بـوعـبـدالـلّــه Zoom

19/05/2025

السيد معتمد كسرى
هذه صورة تعود لسنة 2022 في زيارتك الأولى لمسلك فيض سعيد صحبة السيد رئيس البلدية السابق و عمدة الجهة
سيد المعتمد ، كلنا نعرف أنك إبن أحد أرياف الڨصرين المهمشة حالها حال أرياف كسرى التي تحملت مسؤولية الإشراف عليها و تحس ما يحسه أبناء أريافنا المنسية ..
نعلم تمام العلم صدقك و تمييزك العاطفي تجاه بوعبدلله خاصة ،
لكن ما بيدك حيلة نحن نعلم هذا تمام العلم
لكن أردنا إحاطتك علما أن ذاك المسلك على نفس الحال منذ 2022 اخر زيارة لك ، بل منذ فجر الإستقلال و هو على تلكم الحال
لعل شكوانا تجد آذانا صاغية ، و تحياتي العطرة
" فإن الذكرى تنفع المؤمنين "
ا

19/05/2025

بوعبدلله .. كيف تسأل الي يعيش فيها
يقلك مفما شي كان الڨلڨ !
و نفس الشخص اذا يبقى بعيد مدة صغيرة عليها ماذبيه يروح
بوعبدلله في وعينا الجمعي مش مجرد طريق مكسر ، و ماء مقصوص و آفاق مفماش
بوعبدلله ، تمثللنا الزمن الجميل أكثر ما تمثللنا الحاضر
تفكرنا بالماضي ، بالجدات و الأجداد الي مشاو من غير رجوع
تفكرنا بطريق المدرسة الي تعلمنا منو و عشنا فيه اجمل تفاصيل اكثر ملي عشناه بعدها
بوعبدلله تمثللنا أيام العطل في وقت السروح و آخر نهار نعاودو نص القراءة عشرين مرة ..
تمثللنا الطريق للجبل بش نجمعو الزعرور و الڨيڨب ، تمثللنا العومة في ڨلتة عبد الرحمان و ڨلتة الميزار
تمثللنا الدريسة في الصيف بالزوايل ، و الثلج للركبة في الشتا
تمثللنا اللمة متع بكري و أعراس بكري الي تبدا قبل بجمعة ، تمثثلنا الفرحة الي تسرقت و ضيعناها مع الوقت
بوعبدلله تمثل لكل فينا تفاصيل موجودة فيه يحبها و يحنلها
تمثللنا البحري الله يرحمو و هو عامل مهرجان في الاعراس ، و غيرو الي رحلوا الكل الله يرحمهم
بوعبدلله نحبوها ، خاتر في كل واحد فينا عندو ذكريات و تفاصيل ما تتمحاش ، رغم انك كيف تروحلها تڨلڨ و تفد
بوعبدلله مسقط الرأس ، و المثوى الأخير ساكنة فينا أكثر ملي احنا ساكنين فيها
و غدوة خير ❤️

