صدى ميدون الصفحة البديلة (2025)

01/07/2020

| ّهماڤا_الجُدد

سُخنت الڤايلة؟ و حبيت اتهزّ العويلة و الصغيرات.. يتبرّدوا في بحورات جربة .. مشيت لڤيت "الباندية" و المنظمات و الجمعيات ّة عطاهم العاطي و بدوا يلهموڤوا ويتاجروا بشمس ربي و الملك العمومي رجّعوها #إقطاع شخصي .. بعد ما عطاهم العاطي .. أبعثهم الكل بالعاطي بالمنظمات بالجمعيات باللهماڤا فُرادى و جماعات ..
يشيّطوا و راسمالها #صاري وًالا اثنين و ملحفة و كليم و جريدات 🌴 و اركز على الشط 🏖و خلّيهم يستنوا التوريست هاهم جايين .. 🛸🛸 ( ماتنساش خلّي بلاصتك نظيفة✅)

كان حبيت تمشي مع الاصحاب راسمالها ⛱ باراسول اشريها من سوڤ ليبيا و برا اعمل كيف و بحّر و شيخ في البحورات و ابعثهم يشيطوا و خلّيهم يستنوا ڤروبات التوريست هاهم جايين عاري و لابس 🤔
( ماتنساش خلّي بلاصتك نظيفة✅)

و متخليهمش يعبّوا جيبوهم من عرڤك و يستغفلوك.. مادامهم لڤىوها بلاد خالية يحبوا يقيموا فيها الاذان .

صدى ميدون

06/06/2020

:

بلدية ميدون بعد ما كلت السطاكة من الجميع و ما رحمهم حد على الفاصل الإشهاري متاع امس و تكريم من لا يستحق خرجت علينا اليوم ببيان تعيس تلتمس فيه العذر و تسرد علينا في إنجازات الوالي العظيم و تعدد في نجاحاتها بفضل توجيهاته الرشيدة، ماكينة الطحنون و الفارينة مازالت خدامة، بلدية ميدون التي نقضت العهد و سمحت الانتصاب لباعة الخضر و الغلال في أول الأزمة، بلدية ميدون التي أصدرت بيان مساندة للوالي في زمن كل جربة اتحدت في عريضة لاقالته، بلدية ميدون التي لم تكن يوما مساندة لمطلب جربة ولاية، بلدية ميدون التي كرمت الوالي الذي اغتصب جربة وقت الأزمة و كرمت من له سوابق عدلية و قضايا أخلاقية متمثلة في إغتصاب قاصر....
اليوم بلدية ميدون في تركينة و تاكل في السطاكة من جرة قيادة و بعض مستشارين طبابلية كانوا في يوم ما عقلاء..

01/06/2020

رئيس اتحاد الفلاحة بميدون ينتقم من البحارة المساندين لنقابة الفلاحين!!!!!

خطير : سرقة شباك الشُّوباي المبيّت في بحر الساڤية:

بعد تواتر عمليات الهرسلة و التضييق على البحّارة في اغير و الساڤية. و في ضل الفشل الذي يعرفه تسيير الشأن الفلاحي في ميدون
و خاصة الحضور بالغياب و السلبي من اتحاد الفلاحة والصيد البحري بميدون و انشغال رئيسه بالتطبيل والتبندير لولّي نعمته و دخوله "للغريڤ" في تصدير الفرينة لمـوبلـيزيـر و تخاذله في القيام بواجبه بحُكم المنصب الذي شاءت الاقدار ان يشغله.
و مع وجود شبهات أكيدة بتواطئه في عملية الهرسلة المتواصلة و تحريضه على البحارة ( عملية فكّ الفلاَيّك) .. و كله موثّق صوت و صورة ..
و في خضم كل هاته الاجواء التعيسة التي يشهدها تسيير الشأن الفلاحي، تم تسجيل عملية خطيرة تتمثل في سرقة شباك مبيّت في البحر لصيد الشُُّوباي، قطع ارزاق الفلاحة و تهديدهم في خبزتهم و خبزة صغارهم.. علاش هذا الكل !!؟
لانهم ما طاوعوكش و ڤالولك باستا!!

من هذا المنبر ندعوا النيابة العامة لفتح تحقيق و البحث في الواقعة و الكشف عن كل من سيكشف عنه البحث و خاصة للكشف عن الافراد المنفذة و من حرّض و امر بسرقة الشّباك هو ذاته من امر بفك الفلايك و هي نفس الجهة التي تهدد السلم الاجتماعي و تُثير البلبلة 😁 و الفتن😁 و تدعوا للاقتتال😄 و قلب نظام الحُكم... ريت مسهلها انجيب عليك الڤُرط و بالقانون ..

عماد التامڤلتي #بصفته رئيس الاتحاد المحلي للفلاحة و الصيد البحري مُتهم بسلطة #الدستور و #القانون بضرب السلم المجتمعي و نشر الفتنة داخل ابناء القطاع الفلاحي الى ان #يُثبت العكس.

و في الختام الى اولاد الحرام اللي سرقوا رزڤ العباد :
الي سرق الشباك من بحر الساقية حسبنا الله و نعم الوكيل فيك فالأخرة لما نقتصو من جلدك وتذكر انك تبحر فوق ملك الله

صدى ميدون

Address

Website

facebook.com

Alerts

Be the first to know and let us send you an email when صدى ميدون الصفحة البديلة posts news and promotions. Your email address will not be used for any other purpose, and you can unsubscribe at any time.

صدى ميدون الصفحة البديلة