31/08/2025
Ирэх долоо хоногт Монголд соронзон шуурга, цочир хүйтрэлт тохионо
Цаг уурын байгууллага болон одон орон судлаачдын мэдээлснээр ирэх долоо хоногийн Пүрэв, Баасан гаригуудад Монгол оронд цаг агаарын эрс өөрчлөлт, соронзон шуурганы нөлөө зэрэг таагүй нөхцөл үүсэх төлөвтэй байна.
🔭 Нарны идэвхжил нэмэгдэнэ
• 9-р сарын 2-ны Мягмар гарагт нарны хүчтэй тэсрэлт болно. Үүний улмаас соронзон шуурга дэгдэж, 9-р сарын 4–6-ны хооронд Төв Ази, ОХУ болон Монгол орны нутагт нөлөөлж, дэлхийн соронзон орны идэвхжил эрс нэмэгдэхийг судлаачид онцолж байна.
🌧️ Цаг агаарын таагүй нөхцөл
• Пүрэв болон Баасан гарагийн шөнө Хөвсгөл, Завхан, Архангай, Булган, Сэлэнгийн ихэнх сумдын нутаг, мөн Төв, Өвөрхангай, Дундговь, Өмнөговийн зарим сумдаар хур тунадас орно.
• Хөвсгөл, Завхан, Архангайн уулс болон Хэнтийн нуруу орчмоор нойтон цас орж, шөнөдөө эрс хүйтэрнэ.
• Салхины хурд 12–14 м/с хүрч ширүүсэх төлөвтэй.
• Пүрэв гаригт: Завхан, Говь-Алтай, Баянхонгор, Архангай, Өвөрхангай, Дундговь, Өмнөговь, Дорноговь.
• Баасан гаригт: Төв, Дундговь, Говьсүмбэр, Өмнөговь, Дорноговь, Хэнтий, Дорнод, Сүхбаатар.
🥶 Цочир хүйтрэлт
• Пүрэв, Баасан гаригт Хөвсгөл, Завхан, Архангай, Увс, Баян-Өлгий, Ховд аймгийн нутгаар шөнөдөө 0–4 хэмд хүрч цочир хүйтэрнэ.
⚠️ Иргэдэд өгөх зөвлөгөө
• Өндөр настан, зүрх судасны болон даралт ихсэх өвчтэй хүмүүс эрүүл мэнддээ онцгойлон анхаарах,
• Жолооч, тээвэрчид замын хөдөлгөөнд болгоомжтой оролцох,
• Хөдөө орон нутгийн иргэд цаг агаарын нөхцөлд бэлтгэлтэй байхыг анхааруулж байна.
