixu iha nia fatin; labele naran soe lixu arbiru iha dalan no fatin públiku sira.

23/06/2025

After playing music for a wedding mass, in the morning, at Maria Auxiliadora Church, our students continued playing few songs for wedding reception of Maun Enço and Mana Mimy at Terra Santa in the evening.
Parabens ba Enço & Mimy!

22/06/2025

After playing music for a wedding mass, in the morning, at Maria Auxiliadora Church, our students went for sound-check at Terra Santa, preparing for evening music for wedding reception of Maun Enço and Mana Mimy.

Depois de toka ba missa kazamentu dader, ami nia estudante prepara an iha lorokraik ba soundcheck iha Terra Santa atu toka ba festa kazamentu kalan nian, ba maun Enço ho Mana Mimy nia kazamentu.

14/06/2025

Horisehik dia 14 de Junho de 2025, estudante foun mos hahu ona sira nia aulas teoria muzika. No depois de Teoria muzika hotu iha fulan oin mak sira komesa ho sira nia aulas guitarra klassika.

07/06/2025

Semana oin, dia 14 de Junho de 2025, aulas ba estudante foun sira mos sei komesa ona.

23/05/2025

Múzika "Mariage d’amour" ne’e husi kompozitor naran Paul de Senneville. No estudante Calista toka ida ne’e hodi uza ba halo kampaña edukativa jere lixu atu enkoraja ita ida-idak hodi hatudu ita nia domin ba ita nia planeta no rai ida ne’e liu husi asaun kiik sira halao kampaña kona ba jere lixu no hanorin oan sira no sosiedade atu forma mentalidade no atitude “ toman soe lixu iha lixu fatin” atu nune’e hahalok diak ne’e bele sai parte husi ita nia moris no ita nia mindset.

22/05/2025

Loron diak! Ami hakarak informa de’it katak ami husi Safrei Eskola Múzika komesa ona loke rejistu foun ba estudante sira iha fulan ida ne’e husi dia 23 de Maio de 2025. No ba data rejistu no kriteria sira, favor ida bele lee didiak iha brosur kraik ne’e antes husu perguntas sira. Obrigado wain ba atensaun.

1. Data Rejistu komesa iha loron Sesta dia 23 de Maio de 2025 to’o Sesta dia 13 de Junho de 2025.
Oras rejistu:
-Dader tuku 10:00 -12:00
-Lorokraik tuku 14:00 – 18:00.
Durante rejistu, estudante foun nia inan-aman sei simu dokumentus eskola, termus & kondisoens hodi lee, kalendariu no lista sasan ne’ebé oan presiza atu lori no uza durante tuir aulas.

2. Depois de rejistu, aulas múzika ba estudante foun sira sei komesa iha dia 14 de Junho de 2025 iha loron Sabadu tuku 09:00 – 11:00 no loron Domingu tuku 13:00 - 14:00.

3. Rejistu ne'e ami loke deit ba labarik tinan 6 to'o 15. Ami laloke ba ema boot sira tamba kestaun rekursu umanus la to'o. Ba info kompletu no kriteria tomak bele lee iha brosur kraik ne’e ou bele dere ba numeru: 77520368 se iha pergunta ruma.

18/05/2025

Our level 2 students have just started their piano lesson after finishing their level 1 of music education in March 2025.

Estudante level 2 foin dadauk passa husi level 1 ba 2 iha fulan marsu ne'e komesa tama ona ba fundasaun piano baziku depois de fulan ida aprende teoria muzika kona ba piano nian.

25/04/2025

Atu informa de’it ba estudante Safrei sira hotu katak ita sei LAIHA aulas iha loron Sabadu dia 26 de Abril de 2025 tamba ita sei tama ba iha lutu loron dalima fó omenaejen ikus, loron Misa Funebre ba Sua Santidade Papa Francisco iha Tasi Tolu. Ita nia aulas múzika sei komesa fali hanesan babain iha loron tuir mai iha Domingu, dia 27 de Abril de 2025. Ba ita hotu nia atensaun, ami hato’o obrigrado wain.

27/03/2025

Estudante Safrei halo preparasaun ba konsertu annual da hitu no uza konsertu ne’e sai mós ambiente Kampaña ba Jere lixu hodi eduka ita nia-an no muda ita nia mentalidade kona ba ita nia atitude ba lixu. Tiket Konsertu ne’e $5 ba kada ema ida. No konsertu ne'e sei halao iha Salaun Canossa Has Laran iha dia 29 de Março de 2025 husi tuku 6 lorokraik to’o tuku 8 kalan. Ba programa kompletu konsertu ne'e nia, bele click iha link ida ne'e https://www.facebook.com/photo/?fbid=1162274252357000&set=pcb.1162275209023571

24/03/2025

Atu informa de'it ba estudante Safrei sira hotu katak iha loron Sabado dia 29 de Março de 2025 ita sei LA IHA Aulas Múzika ba estudante sira hotu tamba ita iha konsertu pasa level nian ba estudante level balun. Nune'e ba sira ne'ebé hakarak asisti konsertu bele haree programa kompletu iha kraik no bele hola tiket, $5 kada ema ida, iha semana ida ne'e iha Safrei Eskola Múzika ou oras ida antes tama ba sala konsertu iha dia 29 de Março iha Salaun Canossa oin. Ba assisti konsertu, favor ida asisti ho hakmatek, labele halo barullo iha neba tamba ida ne'e konsertu maioria klásika nian. No evita lori labarik, oan sira ou alin sira ne'ebé iha tendensia atu halo barullo iha neba. Konsertu ida ne'e mos alem de hanesan konsertu annual/pasa level nian, ida ne'e sai hanesan konsertu kona ba fundraising ba kampaña jere lixu. Nune'e ba asisti konsertu karik, favor ida evita soe lixu arbiru iha konsertu fatin ne'eba. No se balun soe lixu arbiru iha neba karik, hase malu didiak/fó hanoin malu didiak atu tau fali lixu iha lixu fatin. Ami fiar katak edukasaun múzika iha poder/enerjia atu muda mos ita nia mentalidade no oan sira nia mentalidade agora no ba futuru kona ba jere ita nia lixu. Obrigado

Address

Opening Hours

09:00 - 17:00

Telephone

+67077520368

Website

http://escolamusica7.wix.com/a-safrei-musica

Alerts

Be the first to know and let us send you an email when Safrei Eskola Múzika, Audio Visual Studio & Voluntary Group posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Safrei Eskola Múzika, Audio Visual Studio & Voluntary Group:

Shortcuts

Address
Telephone
Opening Hours
Alerts
Contact The Business
Claim ownership or report listing

Want your business to be the top-listed Media Company?

Country:

City: