Michelle Mingalaba

01/06/2026

🇹🇷🇲🇲တူရကီက အလယ်အလတ်ဝင်ငွေ အထက်တန်း (Upper-middle-income) နိုင်ငံပါ ကမ္ဘာ့ GDP အရ။

တစ်လစာ လူနှစ်ယောက်စာ-သစ်သီး၊ အသီးအရွက် ကြက်ဥ ပေါင်မုန့်၊ Pasta , Mineral Water, Soda Drinks, GreenTea, Milk နို့။ အသားငါးအတွက်က ကြက်တကောင်ပဲ ပါပါသေးတယ် (နောက်ရက်မှ နောက် Supermarket မှာ အသားနဲ့ငါးနဲ့ ကြက် ထပ်ဝယ်ရမှာမို့)။ ဒီလ ခါတိုင်းထက် နည်းပါတယ်၊ ၂ပတ်စာပဲ လျော့ဝယ်ပါတယ် ၊ ခရီးသွားမှာမို့။

စုစုပေါင်း တူရကီငွေသားနဲ့ ၅၅၀၀ TL ကျပါတယ် ။ မြန်မာငွေနဲ့ဆို လိုတိုးပိုလျော့နော် ၂သိန်း၄သောင်းကျတယ်တဲ့ AI ကတွက်ပေးတာပဲ။

စင်ကာပူဒေါ်လာဆို ၁၅၀$ ကျပ်ပေါ့။ ခါတိုင်းဆို $200 ကျော်ကျတာ 😃🙌😂

ဒါ ပထမဆုံး ဒီ ဇွန်လအတွက် Purchase ပါ။ ကြားထဲလဲ လိုတဲ့ ကြက်ဥ ပေါင်မုန့် ထွက်ဝယ်
သေးတာပေါ့ ။

Follow for more 💫

#တူရကီ #စားစရိတ် #မြန်မာ #ဗဟုသုတ

01/06/2026

တူရကီက မုန်လာဥနီ အနီရောင်
ဒီနေ့ည ကင် စားပါမယ် ၁၆၀ ဒီဂရီနဲ့ မိနစ် ၃၀ Try ကြည့်ထားတယ် 😂😅

Follow for more 💫

#တူရကီ #မြန်မာ

01/06/2026

🍉🍉🍉တူရကီမှာ ဖရဲသီးပေါ်ပြီကွ 😂😆🥰 တကယ်ပါ စင်ကာပူမှာဆို တစ်နှစ်ပတ်လုံး ဖရဲသီးစားရတယ် Export တွေဆိုတော့ နိုင်ငံတကာက ဝင်နေတာနေမှာ ဘာအစားအသောက်မှ မငတ်ဖူး။

ဒီရောက်မှပဲ ရာသီပေါ်စာ စောင့်စားရတာနဲ့အေ၊ အလုပ်တွေကိုဖြစ်လို့ ဟဟဟ 😃😅💗 ရာသီဥတုပေါ်လိုက်ပြီး ရာသီပေါ်စားရတာ အထူးအဆန်းပေါ့အေ 😂

Michelle ရဲ့ Vlog တွေအဆုံးမှာ Görüşürüz ✌️ ဆိုပြီး တူရကီစကားနဲ့ အဆုံးသတ်လေ့ရှိပါတယ် ဒါလေးကတော့ Michelle Signature လေးပါ။
တခြား Vlogger တွေနဲ့ ကွဲပြားစေမယ်လို့ထင်ပါတယ်😃🙌

#ဖရဲသီး #မြန်မာ #ဗဟုသုတ #ဟာသ

01/06/2026

🇬🇧လန်ဒန် Bridge မဟုတ်ပါတဲ့ Tower Bridge ပါတဲ့။ လူတွေ ခဏခဏညမှားခေါ်ကြတာတဲ့။

Michelle က ဘယ်နိုင်ငံသွားသွား ဓာတ်ပုံဆရာ ကြိုငှါးတတ်တယ်။ အဲနေ့ကလဲ လန်ဒန်က Photographer နဲ့ချိန်းထားလို့ ၊ တက်စီနဲ့ လာတာပေါ့၊ Starbucks က တံတား ဟိုဘက်ထိပ်နဲ့ ဒီဘက်ထိပ် ၂ဆိုင်ရှိတာကို မသိဖူး၊ တံတားဒီဘက်ထိပ်ကနေ Photographer ရှိတဲ့ တံတားဟိုဘက်ထိပ်ပြေးရတာဟေး ပြေးနေတဲ့ Video တောင်ရှိသေးတယ် အူးယားဖားယားနဲ့ 😃😭 အဲမှာ အရေးထဲ Tower Bridge တံတားပိတ်တာနဲ့ကြုံတော့တာပဲ ဟဟဟ အမှတ်တရပါဆိုမှ ။

#မြန်မာ #ဟာသ #ဗဟုသုတ

01/06/2026

တူရကီအကြောင်းပြောစရာတွေ အများကြီးပဲ အားတဲ့နေ့ကျ ပြောပြမယ် 😃😂 တကယ့်အမွှေ

01/06/2026

🇹🇷တူရကီမှာ မြန်မာအသုပ်စုံ မနက်စာလေး လွေးကြရအောင်ဟေး 😃 တစ်မနက်လုံး အလုပ်လုပ်ပြီးတော့ ဦးနှောက်တွေခြောက်၊ ဒေါသတွေထွက်၊ စိတ်တွေတိုပြီးတဲ့နောက်မှ ခုလို စားလိုက်ရတော့ အမလေး နေ့လည် ၁နာရီထိုးနေပြီဟဲ့ 😂😅

အသုပ်စုံက မနေ့က လက်ကျန်လေးပါနော် 🌸

#တူရကီ #မြန်မာ

01/06/2026

🌸အဆိုးဆုံးတွေဆိုတာလဲ
အကြာကြီး မနေပါဖူး။

🌸အဆိုးပြီးရင် အကောင်းတွေ
ရောက်လာတော့မှာပါ။ 🙌

🌸Universe က ဒုက္ခသုက္ခတွေ
စုပြုံ ပုံအောပေးလိုက်လဲ၊

🌸နောက် ၅နှစ်ကြာရင် ရယ်စရာ ဟာသအဖြစ်
အော် ငါတို့ တော်တော် ဒုက္ခရောက်ခဲ့ပါလားလို့
ပြန်လည် ရယ်မောနိုင်ကြပါဦးမယ် 🙌

🌸အတ္တဟိ အတ္တနော နာထောတဲ့။ 🌸
“You are your own savior” ပါ 💗🌷

#မြန်မာ #ဟာသ

01/06/2026

မြန်မာအများစု၏ စ်ိတ်ဓာတ် 😃 အဲလိုပြောရင် မနာကြနဲ့။ ကိုယ်တွေကျ လူတစ်မျိုး၊ မြှောက်ပေးတာတော်။ အရက်သောက်လဲ မူးအောင်တိုက်တာ၊ နိုင်ငံကူးမဲ့သူငယ်ချင်း အရောက်ပို့တယ်၊ မနာလိုစိတ်မပြောနဲ့၊ မြှောက်ပေးလွန်းလို့။
💗💗💗

😌မင်းကို အောင်မြင်စေချင်တယ်... ဒါပေမဲ့ ငါ့ထက်တော့ ပိုမသာစေနဲ့…..

✂️The Tall Poppy Syndrome
အမှောင်ထဲက ကတ်ကြေးသံများ

The Tall Poppy Syndrome ဆိုတာ စိတ်ပညာရဲ့ အမှောင်ဆုံး၊ အကောက်ကျစ်ဆုံး လူ့သဘာဝတွေထဲက တစ်ခုပဲဗျ။

လွယ်လွယ်ပြောရရင်တော့ ထူးထူးခြားခြား အောင်မြင်နေတဲ့သူ၊ ချွန်ထွက်နေတဲ့သူကို မနာလိုလို့ ဝိုင်းနှိပ်ကွပ်အညွန့်ချိုးတာ ကို ခေါ်တာပါ။

ဥယျာဉ်တစ်ခုထဲမှာ တခြားပန်းတွေထက် ပိုရှည်၊ ပိုလှပြီး နေတဲ့ ပန်းပွင့်ကြီး ရှိရင် လူတွေက အမြတ်တနိုး ထားလေ့မရှိဘဲ ညှိလို့ရအောင် ဖြတ်ပစ်တတ်ကြတဲ့ သဘောပါ။

ဒီ Syndrome က အခုခေတ်မှ ပေါ်လာတာ မဟုတ်ပါဘူး။ လွန်ခဲ့တဲ့ နှစ်ပေါင်းထောင်ချီကတည်းက ရှိခဲ့တာပါ။

သမိုင်းမှာ အစောဆုံး မှတ်တမ်းကတော့ ဂရိသမိုင်းပညာရှင် Herodotus ရေးခဲ့တဲ့ ဇာတ်လမ်းတစ်ပုဒ်ပါပဲ။

တစ်ခါတုန်းက Thrasybulus ဆိုတဲ့ အုပ်ချုပ်သူတစ်ယောက်ဆီကို တခြားမြို့က အုပ်ချုပ်သူ Periander က သံတမန်တစ်ယောက် လွှတ်လိုက်ပါတယ်။

"တိုင်းပြည်ကို ပြဿနာမရှိအောင်၊ ကိုယ့်အာဏာမြဲအောင် ဘယ်လိုအုပ်ချုပ်ရမလဲ" ဆိုပြီး ပညာလာတောင်းတာပါ။

Thrasybulus က ဘာမှပြန်မပြောဘဲ သံတမန်ကို ဂျုံခင်းထဲ ခေါ်သွားပါတယ်။ ပြီးတော့ ဂျုံပင်တွေထဲမှာ တခြားအပင်တွေထက် ပိုရှည်၊ ပိုထွားနေတဲ့ ဂျုံနှံတွေကို တွေ့သမျှ လိုက်ဖြတ်ပစ်ပါတယ်။

တစ်လုံးမှ မပြောဘဲ အပင်အရှည်တွေကိုပဲ လိုက်နှုတ်ပစ်ပါတာ။ သံတမန်လည်း ဘာလဲဆိုပြီး ကြောင်တောင်တောင်နဲ့ သူ့မြို့ပြန်သွားပြီး သူ့အရှင်သခင်ကို အခြေအနေ တင်ပြတာပေါ့။

Periander က ချက်ချင်း သဘောပေါက်သွားပါတယ်။ "အော်... တိုင်းပြည်မှာ ငါ့ထက်တော်တဲ့သူ၊ လူချစ်လူခင်များတဲ့သူ၊ ထက်မြက်တဲ့သူမှန်သမျှကို ရှင်မထားဘဲ အကုန်သတ်ပစ်ရမှာပဲ" ဆိုတာကို အကွက်မြင်သွားပါတာ။

ရောမသမိုင်းမှာလည်း ဒီလိုပဲ ရှည်ထွက်နေတဲ့ ဘိန်းပန်း Poppy တွေကို ရိုက်ချိုးပစ်ဆိုတဲ့ အသုံးအနှုန်း ရှိခဲ့တယ်။

ဒီသမိုင်းက ဘာကိုပြလဲဆိုတော့ Tall Poppy Syndrome ရဲ့ အဓိက အနှစ်သာရဟာ *ကိုယ့်ထက်သာရင် သတ်ပစ်၊ ဖျက်ဆီးပစ် ဆိုတဲ့ အာဏာရှင်ဆန်ဆန်၊ အတ္တဆန်ဆန် အမှောင်ဖက်ခြမ်း စိတ္တဗေဒကနေ မြစ်ဖျားခံလာတာပဲ ဖြစ်တယ်။

စိတ်ပညာအရ လူတွေ ဘာလို့ ဒီလိုယုတ်ညံ့တဲ့ စိတ်ဓာတ်မျိုး ရှိကြတာလဲလို့မေးခွန်းထုတ်လာကြပါတယ်။

အဲ့ဒီစိတ်ကို စကားလုံး အလှလေးတွေ သုံးပြီး ဖုံးကွယ်ထားလို့ မရပါဘူး။ အရင်းမြစ်က မနာလိုမှု နဲ့ ကိုယ့်ကိုယ်ကိုယ် ယုံကြည်မှု မရှိခြင်းပါပဲ။

ဂျာမန်စကားလုံးတစ်ခုရှိတယ်ဗျ။ Schadenfreude တဲ့။ အဓိပ္ပာယ်က သူတစ်ပါး ပျက်စီးဆုံးရှုံးမှုကို ကြည့်ပြီး ဝမ်းသာပီတိဖြစ်တာပါ။

