18/09/2025
في تونس، برشة نساء يستغلّوا قوانين النفقة للتشفي و الانتقام و التنكيل بالزوج و ابتزازه و سلبه ماله و منزله . المراة ترفع قضية متاع إهمال عيال حتى بلا مؤيدات، وتتحصل على حكم وهي تخدم وتقبض، و تسكن مع راجلها و تاكل من خيرو وبعد 5 سنين وإلا أكثر و مع اول عركة تصير بيناتهم الراجل يلقى روحو غارق و مسال في عشرات الملاين. هذا الكل موش صدفة، بل سوء نية و غدرة و سقوطية مقصودة: المرأة تستنى حتى يكبر المبلغ و يتضاعف برشة باش بعد تعمل بعذاب راجلها صنعة وتحبسو و تشمت فيه اللي يسوى و اللي ما يسواش .
المشكل موش كان في القانون المنحاز للمرأة ، بل زادا في برشة زوجات يستعملوه كأداة انتقام و تشفي و ابتزاز .
النتيجة: عائلات تتفكك، رجال يتذلّوا، فيهم اللي هرب و فيهم اللي مفتش عليه و فيهم اللي في الحبس و فيهم اللي قتل روحو و الصغار يضيعو والمجتمع الكل يتدمر .
لازم تغيير عاجل للقوانين متاع مجلة الاحوال الشخصية خاطرها سبب دمار الاسرة في تونس لانها تشرع لتحيل الزوجة على زوجها باسم القانون و اكثر عباد يعرفو ذلك المحامين و القضاة و الشرطة و الحرس
