https://www.facebook.com/100385101912264/

atavatanturkmen, Atavatan Danismanlik Ltd. Şti Aksaray Mahallesi Koçibey Sok Erler Apt N 34/7 Fatih/, Istanbul (2026)

05/09/2022

Ilham Aliýew: “Dostluk” känini bilelikde özleşdirmek – taryhy çözgüt

Azerbaýjan Respublikasynyň Prezidenti Ilham Aliýew Italiýa Respublikasyna amala aşyran saparynyň çäklerinde Çernobbio şäherinde Italiýanyň “İl Sole 24 Ore” gazetine interwýu berdi.
Italiýanyň neşirine beren interwýusynda Türkmenistan bilen Azerbaýjanyň arasynda Hazar deňzindäki “Dostluk” känini özleşdirmek babatda kabul edilen çözgüdiň taryhy çözgüt bolup durýandygyny bellän Prezident Ilham Aliýew bu barada şeýle diýdi: “Azerbaýjan bilen Türkmenistanyň bilelikde “Dostluk” känini özleşdirmek çözgüdini taryhy çözgüt hökmünde kabul edýärin. Biz bu çözgüdi iki ýurduň milli bähbitleri we doganlyk gatnaşyklarymyza esaslanyp, kabul etdik. Bu tebigy gaz däl, eýsem esasy nebit ýatagydyr”.

https://www.atavatan-turkmenistan.com/ilham-aliyew-dostluk-kanini-bilelikde-ozlesdirmek-taryhy-cozgut/

#Туркменистан #Туркменистанновости 🇹🇲

05/09/2022

Türkmenistanyň daşary işler ministri Bagdad Amreýew bilen duşuşdy

Türkmenistanyň Ministrler Kabinetiniň Başlygynyň Orunbasary, Daşary işler ministri Raşid Meredowyň Türki döwletleriň guramasynyň Baş Sekretary Bagdad Amreýew bilen duşuşygy geçirildi.
Duşuşygyň dowamynda taraplar Türkmenistan bilen bu Guramanyň arasynda dürli ugurlar boýunça hyzmatdaşlygy çuňlaşdyrmak, hususan-da howpsuzlyk bilen bagly meseleleri ara alyp maslahatlaşdylar.
Bu ugurda Türkmenistanyň Türki döwletleriň guramasynyň ýanyndaky halkara düzümleriň ençemesi, hususan hem Türki döwletleriň guramasynyň Parlament Assambleýasy, Türki Söwda-senagat edarasy, Türki medeniýetiniň we mirasynyň Gaznasy bilen hyzmatdaşlygynyň ilerledilmegine gyzyklanma bildirýändigi bellenildi.
Guramanyň çäklerinde ulag we energetika ulgamlaryndaky hyzmatdaşlygyň meselelerine aýratyn üns berildi. Şeýle-de TDG-nyň Baş Sekretary türkmen tarapyny şu ýylyň noýabrynda Samarkand şäherinde geçirilmegi meýilleşdirilýän Türki döwletleriň guramasynyň geljekki sammitine taýýarlygyň gidişi we gün tertibi bilen tanyşdyrdy.

#Туркменистан #Туркменистанновости 🇹🇲

05/09/2022

Türkmenistan Pakistana ynsanperwer kömegini berdi

Şu gün Türkmenistanyň Prezidentiniň tabşyrygy esasynda Pakistan Yslam Respublikasyna Türkmenistanyň ynsanperwer kömegi ýetirildi. Bu barada Pakistanyň metbugat gulluklary habar berýär.
Türkmenistan tarapyndan taýýarlanan derman we saglygy goraýyş maksatly serişdelerden, dokma önümlerinden, şeýle hem dürli azyk harytlaryndan ybarat bolan ynsanperwerlik kömegi Pakistanyň Karaçi şäherindäki Jinnah halkara howa menziline gowşuryldy.
Ynsanperwer kömegini Pakistanyň wekillerine gowşurmak dabarasyna Türkmenistanyň Pakistan Yslam Respublikasyndaky Adatdan daşary we Doly ygtyýarly ilçisi Atajan Möwlamow, Sind welaýatynyň baş ministriniň kömek bermek we gaýtadan dikeltmek işleri boýunça geňeşçisi Rasul Buks Çandio, Daşary işler ministrliniň, Tebigy betbagtçylyklara garşy göreşmek boýunça milli müdirliginiň hem-de Tebigy betbagtçylyklara garşy göreşmek boýunça welaýat müdirliginiň wekilleri gatnaşdy.
Pakistanyň Daşary işler ministrliginiň metbugat wekili Asim Iftihar Ahmad Türkmenistanyň iberen ynsanperwer kömeginiň uly hoşallyk bilen kabul edilendigini belledi.

habary doly okamak üçin:

https://www.atavatan-turkmenistan.com/turkmenistan-pakistana-ynsanperwer-komegini-berdi/

#Туркменистан #Туркменистанновости 🇹🇲

05/09/2022

Türkmenistan elektrik energiýasynyň eksportuny 9 milliard kilowat-sagada ýetirer

Mary welaýatyna amala aşyran iş saparynyň çäklerinde Türkmenistanyň Döwlet energetika institutynyň talyplarydyr mugallymlary bilen duşuşan Milli Geňeşiň Halk Maslahatynyň Başlygy Gurbanguly Berdimuhamedow ýurdumyzyň elektrik energetika ulgamynda amala aşyrylan we aşyrylýan giň gerimli maksatnamalar we taslamalar barada özüniň çykyşynda belläp geçdi.
ELEKTRIK ENERGETIKA ULGAMY SANLARDA
* «Türkmenistanyň elektrik energetikasy pudagyny ösdürmegiň 2013 — 2020-nji ýyllar üçin Konsepsiýasy» kabul edildi.
* Konsepsiýa laýyklykda, ýurdumyzyň dürli welaýatlarynda gaz turbinaly elektrik stansiýalaryny gurmak meýilleşdirildi. Şonuň netijesinde, Ahal, Lebap we Mary welaýatlarynda gysga döwrüň içinde dürli kuwwatlykly gaz turbinaly elektrik stansiýalarynyň 6-sy gurlup ulanmaga berildi.
* Has takygy, häzirki wagtda ýurdumyzda kuwwatlylygy 6943,2 megawata deň bolan jemi 12 sany elektrik stansiýasy bolup, olarda 51 sany turbina desgasy bar. Gaz turbinalar — 39 sany, bug turbinalar — 12 sany.

habary doly okamak üçin:

https://www.atavatan-turkmenistan.com/turkmenistan-elektrik-energiyasynyn-eksportuny-milliard-kilowat-sagada-yetirer/

#Туркменистан #Туркменистанновости 🇹🇲

01/09/2022

Stambulda syýahatçylar üçin ýeňillikler dörediler

Dünýäniň iň köp zyýarat edilýän 10 şäheriniň biri bolan Stambula gelýän jahankeşdeler üçin durmuşa geçirilen Stambul şäher kartoçkasy (“İstanbul City Card”) iki dürli hyzmat mümkinçiligi bolan hyzmat ulgamydyr.

Stambul şäher häkimliginiň habar bermegine görä, Stambul şäherini syýahatçylygyň paýtagty etmek başlangyjy bilen ýola goýlan taslamanyň çäklerinde daşary ýurt myhmanlaryna şäherde rahat we arkaýyn gezelenç etmegi üçin mümkinçilik döretmek göz öňünde tutulýar.

Kartoçkada 1 bilen 15 gün çäksiz ulag hyzmatyndan we syýahatçylyk awtobuslarynyň mümkinçiliginden peýdalanmak meýilleşdirilýär. Stambul şäher kartoçkasy syýahatçylaryň iň köp gelim-gidimli 30 nokadynda has elýeterli bolar.

Bu kartoçka bilen Stambulyň şäher häkimliginiň iki gatly awtobusy bilen şäheriň syýahatçylyk merkezlerine syýahat edip biler. Şeýle hem öz islegine görä, Stambuldaky jemgyýetçilik ulaglaryndan peýdalanmak mümkinçiligine eýe bolar.