Tall Poppy Syndrome ရဲ့ မောင်းနှင်အားက အဲဒီ Schadenfreude ပါ။ ကိုယ်က မအောင်မြင်တော့၊ အောင်မြင်နေတဲ့သူကို ကြည့်ပြီး ကိုယ့်ကိုယ်ကိုယ် သိမ်ငယ်လာတယ်။

အဲဒီအခါ အားကျပြီး ကြိုးစားမယ့်အစား အဲဒီလူကို ဆွဲချပစ်လိုက်ရင် ကိုယ်နဲ့ တန်းတူဖြစ်သွားမယ်၊ ကိုယ်လည်း စိတ်သက်သာရာရမယ်ဆိုတဲ့ အောက်တန်းကျတဲ့ ဖြတ်လမ်းနည်းကို သုံးကြတာပါ။

စိတ်ပညာရှင် Abraham Maslow ပြောဖူးတဲ့ Jonah Complex နဲ့လည်း သက်ဆိုင်ပါတယ်။ လူတွေက တခြားသူတွေရဲ့ ကြီးမြတ်မှု၊ အောင်မြင်မှုကို မြင်ရင် ကိုယ့်ရဲ့ သေးသိမ်မှုကို သတိရသွားတတ်ကြလို့ အဲဒီအောင်မြင်မှုကို မုန်းတီးတတ်ကြတာပါ။

ဒါ့အပြင် လူမှုရေးနှိုင်းယှဉ်ခြင်း သီအိုရီ Social Comparison Theory အရ လူတွေက ကိုယ့်အဆင့်အတန်းကို တခြားသူတွေနဲ့ နှိုင်းယှဉ်ပြီး တိုင်းတာလေ့ရှိပါတယ်။

အုပ်စုထဲမှာ တစ်ယောက်ယောက်က အရမ်း ထိုးထွက်သွားရင် ကျန်တဲ့သူတွေက သူတော်လို့ ငါတို့ညံ့သလို ဖြစ်နေပြီ ဆိုတဲ့ ကြောက်စိတ် ဝင်လာပြီး အုပ်စုလိုက် ပေါင်းပြီး အဲဒီလူကို ဝိုင်းကဲ့ရဲ့တာ၊ တိုက်ခိုက်တာတွေ လုပ်လာကြတော့တာပါပဲ။

ဒီ Syndrome သမားတွေက သမိုင်းထဲမှာတင် မဟုတ်ဘဲ အခုခေတ်အထိ လက်တွေ့ဘဝတွေမှာ အကြီးအကျယ် ရှိနေတုန်းပါ။

အထူးသဖြင့် Corporate လောက၊ အနုပညာလောကနဲ့ ဆိုရှယ်မီဒီယာပေါ်မှာ အထင်ရှားဆုံးပါပဲ။

ကုမ္ပဏီတစ်ခုမှာ အရမ်းကြိုးစားပြီး အရည်အချင်းရှိတဲ့ ဝန်ထမ်းအသစ်တစ်ယောက် ရောက်လာတယ် ဆိုပါစို့။ သူက အလုပ်တွေကို မြန်မြန်ပြီးအောင်လုပ်တယ်၊ အိုင်ဒီယာအသစ်တွေ ပေးတယ်။

အထက်လူကြီးက သဘောကျတယ်။ ဒါပေမဲ့ ရလဒ်က ဘာဖြစ်လာလဲ? တခြားလုပ်ဖော်ကိုင်ဖက်တွေက သူ့ကို အားကျမှာ မဟုတ်ပါဘူး။

"သူက ငါတို့ကို အလုပ်မလုပ်သလို ဖြစ်အောင် သက်သက်လုပ်နေတာ၊ လူပေါ်လူဇော်လုပ်တာ" ဆိုပြီး ကွယ်ရာမှာ အတင်းပြော၊ အလုပ်မှာ မပူးပေါင်းဘဲ သပိတ်မှောက်၊ သတင်းအမှားတွေ ဖြန့်ပြီး အလုပ်က ထွက်သွားရအောင်အထိ ဝိုင်းဝန်း နှိပ်ကွပ်တတ်ကြတယ်။ ဒါဟာ ပန်းပွင့်ကြီးကို ခေါင်းဖြတ်ပစ်တာပါပဲ။

