02/06/2026
ZANZIBAR – Kampuni ya United Petroleum imeingiza kwa mara ya kwanza meli kubwa ya mafuta kutoka Saudi Arabia yenye ujazo wa tani 28,000, sawa na lita milioni 28, bandarini Zanzibar.
Akizungumza wakati wa zoezi la kushusha shehena hiyo, Mkuu wa Masoko na Mauzo wa United Petroleum, Bw. Moses Mjema, alisema hatua hiyo ni sehemu ya mkakati wa kuhakikisha upatikanaji wa uhakika wa nishati visiwani humo na kupunguza changamoto ya uhaba wa mafuta.
"Ujio wa meli hii ni historia kwa Zanzibar. Tani 28,000 ni kiwango kikubwa kitakachosaidia kuleta utulivu wa bei na uhakika wa upatikanaji wa mafuta kwa muda mrefu," alisema Bw. Mjema.
Shehena hiyo inatarajiwa kuimarisha sekta ya usafiri, utalii na uchumi wa buluu Zanzibar.