Ýakyn wagtda bu kartoçka arkaly muzeýlere hem-de Bosfor aýlagynda gezelenç etmek mümkinçiligi dörediler.

habary doly okamak üçin:
https://www.atavatan-turkmenistan.com/stambulda-syyahatcylar-ucin-yenillikler-dorediler/

#Туркменистан #Туркменистанновости 🇹🇲

01/09/2022

Türkmenistanda ýöriteleşdirilen orta mekdepleriň 190-sy hereket edýär

Şu gün 1-nji sentýabr – Bilimler we talyp ýaşlary güni. Ýurdumyzda täze okuw ýyly badalga aldy.

Ýaşlaryň daşary ýurt dillerini kämil derejede bilmekleri üçin yzygiderli tagallalar edilýär. Daşary ýurt dillerini okatmagy kämilleşdirmegiň konsepsiýasyna laýyklykda, mekdebe çenli çagalar edaralaryndan başlap, bilimiň ähli derejelerinde daşary ýurt dillerini okatmagyň mazmunyny döwrebaplaşdyrmak, ýaşlaryň daşary ýurt dillerini bilşiniň ýokary derejesini gazanmak, okatmagyň innowasion dil öwrediş tehnologiýalaryny ornaşdyrmak bilen bagly işler durmuşa geçirilýär.

Daşary ýurt dillerine ýöriteleşdirilen orta mekdepleriň gerimini giňeltmek boýunça çäreler dowam etdirilip, häzirki wagtda ýurdumyzda ýöriteleşdirilen orta mekdepleriň 190-sy hereket edýär. Şolaryň 118-sinde daşary ýurt dilleri öwredilýär. Täze okuw ýylyndan mekdepleriň ýene-de 5-si italýan dili, 7-si bolsa iňlis dili derslerini çuňlaşdyryp öwretmäge ýöriteleşdiriler.

Ýaş nesliň kämil şahsyýet bolup ýetişmeginde mugallymlara möhüm orun degişlidir. Şoňa görä-de, bilim edaralaryny mugallymlar bilen üpjün etmek meselesine aýratyn ähmiýet berilýär.

2021-2022-nji okuw ýylynda 3165 talyp mugallymçylyk ugurly orta hünär we ýokary okuw mekdeplerinde okuwlaryny tamamlap, Aşgabat şäheriniň hem-de welaýatlaryň bilim edaralaryna işe ýollanyldy. Şeýle-de diplomlary ykrar edilen pedagogik bilimli raýatlaryň 411-si bilim edaralaryna işe kabul edildi.

Bu barada Türkmenistanyň bilim ministri Gurbangül Ataýewanyň “Türkmenistan” gazetindäki makalasynda bellenilip geçilýär.

habary doly okamak üçin:
https://www.atavatan-turkmenistan.com/turkmenistanda-yoritelesdirilen-orta-mekdeplerin-190-sy-hereket-edyar/

#Туркменистан #Туркменистанновости 🇹🇲

31/08/2022

Türkmen okuwçylary matematika internet-olimpiadasynda baýrak aldylar

Türkmenistanyň orta mekdepleriniň ýokary synplarynyň zehinli okuwçylary Aziýanyň Halkara matematika internet-olimpiadasyna sanly ulgam arkaly gatnaşdylar.

Bu olimpiýada Hytaýdan, Hindistandan, Indoneziýadan, Eýrandan, Özbegistandan, Wýetnamdan, Taýlanddan, Gazagystandan we Kambojadan 3000-den gowurak okuwçy gatnaşdy.

Internet olimpiadasynda Aşgabat şäherindäki himiýa, biologiýa we iňlis dili derslerini çuňlaşdyrylyp öwredýän 86-njy ýöriteleşdirilen orta mekdebiň okuwçylary Mälikşa Meýlismyradow, Kümüş Nobatowa kümüş, Begli Işanmyradow, Rahym Agamyradow, Şükür Gurbangeldiýew bürünç medallary gazandylar.