19/05/2025

إنا لله وإنا إليه راجعون
محمد البوصوفي (الشرطي ) في ذمة الله

الله يرحمو و يغفرلو

18/05/2025

بلادي و إن جارت عليّ عزيزةٌ ❤️

04/05/2025

بوعبدلله .. وجهة سياحية بإمتياز 📍
مجهودات جبارة تقوم بها الشركة الأهلية " الخير و البركة " ببوعبدلله .
في إطار توجه الشركة لترسيخ مفهوم السياحة الداخلية و الإيكولوجية ببوعبدلله
تم يوم السبت 3 ماي 2025 إستقبال مجموعة من الزائرين منهم سياح أجانب في باحة مقر الشركة
كما تم تنظيم معرض للمنتوجات التي تتميز بها الجهة ( عسل ، سمن ، شريحة كرموس ، زيت ، اكليل ، و منسوجات مثل القشابية و المرڨوم ..)
لاقى التنظيم اعجاب الزائرين و إنبهروا بما تزخر به بوعبدلله من ثروات طبيعية جبارة و من طابع تقليدي فريد من نوعه
إذ تعتبر بوعبدلله من أكثر المناطق التي تحافظ على العادات و التقاليد في علاقتهم بالأرض و الطقس و نمط الحياة التي تفرضه الطبيعة
تم يوم امس وضع حجرة الأساس لتكون بوعبدلله وجهة سياحية يتوافد على ربوعها عشرات الزوار
مجهودات جبارة و أفكار ذكية جدا من مسؤولي الشركة الأهلية للإنتقال لمرحلة اخرى من الاستفادة من ثروات بوعبدلله ليس بإستنزافها ، بل بتسويقها و استغلالها بحرفية عالية
كل الشكر للقائمين على الشركة التي تحمل أحلام بوعبدلله ، كل بوعبدلله صغيرها و كبيرها و ساكنها و المغترب عنها ، أحلام تضع قريتنا الجميلة حيث يجب ان تكون
كل الشكر لجندي الخفاء و عرّاب الشركة الأهلية ابن بوعبدلله الوفي الصادق في كلامه المخلص في أفعاله ، عبد الكريم العسكري الشاب المثقف و من خيرة ما أنبتت هذه الأرض الطيبة من كفاءات ، و ما أكثر أمثاله في بوعبدلله ..
عبد الكريم العسكري ، رفقة ثلة من شبابها و خلفهم جميع اهالي بوعبدلله ، يؤمنون إيمانا قاطعا بأن حلم بوعبدلله خير ، ممكن ، و بعزيمتنا و تكاتفنا ، بوعبدلله يلزمها تكون خير
خاتر هي بلادنا ، و معناش غيرها ، هي أرض ورثناها أب عن جد عن جد ، تسكننا و نسكنها
تحية كلها حب و امتنان ، لكل صادق و لكل محب لهذه البلدة الطيبة
بوعبدلله ، غدوة خير ❤️

28/04/2025

كان الاجداد يتبركون بها يقولون هي فال لعام الصابة فال ايام الخير وبيوت باش تعمر بالخير

13/04/2025

ذكريات أولى الألفينات ❤️
يا حسرة

08/04/2025

وقت اللمة و البركة و الخير و الضحكة مالقلب
الدريسة في الزمن الجميل ❤️

07/04/2025

المسلك الفلاحي فيض سعيد بوعبدلله كسرى إلى متى هذه الحالة ؟
الرجاء من مشرفي
الصفحة الرسمية لولاية سليانة
إيصال هذه الصور لسيادة الوالي ، ربما لم يعرف السابقون من المسؤولين بوجودنا أصلاً ،
فنحيطكم علما أن هذا المسلك في هذه الحالة يعزل أكثر من 40 عائلة مقيمة قارة ، و عشرات الزوار في الأفراح و الأتراح
نعلمكم أن المريض لا قدر الله في ظل تسويف تعبيد المسلك قد لا يمكنه الوصول للمستشفى ،
نعلمكم أن التلاميذ في منطقة فيض سعيد يسلكون طريق ال 3٫5 كلم في الوحل و عبر الأودية الجارية
نعلمكم أننا نخاف من هطول الأمطار في الصيف وقت الأعراس لأنها تنقلب لنقمة
وقتاش في 2030 ؟ ميسالش قولولنا كيما قالولنا قبل في 2015 راو في صيف 2016 و كيما قالولنا في شتاء 2016 راو في 2017 و هكذا دواليك ،
اليوم 4 شهور في 2025 و كي العادة كل ما تسأل يقلك هاو مبرمج و قريب.
و منحبوش نسمعو كلام كيما قالو أحد المسؤولين السابقين المحسوبين على حركة النهضة أنو طريق فيض سعيد مهوش أولوية خاترو معندوش جدوى اقتصادية
قلي بربك هل الجدوى الاقتصادية تؤخذ بعين الإعتبار في فك العزلة على التجمعات السكنية في الأرياف ؟؟
نلتمس الأمل في المسؤولين الجهويين الجدد و كلنا ثقة في تطبيق قرارات رئاسة الجمهورية و تعليمات السيد قيس سعيد للتسريع بانجاز المشاريع المعطلة خاصة فك العزلة
مع احترامي

07/04/2025

الرجاء من وناس بن طاهر بن علي الغضبان او من يعرفه الاتصال بمجموعة " سليانيين و سليانات " قصد استرجاع أوراقه الشخصية الضائعة

06/04/2025