02/09/2022
Telemor Fintech lansa tiha ona jogu ida iha aplikasaun Mosan ho naran Kolega Mosan, iha jogu ida ne’e iha premiu oioin hanesan: Osan, Pakote Internet (MB), pulsa no seluk tan.
Sra. Odete Rodrigues dos Santos
Hela fatin iha: Liquica
Idade: 32
Sai hanesan manan-na’in dahuluk iha jogu Kolega Mosan, ne’ebé mak hetan premiu osan ho montante $300 USD husi Telemor Fintech (Mosan) Sra. Odete hanesan kliente Mosan nian ne’ebé mak foin uza aplikasaun Mosan durante fulan ida ho balu no nia mos hatene aplikasaun ne’e liu husi trabalador Telemor nian iha Liquica.
Ohin loron 01/09/2022 ekipa Telemor Fintech (Mosan) koko halo konversa badak ida ho Sra. Odete iha Loja Telemor nian iha Timor-Plaza, Dili.
Sra. Odete hateten “Hau senti hakfodak oituan bainhira hau hetan premiu ida ne’e, tamba hau hanoin jogu ida ne’e hanesan bele hetan de’it Bonus pakote internet ou osan $1/$2 USD de’it. Maibe bainhira hau hetan no manan premiu osan ho montante $300 USD ne’e hau senti kontente tebes no orgulhu tebes ho Telemor Fintech (Mosan), ne’ebé bele fahe ona premiu ho montante osan ne’ebé bo’ot tebes ba nia kliente sira”.
Sra. Odete hatutan “jogu Kolega Mosan ne’e atrativu tebes, laos de’it mak gosta halimar jogu ida ne’e maibe hau nia oan sira mos gosta tebes halimar jogu ida ne’e no kada loron ida hau bele halimar jogu Kolega Mosan dala 5. No bainhira hau nia turnu atu halimar jogu ida ne’e hotu, hau sempre halo fila fali transaksaun ruma liu husi Mosan, hanesan: sosa pakote F10, se lae hau hein to sesta hodi sosa pakote internet liu husi Mosan. Tamba hau hatene iha loron seste Mosan iha Diskontu %50.
No ikus liu hau hakarak hato’o hau orgulhu tebes no obrigadu wa’in ba Telemor Fintech (Mosan), ne’ebé mak kria ona jogu Kolega Mosan ne’ebé mak atrativu tebes mai ami kliente sira no mos fornese premiu oioin ho montante ne’ebé bo’ot mai ami kliente sira.”
Obrigadu Mosan!
MOSAN – MORIS FASIL LIU
Telemor Finteh (Mosan) hakarak hato’o Parabens ba Sra. Odete Rodrigues dos Santos ne’ebé mak sai hanesan manan-na’in dahuluk ba jogu Kolega Mosan.
No ba kliente sira seluk lalika laran taridu, ita bo’ot sira mos sei iha oportunidade hodi bele manan premiu ida ne’e.
Tamba ne’e keta haluha halo transaksaun liu husi Mosan hodi bele hetan turnu halimar Kolega Mosan
Ba kliente sira ne’ebé seidauk iha aplikasaun Mosan bele download liu link iha kraik:
https://mosan.telemor.tl/
Ba informasaun klaru, favor liga ba: 188 ou via WhatsApp 76188188