Aşgabat şäherindäki 135-nji orta mekdebinden Babajan Çaryýew, Maksat Babageldiýew, Ýunus Annanepesow kümüş, Merdan Akyjanow, Hamza Allaberdiýew, Begenç Akmyradow, Begli Işanmyradow bürünç medala mynasyp boldular. Aşgabat şäherindäki 72-nji orta mekdepden Ogulbagt Annanyýazowa, 83-nji orta mekdepden Jemşit Serdarow, 49-nji orta mekdepden Begenç Akmyradow bürünç medallara mynasyp boldular.

habary doly okamak üçin:
https://www.atavatan-turkmenistan.com/turkmen-okuwcylary-matematika-internet-olimpiadasynda-bayrak-aldylar/

#Туркменистан #Туркменистанновости 🇹🇲

31/08/2022

Halkara ýaryşlarda ýeňiji bolan türkmen türgenleri sylaglandy

Şu gün hormatly Prezidentimiz Serdar Berdimuhamedowyň tabşyrygy boýunça paýtagtymyzdaky Olimpiýa şäherçesiniň «Sport» myhmanhanasynda iri halkara sport ýaryşlarynda ― Russiýa Federasiýasynyň Wladiwostok şäherinde geçirilen «Aziýanyň çagalary» atly VII halkara sport oýunlarynda, şeýle-de Türkiýe Respublikasynyň Konýa şäherinde guralan V Yslam raýdaşlygy oýunlarynda baýrakly orunlary eýelän türkmen türgenlerini sylaglamak dabarasy boldy. Bu barada “Türkmenistan” gazetiniň elektron neşiri habar berýär.

Açylyş dabarasynyň öňüsyrasynda oňa gatnaşyjylar ― Hökümet agzalary, Milli Geňeşiň Mejlisiniň Başlygy we Halk Maslahatynyň Başlygynyň orunbasary, milli parlamentiň palatalarynyň wekilleri, ýokary okuw mekdepleriniň rektorlary, jemgyýetçilik guramalarynyň, köpçülikleýin habar beriş serişdeleriniň ýolbaşçylary Diýarymyzyň sport ulgamynda ýetilen sepgitleri, gazanylan üstünlikleri açyp görkezýän sergi bilen tanyşdylar. Bu ýerde medeniýet we sungat ussatlarynyň çykyşlaryna hem giň orun berildi.

Çäräniň başynda döwlet Baştutanymyzyň halkara ýaryşlarda ýeňiji bolan Türkmenistanyň ýygyndy toparlarynyň türgenlerine iberen Gutlagy okaldy. Soňra ýeňijileri sylaglamak dabarasy boldy.

habary doly okamak üçin:
https://www.atavatan-turkmenistan.com/halkara-yaryslarda-yeniji-bolan-turkmen-turgenleri-sylaglandy/

#Туркменистан #Туркменистанновости 🇹🇲

31/08/2022

Türkmenbaşy Halkara deňiz portunyň eksporty artýar

Türkmenbaşy Halkara deňiz porty arkaly 2021-nji ýylda umumy möçberi 11 million 305,3 müň tonna bolan ýük dolanyşygy amala aşyryldy. turkmenmetbugat.gov.tm web-saýtynda habar berlişine görä, deňiz porty arkaly eksporta iberilen ýükleriň möçberi 6 million 580,3 müň tonna, import ýükleriň möçberi 1 million 211,8 müň tonna, üstaşyr geçirilen ýükleriň möçberi bolsa 353,4 müň tonna deň boldy.

Umumy ýyllyk geçirijilik kuwwaty 17 million tonna barabar bolan Halkara deňiz portunyň bir wagtyň özünde gämileriň 17-sine hyzmat etmäge mümkinçiligi bolan duralgalarynyň uzynlygy 1800 metrden geçýär.

Türkmenbaşy Halkara deňiz portundan Eýran Yslam Respublikasynyň Enzeli, Russiýanyň Astrahan, Mahaçkala, Azerbaýjanyň Baku, Gazagystanyň Aktau halkara portlaryna ýolagçylary gatnatmagyň, ýük daşamagyň möçberi yzygiderli artýar. Gara deňze, Pars aýlagyna çykalgalary ylalaşmak arkaly Gruziýanyň Poti, Batumi portlaryna, Eýranyň Çabahar deňiz terminallaryna ulag hyzmatlaryny ýola goýmak göz öňünde tutulýar.

habary doly okamak üçin:
https://www.atavatan-turkmenistan.com/turkmenbasy-halkara-deniz-portunyn-eksporty-artyar/

#Туркменистан #Туркменистанновости 🇹🇲

30/08/2022

Bosagada 1-nji sentýabr: 159 müňden gowrak çaga birinji synpa barar

Täze okuw ýylynda ýurdumyz boýunça 1882 sany orta mekdepde 1 million 574 müň 737 okuwçynyň, şol sanda 1-nji synplarda 159 müň 772 çaganyň, raýat ugurly 20 sany ýokary okuw mekdebinde 65 müň 242, orta hünär okuw mekdepleriniň 42-sinde 26 müň 479 talybyň okamagyna garaşylýar. Bu barada “www.turkmenmetbugat.gov.tm” saýtynda habar berilýär.