ဒီနေ့ခေတ် Facebook တို့၊ TikTok တို့ပေါ်မှာ ကြည့်လိုက်ရင် ပိုသိသာတယ်။ လူတစ်ယောက် အောင်မြင်ခါစမှာ အားလုံးက ဝိုင်းချီးမွမ်းကြပေမယ့် တကယ်လည်း အရမ်းအောင်မြင်ပြီး နေရာတစ်ခု ရသွားရော... တစ်ချက်လေး မှားတာနဲ့ ဝိုင်းအော်ကြတော့တာပါပဲ။

အမှားမရှိရင်တောင် အမှားရှာပြီး "သူက ဘာမို့လို့လဲ၊ အရင်က ဘာကောင်လဲ" ဆိုပြီး အတိတ်ကို တူးဆွ၊ Personal Attack တွေလုပ်ပြီး သိက္ခာချပစ်တန်ကြပါတယ်။

လူထုကြီးက အောင်မြင်နေတဲ့သူတစ်ယောက် ပလ္လင်ပေါ်က ပြုတ်ကျသွားတာကို ကြည့်ပြီး သွေးဆာသလို အားရကျေနပ်နေတတ်ကြတာက Tall Poppy Syndrome ရဲ့ အရုပ်ဆိုးဆုံး အမှောင်ဖက်ခြမ်းပါ။

Tall Poppy Syndrome ရဲ့ အန္တရာယ်ကတော့ လူတစ်ယောက်ချင်းစီကိုတင် ဖျက်ဆီးတာ မဟုတ်ဘူး။လူ့အဖွဲ့အစည်း တစ်ခုလုံးကိုပါ ချောက်ထဲ ဆွဲချတာပါ။

ထူးချွန်သူတွေ ထထောင် ရင် အဖြတ်ခံရမယ်မှန်း သိတော့ ကိုယ့်အရည်အချင်းကို အပြည့်အဝ မထုတ်ပြရဲတော့ပါဘူး။

သူများနဲ့တူတူ နေတာပဲ အန္တရာယ်ကင်းတယ်ဆိုပြီး အလယ်အလတ်အဆင့် မှာတင် ရောင့်ရဲသွားကြပါတယ်။

တီထွင်ဆန်းသစ်မှု ဆိုတာ ပုံစံခွက်ထဲက တိုးထွက် လာတဲ့ ပန်းပွင့်ကြီးတွေဆီကပဲ ရတာပါ။ အဲဒီပန်းတွေကို လိုက်ဖြတ်နေမှတော့ လူ့အဖွဲ့အစည်းက ဘယ်တော့မှ ရှေ့မရောက်တော့ပါဘူး။