Şeýle hem ýurdumyzyň ýokary okuw mekdeplerinde täze hünärleriň ençemesi açyldy. Giriş synaglaryny üstünlikli tabşyran 15 326 talyp ýurdumyzyň ýokary okuw mekdeplerinde öz saýlan hünärleri boýunça bilim almaga gadam basarlar.

Täze okuw ýylynyň ilkinji gününde 1-nji synpa barýan alty ýaşly körpelere gymmatly sowgatlar — kompýuterleri gowşurmak dabarasyny geçirmek göz öňünde tutulýar.

habary doly okamak üçin:
https://www.atavatan-turkmenistan.com/bosagada-1-nji-sentyabr-159-munden-gowrak-caga-birinji-synpa-barar/

#Туркменистан #Туркменистанновости 🇹🇲

30/08/2022

BMG-niň ýokary derejeli ýolbaşçysy Türkmenistana geler

Birleşen Milletler Guramasynyň Ösüşi utgaşdyrmak boýunça sebit edarasynyň direktory Türkmenistanda saparda bolar. Bu edaranyň ýolbaşçysy Gwi Ýeop Son şu ýylyň 12-16-njy sentýabrynda Türkmenistana geler.

Türkmenistanyň Daşary işler ministrliginiň maglumatyna görä, BMG-niň ýokary derejeli wekiliniň Aşgabada amala aşyrjak saparynyň çäklerinde birnäçe gepleşikler göz öňünde tutulýar.

Hususan-da, Gwi Ýeop Son Türkmenistanyň daşary işler ministri hem-de wise-premýerler bilen duşuşyklar geçirer.

habary doly okamak üçin:
https://www.atavatan-turkmenistan.com/bmg-nin-yokary-derejeli-yolbascysy-turkmenistana-geler/

#Туркменистан #Туркменистанновости 🇹🇲

29/08/2022

Türkmen-eýran serhedindäki bilelikdäki bazar gaýtadan açyldy

Türkmenistan bilen Eýran serhedindäki bilelikdäki bazar 34 aýdan soňra täzeden açyldy. Bu barada Eýranyň ýerli wekilleri habar berdi.

“Mehr” habarlar gullugynyň habar bermegine görä, Abolgazl Çamandiniň belläp geçişi ýaly, serhetdäki Bajygyran Godan bilelikdäki bazar koronawirus pandemiýays sebäpli ýapylypdy.

Eýranyň ýerli wekili bu bazaryň ähmiýetiniň uludygyny belläp, bazar ýapylmazdan ozal, Türkmenistanyň her ýyl 4 million dollardan gowrak haryt eksport edýändigini mälim etdi. Eýrana bolsa, 500 müň dollarlyk harytlar ýerlenipdir.

Serhetdäki bilelikdäki bazaryň hereket etmeginiň möhümdigine ýene-de bir gezek ünsi çeken Eýranyň wekili bazaryň Eýranyň horasan-Razawi welaýatynyň senagat desgalarynyň önümçiligi üçin hem uly ähmiýete eýedigini belledi.

Şeýle hem ol bazaryň ortaça 700 adamy iş bilen üpjün etmek mümkinçiligine eýedigini aýtdy.

habary doly okamak üçin:
https://www.atavatan-turkmenistan.com/turkmen-eyran-serhedindaki-bilelikdaki-bazar-gaytadan-acyldy/

#Туркменистан #Туркменистанновости 🇹🇲

atavatanturkmen

05/09/2022

05/09/2022

05/09/2022

05/09/2022

01/09/2022

01/09/2022

31/08/2022

31/08/2022

31/08/2022

30/08/2022

30/08/2022

29/08/2022

Address

Telephone

Website

Alerts

Contact The Business

Shortcuts

Share

Category