အဖြတ်ခံရတဲ့ ပန်းပွင့်ကြီး တွေခမျာမှာတော့ "ငါ တော်နေတာ၊ ကြိုးစားတာ အပြစ်လား" ဆိုပြီး စိတ်ဒဏ်ရာ ရပြီး Depression ဝင်တာ၊ အထီးကျန်တာတွေ ခံစားရတတ်ပါတယ်။

~~~~~~~~~~

အချစ်ရေးတစ်ခုမှာ အကြောင်းအမျိုးမျိုးကြောင့် ကိုယ်ချစ်သူက ရာထူးတိုးတာ၊ လစာပိုရတာ၊ လူမှုပတ်ဝန်းကျင်မှာ နာမည်ကြီးလာတာမျိုးစတဲ့ အရှိန်အဟုန်နဲ့ အောင်မြင်သွားရင် ကျန်ရစ်ခဲ့တဲ့သူက မလုံခြုံမှု တွေ ခံစားလာရပြီး Tall Poppy Syndrome စဖြစ်လာတတ်ပါတယ်။

အောင်မြင်သွားတဲ့သူကို ဝမ်းသာဂုဏ်ယူပေးမယ့်အစား "မင်းက ငါ့ထက်သာသွားတော့ ငါ့ကို အရေးမစိုက်တော့ဘူးမလား" ဆိုပြီး စကားနာထိုးတာမျိုး လုပ်တတ်ကြပါတယ်။

အပြင်လူမှုပတ်ဝန်းကျင်မှာလို ဗြောင်တိုက်ခိုက်တာမျိုး မဟုတ်ဘဲ အချစ်ရေးမှာတော့ ပိုပြီး သိမ်မွေ့တဲ့ ပုံစံနဲ့ လာတတ်ပါတယ်။

အောင်မြင်မှုကို အသိအမှတ်မပြုဘဲ "ဒါက ကံကောင်းလို့ပါ….ဒီလောက်လေးလုပ်တာ ဘာဆန်းလို့လဲ" ဆိုပြီး တန်ဖိုးချပစ်တာမျိုးပေါ့။

အလုပ်မှာ အောင်မြင်နေပေမယ့် "အလုပ်တွေပဲ လုပ်နေပြီး အိမ်မှုကိစ္စ/အချစ်ရေးကို လစ်ဟင်းတယ်" ဆိုပြီး အပြစ်တစ်ခုခုကို ရှာပြီး စိတ်ဒုက္ခပေးတာမျိုး လဲလုပ်တတ်ပါတယ်။

နောက်ဆုံးမှာတော့ ပန်းပွင့်ကြီးကိုယ်တိုင်က ခေါင်းငုံ့ တိတ်ဆိတ်စွာနေလိုက်ရပါတယ်။

ချစ်သူရဲ့ မနာလိုစိတ်၊ စိတ်ဆိုးစိတ်ကောက်မှုတွေကို မရင်ဆိုင်ချင်တာကြောင့် အောင်မြင်နေတဲ့သူ ကိုယ်တိုင်က သူ့ရဲ့ အရည်အချင်းတွေကို လျှော့ချပစ်တာ၊ အခွင့်အရေးကောင်းတွေကို လက်လွှတ်ပစ်တာမျိုး လုပ်မိတတ်ပါတယ်။

ကိုယ့်ချစ်သူ စိတ်အဆင်ပြေဖို့အတွက် ကိုယ့်ရဲ့ အိပ်မက်တွေ၊ အောင်မြင်မှုတွေကို ကိုယ့်လက်နဲ့ကိုယ် ဖြတ်တောက်လိုက်ရတဲ့ သဘောပါ။

အချစ်ရေးတစ်ခုမှာ အောင်မြင်မှုဟာ ပြိုင်ပွဲတစ်ခု မဟုတ်ပါဘူး။ တစ်ယောက်အောင်မြင်ရင် နှစ်ယောက်လုံး အောင်မြင်တာ ဆိုတဲ့ Teamwork Mindset ရှိဖို့ လိုအပ်ပါတယ်။

အချစ်ရေးတစ်ခုမှာ The Tall Poppy Syndrome ရှိနေပြီဆိုရင် အဲဒီအချစ်ရေးဟာ Healthy Relationship မဟုတ်တော့ဘဲ Toxic ဖြစ်လာနေပါပြီ။

ချစ်သူအစစ်အမှန်ဆိုတာ ကိုယ့်ကို မြေတောင်မြှောက်ပေးပြီး ပိုလို့တောင် ရှည်လျားထင်ရှားတဲ့ ပန်းပွင့်ကြီးဖြစ်အောင် ကူညီပေးရမှာ ဖြစ်ပါတယ်ခင်ဗျာ။

ပြောရရင်တော့ Tall Poppy Syndrome ဆိုတာ ကျွန်တော်တို့ အားလုံးရဲ့ ရင်ထဲမှာ ကိန်းအောင်းနေတဲ့ အမှောင်ဉာဉ်တစ်ခုပဲဗျ။

သူတစ်ပါး အောင်မြင်မှုကို မြင်တဲ့အခါ ရင်ထဲမှာ လှိုက်ခနဲ မနာလိုဖြစ်သွားတာ၊ သူတို့ လဲကျသွားတဲ့အခါ ခပ်ပြုံးပြုံး ဖြစ်သွားတာမျိုးက လူတိုင်းမှာ အနည်းနဲ့အများ ရှိတတ်ကြပါတယ်။

အရေးကြီးတာက အဲဒီအမှောင်စိတ်ကို သိစိတ်နဲ့ ထိန်းချုပ်နိုင်ဖို့ပါပဲ။ မဟုတ်ရင်တော့ ကျွန်တော်တို့ဟာ သူတစ်ပါးရဲ့ အောင်မြင်မှုကို မနာလိုလို့ လိုက်ဖျက်ဆီးရင်း ကိုယ်တိုင်လည်း ဘာမှဖြစ်မလာတဲ့ ဥယျာဉ်စောင့် အကြမ်းဖက်သမားတွေ ဖြစ်သွားပါလိမ့်မယ်ဗျာ။

The Prince Bookshop
Telegram Channel :

https://t.me/theprincebookshop